ཁྲོ་གཏུམ།
༼རི་བའི་ཐོད་ནས་བལྟས་ན།༽
ལྷག་རླུང་མེད་པར་དུས་རབས་ཀྱི་རྗེས་སུ་རྐང་པ་འཇོག
བསིལ་ལྷམ་གོན་པའི་རྐང་ཐང་བ་འགས་དུས་ཚོད་ཀྱི་རྗེས་མ་ཟིན་པས
དུས་རབས་གསར་པའི་ཉི་འོད་ཀྱི་དྲོད་ཁོལ་མ་རག
ཁུག་མ་དངུལ་གྱིས་བཀང་བ་ལ་འབད་པའི་མི་འབོར་ཞིག
འཕགས་ཡུལ་བུ་མོ།
ལྷ་ཐོག་མཇེ་ཕྲུག
ས་རེ་ནག་པོའི་འོག་ནས།།
རྒྱ་གར་སྨན་ཆུང་མཛེས་མའི།།
བཞིན་གྱི་འཛུམ་མདངས་མངོན་ཚེ།།
ཟུར་མིག་ཐེངས་འགའ་ཤོར་སོང་།།
ལུས་ལ་རྒྱན་ཆ་མི་འདོད།།
མཛེས་མའི་རློམ་སེམས་མེད་པ།།
ཨེ་ཝཾ་ཆོས་སྨན་གླིང་གི་དུས་བཟང་།
ཨེ་མ་ཧོ།
༼༡༽ ནམ་མཁའ་ཡར་ལ་ལང་དུས།།
ཞལ་འདོན་བཟང་པོ་སྤྱོད་པ།།
འོད་གསལ་དགོན་ནས་སྒྲོག་པས།།
མ་རིག་གཉིད་ལས་སད་སོང་།།
༼༢༽ ཇོ་བོ་ཞལ་དཀར་རྩེ་ལ།།
ཨེ་ཝྃ་རྣལ་འབྱོར་གྱི་བདེན་ཚིག
ཨེ་མ་ཧོ།
སྐྱབས་གནས་རྒྱལ་བའི་སྤྱི་གཟུགས།།
གསང་ཆེན་བསྟན་པའི་བདག་པོ།།
ཡབ་མེས་གོས་དཀར་ཚོགས་པའི།།
འཕྲིན་ལས་རྒྱས་པའི་རྟེན་འབྲེལ།།
ཆོས་བརྒྱུད་བསྟན་པ་འཛིན་ཅིང་།།
རིགས་བརྒྱུད་རྩ་ལེགས་སྐྱོང་ནས།།
གསང་ཆེན་དར་རྒྱས་སྤེལ་བའི།།
ཨེ་ཝྃ་རླུང་རྟ་རྣམ་ལྔ་།
ཨེ་མ་ཧོ།
༼༡༽ མཁའ་ཀློང་གཙང་མའི་དབུས་ནས།།
ནམ་མཁར་སྐད་ཅིག་བགྲོད་པའི།།
བྱ་རྒྱལ་ཁྱུང་ཆེན་རྒོད་པོས།།
ཨེ་ཝྃ་གཤོག་ཟུང་ངོམས་ཤོག།
༼༢༽ བར་སྣང་ཆར་སྤྲིན་མཚམས་ནས།།
སྙན་གྲགས་འཛམ་གླིང་ཁྱབ་པ།།
གདོང་ཐུག
ཟླ་བ་ཚེ་རིང་།
ང་ངྷ་སར་ཡོད་དུས། ངྷ་ས་ཧ་ཅང་ཆེ།
ཕྱིར་འཁོར་ནས་ལྟ་དུས། ངྷ་ས་ཧ་ཅང་ཆུང་།*
ངྷ་སའི་མི་ཚོགས་རིམ་གྱིས་ཡལ་སོང་།
ཤུལ་དུ་ལུས་པ་ནི་གདོང་རུས་སྐམ་པོ་འགའ།
ཐོད་པ་སྐམ་པོ་ལ་མིག་འབྲས་མེད་པས་ཡིན་ནམ།
དེ་ནས་བཟུང་། ངྷ་སར་ནམ་ལངས་མྱོང་མེད་ལ།
ཉི་རྩེའང་བརྒྱབས་མྱོང་མེད།
བདག་གི་སྐྱོ་གདུང་ཞིག
—བར་ཕུ་ཕུན་ཚོགས།
གང་ཚེ་བོད་ཀྱི་སྐལ་པ་ཡར་ཐོག་ན།།
ཞང་བོད་ཡིག་རིས་གཅིག་པའི་གནས་སྐབས་སུ།།
བན་བོན་མཉམ་དུ་དར་བའི་ལོ་རྒྱུས་མངོན།།
སྐྱོ་དགོས་མི་འདུག་མེས་པོའི་སྙིང་སྟོབས་མཚར།།
བོན་སྐྱབས་རྗེ་སྨན་རི་རིན་པོ་ཆེ་དྲན་མགུར་འཇའ་གུར་རི་མོ།
དཔལ་དགྱེས་རྡོ་རྗེ།
ན་མོ་གུ་རུ་མ་ཏྲི་ཤཱི་ལ་ཡེ།
༼༡༽ ཀ་དག་སྤྲོས་བྲལ་གཉུག་མའི་བོན་དབྱིངས་སྐུ།།
ཁ་སྦྱོར་རིག་པ་རང་བྱན་བྱང་ཆུབ་པའི།།
ཉ་གང་མདངས་འཛིན་བོན་སྲས་རྒྱུད་པ་བཅས།།
གཡུང་དྲུང་ཡབ་མེས་དམ་པས་དགེ་ལེགས་སྩོལ།།
དེ་ལས་མང་བ་། “བོན་སྐྱབས་རྗེ་སྨན་རི་རིན་པོ་ཆེ་དྲན་མགུར་འཇའ་གུར་རི་མོ།” »
རྒྱལ་བསྟན་གྱི་བདག་པོ་འཁོར་འདས་འཆར་སའི་མེ་ལོང་།
ཨེ་མ་ཧོ།
༼༡༽ སྣང་སྲིད་རྣམ་དག་རྒྱལ་བའི་དཀྱིལ་འཁོར་ནས།།
འཁོར་འདས་གཞིར་བཞེངས་སྐུ་གསུམ་རོལ་བའི་གར།།
རྣམ་འདྲེན་སངས་རྒྱས་བསྟན་པ་སྤེལ་བའི་མགོན།།
སྙིང་གི་མུན་སེལ་བླ་མ་རྟག་ཏུ་རྒྱལ།།
༼༢༽ ལས་སྨོན་རྟེན་འབྲེལ་བཟང་པོས་མཐུ་སྟོབས་དཔལ།།
དགྱེས་པའི་དད་བརྩོན་དགེ་ཚོགས་འཕགས་ནོར་བདུན།།
དེ་ལས་མང་བ་། “རྒྱལ་བསྟན་གྱི་བདག་པོ་འཁོར་འདས་འཆར་སའི་མེ་ལོང་།” »
རྨི་ལམ་གྱི་མཐོང་ཚུལ་དང་ཡིད་ཆེས་བརྙེས་པའི་ལུང་བསྟན་དུས་གསུམ་གསལ་བའི་མེ་ལོང་།
དཔལ་དགྱེས་པ་རྡོ་རྗེ།
ན་མོ་མ་ཧྰ་གུ་རུ་པདྨ་ཀ་ར་ཡེ།
བདེ་ཆེན་ལྷན་སྐྱེས་དགྱེས་པ་རྟག་རོལ་བ། །
ཉིན་མཚན་ཁོར་ཡུག་འོད་གསལ་ངང་གནས་པའི། །
འཕགས་བོད་མཁས་གྲུབ་བླ་མ་བརྒྱུད་པར་བཅས། །
མི་ཕྱེད་དད་པའི་ཕྱག་གིས་ཡང་ཡང་འདུད། །
དེ་ལས་མང་བ་། “རྨི་ལམ་གྱི་མཐོང་ཚུལ་དང་ཡིད་ཆེས་བརྙེས་པའི་ལུང་བསྟན་དུས་གསུམ་གསལ་བའི་མེ་ལོང་།” »
ཀ་མགུར་བློ་བདེ་དཔྱིད་ཀྱི་རྒྱལ་མོ།།
མཁན་ཆེན་བླ་མ།
ན་མོ་གུ་རུ་བུདྡྷ་ཛྙྰ་པདྨ་ཀ་ར་ཡེ།།
ཀ་དག་རྡོ་རྗེའི་ཐོལ་གླུ་དབྱིངས་ནས་ལེན།།
ཁ་བཤད་སྒྲུབ་པའི་སྙིང་པོ་མངོན་གྱུར་པས།།
ག་ནས་བལྟས་ཀྱང་དག་སྣང་རབ་འབྱམས་ངང་།།
ང་ཡིས་བརྒྱུད་གསུམ་མཇལ་བར་ཞེ་བློ་བདེ། །།
ཅ་ཅོ་དབེན་པའི་གངས་ལྡན་རི་ཁྲོད་ན། །
ཆ་ལུགས་མ་བཅོས་གང་ཤར་གཉུག་མའི་བུ།།
མདང་ནུབ་ཀྱི་མི་དེ།
ཨོ་གླིང་། འདྲེ་གླེན་པ།
སྐྱ་མདའ་བཀྱག་ཁར།
ང་རང་ཁུ་སིམ་མེར །
སྦྲ་མཐའ་བཀྱོགས་ནས་ཕྱིར་ལོག
རི་ཁའི་ལམ་ཕྲན་དེ་ནས།
ཉི་འོད་ཕྱོགས་སུ་འཐོར་དུས།
ང་ལ་འདང་རྒྱག་གསར་བ་ཞིག་སླེབས།
ཀུན་མཁྱེན་བླ་མ་ཚུལ་ཁྲིམས་བློ་གྲོས།
མཆོག་སྤྲུལ་ཧཱུྃ་ཀར་རྡོ་རྗེ། ཨེ་མ་ཧོ་ཡིས་འོས་སྦྱོར་བྱས།
ཡུན་རིང་དག་ལ་མཐོང་བ་དང་།།
ཐོས་སམ་འོན་ཏེ་སེམས་པ་ཡིས།།
གང་གི་ཚུལ་ནི་ཁྱད་འཕགས་པ།།
ཁྱེད་ཀྱི་རང་བཞིན་འགའ་བརྗོད་སྙམ།།
དང་པོར་ཐོས་པའི་མཐའ་རྒྱ་བཅད།།
བར་དུ་བསམ་པས་ཐེ་ཚོམ་བསལ།།
ཨ་ཧོ་ཞི་བ་དམ་ཆོས་དེ་ག་རང་།།
ཨ་ཁུ་འབྲོག་པ།
ཀ་བཤད་མི་འབྲི་ཀ་མེད་ཁ་བརྡས་བསྐུལ།།
ཁ་ནས་གང་ཐོན་བྲིས་ན་དུས་ཚོད་གྲོན།།
ག་ཕྱི་ག་ལོག་སྙོན་ན་རང་ཚུགས་འཆོར།།
ང་མཁས་ངས་འཇོན་བྲིས་ན་རྒྱུས་ཡོད་ཁྲེལ།།
ཅ་ཅོ་འུར་ཤོབ་མིན་པའི་ཀ་བཤད་ཅིག །
ཆ་ལུགས་ཚུལ་ལྡན་ཀུན་ལ་སྙིང་གཏམ་ཞིག །
རླུང་ལ་རེ་བ།
བར་ཕུ་ཕུན་ཚོགས།
དུས་ཚོད་ཉི་མས་བསྐྱལ་བ་ན།།
ལུས་པོ་དྲོད་ལ་ཁ་ཡང་དྲོད།།
ལུས་དྲོད་མཁྲིས་པའི་ནད་ལ་འཇིགས།།
ཁ་དྲོད་རྙོག་གྲའི་གཏམ་ལ་འཇིགས།།
ཉི་མ་རིང་བའི་མཚན་མོ་དེར།།
རྨི་ལམ་བཟང་ངན་ཅི་བྱུང་ཡང་།
མེ་ལོང་གི་གས་ཁ།
ཁྲོ་གཏུམ།
ངས་སྐྲ་ལོ་ལ་བདག་པོ་རྒྱབ་མ་མྱོང་བ་ནི་གནས་ལུགས་ཤིག
སྐྲ་དཀར་ཐར་ཐོར་གྱི་ཉེན་བརྡ་བར་མེད་དུ་ལྡིང་འགོ་བཙུགས་དུས
གཡས་ལ་བལྟས
གཡོན་དུ་འཁོར་བ
གང་ལྟར་ངའི་རྗེས་སུ་ན་གཞོན་སྟོང་ཕྲག་གི་གོམ་སྒྲ་ཤུགས་ཀྱིས་འཕྱོ
མདུན་བསྐྱོད་ཀྱི་གོམ་པར་རབ་འབྲིང་ཆོ་གསུམ
ཀ་བཤད་དུས་ཀྱི་ཕོ་ཉ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
ཀ་ཁ་བོད་ཡིག་ཐུ་མིའི་སྲོལ་གཏོད་རེད།།
ཁ་བ་ཅན་གྱི་ཕ་མེས་བླ་སྲོག་རེད།།
ག་པར་གནས་ཀྱང་ཕ་མས་སྐད་ཡིག་ལ།།
ངོ་ཚ་སྤངས་ནས་ཉིན་མཚན་ཀུན་ཏུ་སྦྱོངས།།
ཅོལ་ཆུང་བློ་དང་སྒལ་ཚིགས་མེད་མཁན་ཚོའི།།
ཆ་འཇོག་ཡིད་ཆེས་ཕྱི་སྐད་རྗེས་སུ་འབྲངས།།
འདོད་པའི་སྒྱུ་རྩལ།
ལྷ་ཐོག་མཇེ་ཕྲུག
འཕུར་མཉེད་ལྡག་འཇིབ་མེད་པའི་འཁྲིག་ལས་ལས།།
འདོད་པའི་བདེ་བ་རྣལ་མ་ཚོར་མི་སྲིད།།
འདོད་ལས་བྱེད་དེ་འདོད་པ་མ་ཚིམ་ན།།
ཁུ་བ་དཀར་པོར་རིན་ཐང་ཅི་ཞིག་ཡོད།།
འདོད་པའི་བདེ་ཚོར་སྟུ་མཇེ་ཙམ་མིན་པར།།
ལུས་ཀྱི་མ་ལག་ཀུན་དང་འབྲེལ་བ་ཡོད།།
སྦྲ་ནག་ལགས། ད་དུང་ཅུང་ཙམ་སྒུག་དང་།
ཙཱ་རྐང་དྲུག
སྦྲ་ནག་ལགས།
ཁ་སང་མཁའ་ན་རྒྱུ་བའི་སྤྲིན་དཀར་ཞིག་ལ་ཁྱེད་ཀྱི་བདེ་སྡུག་དྲིས་པའི་ལན་དུ།
རྩྭ་ཐང་དོག་དྲགས་པས་འདོ་རིགས་རྟ་བོའི་བང་རྩལ་ངོམ་ས་མི་འདུག་པར་སྐད།
རྩྭ་ས་སྐམ་ལ་ཉེ་བས་གཡང་དཀར་ལུ་གུའི་མཆོང་ལྡིང་གི་རྩེད་འཇོ་ཡང་མཚམས་བཞག་སོང་བར་སྐད།
རྩྭ་ཐང་འགྱུར་སོང་བས་སྦྲ་ནག་གི་ཆོན་ཐག་བརྐྱངས་ས་ཡང་དབེན་སོང་བར་སྐད།
སེམས་ངོ་རིག་ཐོག་གི་མགུར་དབྱངས་ཡིད་བཞིན་ནོར་བུ།
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།།
དུས་གསུམ་རྒྱལ་ཀུན་འདུས་ཞལ་ཨོ་རྒྱན་གྱི་བླ་མ།།
མཚོ་འཁྲུངས་རྒྱལ་བ་བརྒྱུད་པར་དད་གུས་ཀྱིས་བསྟོད་ནས།།
ལྟ་སྒོམ་སྤྱོད་འབྲས་དེ་ཉིད་སྙིང་པོ་ཀུན་དགོས་པ།།
ཨོྃ་ཧཱུྃ་ཨཱཿཧྲཱིཿའི་མགུར་དབྱངས་མཆོད་པ་འདི་འབུལ་ལོ།།
སྒོ་གསུམ་ཐ་མལ་མུན་ཁུངས་དབང་མེད་དུ་ཤོར་ན།།
འཁྲུལ་བ་བཙན་ཐབས་བསལ་ཕྱིར་རྩེ་རྒྱལ་གྱི་ལྟ་བ།།
དེ་ལས་མང་བ་། “སེམས་ངོ་རིག་ཐོག་གི་མགུར་དབྱངས་ཡིད་བཞིན་ནོར་བུ།” »