མི་རྐང་གླིང་བུ།

ཁ་སང་ཕྱི་ཟླ་བརྒྱད་པའི་ཚེས་བརྒྱད་ཉིན་བོད་མདོ་སྨད་ཀན་ལྷོ་ཁུལ་གྱི་འབྲུག་ཆུ་རྫོང་དུ་རི་བོ་ལུད་ནས་རྫོང་མཁར་དེ་ཉིད་ཀྱི་ཕྱེད་གཤགས་བྱས་ནས་གྲོང་ཁྱེར་དེའི་མི་རྒྱུ་གཉིས་ལ་གོད་ཆག་ཚབས་ཆེན་ཐེབས་པའི་གནས་ཚུལ་གང་སར་ཁྱབ་ཡོད་པ་རེད། གསར་ལམ་ཁག་ཏུ་མི་ཤི་གྲངས་༡༢༧ཙམ་དང་། རྨས་མ་བརྒྱ་ཕྲག་ལས་བརྒལ་བ། གར་སོང་མེད་པའི་གྲངས་འབོར་སྟོང་ཕྲག་ལས་བརྒལ་ཚུལ་བཤད་བཞིན་པ་འདུག་པས་ཤི་བའི་གྲངས་ཀ་ཕལ་ཆེར་སྟོང་དུ་ལོན་ངེས་སྙམ། དེ་ནི་ངའི་ཚོད་དཔག་ཙམ་ཡིན་པས་ཁ་ངན་པ་མ་གསུང་རོགས། ཉིན་དེའི་ཕྱི་དྲོ་དེར་རྒྱ་ནག་གི་སྲིད་བློན་དབུན་ཇ་པུས་འབྲུག་ཆུ་རྫོང་དུ་དངོས་སུ་འབྱོར་ནས་ལས་དོན་བཀོད་སྒྲིག་དང་རྨས་མ་སོགས་ལ་འཚམས་འདྲི་བྱས་པར་གསར་ལམ་ཁག་ཏུ་བཤད། དེ་རིང་ནི་མྱུར་སྐྱོབས་དང་། གནས་སྤོ་རས་གུར་སོགས་གཞུང་ནས་མཐུན་རྐྱེན་འབྱོར་བཞིན་ཡོད་འདུག

དེ་ལས་མང་བ་། “འབྲུག་ཆུ་རྫོང་དུ་རི་ལུད་པ།” »

ཤ་ཀླན་འཇམ་དབྱངས་གྲགས་པ (ཝཱ་ཎ)

ང་ཚོས་གླེང་བཞིན་པའི་གདན་ས། ང་ཚོས་གླེང་འདོད་པའི་གདན་ས། ང་ཚོའི་སྨྱུག་འོག་ནས་ཉམས་ཆུང་ངང་བཞུར་བཞིན་པའི་གདན་ས།
ཙག་བུ་དང་སད་སེར་སྟོང་ཕྲག་གི་ཁ་གཏད་དུ་འགྲེང་བའི་གདན་ས་ནི་འཇིག་རྟེན་གྱི་དྭངས་གཙང་བསྣམས་པའི་གདན་ས་རེད།
ངས་དེ་རིང་བསམ་བློ་བཞི་གསུམ་བཅུ་གཉིས་བཏང་ནས་འདུས་དྲུག་སུམ་ཅུ་སོ་དྲུག་རྒྱབ་རྗེས་ང་ཚོས་དུས་རབས་དང་ཕ་ཡུལ་ཇི་ལྟར་གླེང་རུང་ཕ་མེས་ཀྱི་དྭངས་གཙང་ཉར་མཁན་ནི་གདན་ས་ཁོ་ན་ཡིན་པ་རྟོགས་བྱུང༌།
གདན་སའི་སློབ་གསོ་རྗེས་ལུས་རེད་འདོད་མཁན་ཚོ།
གདན་ས་དམར་པོའི་གཞུང་ལ་བསྡུར་ཕོད་མཁན་གྱི་བླུན་པོ་སྙིང་ཁམས་ཅན་ཚོ།

དེ་ལས་མང་བ་། “གདན་སའི་དྭངས་གཙང་དང་དེའི་གཤེད་མ་ཚོ།” »

གངས་རི་སྐྱབས།

རྡ་རམ་ས་ལ་ནི་བོད་གཞིས་ལུས་མི་མང་གི་མིག་གིས་ལྟ་ས་དང་རྣ་ཡིས་ཉན་ས་ཡིན། ཁོང་ཚོས་རེ་བ་རྡོག་རྡོག་ཅིག་རུམ་ནས་མི་ལོ་ལྔ་བཅུ་ཨུ་ཚུགས་ཀྱིས་ཕར་བསྐྱལ་མྱོང་ལ། རེ་སྒུག་གི་མིག་ཟུང་འཁྲེང་ནས་སླར་ཡང་མི་ལོ་ལྔ་བཅུར་ལྷག་ཀྱང་སྤོབས་སེམས་ཀྱིས་ཁེངས་ནས་ཡོད། མི་ལོ་དུ་མིན་ལ་མི་རིགས་ཀྱི་ཆེད་དུ་ཤི་འཐམ་རོ་འཐམ་གནང་མྱོང་བ་མང་བོ་མང་བོ་ཞིག་གིས་རེ་འདུན་ཟབ་མོ་ཞིག་ སེམས་པའི་གཏིང་དུ་རུམ་ནས་གཏན་དུ་བུད་སོང་ལ། ཡང་ཁ་ཤས་ཤིག་ཁ་བསྡམས་ལག་བསྡམས་ཀྱི་ཚུལ་གྱིས་ཁྱིམ་དུ་ བཅུག་ནས་ཡོད། ད་དུང་སྐོར་ཞིག་གིས་ལྕགས་ཚན་གྱིས་ཉིན་རེ་གྲབས་པའི་བཙོན་དུང་ན་ཉི་མ་རེ་རེ་ན་རག་གིས་གཟད་ཀྱིན་ཡོད་པ་ལོས་ཤེས། ཞོགས་དུང་ཡང་དེ་དག་ནང་གི་གཅིག་ཡིན་པ་བཤད་ཅི་དགོས།

དེ་ལས་མང་བ་། “རྡ་ས་ནས་ཞོགས་དུང་བརླགས་སོང་།” »

གྲགས་པ་རྒྱལ་མཚན་ནས།

ཆེད་ཞུ། ལོ་ཤས་གོང་ནས་བཟུང་། ཐ་སྙད་གསར་པའི་སྲོལ་འབྱེད་པའི་མཚན་གསོལ་ལ་ཆེས་ཆེར་ཧབ་ཐོབ་བྱེད་མཁན་རེ་ཟུང་ གི་ཁ་དབང་དུ་སོང་སྟེ། བཙན་བྱོལ་བོད་གཞུང་གི་གཞུང་འབྲེལ་ཡིག་ཆའི་ནང་བརྡ་ཆད་སྔར་ཡོད་ལ་བཟོ་བཅོས་ ཀྱི་སྦྱོར་བ་སྣ་ཚོགས་ཤིག་བརྩམས་དང་རྩོམ་བཞིན་པར་ཡིག་མུག་པའི་དབུགས་རིང་ འབྱིན་རྒྱུ་ལས་བྱ་ཐབས་མ་མཆིས་ཀྱང་། ཆེས་ཚབས་ཆེན་ཞིག་ལ། དེང་སྐབས་གྲོས་ཚོགས་ཟེར་བའི་ཐ་སྙད་ཅིག་གིས་བོད་མི་མང་སྤྱི་འཐུས་ལྷན་ཚོགས་ བསྣུབས་ཉེར་འདུག་པ་ཅི་བས་ཀྱང་ཉེན་ཁ་ཆེ།

དེ་ལས་མང་བ་། “༄༅། །དཔལ་ལྡན་བོད་མི་མང་སྤྱི་འཐུས་ཚོགས་གཙོ་ལྷན་རྒྱས་མཆོག་ལ།” »

སྒོམ་སྡེ་ལྷ་རམས་པ།

ཕྱི་རོལ་པ། མུ་སྟེགས་པའི་མིང་། གཞུང་ཆེན་མོ་རྣམས་སུ་ཕྱི་རོལ་པ་ཞེས་འབྱུང་བ་འདི་རྒྱ་གར་
གྱི་ཧིནྡཱུའི་ཆོས་ལུགས་པར་གོ སྒྲ་བཤད་ནི། ཕྱི་རོལ་པ་ཞེས་པའི་ཐ་སྙད་འདི་ཐོག་མར་བྲམ་ཟེའམ་
མིང་གཞན་ཚངས་པ་བ་“ब्राह्मण”ཞེས་པ་འདིའི་སྒེར་མིང་ཡིན་ལ། རྗེས་སུ་སྤྱི་མིང་བྱེ་བྲག་ལ་
ཆགས་ནས་མུ་སྟེགས་པ་སྤྱིའི་མིང་དུ་གྱུར་ཏོ། །བྲམ་ཟེ་ལ་ཕྱི་རོལ་པ་ཟེར་བའི་རྒྱུ་མཚན་ནི།

དེ་ལས་མང་བ་། “ཕྱི་རོལ་པ་ཞེས་པའི་ཐ་སྙད་འདི་ཇི་ལྟར་བྱུང་བ་ཡིན་ནམ” »

འུར་སྒྲས་ཁེངས་པའི་ཆང་ཁང་ཆུང་ཆུང་དེའི་སྟེང་ཐོག་ཏུ་ང་ཚོ་འཛོམས། བཙན་བྱོལ་གྱི་ཀླད་པ་དང་གཞིས་ལུས་ཀྱི་ཀླད་པ། ཧ་ལམ་ཁ་ཁ་རེད། ཆང་གིས་མ་བཟི་བར་དུ། མཚམས་ཤིག་ལ་འབའ་བ་སྐལ་བཟང་འགྱུར་མེད་ཀྱིས་སྒོར་གཞས་འཁྲབ་སོང་། ལྷ་ས་བ་ཁ་ཤས་ཀྱང་མཉམ་དུ་ལྡིང་། གློ་བུར་ནུབ་ཕྱོགས་ཀྱི་ཆང་ཁང་དེ་བོད་ཀྱི་གྲོང་གསེབ་ཅིག་ཏུ་གྱུར། རྒྱ་བོད་བར་གྱི་ཆབ་སྲིད་རྩོད་པ་དེ་ཚོ་ཡང་ཡལ་བར་གྱུར། གྲོང་གསེབ་ཅིག་གི་གཉེན་སྟོན་ཐོག་འཛོམས་པ་དང་ཧ་ཅང་མཚུངས། དེ་ལྟར་བདུན་ཕྲག་གཅིག་གི་རིང་གཞིས་བྱེས་མཉམ་འཛོམས་ཤིག་བྱས། ལོ་སར་གྱི་ལེགས་སྐྱེས་ལྟར། ཁ་བྱང་གི་བྱང་བུ་དང་ཁ་པར་ཨང་གྲངས་སོགས་བརྗེ་རེས་བྱས། གཡས་གཡོན་ན་པར་ཆས་ཀྱི་ཚག་སྒྲ་དང་གློག་འོད་ཀྱང་རྒྱུན་དུ་མཐོང་རྒྱུ་ཡོད། རིམ་གྱིས་ཚོགས་འདུའི་ཐོག་སྤེལ་བའི་རྩོམ་ཡིག་དག་ནི་གལ་ཆུང་དུ་གྱུར། མཉམ་འཛོམས་དག་ནི་གལ་ཆེར་གྱུར། མཚམས་རེར་གློ་བུར་ཐུག་འཕྲད། མཚམས་རེར་དྭོགས་ཟོན་གྱི་ཐུག་འཕྲད། མཚམས་རེར་སྒེར་ཐུག མཚམས་རེར་གཟིམ་ཆུང་མཇལ་ཁ། “ཐུགས་རྗེ་ཆེ། མུ་མཐུད་ནས་བོད་རིག་པ་ལ་སློབ་སྦྱོང་ཧུར་ཐག་བྱོས་ཨ།” བསླབ་བྱ་འདི་འདྲ་ནི་རྒྱུན་དུ་ཐོས། ཨོ། འདི་ནི་ ༡༩༩༨ ལོར་ཨིན་ཌི་ཡ་ན་མཐོ་སློབ་ཏུ་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་ ༨ པ་དེ་འཚོགས་སྐབས་ཀྱི་ཚོར་སྣང་ཞིག་ཡིན། ད་མི་ལོ་ ༡༢ ཀྱི་རྗེས་སུ་བསམས་སྐབས་དེ་དུས་མཇལ་བའི་མཁས་པ་སྐོར་གཅིག་ནི་ད་ཆ་ལྔ་ལམ་དུ་ཕེབས་ཟིན་འདུག

དེ་ལས་མང་བ་། “གངས་ཅན་གྱི་རྣམ་ཤེས་འཁྱམས་པའི་བར་དོ་ཞིག་སྟེ། རྒྱལ་སྤྱིའི་བོད་རིག་པའི་ཚོགས་འདུ།” »

དགེ་འདུན་རབ་གསལ།
———
ལོ་ངོ་བཞི་ཙམ་གྱི་སྔ་རོལ་ཞིག་ལ། ངེད་ཀྱི་སློབ་མ་ཞིག་གིས་ང་ལ། “ཁྱེད་ལ་བོད་ཡིག་གི་དེབ་དགོས་པས།” ཞེས་དྲིས་བྱུང་། སྤྱང་ཀི་ལ་ཤ་རང་རེད། “དགོས། དེབ་ག་རེ་རེད།”

“དེབ་གང་ཡིན་མི་ཤེས། བོད་ཡིག་གི་དེབ་རེད།”

ཉིན་ཁ་ཤས་ཀྱི་རྗེས་སུ་ང་ལ་དེབ་སྐོར་གཅིག་འབྱོར། དེའི་ནང་ ༡༩༦༩ ལོར་དཔར་བའི་གཱན་དཱིའི་ལོ་རྒྱུས་བོད་ཡིག་མ་དང་། དེ་བཞིན་ལེགས་སྦྱར་སྐད་དུ་ཡོད་པའི་གཞུང་གི་རྩ་བ་འགའ་འདུག ང་ཧོན་འཐོར་དུ་བཅུག་པ་ནི། ༡༨༨༨ ལོ་དང་ ༡༨༩༠། ༡༨༩༥ ལོར་པོད་གསུམ་དུ་དཔར་བའི་ བརྒྱད་སྟོང་པའི་ལྕགས་པར་དེ་རེད། དེབ་གཟུགས་སྟོད་སྨད་གཉིས་འདུག ང་ནི་ལོ་ཚིགས་ཀྱིས་དྲན་པ་འཐོར་ནས། “དཀོན་མཆོག་གསུམ། རྒྱ་གར་ཀ་ལི་ཀ་ཏ་ན། བོད་ཡིག་གི་ལྕགས་པར་དུས་ཚོད་འདི་ཙམ་ནས་དར་འདུག་ཨང་།” བསམ་ཀྱིན་བསམ་ཀྱིན་རྒྱ་གར་བ་ ལོང་རྒིས་ཟེར་བའི་སྨད་གཡོག་གོན་མཁན་སྐོར་གཅིག་གིས་ཚ་བའི་ཁྲོད་དུ་རྔུལ་ནག་འཚེར་འཚེར་གདོང་དང་ལག་པ་སྣག་ཚས་གཡོགས་ཏེ་ རབ་འབྱོར་དང་རབ་འབྱོར་ཅེས་པའི་ཡིག་གཟུགས་འདི་དག་སྒྲིག་བཞིན་པ་ཞིག་མིག་ལམ་དུ་ཤར། ད་ ལོ་ངོ་བརྒྱ་ཕྲག་འགོར་བའི་དེབ་ཅིག་ང་ལ་ཡོད་སྙམ་ནས་སྤོབས་པ་བྱས་པ་མ་ཟད། གྲོགས་པོ་ཚོ་ལ་ཡང་དེ་ལྟར་བརྗོད་མྱོང་། དེབ་འདི་ནི་ asiatic society of Bengal ཞེས་པས་དེབ་ཕྲེང་སྐོར་ཅིག་བཏོན་པ་དེའི་ཁོངས་བཏོན་འདུག

དེ་ལས་མང་བ་། “བརྒྱད་སྟོང་པ། སྟོང་པ་ཆེན་པོ།” »

སྐྱོ་བྲག་དགའ་དབང༌།
འཇིག་རྟེན་ན་གཅེས་པ་རང་སྲོག་ཡིན་པའི་ཕྱིར་སྲོག་གི་རྣམ་བཞག་ཤེས་རྒྱུ་གལ་ཆེ་ཡང་ད་བར་གཅིག་གྱུར་གྱི་ངོས་འཛིན་ཐུབ་མེད།
ཁོ་བོས་འདིར་ནང་ཆོས་དང་ཚན་རིག་པའི་འདོད་ཚུལ་བཀོད་པ་ཡང་དཔེ་མཚོན་ཙམ་ཡིན།
སྤྱིར་ཚན་རིག་ལ་གང་ཟག་སོ་སོའི་བློ་རང་ག་བས་ནུས་ཚོད་ཀྱི་བརྟགས་དཔྱད་བྱས་པའི་གྲུབ་དོན་ལས་འདོད་ཚུལ་ཕྱོགས་གཅིག་པའི་གཞུང་ལུགས་ཤིག་མེད་པ་བཞིན་སྲོག་གི་ངོས་འཛིན་ཡང་གཅིག་མཚུངས་མེད་མོད།
དེང་སང་གྲགས་ཆེ་བ་ལྟར་ན། གསེལ་ཞེས་པའི་སྐྱེ་རྡུལ་ཅན་ཡིན་པ་གཞིར་བཞག་ཐོག

དེ་ལས་མང་བ་། “ཆོས་དང་ཚན་རིག་གི་སྲོག །” »

སྦྲ་ནག་དོན་གྲུབ་ཚེ་རིང་།

“གོ་གྱ་ཕྱི་གྱ ཕྱིར་ནུར་ན་མྱི་བརྒྱ་ཤོང་། “འདི་ངའི་ཕ་ལགས་ཀྱི་གཏམ་དཔེ་ཞིག་རེད། ད་ནི་ང་ཚོའི་ཁ་བརྡ་བཤད་སའི་གོ་ཁ་དེ་ཆུང་འདུག་པས། གོ་གྱ་ཕྱི་གྱ་ ཕྱིར་ནུར་ནས་མི་བརྒྱ་ཤོང་བའི་འཆར་གཞི་ཞིག་དགོས་ས་རེད། ཁ་བརྡ་ནི།
ང་ཚོ་འཛོམས་སའི་གོ་ཁ་རེད། ང་ཚོ་འཛོམས་ནས་སེམས་ནང་གི་སྡུག་བསྔལ་བཤད་ས། དགའ་དུས་གླུ་ལེན་ས།
སྐྱོ་དུས་ཧོ་འདེབས་ས། སྙན་ངག་པ་ཚོས་སྙན་ངག་སྐྱོར་ས། ཡིང་རྨོངས་བ་དག་གིས་ཡིག་ནོར་འབྲི་ས། བྱིས་བ་ཚོས་གནའ་གཏམ་ལ་ཉན་ས། འདས་བའི་གཏམ་རྒྱུད་གླེང་ས། མ་འོངས་བའི་ལུང་བསྟན་གནང་ས། ཕན་ཚུན་ལ་དགག་སྒྲུབ་བྱེད་ས། བསྟོད་བསྔགས་བྱེད་ས། བློ་འདྲི་ས། ལན་རྒྱག་ས་སོགས་ཐམས་ཅད་ཡིན།
ཁ་བརྡ་བྱེད་འགོ་ཚུགས་ནས་བཟུང་། བོད་ཡིག་གི་ཤེས་ཚད་མཐོ་རུ་སོང་། རྩོམ་ཡིག་འབྲི་མཁན་མང་དུ་སོང་།
བོད་ཕྱི་ནང་གི་གནས་ཚུལ་གསལ་ཏུ་སོང་། རང་གི་རིག་གནས་སྲུང་སྐྱོབ་ཀྱི་གོམ་ཁ་བརྟན་ཏུ་སོང་། མི་རིགས་ཀྱི་ལ་རྒྱའི་དཔུང་བ་སྦོམ་རུ་ཕྱིན། ཁེར་འདུག་དག་གི་བསུན་སྣང་ཆུང་དུ་སོང་། བཟའ་འཁོན་མང་དུ་སོང་བ་སོགས་ང་ཚོའི་འཚོ་བའི་ནང་འགྱུར་བ་ཕན་འབྲས་བརྗོད་དཀའ་བ་ཞིག་བྱུང་ཡོད།
ང་ལྟ་བུར་མཚོན་ན།

དེ་ལས་མང་བ་། “གོ་གྱ་ཕྱི་གྱ ཕྱིར་ནུར་ན་མྱི་བརྒྱ་ཤོང་།” »

གཡུ་དྲུག་དཀར། རྡ་ས།

དེང་སྐབས་མི་མང་པོ་ཞིག་གིས་བློ་བཟང་སེངྒེ་ལགས་བཀའ་བློན་ཁྲི་བར་འོས་ཚུལ་ས་བསྒྲགས་གནམ་བསྒྲགས་བྱེད་ཀྱིན་འདུག དེ་ཡང་རྒྱུ་མཚན་གཙོ་བོ་ཁོང་ཨ་རིའི་སྲིད་འཛིན་ཟུར་པ་རྗོར་ཇི་སྦུ་ཤི་དང་སྲིད་འཛིན་གཞོན་པ་ཨལ་རྒོལ། ལས་ཐོག་སྲིད་འཛིན་སྦི་རཀ་ཨོ་སྦ་མ་བཅས་སློབ་མཐར་སོན་པའི་ཧ་ལྦར་ཌི་གཙུག་ལག་སློབ་གྲྭ་ཆེན་མོ་ནས་ཁྲིམས་ལུགས་སློབ་སྦྱོང་ཐོན་པ་དང་། བློ་བཟང་སེངྒེ་ལགས་ཀྱིས་རྒྱལ་སྤྱིའི་མཁས་པའི་དཀྱིལ་འཁོར་དང་ཚོགས་སྡེ་ཁག མི་སྒེར། སློབ་གྲྭ་ཆེན་མོ་བཅས་སུ་བོད་དོན་གཙོ་བྱས་པའི་བརྗོད་བྱ་ཅི་རིགས་ཐོག་བགྲོ་གླེང་གནང་པའི་ཉམས་མྱོང་བཅས་ལ་གཞི་འཇོག་པ་འདྲ་ཡང་།

དེ་ལས་མང་བ་། “བློ་བཟང་སེངྒེ་དང་བཀའ་བློན་ཁྲི་བའི་སྐོར་ལ་ཚོད་ཚོད་ཀྱིས་སྐད་ཆ་རེ་བཤད་ན།” »

རྔ་བ་རྒྱལ་ཁམས་པ།

ང་ཚོ་བོད་ཀྱི་ཁ་རྒྱུན་ཞིག་ཏུ༼རྨི་ལམ་མི་བདེན་རྨི་ལམ་རྫུན།། གཤིན་རྡོ་ཐོག་བཏང་བ་བརླ་ཐོག་ཡིན།།༽ཞེས་ཤོད་སྲོལ་ཡོད་པ་ལྟར། སྤྱིར་རྨི་ལམ་ཟེར་བ་གཉིད་སད་ཚེ་ཅིའང་མེད་པས། ཆ་འཇོག་བྱ་རྒྱུ་ཆེར་མེད་རུང་། སྐབས་ལ་ལར་རྨི་ལྟས་ཁྱད་པར་ཅན་རེ་ཟུང་གིས། དུས་གསུམ་གྱི་བྱ་དངོས་དང་འབྲེལ་བའི་ལྐོག་གྱུར་རིགས་ཀྱང་། གསལ་བོར་སྟོན་ཐུབ་ཀི་ཡོད་རབས་འདུག ངས་འདི་ནས་རང་གི་རྨི་ལམ་ཟིན་ཐོ་ལས། ང་ཚོ་བོད་ཀྱི་གནས་ཚུལ་དང་འབྲེལ་བའི་རྨི་ལམ་ཞིག་ངོ་སྤྲོད་ཞུ་རྒྱུ་ཡིན། རྨི་ལམ་འདི་ཉིས་སྟོང་ལྔ་ལོའི་རྨི་ལམ་ཚོར་ཤུགས་ཆེ་ཤོས་དེ་ཡིན་སྟབས།

དེ་ལས་མང་བ་། “རྨི་ལམ་ཞིག་གི་གསང་བ་འཚོལ་བ།” »

ཟླ་ཀླུང་།

གྲོགས་མོ་ལགས། སེམས་པ་ནང་མཐུན་གྱི་གྲོགས་པོའི་བར་ཕན་ཚུན་སྐད་ཆ་ལྷུག་པོར་བཤད་པ་ན། མཚམས་མཚམས་རྣམ་དཔྱོད་གོང་འཕེལ་ཡོང་ཐབས་སུ་དངོས་ཡོད་གནས་ཚུལ་གཞི་ལ་བཞག་པའི་ལེགས་སྤེལ་ཉེས་འགོག་གི་བསླབ་བྱ་རྣམས་བཤད། མཚམས་མཚམས་སེམས་པ་སྐྱིད་པོ་ཆགས་བྱེད་དུ་འདྲ་མི་འདྲའི་གནས་ཚུལ་ཁྱད་མཚར་བོ་རྣམས་བཤད། མཚམས་མཚམས་དོགས་པ་རྣམ་རྟོག་སེལ་ཆེད་དུ་དངོས་བྱུང་ལོ་རྒྱུས་བདེན་པ་རྣམས་བཤད་དགོས་པ་ལས། དེ་རིང་ངས་ཁྱོད་རང་ལ་ག་འདྲའི་མཐོང་གི་ཡོད་པ་བདེན་པ་དེ་བཤད་ཀྱི་ཡིན།

དེ་ལས་མང་བ་། “ངས་ཁྱོད་ལ་མཐོང་སྟངས།” »

སྤོ་ལགས་དེ་དྲན་གི་འདུག་གས། ༐ཕྱུ་པ་སྐྱ་མདོག་ཅིག་གོན། མཚམས་རེར་ལག་པར་དབྱུག་པ་ཞིག་ཀྱང་ཐོགས། མི་ཚོགས་ལ་ཁ་བསྟན་ཏེ་བཀའ་བཀྱོན་གཏོང་། སྐད་ཆ་ལ་གཟབ་གཟབ་བྱས་ཉན་པ་ཡིན་ན། བོད་ཀྱི་རྒྱལ་རབས་བཤད་པའི་བཟོ་འདྲ་བོ། ཡང་བོད་ཀྱི་ཉེ་རབས་ཀྱི་གོད་ཆག་བཤད་ཀྱི་ཡོད་པའི་བཟོ་འདྲ་བོ། ཡང་བོད་མི་རྣམས་ལ་རང་བཙན་ཆེད་ལས་ཀ་སྒྲུབ་དགོས་པའི་སྐུལ་མ་གཏོང་བའི་བཟོ་འདྲ་བོ། དེ་འདྲ་ཞིག་རེད། ཁོང་ནམ་རྒྱུན་གཙུག་ལག་ཁང་གི་གསུང་ཆོས་རྭ་བ་དང་དེ་བཞིན་སུམ་བཅུའི་དུས་དྲན་སོགས་སྐད་འབོད་ཀྱི་སྐབས་སུ་མཚན་ཉིད་གྲྭ་ཚང་གི་སུམ་མདོ་དེ་ནས་བཞེངས་ཏེ། མི་མང་ལ་བཀའ་བཀྱོན་བཏང་ཡོང་། ངས་ཁོང་གི་མཚན་མ་ཤེས། དེ་ལས་ཀྱང་། ཁོང་རྒྱལ་ཞེན་དང་རང་བཙན་གྱི་སྐུ་སྙུང་བཞེས་ཡོད་སྲིད་མོད་དེ་ཡང་ཞིབ་ཚགས་པོ་ཞིག་མ་ཤེས། ངས་ཤེས་པ་ནི། མི་རྣམས་ཀྱིས་ཁོང་ལ་ “དྭང་བླང་དགེ་བསྐོས་”ཞེས་འབོད་པ་དེ་རེད།

ཉིན་གཅིག་གྲོགས་པོ་ཞིག་གིས་ང་ལ་ཁ་པར་སླེབས་བྱུང་། ཁོང་གིས་ང་ལ། “ཁྱེད་ཀྱི་དེབ་ཅིག་ཡོད་པ་དེའི་མིང་ལ། འགྲོ་ སྐྱབས་བཅོལ་ལ་འགྲོ་”ཞེས་བཏགས་པ་དེ་ཡག་པོ་མི་འདུག་ཅེས་གསུངས་བྱུང་། ཡང་དེ་ནས་གཞན་པ་ཞིག་གིས་ང་ལ། ཁྱེད་ཀྱིས་སྒྲུང་རྩོམ་ཐ་ངེ་ཐུང་ངེ་བྲིས་པ་དེ་ཚོ་ལ་ཆ་རྐྱེན་འདི་དང་དེ་ཚང་མི་འདུག་གསུངས་བྱུང་། ད་དེ་ནས། མི་ཁ་ཤས་ཀྱིས་དབྱིན་ཇི་ཞེས་པའི་སྐད་དོད་ལ་ ཨིན་སྐད་དམ་ཨིན་ཇི་ཞེས་བྲིས་པ་དེ་འགྲིག་མི་འདུག་ཅེས་གསུངས་ཡོང་གི་འདུག དེ་ལྟར་ཕྱོགས་གང་ས་ནས་བསམ་ཚུལ་བརྗོད་པ་འདི་ལ་བསམ་བློ་ཞིག་བཏང་། དེ་ནས་རང་གི་བློ་ཁ་དེ་སྤྱི་ཚོགས་གཞན་ཞིག་ཏུ་བསྐོར། སྤྱི་ཚོགས་དེ་གཉིས་བསྡུར། ཚུར་སླེབས་དུས་ང་ལ་བསམ་བློ་ཞིག་འཁོར་བ་ནི། ང་ཚོ་ལ་དྭང་བླང་དགེ་བསྐོས་མང་དྲགས་པ་ཞིག་མེད་དམ་དྲན། དེ་ཡང་། དྭང་བླང་དགེ་བསྐོས་འདི་ཚོས་སྤྱན་སྟོང་གིས་གཟིགས་ཏེ། སྙན་སྟོང་གིས་གསན། ཞལ་སྟོང་གིས་གསུངས་ཏེ་ཕྱག་སྟོང་གིས་གནང་ཡོང་དུས། ང་ཚོའི་བསམ་བློ་ལ་ཡར་རྒྱས་འགྲོ་མི་ཐུབ་པའི་འགོག་རྐྱེན་ཞིག་འཕྲད་ཀྱི་ཡོད་པ་ཨེ་ཡིན། ཨོ། ང་ཡང་དྭང་བླང་དགེ་བསྐོས་གཅིག་ཡིན་དཱ།

དེ་ལས་མང་བ་། “དྭང་བླང་དགེ་བསྐོས།” »

[དབུ་མ་འོག་མ་ལོ་རིམ་དང་པོའི་དབྱར་ཆོས། ཕྱི་ལོ་༢༠༡༠ཟླ་བ་༨ཚེས་༡ནས་༣བར།]

____བེ་རི་དགེ་བཤེས་འཇིགས་མེད་དབང་རྒྱལ།

སྔོན་དུ་གླེང་བ།
མཁས་པའི་མདུན་སར་ངོམས་པའི་རྒྱན་གྱི་མཆོག།
ལག་ལེན་གསེར་གྱི་ཐིགས་པའི་ཉིང་ཁུ་གང༌།།
རིག་པ་དཔེ་ཐོག་འགོད་པའི་ལག་ལེན་གྱི།།
རྩོམ་ཡིག་འབྲི་ཐབས་མདོར་བསྡུས་བརྗོད་ལ་སྤྲོ།།
དེ་ལ་རྩོམ་རིག་ནི་ངག་གི་རིག་བྱེད་དང་འབྲེལ་བའི་སྒྱུ་རྩལ་གྱི་རྣམ་གྲངས་ཤིག་ཡིན་ལ། རྣམ་གྲངས་འདི་ཉིད་མཁས་པའི་དཔང་རྟགས་དང༌། མཛངས་པའི་ལག་རྗེས་ཤིག་ཀྱང་ཡིན། མཁས་པའི་བྱ་བ་ལ་འཆད་རྩོད་རྩོམ་གསུམ་ཉིད་དུ་བགྲང་ཞིང༌། དེ་དག་གི་ནང་ནས་ཀྱང་རྩོམ་པ་ནི། མཁས་པའི་བྱ་བ་ཀུན་གྱི་ནང་ནས་ཆེས་གལ་ཆེའི་རང་བཞིན་ལྡན་པ་ཞིག་ཡིན།
རིག་པའི་རྣམ་གྲངས་འདི་ཉིད་ནུབ་ཕྱོགས་པའི་རྒྱལ་ཁབ་ནང༌། དང་པོ་ཇི་ལྟར་བྱུང་བ་དང༌། བར་དུ་ཇི་ལྟར་དར་བ། ད་ལྟར་ཇི་ཙམ་འཕེལ་བའི་བྱུང་རིམ་ནི་ཤིན་ཏུ་རིང་ལ། དེ་བཞིན་ཤར་ཕྱོགས་པའི་ནང་དུའང་རྩོམ་རིག་གི་བྱུང་དར་འཕེལ་གསུམ་གྱི་ལོ་རྒྱུས་ནི་ཤིན་ཏུའང་རིང་པོ་ཡིན། བྱེ་བྲག་བོད་ཀྱི་རྩོམ་རིག་གི་བྱུང་རིམ་ནི། བོད་ཀྱི་འགྲོ་བ་མིའི་འཕེལ་རིམ་མགོ་བཙུགས་པ་ནས་ད་ལྟའི་བར་ཇི་ལྟར་བྱུང་ཞིང་དར་བ་དང༌། འཕེལ་ཞིང་རྒྱས་པའི་ལོ་རྒྱུས་ཀྱི་རྒྱུད་རིམ་ཐུང་ཐུང་མིན་ལ། ཉུང་ཉུང་ཡང་མིན། བྱུང་རིམ་དེ་རིགས་ཕྱོགས་བསྡོམས་བརྒྱབ་ནས་ཞུ་ན། བོད་ཀྱི་གདོད་མའི་རྩོམ་རིག་དང༌། སྲོལ་རྒྱུན་རྩོམ་རིག རང་མོས་རྩོམ་རིག་གསུམ་དུ་འདུ་བ་ཡིན།

དེ་ལས་མང་བ་། “རྩོམ་ཡིག་འབྲི་ཐབས།” »

དགེ་འདུན་རབ་གསལ།
————-
ཨ་རིའི་སྲིད་འཛིན་གྱི་འོས་འདེམས་སྐབས། རླུང་རྟ་འཕེལ་བའི་གནས་ཚུལ་དེ་ནི་ཨོ་བྷ་མའི་འོས་འགྲན་དང་འོས་ཐོབ་ཀྱི་གནས་ཚུལ་དེ་རེད། མི་རྣམས་དགའ་ནས་ངུ་བ་དང་། མཆོངས་ལྡིང་བྱེད་བཞིན་ཡོད། སྐབས་འདི་འདྲ་ཞིག་ལ། བློ་བཟང་སེང་གེས། “ང་བོད་ཀྱི་ཨོ་བྷ་མ་བྱེད་ཀྱི་ཡིན།”ཞེས་བཤད་པ་ཞིག་གོ་བྱུང་། དངོས་གནས་ཡིན་མིན་མི་ཤེས། ད་ནི་གདོང་དེབ་སོགས་དམངས་ཁྲོད་ཀྱི་དྲ་རྒྱ་དག་ན་བོད་ཀྱི་ཨོ་བྷ་མའི་སྐོར་ལ་སྐད་ཆ་མང་པོ་འདུག སྲིད་འཛིན་ཨོ་བྷ་མའི་ “འགྱུར་བ་”ཞེས་པའི་ལས་རྟགས་དང་འདྲ་བའི་པར་རིས་ཐོག་ “འབུམ་རམས་པ་བློ་བཟང་སེང་གེར་འོས་ཤོག་བླུགས་ཤིག་”ཅེས་པའི་འབོད་སྒྲ་སྤེལ་འདུག(Vote for Dr.Lobsang Sangey ‎”TIBETAN OBAMA” YES HE CAN BECOME 2010-KALON TRIPA)

དེ་ལས་མང་བ་། “བོད་ཀྱི་ཨོ་བྷ་མ། ཡང་ན། རྒྱ་ནག་གི་ཨོ་བྷ་མ།” »

ཤ་ཀླན་འཇམ་དབྱངས་གྲགས་པ།

ཉིན་འདི་འགར་ངས་ཉིན་ཐོ་གཅིག་ཀྱང་བྲིས་མི་འདུག
དེ་ནི་མི་ཞིག་སེམས་ནས་གནས་སྐབས་རིང་བརྗེད་པ་དང་མཚུངས་པ་ལས་ང་ཉིན་ཐོ་འབྲི་བར་སུན་སྣང་སྐྱེས་པ་ག་ལ་ཡིན།དེ་རིང་འདི་གར་བོད་མི་དམངས་སྤྱི་འཐུས་སྒྲོལ་མ་ཚེ་རིང་ལགས་ཕེབས་ཏེ་གསུང་བཤད་གནང་སོང་།ངས་བྲི་རྒྱུའང་དེའི་སྐོར་ཡིན།དྲང་པོར་བཤད་ན་གལ་སྲིད་ཁོང་ཕེབས་ཏེ་གསུང་བཤད་གནང་མེད་ཚེ་ངས་དེ་རིང་ཉིན་ཐོ་འབྲི་མི་སྲིད་ལ་ཉིན་འགར་རྒྱུན་མཐུད་མ་ཐུབ་པའི་ལས་ཀ་ཞིག་དེ་མུར་ལུས་རྒྱུ་རེད།དང་ཐོག་གནས་ཚུལ་ཡོད་ཚད་ལྷིང་འཇགས་སུ་ཡོད།

དེ་ལས་མང་བ་། “ཆེས་སྤྱིར་བཏང་གི་ཉིན་ཐོ་ཞིག” »

མདའ་ཚན་པས་ཕྲན་གྱི་རྩོམ་ཐུང་ “འབྲེལ་སྒྲ་ཉམས་བཞིན་པ་ཡིན་ནམ།”ཞེས་པ་ལ་མཆན་གཉིས་བཏབ་འདུག་ཅིང་། དང་པོ་དེ་ནི་མཆན་བཅོ་བརྒྱད་པ་དེ་རེད། འདི་ལྟར། “རྩོམ་དང་མཆན་ཚང་མ་ཐེངས་ གཅིག་ཀློག་པ་ཡིན། ད་གསར་པ་ཅང་བཤད་རྒྱུ་མེད། ཁང་གསར་རྡོ་རྗེ་ལགས་ཀྱིས། རབ་གསལ་དང་སྟག་སྨྱོན་གཉིས་ཀྱི་ལོག་བཤད་ཀྱི་ལྕེ་བཅད་ནས་ཐང་ལ་གཡུག་འདུག་པར་ དཔའ་དར་ཡོད།”ཅེས་གསུངས་འདུག ང་དྲ་ཐོག་ལ་ཡོང་ནས་བསམ་ཚུལ་རེ་ཟུང་ཆད་མེད་དུ་སྤེལ་བཞིན་ཡོད་པ་ལ་རྒྱུ་མཚན་འགའ་ཡོད། འོན་ཀྱང་རྒྱུ་མཚན་དེ་དག་གི་ཁོངས་སུ་རྒྱལ་ཕམ་དང་ཐོབ་ཤོར་གྱི་བསམ་ཚུལ་ཞིག་ཁྱོན་ནས་མེད། ཕ་ཡུལ་ཤོར་ཚར་སོང་། ཕ་མ་དང་ཁ་བྲལ་སོང་། འཛམ་གླིང་གི་རྒྱལ་པོ་ཆགས་པའི་རེ་བའང་ང་ལ་མེད། དེ་བས་ང་འདིར་ཡོང་ནས་ཐོབ་ཤོར་རྩོད་དགོས་པའི་རྒྱུ་མཚན་གཏན་ནས་མེད། ཐོབ་སོང་ན་ལེན་རྒྱུ་ཞིག་ཀྱང་མེད་ལ། ཤོར་སོང་ན་འཆོར་རྒྱུ་ཞིག་ཀྱང་མི་འདུག སྐད་ཆ་འདི་དམངས་ཁྲོད་འདིར་བཤད་དགོས་དོན་ཡང་མི་འདུག་མོད། རྒྱལ་ཕམ་གྱི་གཡུལ་ས་ན་མེད་ཅེས་བཤད་ཕྱིར་འདི་མ་བྲིས་ཀ་མེད་ལྟ་བུ་ཞིག་ཆགས་སོང་། འདི་ནི་ཐོག་མའི་གསལ་བཤད་དོ༎

དེ་ལས་མང་བ་། “རྡོ་ཡི་ཁང་བ། མདའ་ཚན་པར་གསལ་བཤད།” »