གཅན་འོད་འབར།
ཧང་སང་མདོག་གིས་གནམ་གྱི་སྤྲིན་པ་དེ་ཚོར་མིག་ལོག་ཅིག་བལྟས་ཤིང་།
ཧོན་འཐོར་ཚུལ་གྱིས་ས་ཡི་མེ་ཏོག་དེ་ཚོར་ཁ་རྡུང་ཞིག་བཏང་མོད།
གང་ལྟར་གསོ་ཐབས་བྲལ་བའི་ཁེར་རྐྱང་གི་སེམས་པ་དེ།
སྔར་བཞིན་སྐྱིད་པོ་ཞིག་མ་རེད་ལ།
སོས་ཐབས་མེད་པའི་དྲན་གདུང་གི་རྨ་ཁ་དེ་ཡང།
སོག་མདའ་ནས།
ལང་ཚོ་རྒས་གཉེར་རི་ནས་སད་པའི་ཕྱི་མིག་ཅིག་གི་སོ་ཁ་ནས།།
ཚོར་འདུ་ཟབ་མོ་སློག་སློག་འཕྱུར་བའི་སེམས་ཁོང་སྙི་མོས་ཁུགས་སོ་ན།།
རི་ཆུའི་རི་མོ་མིག་ལ་ཤར་དུས་གློ་མཆིན་སྙིང་རྩ་དྲོད་ཀྱི་ཁེངས།།
བསམས་གཞིགས་རྣལ་མའི་མདའ་འཕྲིན་ཕྲ་མོ་ཕ་ཁྱིམ་དྲོན་མོའི་དབྱིངས་སུ་འཐིམས།།
རྡོ་མེ་འབུད།
ཁྱེད་ཅག་གིས།
རང་ཚུགས་དང་སྤོབས་པ་ཡོད་ཚད།
ཤ་ཁྲག་རུས་གསུམ་དང་བསྡོངས་ནས།
འོད་དུ་སྒྲོན་དུས།
ངའི་མིག་ཆུ་ལ་རིན་ཐང་མེད་པ་ཤེས་ཡོད།
དེ་ལས་མང་བ་། “༼ མིག་ཆུ་འདིར་རིན་ཐང་མི་འདུག༽འོད་ལ་ཐིམ་ཟིན་པའི་དཔའ་བོ་དཔའ་མོ་དག་ལ།” »
དོལ་སྨྱོན།
— སློབ་གླིང་གི་བུ་མོ་ཞིག་ལ་ཕུལ།
ངས་བལྟས་ན་ཁྱོད་ལ་གཅིག་དགོས་འདུག
དགོས་པས་མི་ཚད་ཕྱི་གྲབས་འདུག
ཕྱི་རོལ་ན་འབུས་པའི་རྩི་ཤིང་དང་ལྗང་བུ་དག་ལའང་།
དུས་དང་དུས་སུ་ཆར་ཆུ་དག་ངེས་པར་དུ་དགོས་ན།
ཁྱོད་་་ གཞོན་ནུ་ཤ་དར་ཁྲག་དར་ཞིག་ལ་སྨོས་ཅི་དགོས།
རྔ་བ་བརྒྱད་གསུམ་གཅིག་དྲུག
དགེ་ལྡན་གཙུག་ལག་སློབ་གཉེར་ཁང་*གི་ཡིད་འོངས་ཁྱམས་རའི་མཐའ་འཁོབ་དུ།།
ཨ་གར་དང་ནི་ཙན་དན་སོགས་ཀྱི་དྲི་ཞིམ་མངར་མོའི་དུ་བསང་ལྡིང་།།
རྨ་བྱ་གཙོས་པའི་འཇོལ་མོའི་ཁྱུ་ཡིས་སྤྲོ་སེམས་ངོམ་བཞིན་གཤོག་རྩལ་འགྲན།།
བཅོས་མིན་དགའ་སེམས་གང་བའི་འཇོལ་མོར་ལྟ་བཞིན་ལྟ་བཞིན་འདི་ལྟར་དྲན།།
རེབ་ཐོག་མདའ།
དབུས་ཀྱི་ཕོ་བྲང་གི་བདག་པོ་བོར་ནས།།
ལོ་ཟླ་ནག་པོ་ཞིག་ག་ལེར་བགྲོད་དུས།།
ཨ་མདོ་ཁམས་པ་ཡི་ཕུ་ནུ་མིང་སྲིང་།།
སྐུ་ལུས་མར་མེ་ལ་ཡང་ཡང་སྒྲོན་གི།།
གཅན་འོད་འབར།
སུ་ལ་ཡང་འབྲེལ་འདྲིས་མ་བྱས་པའི་ཉིན་མོ་དེ་དག
མིག་ཆུ་གཙང་བོར་བཞུད་པའི་དུས་ཡིན།
གང་གིས་ཀྱང་ཁ་ཡ་མ་བྱས་པའི་མཚན་མོ་དེ་དག
ཤུ་རིང་རླུང་དུ་བསྐྱོད་པའི་དུས་ཡིན།
ཤ་ཁྲག་རུས་གསུམ་འཁྱག་ལ་འབྱར་པའི་ཉིན་མོ།
སྐྱོ་བའི་གདུང་བ་དབྱངས་སུ་བཀུག་པའི་མཚན་མོ།
རེབ་ཐོག་མདའ།
དགེ་འདུན་ཆོས་འཕེལ།
དགུ་ཀླུང་རིང་མོའི་འགྲམ་རྒྱུད་དེ་ནས་ཁ་བའི་རི་ལ་མགྲོན་དུ་སླེབས།།
ཆོས་སྐྱོང་བཙན་པོའི་བཀའ་ལུང་ལྕི་མོས་བླ་བྲང་དགོན་ནས་ཕྱི་ལ་བསྐྲད།།
སྙན་པའི་གྲགས་པ་དབུས་ན་མཆེད་དུས་ད་དུང་ཁེར་རྐྱང་ཡིན་རབས་སོགས།།
མ་གསང་ཁྱོད་ཀྱི་གཏམ་རྒྱུད་ཅིག་གི་ཕྱི་ནང་བདག་གིས་ཀློག་བཞིན་ཡོད།
དོལ་སྨྱོན།
–འཚིག་བཞིན་པའི་སྤུན་ཟླ་དག་ལ་རྗེས་དྲན་དུ་ཕུལ།
མེ་ལྕེ་འདི་ལྟར་འབར་སོང་།
ཆོས་རྭ་ནས་ཆོས་དགོས་རྣམ་གསུམ་སྤྲས་པའི་དགེ་འདུན་པ་འབར་སོང་།
ཁོ་ཚོས་་་ འཁོར་བའི་གནས་ལུགས་དང་ལས་འབྲས་ཀྱི་ལྟ་བ་ལ་བདེན་པ་བརྡར་ཏེ།
དྲང་བདེན་གྱི་ལྟ་བས་(མི་རིགས་དང་རིག་གཞུང་)གི་བདེན་དོན་བརྗོད་ཀྱིན།
མུན་ནག་གི་བཙོན་དོང་དེ་རུ་་་ གནས་ལུགས་ཤིག་རྙེད་པར་འདོད་ནས།
རྒྱུ་འབྲས་ཤིག་ཐོབ་པར་རེ་ནས་་་ དམར་ལམ་ལམ་གྱི་མེ་ལྕེའི་ཀློང་ནས།
དྲང་བདེན་ལ་མིག་ཟུང་ཅེར་བཞིན་ཕེབས་སོང་།
སོག་མདའ།
སྔོན་བྱོན་མེས་པོས་བླ་མཁར་སྨུག་པོ་ཐོག་མར་ཕུབ་པ་སྦྲ་ནག་ཡིན།།
བཙན་པོའི་དམག་དཔུང་གཡུལ་ལ་ཆས་དུས་དཔའ་བོ་བཞུགས་གནས་སྦྲ་ནག་ཡིན།།
རྟིང་མའི་རྒྱལ་ཁ་གླིང་ལ་གྲགས་ནས་དཔའ་དར་འཐེན་ས་སྦྲ་ནག་ཡིན།།
བཙན་པོའི་གདུང་རྒྱུད་བོད་པ་ཚང་གི་ཕ་མཁར་སྨུག་པོ་སྦྲ་ནག་ཡིན།།
རྒས་མེད་འགྱུར་མེད་བྲག་བཞིན་འགྱིང་བའི་གངས་རིའི་ཕ་ཁྱིམ་སྦྲ་ནག་ཡིན།།
འཁྱགས་རླུང་ཁ་བ་བུ་ཡུག་རྒོད་ཀྱང་འཇིགས་མེད་ཞུམ་མེད་སྦྲ་ནག་ཡིན།།
གཡུ་རྩེ།
སྔོ་ལྟེམ་མེར་བསིལ་རླུང་གིས་གཡོ་ཞིང་བསྐྱོད་པའི་འབྲས་ཞིང་ཁའི་སྔོ་ལྗང་ལྗང་གི་ཚུགས་ཀ་དེ་འགྱུར་སོང་ཞིང་། ལག་ཏུ་ཟོར་བ་རྣོན་པོ་ཐོགས་པའི་ཞིང་བདག་ཡིན་ཟེར་མཁན་གྱི་སྐྱེས་ཕོ་མོ་ཚོས། སྟོན་ཁ་བརྔ་ཞིང་། སྟོན་ཁ་འབྲེག་པའི་ཚེ་སྲོག་གི་ཉམས་ཉེས་ཤིག་མཐོང་གིན་མྱོང་གིན། སྟོན་ཟླ་དཀར་པོ་ལའང་དོགས་པ་ཞིག་ངང་གིས་འཁོར་རོ།།
ཨ་འདུས་མིག་ཆུ།
དབྱངས་གསལ་སོ་བཞི་ཡི་རྒྱུན་ཐག།
མི་རིགས་ཚེ་སྲོག་ཉིད་ལགས་ན།།
བསྲེས་སྐད་རྣོ་ཟུར་གྱི་སྟ་རེས།།
དུམ་བུར་གཅོད་པ་རང་མ་བྱེད།།
རྔ་བ་ཀུན་བཟང་སྒྲོལ་མ།
འདི་ལྟར།
དུས་ཀྱིས་སྐྱོ་དབྱངས་རེ་རེ་བར་ནས།
གངས་ཅན་པ་ཁྲི་ཕྲག་གིས་རུ་དཔུང་སྒྲིགས་ནས།
ཀྱག་ཀྱོག་དང་དཀའ་སྡུག་བསམ་ནས་ཡོང་གི་ཡོད།
ཨ་ཕའི་ན་ཟུག་དང་ཨ་མའི་ཟུངས་ཁྲག་དྲན་ནས་
རི་ལུང་སྟོང་ཕྲག་གི་ཕར་མཐའ་ནས་ལོག་ཡོང་གི་ཡོད།
ང་ཚོ་ཡོང་གི་ཡོད།
བསམ་གླིང་ཚེ་རིང་ལྷ་མོ།
ཤང་ཤང་ཆུ་མོའི་སྒྲ་དབྱངས་ལ་ཆགས་དབྱངས་ཅན་མགྲིན་སྙན་མཛའ་བཤེས་ཀྱེ།།
ལྡེམ་པའི་ཕྱག་སོར་ལྕུག་ཕྲན་གསར་པས་བྲོ་གར་ལྷ་ཡི་སྤྱན་ཡང་འཁྲུལ།།
འཛུམ་པའི་ཞལ་དཀྱིལ་བརྩེ་དགའི་དཔལ་གྱིས་ས་གསུམ་སྐྱེ་དགུར་བདེ་སྟེར་མ།།
བདག་སོགས་བླུན་རྨོངས་མགྲིན་པའི་རྒྱན་དུ་འདི་ཕྱི་ཀུན་ཏུ་རོལ་བར་མཛོད།།
ཨ་དམར་པོ།
གནམ་གྱི་བླ་སྲོག་བཙན་པོ་གཉའ་སྟེགས་ནས་བྱོན་ཏེ།།
ཚོ་དྲུག་འགྲོ་བའི་ནམ་མཁའ་འོད་ཟེར་ཀྱིས་ཁྱབ་པའི།།
སྤྲིན་དཀར་བང་རིམ་བརྟོལ་བའི་བླ་མཁར་གྱི་མཛེས་སྡུག།།
འདས་དོན་རྗེས་དྲན་ཤིག་གི་དྲན་ཤིང་ལས་ཡལ་བ།།
དོལ་སྨྱོན།
༡༽
ཞོགས་པའི་མཚམས་སྤྲིན་ཀློང་ནས། །ཉི་མའི་ཟེགས་མ་ངོམ་དུས། །
བྱམས་ཤིང་བརྩེ་བས་སྐྱོང་བའི། །དྲིན་ཅན་ཨ་མ་དྲན་བྱུང་། །
ཚུལ་ཁྲིམས་ཟླ་བ།
དུས་ཚོད་སྐར་ཆའི་ཁུག་སོ་ཞིག་ལ།།
ཉི་མ་ནུབ་རིའི་ཕག་ཏུ་བཞུད་སོང་།།
ལྷོ་སྤྲིན་ནག་པོའི་སྐོར་རྒྱག་རྒོད་པས།།
ཟླ་བ་གཞོན་ནུའི་འོད་མདངས་སྒྲིབ་སོང་།།
རེབ་ཐོག་མདའ།
རྒྱ་ཡི་སྙིང་ལ་ཟུག་པའི་མེ་ལྕེ་དེ།།
གངས་རིའི་ཨ་མ་ཞིག་གི་མིག་ཆུ་ཡིན།།
མེ་མདའི་ཁ་ན་འབར་བའི་མེ་ལྕེ་དེ།།
ཕུ་ནུ་མིང་སྲིང་ཞིག་གི་ན་ཟུག་ཡིན།།
དེ་ལས་མང་བ་། “མེ་ལྕེ་དེའི་ཀློང་ན་ངའི་་་་་་་་་་་་ཕུ་ནུ་མིང་སྲིང་།” »
གཅན་ཡུ་མོ།
ཤིང་སྡོང་གཅེར་བུར་འགྲེང་དུས།།
བྱེའུ་ཆུང་སྐྱོ་སོང་མ་ཟེར།།
དགུན་ཟླ་རིང་མོ་རྫོགས་དུས།།
འཚོ་བར་བདེ་བ་ཡོང་ངེས།།
ཨ་དམར་པོ།
གཟུར་མེད་དུས་ཀྱི་འཕོ་འགྱུར་རླབས་ཀྱིས་གསར་རྙིང་དབྱེ་བའི་སོ་མཚམས་ཕྱེས།།
ང་དང་ཁྱོད་ཀྱི་བརྩེ་བ་དྲང་མོས་འོས་འགན་ཆེན་མོའི་དབུ་ཁྱུད་བྲིས། །
ལྷ་ཉིན་དཀར་པོའི་སྐྱ་རེངས་ལྷ་མོས་ང་ཡི་ཆེད་དུ་སྒྲོན་མེ་བཏེགས། །
ལང་ཤོར་ལེ་ལོའི་གསང་བ་བཙན་པོས་རྨི་ལམ་གསོན་པོའི་ཚེ་སྲོག་འཕྲོགས། །