ནམ་མཁའ
ནོར་ལ་རྔམ་པའི་གཡོ་ཅན་སྤྲུལ་རྫུན་འགས།།
འབྱོར་ལྡན་ཙི་ནའི་གྲོང་གི་སྡུག་ཅན་ལ།།
ཆོས་མིན་ལོག་བཤད་གཏམ་གྱི་ར་བ་རུ།།
ཕྱག་རྒྱ་བཞི་ལྡན་དབང་ཡང་ཁྲོམ་དུ་བཤམས།།
འཁྱོགས་པའི་གཏམ་ལ་སྤྲོ་བའི་འཇིག་རྟེན་འདིར།།
དཔོན་པོ་ཕལ་ཆེར་གཡོ་སྒྱུའི་གར་སྟེགས་སུ།།
ཕྱི་མཛེས་ཟློས་གར་འཁྲབ་མཁས་བུ་མོ་ལ།།
གཡོ་ཆང་མངར་མོ་བླུད་དེ་མགོ་བོ་དཀྲུགས།།
གླིང་ཚ་ཚེ་བརྟན་རྡོ་རྗེ།
འདང་ནུབ་ཀྱི་རྨི་ལམ་ནི་ངས་བསམ་བློ་ཇི་ལྟར་བཏང་ན་ངའི་མི་ཚེ་ལ་འགྱུར་བ་ཆེན་པོ་ཞིག་ཐེབས་པའི་ས་མཚམས་ལྟ་བུ་ཞིག་ཆགས་ནས་འོང་གི་ཡོད་པའི་སྔོན་བརྡ་འཁྲུལ་མེད་ཅིག་ཡིན་པར་སྣང་། དེས་ན་ངས་མ་ཤེས་པའི་ང་རང་གི་མི་ཚེའི་འགྱུར་བ་ཆེན་པོ་དེ་ནི་གང་འདྲ་ཞིག་ཆགས་རྒྱུ་ཡིན་མིན་དེ་རེད། ད་ལྟའི་གནས་བབས་ནས་བལྟས་དེ་སོང་ན་ང་རང་གི་གནས་སྟངས་ལ་འགྱུར་བ་ཆེན་པོ་ཞིག་འགྲོ་སྲིད་པ་དེ་ནི་བལ་ཡུལ་འདི་བ་ཚང་གིས་ང་རང་དངུལ་ཆད་གཅོད་རྒྱུ་ལས་བརྒལ་ནས་ཁྲིམས་ཆད་བྱས་པ་ཡིན་ན་དེ་ནི་དངོས་ནས་ལུགས་དང་མཐུན་པ་ཞིག་ཡིན་པར་ཁས་ལེན་བྱེད་ཆོག་ནའང་།
(འདི་དབྱིན་ཡིག་ལ་བསྒྱུར་ནས་གང་མགྱོགས་ང་ལ་གཏོང་རོགས་ཞུ)
གླིང་ཚ་ཚེ་བརྟན་རྡོ་རྗེ།
བདག་གི་སྙིང་ནས་བརྩེ་བའི་བུ་མོ་ཐར་མ་མཚོ་དང་གཅེས་པའི་བུ་ཆུང་ཁ་བའི་ལྷ་སྲས་ལགས། ད་ལྟ་ཕ་རྒན་ང་ཁྱེད་གཉིས་དང་ཁ་བྲལ་ནས་ཟླ་ངོ་གསུམ་ཏག་ཏག་ཞིག་འགྲོ་བཞིན་ཡོད། ཟླ་ངོ་གསུམ་གྱི་ཉིན་མ་རེ་རེ་བཞིན། བུ་མོ་ཐར་མ་མཚོ་ཁྱོད་ཀྱི་ཨ་མས་གསུངས་ན་སྔ་དགོང་ཡོད་ཚད་དུ་ཁྱོད་ཀྱིས་ཨ་ཕ་ང་ཡོང་བར་རེ་སྒུག་བྱེད་པ་དང་ཨ་ཕ་ང་གང་དུ་སོང་མིན་སྐོར་ཆེས་མི་ཉུང་བ་ཞིག་དྲིས་དྲིས་དེ་ཨ་མ་ཡང་ཐབས་ཟད་པ་དང་ཨུ་ཐུག་པའི་སྐབས་སུ་ཁོང་ཁྲོ་ཟ་དགོས་པའི་གནས་སུ་བཅུགས་འདུག་ལ། སྐབས་དེ་འདྲར་ཁྱོད་ཀྱི་ཨ་མས་ལྷག་དུ་ངའི་སྟེང་ལ་ཁོང་ཁྲོ་ཟ་བ་དང་ཚུགས་པ་ཟ་བའི་རྒྱུད་རིམ་གྱི་ཚོར་བ་དེ་དག་ནི་མི་སུས་ཀྱང་འགྲེལ་མི་ཤེས་པའི་ཚད་དུ་ཡོད་ངེས་རེད་ལ། ཁྱོད་རང་ནི་ལོ་ངོ་གཉིས་དང་ཟླ་བཅུ་ལ་མ་གཏོགས་སོན་མེད་པའི་བྱིས་པ་ཞིག་གི་འཇིག་རྟེན་གྱི་འགྲོ་སྟངས་ཟེར་བ་གང་ནས་ཤེས། ཁྱོད་ལ་ཁག་མེད།
དེ་ལས་མང་བ་། “སྙིང་ནས་བརྩེ་བའི་བུ་དང་བུ་མོ་གཉིས་ལ་བྲིས་པའི་འཕྲིན།” »
ཀླུ་སྨྱོན།
གདོན་འདྲེའི་མིག
ནམ་གུང་གདོན་འདྲེས་ཁྲོ་མིག་གདངས་བཞིན་ངའི་སྒོ་བརྡུངས་སོང་།
རྒྱུ་མཚན་ནི་དོ་དགོང་ངས་ཁོའི་སྒོ་རྡུང་རྒྱུ་བརྗེད་པས་རེད།
ཆགས་པའི་མིག
ཉི་འོད་དང་རྒྱ་མཚོས་བུ་མོ་དག་གཅེར་བུར་ཕུད།
དེ་ལ་དཀོན་མཆོག་གིས་ཀྱང་ཆགས་པའི་མིག་གིས་ཅེར།
རྐུན་མའི་མིག
ཨ་རིའི་དཔལ་འབྱོར་ཉམས་རྒུད་འདི་ངོ་མ་བཟོད་དཀའ་བའི་གོ་རིམ་ཞིག་ཡིན་པས།
ཉི་མ་ཁ་དཀར་ངོ་དཀར་ལ་ཕྱུག་པོ་ཚོས་ཀྱང་རྐུ་བྱེད་བཞིན་འདུག
ཀླུ་སྨྱོན་ཧེ་རུ་ཀ
གཞོན་པའི་དུས་སུ་ཕ་མའི་དབང་དུ་གྱུར།
དར་བའི་དུས་སུ་ཆུང་མའི་དབང་དུ་གྱུར།
རྒས་པའི་དུས་སུ་བུ་ཚའི་དབང་དུ་གྱུར།
བླུན་པོར་རང་དབང་རྟག་ཏུ་ཡོད་མ་ཡིན།
—སྟོན་པས་གསུངས་པའི་ཉེན་བརྡ།
དགུ་བཅུ་གོ་གྲངས་དུས་རབས་དེར།
ལྟོས་ས་ལྟོས་འཇོག་གིས་བརྗོད་ན།
གྲྭ་པའི་དུས་རབས་འབོད་ཆོག་ཆོག
གླིང་ཚ་ཚེ་བརྟན་རྡོ་རྗེ།
དེང་སང་ང་སྐད་ཆ་སྐྱིད་པོ་རེ་བཤད་ནས་ཉིན་མ་གཏོང་བ་དང་དོན་དག་རྩ་བྲལ་ལ་གོམ་པའི་གཤིས་ཀ་ཞིག་གཉེར་ནས་འདུག་ན་ལྷོད་ཅིག་གེར་ཡོད་པའི་མི་དཀྱུས་མ་ཞིག་བྱས་ནས་བསྡོད་ཐུབ་ཐབས་བྲལ་བའི་གནས་བབས་འདིའི་འོག་ནས་ངས་རང་ཉིད་ཀྱི་མི་རིགས་ཀྱི་ཤ་ཁྲག་གི་ངལ་རྩོལ་གྱིས་བསགས་པའི་རྔུལ་ཆུའི་ཐིགས་པ་རེ་རེ་ལ་དྲིན་ལན་དང་བསམ་ཤེས་བྱེད་པ་ལས་སྒྱིད་ལུག་པའི་ངང་ཚུལ་གྱིས་མི་གཞན་གྱིས་སྐད་ཆ་ཐར་ཐོར་རེ་དང་སྐྱོ་གདུང་གིས་འབོད་པ་དང་རྒྱབ་སྐྱོར་གྱི་རྣམ་པ་སོགས་ཀྱི་ཁ་ངོ་ལ་བལྟས་དེ་ང་རང་ཞི་བའི་འཐབ་རྩོད་འདི་ལས་ཕྱི་ནུར་བྱས་པ་ཡིན་ན། ཤི་བོ་དག་གི་རྣམ་ཤེས་ལ་ངོ་གནོང་གི་འདུག་ལ། གསོན་པོ་དག་གི་རྔུལ་ཆུའི་ཐིགས་པ་བསགས་ནས་ཁ་ལ་ཟོས་ཤིང་རྒྱབ་ལ་གོན་པ་དེ་དག་ལ་ངོ་ཚ་དགོས་པའི་དུས་ཚོད་ཅིག་དང་།
ཤར་ཕྱོགས་ཁུག་རྟ།
སྟོང་ལོ་གསར་པའི་ནང་གི་བོད་མིའི་རང་སྲེག་གི་གནས་བབ་གྲངས་ཀར་འགྱུར་བཞིན་པའི་སྐབས་འདིར། བོད་མི་ཚོས་སོ་སོའི་འཇོན་ཚོད་ཀྱིས་བོད་ནང་གི་གནས་ཚུལ་བསྡུས་ཏེ། རྒྱུད་ལམ་ཁག་ཏུ་བཀྲམས། མར་མེ་ཁྲོམ་སྐོར་དང་སྐད་འབོད་ནམ་ཡོད་ལ་འཛུལ་ཞུགས་བྱེད་རྐྱང་བྱས་ནས་ཡུན་རིང་ལོན་པའི་དེ་རིང། གངས་ཅན་སྐྱིད་གཤོངས་ནས་སྒྲ་ཞིག་གྲགས་སོང། སྒྲ་དེ་ནི་དམིགས་བསལ་སྐུ་ཚབ་མཆོག་རྡ་སར་ཆེད་ཕེབས་གནང་འདུག་པ་དང། དེ་རིང ༢༠༡༢། ༥། ༣༠ ནས་ཉིན་གཉིས་རིང་ཞི་མོལ་ལས་དོན་ཚོགས་ཆུང་ཐེངས་ཉེར་བཞི་པ་དབུ་འཛུགས་གནང་འདུག་ཅེས་པ་འདི་རེད། སྒྲ་འདིས་ང་དང་ང་ལྟ་བུའི་ངང་རྒྱུད་རིང་ལ་བོད་རྒྱ་འབྲེལ་མོལ་ལ་རེ་བ་བརླག་མ་མྱོང་བའི་བོད་མི་ཚོར་རེ་བ་གསར་པ་ཞིག་སྩལ།
བྱ་འཕུར་ལྷུན་གྲུབ་རྒྱ་མཚོ།
གྲགས་སྙན་གྱི་པི་ཝང་དཀར་པོའི་སྒྲ་དབྱངས་ཡུན་རིང་ནས་རྣ་བར་གོ་མྱོང་ཙམ་ལས་སྔར་དངོས་སུ་འཕྲད་མ་མྱོང་བའི་དེང་རབས་བོད་ཀྱི་སྙན་ངག་སྨྲ་བའི་རྒྱལ་པོ་ཀླུ་སྨྱོན་ཧེ་རུ་ཀ་དང་ཐུག་འཕྲད་བྱུང་བའི་རྒྱུད་རིམ་ནི། ཉིན་དེར་ས་སྐྱའི་ཕུན་ཚོགས་ཕོ་བྲང་བདག་མོ་སྐུ་ཞབས་དང་བཅས་ང་ཚོའི་ས་གནས་སུ་འབྱོར་ཡོད་པ་ཐོས། ལྷག་ཏུ་གྲོགས་པོ་ངོ་ཤེས་ཞིག་གི་ངོ་དེབ་བརྒྱུད་ནས་ཨ་ཁུ་ཀླུ་སྨྱོན་ཡང་དེར་ཡོད་པ་རྟོགས། ཨ་ཁུ་ཀླུ་སྨྱོན་ནི་ང་ཆེས་ཐུག་འདོད་ཆེ་བའི་བོད་ཀྱི་རྩོམ་པ་པོའི་གྲས་ཀྱི་གཅིག་ཡིན། དེ་བས་ན་ཕན་ཚུན་ཁ་པར་བརྒྱུད་དེ་ཉིན་གུང་ཐུག་འཕྲད་དང་ཟ་མ་བཟའ་བར་འགྲོ་འཆར་བྱས།
དེ་ལས་མང་བ་། “ཨ་ཁུ་ཀླུ་སྨྱོན་དང་བྱ་འཕུར་དབར་གྱི་གླེང་མོལ་ཉིན་ཐོ།” »
སྤྱི་ཟུར་གསེར་རྟ་ཚུལ་ཁྲིམས་འོད་ཟེར།
ཕ་ཡུལ་མདོ་སྨད་ཨ་མདོ་མགོ་ལོག་དབལ་ཤུལ་གསེར་རྟ་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་སམ། གངས་མེ་སྟག་ལགས་ཕྱི་ལོ་༢༠༡༢ལོའི་ཟླ་༢ཚེས་༡༥ཉིན་གྱི་མཚན་མོ་རྒྱ་གཞུང་གི་ཉེན་རྟོག་པ་སོགས་མི་སྣ་སྐོར་ཞིག་གིས་རང་ཁྱིམ་ནས་བཙན་ཁྲིད་བྱས་རྗེས་ཕྱི་ཟླ་༣་པའི་ཚེས་མགོར་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་སམ། རྩོམ་པ་པོ་གངས་མེ་སྟག་གི་བཟའ་ཟླས་གཙོས་གཉེན་ཚན་རྣམས་ཀྱིས་ཁོང་གར་ཡོད་རྩད་གཅོད་བྱས་པར།
ཕྱི་ལོ་༢༠༡༢་ལོའི་ལོ་མགོར་བོད་མདོ་སྨད་མགོ་ལོག་དབལ་ཤུལ་གསེར་རྟའི་ས་ཁུལ་ནས་རྒྱ་ཆེའི་རོང་འབྲོག་མང་ཚོགས་ཀྱིས་རྒྱ་དམར་སྲིད་གཞུང་གི་གདུག་རྩུབ་གཉའ་གནོན་དང་བཙན་དབང་ཐུབ་ཚོད་སོགས་ཀྱི་སྲིད་ཅུས་ལ་ཞི་བའི་ངོ་རྒོལ་གྱི་ལས་འགུལ་འདྲ་མིན་སྤེལ་བའི་སྐབས་ཞི་རྒོལ་ནང་སུ་ཞིག་ཞུགས་ཡོད་མེད་སོགས་རྒྱ་གཞུང་གིས་རྩད་གཅོད་ཀྱིས། གསེར་རྟ་རྫོང་ཉེན་རྟོག་ལས་ཁུངས་ཀྱིས་རྫོང་དེའི་ཁྱབ་ཁོངས་ས་གནས་སོ་སོའི་འདི་ལོ་ཞི་རྒོལ་ནང་ཞུགས་པའི་མི་ཁག་གཅིག་གི་མིང་སོགས་ཁྱབ་བསྒྲགས་བྱས་ཏེ། ཁོང་ཚོ་ཕྱི་ཟླ་༥་བའི་ཚེས་མགོ་ནས་གསེར་རྟ་རྫོང་ཉེན་རྟོག་ཁང་དུ་འབྱོར་དགོས་པ་དང་། དེ་ནས་ཉིན་༡༠་ལ་ཁོང་ཚོར་ཞི་བའི་སློབ་གསོ་རྒྱག་གི་ཡིན། རྣམ་འགྱུར་སོགས་ལེགས་པོ་བསྟན་ན་འཛིང་རྡུང་རིགས་གང་ཡང་མེད།
ཚངས་དབྱངས་རྒྱ་མཚོ་ལགས་ནས་གནས་ཚུལ་མཁོ་སྤྲོད་བྱུང་བ་ལྟར་ན། ད་ལྟ་རང་བོད་ནས་གནས་ཚུལ་འབྱོར་གསལ་ལྟར་ན་བོད་མདོ་སྨད་འཛམ་ཐང་བར་མ་ཡུལ་ཚོར་བུད་མེད་ཞིག་གིས་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག
གནས་ཚུལ་ཡོངས་ཁུངས་ནས་བརྗོད་གསལ་ལྟར་ན། དེ་རིང་སྟེ་ཕྱི་ལོ་༢༠༡༢ཟླ་༥ཚེས་༣༠ཉིན་གྱི་ཕྱི་དྲོའི་དུས་ཚོད་༣ཡས་མས་སུ་འཛམ་ཐང་ཇོ་ནང་དགོན་ཆེན་གྱི་ཉེ་འཁྲིས་སུ་ཕ་ཕྱུག་ལོ་དང་། མ་རིན་ལྷ་གཉིས་ཀྱི་བུ་མོ་རང་ལོ་༣༣ཡས་མས་ཡིན་པ་རི་ཀྱོ་ལགས་ཀྱིས་བོད་མི་རིགས་ཀྱི་རྩ་དོན་ཆེད་སྐུ་ལུས་མེར་བསྲེགས་བཏང་སྟེ་ས་གནས་དེ་ག་རང་ལ་སྐུ་གྲོངས་ཡོད་འདུག
སྐྱོ་བྲག་དགའ་དབང་།
མི་རིགས་དང་རྒྱལ་ཁབ་གང་ཞིག་ཡིན་ནའང་དཔེ་མཛོད་ནི་མེད་དུ་མི་རུང་བ་ཡིན་ཅིང་། བོད་རང་ལ་ཡང་ངོམ་དུ་རུང་བའི་དཔེ་ཆའི་ཁ་གྲངས་ཆེས་མང་བས་སྔ་ནས་ད་བར་དཔེ་མཛོད་ཡོད་མོད། ད་དུང་ཡར་རྒྱས་དང་ཕུན་ཚོགས་ཡོང་ཆེད། ལག་ལེན་དངོས་ཀྱི་ཉམས་མྱོང་གཞི་ལ་བཞག་ནས་རིགས་པའི་དཔྱད་གླེང་གང་མང་བྱ་ཐུབ་པ་ཡིན་ན། མི་རིགས་གཞན་པའི་ལམ་ལུགས་ང་ཚོར་བཙན་འགེལ་གྱིས་ཞྭ་དཔེ་ལྷམ་འགེབས་བྱས་པ་ལྟ་བུ་མིན་པར་བོད་རང་གི་དཔེ་མཛོད་རིག་པ་རང་རྐང་ཚུགས་པ་ཞིག་ཡོང་ཐུབ་ཀྱི་རེད། དེང་དུས་ཀྱི་བོད་པའི་དཔེ་མཛོད་ཅིག་ཡིན་པ་གཞི་ལ་བཞག་ན། མ་དེབ་ཏུ་བཀོད་པ་དང་། སྐད་ཡིག་འཇོག་སྟངས་འདི་བཞིན་བྱས་ན་ལེགས་པར་སྙམ།
གླིང་ཚ་ཚེ་བརྟན་རྡོ་རྗེ།
ད་ལྟ་ང་རང་བདེ་ཐང་ཡིན་རིགས་ཀྱི་སྤུན་ཟླ་ཚོ། ཆུ་ཚོད་ཉེར་བཞིའི་རིང་དུ་ཕྱི་ལོག་ལ་གོམ་བཀང་སྤོ་ས་མེད་པའི་ཁང་མིག་ཞིག་གི་ནང་དུ་ཡོད། འདི་ལ་ཡོང་མཁན་གྱི་མི་ཡང་ཉིན་རེ་བཞིན་མི་ཆད་པར་བརྗེ་སྒྱུར་བྱས་ནས་འགྲོ་འོང་གི་མི་ནི་ཧ་ལས་པའི་མང་བོ་རེད། འདི་ནི་ཐོངས་ཆེན་ལག་ཁྱེར་ཞིབ་གཤེར་ཁང་གི་བཀག་བསྐྱེལ་ཁང་རེད།
དེ་ལས་མང་བ་། “སེམས་ཁྲལ་མ་བྱེད་རིགས་ཀྱི་སྤུན་ཟླ་ཚོ། ང་རང་བདེ་ཐང་ཡིན།” »
ཡུ་ཅེ་ཡིས་བརྩམས། ཚེ་རིང་རྡོ་རྗེས་བསྒྱུར།
དེང་སྐབས་ཀྲུང་གོའི་ལྟ་བ་མི་མཐུན་པའི་རྩོམ་པ་པོ་ནུབ་ཕྱོགས་སུ་བཙན་བྱོལ་ལ་སོང་ན། སྔར་ཨུ་རུ་སུའི་རྩོམ་པ་པོ་སཱོལ་ཇུ་ཉི་ཚིན༼Solzhenitsyn༽་ལ་ཐོབ་པའི་དགའ་བསུ་ཆེན་པོ་དེ་འདྲ་འཐོབ་དཀའ། དུས་རབས་ཉི་ཤུའི་་ལོ་རབས་བདུན་ཅུའི་ནང་དུ། ཨ་རིའི་ཕྱི་སྲིད་བློན་ཆེན་ཁི་སིན་ཇར༼Kissinger༽གྱིས་སྲིད་འཛིན་ཧྥོ་ཌི༼Ford༽་ལ་ཁོང་སཱོལ་ཇུ་ཉི་ཚིན་དང་ཐུག་འཕྲད་མི་གནང་རྒྱུར་བསླབ་བ་བཏོན་པ་མ་ཟད། དྲན་ཐོའི་སྟེང་དུ། སཱོལ་ཇུ་ཉི་ཚིན་དང་འཕྲད་ན་སུའུ་ལེན༼Soviet Union༽ལ་ཕོག་ཐུག་གཏོང་སྲིད། ཅེས་བྲིས། དེང་སྐབས་ལྟ་སྟངས་དེ་འདྲ་འཁྱེར་མི་ནི་ཁི་སིན་ཇར་ལྟ་བུའི་དངོས་ཕན་རིང་ལུགས་ཀྱི་སྲིད་ཚོང་པ་དག་ཡིན་པའི་མི་ཚད།
དེ་ལས་མང་བ་། “ཀྲུང་གོ་གུང་ཁྲན་ཏང་དངོས་ནས་མི་མི་ཟ་བའི་སྟག་ཏུ་གྱུར་སོང་ངམ།” »
མཐོང་རེག་མྱོང་རྒྱུ་ཡོད་པའི་དངོས་པོ་འདི།།
བདེན་པ་མིན་ན་གང་ཞིག་བདེན་པ་ཡིན།།
ཡ་མཚན་འཕྲུལ་ཐབས་གསར་པའི་ཐོན་དངོས་དག།།
བདེན་པ་བདེན་ཐོག་འཁྱོལ་བྱེད་དཔང་པོ་ཡིན།།
ཅི་ཞིག་ལ་བདེན་པ་ཟེར་བ་རེད་ཅེས་ང་ཚོར་སུ་ཞིག་ནས་དྲི་བ་དྲིས་པ་ཡིན་ན་ཕལ་ཆེར་དེ་ལ་ལན་འདེབས་འདྲ་མིན་ཞིག་ཡོང་གི་རེད་འདོད། འགའ་རེས་བདེན་པ་ཟེར་བ་གཅིག་མ་གཏོགས་གཉིས་ཡོད་པ་མ་རེད། གཅིག་གི་ཐོག་ལ་གཅིག་མནན་ན་གཉིས་རེད་ཅེས་དང་། ཡང་འགའ་རེས་བདེན་པ་ཟེར་བ་དེ་ནི་འདི་རེད་ཟེར་ནས་གཅིག་གྱུར་ཅིག་མེད་པར་གང་ཟག་སྒེར་བ་སོ་སོའི་འདོད་མོས་དང་དགའ་སྣང་དང་མཐུན་མིན་གྱིས་འཇོག་པའི་མི་སྒེར་ལ་འབྲེལ་བ་ཡོད་པ་ཞིག་རེད་ཟེར་སྲིད། དཔེར་ན། མཛེས་མི་མཛེས་དང་དགའ་མི་དགའ་ལ་བསམ་ཚུལ་ཡེ་ནས་མི་མཐུན་པ་རེད། དེ་ལྟར་ན།
༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽
ཤེས་རབ་ཚེ་རྡོར་ལགས་ཀྱིས་ཟླ་གཉིས་ལྷག་རིང་རྒྱ་གར་གྱི་ས་གནས་དང་གྲོང་ཁྱེར་ ༥༠ ཙམ་ནང་མིག་སྒྲིབ་རྒྱལ་དཀྲོག་གི་ལས་འགུལ་སྤེལ་ཏེ། ད་ཆར་མི་ཉིས་ཁྲི་ལྷག་གི་མཚན་རྟགས་བསྡུས་ཡོད་པ་མ་ཟད། ཉིན་འདི་གར་ཨོ་རེ་སཱ་བོད་མིའི་གཞས་ཆགས་ནང་མུ་མཐུད་ལས་འགུལ་སྤེལ་བཞིན་ཡོད་འདུག
འདི་ལོའི་གསུམ་བཅུའི་དུས་དྲན་ཉིན་ན་གཞོན་ཤེས་རབ་ཚེ་རྡོར་ལགས་ཀྱིས་ངྷ་ས་བཞུགས་སྒར་ནས་མགོ་བཙུགས་ཏེ།
དེ་ལས་མང་བ་། “མིག་སྒྲིབ་རྒྱལ་དཀྲོགས་ལས་འགུལ་ས་གནས་ ༥༥ ནང་སྐྱོད་འདུག༼པར༽” »
གླིང་ཚ་ཚེ་བརྟན་རྡོ་རྗེ།
ང་རང་ཉིན་དགུའི་སྔོན་ཏག་ཏག་གི་ཞོགས་པ་དེར་བལ་ཡུལ་རྒྱལ་ས་ཀ་ཐ་མན་ཀྲོ་ལ་སླེབས་པར་སྤྱི་ལེ་བཅུ་གསུམ་ལས་མེད་པའི་མི་འགོག་ས་ཚིགས་ཐང་ཀོར་ཀྲུ་ཟེར་ས་དེ་ནས་ཞོགས་པའི་ཆུ་ཚོད་དྲུག་དང་སྐར་ཞེ་ལྔའི་སྟེང་དུ་བཀག་གཉེར་བྱས་སོང་། ང་རང་བཀག་གཉེར་བྱེད་མཁན་གྱི་གཉེན་རྟོག་པ་དེ་ཡི་ལག་པར་ང་རང་གི་འདྲ་དཔར་འདུག་པ་མ་ཟད། གཉེན་རྟོག་ལས་ཁུངས་ཀྱི་རྩིག་ངོས་ལའ་ང་རང་གི་འདྲ་དཔར་འཕྱངས་དེ་བཞག་འདུག་པ་དེར་མཐོང་དུས། ཁོང་ཚོས་ང་རང་སྔ་ས་ནས་རྩད་འཚོལ་བྱེད་ཀྱི་ཡོད་པ་ཤེས་ཀྱི་འདུག
དེ་ལས་མང་བ་། “འཛིན་བཟུང་བཀག་གཉར་ཐེབས་པའི་ད་ལྟའི་བར་གྱི་ངའི་གནས་ཚུལ།” »
༄༅།། ཧུའུ་ཅིན་ཐའོ་མེད་ན་པོ་ཞི་ལའེ་མེད་པ་དང་། ཅང་ཝེ་ཕིན་གྱིས་ཧུའུ་ཅིན་ཐའོ་ཡི་དམག་ཨུད་ཀྲུའུ་ཞིའི་གོ་ས་སོར་གནས་བྱུང་ན་ཀྲུང་གོའི་བཅོས་སྒྱུར་ལ་དགེ་མཚན་ཡོད་པར་སྨྲ་བ་ཞོར་དུ་དགག་པ།
ཡུ་ཅེ་ཡིས་བརྩམས། ཚེ་རིང་རྡོ་རྗེ་ཡིས་བསྒྱུར།
ཧུའུ་ཝུན་གཉིས་ཀྱིས་སྲིད་དབང་བཟུང་ཚུན་ནས་དཔལ་འབྱོར་རྒྱུན་ཆགས་སུ་གོང་འཕེལ་སོང་ཡང་། ལྟ་གྲུབ་འདུ་ཤེས་ཀྱི་ཆ་ནས་ལམ་ཁ་ཟད་དེ་མཐའ་ལ་ཐུག འབངས་གཡོག་རིང་ལུགས་པ་དང་རིགས་ཞེན་རིང་ལུགས་ཁོ་ནར་བརྟེན་ནས་མཐའ་མཇུག་གི་དབང་སྒྱུར་ཁྲིམས་མཐུན་གྱི་ཆ་ཤས་བཟུང་ཡོད། ཧུའུ་ཝུན་གཉིས་ནི་མའོ་ཙེ་ཏུང་གི་དུས་སྐབས་སུ་འཚར་ལོངས་བྱུང་བའི་ལས་བྱེད་ཡིན་པ་དང་མའོ་ནི་ཁོ་ཚོའི་བསམ་བློའི་ལམ་སྟོན་པ་ཡིན། ཏིན་ཞོ་ཕིན་གྱི་ལག་ལེན་སྨྲ་བའི་མཚན་ཉིད་ཀྱིས་ཀྲུང་གུང༼ CPC ༽སྲིད་དབང་ལ་མུ་མཐུད་ནས་བསམ་བློའི་གསོན་ཤུགས་སྦྱིན་ཐབས་ཟད་པའི་ཚེ་ན། ཁོ་ཚོས་སླར་ཡང་མའོ་ཡི་རྣམ་ཤེས་ལ་སྐྱབས་འཇུག་ཞུ་བ་ལས་ཐབས་ཟད། དེར་བརྟེན། ཧུའུ་ཝུན་གཉིས་ཀྱིས་སྲིད་བཟུང་བའི་ལོ་བཅུའི་རིང་ལ། ཏུན་ཞོ་ཕིན་གྱི་དུས་སྐབས་དང་ཅང་ཙེ་མིན་གྱི་དུས་སྐབས་སུ་མའོ་ཙེ་ཏུང་ལ་རྒྱང་བཀྱེད་པའི་འགྲོ་ལུགས་དེ་མཐའ་གཅིག་ཏུ་བསྒྱུར་ནས།
དེ་ལས་མང་བ་། “པོ་ཡིས་ཧུའུ་ལ་གཡོན་ཕྱོགས་འགྲན་ཏེ་ཕམ་ཉེས་ཐེབས།” »
འབའ་སྲས།
བོད་ཀྱི་སྲིད་དབང་ལྷ་སའི་ཡུལ་ནས་བཙུགས།།
རྒྱལ་བོའི་ཕོ་བྲང་ལྷ་སའི་རི་ནས་བཞེངས།།
སྐུ་དྲག་བླ་བྲང་ལྷ་སའི་མཁར་ན་མང་།།
དེ་རིང་ལྷ་ས་བ་ཚོ་གང་དུ་བྲོས།།
སྲོང་བཙན་སྒམ་པོས་བཙན་མཁར་ལྷ་སར་བརྩིགས།།
ཁྲི་སྲོང་བཙན་པོས་ཆོས་སྒོ་ལྷ་སར་ཕྱེས།།
ཆོས་སྲིད་གཉིས་ཀྱི་བདག་པོ་ལྷ་ས་བ།།
དེ་རིང་ཡུལ་ཁམས་གང་དུ་བདེ་བར་བཞུགས།།
