སྐྱོ་བྲག་དགའ་དབང་།
ཕ་མའི་བཀའ་དྲིན་བཟང་པོས། །ས་སྟེང་མི་ཡི་མཉམ་པོར། །འདོད་པའི་ཡོན་ཏན་དག་ལ། །ཡུན་རིང་སྤྱོད་རྒྱུ་རེད་སོང༌། །འོན་ཀྱང་ཕྱི་ཡི་གནས་ཚུལ། །ནང་གི་བསམ་པའི་ཁྱེར་སོས། །སྐྱོ་བའི་སྣང་བ་མ་གཏོགས། །དགའ་མོ་ཡོང་རྒྱུ་མི་འདུག །རྣམ་རྟོག་སེམས་ཀྱི་རླུང་གིས། །ང་རང་ཉམ་ཆུང་བྱི་འུ། །ཐག་རིང་མི་ཡི་ཡུལ་དུ། །འགྲིམ་པའི་སྐལ་བ་ཤར་བྱུང༌། །གྲངས་མེད་ཕོ་མོའི་འདུ་ལོང༌། །ནམ་ཡང་འབྲལ་དུ་མེད་ཀྱང༌། །སེམས་པ་གཏད་སའི་གྲོགས་པོ། །
ཁྲི་ལ་གསོལ་བའི་མི།
(བཀའ་ཁྲི་འདེམས་ཐོན་པ་བློ་བཟང་སེང་གེ་ལ།)
ས་དཀྱིལ་ཚེ་བཀྲ། བོད་འབྱོར།
རྒྱལ་བསྟན་ངོ་མཚར་རིན་ཆེན་ཞིང་དུ།།
ཆོས་སྲིད་བསྟན་ལ་བྱིན་རླབས་མངའ་ཞིང་།།
རིས་མེད་འགྲོ་ལ་ཐུགས་སེམས་བརྩེ་བའི།།
སྤྱན་རས་གཟིགས་དབང་མགོན་ཉིད་འདུད་དོ།།
སྣང་བ་ཕྱི་ལ་འཁོར་དུས།
བསྟན་འཛིན་ཤེས་རབ།
སེམས་ཀྱི་ལྷ་མོར་མིག་གིས་འཚོས་ཡོད། །
སྙན་མོའི་ངག་དེར་རྣ་བ་བླགས་ཡོད། །
སྒྱུ་འཕྲུལ་ལུས་ཀྱི་གར་སྟབས་མཉེན་མོས། །
ཚོར་བའི་གཏིང་སར་སིམ་པ་སྩོལ་དང་། །
སྣང་བ་ཞིག་གིས་མཁའ་ལམ་སྙེག་ཡོད། །
སྟོང་བའི་དབྱིངས་ལ་དཔྱངས་ཟམ་བཙུགས་ཡོད། །
རྟོགས་པའི་གཏམ་རྒྱུད་སེམས་ལ་འབྲི་བཞིན། །
གློག་གི་སྒྱུ་མའི་ཕོ་བྲང་བརྩིགས་ཡོད། །
སྐྱེས་བུ་རླབས་པོ་ཆེ།
རྫ་ཚེ་རིང་བཀྲ་ཤིས།
༡༽ཆུ་བོ་སྐད་ཅིག་ཀྱང་མི་སྡོད་པར་མདུན་དུ་རྒྱུག་ཅིང་། ང་ཚོ་ཡང་དེའི་ངོགས་ན་འཚོ་བ་ཡིན། བྱེ་ཟེགས་དང་འདམ་གྱིས་རྙོག་ཀྱང་རུང་། མེ་ཏོག་གི་ཁ་ཆུས་བརླན་ཡང་རུང་། མཐར་ནི་སླར་ཡང་རྒྱ་མཚོར་འབབ་པར་འགྱུར།
༢༽མཐའ་ཡས་པའི་ཚེ་སྲོག་དག་གི་སླད་དུ་མཐའ་ཡས་པའི་གོ་ཆ་བགོས་པའི་དཔའ་བོ་འགའ་ཞིག་གམ་ཏུ་མཆིས་ཏེ། ཡང་ཡང་མདོངས་གསོལ་དུ་ཕུལ་བའི་སྨྲེ་ངག་དེ་དག་ཐུགས་ལ་བཞག་སྟེ། བདག་གི་སླད་དུ་གཡོ་བར་གྱུར། དེ་དུས་འཇིག་རྟེན་འདིའི་ཚེ་སྲོག་མཐའ་ཡས་པས་རང་གི་བདེ་བ་དག་ཐོབ་པ་ནི།
གངས་ཅན་གྱི་གདོན།
རྨིག་སྒྲ།
སྲིད་ཞི་ཕན་བདེ་འདོད་རྒུ་ཞེས་པའི་བདེན་དོན་རྟོགས་པའི་རྣམ་དཔྱོད་བྲལ།
ཐུབ་བསྟན་བསམ་འཕེལ་ནོར་བུ་ཞེས་པའི་བདེན་ཚིག་དོན་ལ་གདེང་སྤོབས་བྲལ།།
བསྟན་འགྲོ་ནོར་འཛིན་རྒྱ་ཆེ་ཞེས་པའི་གསུང་རབ་ཟབ་མོར་ངེས་ཤེས་བྲལ།།
འཕྲིན་ལས་རོལ་ཚོ་རྡོ་ཁམས་ཞེས་པའི་དཔྱད་གསུམ་དག་པའི་དོན་ལ་རྨོངས།།
ཁྱོད་དང་ཐུག་པའི་ཉིན་ནས།
དོལ་སྨྱོན།
རླུང་ནག་འཚུབ་མའི་དུས་ཚིགས་འདི་ནས།
ང་ཁྱོད་དང་ཕྲད་པ་ནི་ང་ཡི་ལས་དབང་ཡིན་ལ།
གྲང་ངར་སྐྱེན་པའི་གྲུ་ཁ་འདི་ནས།
ང་ཁྱོད་དང་ཐུག་པ་ནི་ང་ཡི་ཕམ་ཁ་ཡིན།
མུ་ཏིག་གི་དོག་པོ་དར་ལ་བརྒྱུས་པ་ལྟ་བུའི་ཁྱོད་ཀྱི་སོ་ཡི་འཕྲེང་བ་དེ།
ང་ལ་མཚོན་ན་སྐྱོ་སྣང་གི་གདུང་བ་སྤོར་བྱེད་ཅིག་ལས་གཞན་མེད་ལ།
ལི་ཁྲིའི་མཚོན་མདོག་ལས་དམར་བའི་ཁྱོད་ཀྱི་ཁུར་ཚོས་མཛེས་པོ་དེ།
ང་ལ་མཚོན་ན་སྡུག་བསྔལ་གྱི་ཁུར་པོ་འཕར་མ་ཞིག་ལས་ཅི་ཡང་མེད།
བརྩེ་འཕྲིན་ཡིད་ཀྱི་འབོད་སྒྲ།
བསམ་གླིང་ཚེ་རིང་ལྷ་མོ།
ཁྱེད་ཀྱི་མཚོ་ལྟར་ཟབ་པའི།།
བརྩེ་འཕྲིན་དབྱར་རྔའི་སྒྲ་ཡིས།།
ཁེར་རྐྱང་རྨ་བྱ་གཞོན་ནུའི།།
ཡིད་ཀྱི་དགའ་བ་རྒྱས་སོང།།
* * * *
ཁྱེད་ཀྱི་ལ་རྒྱའི་འཛུམ་མདངས།།
དཀར་གསལ་ཟླ་བ་འདྲ་བྱུང།།
མུན་པའི་ཐང་ལ་ལུས་པའི།།
བདག་སེམས་ལམ་སྣེ་གསལ་སོང།།
* * * *
རྣམ་རྟོག་གི་འཇིག་རྟེན།
གཙུང་བུ།
རྣམ་རྟོག་མིག་ཤེལ་ནག་པོས་འདྲེན་བྱེད་དེ་བཀག་ཅིང༌། །
གྲོགས་ལ་ཞགས་གསུམ་འགྲོགས་པའི་འགྲོན་པོ་ཡི་འདུ་ཤེས། །
བཅོས་མའི་འཛུམ་དང་སྙིང་གཏམ་བཤད་ཁུལ་ལ་འབད་ཀྱང༌། །
ལྷད་མེད་བརྩེ་དུང་སྐྱེ་བའི་དུས་ཚོད་ཅིག་མི་འདུག །
རྣམ་རྟོག་རབ་རིབ་ངན་པས་མིག་དབང་དེ་བསྒྲིབས་ཅིང༌། །
ཡོད་ཚད་ངོ་བོར་ལོག་པའི་བག་ཆགས་རེ་འཇོག་བཞིན། །
མི་འདོད་བཙན་གྱིས་སྒྲིག་པའི་ཆོ་ཤུག་ལྟར་འདྲིས་ཀྱང༌། །
བཅོས་མིན་འཛུམ་དང་བདེ་སྐྱིད་རྒྱ་ཁབ་ལས་ཕྲ་བ། །
རྣམ་རྟོག་ད་དུ་ར་ཡིས་མིག་ཤེས་དེ་བསྒྲིབས་ཅིང༌། །
དྲི་བྲལ་གཡའ་དག་གྲོགས་བཟང་ཆོས་དུང་དེ་དཀར་པོར། །
ལན་བརྒྱར་བལྟས་ཀྱང་དཀར་གཙང་བཞིན་རས་ཀྱི་རང་མདོག །
འཇལ་སྐལ་དབེན་ཞིང་མགོ་བོ་མུན་ནག་ཏུ་ཚུད་ངེས། །
ང་ཡི་ལོ་ཟླ་དང་ཨ་མདོ་རྔ་བ།
སྐལ་བཟང་ཉི་མ། ཤེས་རབ་དགའ་ཚལ་གླིང་།
གཅིག
ཆུང་ཆུང་བྱིས་པའི་དུས་སུ། ཁྱིམ་གྱི་ཀོ་ཐུམ་ཅན་གྱི་རླུང་འཕྲིན་ཚི་སྟུག་མ་དེ་ལས། རྔ་བ་ན་ཚོང་བ་མང་གི་ཞེས་འོར་དང་ཡང་གིས་གྲགས་ཡོང་བ་དེ་ནི། ངའི་རྣ་ལམ་དུ་རྔ་བ་ཟེར་བ་ཞིག་འཁྱེར་ནས་ཡོང་མཁན་གྱི་དབྱར་ཐོག་མའི་འབྲུག་སྒྲ་ཡིན་ཞིང་། ངའི་སེམས་སུ་རྔ་བ་ཟེར་བ་ཞིག་འཇགས་སུ་འཇུག་མཁན་གྱི་སྒྲ་དབྱངས་ཆེས་ཐོག་མའང་དེ་ཡིན་མོད། དེ་ནི་ཨ་ཁུ་སྨན་བླའི་ཁ་ཤགས་ཀྱི་དགོད་བྲོ་བའི་ཚིག་གི་རོལ་རྩེད་དང་ངག་གི་འགྱུར་ཁུག་ལས་ཐོས་པ་ཡིན་པས། སྐབས་དེར་ངའི་རྣ་ལམ་དུ་རྔ་བ་ཟེར་བ་ནི་དགོད་སྤྱད་ཅིག་ལས་ཅི་ཡང་མིན་ལ། ངའི་སེམས་ནའང་རྔ་བ་ཟེར་བ་དེར་གོ་བ་ཅི་ཡང་མེད།
རང་ཉིད་མེ་ལ་སྒྲོན་མཁན་ཁྱོད།
(ཕ་ཡུལ་དུ་ཁ་པར་ཐེངས་ཤིག་བཏང་རྗེས་བྲིས།)
སྦྲ་ཪིགས་ཐོགས་མེད།
སུ་ལའང་ཡོད་ཆོག་པའི་མཛེས་སྡུག་གི་རྨི་ལམ་དེའི་ཕྱིར་དུ།
ཡང་ན། སུ་ལའང་ཡོད་དགོས་པའི་རང་དབང་གི་འབོད་སྒྲ་དེའི་ཆེད་དུ།
སྨག་ནག་པའི་ཕ་ཡུལ་གྱི་རི་སུལ་དེ་ནས།
ཁྱོད་ཀྱིས་རང་ཉིད་མར་མེ་རྐོང་བུ་ཞིག་གི་ཚུལ་དུ་བསྒྲོན།
ཁྱོད་ཀྱིེས་རང་ཉིད་ཚག་སྒྲ་རྐང་ཞིག་གི་ཟོལ་དུ་སྤར།
རྒྱལ་གཅེས་དཔའ་བོ་ཕུན་ཚོགས་ལགས།
རྔ་བ་ཚེ་སྐྱིད།
བཀའ་དྲིན་ཆེ། རྒྱལ་གཅེས་དཔའ་བོ་ཕུན་ཚོགས་ལགས།
ཁྱེད་ཀྱིས། མི་རིགས་ཤིག་གི་དཀའ་སྡུག་སེལ་རྒྱུའི་ཆེད་དུ།
ཁྱེད་ཀྱིས། རིག་གཞུང་གི་བླ་སྲོག་སྐྱོབ་རྒྱུའི་ཆེད་དུ།
ཁྱེད་ཀྱིས། ཁོར་ཡུག་ཅིག་གི་མདངས་ཉམས་གསོ་རྒྱུའི་ཆེད་དུ།
ཁྱེད་ཀྱིས། ལྷན་སྐྱེས་སུ་ཡོད་པའི་ཐོབ་ཐང་ཞིག་གི་ཆེད་དུ།
ཁྱེད་ཀྱིས། སྤྱི་ཁྱབ་འདྲ་མཉམ་ཞིག་ཡོང་བའི་ཆེད་དུ།
འདི་ལྟར། རྩ་ཆེ་ཞིང་། གཅེས་པའི་སྲོག་དེ། དམར་བོ་མེ་དཔུང་ལ་བསྒྱུར་བ་རེད།
ཞི་བདེ་འགྲོ་བའི་སྐྱབས་མགོན།
རིག་འཛིན།
ཞི་བདེའི་འགྲོ་བའིསྐྱབས་མགོན་གངས་ལྗོངས་ནས་བལྟམས་དུས།།
ཞི་བདེའི་བོད་འབངས་སེམས་པ་དགའ་བདེ་ཡི་ཁེངས་ཏེ།།
ཞི་བདེའི་བསིལ་ལྗོངས་ཕ་ཡུལ་སླར་གསོ་ཡི་སླད་དུ།།
ཞི་བདེའི་གངས་ཕྲུག་ཕུག་བསམ་སྐྱིད་ཆུ་ལས་རིང་བ།།
ཞི་བདེའི་རྟ་བདུན་བདག་པོ་ཤར་ཕྱོགས་ནས་འཕགས་དུས།།
ཞི་བདེའི་བྱམས་སྐྱོང་བྲལ་བའི་རིགས་དྲུག་གི་ཚོགས་ལ།།
ཞི་བདེའི་འོད་མདངས་ཕོག་དུས་བདེ་སྐྱིད་ལ་རོལ་ཏེ།།
ཞི་བདེའི་ལང་ཚོ་རྒྱས་སྐབས་བྱམས་སེམས་ཀྱི་ཕྱུག་སོང་།།
ཚ་བ་སླེབས་སོང་།
རས་པ།
གློ་བུར་དུ་རྔུལ་ཆུ་ཐོན་ཞིང
གློ་བུར་དུ་གཉིད་གཅོག་རྒྱག་གིན་འདུག
ན་གཞོན་པའི་གཟུགས་པོར་ཉོབ་སྣང་སྐྱེས་ཤིང
མདུན་དུ་བསྒྲིགས་པའི་ཡིག་ཚགས་ཀྱང་རབ་རིབ་དུ་གྱུར
མཚན་དཀྱིལ་དུ།
ཁྲག་ཐིགས།
སྨག་ནག་གིས་ཟིན་པའི་མཚན་དཀྱིལ་འདིར།
ངའི་དབུགས་གཏོང་ལེན་གྱིས་ལུས་པོ་འདི་སྒུལ་གྱིན་འདུག
གློག་སྒྲོན་དང་སྒེའུ་ཁུང་ཐ་ན་ཁང་མིག་ཀྱང་ཅུང་ཙམ་ཞིག
གསར་འབྱོར་གྱི་མཚར་གཏམ།
གཙང་བུ།
དད་པ་བྱེད་སའི་རྒྱལ་བའི་སྐུ་ཐང་ཞིག །
ཉི་འོད་མེད་པའི༷་ཁང་པ་ནག་འཁུང་གཅིགས་། །
ཇ་ཆུ་སྐོལ་སའི་རླངས་ཐབས་རང་སྒྲིག་གཅིག །
རྡོག་ཛེས་ཐེབ་པའི་ལྕག་སྒམ་གོབ་དོ་གསུམ།
མཚནམོ་ཉལ་སའི་ཉལ་ཁྲི་རང་སྒྲིག་གཅིག །
ན་མཉམ་སྐུ་ལོ་གྲགས་ཅན་ཁག་ཅིག་ལ།
ཤར་ཕྱོགས་ཁུག་རྟ།
ས་དང་གནམ་གྱི་མཚམས་ལ་མ་ཤོངས་པའི།།
ཀརྨ་བཅུ་བདུན་འཕྲིན་ལས་རྡོ་རྗེ་པས།།
གནའ་དེང་རིག་པའི་གནས་ལ་སྦྱངས་དང་ནོ།།
ན་མཉམ་སྐུ་ལོས་ངོ་ཡ་མི་ལོན་ཀྱང་།།
ཀརྨ་ཀརྨའི་ཚད་ཀྱི་ལངས་སྟངས་ཤིག།
ད་བར་མ་མཐོང་སྙིང་ལ་ནད་དུ་ཆེ།།
དགའ་ཁྲི་ཡོངས་འཛིན་ཕྲེང་བ་འཛིན་པ་མོ།།
གླིང་སྤྲུལ་འབྲས་སྤུངས་གླིང་དུ་བཞུགས་མོད་ཀྱང་།།
ཐལ་ལྕགས་གློག་དམར་འཁྱུག་པའི་ངར་ཞགས་དེ།།
ད་དུང་མ་གོ་སྙིང་ལ་ནད་དུ་ཆེ།།
རྒྱང་རིང་གི་བརྩེ་འཕྲིན།
ཟླ་ཀླུང་གིས་ཕུལ།
སྙིང་ནས་བརྩེ་བའི་བུ་མོ་ཀར་སྒྲོན་ལགས། ངས་ཁྱོད་རང༌། གདོང་པ་མཛེས་ལ། གཟུགས་པོ་སྙིང་རྗེ་བོ། སྤྱོད་པ་བཟང་པོ། རིག་པ་གྲུང་པོ། ཕུག་བསམ་ཆེན་པོ། མིག་རྒྱང་རིང་པོ། སྙིང་སྟོབས་ཆེན་པོ་ཅན་ཞིག་ཡིན་པའི་ཡིད་ཆེས་བྱེད་ཀྱི་ཡོད། ངའི་རེ་བ་ནང་བཞིན། ཁྱོད་རང་སྐྱིད་ཁྱག་སྡུག་ཁྱག་གི་བློ་རྒྱས། སོ་སོས་སོ་སོ་ལ་མཐོང་ཆེན་དང་ཡིད་ཆེས་བྱས་ཏེ། སྤྱོད་པ་བཟང་ཕྱོགས་དང༌། ཤེས་འབྱོར་གོང་སྤེལ་ལ་ཤུགས་སྣོན་རྒྱག་རོགས་གྱིས། འདི་ནི་ཁོ་བོ་སྐྱིད་སྡུག་དང་འཆི་གསོན་གང་ལྟར་ཡང་སྙིང་ན་ཡོད་པའི་རེ་བ་ཆེ་ཤོས་དེ་ཡིན།
བར་སེང་ལ་ཕུལ་བའི་རོལ་མོ།
བསམ་གླིང་ཚེ་རིང་ལྷ་མོ།
ལོ་ལྗང་རླུང་གིས་བསྐུལ་བའི།།
གར་སྟབས་མཛེས་རང་དྲགས་ནས།།
ཕྱེ་ལེབ་གར་ལ་རོལ་བར།།
དོ་སྣང་བྱེད་ཁོམ་མ་བྱུང།།
མགྲིན་སྙན་མཛའ་བོའི་སྙིང་གཏམ།།
རྣ་བར་སྙན་རང་དྲགས་ནས།།
དཔྱིད་གསུམ་ཁུ་བྱུག་གསུང་ལ།།
རྣ་བ་གཡེང་ཁོམ་མ་བྱུང།།
ད་ལྟ་འུ་ཚང་གི་ནམ་ཟླ་ཧ་ཅང་གྲང་།
འགར་ཚེ་རྒྱལ་གྱིས།
བཙན་པོའི་གདུང་རྒྱུད་ཀྱི་རླུང་རྟ་གངས་དཀར་གྱིས་མཁའ་རུ་བཏེགས་པའི་མཐོ་སྒང་གི་ཡུལ་གྲུ་ན། གནའ་ནས་ད་ལྟའི་བར་ཡིག་དྲུག་གི་བྱིན་ཁ་མེས་པོའི་དབུ་ཐོད་ནས་འཛུམ་པའི་མི་རིགས་ཤིག རྨི་ལམ་མང་པོ་ཞིག་གི་རུམ་ཁ་ནས་སྙིང་སྟོབས་ཀྱི་གཟི་དཔལ་ཨུ་ཚུགས་ཀྱིས་བླ་རུ་བསྐྱེད་དེ། གདོང་དམར་བོད་པ་ཞེས་པའི་མིང་བྱང་གནམ་སྔོན་པོའི་མཐོངས་དང་ས་དོག་མོའི་ངོས་ལ་ཐོལ་གྱིས་བྲིས། སྐབས་དེར་འུ་ཚང་གི་ནམ་ཟླ་ཧ་ཅང་དྲོད་ཁོལ་ཆེ་བས། ས་མཐོའི་རི་ལུང་ན་ངོ་མཚར་གྱི་གཏམ་རྒྱུད་ཤིན་ཏུ་མང་ལ།
དུད་སྤྲིན་ནག་པོས་དྲི་བ་ལན་གཅིག་དྲིས།
(རྒྱལ་གཅེས་པ་ཞིག་གི་རང་ལུས་མེ་རུ་སྒྲོན་པ་ཡང་ཡང་དྲན་ཆེད།)
རྡོ་རྗེ་ཚེ་རིང་།
ཤ་ཡི་མེ་ཏོག་ང་ཡི་མགོ་ལ་གཏོར།།
ཁྲག་གི་མཚོ་ཞིག་ང་ཡི་སེམས་སུ་བསྐྱིལ།།
སྐུ་ལུས་མེ་དང་གླན་པའི་ཚིག་དྲི་དེ།།
ང་དབུགས་ཀྱི་རྒྱུ་བར་གཤིབ་ནས་ཡོད།།