ཁྲོ་གཏུམ།
ཀི་རིང་བཏབ་པས་རླུང་རྟའི་ཤོག་ལོ་མཁའ་རུ་མཐོ་རུ་འཕུར
རི་བོ་དེའི་རྣམ་ཤེས
མི་དེ་དག་གི་སེམས་ཕུར་རུ་གྱུར
དུང་བུད་པས་བསང་དུད་ཀྱི་འབྲུག་ཆུང་མཁའ་ལ་ལྡིང
རི་བོ་དེའི་རྣམ་ཤེས
ངས་མེས་པོའི་ཤུལ་བཞག་ལས་ཐོན་པའི་གནའ་རྫས་དག་མ་ཡིན
ཐེམ་བཀག་གློད་རྗེས།
གསལ་ལེ་རྒྱལ།
རྒྱ་ནད་ཀྱི་དབང་གིས་གཞི་བདག་ཚོའང་ཐེམ་བཀག་བཀའ་རྒྱས་བསྡམས་ནས་ལོ་གཉིས་ཙམ་འགོར། ཁ་སང་གཞི་ནས་ཐེམ་བཀག་གློད་རྗེས་གཉན་ཆེན་ཐང་ལྷའང་ག་ལེར་སྒོར་བུད།
ཐེམ་བཀག་གློད་རྗེས་མི་ཚང་མ་ཕྱིར་རུ་ཐོན་ཏེ་རྡ་སའི་རྒྱ་ལམ་གྱི་འདུ་འཛི་སྔར་བཞིན་གནས། མི། བ་ལང་། ཁྱི། རླངས་འཁོར་སོགས་མཉམ་དུ་སྲང་ལམ་དུ་ཐོན། ཡར་འགྲོ་ལ་བལྟས་ན་ས་ཆ་འདིའི་མྱི་ཟོག་ཚང་མ་ཡར་ལ་འགྲོ་བ་ལྟར་སྣང་ཞིང་། མར་འགྲོ་ལ་བལྟས་ནའང་དེ་བཞིན་ཚང་མ་མར་ལ་འགྲོ་བ་ལྟར་སྣང་། འཚང་ཁ་དེའི་བར་ན་མི་ཞིག་བྲེལ་བས་རྒྱུག་ས་ག་ལ་ཡོད་དེ་བྱེའུ་ཞིག་འཕུར་ནས་འགྲོ་སའང་མི་འདུག རེད་དེ། གནས་གང་ཞིག་ནས་ཚུལ་ཇི་ལྟར་ཕེབས་པ་མ་ཤེས་མོད། གཉན་ཆེན་ཐང་ལྷ་སླེབས་སོང་། ཁོང་ལ་ཆ་རྒྱུས་མེད་ནའང་ཚིག་ཐག་ཆོད་པོས་བཤད་ཐུབ་པ་ཞིག་ལ། ཁོང་ནི་རྒྱུག་པ་ལེབ་རྡུང་ལ་དགའ་བ་མ་ཟད་ནག་རྒྱག་ལ་དགའ་བའི་གཞི་བདག་ཅིག་ཡིན་པ་འདྲ། ལོ་ངོ་གཉིས་ཀྱི་ཐེམ་བཀག་དེའི་དབང་གིས་གཉན་ཆེན་ཐང་ལྷས་སྤེན་པ་ཚེ་རིང་ངོ་ག་ལ་ཤེས་ཏེ”སྲིད་སྐྱོང”ཞེས་པའི་ཐ་སྙད་དེའང་བརྗེད་པར་གྱུར། བོད་མིའི་འོས་བསྡུ་དང་གྲོས་ཚོགས་ཀྱི་རྙོག་དྲ་སོགས་ཅི་ཡང་གོ་ཐོས་བྱུང་མེད་པ་འདྲ། སྲིད་སྐྱོང་སྤེན་པ་ཚེ་རིང་གི་གདོང་ལ་བལྟས་ནས”འགོ་བ་གང་ན་ཡོད” ཅེས་སྐད་བརྒྱབས་པ་དེར་བལྟས་ན་ཕལ་ཆེར་ཁོས་སྲིད་ཟུར་བློ་བཟང་སེང་གེ་འཚོལ་བཞིན་པ་འདྲ། ཡར་ལྟ་མར་ལྟ་བྱས། ལག་པས་སྙོབ་ཚད་ལ་ཁུ་ཚུར་གཡུག “འགོ་བ་གང་ན་ཡོད”ཅེས་སྐད་བརྒྱབས། སྤེན་པ་ཚེ་རིང་ལ་གནས་ཆུང་གིས་རྒྱུགས་པ་གཞུས་པའི་ཉམས་མྱོང་ངམ་སུན་པ་ཡོད་པས་ཞེད་ཐག་ཆོད་དེ་༧གོང་ས་མཆོག་གི་སྐུ་རྒྱབ་ལ་ཡིབ་ནས་བལྟས། རྒྱ་རི་སྒྲོལ་མ་སྐྲག་ནས་ཧེ་བཏབ།
འཆི་གསོན་བར་གྱི་འབྲེལ་བ། (གཉིས་པ།)
ཡི་གེ་པ་མི་གསོན་པོ།
ངས་དགའ་སྤྲོ་དང་དངངས་འཚབ་འདྲེས་མའི་སེམས་ཀྱི་ཚོར་འདུ་བརྗོད་མི་ཤེས་པ་ཞིག་དང་ལྷན་སྒོ་ཕྱེས་པ་ཡིན། བསམ་ཡུལ་འདས་པ་ཞིག་ལ་མོས་མོ་རང་གི་གྲོགས་མོ་ཡང་ཁྲིད་ནས་སླེབས་འདུག ངའི་སེམས་གཏིང་ནས་སྐྱོ་གདུང་གི་ཚོར་སྣང་ཞིག་སྐྱེས་བྱུང་ཡང་གདོང་ནས་འཛུམ་མདངས་བསྟན་གང་ཐུབ་བྱས་ཏེ། ནང་དུ་ཕེབས་པར་དགའ་བསུ་ཞུས་པ་ཡིན། མོས་ཀྱང་ང་དང་མོ་རང་གི་གྲོགས་མོ་གཉིས་ཕན་ཚུན་ངོ་སྤྲོད་བྱས་ཏེ་གྲོགས་མོ་དེ་མོ་རང་ཆུང་དུས་ཀྱི་གྲོགས་མོ་ཡག་ཤོས་དེ་ཡིན་པའང་ནན་བརྗོད་བྱས་སོང་། བུ་མོ་དེའི་མིང་ལ་ཁྱེད་ཀྱིས་ཨན་ཞེས་བྲིས་ན་ཆོག འདི་ཡང་ཁོ་མོའི་མིང་ཚབ་ཙམ་ལས་མིང་ངོ་མ་དེ་མ་རེད། སྒྲོལ་མ་ནི་ངའི་ཉལ་ཁང་ལ་ཧང་སང་ཏེ་ཁྱོད་ངོ་མ་སྐྱིད་པོ་རེད། ང་ཚོའི་ཉལ་ཁང་ནང་དུ་བུ་མོ་དྲུག་མཉམ་དུ་བསྡད་ཡོད་ཟེར། ངས་ཁྱོད་རང་ལ་འདོད་པ་ཡོད་ན་འདིར་སྤོས་ན་འགྲིག་གི་རེད་ཅེས་ཀུ་རེ་ཞིག་བྱས། དེ་ཡིན་ན་ང་དེ་རིང་ནས་སྤོ་རྒྱུ་ཡིན་ཞེས་མོ་རང་མཆོང་ལྡིང་བྱས་ཏེ་ངའི་ཉལ་ཁྲིའི་སྒང་དུ་གན་རྐྱལ་དུ་འགྲིལ་སོང་ལ་སྤྲོ་སྣང་ཆེན་པོས་འགྲེ་ལོག་ཁ་ཤས་བརྒྱབ་སོང་། ཨན་གྱིས་”སྨྱོན་མ”གཟབ་ཙམ་གྱིས་མ་གཏོགས་ཉལ་ཁྲི་བཅག་ཡོང་ཞེས་དྲན་བསྐུལ་བྱས་ཐལ། ངས་ཀྱང་ཀུ་རེའི་ཚུལ་དུ་ཉལ་ཁྲི་ཆག་ན་ཁྱོད་ཚུར་མ་སྤོས་གོང་དུ་སློབ་གྲྭས་ང་ཕར་སྤོ་བཅུག་རྒྱུ་རེད་ཅེས་བཤད་དེ་ང་ཚོ་གསུམ་ཀ་ཧབ་དགོད་བྱས།
འཆི་གསོན་བར་གྱི་འབྲེལ་བ། ༼མུ་འགོད།༽
ཡི་གེ་པ་མི་གསོན་པོ།
(མཚན་མཐུན་ཆགས་སྤྱོད་མཁན་གྱི་བུད་མེད་ཅིག་རང་གི་མཛའ་གྲོགས་ཤི་རྗེས་སུ་ནང་པའི་ཉམས་ལེན་པ་ཞིག་གྱུར་པའི་དངོས་སྒྲུང་། སྒྲུང་འདིའི་ནང་དུ་ཆགས་སྲེད་དང་ཞེ་སྣང་ཆེ་བའི་ཤི་འདྲེ་སོགས་ཀྱི་གནས་ཚུལ་འཁོད་ཡོད་པས་དེ་དག་གཟིགས་འདོད་མེད་པ་དག་གིས་མ་བཀླག་ན་བཟང་།)
ངས་རང་ཉིད་ནང་ཆོས་ལ་དོ་སྣང་དང་དད་འདུན་སླེབས་པའི་བརྒྱུད་རིམ་དེ་བཤད་ཆོག། སྐད་ཆ་འདིར་ཡིད་ཆེས་མཁན་ཡང་ནང་ཆོས་ལ་ཡིད་ཆེས་ཡོད་མཁན་ཁོ་ན་ཡིན་ངེས། ཁྱོད་ཀྱིས་ངའི་མིང་དངོས་སུ་མ་བྲིས་ན་ལེགས། རྒྱུ་མཚན་ནི་ངའི་ཉེ་འཁོར་གྱི་མི་མང་པོ་སླར་ཡང་ཕོ་ཐུག་གཏོང་འདོད་མེད། འོན་ཏེ་ངས་རང་ཉིད་ཀྱི་ནོར་འཁྲུལ་དང་གདུག་རྩུབ་ཆེ་བའི་བྱ་སྤྱོད་དེ་ཡིག་ཐོག་ཏུ་འཁོད་ཐུབ་ན་བསམ། འདི་ནི་ངས་ལན་ཆགས་དང་བུ་ལོན་ཆད་ཟིན་པའི་ངའི་མཛའ་གྲོགས་ལ་བཤགས་སྡོམ་དང་། ངའི་ཚེ་སྲོག་ཉེན་ཁ་ལས་བསྐྱབས་ཤིང་འཇིགས་སྣང་ལས་བསྒྲོལ་བའི་ནང་ཆོས་ལ་རྗེས་དྲན་ཞིག་ཀྱང་ཡིན། ཁྱེད་ཀྱིས་ཤེས་སམ། ངའི་ཆུང་དུས་ཀྱི་འཚོ་བ་ནི་ཧ་ཅང་སྤྲོ་སྣང་ལྡན་ལ་ཡིད་དུ་འོང་བ་ཞིག་ཡིན། ང་སྐྱེས་པའི་གྲོང་ཁྱེར་ནི་ཨ་རི་ཤར་ཕྱོགས་སུ་སྐད་གྲགས་དང་ལོ་རྒྱུས་རང་བཞིན་ཅན་གྱི་བྷོ་སི་ཊོན་རེད། ཁྱེད་ཀྱང་ཐེངས་མང་དེར་འགྲོ་མྱོང་ཡོད་ངེས་རེད། གྲོང་ཁྱེར་དེ་དགུན་དུས་གནམ་གཤིས་ཅུང་གྲང་བ་ཙམ་ལས་གཞན་ཡོད་ཚད་ལྟ་བ་སྡུག་པ་ཞིག་རེད། ད་དུང་གྲོང་ཁྱེར་ནང་ཧར་བྷ་ཌི་གཙུག་ལག་སློབ་ཆེན་སོགས་ཤེས་ཡོན་གྱི་བསྟི་གནས་དང་། འགྲེམ་སྟོན་ཁང་། སྤྱི་གླིང་སོགས་ཤིན་ཏུ་མང་ལ་ཡོད་ཚད་བརྗིད་ཆགས་དང་མཛེས་སྡུག་ལྡན་པ་ཤ་སྟག་རེད། ད་དུང་རླབས་ཆེན་གྱི་ཨ་རི་མང་སྡེ་ཆིག་སྒྲིལ་གྱི་རྒྱལ་ཁབ་ཀྱང་གྲོང་ཁྱེར་འདི་ནས་དབུ་བརྙེས་པ་རེད། ངས་རྟག་ཏུ་རང་ཉིད་གྲོང་ཁྱེར་འདི་ཡི་ནང་དུ་སྐྱེས་པ་ལ་སྤོབས་པ་བྱེད་ཀྱི་ཡོད། ངའི་ཕ་མ་གཉིས་ཀྱང་འབྱོར་བ་ལྡན་ཞིང་ལས་གནས་མཐོ་བ་སོགས་ཀྱིས་ཁྱིམ་ཚང་གི་ཆ་རྐྱེན་ཧ་ཅང་ལེགས། ངའི་གཅེན་པོས་ཀྱང་ང་ལ་བརྩེ་ཞིང་རྟག་ཏུ་བལྟ་སྐྱོང་གང་ལེགས་བྱེད་ཀྱི་ཡོད། དེས་ན་ངས་ཆུང་དུས་ཀྱི་འཚོ་བའི་ནང་དུ་དཀའ་ཁག་ཅི་ཡང་བྱུང་མ་མྱོང་ཞེས་བཤད་ན་རྫུན་ཡིན་སྲིད་མོད་དཀའ་སྡུག་ཆེན་པོ་ཞིག་མྱོང་བ་ངོ་མ་སེམས་ནས་མི་དྲན།
ཆུང་དུས་དམ་པའི་བཤེས་དང་མ་མཇལ་ན།
ཆི་ཝེས་ཀྱིས་བརྩམས།
སྒོ་ཤེས་རབ་ཀྱིས་བསྒྱུར།
ཟླ་དགུ་པ་ནི་ཏག་ཏག་བྱིས་པ་རྣམས་སློབ་གྲྭར་འགྲོ་བའི་དུས་སུ་ཁེལ་ཡོད་པས། དབུས་བརྙན་འཕྲིན་ཁང་གི་མདོ་འཛིན་མ་ཀྲང་ཆོན་ལིང(张泉灵)ཡང་རང་གི་བུ་ཆུང་སློབ་གྲྭར་ཞུགས་པའི་ཁྱིམ་བདག་ཚོགས་འདུ་ལས་ཕྱིར་ལོག་མ་ཐག་རེད། ཚོགས་ཐོག་ཏུ་སློབ་གཙོས། རྒྱ་ནག་དང་ཉི་ཧོང་གི་སློབ་གྲྭ་སོ་སོས“ཤིང་རྟ་ལོའི་རྒྱ་ཉིའི་དམག་འཁྲུག”སྐོར་ལ་རྒྱུགས་ལེན་སྟངས་མི་འདྲ་ཚུལ་བཤད་པ་ཁོ་མོའི་རྣ་བའི་བུ་གར་ལྷུང་།
འདི་ལྟ་སྟེ། རྒྱ་ནག་པས། ཤིང་རྟ་ལོའི་མཚོ་ཐོག་འཁྲུག་རྩོད་དེ་ག་དུས་ཤིག་ལ་བྱུང་བ་ཡིན་པ་དང་། དམག་འཁྲུག་དེ་ལ་ལོ་རྒྱུས་ཀྱི་དོན་སྙིང་ཅི་ཞིག་ཡོད་སོགས་འདྲི་ཞིང་། མཐར་དེ་ལ་དགེ་རྒན་གྱིས་སྡོམ་ཚིག་རིགས་ལྔ་ཙམ་བཀོད་རྗེས། དེ་རྣམས་སློབ་མ་ཚོའི་བློ་ལ་ངེས་སུ་བཅུག་སྟེ། ནམ་ཞིག་རྒྱུགས་སྤྲོད་སྐབས་དེ་དག་ལས་གང་ལ་ལན་མ་ཐེབས་ན་སྐར་མ་གཅོག་པ་རེད།
ཀླད་ཀོར།
བསེ་རུ།
ཏང་གི་བཀའ་དེ་བཙན་པོ་ཡིན་ནོ་ཟེར།།
ཏང་གི་དབུ་ཁྲིད་བཀའ་དྲིན་ཆེ་ལོ་ཟེར།།
ཏང་གི་མངའ་འོག་མྱ་ངན་ལྕི་འོ་ཟེར།།
ཡོད་ཚད་ཏང་གིས་དབང་སྒྱུར་རེད་དོ་ཟེར།།
ཞིང་ལས་འཕྲུལ་ཆས་ཅན་དུ་བསྒྱུར་ན་ཡང་།།
རྨོན་གཡག་རྨོན་མཛོའི་བཀའ་དྲིན་བརྗེད་མེད་ཟེར།།
ཏང་གི་བཀའ་བཀོད་ཇི་ལྟར་གནང་ན་ཡང་།།
སྲོལ་རྒྱུན་མི་ཉམས་རྒྱུན་འཛིན་བྱེད་དོ་ཟེར།།
བརྗེད་ཐབས་མེད་པའི་ཚེ་དབང་ནོར་བུ།
གངས་དཀར་སེམས།
བུ་ཆུང་དགའ་དགའ།
ཚེ་དབང་ནོར་བུ།
རང་ལོ་ཉེར་དྲུག་སྐབས་སུ།
དོ་ཟླ་མེད་པའི་རིགས་ཞེན་གྱིས།
མེ་ལྷ་དང་ལྡེབས་ནས་ས་ཆེན་པོར་སོང་ཟིན།
སེམས་ཉེ་བར་ཤོར་འགྲོ་བའི་ངའི་སེམས་ཚོར་སྦྲགས།
ཁྱེད་ཀྱི་ལང་ཚོ་དར་བའི་འཛུམ་ཆུང་།
གཞན་དང་མི་འདྲ་བའི་ཡ་རབ་ཀྱི་སྤྱོད་པ།
ངའི་མཐོང་སྣང་ལ་ཁྱོད་ནི།
བག་ཡོད་དལ་ལྷོད་སྙིང་རྗེ་ཅན་ཞིག་ཡིན།
ཁྱེད་ལ་གཏིང་རིང་བའི་ཚོར་འདུ་ལྡན་པའི་མི་གཤིས་དང་།
བཅོས་མིན་རང་ཆས་སུ་ལྡན་འདུག་པ་དེ་ངས་ཤེས་ཡོད།
ངས་དེ་སྔོན་ནས་ངོ་མ་ཚང་མ་ཤེས་ཡོད། བུ་ཆུང་ནོར་བུ་ལགས།
དུས་རབས་ཀྱིས་བསླངས་པའི་ན་ཟུག
གཅན་ཚ་སྒྲོལ་མ་གཡང་སྐྱིད།
ང་ཚོ་ལྡོམ་པོ་ལྡོམ་མོ་ཡིན་པས་གཟི་བརྗིད་ཆེ། །
ཕ་མའི་བརྩེ་བ་མེད་ཕྱིར་ལྡོམ་ནས་སོང་བ་མིན། །
རང་གི་ལྟོ་རྒྱབ་དཀའ་བས་ལྡོམ་ནས་སོང་བ་མིན། །
ང་ཚོ་དམིགས་ཡུལ་ཡོད་པའི་ལྡོམ་པོ་ལྡོམ་མོ་ཡིན། །
མདུན་རི་དག་གི་ཕར་རྒྱབ་ལ་ལྟ་འདོད།
ཁྲོ་གཏུམ།
སྙན་ངག་གིས་བྱང་ལམ་གཅད་དེ
མདུན་རི་དག་གི་ཕར་རྒྱབ་ནས་ཕར་རྒྱབ་ལ་འགྲོ་དགོས
གནས་དེ་ན
ས་དེ་ན་
ཆེས་མཐོང་འདོད་པའི་བདུད་བརྩི་ཡོད
ཤིན་ཏུ་ཉན་འདོད་པའི་དབྱངས་འགྲོས་ཡོད
ཆུ་བོ་གངྒའི་འགྲམ་གྱི་ཆུང་མ།
རྩོམ་པ་པོ། རྔ་བ་ཀུན་བཟང་།
ལེའུ་དང་པོ།
ངའི་མིང་ལ་ཆུ་བོ་གངྒའི་འགྲམ་གྱི་ཆུང་མ་ཞེས་འབོད། སྔོན་ཆད་ཨ་ནེ་ཞིག་ཡིན་ལ་ལོ་གསུམ་གོང་ལ་ཨ་ནེ་ལོག་ནས་ཆུ་བོ་གངྒའི་འགྲམ་གྱི་རྣལ་འབྱོར་བ་ཞིག་དང་མཉམ་དུ་ཆང་ས་བརྒྱབ་ནས་ལོ་གཉིས་ཙམ་སོང་ཡང་། ཁ་སང་ཉིན་རྒྱབ་ཁོང་ལ་ནད་ཡམས་ཤིག་བྱུང་བས་གློ་བུར་དུ་ཚེ་ལས་འདས་སོང་།
མ་འདས་གོང་གི་མཚན་མོ་ཁོང་དུས་རྒྱུན་ལྟར་ཅུང་ཙམ་མི་འདྲ་བར་གྱུར། སྐད་ཆ་ཡང་དེ་ཙམ་མི་བཤད་ལ་ང་བྱིས་པ་ལྟར་པང་ལ་ཉར་ནས་གཟི་འོད་ཕྲོམ་ཕྲོམ་བྱེད་པའི་ཁྲ་ཆུང་མིག་གཉིས་རྩེ་གཅིག་ཏུ་ང་ལ་བལྟས་ཏེ། “ཧ་ཅང་མཛེས་གངས་ཀྱི་ལྷ་མོ་འདྲ་”ཞེས་ཡང་དང་བསྐྱར་དུ་འོ་ཐེངས་འགའ་བསྐྱེལ་བྱུང་། ད་དུང་རི་མོ་དང་སྙན་ངག་གི་དེབ་འགའ་ཡང་ང་ལ་ངོ་སྤྲོད་བྱས། བརྗོད་གཞི་དེ་དག་ང་གཉིས་ནམ་རྒྱུན་ནས་ཁ་བརྡ་བྱེད་བཞིན་ཡོད་པས་ངས་དོ་སྣང་མ་བྱས། འོན་ཀྱང་། དེ་རིང་གི་དེབ་དག་སྔོན་ཆད་གོ་མྱོང་མེད། ད་དུང་ངས་དེ་ལྟར་བཤད་ཡིན། “དེང་སང་མངལ་ཆགས་བས་དེབ་ལ་ལྟ་འདོད་མི་འདུག་རྗེས་མ་ངས་ཀློག་དགོས་ཨང་གཅེས་ཕྲུག”ཞེས་བཤད་ཡིན། གང་ལྟར་དེ་རིང་གི་གནས་ཚུལ་དེ་བྱུང་དུས་འདས་ཟིན་པའི་ང་གཉིས་ཀྱི་གཏམ་རྒྱུད་རྣམས་ཡིད་ཀྱི་མེ་ལོང་ན་གློག་བརྙན་ལྟར་ཤར་བས་ཀློག་པ་པོ་ཡོངས་ལ་བཤད་འདོད།
བོད་ཀྱི་ལས་དབང་།
བསྟན་དར།
ཀྱེ་མ། བོད་ཀྱི་ལས་དབང་།
རླུང་རྟ་མེད་པའི་དར་ཅོག
དྲི་བཟང་མེད་པའི་བདུག་སྤོས།
པད་མ་མེད་པའི་ཆུ་མཚོ།
སྐུ་པར་འགོག་པའི་གདུལ་ཞིང།
སྐུ་བརྙན་བཅོམ་པའི་ལྷ་ཁང་།
དགེ་འདུན་འབྱིན་པའི་དགོན་པ།
མ་བུ་འབྲལ་བའི་ཡུལ་གྲོང་།
༼ཉི་མ་ལྷ་ས་དྲན་གི༽
ཐེ་བོ་སངས་རྒྱས།
ཉི་ཟླ་སྐར་གསུམ་ལྷ་རུ་བཀུར་ཅིང་།།
འཛམ་གླིང་སུམ་ཉིས་ས་ལ་སྤྱོད་པའི།།
བཙན་པོའི་བཀའ་ཆེམས་རྡོ་ལ་བརྐོས་ཤིང་།།
གཙུག་ལག་ཁང་བཟང་འཕྲུལ་གྱིས་བཞེངས་སོ།།
ཕོ་བྲང་དམར་པོར་ཉི་རྩེ་ཕོག་དུས།།
ལྷ་ཁང་ཕུག་གི་མར་མེའི་འོད་ཀྱིས།།
རྩིག་ངོས་ལྷ་སྒྲུང་རི་མོ་གསལ་བ།།
ཇོ་བོར་ཞུས་པའི་རྨོ་མོའི་འདོད་གསོལ།།
ཡེ་ཤེས་རང་སྣང་གི་གངས་རི་དཀར་པོ།
ཤེད་བུ།
ལྟ་གྲུབ་རིག་པ་སྟོང་ཕྲག་གི་བསྒྲུབ་བྱ་གཞན་ལ་བརྩེ་བ་དང་། །
གཞན་ལ་བརྩེ་བའི་རིགས་ལམ་གྱི་རྒྱལ་བོ་བརྟེན་ནས་འབྱུང་བ་གཉིས། །
རིགས་པའི་རྣམ་གྲངས་མཐའ་ཡས་པའི་སྒོ་ནས་སྟོན་པར་དབང་ཐོབ་པ། །
ཡེ་ཤེས་རང་སྣང་གི་གངས་རི་དཀར་པོ་ཞིག་ཡིད་ལ་འཁོར་སོང་། །
རི་མགོ་ཁ་བས་གཡོག་ཐེངས་རེར་དུང་མདོག་གི་སྨིན་མའི་འོག་ནས། །
གང་ཞིག་ལ་རྒྱང་གཟིགས་གནང་ཞིང་ཅི་ཞིག་ལ་ཐུགས་གཡེང་གནང་ཡོད། །
རང་ངོ་མི་ཟིན་པའི་ནོར་ནག་སྟོང་གི་རིགས་ཀྱི་བདག་པོ་ཀྱེ། །
བདེན་པ་འཚོ་བའི་སངས་རྒྱས་ཀྱི་ཚོ་བ་ཞིག་ཇག་པས་བཟུང་སོང་། །
དགུན་ཟླ།
ཐེ་བོ་སངས་རྒྱས། ཁྲུང་ཁྲུང་ལྷོ་རུ་འཕུར་རྗེས།།གཤོག་སྒྲོ་རྐང་གཅིག་ཟེགས་འདུག།གཤོག་སྒྲོའི་རི་མོའི་ནང་དུ།།འདས་པའི་གཏམ་རྒྱུད་གསལ་འདུག།མཚེའུ་དར་གྱིས་བསྡམས་པས།།སེམས་པ་འཁྱགས་ལ་འབྱར་སོང་།།འཇག་མའི་སྐྱོ་གླུར་ཉན་གྱིན།།དཔྱིད་ཀ་ཡོང་ངམ་སྙམ་ཡོོད།།
རྣམ་ཤེས་ཀྱི་འོ་དོད།
གཡུ་སྒང་དགེ་འདུན།
དུག་ནད་སྒྱུ་མས་སྤྲུལ་འགྱུར་སྣ་ཚོགས་བསྟན།།
བཞི་བརྒྱ་རྩ་བཞིའི་ནད་ཀུན་བདག་ཏུ་བཟུང་།།
འཇིག་རྟེན་འདི་རུ་ནད་ཀྱི་རྒྱལ་པོ་ནི།།
ཡིན་པར་རློམ་སྟེ་ས་ཆེན་ཧམ་པས་མནན།།
གོས་སྔོན་སྲིན་པོས་བཟོས་པའི་དུག་ནད་ཀྱིས།།
ས་ཆེན་སྡུག་གི་མེ་མུར་བསྐྱིལ་བ་ན།།
རྣམ་ཤེས་གྲངས་མེད་ངུས་པའི་འོ་དོད་དེར།།
འཛམ་གླིང་ས་སྐྱོང་དག་ཀྱང་བཤོལ་ལ་ལྟོས།།
ཉིན་ཐོ་རྐང་ཆག་མ།
ཆང་སྐྱེས།
ཉི་མ་ལ་མོ་བརྒལ་ཏེ་རི་ལ་ནུབ།།
བྱ་ཁྱུའི་གཤོག་འགྱུར་བདེ་མོ་ཐང་ནས་ཡལ།།
མུན་པ་རྫ་ལ་འཐིབས་ཏེ་ས་ལ་ལྷུང་།།
ཟུར་གསུམ་སྙིང་གི་འཕར་ལྡིང་ལག་པས་སྐྱོར།།
མཚམས་སྤྲིན་དམར་པོའི་མཛེས་སྡུག་ཡུན་གྱིས་རྒུད།།
འཁོར་ཡུག་རི་བོ་ཕལ་ཆེར་གཉིད་དུ་ཡེར།།
ཟླ་བ་ཁེར་འགྲོ་མཚན་མོའི་མཁའ་ན་འདུར།།
ས་མཐའི་འཁྱམ་པོ་ཨ་རག་ཆང་གིས་བཟི།།
ངའི་ཕ་ཡུལ་ལ་ལྟ་བ།
ཁྲོ་གཏུམ།
ཞི་བདེ་རྒྱ་མཚོའི་རླབས་རིས་མིག་མདུན་དུ་རྩེན
མཚོ་དེའི་ཕ་རོལ་ང་ཡི་ལྟེ་ཁྲག་འཕོ་ས་ཡིན་པར་ཤེས་ནས་ཡོད་ཀྱང
རྒྱང་ཤེལ་ཇི་འདྲ་ཡག་རུང་རང་ཡུལ་མཐོང་བའི་རྒྱང་མིག་གཅོད་ཐུབ་བྲལ
སེམས་དང་བསམ་པ་ཞིག་གིས་ཕ་ཡུལ་ཕྱོགས་སུ་ལྟ་ཁུལ་བྱས་པ་འདི་ཡང་སེམས་བདེ་བག་ཕེབས་ཤིག
བོད་ལ་མང་།
རྒྱ་སྟོན་བུ་དར་རྒྱས།
དུས་རབས་ད་ལྟའི་རྣམ་འདྲེན་སྟོན་པ་འམ།།
ཤཱཀྱའི་ཡོན་ཏན་མངའ་བའི་བདག་ཉིད་མཆོག།
རྒ་བའི་ཚེ་འདིར་དམོད་པ་འདེབས་ཕོད་པའི།།
བསྟན་དགྲའི་ལྟ་བ་ཅན་ནི་བོད་ལ་མང་།།
༄༅ །།བསྟོད་པ་བདེན་གཏམ་དྲང་སྲོང་དགྱེས་པའི་རོལ་དབྱངས།
༧ཐེག་པ་མཆོག་གི་དགེ་བའི་བཤེས་གཉེན་ཆེན་པོ་གནས་བརྟན་སྡེ་སྣོད་འཛིན་པ་བདག་གི་མཁན་པོ་རིན་པོ་ཆེ་ཀུན་སྤངས་སེམས་དཔའ་ཆེན་པོ་༧ དགེ་འདུན་ཆོས་འཕེལ་༼ཡོངས་གྲགས་ལ་མཇའ་མོ་ཨ་ཁུ་ཚང་༽མཆོག་ལ་རྗེས་དྲན་དུ་ཕུལ་བ།
རོང་བོའི་དགེ་བཤེས་བློ་བཟང་ཆོས་གྲགས།
དགེ་བཅུ་བསླབ་གསུམ་བྱང་སེམས་ཕྱིན་དྲུག་སྤྱོད།།
འདུན་ལྡན་སྐྱེས་བུ་གསུམ་གྱི་ལམ་སྲོལ་མཆོག །
ཆོས་འདུལ་ཇི་བཞིན་སྟོན་དང་སྒྲུབ་མཁས་པ།།
འཕེལ་འགྲིབ་ཡོངས་བྲལ་སྨྲ་བའི་ཟླ་བར་འདུད།།
དེ་ལས་མང་བ་། “༄༅ །།བསྟོད་པ་བདེན་གཏམ་དྲང་སྲོང་དགྱེས་པའི་རོལ་དབྱངས།” »
རེབ་གོང་གི་བླ་རྒན་ཞིག་གི་དགེ་ཕྲུག་ཤར་ཙོང་ཁ་བ།
ནམ་མཁའ།
ལོ་ངོ་དྲུག་བརྒྱའི་དུས་ཀྱི་སྔ་རོལ་དུ།།
མདོ་ཁམས་གཡར་མོ་ཐང་གི་ཡུལ་ལྗོངས་ཀྱི།
ཙོང་ཆུ་སྔོན་མོའི་འགྲམ་གྱི་སྦྲ་ཁྱིམ་རུ།།
རིག་པའི་ཁྱེའུ་འཁྲུངས་པ་དེ་ལ་འདུད།།
དེ་ལས་མང་བ་། “རེབ་གོང་གི་བླ་རྒན་ཞིག་གི་དགེ་ཕྲུག་ཤར་ཙོང་ཁ་བ།” »