ཤྲྰི་སྨྱོན་ཨེ་མ་ཧོས།

ན་མོ་གུ་རུ་བུདྡྷ་ཛྙྰ་ན་པདྨ་ཀ་ར་ཡེ། །

ལྷན་སྐྱེས་ཆོས་སྐུའི་མཁའ་འགྲོ་ཀུན་བཟང་གི་བདག་མོ། །
སྔགས་སྐྱེས་ལོངས་སྐུའི་མཁའ་འགྲོ་བདེ་ཆེན་གྱི་རྒྱལ་མོ། །
ཞིང་སྐྱེས་སྤྲུལ་སྐུའི་མཁའ་འགྲོ་རྣམ་འདྲེན་གྱི་དབང་མོ། །
ཡེ་ཤེས་མཁའ་འགྲོའི་ཚོགས་ལ་སྒོ་གསུམ་གྱིས་འདུད་དོ། །

བཅོམ་ལྡན་ཐུབ་དབང་ཀུན་བཟང་ཆོས་མཆོག་གི་རྒྱལ་པོ། །
རྡོ་རྗེ་འཆང་དབང་ཕྱོགས་དུས་རྒྱལ་སྲས་ཀྱི་བདག་པོ། །
པདྨ་ཀ་ར་གསང་ཆེན་རིག་འཛིན་གྱི་དཔང་པོ། །
ཀུན་འདུས་བླ་མ་ཡིད་བཞིན་ནོར་བུ་ལ་འདུད་དོ། །

དེ་ལས་མང་བ་། “མཁའ་འགྲོ་དགྱེས་པའི་གད་རྒྱང་མི་རྐང་གླིང་བུ་ཞེས་བྱ་བ། །” »

བོད། ལྷ་ཀླུ་གཉན་གསུམ།

གཅིག
ང་རང་སྲང་ལམ་དོགས་པོ་ཞིག་བརྒྱུད་དེ། མཚན་མོ་དེར་ཆང་ཁང་དེར་མཚོ་ཁའི་མེ་ཏོག་དང་འགྲོགས་ནས་སོང་བ་ཡིན། ང་རང་ཆང་ཁང་དེར་འབྱོར་དུས་སུ། གཞི་ནས་ང་རང་འགྲོ་ས་དེ་ནི་བུད་མེད་ཁོ་ནའི་གྲུབ་པའི་ཆང་ཁང་ཞིག་དང་། བུད་མེད་ཆེས་མང་བོ་ཞིག་གློག་འོད་མི་གསལ་བའི་ཁང་ཆེན་དེ་ན། བུད་མེད་སྐོར་སྐོར་བྱས་ནས་ཁ་བརྡ་བྱེད་ཞོར་དུ་ཨ་རག་འཐུང་གི་ཡོད་པ་ཞིག་དུ་སླེབས། སྐབས་དེར་ང་རང་ཅུང་དོགས་མི་བདེ་ངང་དུ་ཁ་རོག་གེར་ཅོག་རྩེ་ཞིག་གི་མཐའ་རུ་ཁོ་མོ་དང་ལྷན་དུ་བསྡོད་ཞོར། ཁྱེད་རང་ང་འདི་ལ་ཁྲིད་དེ་འོང་དོན་ཅི་ཡིན།

དེ་ལས་མང་བ་། “བཙལ་ཡང་མ་རྙེད་པའི་བརྩེ་དུང་།” »

བོད་མི་དང་བོད་ཡིག

བོད། ལྷ་ཀླུ་་གཉན་གསུམ།

དོན་དངོས་ཐོག
ང་རང་ལ་ལོ་རྒྱུས་ཡོད
དེ་ཡང་བདེན་པ་ཡིན
མེས་པོ་དག་གིས་ངའི་ཆེད་དུ་རྔུལ་ཆུ་བཙག་ཡོད
ཤ་ཁྲག་གི་མཆོད་པ་འབུལ་མྱོང་
དེ་རིང་ང་རང་ལ་ཉེས་པ་མེད་བཞིན་དུ
རོ་སྒམ་དུ་འཇུག་རྩིས་འདུག

ང་རང་མི་ལོ་སྟོང་ཕྲག་སྔོན་དུ
ངའི་བདག་པོ་ཚོས
རང་དབང་གི་སྒོ་ནས་ང་རང་འཁུར་ནས་འོང་
དཀའ་སྤྱད་གྲངས་མེད་ཅིག་མྱོང་ནས
འགྲོ་སོང་མང་བོ་ཞིག་བཏང་ནས
དེ་རིང་རིན་མེད་དུ
འདི་བ་ཚང་གིས
ང་རང་རང་ཁྱིམ་ནས་འཕུད་རྩིས་འདུག

དེ་ལས་མང་བ་། “ང་རོ་སྒམ་དུ་འཇུག་རྩིས་འདུག” »

༼ བོད ༽ མགོ་ལོག་པ་འཇིགས་བྱེད་ཚེ་རིང་།

སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པས། རིགས་རུས་དང་ཐོབ་ཐང་ཤོར་སོང༌།
བྱམས་སེམས་དང་དད་འདུན་བརྗེད་སོང༌།

སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པར། ཕ་གཞིས་ན་མེ་ཁ་གསོ་མཁན་མེད།
དུ་བ་ཙམ་ཡང་མེད་པའི་ཁང་སྟོང་དེ།
སུ་ཤིག་གིས་འུ་ཚོ་ལ་བཞག་པའི་ཁྱིམ་གཞིས་རེད།

སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པའི། སྐད་དང་ཡི་གེ་ལ་སུ་ཞིག་གིས་བཙན་གཡེམ་བྱེད་ཀྱིན་འདུག

དེ་ལས་མང་བ་། “ཐོབ་ཐང་ཤོར་བའི་བདག་གི་བོད་པ། བོད་འབྱོར།” »

བོད། ལྷ་ཀླུ་གཉན་གསུམ།

དེ་ནས་བཟུང་ ཁྱེད་རང་ཁོ་ན་ལ་ཡིད་ཆེས་བྱས
ཁྱེད་ཉིད་ཁོ་ན་སེམས་ཁོང་གི་བརྩི་མཐོང་ཆེ་ཤོས་ཡིན

གཞན་ཡུལ་ནས་གཞན་ཡུལ་ག་ཚོད་རྒྱུད་ཀྱང་
ད་དུང་ བརྩིགས་ངོས་ཀྱི་ཁྱེད་རང་ལ་ཁ་གྲགས་རྒྱུ་མི་འདུག
ངས་ཀྱང་ དེ་འདྲ་ཞིག་ཡིན་སྣང་གིས་ཡིད་ཆེས་བྱས
རེ་སྨོན་བཅོལ ཡོད་ཚད་ཁྱེད་ལ་བཞག
ཁྱེད་ཀྱི་དྲུང་དུ་སྤུངས
ཤ་རྐང་གཉིས་ཀ་བཙུར་ནས
ལུས་ངག་ཡིད་གསུམ་བཙག་ནས
ཐམས་ཅད་ཁྱེད་ལ་ཞུས

དེ་ལས་མང་བ་། “བརྩིགས་ངོས་ཀྱི་འདྲ་དཔར་འདིའི་ནམ་ཞིག་སྐད་ཆ་བཤད་སྲིད།” »

༼བོད་ཀྱི་བུད་མེད་རྩོམ་པ་པོ་གྲགས་ཅན་འོད་ཟེར་ལགས་ལ་གསར་འགོད་ལས་རིགས་ཀྱི་ཆེ་བསྟོད་གཟེངས་རྟགས་ཐོབ་པར་ཕུལ།༽

ཐེ་བོ་ཤེས་རབ་རྒྱ་མཚོ།

སུ་ལ་མེད་ན་ཀུན་གྱིས་བརྙས་བྱེད་ཅིང་།།
གང་ལ་ཡོད་ན་བཀུར་སྟིའི་རྩ་བ་སྟེ།།
ཟད་མེད་རྙིང་དུ་མེད་པའི་བདེན་པ་ཡིས།།
རིགས་ཀྱི་བུ་མོ་ཁྱོད་ལ་སྲུངས་གྱུར་ཅིག།

འདི་ན་ཁྱོད་འོད་དྲོན་པོ་ལ་འཐུང་བའི།།
ང་ཡི་གདོང་གི་འདབ་བརྒྱ་འཛུམ་པའི་དབུས།།
མིག་གི་ཟེའུ་འབྲུ་ཁྱོད་ཉིད་བཞུགས་པའི་ཕྱོགས།།
ཉིན་མཚན་བར་མེད་རྟག་ཏུ་ལྡེམ་ཞིང་འགུལ།།

དེ་ལས་མང་བ་། “ཧི་མ་ལ་ཡའི་རི་འདབས་ནས་སྤྲིངས་པ།” »

ཆུང་དུས་ཆུང་དུས ངས་ཅི་ཡང་བསམ་མ་མྱོང
ཐ་ན་དུས་རྒྱུན་རང་ཉིད་ཀྱི་མགོ་ཐོག་ན་སྐྱག་སྦྲང་འཁོར་འདུག་པའང་མ་ཚོར
ཁ་སང་དེ་རིང ངས་གཞི་ནས་དོན་དག་གཞན་ཞིག་ཤེས་ཀྱིན་ཡོད
མི་གཞིའི་སྙིང་སྟོབས་ལྟ་བུའི མི་བུའི་རང་དབང་ལྟ་བུའི

དེ་ལས་མང་བ་། “ལོ་ཆུང་གིས་འདི་ལྟར་བཤད་འདོད། བོད་འབྱོར།” »

བོད། ལྷ་ཀླུ་གཉན་གསུམ།

ཀ་དག་སྤྲོས་བྲལ་ཟེར་ནས་ཀློག་འདོན་ལ་བྲེལ་བའི།།
ཁ་བའི་རིགས་ཀྱི་དམར་བོའི་སྡེ་དག་ནས་བརྩམས་དེ།།
ག་ལེར་ན་ནིང་ནས་བཟུང་མི་རིགས་ཀྱི་དོན་དུ།།
ང་འོ་སྙམ་པའི་བློ་རྒྱ་བསྐྱེད་པ་དེ་བསྟོད་དོ།།

ཅ་རིལ་རྐང་གཅིག་ལྟ་བའི་ཕྱི་བསྡོད་ཀྱི་ང་ཚོ།།
ཆ་ལུགས་ཀུན་ལ་འདྲིས་ཤིང་རང་གཤིས་དེ་བོར་ནས།།
ཇ་ཁ་ཆང་ཁ་ཙམ་ལ་མགོ་བོ་འདི་རྨོངས་དེ།།
ཉ་རྙོག་གཏམ་ལ་འཚུད་པ་ཡིད་སེམས་དེ་སྐྱོ་བ།།

དེ་ལས་མང་བ་། “བོད་དོན་རྩོད་པའི་ཀ་ཁ་བཀླགས་རྗེས་སུ།” »

བོད། ལྷ་ཀླུ་གཉན་གསུམ།

བྲིས་པའི་ཡི་གེར་ཡིད་ཆེས་བཅོལ་ཉིན་ནས།།
གློག་གི་གྲོང་ཚོའི་སྐུ་མགྲོན་ཆགས་ཉིན་ནས།།
སྟོང་བསམ་མོད་པོའི་ལམ་འགྲོ་བུ་ཆུང་ང་།།
ཤོག་བུའི་ཁུགས་ཀྱི་མེ་ཕུང་དམར་པོ་རེད།།

བསྲེགས་པར་སླ་བའི་སྣང་ཚུལ་ཚུགས་མེད་ཅིག།
བརྟན་པོར་མི་བསྡོད་ཡིད་ཀྱི་ཐོན་རྫས་ཤིག།
ལྷུང་བའི་རྐང་སྣེ་ཐོག་པའི་སྔ་གཞུག་ན།།
ང་ཡི་རང་ཉིད་བོར་བའི་ཚན་པ་ཞིག།

དེ་ལས་མང་བ་། “ཡོད་མེད་ཀྱི་བར་ནས་ཐོར་སོང་།” »

རྟ་ནག་སྐལ་བཟང་ལུང་རིགས།

བསམ་བློའི་གསེར་ཐག་རིང་མོ་ལྕགས་དང་ཐོ་བས་བརྡུངས་ན།།
བདེན་པའི་མྱི་སྐད་གཤའ་མ་གྱོད་དང་ཁ་མཆུས་གཏུགས་ན།།
རང་དབང་སྐྱིད་པའི་སྒོ་མོ་མཚོན་དང་དམག་གིས་བསྐོར་ན།།
མ་བསྙེངས་གངས་རིའི་འབྲོང་རྒོད་བདེན་པ་རྭ་རྩེར་བསྐྱོན་ན།།
བཙན་པོའི་སྙིང་སྟོབས་སད་པའི་རྟེན་འབྲེལ་ཨེ་ཡིན་བསམས་ནས།།
སྙིང་ཆུང་རྟེའུ་འདྲ་བོ་དགའ་བའི་མཆོང་རྕེད་བྱེད་གི།

ས་ཆེན་སྤར་མོས་བཙིར་བའི་དཔའ་སྙིང་ལུ་གུ་ལྡིང་ལྡིང་།།
བདེན་པ་སྲོག་གིས་བསྐྱོར་བའི་སྙིང་སྟོབས་སེང་གེ་འགྱིང་འགྱིང་།།
ཁྲི་མུན་དམྱལ་ཁམས་གཏོར་བའི་སྟོབས་ཤུགས་སྟག་མོ་མཆོང་མཆོང་།།
ནག་ཕྱོགས་གཡུལ་ལས་རྒྱལ་བའི་སྙན་པ་རྫ་རྔ་རྡུང་རྡུང་།།
བལྟས་ན་མེད་མེད་འདྲ་བའི་བདེན་པའི་རྒྱབ་དཔུང་མཐོན་པོ།།
བརྟགས་ན་ཡོད་ཡོད་འདྲ་འདིས་སེམས་པ་དགུང་ལ་སྤུར་ཐལ།།

དེ་ལས་མང་བ་། “ཞོགས་དུང་སེམས་ལ་སྦྱར་ཏེ་བྲིས།” »

(ཞོགས་དུང་གློད་ཙམ་གྱི་གཏམ་བཟང་རྣ་བར་སོན་རྗེས་ཀྱི་ཚོར་བའི་འཕྱུར་སྟངས་ཤིག)

བོན་རྒྱ་བསྟན་འཛིན་རབ་རྒྱས།

ཕྱག་སྟོང་སྤྱན་སྟོང་གོ་དེ་རིང་མཉམ་དུ་བརྡབ་ཞོག།
ཕྱག་མཚན་མེ་ཏོག་དེ་དེ་རིང་མཉམ་དུ་ཁུར་ཞོག།
སྲིད་པ་སྐས་དྲུག་གི་སྲས་མཆོག་རུས་པ་ཅན་པོ།།
སྲིན་པོ་བཙན་རྫོང་ནས་ཐར་ཏེ་དེ་རིང་ཐོན་ཡོད།།

སྲིད་པའི་ལྷ་རྒན་དེ་རྨ་ཆེན་སྦོམ་ར་ཕེབས་ཤོགས། །
སྔོན་ཚེ་ཙོང་ཁ་བའི་རྗེས་སུ་དབུས་ལ་སོང་ཚོད། །
ཁ་སང་ཞོགས་དུང་གི་རྗེས་སུ་བཙོན་ལ་སོང་ངེས། །
སྤྲུལ་བའི་སྐྱེས་ལྷ་ཁྱོད་དམིགས་བསལ་དཔལ་དར་ཡོད་དོ།།

མངའ་རིས་སྐོར་གསུམ་ནས་སྐོར་བྲོ་ཤུགས་ཀྱིས་མཆོང་ཤིགས། །
དབུ་གཙང་རུ་བཞི་ནས་སུག་བཞི་བྲོ་ལ་རོལ་ཞོག །
མདོ་ཁམས་སྒང་དྲུག་ནས་རྒྱུད་དྲུག་སྟོབས་ཀྱིས་བརྡུང་ཞོག །
དེ་རིང་ང་རྒྱལ་གྱི་དབུ་འཕང་དགུང་ལ་ཟུག་ཡོད། །

དེ་ལས་མང་བ་། “དཔའ་བོ་ཞོགས་དུང་ལ་ཕུལ་བའི་འབེལ་རྩོམ་བཀྲ་ཤིས་དགུ་འཕྱུར།” »

དགའ་དགའ།

རྡ་སའི་སྨུག་སྤྲིན་གྱི་གསེང་ན། །
མཆིན་པ་སེམས་པ་ལ་འབྱར་བའི། །
སྙན་ངག་ལྕགས་མདོག་དེའི་ཕག་ན། །
གཟི་བརྗིད་འོད་གོར་གྱིས་བསྒྲིབས་པའི། །
མཐོང་ན་མི་དགའ་ནི་མེད་པ། །
ཐོས་ན་འཛུམ་དགོད་ནི་རང་འཆོར། །

དེ་ལས་མང་བ་། “རྡ་རམ་ས་ལའི་སྨུག་སྤྲིན་གྱི་གསེང་ནས་ གྲོགས་པོ་བོན་རྒྱ་བ་འཚོལ་བ།” »

                                                སེང་རྡོར།
མུན་ཁང་ཕུ་མེད་དེ་ལ་ད་གདོད་སེར་ཁ་ཕྱེ་སོང་། །
མི་བོའི་ལྕགས་སྒྲོག་ཁོལ་མ་སྐད་ཅིག་རང་སར་ཁྲུལ་བྱུང་། །
སྣ་མགོའི་ཤེལ་མིག་འོད་ཀྱིས་ཡང་བསྐྱར་གངས་ལ་གཟིགས་སོང་། །
ཤེལ་མིག་ཆག་ཀྲུམ་མེད་པར་ཡང་བསྐྱར་བོད་ལ་གཟིགས་སོང་། །

ཤེས་པ་གསལ་ཞིང་ཨེ་དྭངས་བོད་ཀྱི་གོམ་ཞེང་ཆེན་པོ། །
ལུས་པོ་ངལ་ཞིང་ཨེ་ཆད་བོད་ཀྱི་ཕྲག་ཞེང་ཆེན་པོ། །
གནམ་སའི་མཚམས་ནས་ལོག་པའི་བོད་ཀྱི་གྲིབ་མ་རིང་པོ། །
ཁ་ཏ་ཚིག་གསུམ་གློད་དང་བོད་ཀྱི་གསེར་ལྕེ་རིང་པོ། །

ནས་ཆང་ཕོར་གང་མཆོད་ཏེ་སྙིང་གི་ཚ་བ་ཕྱུངས་དང་། །
བྱ་རྨྱང་ལན་གསུམ་གྱིས་ཏེ་རུས་པའི་སྦྲིད་བག་སེལ་དང་། །
ཁྱེད་ལ་སེམས་ཀྱི་ཁོང་ནས་དར་དཀར་ཟམ་པ་རྐྱོང་ངོ་། །
ཁྱེད་ལ་སྙིང་གི་སྦུབས་སུ་ཟ་འོག་གདན་ཁྲི་རྒྱག་གོ །

དེ་ལས་མང་བ་། “བཀྲ་ཤིས་བདེ་ལེགས།” »

བོད ལྷ་ཀླུ་གཉན་གསུམ།

རང་བཙན་བརྩད་དེ་རྩ་བར་མ་ཐུག་ཅིང་།།
དབུ་མར་ཕྱོགས་ནས་ལས་དོན་མ་སྒྲུབ་པར།།
རང་ཐག་རང་གཅོད་མ་བྱས་ལྷོད་ལྷོད་བསྡད།།
བོད་པ་ང་ཚོའི་རིགས་འདི་སྙིང་རེ་རྗེ།།

གཅིག་གིས་བྱས་པར་གཅིག་གིས་འཕྱ་ཞིང་དམོད།།
གཞན་གྱིས་བྱས་ན་ཕྲག་དོག་མེ་ལྕེ་འབར།།
ཕར་ཚུར་གཉིས་ཀའི་བྱ་བ་མི་འཇོན་པའི།།
བོད་པ་ང་ཚོའི་རིགས་འདི་སྙིང་རེ་རྗེ།།

དེ་ལས་མང་བ་། “བོད་པ་ང་ཚོའི་རིགས་འདི་སྙིང་རེ་རྗེ།” »

བོད ལྷ་ཀླུ་གཉན་གསུམ།

བལྟས་བལྟས་དུས ད་གཟོད་ཤུན་པགས་ཤིག་རེད
ཡིན་ཡང་ དེ་ལ་གཅེས་པའི་སྣང་བ་འདི
དེ་འདྲའི་ལྕི་མོ་ཞིག རྒས་ན་ཡང་
ཚོར་བ་ནི་འགྱུར་སླ་བའི་ངང་ཚུལ་མེད་པར
མདུན་ནས་རྒྱབ རྒྱབ་ནས་གཞུག
བར་དང་གཏིང་འོག་མེད་པར་ནུར་བཞིན་འདུག

དེ་ལས་མང་བ་། “ཤུན་འབག་ལ་དེ་འདྲའི་དགའ་དོན་ཅི་ཡིན་ནམ།” »

བསྟན་འཛིན་ཤེས་རབ།

མྱུ་གུ་ཕོན་པོ་ཞིག་ལྗང་མདོག་འཁྱིལ་ལེར་སྐྱེས་སོང་།
གཤོག་པ་སྡེབ་བཞིན་པའི་བྱེའུ་ཆུང་དེས་མགྲིན་པ་སངས་བཞིན།
རི་བོའི་ཕ་རོལ་ཏུ་འགྲོ་འདོད་ཟེར།
རི་བོའི་ཕ་རོལ་ན་ཅི་ཞིག་ཡོད་དམ།

ནམ་ཡང་ཡིད་ཆེས་ཀྱིས་འདྲོངས་པའི་མི་ཨང་།
སྐྱོ་བ་དེ་སེམས་ཀྱི་ཕྱི་རོལ་ཏུ་འདེད་རོགས།
ཕུགས་བསམ་ལ་མཚོན་རྩིས་ཤན་ནམ།
ཁྱོད་ལ་མངོན་གྱིན་པའི་ཁང་མིག་གསོར་མོ་དང་།
མེ་དྲོད་ཀྱི་སོས་བཞིན་པའི་སེམས་ཁམས་དྭངས་མོ་དེ་དག
ནུབ་ཕྱོགས་ན་ལྡང་བའི་དྲི་ངད་དང་སྦྲེལ་ཐབས་མི་འདུག

དེ་ལས་མང་བ་། “ཡང་མིན་ན་འདི་ལྟར་བྱེད།” »

བོད། ལྷ་ཀླུ་གཉན་གསུམ།

དྲན་པའི་གླུ་དབྱངས་རྒྱང་རིང་ནས་བླངས་ཀྱང་།།
གོ་བའི་མི་དེ་དཔག་ཚད་དུ་མ་ཡི་ཆོད་སྟབས།།
འཕྱོ་བའི་རླབས་ཀྱི་མཚོ་མོའི་བཞུར་སྒྲ་ལ་ཉན་ཞོར།།
ནང་གི་ཤེས་པ་དྭངས་པའི་མཚོ་མོ་ལ་སྤྲིངས་ཡིན།།

ལས་ཀྱི་དབང་ཐང་མི་གཅིག་གནམ་འོག་གི་འཚོ་བ།།
བསམ་པའི་འཁྱེར་སོ་མི་གཅིག་རིག་གཞུང་གི་གོམས་གཤིས།།
ཡིན་ཡང་ཁྱིམ་གཅིག་བསྡུས་པ་སྔོན་ལས་ཀྱི་འཕྲོ་མ།།
འདི་ཉིད་སྲུང་དེ་དུས་ཡུན་ཅི་ཙམ་ཞིག་འཁྱོལ་ཡོང་།།

དེ་ལས་མང་བ་། “སྙིང་གཏམ་གྱིས་ང་རང་བསླུས་སོང་།” »