ཚྭ་རུ་མ་ཐབས་མཁས་ཀྱིས། ༼ཨོ་སི་ཁྲུའུ་ལེ་ཡ།༽
ན་མོ་གུ་རུ་ཨཱརྱ་ལོ་ཀེ་ཤྭ་རཱ་ཡ
ཕ་ཁྱེད་ཀྱི་སྐུ་དང་བདག་གི་ལུས།།
ཕ་ཁྱེད་ཀྱི་གསུང་དང་བདག་གི་ངག།
ཕ་ཁྱེད་ཀྱི་ཐུགས་དང་བདག་གི་ཡིད།།
དོན་དབྱེར་མེད་འདྲེས་པར་བྱིན་གྱིས་རློབས།།
བདག་བདེ་ལེགས་སུ་འདོད་པ་ཀུན་གྱིས་དད་པ་དང་མོས་གུས་ཀྱིས་རང་ཅག་གངས་ཅན་པ་ཡོངས་ཀྱི་དཔལ་ལྡན་རྩ་བའི་བླ་མ་མེ་ཏོག་གང་ལ་ཕོག་པའི་ལྷ་སྐལ་ྋགོང་ས་སྐྱབས་མགོན་རྒྱལ་བའི་དབང་པོ་ལ་བཅོས་མིན་སེམས་ཀྱི་གཏིང་ནས་ཡིད་ཆེས་ཀྱི་དད་པ་སྐད་ཅིག་མ་རེ་སེམས་ལ་འབྱུང་ཕྱིར་སྒོ་ཀུན་ནས་ྋཁོང་དང་ཁོང་གི་སྐུ་གསུང་ཐུགས་ཀྱི་ཡོན་ཏན་རྒྱ་མཚོ་ཡང་ནས་ཡང་དུ་བསམ་ཞིང་དྲན་པར་བྱ་དགོས་པ་ཡིན། དེ་ཡང་རྗེ་ཙོང་ཁ་པས། མཛད་པ་ཀུན་ལས་གསུང་གི་ནི།།མཛད་པ་མཆོག་ཡིན་དེ་ཡང་ནི།།དེ་ཉིད་ཡིན་ཕྱིར་མཁས་པ་ཡིས།།འདི་ལས་སངས་རྒྱས་རྗེས་དྲན་བྱོས།།ཞེས་པ་ལྟར་ང་ཚོས་ྋགོང་ས་མཆོག་ལ་དད་གུས་ངང་གསོལ་བ་འདེབས་བཞིན་ྋཁོང་གི་གསུང་ཆོས་དག་ལ་དོ་གལ་ཆེན་པོ་མི་བྱེད་པ་ནི་ང་ཚོ་བོད་པའི་ཆེས་ཞན་ཆ་ཆེ་ཤོས་ཤིག་རེད།
སྟོན་ཆར་རུ་འགྱུར་བཞིན་པའི་སྦྲང་ཆར།
ཅོག་རོང་གི་མྱི།
བབས་ཀྱང་རུང་མ་བབས་ཀྱང་རུང་། འབེབས་པ་ལས་མ་བབས་ན་དགའ་བའི་སྦྲང་ཆར་དུས་དེབ་ལ།
སྤྱིར་སྦྲང་ཆར་འགོ་བཙུགས་ནས་ལོ་འཁོར་སུམ་ཅུ་འགོར་བ་ནི་སྐྱོ་འོས་པའི་གནས་ཤིག་ཡིན་པ་མ་གཏོགས་དགའ་མོས་བྱེད་དོན་སྤུ་ཙམ་མེད་ལ་དོ་སྣང་བྱེད་དོན་ཡང་ཁྱོན་ནས་མེད། ཉེ་སྔོན་དྲ་ཐོག་ནས་སྦྲང་ཆར་ལ་རྟེན་འབྲེལ་དང་བསྟོད་པ་དང་རང་བསྟོད་རྒྱ་ཆེན་བྱེད་པ་དེ་མཐོང་ནས་གང་དང་གང་ལ་ནམ་རྒྱུན་རྗེས་སུ་ཡི་རང་བྱེད་ཐུབ་ཐུབ་ཀྱི་རང་བཞིན་ལྡན་པའི་བདག་གིས་རྗེས་སུ་ཡི་མི་རང་བའི་ཚིག་ག་གཅིག་གཉིས་ཙམ་བཤད་འདོད་བྱུང་། སྦྲང་ཆར་ནི་རྒྱུགས་ཁྱི་ཡིན།
རྡོར་གདན་གྱི་༧གོང་ས་མཆོག་གི་མཛད་འཆར།
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༡༡ ཟླ་ ༡༢ ཚེས་ ༣༡ ཉིན་གནས་མཆོག་རྡོ་རྗེ་གདན་དུ་༸ཞབས་སོར་འཁོད་རྗེས་ཕྱི་ལོ་ ༡༠༡༢ ཟླ་ ༡ ཚེས་ ༡ ཉིན་རྒྱབ་ཆུ་ཚོད་ ༡ པོ་ནས་…
ཤད་ཀྱི་འཕྲོས་གླེང་སྐྲ་འཛིངས་བཤད་བྱེད་འབྲོང་ལྕེ་སྐམ་པོ་ཞེས་བྱ་བ་བཞུགས་སོ།
ཤད་ནི་དྲང་པོའི་དོན་ཡིན་པ།།
མ་རྟོགས་བློ་གྲོས་འཛིངས་པའི་སྐྲ།།
བཤད་བྱེད་འབྲོང་ལྕེ་སྐམ་པོ་འདི།།
གནམ་ལོ་གསར་པའི་ལག་རྟགས་ཡིན།།
དེརིང་འདིར། ཁ་ཤས་ཤིག་ནས་ཁ་སང་དེ་རིང་དགོངས་ཚུལ་རྗོད་བཞིན་པའི་ཤད་ཀྱི་སྐོར་ལ་ཅིག་བཤད་འདོད་སྐྱེས་བྱུང་། སྔོན་ཙམ་ནས་བོད་ཡིག་ནང་བཀོལ་ཡོང་བའི་གུག་རྟགས་()དང་། བརསྐབས་ཤིག་ནས་འགའ་རེས་བོད་ཡིག་ནང་བཀོལ་བཞིན་པའི་བོད་ཀྱི་རི་མོ་སྒོ་ཁྱིམ་༼༽ གཉིས་ཀྱི་མིང་གདགས་སྟངས་ལ་དགོངས་ཚུལ་མི་འདྲ་བ་ཁ་ཤས་ཤིག་གསུངས་ཡོང་གི་འདུག ཁུག་ཤད་ཟེར་མཁན། གུག་ཤད་ཟེར་མཁན། གུག་རྟགས་ཟེར་མཁན་འདྲ་མིན་ཞིག་འདུག ངས་འདིར་མིང་གང་ཞིག་བཏགས་ན་བཟང་མིན་སྐོར་བཤད་རྒྱུ་མིན། མིང་གང་ཞིག་གཏན་མ་ཁེལ་སྔོན་ལ་མིང་དེའི་དོན་དག་ཅི་ཡིན་ཤེས་དགོས་པ་དེ་གལ་ཆེ་བར་མཐོང་། དེས་ན་འདིར་དང་པོར་ཤད་ཟེར་བ་འདིའི་དོན་ཤེས་དགོས་རྒྱུ་དེ་གལ་ཆེ་བར་མཐོང་བས་ཤད་ཀྱི་སྐོར་ལ་འཕྲོས་བཤད་ཅུང་བྱེད་འདོད་སྐྱེས་བྱུང་། ཤད་ཟེར་ན་ག་རེ་རེད། ཆིག་ཤད ། ཉིས་ཤད །། སྦྲུལ་ཤད།(མཐེབ་གཞོང་ནས་མ་རྙེད) རིན་ཆེན་སྤུངས་ཤད་(མ་རྙེད)སོགས་ལ་ཤད་ཟེར་བ་ལས་ཚེག་དང་དབུ་ཁྱུད་ལ་ཤད་མི་ཟེར་བའི་རྒྱུ་མཚན་ཅི་རེད། ཤད་ཟེར་བ་ནི། གོང་གསལ་གྱི་རྟགས་འདི་དག་ལ་་འདོད་རྒྱལ་དུ་བཏགས་པའི་མིང་ཙམ་རེད་དམ། ཡང་ན་རྗེས་གྲུབ་ཀྱི་མིང་ཞིག་རེད།
དེ་ལས་མང་བ་། “ཤད་ཀྱི་འཕྲོས་གླེང་སྐྲ་འཛིངས་བཤད་བྱེད་འབྲོང་ལྕེ་སྐམ་པོ་ཞེས་བྱ་བ་བཞུགས་སོ།” »
བོད་ཡིག་སྲུང་སྐྱོབ་བྱིད་རྒྱུ་ནི་ང་རང་ཚོ་བོད་རིགས་གཞོན་ནུའི་འོས་འགན་རེད།
ཡོན་ཏན་རྒྱ་མཚོ། བོད་འབྱོར།
༄༅། །ཀུན་དང་མཐུན་པ་རྩ་བ་ཡིན་མོད་ཀྱང་།
མཐོང་ཚད་ལད་མོ་བྱས་ན་ཀླད་མེད་ཡིན།
སྐད་རིགས་སྣ་ཚོགས་ཤེས་ན་བཟང་མོད་ཀྱང་།
རང་གི་ཕ་སྐད་བརྗེད་ན་ངོ་ཚ་ཡིན།
དེང་ སྐབས་རང་ཉིད་དང་གྲོགས་པོ་ཚོ་མཉམ་དུ་བསྐྱོད་སྐབས་ངས་བོད་སྐད་དེ་གཙང་མ་ཞིག་ བརྗོད་བསམ་ནས་ཡུན་རིང་སོང་། ཡིན་ན་ཡང་ཇི་ལྟར་བྱས་ན་ཡང་ཤིན་ཏུ་ནས་དཀའ་བར་མངོན།གང་ལགས་ཞེ་ན་ད་ནི་ཕ་སྐད་ དེ་ནམ་རྒྱུན་འཚོ་བའི་ནང་དུ་བེད་སྤྱོད་བྱེད་རྒྱུ་ཉུང་རང་དྲགས་པས་བརྗེད་པར་ གྱུར་ནས་རང་ཉིད་ངོ་ཚ་པོ་རང་ཞིག་གི་འཚོར་སྣང་འདུག། ངས་བོད་སྐད་བཤད་པའི་སྐབས་སུ་བོད་ཡིག་གི་ཐ་སྙད་མང་པོ་ཞིག་དྲན་གསོ་མ་ཐུབ་པར་ རྒྱ་སྐད་ཀྱི་ཐ་སྙད་དེ་རང་བཞིན་དུ་ཁ་ནས་ཟག་ཡོང་གི་འདུག།
དེ་ལས་མང་བ་། “བོད་ཡིག་སྲུང་སྐྱོབ་བྱིད་རྒྱུ་ནི་ང་རང་ཚོ་བོད་རིགས་གཞོན་ནུའི་འོས་འགན་རེད།” »
མཆོད་མེ་གཟིམ་གི་འདུག
ཨ་རིག་འགྱུར་མེད།
ཁྱེད་ཚོས་འདྲ་པར་འདིའི་སྟེང་ན་མཆོད་ཀོང་འགའི་ནང་དུ་མར་ཁུ་ཡོད་ཀྱང་སྡོང་རས་མེད་པའི་མཆོད་མེ་ཁག་ཅིག་གཟིགས་ཐུབ་ལ། དེའི་རྒྱུ་རྐྱེན་གཤམ་གྱི་སྒྲུང་དེ་བཀླག་རྗེས་ལེགས་པར་རྟོགས་ཐུབ། ཟླ་འདིའི་ཕྱི་ཚེས་ ༢༨ ཉིན་གྱི་ཕྱི་དྲོར་ང་དང་གྲོགས་པོ་ཞིག་གནས་མཆོག་རྡོ་རྗེ་གདན་གྱི་མཆོད་རྟེན་ལ་བསྐོར་བ་བྱེད་དུ་སོང་། ངེད་གཉིས་ཀྱིས་མཆོད་རྟེན་ཆེན་མོའི་ནང་བསྐོར་ནས་བསྐོར་བ་བྱེད་ཀྱིན་ཡོད་ལ། ར་བའི་ཕྱི་ལོགས་སུ་རྒྱ་གར་ཡུལ་མི་མང་བོས་འཚང་ཁ་ཤིག་ཤིག་གིས་ “མཆོད་མེ་སྤར་རོགས། མཆེད་མེ་སྤར་རོགས།” ཅེས་སྒྲག་དག་ལ་མི་དག་པའི་ངང་འདྲི་གི་འདུག་ལ། རིན་གོང་ཡང་འདྲ་མིན་སྣ་ཚོགས་ཤིག་བཤད་ཡོང་གི་འདུག
རྒྱང་ནས་སྐད་ཅིག་སྐུར་ཡོད།
བོད། ལྷ་ཀླུ་གཉན་གསུམ།
ངས་ལོ་ངོ་གཉིས་ལྷག་གི་རིང་དུ་དཀའ་སྤྱད་སྡུག་རུས་ཀྱི་འབད་འབུངས་ཁྲོད་དུ། མི་སྡེ་ཞིག་གི་སྤྱི་ཚོགས་ཁྲོད་ནས་སྤྱིར་བཏང་གི་གྲྭ་བ་ཞིག་གྲྭ་ས་དང་གྱེས་རྗེས་ཀྱི་སྔ་གཞུག་གི་འགྲོ་འདུག་བསྡོད་གསུམ་དང་བསམ་བློ་གཏོང་ཕྱོགས། འཚོ་བའི་ཟ་ཟུར་གྱི་འགྲུལ་བསྐྱོད་གཞིར་བཞག་གིས་དེབ་གཅིག་བྲིས་པ་ཡིན། དེབ་ཀྱི་མིང་ལ་སྦྱིན་བདག་མི་དགོས། གྲྭ་བ་མི་བྱེད་ཅེས་བཏགས་ནས་འགྲོ་སོང་དང་ལས་ཚེགས་སོགས་ལ་མ་འཛེམས་པར་ད་ལྟའི་འཆར་ལེགས་འགྲུབ་བྱུང་ནས། ངའི་ཕ་མ་གཉིས་དང་ནུ་མོ་གསུམ་ནས་རྡོར་གདན་གྱི་དུས་དབང་གནང་སའི་ཁོར་ཡུག་ཞིག་ན་བཙོང་གི་ཡོད། དེབ་རེར་ཧིན་སྒོར་ཉིས་བརྒྱ་དང་སློབ་མ་དང་གྲྭ་བ་སོགས་ལ་དེ་རིང་ནས་བཟུང་། ཧིན་སྒོར་བརྒྱ་དང་ལྔ་བཅུ་བྱས་ནས་བཙོང་ན་འགྲིག་གི་ཡོད་པའི་སྐོར། ཁ་པར་གྱི་ལམ་ནས་དྲིན་ཆེན་ཕ་མ་གཉིས་ལ་ཞུས་པ་ཡིན།
མཁས་ཅན་གསུམ་གྱིས་རྒྱ་ནག་གི་མི་རིགས་སྲིད་ཇུས་ཇེ་ལེགས་སུ་གཏོང་ཐུབ་ཟེར།
སྐར་ཁུང་རྩོམ་སྒྱུར་ཚོགས་ཆུང་གིས།
མ་ཡིག་ལ་གཟིགས་ན་འདི་རུ་བསྣུན།
རྒྱ་ནག་མཁས་ཅན་མི་སྣ་གསུམ་གྱིས་རྒྱ་ནག་གི་ད་ལྟའི་མི་རིགས་སྲིད་ཇུས་ཐད་བགྲོ་གླེང་བྱས་པ་དང་། མཁས་ཅན་ལ་ལའི་ལྟ་ཚུལ་ལ། ང་ཚོའི་མི་རིགས་སྲིད་ཇུས་ཀྱི་དམིགས་ཡུལ་ནི་ནུབ་བྱང་དང་བྱང་ལྷོ་ས་གནས་དེ་དག་མཚོ་རྒྱུད་དང་ཤར་ཕྱོགས་ས་གནས་དང་གཅིག་མཚུངས་བྱེད་རྒྱུ་དེ་རེད། དེ་ཡང་ཚན་རིག་གི་གཏན་ཚིག་ལ་ངེས་ཤེས་ཟབ་ཡོད་ཐོག། ད་གཟོད་རྒྱ་ནག་གི་མི་རིགས་སྲིད་ཇུས་དང་གྲུབ་མཐའ་ལ་ཕྱི་འདང་རྒྱག་ཐུབ་ཀྱི་ཡོད་ཅེས་བཤད་ཡོད། རྒྱ་ནག་དམག་ཕྱོགས་གསར་ལམ་(མི་དམངས་ཉིན་རེའི་ཚགས་ཤོག)གི་དར་ཆ་འོག་(རྒྱལ་ཁམས་དུས་བབ)འདོན་ཐེངས་༢༡་སྟེང་(མཁས་ཅན་གསུམ་གྱིས་རྒྱ་ནག་གི་མི་རིགས་སྲིད་ཇུས་ཇེ་ལེགས་སུ་གཏོང་ཐུབ)ཞེས་པའི་རྩོམ་ཡིག་ཅིག་སྤེལ་ཡོད་པར་གཤམས་གསལ།
མི་རིགས་སྲིད་ཇུས་ལ་ལྟ་སྟངས་ཇི་ལྟར་འཛིན་ཚུལ།
ཧྲེན་ཙི་ཕིན(ཤིན་ཅད་སློབ་གྲྭ་ཆེན་མོ། “གནམ་རིའི་སློབ་གཉེར་བ”གྱི་མཚན་གནས་སློབ་དཔོན)ཁོང་གིས་བརྗོད་ཚུལ་ལ། མི་རིགས་སྲིད་ཇུས་ཞེས་པ་འདི་ནི་ཚོར་བ་རྐྱེན་པོ་སྤྲོད་ཐུབ་པ་དང་ཆེས་དོན་སྙིང་ལྡན་པའི་གནད་དོན་ཞིག་ཡིན་ལ། དེ་ཡང་ང་ཚོའི་མི་རིགས་སྲིད་ཇུས་འདི་ནི་མི་རིགས་འདྲ་མཉམ་གྱི་རྨང་གཞིའི་ཐོག་སྲ་བརྟན་བཙུགས་པ་ཞིག་ཡིན་དུས། ད་བར་གྲངས་ཉུང་མི་རིགས་ལ་གཟིགས་སྐྱོང་དང་ལྟ་རྟོག་གཙོ་གཉེར་གྱིས་ལག་བསྟར་བྱས་པའི་སྲིད་ཇུས་དེ་ཡིན། གནས་དོན་འདིའི་ཐད་ད་ཆར་གླེང་སློང་འདྲ་མིན་ཡོད་ནའང་། ངས་བསམ་པར། སྔོན་དུས། མ་མཐའ་ཡང་བཅིངས་གྲོལ་བཏང་རྗེས་ཀྱི་དུས་ཡུན་རིང་པོའི་ནང་། སྒྲིག་སྲོལ་འཆར་འགོད་འདི་ནི་ངེས་ཅན་ཏུ་སྣང་། མ་ཚད་ཕན་ཡོན་ཡང་ཆེན་པོ་བྱུང་ཡོད། གལ་སྲིད་སྒྲིག་སྲོལ་འཆར་འགོད་འདི་ཉིད་མེད་སོང་ན།
དེ་ལས་མང་བ་། “མཁས་ཅན་གསུམ་གྱིས་རྒྱ་ནག་གི་མི་རིགས་སྲིད་ཇུས་ཇེ་ལེགས་སུ་གཏོང་ཐུབ་ཟེར།” »
བོད་ཀྱི་གློག་རྡུལ་དྲྭ་དེབ།
ནང་ཆེན་བཀྲ་ཤིས་ནས།
རང་རིགས་ཀྱི་ཆོས་དང་རིག་གཞུང་སྐད་དང་ཡིག་གེ་ལ་མོས་པ་སྤྲོ་བའི་གངས་ཅན་པའི་སྙན་ལམ་དུ།
འདས་པའི་ལོ་རྒྱུས་ལ་གཞིགས་ན་ཁ་བ་རི་པའི་རླུང་རྟ་ཤར་གླིང་ལ་དཔའ་མཛངས་ཀྱིས་ཁྱབ་ནས་ཆོས་སྲིད་གང་ཐད་ནས་གཟི་བརྗིད་དང་སྤོབས་པ་བྱེད་རིན་དུ་ལོ་རྒྱུས་ལས་གསལ་ཀྱང་དེ་ནི་འདས་པའི་ལོ་རྒྱུས་ཞིག་ཡིན། ད་ལྟ་དུས་རབས་ཉེར་གཅིག་པར་བལྟས་ན་མི་རིགས་གཅིག་དང་རིག་གཞུང་ཞིག་འཛམ་གླིང་འདིར་འཚོ་གནས་ཐུབ་མིན་ཁ་ཚོན་ཆོད་དཀའ་བའི་ཐེ་ཚོམ་གྱི་གནས་སུ་གནས་སུ་གྱུར་ཡོད། དེའི་ཕྱིར་བོད་མི་ཆེ་ཕྲ་ཀུན་གྱིས་རང་རེས་སྐད་དང་རིག་གཞུང་འདི་མི་ནུབ་པར་དར་རྒྱས་སུ་སྤེལ་བ་ནི་མ་བསྒོས་པའི་འོས་འགན་སུ་མཐོང་། གོང་ས་རྒྱལ་བ་རིན་པོ་ཆེ་མཆོག་ནས་བོད་ཀྱི་ཆོས་སྲིད་དང་རིག་གཞུང་ནི་བོད་མི་རེ་ངོ་རེ་ལ་ལས་འགན་ཡོད་པའི་བཀའ་སློབ་ཕེབས་ཡོད།
ལྷག་དཀར། ༢༠༠༨རྗེས་བོད་ནང་དར་བའི་མི་བསྟུན་པའི་ལས་འགུལ་ཞིག
བོད་རང་བཙན་སློབ་ཕྲུག་ཚོགས་པ།
༢༠༠༨ལོའི་སྒེར་ལངས་ཆེན་པོ་ནས་བཟུང་བོད་ཀྱི་ས་ཁུལ་མང་པོའི་ནང་ལས་འགུལ་གྱི་ངོ་བོ་ལ་འགྱུར་བ་ཞིག་ཕྱིན་ཡོད། དེ་ནི་སྔོན་མ་ཡིན་ན་ཆབ་སྲིད་ལས་འགུལ་གྱི་ངོ་བོ་ གཙོ་བོ་ནི་སྐད་འབོད་དང་ཁྲོམ་བསྐོར་ཡིན། འོན་ཀྱང་ད་ཆ་བོད་མི་ཚོས་འཐབ་རྩོད་བྱེད་སྐབས་སྐད་འབོད་ཙམ་མ་ཟད་མཉམ་འབྲེལ་སྤོང་བའི་ཐབས་ལམ་དང་མི་བསྟུན་པའི་ཐབས་ལམ་སོགས་སྣ་ཚོགས་བེད་སྤྱོད་བྱེད་བཞིན་འདུག ༢༠༠༨ལོའི་སྒེར་ལངས་རྗེས་སུ་བོད་མི་མང་པོས་རྒྱ་གཞུང་དང་། དེ་བཞིན་རྒྱ་མིའི་སྒྲིག་འཛུགས་སོགས་པ་དང་མཉམ་འབྲེལ་སྤངས་བ་དང་རྒྱ་མི་དང་ཚོང་འབྲེལ་ཡང་སྤངས། རང་གི་ཉིན་རེའི་འཚོ་བའི་ནང་བྱ་སྤྱོད་ལ་འགྱུར་བ་བཏང་བ་སྟེ།
དེ་ལས་མང་བ་། “ལྷག་དཀར། ༢༠༠༨རྗེས་བོད་ནང་དར་བའི་མི་བསྟུན་པའི་ལས་འགུལ་ཞིག” »
རྒྱ་ནག་གིས་དབང་བསྒྱུར་དང་བོད་ཀྱི་གནས་བབ།
ཏྲེ་ཧོར་ཐུབ་བསྟན།
རྒྱ་གཞུང་གིས་བོད་དུ་ལག་སྟར་བྱེད་པའི་དྲག་པོའི་སྲིད་ཇུས་འོག་བོད་རིགས་རྣམས་ཀྱིས་བརྙས་བཅོས་མྱོང་བཞིན་པའི་སྐོར་རྒྱ་རིགས་འགའ་དང་མཉམ་དུ་དྲ་ལམ་བརྒྱུད་གླེང་མོལ་བྱེད་སྐབས།ཁོང་ཚོར་ཐུན་མོང་གི་ལྟ་ཚུལ་ཞིག་མཆིས་པ་ནི་“ང་ཚོའི་གནས་སྟངས་ཀྱང་ཁྱོད་ཚོ་དང་གཅིག་མཚུངས་རེད། “རིག་གནས་གསར་བརྗེ་ཆེན་མོའི”གོད་ཆག་ཁྱོད་ཚོའི་མགོ་ཐོག་ཏུ་ལྷུང་མྱོང་བ་མ་ཟད།ང་ཚོའང་དེ་ལས་གཡོལ་ཐུབ་མེད།ད་ལྟ་བོད་རིགས་མང་དག་ཅིག་འཇུ་བཟུང་དང་བཙོན་འཇུག་བྱེད་བཞིན་ཡོད་ཀྱང་།ང་ཚོའི་དམངས་གཙོ་དོན་གཉེར་བ་དང་སྲིད་གཞུང་དང་ལྟ་བ་མི་མཐུན་པ་ཚོའི་གནས་བབ་ཀྱང་ཤེས་གསལ་རེད་”ཟེར།ཕྱོགས་གཅིག་གི་གནས་བབ་ལ་བསམ་ན་ལྟ་ཚུལ་འདི་བདེན་མོད།འོན་ཀྱང་།གནད་དོན་དེ་ཙམ་ཀྱིས་ཁ་ཚོན་གཅོད་དེ་བཤད་ཐུབ་པ་ཞིག་མིན་པ་དང་།ང་ཚོའི་ད་དུང་གཏན་ནས་མཐོང་ཐུབ་མེད་པའམ་དོ་སྣང་དེ་ཙམ་མེད་པའི་ཕྱོགས་གཞན་ཞིག་གི་ངོས་ནི་མི་སེར་སྤེལ་ཡུལ་དང་དབང་བསྒྱུར་མི་རིགས་གཉིས་ཀྱི་མི་འདྲ་ས་དེ་རེད།
བློ་ཁ་ཁེངས་པའི་ཉིན་ཐོ་ཞིག
རྫ་ཚེ་རིང་བཀྲ་ཤིས་ཀྱིས་འོས་སྦྱོར་བྱས།
༼འདི་ནི་བྱེས་ཀྱི་དཔལ་སྤུང་ཤེས་རབ་གླིང་གི་བཤད་གྲྭའི་མཁན་ཆེན་ལས་ཐོག་པ་དང་། རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་འགན་འཛིན་ཏེ། ཕྲན་གྱི་བཀུར་འོས་ལས་རོགས་མཁན་པོ་ཚུལ་རྣམ་མཆོག་གིས་དངོས་ཡོད་ཅི་བཞིན་ཡི་གེར་ཕབ་པའི་རྩོམ་བྲིས་ཤིག་ལགས་ཤིང་། ཁོང་ཉིད་ཀྱིས་ཕྲན་ལ་གློག་ཕྲིན་བརྒྱུད་ཉིད་ཀྱི་ཕྱག་བྲིས་ཉིན་ཐོ་འདི་བཞིན་བཏང་གནང་བ་ཞིབ་ཏུ་བཀླགས་རྗེས་ཁོང་ལ་དྲ་ལམ་ཁག་ཏུ་བརྒྱུད་འགོད་ཆོག་མིན་གྱི་བཀའ་གནང་ཞུས་རྗེས་འདྲེན་བཀོད་བྱས་པ་ཡིན༽
དེ་རིང་ནི་ཇི་འདྲའི་དུས་བཟང་ཞིག་སྟེ་ངས་སྐད་ཆ་དེ་ཐོས་མ་ཐག་ང་ལ་སེམས་གཏིང་ནས་སྤྲོ་བ་འཕེལ་ཞིང་བརྗོད་དཀའ་བའི་སེམས་ཚོར་ཞིག་བྱུང་། དེ་དང་མཉམ་དུ་དགོད་བྲོ་བའི་གཏམ་འགའ་ཡང་ཐོས་པས་དགོད་བཞིན་དགོད་བཞིན་མུ་མཐུད་ཉན། དེ་ནི་ངས་གློག་འཕྲིན་ཁ་པར་བརྒྱུད་གོ་བའི་སྐད་ཆ་ཞིག་རེད། དེ་ཡང་ང་ཡི་ཕ་ཡུལ་བོད་གངས་ཅན་ཞེས་དྭངས་ཤིང་བསིལ་ལ་རང་བྱུང་གི་མཁའ་རླུང་དྲི་བཟང་འཐུལ་འཐུལ་དང་འགྲོགས་ནས་ཕྱོགས་ཀུན་དུ་རྒྱུ། ཡངས་པའི་རྩྭ་ཐང་སྟེང་སྦྲ་གུར་དང་ནོར་ལུག་གིས་གང་ཞིང་གནམ་སྔོན་ས་ལ་ལྷུང་པ་དང་འདྲ་བའི་སྤང་ལྗོངས་དང་ཁྲ་ཆེམ་ཆེམ་ཀྱི་མེ་ཏོག་སྣ་ཚོགས་པ་བཟོ་བོ་མཁས་པས་རི་མོ་བྲིས་པ་བཞིན་མཛེས།
སྨོན་ལམ་ཚིག་མཛོད་Android མ་ལག་ནང་དངAndroid Samsung Mobileམ་ལག་ནང་ལེགས་འགྲུབ་བྱུང་བ།
བློ་བཟང་སྨོན་ལམ་གྱིས་གུས་འདུད་བཅས།
བཀྲ་ཤིས་བདེ་ལེགས།
རྒྱ་ཆེ་བའི་བོད་ཀྱི་སྐད་ཡིག་ལ་དུང་བ་ཡོད་པའི་སྐྱེ་བོ་ཀུན་གྱི་སྙན་ལམ་དུ། སྤྱི་ལོ་ ༢༠༡༢ ཤར་ལ་ཉེ་བའི་མཚམས་འདིར་སྨོན་ལམ་ཚིག་མཛོད་Android ལག་འཁྱེར་ཁ་པར་མ་ལག་ནང་ལེགས་འགྲུབ་བྱུང་སྟེ་Android Market བརྒྱུད་ནས་རིན་མེད་དུ་ལེགས་སྐྱེས་ཤིག་གི་ཚབ་ཏུ་འགྲེམས་སྤེལ་ཞུས་ཡོད། ཚིག་མཛོད་འདི་ནི་དེ་སྔོན་Windows ནང་བཀྲམ་པའི་ཚིག་མཛོད་དང་གཅིག་མཚུངས་ཡིན་པ་མ་ཟད་Android ལག་འཁྱེར་ཁ་པར་མང་ཆེ་བར་བཀོལ་ཐུབ། ཁྱེད་ཀྱིས་Android Market རྒྱུད་ནས་ཕབ་ལེན་བྱ་ཐུབ།
༡ ཕབ་ལེན་བྱ་ཚུལ།
གཤམ་གསལ་ལྟར་མཉེན་ཆས་རིམ་པ་གསུམ་ཕབ་ལེན་བྱ་དགོས།
༡ དང་པོར་ཡིག་གཟུགས་ཕབ་ལེན། (ཡིག་གཟུགས་འདི་ནི་Samsung Mobile ཆེད་དུ་ཡིན།)
༢ གཉིས་པ་མཛུབ་གནོན་ཕབ་ལེན།
༣ གསུམ་པ་ཚིག་མཛོད་ཕབ་ལེན་བཅས་རིམ་བཞིན་ཕབ་ལེན་བྱ་དགོས།
དང་པོ། མཉེན་ཆས་ཕབ་ལེན་བྱེད་སྟངས་ཀྱི་དཔེ་རིས།
དེ་ལས་མང་བ་། “སྨོན་ལམ་ཚིག་མཛོད་Android མ་ལག་ནང་དངAndroid Samsung Mobileམ་ལག་ནང་ལེགས་འགྲུབ་བྱུང་བ།” »
ཚུལ་ཁྲིམས་བློ་གྲོས་དང་《དུས་ཐོག་ཆར་པ》
རྫ་ཚེ་རིང་བཀྲ་ཤིས།
《དུས་ཐོག་ཆར་པ》ཞེས་པའི་དེབ་འདི་ནི་མཁན་ཆེན་ཚུལ་ཁྲིམས་བློ་གྲོས་ཀྱིས་སྔ་ཕྱིར་བསྩལ་པའི་དགོན་པའི་སློབ་གསོའི་ལེགས་བཅོས་ཀྱི་བཀའ་སློབ་ཧ་ཅང་གལ་ཆེན་ཞིག་སྟེ། ཕྲན་གྱིས་ལོ་ཧྲིལ་པོ་གཅིག་གི་རིང་སློབ་ཞོར་གྱི་དུས་ཡུན་སྤྱད་ནས་ཕབ་སྒྲིག་ཞུས་པ་ཡིན། དེ་ཡང་ཕྲན་གྱིས་ཕབ་སྒྲིག་གི་ཐོག་མཐའ་ཀུན་ཏུ་མཁན་ཆེན་མཆོག་གི་གསུང་གི་གཤིས་དང་བརྡ་སྤྲོད་སྟངས་ཀྱི་ཁྱད་ཆོས་མ་ཉམས་སོར་འཇོག་དགོས་པ། ཚིག་རེ་རེ་ནས་བརྡ་སྤྲོད་རིག་པའི་གཞུང་དང་ཡང་མི་འགལ་བ། བོད་སྐད་སྨྲ་བ་ཡོངས་ཀྱིས་གང་ལེགས་གོ་ཐུབ་པ། ཚིག་དོན་གྱི་ཆ་ཕྲ་མོ་ཙམ་ལ་ཡང་ཚད་མཐོའི་འགན་འཁྲི་ཡོད་པ་བརྗེད་མི་ཉན་པ། བརྗོད་གཞི་གཅིག་ལ་བསྐྱར་ཟློས་དང་།
བློ་རིས་ཚང་གི་བུ་ཚེ་རིང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ།
ཕྱི་ལོ་ ༢༠༡༡ ཟླ་ ༡༢ ཚེས་ ༢༣ ཉིན་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ ཤེས་དང་ཀ་ཉག་ཚེ་རིང་གཉིས་ཀྱིས་བཏང་གནས་ནང་གསལ། འདི་ལོའི་ཕྱི་ཟླ་ ༡༡ ཚེས་ ༢༩ ཉིན་རྔ་པ་རྫོང་གཅའ་ཞང་རྭ་རུ་བའི་བློ་རིས་ཚང་གི་བུ་ཚེ་རིང་། རང་ལོ་ ༢༦ ། ཕ་མིང་ལ་བློ་རིས་དང་། མ་མིང་ལ་ཆོས་སྐྱོང་མཚོ་ཡིན་པ་ཁོང་ལ་རྔ་པ་རྫོང་འབྲིང་རིམ་མི་དམངས་ཁྲིམས་ཁང་ ཟེར་བས་ལོ་ ༥ བཙོན་འཇུག་ཁྲིམས་ཐག་བཅད་ཡོད་པ་དང་།
དེ་ལས་མང་བ་། “བློ་རིས་ཚང་གི་བུ་ཚེ་རིང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ།” »
བདག་ཉིད་བསྟོད་པ།
ཅོག་རོང་གི་མྱི་ནས།
ཚིག་བཟང་ཡང་སྙན་ངག་ལ་དོན་གྱིས་སྟོངས་ན་རྒན་མོ་རྒས་གཉེར་ཅན་ལ་གོས་བཟང་གིས་གཡོགས་པའི་ཚུལ་ཙམ་ལས་མ་འདས། གནམ་ས་ན་གོས་ཀྱིས་མ་གཡོགས་པའི་གཞོན་ནུ་མར་སྙིང་ཁུངས་རིས་པའི་གཏིང་ནས་དགའ་ཞེན་ལྡན་པའི་བདག་གིས་རང་ཉིད་བསྟོད་པའི་སྙན་ངག་འབྲི་བར་བྱ་ཡི་ཉོན།
སྲོལ་འབྱེད་སྒོ་འབྱེད་མང་ན་ཡང་།།
ཚང་མ་ཤིང་སྒོ་ཤིང་རྟ་རེད།།
ལྕགས་སྒོ་ལྕགས་སྲོལ་འབྱེད་མཁན་ཞིག།
ད་ལྟ་ཨ་རིའི་ཡུལ་ན་ཡོད།།
མི་དག་དགའ་ན་འབུ་ལའང་བསྟོད།།
མ་དགའ་ཕ་མ་ཡིན་ཡང་དམོད།།
རང་ལུས་དལ་འབྱོར་རླབས་པོ་ཆེར།།
ཅུང་ཙམ་བསྟོད་ན་ཅིས་མི་འཚལ།།
༄།། ལེའུ་གཉིས་པ། སྲིད་སྐྱོང་།
རྔ་བ་རྒྱལ་ཁམས་པ།
རྒྱའི་མཚན་ཉིད་པ་ཆེན་མོ་ཁུང་ཙི།
༼ཚན་པ་ཉེར་བཞི༽
༼༡ ཁུང་ཙི་ན་རེ། སྲིད་དོན་ཀུན་སྤྱོད་ཀྱིས་སྐྱོང་བ་ནི་སྐར་མ་ཨ་བརྟན་གནས་ངེས་མེད་ཅན་དུ་ཡོད་པ་ལ་སྐར་མའི་ཚོགས་ཀྱིས་བསྐོར་བ་བཞིན་བྱའོ།། ༼བསྡུས་དོན༽ དཔེ་སྐར་མ་ཨ་བརྟན་སྐར་མའི་ཚོགས་ཀྱིས་བསྐོར་བ་དེས་དཔེ་ཅན་རྒྱལ་སྲིད་ཀུན་སྤྱོད་ཀྱིས་སྐྱོང་དགོས་པར་བསྟན་ཏོ།།
༼༢ ཁུང་ཙི་ན་རེ། སྙན་ངག་གཞུང་དུ་སྙན་ངག་ཁག་སུམ་བརྒྱ་ཡོད་ལ། ཚིག་གཅིག་ཏུ་བསྡུས་ན། ལྷག་བསམ་ཟོལ་མེད་དང་། ལོག་རྟོགས་མེད་པ་ཞེས་པ་དེ་རེད། ༼བསྡུས་དོན༽ཁུང་ཙིས༼སྙན་ངག་གི་གཞུང༽ཞེས་པ་དེའི་བརྗོད་དོན་བསྡུས་ཏེ་གསུངས་སོ།།
༼༣ ཁུང་ཙི་ན་རེ། མི་རྣམས་སྲིད་ཁྲིམས་ཀྱིས་སྐྱོང་བ་དང་། ཉེས་ཁྲིམས་ཀྱིས་གཅུན་ན་དེ་རྣམས་ཁྲིམས་ལ་བྱོལ་ཆེད་ངོ་ཚ་མེད་པར་འགྱུར་རོ།། མི་རྣམས་ཀུན་སྤྱོད་ཀྱིས་སྐྱོང་ཞིང་། གུས་ལུགས་ཀྱིས་གཅུན་ཚེ་དེ་རྣམས་ངོ་ཚ་དང་ལྡན་པ་མ་ཟད། སེམས་བག་ལྷོད་ཅིང་དུལ་བར་འགྱུར་རོ།། ༼བསྡུས་དོན༽ཁུང་ཙིས་མངའ་འབངས་ཉེས་ཁྲིམས་ལ་བརྟེན་ནས་སྐྱོང་བ་ལས་ཀུན་སྤྱོད་དང་གུས་ལུགས་ལ་བརྟེན་ནས་སློབ་གསོ་གཏོང་བ་བཟང་ཞེས་པའི་དོན་བསྟན།
༼༤ བདག་བཅོ་ལྔའི་སྟེང་དུ་བསླབ་པ་བརྩམས། སུམ་ཅུའི་སྐབས་སུ་བརྟན་པོར་ཚུགས། བཞི་བཅུར་བྱ་བར་མགོ་མི་ཐོམ། ལྔ་བཅུར་ལས་ཀྱི་རང་བཞིན་རྟོགས། དྲུག་ཅུར་སྐད་ཆའི་བདེན་བརྫུན་ཤེས། བདུན་ཅུར་གང་བསྒྲུབ་མི་འགལ་བའོ།། ༼བསྡུས་དོན༽ འདིར་ཁུང་ཙིས་རང་ཉིད་ཀྱིས་སློབ་སྦྱོང་བྱས་ཚུལ་དང་གནས་ལུགས་རྟོགས་ཚུལ་གསུངས།
༄།། འགག་རིའི་ཟླ་བ༼༡༽།
རྔ་བ་རྒྱལ་ཁམས་པ། ལི་པའེ། འོད་དཀར་ཅན་ནི་གནམ་གྱི་རི་བོ༼༢༽ལས།། སྤྲིན་གྱི་རྒྱ་མཚོའི་གསེབ་ཏུ་འཕྱོ་ཞིང་ཉུལ།། ལེ་དབར་ཁྲི་ཕྲག་བསྐྱོད་པའི་དྲིའི་ཤིང་རྟ༼༣༽།། ཡུས་མོན་༼༤༽འགག་ཏུ་གཡུགས་ཤིང་བརྒལ་བར་གྱུར།། ཧན་རྒྱལ༼༥༽པའེ་ཏིང་རི་བོའི་ལམ་དུ་བབ།། བོད་མིས་ཁྲི་ཤོར་རྒྱལ་མོར༼༦༽བྱ་ར་བྱེད།། འདི་ཀོ་སྔར་ནས་འཐབ་པའི་གཡུལ་ས་སྟེ།། གསོན་པོར་ཕྱིར་དུ་ལོག་པ་མཐོང་མ་བྱུང་།། མཐའ་སྲུང་བ་ཡིས་བས་མཐར་བལྟ་བཞིན་དུ།། ཕ་ཡུལ་དྲན་ཏེ་སྨིན་མ་ཀུན་གྱིས་བསྡུས།། དགའ་མ་གདུང་བས་མཚན་འདིར་ཐོག་ཁང་དུ།། སྐྱོ་བའི་ཤུགས་རིང་ནར་ནར་ཡང་ཡང་འབྱིན།། ༼༡…
གསར་བརྗེ་དང་རྙིང་ཞེན།
ཀླུ་སྨྱོན། དུས་རབས་ཀྱི་དཀྱོགས་མཚམས་ནས་ཁ་ཕྱོགས་གང་དུ་འཚོལ། —ཁ་བྱང་གི་འགྲེལ། གསར་བརྗེ་བས་རྙིང་ཞེན་པར་རྒོལ་དགོས་ལ། རྙིང་ཞེན་པས་གསར་བརྗེ་བར་རྒོལ་དགོས། དེ་གཉིས་ཀྱི་གཙུབ་བརྡར་ལས་འབར་བའི་མེ་ལྕེ་དེ་ཁོ་ནས། མི་རིགས་འདི་ད་གཟོད་ཐལ་བར་སྲེག་ཐུབ། མི་རིགས་འདི་གཞི་ནས་མེད་པ་བཟོ་ཐུབ།
གནམ་གྱི་མིག་ལམ་ན།
(དུས་ནི་མི་འགྱུར་མི་རྣམས་འགྱུར་བ་ཡིན།)
ཉི་མ་འཚོ།
“ཁྱེད་གཉིས་བཟའ་ཚང་ཡིན་པའི་དཔང་རྟགས་འདྲ་བསྟན་རྒྱུ་ཡོད་དམ།”
གཞུང་ཚབ་ཀྱི་ལས་བྱེད་དེའི་སྐད་ཆ་གོ་མ་ཐག བློ་བཟང་འཚབ་འཚུབ་ཏུ་གྱུར་བ་དང་ཟུར་མིག་གིས་ལས་བྱེད་དེར་ལྟ་བཞིན་རང་གི་སྲིང་མོའི་མ་ནེ་ལ་འཇུས་ནས་མཆུ་འདབ་སྦྱར། ལས་བྱེད་དེའི་ངོ་གདོང་ལས་ཡིད་ཆེས་སོང་བསམ་བསམ་གྱི་རྣམ་འགྱུར་གང་ཡང་མ་མངོན་པས། ཁོ་དེ་བས་འཚབ་འཚུབ་ཏུ་གྱུར་ནས་སྲིང་མོའི་མཆུ་ཏོ་ཤུགས་ཀྱིས་འཇིབ་འགོ་བརྩམས། བློ་ཡིད་ལས་འདས་པ་ཞིག་ལ་སྲིང་མོའི་ངོ་གདོང་དམར་ནག་ཏུ་གྱུར་ཏེ་ཕྱི་ལ་བྲོས་སོང་། སྐད་ཅིག་མའི་དུས་ཚོད་དེའི་ནང་ཁ་སང་རང་འགོ་བཙུགས་པ་ལྟ་བའི་བྱས་ཇུས་གང་མང་ཞིག་འཚང་ཁ་ཤིག་ཤིག་གིས་བློ་བཟང་གི་ཀླད་པ་རུ་འཛུལ་འོང་། “ཕུ་བོ་ཁྱེད་ཀྱིས་ང་ངེས་པར་དུ་ཨ་རི་ལ་ལེན་ཐབས་བྱོས།” “སེམས་ལ་བཟུང་ཡོད། གོ་སྐབས་ཡག་པོ་ཞིག་ལ་སྒུགས།” “གོ་སྐབས་དང་གོ་སྐབས་ཟེར་ནས་ང་རྒས་འགྲོ་གི་འདུག
