དཔའ་རྟུལ་ནག་པོ།

 
རྨ་ཁུགས་དང་པོའི་འགྲམ་ངོགས་ནས་
ལུ་གུ་དང་འགྲོགས་ནས་ལང་ཚོ་རྒྱས།

དཔྱིད་དཔལ་བུ་མོ་མགྲོན་ལ་ཕེབས་ནས་ཆོལ་གསུམ་བོད་མིའི་རྣ་བར་སྙན།

ཚངས་སྲས་ངག་གི་དབྱངས་རྟའི་ཀློང་ན་སྒང་བ་བོད་ཀྱི་རང་མདངས་གསལ།

བདེ་སྡུག་གླུ་རུ་བླངས་ནས་བོད་མིའི་སེམས་ཀྱི་མུན་པ་ཡོངས་སུ་དྭངས།

དེ་ལས་མང་བ་། “གངས་ལྗོངས་གླུ་དབང་རྒྱལ་བོ།” »

• གུང་ཐང་འབྲུག་བྷེ།
__བོད་རང་བཙན་འཐབ་རྩོད་པ་སྤྱི་འཐུས་ཀརྨ་ཆོས་འཕེལ་ལ་བསྔོ་ཡིག་གི་ཚབ་ཏུ།

 
ཀརྨ་ཆོས་འཕེལ་ནི་ངས་ཀློག་པར་སྤྲོ་བའི་བརྩམས་ཆོས་ཤིག་ཡིན
བརྩམས་ཆོས་དེ་ལས་ཤ་རུས་ཀྱི་གསེང་དུ་འཚང་རྩིས་བརྒྱབ་མྱོང་ལ
བློ་སྙིང་མཆིན་གསུམ་གྱི་བྲང་ལ་ཟུག་འདར་སློང་མྱོང

རྡ་ས་འདི་ལྷ་ས་ལས་ཆར་ཞོད་ཆེ་ས་ཡིན་པས
ལྷབ་ལྷུབ་གཡོ་བའི་ཆར་ཞོད་དེའི་ཀློང་ནས

དེ་ལས་མང་བ་། “ཕེབས་སྐྱེལ་སྨྲེ་ངག” »

ཨ་འཇམ།
 

་་་་་་་ང་རང་བདུད་པེ་ལ་སེར་སྣ་ཡོད།

ཨ་མས་ང་ལ་བོད་སྐད་སློབ་དུས།།
བདུད་པེའི་གླུ་དང་མཉམ་དུ་ཡོད་ཀི།
ཨ་ཕས་ང་ལ་རྟ་རྩལ་སློབ་དུས།།
བདུད་པེའི་སྐད་ངག་ཁྲོད་ན་ཡོད་ཀི།

དེ་ལས་མང་བ་། “མཐོ་སྒང་གི་རྒྱུད་སྐུད་འདར་བ།” »

ཨེ་མ་ཧོ།

 
ན་མོ་གུ་རུ་བུདྡྷ་ཛྙྰ་ན་ཡེ།
དཔྱིད་ཀྱི་དཔལ་མོས་དྲི་བསུང་ངང་གིས་ཐུལ།།
རྐང་འཐུང་མངར་མོས་ནོར་འཛིན་སྲོག་རྩ་འཚོ།།
ནུབ་གླིང་གཡང་དཀར་འཕེལ་ཁ་རྒྱས་པའི་དུས།།
གངས་རིའི་ལྗོངས་སུ་ལུ་གུའི་མེ་ཏོག་བཞད།།
གངས་རིའི་སེངྒེས་རྒྱ་སྟག་གཞོང་རྩར་བལྡགས།།

དེ་ལས་མང་བ་། “དུས་སུ་སྨིན་པའི་ཆར་བརྡ།” »

མི་ཉག་སྐལ་བཟང་།
 
དྲིན་ཆེན་ཕ་མ་གཉིས་ཀ།
ཉི་མ་ཡིན་ན་བསམས་བྱུང་།།
ཉི་ཟེར་ལུས་ལ་ཕོག་དུས།།
ཕ་མའི་བཀའ་དྲིན་དྲན་བྱུང་།།

དྲིན་ཆེན་ཕ་མ་གཉིས་ཀ།
ཁུ་བྱུག་ཡིན་ན་བསམས་བྱུང་།།

དེ་ལས་མང་བ་། “ཕ་མ་དྲན་གླུ།” »

གངས་རིའི་ཕོ་ཉས།

 
རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།

གདོད་མའི་མགོན་པོ་སྤྲོས་ཀུན་ཉེར་ཞི་མཆོག་ཏུ་མི་འགྱུར་ཁྱད་ཆོས་དྲུག་ལྡན་རྡོ་རྗེའི་ཁམས།།
རྣམ་ཐར་བཞི་ལྡན་སྟོང་ཉིད་བདེ་ཆེན་སྙིང་རྗེའི་སྒེག་མོས་གདུལ་བྱའི་དོན་དུ་རབ་བསྐུལ་ལས།།
དུ་མའི་སྐལ་པ་བཟང་པོའི་སྔ་རོལ་ཕུན་ཚོགས་ལྔ་ལྡན་གཞི་སྣང་ཆེན་པོའི་ཞིང་ཁམས་དེར།།
མངོན་རྫོགས་སངས་རྒྱས་རི་རབ་མར་མེའི་རྒྱལ་མཚན་ཞེས་བྱ་ཆོས་ཀྱི་རྒྱལ་པོ་ཀློང་ཆེན་པ།།

དེ་ལས་མང་བ་། “ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ལ་བསྟོད་པ་དཔྱིད་ཀྱི་རྒྱལ་མོའི་རྒྱང་གླུ” »

ཨ་འཇམ་དང་རས་པ།

གློ་བུར་དུ་ཅི་ཞིག་བོར་སོང་ཡང་ཆོག
རྒྱང་རིང་ནི འུ་ཚོའི་རབ་རིབ་ཀྱི་མེ་ལོང་འདི་ཡིན
དོ་ནུབ་ཀྱི་གཏིང་ས་ནས ཁྱོད་ཀྱི་ངོ་གདོང་ལ་བྱིལ་ཐེངས་རེ་རེར
རི་ངོགས་ཀྱི་དར་ཚོན་ཡང ཁེར་རྐྱང་གི་རྨི་ལམ་ལ་ཡན་པར་བྱས
དོ་ནུབ རུས་པའི་གསེང་ནས
འཕྲིན་ཡིག་ལྟ་བུའི་ཆང་ཕོར་ཞིག མ་འོངས་པའི་ཕྱོགས་སུ་འགུལ་གྱིན་ཡོད

དེ་ལས་མང་བ་། “རུས་པའི་ཚོར་བ།” »

—–རྔ་བ་རྒྱལ་ཁམས་པ།
 
མཐིང་མདོག་ནམ་མཁའི་ཕོ་བྲང་ན།།
ཚོམ་པུར་ཆགས་པའི་ཆུ་ཤེལ་ཕྲེང་།།
གྲང་རེག་རལ་གྲིའི་འཕྲུལ་འཁོར་གྱིས།།
འཐག་པའི་ཁ་བ་དེ་རིང་བབ།།

ཁ་བའི་འདབ་མ་རེ་རེ་ནི།།
ཚེ་སྲོག་རེ་རེའི་བསྟི་གནས་ཏེ།།
ང་ཚོས་འདབ་མའི་གྲུ་ཆུང་རེ།།
ཞོན་ནས་མཁའ་ལ་ལྡིང་སྐོར་བྱེད།།

དེ་ལས་མང་བ་། “ཁ་བ་བབ་བྱུང་།” »

འོས་སྦྱོར་བ། རྫ་ཚེ་རིང་བཀྲ་ཤིས།
 

བདེ་གཤེགས་ཕག་མོ་གྲུ་པ་རྡོ་རྗེ་རྒྱལ་པོའི་ཐུགས་སྲས་གྲུབ་ཐོབ་ཉག་རེ་སེ་བོའམ། ཉག་སེ་རིན་ཆེན་རྒྱལ་མཚན་གྱི་མགུར་གླུ །

ན་མོ། རྗེ་བཙུན་མཚུངས་མེད་འགྲོ་བའི་མགོན། །བདག་སོགས་འགྲོ་རྣམས་སྐྱབས་ཏུ་གསོལ། །བཀའ་བརྒྱུད་བདུན་གྱི་བསྟན་པ་དར་བར་ཤོག །མི་མཇེད་འཇིག་རྟེན་ཁམས་དག་ཏུ། །སྟོན་པའི་བསྟན་པ་རིན་པོ་ཆེ། །རྣམ་འཕྲུལ་བསམ་གྱིས་མི་ཁྱབ་ཀྱང་། །གང་འདུལ་ཆོས་ཀྱི་འཁོར་ལོ་བསྐོར། །འགྲོ་བ་འདྲེན་པ་ཐུགས་རྗེའི་བདག །མི་འགྱུར་རྡོ་རྗེ་ལྟ་བུའི་ཚིག །ཁོ་བོ་བློ་འདས་འཛིན་པ་བྲལ། །ངོ་བོ་ཤེས་ནས་དེ་ཉིད་སྟོང་། །སེམས་ཉིད་ཆུ་བོ་རྒྱ་མཚོ་ལྟ་བུ་ལ། །

དེ་ལས་མང་བ་། “ཉག་སེ་རིན་ཆེན་རྒྱལ་མཚན་གྱི་མགུར་གླུ” »

འབའ་སྲས།

 
སྣང་བ་ཤེལ་གྱི་རྩིག་ངོས་སུ།།
མི་རྟག་སྒྱུ་མའི་རི་མོ་འབུམ།།
ཡིད་ཀྱི་རྣམ་རྒྱལ་ཁང་བཟང་དུ།།
ཅིག་གྱུར་ཤར་བའི་བསླུ་བྲིད་རྒོད།།

རྨི་ལམ་གཤོག་ཟུང་བསྐྱོད་པ་ཡི།།
འདོད་ཆེན་མཁའ་ལ་ལྡིང་བའི་བྱ།།

དེ་ལས་མང་བ་། “སྣང་བས་བྲིད་པ།” »

འབྲི་ས་འཛིན།

 
ང་སྡོད་སའི་ཆ་རྐྱེན་འཛོམས་པོ་རེད།།
སྡེ་ཚང་གི་ཡུལ་སྐོར་འགྲོ་ས་རེད།།
སེམས་ཨེ་སྐྱིད་སྐད་ཆ་མ་དྲིས་ན།།
ལུས་བདེ་ཁུལ་བྱེད་ཀྱིན་ལས་བྲེལ་ཡིན།།

ང་འོང་སའི་ཕ་ཡུལ་གངས་ལྗོངས་རེད།།
རྒྱ་དམར་པོའི་སྲིད་བྱུས་བཙན་ས་རེད།།

དེ་ལས་མང་བ་། “དུས་དེང་སང་།” »

སྦྲ་དཔལ་ལྡན།

 
ཡོད་ཚད་འཇིག་རྟེན་ཞིག་གི་འགྱུར་ལྡོག་ཁྲོད་
བདག་དང་ཁ་ཐང་རིང་བའི་མོ་ལོ་བཅོ་ལྔའི་གྲུ་ཁ་ཞིག་ནས
ལྷབ་ལྷུབ་ཏུ་གཡོ་ལ་ལྷབ་ལྷུབ་ཏུ་འབབ་པའི་
བདག་གི་བྱིས་དུས་ཀྱི་ ཁ་བ་རེ་རེར་
འདི་ལྟར་ བདག་གི་འཇིག་རྟེན་ན་མཛེས་སྡུག་དང་
སྒེག་ཉམས་ངང་འབབ་ཡོང་དུས་

དེ་ལས་མང་བ་། “ཁ་བ་ནག་པོའི་གཏམ་རྒྱུད།” »

—-འབའ་སྲས།

 
སེམས་ཀྱི་སྙིགས་རོ་གསང་བའི་དུར་དུ་སྦོས།།
ཁ་བཤད་ཝུ་དཀར་མཛེས་པའི་རྒྱན་དུ་བྱེད།།
མི་སེམས་རྟ་གླང་ཅན་དག་མཐར་སྤྱུགས་ཏེ།།
དྲང་བདེན་མི་རྗེ་གང་གིས་སྲིད་དབང་སྐྱོངས།།

དེ་ལས་མང་བ་། “དྲང་བདེན་གྱིས་རྙེད་པའི་ངའི་སྲིད་སྐྱོང་སྐུ་ངོ་སྤེན་པ་ཚེ་རིང་མཆོག” »

—–ཨེ་མ་ཧོ།

 
ན་མོ་གུ་རུ་ལོ་ཀེ་ཤྭ་ར་ཡེ།
ཕྱོགས་དུས་རབ་འབྱམས་རྩ་གསུམ་ཚེ་ཡི་ལྷ།།
ཚེ་དབང་རིག་འཛིན་པདྨ་འབྱུང་གནས་དང་།།
ཚེ་རིང་མཆེད་ལྔ་མཁའ་འགྲོ་རྒྱ་མཚོ་ཡིས།།
བསྟན་འཛིན་དམ་པའི་སྐུ་ཚེ་སྲུང་བར་མཛོད།།
ཕྱི་ཡི་བར་ཆད་འབྱུང་ལྔའི་གཡོ་འཁྲུག་སོལ།།
ནང་གི་བར་ཆད་དུག་ལྔའི་བག་ཆགས་སོལ།།
གསང་བའི་བར་ཆད་སྐུ་ལྔའི་འགལ་རྐྱེན་སོལ།།

དེ་ལས་མང་བ་། “སྤྱན་རས་གཟིགས་དབང་ཞབས་པད་བརྟན་གྱུར་ཅིག །” »

—-སོ་སྐྱེའི་སྙན་ངག་བརྒྱ་བ།
An Ordinary Person’s Poems of One Hundred Verses
ཀླུ་སྨྱོན་ཧེ་རུ་ཀ
དབྱིན་སྒྱུར་མཁན་བསྟན་འཛིན་དགེ་ལེགས།
*
སྐྱེ་བ་སྐྱེ་བར་གསེར་མདོག་གི །
ཞིང་གྲོང་ཉུལ་བའི་རླུང་བུར་ཤོག །

དེ་ལས་མང་བ་། “སོ་སྐྱེའི་སྙན་ངག་བརྒྱ་བ་བོད་དབྱིན་ཤན་སྦྱར།” »

བྱ་མདོ་སྐལ་རྒྱམ།

 
སང་ཉིན་སང་ཉིན་ཟེར་བཞིན
མི་ལོ་མང་བོ་ཞིག་འདས་ནའང
མིག་ཟུང་བཙུམ་ཐེངས་རེ་ལ
ད་དུང་ཉི་མ་དམར་བོ་ལྟ་བུའི་བཞུད་ལམ་དེ་དྲན་འོང
ལོ་ཚོད་ལ་མི་རན་པའི་རྒས་རྟགས་འདིས
ངས་རང་གིས་བྱེད་སྟངས་ཡོད་ཚད

དེ་ལས་མང་བ་། “སུན་སྣང་ཁྲོད་ཀྱི་ང་། ༼སྙན་ཚོམ་ཁག་བཞི།༽” »

ཨེ་མ་ཧོ།

 
ན་མོ་གུ་རུ་བྷོ་དྷི་ཙིཏྟ་ཡེ།
མེས་དབོན་རྣམ་གསུམ་ཆོས་རྒྱལ་དམ་པ་དང་།།
འཇིག་རྟེན་སྲིད་པའི་དཔལ་ལ་ལོངས་སྤྱོད་པའི།།
ཡང་དག་མི་ཆོས་གཙང་མའི་དེད་དཔོན་མཆོག།
གཞན་འདུལ་གཉེན་སྐྱོང་དབང་ཐང་ཅན་རྣམས་བསྟོད།།

གངས་ཅན་བོད་པའི་སྲིད་སྐྱོང་མཚན་ཉིད་ནི།།

དེ་ལས་མང་བ་། “སྲིད་སྐྱོང་ཞིག་ལ་དགོས་པའི་ཆོས་བཅུ་མ།” »

འདྲེ་གླེན་པ།

 
1
ཕྱི་རོལ་ཏུ་དབྱར་གཞུང་ཚེས་པས་ཡིན་ནམ།
ངས་ཁ་བ་ལྟ་བུའི་དགུན་གཞུང་ཞིག་ལ་སྣ་གླུ་ཤུར་ཤུར་དུ་ཤོར།

2
སྒེའུ་ཁུང་ནས་ཉི་འོད་ཀྱི་བཙན་འཛུལ་ལ་ཚོད་ཅིག་མེད་པས་ཡིན་ནམ།
ངས་ཚོད་ཚོད་དུ་མུན་པ་ཞིག་རླུང་བུ་ལྟར་གཡུག་ཡོང་ན་སྙམ།

དེ་ལས་མང་བ་། “སྣ་གླུ་ཤུར་ཤུར།” »