_____རྣམ་གྲོལ་གླིང་། དགའ་དགའ།
འཛམ་གླིང་ཞེས་པའི་མིང་ཚིག་རྣ་ལ་མ་ཐོས།།
མི་རིགས་ཟེར་བའི་བདེ་སྡུག་སེམས་ན་མེད་དུས།།
གླེན་ཕྲུག་ཁྱུ་ཡིས་ལྷས་རར་བཀང་ས་དེ་ནས།།
ང་རང་ལང་ཚོའི་མེ་ཏོག་དལ་གྱིས་འབུས་བྱུང་།།
སྤྲིན་དཀར་དུམ་བུ་འཐོར་བའི་ཨ་སྔོན་དབྱིངས་ནས།།
ཉི་མས་འཛུམ་མདངས་དགོད་ལ་སྣང་བ་མ་བྱུང་།།
–གཙང་མེ་ལྕེ
མེས་པོའི་ཁང་རྙིང་དེ་ལ།།
ཤིང་གི་སྐས་དེས་རན་ཡང་།།
ཐེམ་སྐས་དགུ་པའི་རྩེ་ནས།།
ཁ་ཏྭའི་སྒྲ་དེས་གཟན་བྱུང་།།
ཁ་ཏྭའི་སྙིང་ལ་རྒྱབ་པའི།།
མདའ་མོ་གཟུར་བྱུང་མ་ཟེར།།
ཆབ་མདོ་ངག་ཕུན་གྱིས།
ཁ་བ་འབབ་གཅིག་འབབ་གཉིས།། དྷ་སའི་རི་ལ་བབས་བྱུང་།།
བཙན་བྱོལ་བོད་མིའི་སྐྱབས་བཅོལ།། གྲང་བའི་རྣམ་འགྱུར་མངོན་གྱིན།།
ཁ་བ་ལྷབ་ལྷུབ་འབབ་དུས།། གངས་ལྗོངས་ཆོས་ཀྱི་ཞིང་ཁམས།།
ཡིད་ལ་ཡང་ཡང་འཁོར་ནས།། འགྲོ་བའི་འདོད་པ་སྐྱེས་བྱུང་།།
རི་བོ་སྨུག་པས་གཡོགས་ཅིང་།། ཁ་བ་ལྷབ་ལྷུབ་འབབ་ཀྱིན།།
སྤྱན་ཆེན་པོ།
མི་རྣམས་ཀྱིས་ཤོག་བུའི་གསེབ་ཀྱི་ཡིག་འབྲུ་དག་ཀློག་བཞིན་འདུག
ངས་ཀྱང་ཤོག་བུའི་གསེབ་ཀྱི་ཡིག་འབྲུ་དག་བཀླགས་པ་ཡིན
རྙིང་ཧྲལ་དུ་གྱུར་བའི་ཤོག་བུའི་ངོས་ཀྱི་ཡིག་འབྲུ་རེ་རེ་ནི
མཚན་མོ་ཞིག་གི་ལམ་སྒྲོན་རེ་རེར་གྱུར
ལམ་སྒྲོན་གྱི་འོད་སྣང་ལས་ངས་གདམས་ངག་ཅིག་རྙེད་པས
དེ་ནི་སུས་ཐོས་ཀྱང་མ་རྙེད་པའི་གདམས་ངག་ཅིག་རེད
ཁྱབ་འཇུག
——བོད་པའི་པ་ཕྲུག་འགའ་ལ་ཀུ་རེ་ཚུལ་དུ།
མ་ཁེ་སི་དང་ལེ་ཉིན་སུ་ཏ་ལེན། །
མའོ་ཙེ་ཏུང་དང་ཅིན་དྲན་རི་ལ་སོགས། །
དམར་ཕྱོགས་སྐྱེས་ཆེན་ཀུན་གྱི་ཚད་མའི་གསུང་། །
ཚད་མར་འཛིན་པ་པ་ལོའི་རང་ལུགས་ཡིན། །
རང་ཡིག་སྦྱང་ན་མདུན་ལམ་མེད་ཚུལ་དང་།།
རང་སྐད་ལབ་ན་མྱི་གྲལ་མི་ཚུལ་སོགས། །
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
ཟབ་རྒྱས་ལྟ་སྒོམ་སྤྱོད་པའི་རྒྱུད།།
རྟེན་འབྲེལ་མདོ་སྔགས་དགོངས་པའི་ལམ།།
བཀའ་བབས་ཆུ་བོ་གཅིག་འདྲེས་པ།།
རིས་མེད་བསྟན་འཛིན་དམ་པ་རྒྱལ།།
དམ་པའི་རྗེས་ཟིན་དོན་གཉིས་བདག།
བརྒྱུད་གསུམ་བླ་མའི་བྱིན་རླབས་ཅན།།
བཀྲ་ཤིས་དོན་འགྲུབ།
ལོ་ཟླའི་སེར་མདོག་གི་ནག་ཐིག་ཁྲོད་ན་
སེམས་པ་ནི་རླུང་བུས་གཏོར་བའི་ལོ་མ་ཞིག
མིག་འཕྲུལ་དང་སྒྱུ་མའི་ཟིལ་པ་དང་བྲལ་ཚེ་
མགོ་བོ་ཆུ་རུ་འཐིམས་པའི་ཚོར་བ་དེ་
སྐར་མ་དང་སྐར་ཆ་ཙམ་ལའང་བཟོད་ཐབས་བྲལ་
ལྷིང་འཇགས་ཀྱི་མཚན་མོའི་དབྱངས་སུ་ཉལ་བའི་སེམས་པ་
དོལ་སྨྱོན།
ཇ་མ་ལགས། ཇ་ཞིག་བླུགས་དང་།
ཁ་སང་དེ་རིང་ཕྱི་ནས་གནམ་ངོ་གྲང་ཞིང་ནང་ནས་སེམས་ངོ་གྲང་བས་ངས་ཇ་ཞིག་འཐུང་ན་འདོད།
ཧུབ་གཅིག
འོ་་་་་་། དྭངས་གཙང་གི་ཆུ་སིལ་ལ་དཀར་གསལ་གྱི་འོ་མས་གྲོགས་ཤིག་བྱས།
ད་དུང་མངར་ལ་འཇམ་པའི་རོ་ཞིག་ཞུགས་པ་ནི།
ང་དང་ང་ཡི་སྙིང་སྡུག་གི་བཅོས་མིན་གྱི་བརྩེ་དུང་དེ་ཡོངས་སུ་མཚོན།
རྣམ་གྲོལ་གླིང་། དགའ་དགའ།
སྤྲིན་ནག་དྲག་ཏུ་ཁོལ་བའི་རི་རྩེ་ནས།།
དགུན་གྱི་ལྷགས་རླུང་ངར་མས་གཙག་ས་ནས།།
ལུས་པོ་དམར་རྗེན་རྒྱུག་པའི་ཕོ་ཧྲེང་ངས།།
སེམས་ཀྱི་སྙན་ངག་མཁའ་རུ་གྱེར་གྱིན་ཡོད།།
གནམ་ས་ཁ་ཐག་ཉེ་བའི་མཐོ་སྒང་དེར།།
ཆོས་ལུགས་ཤིག་གི་དྲི་མས་འཐུམ་ས་ནས།།
གཙང་མེ་ལྕེ།
ས་སྲོད་ལ་འཁེལ་བའི་ར་མོ་ཆེའི་ལྟག་རྒྱབ་ན
ན་ནིང་ངེད་ཨ་ཞང་ཚང་གི་གཉེར་བའི་ཤེལ་ཁང་གྲུ་བཞི
གློ་བུར་གློ་བུར་དུ
སྦྱར་བྱུང་གི་དྲི་ངད་ཐུལ་བའི་ཁྲུས་གཞོང་རེ་རེ
ཆེས་སྲབ་པའི་ནུ་ཤུབས་དང་སྟུ་ཤུབས་ཅན་གྱི་རྒྱ་མོ་སྟེ
གཞང་བཙོང་མ་རེ་རེ་ཡིས་སྲུང་ནས་འདུག
གནམ་ཟླ་འཁྱག་གིས་བསྡམས་པའི་དགོང་མོ་དེར
མགལ་དུམ།
ད་ལྟ་མཚན་གུང་ཡོལ་ནས་ཡུན་ཙམ་རེད་འདུག །
ཟླ་འོད་མོག་མོག་མཁའ་མཐའི་ལྷོ་ལ་སླེབས་འདུག །
སྐར་མའི་ཚོགས་ཀྱང་དབྱིངས་ནས་ཇེ་ཉུང་རེད་འདུག །
སྐྱ་རེངས་ཤར་ལེ་ཡོད་པ་ཐག་གིས་ཆོད་འདུག །
བློ་བུར་གཉིད་ལས་སད་པའི་རྣམ་འགྱུར་འདི་ཉིད།།
སུས་ཀྱང་མཐོང་ཐབས་མེད་པའི་འཛུམ་ཞིག་ཡིན་མོད།།
རྨ་དུང་ཟླ།
༡༽
ཕྱི་རོལ་གྱི་སྲང་ལམ་
གློག་སྡོང་རེ་རེའི་འོད་སྣང་ཁྲོད་ན་བཟི་འདུག་ནའང་
ཁང་མིག་ནང་རོལ་ཀྱི་ལྷིང་འཇགས་རྔུབ་པའི་ང་གཉིས་
འཇིག་རྟེན་གཞན་ཞིག་གི་འཐུ་འོག་ན་
ཕན་ཚུན་གྱི་བྲང་གཞུང་ན་གབ་པའི་སྒྱུ་རྩལ་གྱི་གཏིང་མཐའ་འཚོལ་བར་བྲེལ་
རྡོ་རྗེ་རིན་ཆེན། (སྐྱ་རེངས)
ཁ་བ། ཁ་བ་ལྷ་མོ།
ཧི་མ་ལ་ཡའི་ཡང་རྩེ་ཡི་ཁ་བ།
ཁྱོད་རང་ངའི་འཇིག་རྟེན་དུ་བབས་པ་ནས།
ངའི་སེམས་ཀྱི་རྡུལ་ཚུབ་དྭངས།
ལྷ་མོ། ཁ་བ་ལྷ་མོ།
མི་ཡི་དྭངས་རྩེ་ཡི་ལྷ་མོ།
ཁྱོད་རང་ངའི་རྨི་ལམ་དུ་ཡོང་བ་ནས།
ངའི་ཡིད་ཀྱི་སྐྱོ་སྡུག་སངས།
ཨེ་མ་ཧོ།
བླ་མ་མཁྱེན་ནོ།།
སྐྱེ་ནས་འཆི་བ་དངོས་པོ་ཆོས་ཉིད།།
འདུས་ནས་འབྲལ་བ་འཁོར་བའི་རང་བཞིན།།
སྐད་ཅིག་མི་རྟག་འདུས་བྱས་མཚན་ཉིད།།
གང་ལ་བསམ་ཡང་འཆི་ལ་ཉེ་འདུག།
ཕྱུག་པོའི་འབྱོར་བ་སྡུག་གི་གཞི་མ།།
ཨེ་མ་ཧོ།
ན་མོ་གུ་རུ་བྷྱེ།།
དཔྱིད་ཀླུང་དྲོད་མོས་ནོར་འཛིན་སྣུམ་ཞག་བྱིན།།
ཁ་བ་དཀར་པོས་རྩི་ཤིང་ཁྲུས་ཆས་གསོལ།།
རྐང་འཐུང་འཛུམ་པའི་པདྨོ་བཞད་པ་འདིས།།
དོན་དམ་དཔྱིད་ཀྱི་དཔལ་མོའི་མགྲོན་བརྡ་ལགས།།
གངས་ལྡན་རི་བོ་ཁ་བས་དཀར་གསོལ་འདིས།།
དེ་ལས་མང་བ་། “དཔྱིད་དུས་ཀྱི་ཁ་བའི་བརྡ་གླུ་ཀུན་བཟང་རོལ་དབྱངས་ཞེས་བྱ་བ།” »
ཁྲོ་གཏུམ།
གློ་བུར་དུ་ཤར་བའི་ཉི་མ
སྤྲིན་པའི་ཕུབ་ཀྱིས་མ་འཁོག་པར་སླེབས་སོང
ངའི་རེ་སྒུག་གི་གོ་ས་མཐོ་བའི་ཁ་བ་སྟེ
ལུག་གུ་བཞིན་མཆོངས་ལྡིང་གི་གར་ལ་རོལ་བ་དེ་དག
ཉི་འོད་ཐོན་ནས་སྐེ་འབུ་གཅུས་སོང
ང་རང་ཉི་མའི་བཞིན་ལ་ལྟ་མཁན་ཞིག་ཡིན་མོད
དོལ་སྨྱོན།
——-འཛིན་རོགས་གཅིག་པ་བསྟན་སྐྱིད་ལ་ཕུལ།
ནད་པ་ལྟ་དུས་སྨན་པ་ཡིན་མཁན།།
གླུ་དབྱངས་ལེན་དུས་གཞས་མ་ཡིན་མཁན།།
སྙན་ངག་འབྲི་དུས་རྩོམ་རོགས་ཡིན་མཁན།།
ཁྱེད་རང་དེང་སང་བདེ་མོ་ཡིན་ནམ།།
དཔེ་དེབ་ཀློག་ལ་དགའ་བོ་ཡོད་མཁན།།
ཟིན་ཐོ་འབྲི་ལ་སྤྲོ་བ་ཡོད་མཁན།།
སྣང་ཤེས། (ཝར་ཎ)
ངེས་འབྱུང་རྐྱེན་གྱིས་མ་བསྐུལ་སྡོམ་པ་འདི།།
སངས་རྒྱས་སྒམ་པོའི་གཞུང་དང་ཨེ་འགལ་ལམ།།
རྩ་བ་མེད་པའི་རྩེ་མོ་ཆེན་པོ་འདི།།
སེམས་ཅན་དམུན་པོའི་བློ་དང་ཨེ་འཚམས་སམ།།
མེ་ལྟར་འབར་བའི་ཆགས་སེམས་དམར་པོ་འདི།།
ངུར་སྨྲིག་གོས་ཀྱིས་བཏུམས་ན་ཨེ་ཁོག་གམ།།
འཇམ་གཅེས།
རབ་དཀར་གངས་རིའི་ཡུལ་དུ་མཚན་དཔེ་དེ་བཞད་རྗེས།།
ཡངས་པའི་ཁྱོན་འདིར་མཛད་འཕྲིན་དབྱར་ཆུ་ལྟར་རྡོལ་མཛད།།
ལག་ཟུང་ཐལ་སྦྱར་ཅན་གྱི་གོཽ་ཏ་མའི་དགེ་སྦྱོང་།།
དེང་དུས་སྟོན་མཆོག་འཇིག་རྟེན་མགོན་པོ་དེར་བཀུར་རོ།།
སྙིགས་ལྔའི་དྲག་རླུང་འཚུབ་མའི་གདུག་རྩུབ་ཀྱི་ནང་དུ།།
ངན་དགུ་མ་ཚང་མེད་པའི་རང་གཞན་གྱི་བརླང་སྤྱོད།།
མགལ་དུམ།
———(ཐག་ཉེ་རིང་གི་གློ་ཉེ་དག་ལ་བསྐུར་བའི་སྙིང་གི་ཚིག)
རྡོ་ཡི་ཁོག་པར་སྦས་པའི་སྐད་ཆ་དག
རི་བོ་གཡོམ་གཡོམ་འགུལ་བའི་མིག་ཆུ་ལ་འཐིམས་ཡོད།
བརྩེ་དུང་ཞགས་ཐག་གིས་རིང་དུ་བཏགས་ཡོད་པས།
མཆི་མ་སྨུག་ལོང་གི་ལྟེ་བར་གཅུད་ཅིང་།
དབུགས་ལེབ་མོ་དག་ཀྱང་ཆུ་བུར་གྱི་ངོས་སུ་འབྱར་ཡོད་སྐད།