ཁྲོ་གཏུམ།

མཁའ་དབྱིངས་སུ་ཅེར་བ་དག
གནས་མལ་དུ་བཏང་སྟེ
ཤོག་ཐོག་ཏུ་ཡོད་པ་དག་གད་སྙིགས་སུ་ལྡུགས་ཞོར
ཤེས་ཡོན་པའི་ཀླད་པ་རྐང་རྩེད་སྤོ་ལོ་བྱེད
མཐའ་མཇུག་གི་མཚེར་ས་ནི
གྲུ་སྒོ་འགོག་མཁན་གྱི་ལག་ཏུ་མ་ཤོར་བའི་ཕར་ཕྱོགས་ཀྱི་དྲ་ཐག་ལ་བརྡབ་པ་དེའོ

དེ་ལས་མང་བ་། “མཁའ་དབྱིངས་སུ་བསྐྱུགས་པ།” »

བསྟན་པའི་དངོས་གྲུབ།

སྤྱི་འཐུས་ཡིན་ཁུལ་བསམ་མེད་རེ་ཟུང་གིས།། 
ཆོལ་ཞེན་སྒེར་ནད་སྤྱི་ལ་འཁྱེར་ཡོང་ནས།།
ཨ་མ་ལྟ་བུའི་བོད་མིའི་སྒྲིག་འཛུགས་འདི།།
ཧམ་པ་ཆེན་པོས་གཏོར་འདོད་འདི་ཡ་མཚན།།

ས་ཆ་སྦར་གང་བདག་དབང་མེད་བཞིན་དུ།།
ཤ་ཚ་ཡོད་མདོག་ཤ་འཁོན་རྩོད་པ་དང་།། 
ལ་རྒྱ་ཡིན་མདོག་རྩ་དོན་ཡིན་ཟེར་མཁན།།
ར་ལུག་ལས་ཀྱང་གླེན་པའི་སྤྱི་འཐུས་འགའ།།

དེ་ལས་མང་བ་། “མྱོང་ཚོར་གོ་བདེ་མ།” »

ཉག་རོང་དོན་གྲུབ་ནས།

རྡ་སའི་རི་ལ་ཅི་ཡོད།།
བཙན་བྱོལ་ནང་ལ་གང་ཡོད།།
དམར་དམར་གཅེས་གཅེས་ཐམས་ཅད།།
རུབ་རུབ་བྱས་ནས་ཡོད་སྐད།།

བཀའ་ཤག་ལྷན་རྒྱས་ཟེར་རུང་།།
འགོ་པ་གཅིག་གིས་བཟུང་ཡོད།།
མང་གཙོ་ཉུང་གཙོ་བྱས་ན།།
འདེམས་ཐོན་བཞི་ལྕོགས་རྒྱལ་འགྲོ །།

དེ་ལས་མང་བ་། “བཙན་བྱོལ་བོད་མིའི་དམངས་གཙོ་ཀ་བ་གསུམ།” »

འཆི་མེད།

༡

ཡང་ཡང་བསྒྲུགས་ཤིང་ཡང་ཡང་གཏོར་པའི་བག་ཆགས་ཀྱི་ས་བོན།
ཅིས་ཀྱང་མིད་སྒོ་ནས་ལུས་དགོས་པའི་མཛེས་སྡུག་གི་ངག་རྒྱུན།
རྒྱང་རིང་ན་ཅི་ཡང་མེད་པའི་ངའི་རྒྱང་རིང་།
གནམ་མཐའི་ཕྱི་མིག་དེ་ང་ལ་ལྷག་སྲིད་དམ།
རྨི་ལམ་ལས་སད་རྗེས་ལམ་བུ་མི་རྙེད་པའི་སྡུག་བསྔལ།
དཔྱིད་ཀྱི་དྲན་པ་ཁོ་ནས་བསླངས།
རྒྱུས་མེད་ཡིན་ལ་རྒྱུས་ཡོད་ཡིན་པའི་དྲན་པའི་སྣེ་གཉིས།
ཇི་ལྟར་མཐུད་ཚུལ་སུས་ཀྱང་ཤོད་མ་ནུས།
དྲི་ལན་དེ་ཡང་རླུང་གིས་ཁྱེར།
ལྕགས་རི་དེ་དང་འཇིག་རྟེན་དེ།
ཕྱག་འཇུ་རེ་རེས་གྱེས་ཕྱག་འབུལ་ཐབས་མ་བྱུང་བ།
གང་དང་ཅི་ཡིས་ལན།
གནམ་ས་ཁ་འཕྲོད་དཀའ་པ།།
ཆར་བས་འབྲེལ་ལམ་འཇོག་གིས།།
སྙིང་གི་གའུར་བཅུག་པའི།།
ཆད་མདོ་མཆི་མས་བཀྲུས་སོང་།།

དེ་ལས་མང་བ་། “དཔྱིད་ཀྱི་དྲན་པ།” »

སོ་རུ་ཚེ་རིང་།

ནུབ་ཁའི་མཚམས་སྤྲིན་གྱི་ལོ་མ་སེར་པོ
དྭངས་གསལ་གཙང་འགྲམ་དུ་ག་ལེར་ལྷུང་དུས
སྤྲིན་པ་ལྟར་འཐིབས་པའི་སེམས་གཏིང་འདི་ནས
གློག་འགྱུ་བཞིན་མྱུར་བའི་འགུལ་སྐྱོད་ཅིག་མཆེད་ཡོང
སྤྱི་གཙུག་ན་ཤར་བའི་ཚེས་རིས་ཆུང་ཆུང་དེ
མཛའ་གཞས་ཀྱིས་བསུས་པའི་མགྲོན་པོ་ལྟར
འཛུམ་མདངས་གསོན་པོ་ཞིག་གི་མཛེས་ཉམས་བསྟན་བཞིན
ངའི་སྙིང་དཀྱིལ་དུ་ཟུག་པ་ནི
འོད་ཐིགས་ལྟ་བུའི་ཁྱེད་ཀྱི་བྱམས་བརྩེ་ཡིན

དེ་ལས་མང་བ་། “ཉི་འོག་གི་ཚོར་སྣང་འཕར་མ།” »

 བསེ་རུ། ཨོ་གླིང་། 

ཤེས་རབ་ལྷ་མོའི་བཀའ་ཆད་བདག་ལ་ཕོག།།
དབྱངས་ཅན་བྱིན་རླབས་སྐལ་བ་རིངས་ནས་དབེན།།
སོར་མོའི་འདུ་བྱེད་འདར་འདར་འཕྲུག་འཕྲུག་འདི།།
ལྷ་མོའི་ཐུགས་དགོངས་འཁྲུགས་པའི་རྒྱུ་རུ་ཟད།།

མི་གཟུགས་ཅན་ལ་གདོན་གྱི་སྲོག་ཞུགས་པའི།།
ཉིན་ཞག་ཟློས་གར་སྟངས་སྟབས་ཉམས་འགྱུར་རྣམས།།
རྣམ་རྟོག་ཡོལ་བ་ནག་པོ་མེར་བསྲེགས་ཏེ།།
གོ་ལའི་གར་སྟེགས་མཐོན་པོར་ལྷང་ངེར་བཤམས།།

དེ་ལས་མང་བ་། “འགྲམ་ལྕག་ཚ་པོ།” »

ཨ་སྐྱབས་རྒྱལ་སྲས།

དབྱིངས་རིག་མི་ཤིགས་ཟུང་འཇུག་རང་རྩལ་ལས།།
སྣ་ཚོགས་སྒྱུ་མའི་རོལ་གར་མཛད་པ་པོ།།
མཁྱེན་བརྩེ་ཉི་ཟླའི་འོད་སྣང་བོད་ལ་བྲིན།།
བཀའ་དྲིན་འཁོར་མཐའ་མེད་པ་ཐོད་ཕྲེང་རྩལ།།

མི་འགྱུར་དད་འདུན་ཏིང་འཛིན་རྩེ་གཅིག་གིས།།
ངག་རིག་སྙན་པོར་མཉམ་པར་བཞག་པའི་མཐུས།།
མ་བཅོས་སེམས་ཀྱི་དཔལ་དུ་ཤར་བ་ཡིས།།
རང་བྱུང་དབྱངས་ཀྱི་དཀྱིལ་འཁོར་འདིར་ཕྱེ་ན།།

དེ་ལས་མང་བ་། “ཁྱབ་བདག་རྫོགས་ཆེན་པ༧པདྨ་སྐལ་བཟང་མཆོག་ལ་བསྟོད་པ་རང་བྱུང་དབྱངས་ཀྱི་རྒྱལ་མོ་བཞུགས་སོ།།” »

ཁྲོ་གཏུམ།

དལ་བུར་འཁྱུད་པ་མིན་ཞིང
ལྷོད་ཀྱིས་བབས་པའི་སྒྲུང་དེ་དག
བསམ་གཞིགས་ཀྱི་བརྩེགས་རམ་གང་ཞིག་ལ་འཕུར་དགོས

ང་ནི་བསམ་བློའི་གཤོག་རྩལ་མ་རྫོགས་པ་ཞིག་སྟེ
གནས་གང་ཞིག་ནས་གང་ཞིག་ཏུ་གནས་མལ་བྱེད་སྟངས་སུ་རྨོངས་པ་ཞིག

ངོ་གདོང་ནི་ཧ་ཅང་སྐྱ་བོ་ཞིག་སྟེ
མིག་ལམ་དུ་མངོན་པའི་སེམས་པ་ལས
ཁྱོད་ནི་ངའི་སྙིང་ཁྲག་གི་ཆེེས་ཟབ་རུ་འགྱུར་དོན་ཅི

དེ་ལས་མང་བ་། “ཁྱོད་ཀྱི་ངོ་གདོང་ལས་མཐོང་བའི་སེམས།” »

རྫ་ཚེ་རིང་བཀྲ་ཤིས།

(གསལ་བཤད། ཉེ་ཆར་ཧྥ་རན་སིའི་བོད་མི་དག་གི་ལས་འགུལ་སྤེལ་ཕྱོགས་དང་འབྲེལ་བའི་བསམ་ཚུལ་འདྲ་ཡོད་དམ་ཞེས་ཟེར་མཁན་བྱུང་བར། རྩོམ་ཡིག་དངོས་སུ་འབྲི་རྒྱུར་དུས་ཚོད་ཀྱིས་མ་ལྕོགས་པ་དང་། ཕྱོགས་གཞན་ཞིག་ནས་ཀ་རྩོམ་འདི་ཡང་བོད་ཀྱི་རྩོམ་རིག་ཁྲོད་དགའ་སྐྱོ་ཆགས་སྡང་དང་། བསམ་ཚུལ་སེམས་འདུན་མཚོན་པའི་རྩོམ་ཡིག་འབྲི་ཐབས་ཆེས་རྙིང་པ་དང་གལ་ཆེན་ཞིག་་ཡིན་པས་ད་ཐེངས་ཀ་རྩོམ་གྱི་ལམ་ནས་བསམ་ཚུལ་འདི་ཙམ་བྲིས་པ་ཡིན་ནོ། །)

ཀ་དག་སེམས་པ་བོད་ལ་དཀར་མཁན་ངས། །
ཁ་བརྡའི་ཚུལ་དུ་སྐད་ཆ་ཚིག་གསུམ་ཡོད། །
ག་ལེར་གཟིགས་ནས་བསམ་བློ་གཏོང་གནང་ན། །
ང་ཚོ་ཚང་མར་ཕན་ཐོགས་གཅིག་པ་ཡོད། །

དེ་ལས་མང་བ་། “ཀ་མད་ལུགས་འབྱུང་ལུགས་ལྡོག་མ།” »

(ཕྱི་ལུགས་ལྟར་དགུང་གྲངས་གྱ་བདུན་གྱི་འཁྲུངས་སྐར་ལ་ཕུལ།)

༡༽བྱམས་བརྩེའི་འོད་སྟོང་ས་ཆེན་གོས་སུ་བསྐོན།།
མདོ་སྔགས་ཆོས་ཀྱི་རྔ་ཆེན་གླིང་བཞིར་བརྡུངས།།
སྟོན་པའི་བསྟན་པ་འཛམ་གླིང་རྒྱན་དུ་བཏགས།།
ལྟག་མཚེར་ལྷ་སྲས་དད་གསུམ་རྩེ་རུ་བཀུར།།
 
༢༽རྨད་བྱུང་ལེགས་བཤད་ཆུ་གཏེར་བྱེ་བའི་རླབས།།
རིས་མེད་མཐའ་བཞིར་གཡོ་བའི་གཉེར་ཕྲེང་ལ།།
ལོངས་སུ་སྤྱོད་པའི་ཕྱོགས་བཅུའི་གསེར་མིག་ཁྱུས།།
དད་པའི་འཁྱུག་རྩལ་ངོམ་པ་སྲིད་ན་འཕགས།།
 

དེ་ལས་མང་བ་། “རྒྱལ་སྲས་བྱང་ཆུབ་སེམས་དཔའ།” »

བླ་མ་ཚང་ལྷ་ལུང་རྒྱལ།

མཐོང་བའི་མོད་དུ་ལུས་ཀྱི་བ་སྤུ་གཡོ།། ཐོས་པའི་གསུང་ནི་གང་འདུལ་དེ་སྟོན་ཉིད།།  དྲན་པའི་སྙིང་ལ་དགུན་ལྗོངས་ཉི་མས་དྲོ།།  སྟོན་པ་བསྟན་འཛིན་རྒྱ་མཚོར་ཕྱག་འཚལ་ལོ།།  ཆུང་ཆུང་བྱིས་པ་ཞིག་གི་དུས་སྐབས་ནས།།  ཆེ་ཆེ་ལོ་རྒན་བརྒྱད་ཅུའི་དེ་རིང་བར།།  ཕྱི་ནང་དགྲ་ཚོགས་འཚུབ་པའི་མཚོན་གྱི་རྩེར།། 

དེ་ལས་མང་བ་། “ཉི་མར་བླངས་པའི་གླུ།” »

སངས་རྒྱས་ལ་ཕྱག་འཚལ་ལོ། །

ལོ་གསུམ་མིག་འཕྲུལ་བཞིན་དུ་ཡུད་ཀྱིས་ཐལ། །
ཏོག་དབྱིབས་ཁོ་ནས་ལོ་གཉིས་ཁྱུར་མིད་བྱས། །
མདོར་ན་ཇ་ཡུན་ཙམ་ཡང་མ་འགོར་བར། །
སྔར་གྱི་གནས་དེར་ཡང་བསྐྱར་ཐེངས་གཅིག་བསླེབས། །

ཐྲ་སིས（Tasmania）ཡུལ་ལ་འགྱུར་ལྡོག་ཆེར་མི་སྣང་། །
རི་བོ་ཝོའུ་ལན་ཁྲན་（Mount Wellington）ཡང་སྔར་བཞིན་ཏེ། །
ཆུ་དང་སྤང་ལྗོངས་ནགས་ཀྱི་ལྗོན་པ་ཀུན། །
ཤིན་ཏུ་བབ་རླིངས་བརྟན་གསུམ་ལྡན་པར་མཆིས། །

དེ་ལས་མང་བ་། “རྫ་ཚེ་རིང་བཀྲ་ཤིས་ཀྱི་སྙན་ངག་གསར་ཤོས། 《ཞེན་པའི་ཕྱི་མིག 》” »

བླ་མ་ཚང་ལྷ་ལུང་རྒྱལ།

མཁའ་ཁྱབ་ལུས་ཅན་སྙིང་རྗེའི་ཁོར་མོའི་ཡུག།  ཕ་མ་གཉེན་ཉེར་རྩིས་ཀྱི་ཕྱག་རྒྱས་ཟིན།། 

འགྲོ་བའི་འདྲེན་པ་བསྟན་འཛིན་རྒྱ་མཚོའི་ཞབས།།  རྒྱ་མཚོའི་བྱེ་མ་སྙེད་ཀྱི་ཕྱག་གིས་བསྟོད།། 

མདོ་རྒྱུད་གཞུང་བཟང་ཟམ་མི་ཆད་པའི་རྒྱུན།།  སྤོབས་གདེང་གདོང་ལྔས་སྲིད་པའི་གངས་ཀྱི་རྩེར།།

དེ་ལས་མང་བ་། “རྗེ་བཙུན་བླ་མ་གསེར་གྱི་ལྷུན་པོའི་མཆོད་པ་དད་དམ་རླབས་ཀྱི་མེ་ཏོག་ངག་རིག་དྲི་བསུང་ཡོམ་པའི་སྐྱེད་ཚལ།” »

ཁྲོ་གཏུམ།

མིག་རབ་རིབ
སེམས་པ་རབ་རིབ
གནམ་ས་རབ་རིབ་
ཡིད་བརྙན་རབ་རིབ
འདོད་པའི་རྩེ་མ་གང་བའི་དུས་སུ
རྩམ་རྡོག་ཅིག་གིས་མིད་པ་འགག་ཞོར
ཡི་ག་ལ་སྒོ་ཕྱེ་སོང

དེ་ལས་མང་བ་། “ལོང་ཡིག་བབས་པ།” »

ཆབ་ངོམས་ཨ་ཚོགས།

དྲིན་ཅན་ཨ་མ་ལགས།
ཁྱེད་ནི་ངའི་སྙིང་དབུས་ནས་ནམ་ཡང་བྲལ་ཐབས་མེད་པའི་སྐྱེད་མ་ཞིག་ཡིན།
ངའི་ཨ་མ་ལགས་ནི་ཉིན་གཅིག་སློབ་གྲྭར་འགྲོ་མྱོང་མེད་ལ།
སྦྱོང་བའི་སློབ་སྦྱོང་ཟེར་བ་ཅི་མེད་མོད།
རང་བཞིན་གྱིས་བརྩེ་སེམས་ཟབ་མོ་ཞིག་ཡོད།
ཨ་མས་བུ་ཕྲུག་ལག་པ་ནས་འཇུས་ཤིང་།
རྟག་ཏུ་བྱམས་བརྩེས་སྐྱོང་བ་མཛད།
ཨ་མ་ནི་བྱམས་བརྩེའི་བདག་ཉིད་ཅན་གྱི་སྟོན་པ་དེ་ཁོ་ནའོ།
དྲིན་ཅན་གྱི་ཨ་མ་ལགས།
ལུས་ལ་བོད་ཆས་གཙང་མ་གྱོན་ཞིང་།
ངག་ནས་བོད་སྐད་གཙང་མ་སྨྲ།
མི་ཚེའི་ནང་དུ་རྒྱ་ཆས་གྱོན་པ་གཏན་ནས་མཐོང་མྱོང་་མེད།
དེ་འདྲའི་གཟི་བརྗིད་ཅན་གྱི་ཨ་མ་ཞིག་མ་རེད་དམ།

དེ་ལས་མང་བ་། “ཨ་མའི་ཉིན་མོ།” »

ཁྲོ་གཏུམ།

• གྲོགས་སྙན་ངག་པ་ལྷ་ཆབ་ཀྱི་སྙན་ངག་ཅིག་ཀློག་ཞོར་སེམས་པའི་ཟབ་ས་ནས་ལྷུང་བའི་ཚིག་གི་མར་ལོ་ཁ་ཤས།

བལྟས་ཚེ་བྲལ་བའི་ཡུལ་དེའི་ཚེར་ས་མི་མཐོང་།།
བསམ་ཚེ་བྲལ་བའི་དུས་ཀྱི་སྣང་བ་གཅིག་པུ།།
ལོ་ཟླའི་ས་མཐའ་འདི་ཡི་སྣང་བ་སྡོམ་པོ།།
ཡུལ་ལ་ཕྱོགས་པའི་རྟ་རྒོད་སྲབ་ཀྱིས་མི་བཏུབ།།

གཉོམ་ལག་རྒྱས་པའི་སྐབས་ཀྱི་དུས་ཐུང་གཅིག་པུ།།
ཕ་མའི་བྲང་ཁར་རླན་པའི་ཚོར་བ་དྲོན་མོ།།
གྱ་ཙེ་གོམ་ཙེ་བསླབས་པའི་ཤེས་བྱ་ཐོག་མ།།
དྲིན་ཆེན་གཉིས་ཀྱིས་ངག་གི་གཉོམ་ཤས་བསྐྱངས་པ།།

དེ་ལས་མང་བ་། “དྲན་པའི་ནང་གི་ཆུ་ལོག” »

འཇིགས་དབང་གིས།

མདོ་སྟོད་སྨད་དབུས་གཙང་ཆོལ་གསུམ་གྱི་སྤུན་ཟླ།།
རང་སྡོད་སའི་ཡུལ་ལུང་གཅིག་པ་ཞིག་མིན་ཡང་།།
བོད་མེས་པོས་གདུང་རྒྱུད་གཅིག་པ་རང་ཡིན་གཤིས།།
ནང་ཕན་ཚུན་མ་རྩོད་མཐུན་སྒྲིལ་ཞིག་གནང་དགོས།།

དེ་ལས་མང་བ་། “ནང་ཕན་ཚུན་མ་རྩོད་མཐུན་སྒྲིལ་གྱིས།” »

རྫ་ཚེ་རིང་བཀྲ་ཤིས།
ཡོལ་མོ་གངས་ར་མདོ་སྡེ་ཕལ་ཆེན་ལས།། རྒྱལ་བས་ལུང་བསྟན་སིང་ག་ལ་ཡི་ཚལ།། སྟོན་པ་ཤཱཀྱ་ཐུབ་པར་གསོལ་བ་འདེབས།། སངས་རྒྱས་བསྟན་པ་རྒྱས་པར་བྱིན་གྱིས་རློབས།།
ཨོ་རྒྱན་ཆེན་པོས་སྦས་གནས་བྱིན་གྱིས་བརླབས།། པདྨའི་ཚལ་ཞེས་ཆོས་གཏེར་རྒྱ་མཚོས་བསྐངས།། སློབ་དཔོན་པདྨ་འབྱུང་གནས་གསོལ་བ་འདེབས།། ཉིན་མཚན་དུས་དྲུག་ཀུན་ཏུ་ཐུགས་རྗེས་ཟུངས།།

དེ་ལས་མང་བ་། “སྦས་ཡུལ་ཡོལ་མོ་གངས་རྭའི་གནས་དང་བླ་མ་རྩ་གསུམ་ལྷ་ཚོགས་ལ་གསོལ་བ་འདེབས་པ་འདོད་འབྱུང་དབང་གི་ནོར་བུ་ཞེས་བྱ་བ་བཞུགས་སོ།།” »