རྗེ་ང་རོ་ཚང་།
མཚན་མོ་འདིའི་ཕ་རོལ་ན་ཞོགས་པ་ཞིག་ཡོད
ཞོགས་པ་དེའི་ཉི་འོད་རྒྱ་ཕིབས་ཀྱི་ངོས་སུ་འཕྲོས་ཡོད
རྒྱ་ཕིབས་དེའི་ལྡོག་འོད་ཕྲ་མོ
སླར་ཡང་མཁར་གྲོང་གི་ངོས་ཟུར་ལ་ཟུག་ཡོད་པས
མུན་པ་དང་ཆེས་ཉེ་ས་ན་ཡོད་པའི་འགྲོ་བ་དག་གིས
དེ་ནི་དཀོན་མཆོག་གིས་གནང་བ་ཡིན་ཟེར
དྲ་བའི་མེ་ལོང་གི་བརྙན་གཟུགས།
ཁ་བའི་འབྲོག་མོ།
འཕྲུལ་གྱིས་ཉར་བའི་ཕྱིར་མིག་རིང་མོ་འདི་མཐོང་ན།།
འདས་པའི་གཏམ་རྒྱུད་སྙིང་གི་དཀྱིལ་འཁོར་ལ་ཟུག་སོང་།།
སྐད་ཅིག་ཙམ་ལ་ཐོབ་པའི་ཟག་མེད་ཀྱི་བདེ་བ།།
ངོ་སོ་བསྟོད་པའི་ཁ་གཡང་སྙན་ངག་བཞིན་གྱེར་སོང་།།
དྲན་པའི་མེ་ཏོག་མིག་གི་ཕ་མཐའ་ལ་འཛུམ་ན།།
འོད་གྱིས་བྱས་པའི་འཕྲང་ལམ་དྲན་ཤིང་གི་དངོས་གྲུབ།།
སྲིད་པའི་གངས་རི་འགྱིང་ཚུལ།
བསྟན་འཛིན་སྒྲོན་མ།
སྲིད་པའི་གངས་རི་འགྱིང་ཚུལ་འདི་ལ་ཨ་མྱེ་རྒན་པོའི་རང་གཤིས་ཚང་།།
སྲིད་པའི་ཆུ་བོ་བཞུར་སྟངས་འདི་ཡང་ཨ་ཡེ་མཆོག་གི་རང་ཚུགས་འདྲ།།
ཡབ་མེས་དག་གི་དུས་ནས་བྱུང་བའི་ཕ་ས་དང་ནི་ཕ་ཡུལ་འདི།།
ཚེ་ཡི་ཕྲེང་བ་ག་ཚད་བརྗེས་ཀྱང་སེམས་ཀྱི་དཀྱིལ་ནས་བརྗེད་ཐབས་བྲལ།།
དྭངས་གཙང་ཁ་བའི་འདབ་མ་རེ་རེ་བྱམས་དང་བརྩེ་བའི་མཚོན་རྟགས་ཡིན།།
འགྲུལ་བཞུད ལམ་གྱི་སྙན་ངག
བཀྲ་ཤིས་དོན་འགྲུབ།
ནགས་མའི་དཀྱིལ་འཁོར་འཛུམ་ཡོང་།།
ཁང་ཆུང་ལྷོད་ལ་བབས་འདུག།
དུད་སྨུག་སྤྲིས་མ་འཁྱིལ་སར།།
ལྗོན་པས་མཆོར་སྒེག་ངོམ་ཐལ།།
བྱ་ནག་རྒྱང་ལ་འཕུར་རྗེས།།
ཞིང་ཐང་སྐྱོ་བས་བཟི་སོང་།།
སྐྱེས་མཆོག་དྲན་པའི་གདུང་འབོད།
འཇམ་དབྱངས་སྦྱིན་པ
——སྤྲུལ་སྐུ་བསྟན་འཛིན་བདེ་ལེགས་བཙོན་འཇུག་བྱས་ཏེ་ལོ་༡༢ འཁོར་བར་དྲན་གསོ་ཞུ།
ཟབ་ལམ་དབུ་ཚད་ལྟ་དང་རྒྱ་ཆེན་སྤྱོད།།
བཤད་སྒྲུབ་ཐོས་བསམ་སྒོམ་པའི་ལས་ལ་གཞོལ།།
ཞི་བསིལ་དམ་ཆོས་འོད་ཟེར་འབུམ་སྤྲོས་པ།།
བླ་ཆེན་དུང་གི་ཟླ་བ་ཞབས་བརྟན་ཤོག །
ཡིད་བཞིན་ནོར་བུའི་དགོངས་ཟབ་ཐུགས་ལ་སིམ།།
ས་ཡ་དྲུག་གི་བདེ་སྡུག་སྙིང་ལ་བརྣག །
སྒེའུ་ཁུང་།
བྲེ་ནག
སྒེའུ་ཁུང་།
དོ་དགོང་སྒེའུ་ཁུང་འདི་མུན་པས་རྒོལ་གྱི་འདུག
མཆེ་སྡེར་བགྲད་པའི་ལས་མཁན་རྣམས་ཅིའི་ཕྱིར་འདི་ལྟར་འཚང་།
ཁ་སང་གི་རྒྱང་རིང་ལ་ཅེར་བའི་མཛེས་སྡུག་གི་སྒེའུ་ཁུང་འདི།
མུན་དག་གི་དོ་དགོང་གཤིན་རྗེའི་ཁ་སྒོ་ལྟར་འཇིགས་སུ་རུང་།
སྒེའུ་ཁུང་།
ཨ་སྔོན་དབྱིངས་སུ་ཕྱོགས་པའི་སྒེའུ་ཁུང་།
མཛེས་དགའ་བོའི་རྟོགས་པ་བརྗོད་པ།
རྒྱལ་བོ་དགེ་དབང་གིས་མཛད། ཟླ་བ་གཞོན་ནུས་ཞུ་སྒྲིག་བྱས།
གང་ཞིག་མཉེས་གཤིན་བྱམས་པའི་བློ་ཡིས་དགེ་བའི་སླད་དུ་ནི། །
སྲིད་པའི་འཇིག་རྟེན་སྐྱེས་བུ་རྣམས་ཀྱིས་མཆོག་ཏུ་རྗེས་འཛིན་དག །
འབད་པས་མཛད་པ་དེ་དག་སེམས་ཅན་རྣམས་ལ་སྙིང་རྗེ་དང༌། །
རྗེས་སུ་བརྩེ་བས་ཉེ་བར་གནས་པའི་ལེགས་ལྡན་སུ་ཞིག་ལགས། །
སེར་སྐྱའི་གཞི་ལ་ནྱ་གྲོ་དྷའི། །
ཀུན་དགའ་རར་བཞུགས་བཅོམ་ལྡན་འདས། །
བོད་ནི་ངའི་ཡིན་ཁྱེད་ཚོ་འཚིག་པ་བཟའ་ཨ།
དྲན་དཀར་དཔལ་ཡོན།
བསམ་མེད་བྱིས་པས་བྱེའུ་ཚང་སྔོག་པ་ན་།
ཀྱུར་ཀྱུར་སྐད་ཀྱིས་ཁྱིམ་བདག་འབོད་ཕོ་སུ།
བསམ་མེད་མའོ་ཡི་ཡུལ་ཁམས་དཀྲུགས་པ་ན།
བློ་ལྡན་བྱེད་པོས་འཛམ་གླིང་དཀྲོགས་ཕོ་སུ།
བསམ་མེད་ང་ནི་བྱེའུ་ཚང་བསྔོགས་པ་ཕོ།
ཀྱུར་ཀྱུར་སྐད་ཀྱིས་འབོད་ཕོ་བྱེའུའི་མ།
འདས་མཆོད།
བར་ཕུ་ཕུན་ཚོགས།
ངའི་སེམས་ནང་གི་ཀ་བ་ཞིག་གྲིལ་སོང་།
སྒེར་གཅོད་པའི་སྡུག་རྩུབ་ཀྱི་ལྕགས་ཐོག་བཏེགས་ཤིང་།
རང་དབང་དང་བདེ་སྐྱིད་ཀྱི་གསེར་གདུང་སྐྱོར་ནས།
བོད་མི་རིགས་ཀྱི་ཆེད་དུ་ནམ་ཡང་ཞུམ་མ་མྱོང་བའི་ཀ་བ་སྟེ།
འབའ་བ་ཕུན་ཚོགས་དབང་རྒྱལ་མཆོག
གྲིལ་སོང་།
ངའི་སེམས་དབུས་ཀྱི་གསེར་གྱི་ཀ་བ་ཞིག་གྲིལ་སོང་།
ཁམས་པའི་ཕོ་རྒོད་ཅིག་གི་དཔེ་མཚོན་ཡིན།
(འབའ་བ་ཕུན་ཚོགས་དབང་རྒྱལ་ལ་རྗེས་དྲན་དུ་ཕུལ།)
སྤོབས་པ་མཐའ་ཡས།།
གངས་ལྗོངས་གསར་བརྗེའི་བསམ་བློའི་མེ་ཏོག་བཞད།།
དབུས་ཀྱི་གཞུང་ལ་ཉེན་སྐྱོབ་འབོད་སྒྲ་བསྒྲགས།།
མཐའ་ཡི་མི་ལ་གཉིད་སློང་དུང་སྒྲ་བུས།།
ཁམས་པའི་ཕོ་རྒོད་ཅིག་གི་མཛད་རྗེས་ཡིན།།
རྒྱ་གར་རྒྱ་ནག་གཉིས་ལ་ལས་དོན་བསྒྲུབས།།
རྒྱལ་བ་པཎ་ཆེན་གཉིས་ཀའི་ཞབས་འདེགས་འགྲུབ།།
མིག་ཆུའི་ཤུགས་གླུ
ཁ་བའི་འབྲོག་མོ།
མི་མངོན་རྒྱང་རིང་རི་བོ་འགུལ་བའི་ཕྱོགས།།
འོད་ཀྱིས་འཁྱུག་པའི་རྐང་ལམ་ཀྱ་ཀྱུར་འཐེན།།
སེམས་ཀྱི་སྦུག་ཏུ་ཡོད་པའི་ཕུགས་བསམ་བཞིན།།
བཟློག་མེད་སྙིང་སྟོབས་ཅན་གྱི་རྐང་རྗེས་ཉིད།།
མེས་པོའི་སྙིང་སྟོབས་བསྟར་བའི་བཤུལ་ལམ་བཞིན།།
གླེགས་བམ་སྟོང་གི་ངོ་ལ་དཔར་བའི་རྗེས།།
འདི་ལྟར་ངའི་ཞོགས་པའི་ལྷིང་འཇགས་དཀྲོག་སོང་།
མི་གསོན་པོ།
——-འབའ་བ་ཕུན་ཚོགས་དབང་རྒྱལ་གཤེགས་པ་ཐོས་རྗེས།
ཤག་ཤག་ཆར་པ་རྒྱུ་བའི་ཅ་ཅོའི་སྒྲ།།
གྲང་རེག་བསིལ་པོ་ལྡང་བའི་གྲོགས་དང་ལྷན།།
ལྷིང་འཇགས་གཉིད་ལ་འཇབ་རྒོལ་ཐེབས་པའི་དུས།།
སེམས་རྩ་གྲང་བས་མནར་བའི་ཟུག་རྔུས་གདུངས།།
རབ་རིབ་རྨི་ལམ་འཚུབ་པའི་བག་ཆགས་བདུད།།
གདོན་གཟུགས་སྙིང་ལ་འཐིབས་པའི་བདེན་ཞེན་གྱི།།
སེམས་ཁམས་ན་ཟུག་རྒོད་པའི་ཚོར་སྣང་དེས།།
འདི་ལྟར་གངས་རིའི་ངོ་གདོང་དེ་རྒས་སོང་།
བྲེ་ནག
——བོད་མི་གསར་བརྗེ་བ་ཕུན་དབང་མཆོག་སྐུ་གཤེགས་རྗེས་མྱ་ངན་གྱི་ཚུལ་དུ་བྲིས།
འདི་ལྟར་གངས་རིའི་ངོ་གདོང་དེ་རྒས་སོང་།
མིག་ཆུ་ཡིས་ཡང་ཡང་བརླན་པའི་སེམས་དེ་རུམ་བཞིན།
ཆེས་མུན་ནག་གི་ལོ་ཟླ་ཡི་རྔམ་ཁ་ཞིག་ནས།
ཆེས་གདུང་རྩུབ་ཀྱི་བུ་ཡུག་ཞིག་གི་གྲང་ངར་གྱི་ཁྲོད་དུ།
ཨ་ཕ་ཡི་དཔྲལ་བར་གཉེར་རིས་མདུད་སོང་།
ཨ་མ་ཡི་སྐྲ་ལོ་ལ་དཀར་ཐིགས་བབས་སོང་།
འབའ་བའི་དཔའ་རྒོད།
སེར་ཤུལ་རིན་ཆེན་དོན་གྲུབ།
——-གངས་རིའི་དཔའ་རྒོད་ཕུན་དབང་མཆོག་ལ་མྱ་ངན་རྗེས་དྲན་དུ་ཕུལ།
མི་རིགས་སྐྱོབ་པའི་དཔའ་གདེང་ངར་མ་ལ།།
སྒྱུར་བཅོས་་གསར་བའི་བློ་ཡིས་འདའ་དེད་ཀྱིས།།
ཕྱི་བཙིར་ནང་གནོན་འཇིགས་པའི་འཕྲང་ལམ་ནས།།
ཤི་མིག་གསོན་ལ་འཕྲོས་པའི་ཁམས་པ་བ།།
ཤེས་རབ་བློ་ཡིས་ཚན་ཉིད་རིགས་ལམ་ལས།།
ཟླ་ཤེལ་བརླན་སྐྱེས་སྒྲུབ་པའི་ལེགས་བྱས་ལ།།
མདང་དགོང་གི་ཟླ་གཞོན།
བྲེ་ནག
སྨག་རུབ་ཀྱི་འཇིག་རྟེན་ཞིག་རྡོལ་ལ་ཁད་དུ་མཆིས།
བརྩེ་མདངས་དང་ལྡན་པའི་ཉ་གང་གི་ཟླ་བ།
སུ་ཞིག་གི་ཆེད་དུ་དེ་ལྟར་འཛུམ་ཞིང་།
གང་ཞིག་གི་སླད་དུ་དེ་ལྟར་སྒེར་ཏེ།
གྱེན་དུ་འཕྱོ་བའི་ཟེགས་མའི་རླབས་འཕྲེང་དག་ལ་འཕར་ལྡིང་གི་ངར་ཤུགས་གསོན་པོ་ཞིན་བྱིན།
<<སྐར་མདའ>>
ཚེ་རིང་།
—–དངོས་གཙོ་རྩོད་སྒྲུབ་སྨྲ་བའི་མཁས་དབང་ཉེ་རབས་བོད་ཀྱི་ལོ་རྒྱུས་སྟེང་གི་གྲགས་ཅན་མི་སྣ་ཁོང་ལ་མྱ་ངན་ཞུ།
སྨུག་ཧ་ཅང་གནག་པའི་མཚན་མོ་འདིར
འོད་འཚེར་བའི་མར་མེ་གྲངས་མེད རེ་རེ་བཞིན
སྡིག་རྩུབ་ཀྱི་རླུང་ཁ་ནས་ན་ཟུག་གིས་གཟིམས་སོང
གཞོབ་དྲི་ཁ་བའི་དུ་སྨུག་ནག་པོ་དེ
སུ་ཞིག་གི་ཞེན་ཆགས་བཞིན ད་དུང
སྤང་གཞོངས་དང་རི་སུལ་ཀུན་ལ་ནན་གྱིས་འཁྱིལ་འདུག
རྩོམ་པ་པོ་ཐེའུ་རང་ལ་ཁ་བཏགས་དཀར་པོ་ཞིག་ཏུ་ཚབ་ཏུ་བྲིས།
ཐེ་བོ་ཤེས་རབ་རྒྱ་མཚོ།
——རྩོམ་པ་པོ་ཐེའུ་རང་ལ་ཁ་བཏགས་དཀར་པོ་ཞིག་ཏུ་ཚབ་ཏུ་བྲིས།
སྐད་འཕྲིན་དྲ་ཚིགས་མང་པོས།།
ཐེའུ་རང་གློད་འདུག་ལབ་སོང་།།
རིང་ནས་འདྲིས་པ་མེད་མོད།།
རང་སེམས་ཉེ་ཉེ་འདྲ་འདུག།
རྐང་ལག་ལྕགས་ཀྱིས་བཅིངས་པའི།།
བུ་ཞིག་སྟོབས་ཀྱིས་འགྱིངས་སོང་།།
དམར་ཡག་སྟག་གི་དཔའ་སྙིང་།།
ཁྱོད་ཀྱི་ལུས་ན་རྫོགས་འདུག།
དེ་ལས་མང་བ་། “རྩོམ་པ་པོ་ཐེའུ་རང་ལ་ཁ་བཏགས་དཀར་པོ་ཞིག་ཏུ་ཚབ་ཏུ་བྲིས།” »
པར་བཏབ་སྙན་ངག
ཤེས་རབ་སྨྱོན་པ།
མི་གསོན་པོ།
——-ཆོས་རྒྱམ་དྲུང་པའི་དེབ་ལ་བལྟས་རྗེས་བྲིས།
རྐང་སྣེ་རྡོག་སོ་ནུབ་གླིང་རྒྱ་མཚོར་གྱར།།
གོམ་སྟབས་འཁྱོལ་པོས་གཞན་གྱི་རྐང་རྗེས་བཏུས།།
བསམ་གཞིག་སྟོང་གིས་ཟིན་པའི་མལ་ས་ནས།།
ཆོས་རྒྱམ་དྲུང་པའི་མཛད་རྗེས་འདི་སྐད་ཐོས།།
བདེ་སྟོང་ཟུང་དུ་འཇུག་པའི་རྒྱལ་ཐབས་ལས།།
སྙིང་རྗེ་སྲོག་གི་གཞན་དབང་གྱུར་པའི་ཞགས།།
དེ་རིང་སྔར་བཞིན་ང་རང་ཁྱོད་ལ་འཁོར།
ཁྲོ་གཏུམ།
ནམ་ཟླས་ནམ་ཡང་ཁྱོད་ལ་ཀུ་རེ་རྩེད
གཡས་དང་གཡོན་ནས་ལས་དབང་དགུང་བཞིན་མཐོ་བའི་མི
ས་མཐོ་གང་ཡང་ཁྱོད་ཀྱི་གོམ་པའི་གླན་ཀ་ལས
ང་རང་ཁྱོད་ལས་མཐོ་བར་ཡིད་ཀྱི་དང་ཀ་ཕྱེས་པའི་དཔའ་བོ་ཁེར་རྒྱུགས་ཡིན
སེམས་ཀྱི་འོད་ནས་ཟེར་མའི་འཛུམ་པ་འཕྱུར