སྣང་རྒྱལ་ཤེས་དགེ།

བོད་པའི་ཁ་ནས་ཁྱོད་ལ་ཟོག་པོ་ཟེར།།
བོད་པའི་མིག་ལ་ཁྱོད་ནི་གདོན་གཟུགས་འདྲ།།
བོད་པའི་སེམས་ན་ཁྱོད་ནི་སྤྱང་ཀིར་མཚུངས།།
དེ་འདྲའི་རྒྱ་བླ་ཁྱོད་ཚོར་ང་དགའ་འོ།།

རྒྱ་ཡི་ཡུལ་དུ་བོད་ཀྱི་ལུགས་སྲོལ་སྤེལ།།
རྒྱ་རྒན་དབང་(王)ལ་དབང་ཕྱུག་རྒྱལ་པོ་བཏགས།།

དེ་ལས་མང་བ་། “རྒྱ་བླ་ཚོ། ཐུགས་རྗེ་ཆེ།” »

མྱི་ལྟིག

ཞོགས་པའི་སེར་ནེམ་ནེམ་གྱི་ཉི་ཟེར་དེ་འཁྱམ་པོ་ཡིན

དགོང་ཁའི་དམར་ལམ་ལམ་གྱི་མཚམས་སྤྲིན་དེ་འཁྱམ་པོ་ཡིན

འཁྱམ་པོ་ཚོའི་སེམས་པ་དཀར་བོང་བོང་གི་གངས་རི་ཡིན

འཁྱམ་པོ་དག་ཉམ་ཆུང་བའི་དབུས་ལམ་གྱི་མཇལ་བ་ཚོ་དང་འདྲ་ཡང་

དེ་ལས་མང་བ་། “འཁྱམ་པོ།” »

—–ཨེ་མ་ཧོ།

 
ཀ་མ་ལ་ལྟར་ལྷག་བསམ་དཀར་བའི་ཁ་བའི་གངས་ལྷ་མེ་ཏོག་ཉིད།།
ག་བུར་དབང་པོའི་བཞིན་རིས་མཛེས་པར་ང་ཡི་རྒྱལ་བའི་དབང་པོ་ལ།།
ཅ་དག་དབྱིན་ཡུལ་རྒྱལ་སྤྱིའི་མགྲོན་དུ་ཆ་ལུགས་ཟློས་གར་དཔལ་དུ་ཤར།།
ཉ་གང་སྟོང་གི་གཟི་དབར་འབར་ཞིང་ཇ་ཆང་མཆོད་སྤྲིན་ཀུན་ནས་མཛེས།།

དེ་ལས་མང་བ་། “དབྱིན་ཡུལ་ནས་བཞད་པའི་གངས་ལྷ་མེ་ཏོག” »

———–དོམ་མེ།

 
སེམས་གཏམ་མིག་ཆུ་ནས་བཤད
ན་ཟུག་རི་མོ་ལ་བྲིས་ཡོད
ཕངས་སེམས་སུ་ལ་བཤད
གྱོང་གུན་སུ་ཡིས་འཚབ
ཁ་བ་སྙིང་ལྕགས
མཚོ་སྔོན་པོའི་མཚོ་འགྲམ་དང
རི་ཁ་བའི་སེམས་ལ་བཀོད་པའི་ཞབས་རྗེས
སུ་ཞིག་གིས་ང་ཚོའི་ཉ་ཟ་བཞིན་འདུག་ལ

དེ་ལས་མང་བ་། “སྙིང་ལྕགས་དང་རྣམ་ཤེས་འབུ།” »

འཇམ་གཅེས།

 
ཐབས་མཁས་འཕྲུལ་གྱིས་ལྕེ་བརྒྱར་སྤྲུལ་དང་ལྷན།།
སྙན་མོ་ངག་གི་གྲེ་འགྱུར་བདེ་བདེ་དེ།།
ཡིད་སེམས་གཏིང་ནས་ཁྲེལ་བྱེད་ངོ་མ་ལས།།
གཞན་ལ་ཕན་པའི་ལེགས་བཤད་སུ་ཡིས་འདོད།།

འདས་མ་ད་གསུམ་བདག་གི་ལས་དབང་ལ།།
བཅོས་མའི་འགྲེལ་བཤད་ཁྱོད་ཀྱིས་མ་བྱས་རུང་།།

དེ་ལས་མང་བ་། “ང་ལ་ཇུས་གཏོགས་མ་བྱེད།” »

ཁྲོ་གཏུམ།

སྐུའི་གྱ་སྟོན་ལ་རོལ་བའི་སེམས་འགྱུ་ཞིག

ང་ལ་ཉི་འོད་ར་འཕྲོད་བྱུང
ང་ལ་མུན་པའི་མཚང་བརྟོལ་སོང

དུས་རབས་གྱོན་པར་དགའ་བ་དག་གིས་ཁྱེད་ལ་ཉན་ཅིང
མི་རབས་གསར་བའི་འཚོལ་བསྙེགས་སུ་ཡང་ཁྱེད་རང་བཀླག་ཞོར

དེ་ལས་མང་བ་། “སེམས་པའི་གཏིང་ལ་ཡོད་པ།” »

རྔ་བ་རྒྱལ་ཁམས་པ།
མཚོ་སྐྱེས་བླ་མའི་གསང་གསུམ་བཀོད་པ་ལས།།
གྲུབ་གཉིས་ལང་ཚོ་དཔྱིད་དུ་རྫོགས་པའི་ཞིང་།།
ཡོལ་མོ་ཞེས་བྱ་དཔལ་གྱི་རི་བོའི་མགུལ།།
མཁྱེན་བརྩེའི་བདག་ཉིད་སངས་རྒྱས་རྡོར་རྗེ་བཞུགས།།

དེ་ལས་མང་བ་། “༅༅།། གྲུབ་པའི་སྐྱེས་མཆོག་བྱ་བྲལ་སངས་རྒྱས་རྡོ་རྗེ་མཆོག་གི༧ཞབས་དྲུང་དུ་ཕུལ་བ་མཆོག་ཐུན་དངོས་གྲུབ་འདྲེན་པའི་ཕོ་ཉ་ཞེས་བྱ་བ།།” »

ཅོག་མྱི།

བརྗེད་ལ་ཉེ་བའི་སེམས་ནང་གི་དཔའ་མོ།༼རྒྱ་མོ་ལྦང་ཆེན་ཡོན་དྲན་པ།༽

དུང་ཕྱུར་སྐྱེ་བོའི་ཚིག་གི་མཚོན་ཆའི་མདུན་ནས།
ཁྱེད་ནི་འཇམ་མཉན་མེ་ཏོག་ལན་ཏུ་ཕུལ་བའི་དཔའ་མོ།
བརྒྱ་ཕྲག་རང་ལུས་མེ་ལ་སྲེག་པའི་སྨག་རུམ་གྱི་མཐོ་སྒང་གི་གྲང་ངར་གྱི་མཚན་མོར།
ཁྱེད་ནི་གསར་ཏུ་སྤར་བའི་མཆོད་མེ་རྐང་གཅིག

དེ་ལས་མང་བ་། “བརྗེད་ལ་ཉེ་བའི་སེམས་ནང་གི་དཔའ་མོ།” »

ཨེ་མ་ཧོ།

༸སྐྱབས་མགོན་དམ་པ་བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བའི་མེ་ཏོག་པདྨ་དཀར་པོའི་དོ་ཤལ།

ན་མོ་གུ་རུ་བུདྡྷ་བཛྲ་ཡེ།
ཀ་དག་སྤྲོས་པ་བྲལ་བའི་སངས་རྒྱས་ཀྱི་ཞིང་ན།།
ཁ་སྦྱོར་ཡོན་ཏན་ཀུན་རྫོགས་རིགས་ལྔ་ཡི་རྒྱལ་པོ།།
ག་བུར་དབང་ལྟར་དྲི་མེད་རྡོ་རྗེ་ཡི་འཆང་ཆེན།།
ང་ཡི་བྱ་བྲལ་དམ་པའི་རང་བཞིན་ལ་འདུད་དོ།།

དེ་ལས་མང་བ་། “བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བ།” »

– རྟ་དབྱངས།

ཨ་ལ་ལ་མོ་དགའ་བའི་གླུ་དབྱངས་ལེན།།
ཐ་ལ་ལ་མོ་སྐྱིད་པའི་བྲོ་གར་རྩེད།
ས་དང་ས་ངོ་ཁྱོད་ཀྱིས་མ་ཤེས་ན།།
ས་འདི་རྡ་ས་འཕགས་པའི་ཞིང་ཁམས་རེད།

སྐུ་དང་སྐུ་ངོ་ཁྱོད་ཀྱིས་མ་ཤེས་ན།།
འཕཊ་མཆོག་སྤྱན་རས་གཟིཊ་དབང་འཁྲུལ་མེད་རེད།།

དེ་ལས་མང་བ་། “ཨ་ལ་ཐ་ལ་བརྒྱད་ཅུའི་གྱ་སྟོན་འཐེན།” »

གངས་བཙན་པོ།

བུང་བུའི་བཅུད་བཟང་གྲོགས་སུ་བཀུགས་ཏེ་ལས་དང་སྨོན་ལམ་ལྷན་ཅིག་སྦྱར།།
མི་ཚེའི་དམ་བཅའ་རི་ལྟར་སྤུངས་ཏེ་སྐྱེ་འགྲོ་ཡོངས་ཀྱི་སྡུག་བསྔལ་ཞུས།།
ནང་སེམས་རྣམ་རྟོག་རླུང་བུས་གཏོར་ཏེ་ལམ་ཐག་རིང་པོ་ཤུགས་ཀྱི་འཐེན།།
བདེན་པའི་རང་ཚུགས་བོད་ལ་གཏད་དེ་སྲོལ་བཟང་གྱ་སྟོན་ལེགས་འགྲུབ་བྱུང་།།

ཀྱེ་མ་ངང་ཚུལ་འདི་འདྲ་བསམ་ན་ངེད་ཅག་བསོད་ནམས་ངང་གིས་འཁོར།།

དེ་ལས་མང་བ་། “ཁྱེད་ཉིད་ཀྱི་གྱ་སྟོན་ཡང་ཡང་ནུབ་མི་སྲིད།” »

རྨ་དུག་ལྕེ།

དད་འདུན་གྲངས་མེད་ཀློང་ན་བྱིན་རླབས་ཀྱི་གོང་བུ།།
དྲན་གདུང་འབུམ་ཕྲག་ཁྲོད་ན་ན་ཟུག་གི་བསྡུས་གཟུཊ།
གཞིས་བྱེས་ས་ཡ་དྲུག་གི་སྲ་མཁྲེགས་ཀྱི་ཕྲེང་ཐག།
ང་ཡི་སློབ་དཔོན་ལྷ་མོ་དོན་གྲུབ་ལ་འདུད་དོ།།

དེ་ལས་མང་བ་། “ས་ཡ་དྲུག་གི་བླ་སྲོག་གི་བསྡུས་གཟུགས།” »

ཨེ་མ་ཧོ།

 
མཁྱེན་རབ་ཐོགས་མེད་ཤེས་བྱའི་ནམ་མཁའ་འཇལ།།
བརྩེ་ཆེན་མཚུངས་མེད་བྱམས་སེམས་ཉི་མའི་གཉེན།།
ཟུང་འཇུག་བདེ་ཆེན་རབ་གསལ་ཟླ་བའི་འོད།།
སྙིང་གི་མུན་སེལ་བླ་མས་དུས་ཀུན་སྐྱོང་།།
འཇིག་རྟེན་ཆོས་བརྒྱད་ཞེན་པས་མ་འཆིང་བར།།
མཁྱེན་བརྩེ་ནུས་ལྡན་བླ་མའི་བཀའ་བཞིན་སྒྲུབ།།
སྲིད་ལས་ངེས་པར་འབྱུང་བའི་དགེ་སློང་ཆེ།།

དེ་ལས་མང་བ་། “དབྱིན་ཇའི་བླ་མ་མ་ཆོས་ལ་ཕུལ་བའི་བདེན་དར་དཀར་པོ།” »

དྲི་མེད་ལྷག་བསམ།

རྒྱལ་བ་ཚེ་མཐའ་ཡས་ལ་ཕྱག་འཚལ་ལོ།།
ཞི་བདེའི་དེད་དཔོན་ལོ་བརྒྱར་ཞབས་བརྟན་ཤོག །
འཕགས་པ་སྤྱན་རས་གཟིགས་ལ་ཕྱག་འཚལ་ལོ།།
བྱམས་དང་སྙིང་རྗེའི་བདག་རྒྱུད་ཕྱུག་པར་ཤོག །

དེ་ལས་མང་བ་། “༧སྐུའི་འཁྲུངས་སྐར་གྱི་སྨོན་ལམ་དོན་གྱི་ལོ་ཏོག” »

རྒྱང་མིག
————སྐུའི་གྱ་སྟོན་ལ་ཕུལ།

 
སྟེང་ཕྱོགས་ལྷ་ལ་མཆོད་བཀུར་མི་བྱེད་ཅིང་།།
བར་འདུས་སྲུང་མར་བློ་བཅོལ་མི་བྱེད་ལ།།
འོག་གནས་ཀླུ་སོགས་གྲོགས་སུ་མི་རེ་ཡང་།།
སྐྱེས་ཆེན་ཁྱེད་གཅིག་ང་ཡི་ཕྱག་བྱའི་ཡུལ།།

དེ་ལས་མང་བ་། “སྐྱེས་ཆེན་ཁྱེད་གཅིག་ང་ཡི་ཕྱག་བྱའི་ཡུལ།།” »

བྱ་འཕུར་ལྷུན་གྲུབ་རྒྱ་མཚོ། (ཨ་རི། རྒྱལ་གཤེན་ཞང་བོད་རིག་སློབ་ཁང་།)

ཨ་ལ་ཨེ་མ་ཧོ། །
བཀྲ་ཤིས་ཉི་མ་ཤར། །
བདེ་ལེགས་འོད་སྟོང་རྒྱས། །
ཕུན་ཚོགས་བཀྲ་མདངས་འབར། །
བརྒྱད་ཅུའི་འཁྲུངས་སྐར་ཚེས། །
ཕྱོགས་བཅུའི་འཇིག་རྟེན་བྲེལ། །
ལྷ་བསང་དགུང་ལ་འཐུལ། །
ཀི་སྒྲས་ས་གཞི་འདར། །
བསྭོ་སྒྲས་བར་སྣང་ཁེངས། །
རླུང་རྟ་མཁའ་ལ་འཕུར། །
མངའ་ཐང་མཚོ་མོ་འཁྱིལ། །

དེ་ལས་མང་བ་། “གྱ་སྟོན་ལ་ཕུལ་བའི་གཡུང་དྲུང་ལྷ་བསང་།” »

རྐྱང་ཕྲུག་གྲགས་པ་རྒྱ་མཚོ།

 
གངས་ཅན་ས་ལའི་སྨན་ལྗོངས།།
མདོ་སྨད་ས་ཡི་ཐིག་ལེར།།
མཚན་དཔེའི་འདབས་སྟོང་བཞེད་པའི།།
ཨ་མདོ་ལྷ་མོ་དོན་འགྲུབ།།

དབུས་གཙང་དག་པའི་ཞིང་ནས།།
མི་འཇིགས་གདོང་ལྔས་བཏེགས་པའི།།
གསེར་ཁྲིར་མངའ་གསོལ་མཛད་པ།།
རྒྱལ་དབང་བསྟན་འཛིན་རྒྱ་མཚོ།།

དེ་ལས་མང་བ་། “བཀའ་དྲིན་རྗེས་དྲན་གྱི་རྒྱང་གླུ་སེམས་ཀྱི་ཚོར་རླབས།” »

ཆུང་ཚེ་རིང་།

༸གོ༵ང་ས༵་སྣང་བྱེད་ཟླ་བ་སྟེ།།

རྒྱུ་སྐར་དབུས་སུ་མངོན་པར་འཕགས།།

ཕྱི་ནང་སྨག་ཆེན་མཐའ་རུ་བསྐྲད།།

མཁྱེ༷ན་པའི་སྣང་བས་ས་ཆེན་ཁྱབ།།

༸སྐྱབ༵ས་མགོ༵ན་ཉི་མ་གཞོན་ནུ་སྟེ།།

དུས་ལས་མ་ཡོལ་དགུང་དུ་ཤར།།

དེ་ལས་མང་བ་། “ལྷར་བཅས་སྲིད་ཞིའི་གཙུག་རྒྱན་༸གོང་ས་༸སྐྱབས་མགོན་ཆེན་པོ་མཆོག་གི་གསང་གསུམ་མཛད་པ་ལ་བསྟོད་པའི་སྙན་ཚིག་ཏམ་བུ་རའི་སྒྲ་དབྱངས།” »

འབྲས་སྒོ་མང་དགེ་བཤེས་བསྟན་འཛིན་རྒྱ་མཚོ།

 
སྐུ་ཡིས་འཛམ་གླིང་ཟླུམ་པོར་ཞབས་ཀྱིས་བཅགས། །
གསུང་གིས་ཆོས་སྲིད་འཁོར་འདས་ལེགས་ལམ་སྟོན། །
མཁྱེན་པས་རྟེན་འབྱུང་ཆོས་རྣམས་མངོན་གཟིགས་པའི། །
བརྩེ་ཆེན་བྱམས་པས་འགྲོ་འདུལ་རྒྱལ་གྱུར་ཅིག །

དེ་ལས་མང་བ་། “འཛམ་གླིང་གི་སྟོན་པ། —གོང་ས་ཏཱ་ལའི་བླ་མ།” »

བྱ་མདོ་སྐལ་རྒྱམ།

 
དེ་རིང་ང་ཁྱོད་ཀྱི་གྱ་སྟོན་ན་ཡོད
བོད་པའི་ལྷ་མི་གཉིས་ནས་ཁྱོད་ལ་བརྟན་བཞུགས་ཕུལ་ཞིང
འཛམ་གླིང་ཆེ་རྒུ་དུ་མས་ཁྱོད་ལ་ཁ་གཡང་བསྒྲགས་བྱུང
ལོ་ཟླས་ཅི་ལྟར་སྒྲོག་མོད་ཀྱང
མི་ཚོགས་འདིའི་སེམས་སུ
ཁྱོད་ཉིད་གྲིབ་ཡོར་དང་འཕེལ་འགྲིབ་མེད་པའི་འོད་གོར་ཞིག་ཡིན

དེ་ལས་མང་བ་། “སྐུའི་གྱ་སྟོན་ལ་ཞུགས་པ།” »