འགར་ཚེ་རྒྱལ་གྱིས།
——–འགྲུལ་བཞུད་ཀྱི་ལམ་ནས་རྙེད་པའི་ཚོར་འདུ་ཐན་ཐུན།
འགྲོ་ཐུབ་པ་ནས་རྐང་རྗེས་ཁ་བར་ཕབ་པའི་ཕ་ཡུལ་ལས་བུད་དེ་བཞུད་འགྲོ་བའི་ཉི་མ་དེར།
ཆུང་དུས་ནས་འདྲིས་ཤིང་གོམས་པའི་རྩྭ་ཐང་གི་པང་ཁ་ན་བཞད་པའི་སྤང་རྒྱན་མེ་ཏོག
དབྱར་གཞུང་གི་མཛེས་སྡུག་ནས་འཐུ་རོགས་བྱེད་པའི་བྱིས་པ་དེ་ཚོ།
དེ་ཚོ་རེ་རེ་བཞིན་དྲན་འོང་དུས།
ངས་མཐའ་མཇུག་ཏུ་བཏུས་པའི་སྤང་རྒྱན་མེ་ཏོག་གི་ཚོམ་བུ་འགའ་སྙིམ་པར་བཅངས་ཏེ།
རླངས་འཁོར་ལ་འབུད་ཁའི་གཞུང་ལམ་གྱི་འགྲམ་ཟུར་ནས་ཕྱིར་མིག་གིས།
ཕ་ཡུལ་གྱི་རི་ལུང་ལ་གྱེས་བྲལ་གྱི་མིག་ཆུ་གཏོར་བཞིན་བཞུད།
(ཡུལ་ཤུལ་ལ་ཕུལ།།)
མུ་ཏིག་གིས།
འཇིག་རུང་གི་སྐྱ་རེངས་དེ་འདས་ནས། ལོ་ངོ་གཅིག་འདས་སོང་། ས་རྡུལ་དང་གྱང་རོ་ཁྲོད་ནས་བཞུད་ཟིན་པ་ཁྱེད་ཅག དངངས་སྐྲག་དང་ཕྱིར་མིག་གི་ཀློང་ནས་བཞུད་ཟིན་པ་ཁྱེད་ཅག གནམ་འོག་གི་ལན་ཆགས་ཡོད་ཚད་འཁུར་ནས། ད་བར་གང་ན་ཡོད།
ངོ་མདངས་ཤོར་བའི་ཕ་ཡུལ་དང་། ངུ་འབོད་ཆད་མ་མྱོང་བའི་ཤུལ་ལུས་ཚོའི་ཆེད་དུ། ཁྱེད་ཅག་གི་མིག་ཟུང་བཙུམ་མ་ཐུབ་དང་། རྣམ་ཤེས་བདེ་མ་ཐུབ་པ། ངས་སུ་ཞིག་ལ་དགོངས་དག་ཞུ་དགོས། བཞུད་ཟིན་པ་ཁྱེད་ཅག་ལ། མང་པོ་མང་པོ་ཞིག་ཆད་སོང་བ་ལྟ་བུའི་སེམས་ཚོར་ཞིག་གིས། དེ་རིང་། ཕ་ཡུལ་ལ་བལྟས་ནས་ངུ་བཞིན་ཡོད།
ང་དུར་ཁྲོད་།
སྲང་ལམ་དེ་རུ
མཛའ་གཞས་དང་བསྡོངས་པའི་དབྱར་ཀ་མེད
འཁྱགས་སིབ་སིབ་ཀྱི་ངོ་གདོང་གང་མང་གིས
འགུལ་སྟངས་གཞན་ཞིག་དང་ འདུག་སྟངས་གཞན་ཞིག་གིས
ཁྱོད་ལ་བུ་མོ་དམར་ཧྲེང་ཞིག་གི་གཟུགས་རིས་སྟོན་སྲིད
དེ་ནི་ཁྱོད་ཀྱིས་བསྒུལ་བ་སྟེ
ས་ཆེན་གྱི་གྲིབ་གཟུགས་དང་འགྲོགས་པའི་ཚེ་སྲོག་ཐ་མ་དེ་ཡིན
བདེ་ཆེན་སྒྲོལ་མ།
དྲིན་ལྡན་ཕ་ལོའི་བྱམས་བརྩེ་རྒྱང་ནས་བསྐྱུར།།
སྤུན་དང་ན་ཟླའི་འཛུམ་མདངས་རླུང་ལ་བསྐུར།།
དགུན་གྱི་ནམ་ཟླ་ལྟ་བུའི་ས་མཐའ་ནས།།
གངས་དཀར་སེམས་ཀྱི་དམ་བཅའ་འཇའ་བཞིན་བོར།།
ཤར་ཕྱོགས་ཁུག་རྟ།
བདེ་ཆེན་སྒྲོལ་མ་འདི་བུ་མོ་དཀྱུས་མ་མིན།།
ཡག་དང་མོ་སྒོ་ཡིས་ཁུར་ནས་འཕུར་བསྡད་མེད།།
རྒྱུ་འབྱོར་དབང་ཐང་ལ་རེ་ནས་འདར་བསྡད་མེད།།
ཀ་མད་སུམ་བཅུ་ལ་འཐམས་ནས་ཤི་བསྡད་ཡོད།།
གཙང་བུས
སྤྱི་ལོ ༢༠༡༠ ལོར་ང་ལ་འཁྲིས་པའི་གཡས་གཡོན་གྱི་མི་མང་པོ་ཞིག་བྲོས་སོང་།
རེད་དེ་ངས་རྒྱུ་མཚན་སོགས་ཅི་ལ་ཡང་བསམ་བློ་མ་བཏང་ལ། གཏོང་འདོད་ཀྱང་མི་འདུག
ཡིན་ནའང་མི་ཁག་ཅིག་སྔ་ལས་བློ་སེམས་དཀར་བོའི་ངང་དུས་རྟག་ཏུ་ངའི་རྩར་འཁོར་གྱིན་འདུག
འགར་ཚེ་རྒྱལ།
དགུན་ཁའི་གྲང་རེག་ཉི་མའི་ཟིལ་གྱིས་བཅོམ།།
དཔྱིད་ཀྱི་དྲོད་ཁོལ་ལྗོན་པའི་རྩེ་ནས་འཛུམ།།
ཁ་བ་ཆར་དུ་བརྙེས་པའི་དུས་ཚུགས་ན།།
ལང་ཚོའི་ཐིའུ་གསར་བྱུ་རུའི་མདངས་ཀྱིས་མངོན།།
འབའ་སྲས།
དཀར་གསལ་ཟླ་འོད་མཚོ་ལ་བཏབ་པས།།
མེ་ཏོག་ཆུང་ཆུང་འཛུམ་ཁ་ཕྱེས་སོང་།།
ང་དང་ཞེ་མཐུན་གངས་དཀར་སྒྲོལ་མའི།།
སྔོན་གྱི་ལས་འཕྲོ་ད་དུང་ལྷག་ཡོད།།
ཀླུ་སྨྱོན།
ནམ་གུང་གི་ཚོར་བ་མེ་སྟག་འདྲ། །
དེས་སྣང་སྲིད་ཧྲིལ་བོ་ཐལ་བར་བསྲེགས། །
་་་ཁ་བྱང་གི་འགྲེལ།
མུན་ནག་སྟུག་པོའི་ཁོང་གསེང་ནས། །
ཕྲ་ལ་རྣོ་བའི་མཆེ་སྡེར་དག །
རིང་ནས་བརྐྱངས་པ་མཐོང་བའི་མོད། །
སྙིང་གི་བུ་ཆུང་གར་ལ་རྩེན། །
ཁྲག་དང་བཅས་པའི་མིག་ཆུའི་རྒྱུན། །
ས་གཞི་ཁྱབ་པའི་འཇིགས་སྣང་གིས། །
བྲེད་ཤ་ཐོན་པའི་འཕག་ཚག་ཀྱང་། །
སྡོམ་གྱི་རྨུ་ཐག་བཞིན་དུ་གྱུར། །
ལྷ་འདྲེ་གང་ཡིན་མ་ངེས་པའི། །
སྙིང་རྩ་སྡོམ་པའི་གྲིབ་གཟུགས་ཤིག །
འཇབ་བུའི་ངང་ཚུལ་ལྷུར་བླངས་ཏེ། །
ད་ནི་ཁོ་བོའི་འཁྲིས་སུ་བསླེབས། །
གསང་གྲོལ་གྱིས།
༸གོང་ས་མཆོག་བགྲེས་ཡོལ་གྱི་སྐོར་རྒྱལ་སྤྱིའི་གསར་ལམ་ཁག་གི་དཔྱད་བརྗོད་ཁོལ་ཕྱུངས་མ།
ཧྥ་རན་སིའི་འཛམ་གླིང་ཚགས་པར་Le Monde ཡིས་མགོ་བརྗོད་དུ་ཏཱ་ལའི་བླ་མའི་རྒྱ་ནག་ལ་མང་གཙོའི་སློབ་ཚན་ཞིག་ཁྲིད་པ་ཞེས་བཀོད་དེ། ད་ལྟའི་བཙན་བྱོལ་བོད་གཞུང་འདི་ནི་མི་མང་གིས་འོས་བདམས་བྱས་པའི་སྲིད་བློན་གྱིས་སྣེ་ཁྲིད་ཀྱིན་ཡོད་ལ། ཏཱ་ལའི་བླ་མའི་ལས་འགན་ནི་ཆེ་མཐོང་རང་བཞིན་ཙམ་རེད། ཡིན་ནའང་བོད་དེ་རྒྱ་ནག་ནང་ཁུལ་ནས་རང་སྐྱོང་ངོ་མ་ཞིག་རག་ཐབས་ཀྱི་རྩོད་ལེན་ཁྲོད་ཏཱ་ལའི་བླ་མ་ནི་དོན་སྙིང་ལྡན་པའི་འགོ་ཁྲིད་ཅིག་རེད།
དེ་ལས་མང་བ་། “༸གོང་ས་མཆོག་གི་བགྲེས་ཡོལ་ཐད་རྒྱལ་སྤྱིའི་གླེང་སློང་།” »
ཨ་རིག་འགྱུར་མེད།
གཅེས་པར་འོས་པའི་ངའི་ཕུ་ནུ་མིང་སྲིང་ཚོ། ཁྱེད་ཚོའི་ཁམས་བཟང་། ང་ནི་ཁྱོད་ཚོ་དང་འདྲ་བར་སུ་ཇཱ་བོད་ཁྱིམ་ནས་སློབ་མཐར་ཕྱིན། སུ་ཇཱ་བོད་ཁྱིམ་ནས་བོད་ཡིག་དང་དབྱིན་ཡིག་སྦྱངས། སུ་ཇཱ་བོད་ཁྱིམ་ནས་རང་ཉིད་ངོས་ཟིན་པ་དང་མི་ཚེའི་ཕུགས་འདུན་རྙེད། སུ་ཇཱ་བོད་ཁྱིམ་གྱི་ཤེས་བྱའི་དགའ་ཚལ་ནས་རྩོམ་རིག་གི་འདབས་ལག་ཅུང་ཙམ་རྒྱས་པའི་ཕུ་བོ་ཞིག་ཡིན་ལ། དེ་རིང་ང་ཁྱོད་ཚོའི་ཕུ་བོ་ངོ་མ་ཞིག་གི་སར་ནས་བསྡད་དེ། ཁྱོད་ཚོར་མ་འོངས་པའི་མི་ཚེའི་ཕུགས་འདུན་དང་བོད་མི་རིགས་ཀྱི་འདས་མ་ད་གསུམ་གྱི་ཆེད་དུ་ཁ་བརྡ་ཐུང་ཐུང་ཞིག་བྱེད།
ཀླུ་སྨྱོན། སྐྱོ་གདུང་དྲག་པོའི་ཟུག་རྔུ་དང་ལྷན་དུ་དཔྱིད་མགོའི་མེ་ཏོག་གི་འདབ་མ་འཐོར་དུས། ཁྱེད་ལ་དགུན་ཟླ་རིང་མོ་ཞིག་གི་དུས་ཡུན་ལ་བསྒུགས་པའི་སྡུག་ཡུས་དང་མཉམ་དུ། སྙིང་གསེང་ནས་བརྡོལ་བའི་མཆི་མའི་བཞུར་རྒྱུན་རེ་རེ་ནི། མི་ཚེ་གཅིག་གི་ཆེས་དཀའ་སྡུག་ཅན་གྱི་ལོ་ཟླ་དང་འདྲ་ཞིང་། འདས་པའི་ཟླ་ཤས་རིང་དཔྱིད་མགོའི་མེ་ཏོག་གི་འདབ་མ་བཞད་རྒྱུར་བསྒུགས་པ་འདི་ཡང་། རྒྱང་རིང་གི་སྙིང་སྡུག་ཅིག་ལ་རེ་སྒུག་བྱེད་པ་ལས་ཀྱང་འཁྱོལ་ཐབས་མེད་པའི་དུས་ཚིགས་ཤིག་རེད་ཨང་། ཐ་ན་རྨི་ལམ་ནང་དུ་ཡང་ལན་དུ་མར་ཤིང་སྡོང་དེའི་རྩ་རུ་བརྒྱུགས་ཤིང་། རྩོམ་ཡིག་གི་འཕྲོ་ཀློགས།
བདེ་ཆེན་སྒྲོལ་མ།
ད་ཡོད་བོད་ཀྱི་དབུ་མའི་ལམ་བུ་འདི་ཐོག་མར་༧གོང་ས་མཆོག་གི་ཐུགས་འདུན་དང་སྦྲགས་ནས་སྐུ་འཁྲུངས་ལ། ད་ཆ་ལམ་བུ་འདི་ཉིད་ཀྱང་༧གོང་ས་མཆོག་གི་བགྲེས་ཡོལ་དང་ལྷན་དུ་བགྲེས་ཡོལ་ལ་ཕེབས་འགྲོ་བཞིན་ཡོད། མ་མཐའ་ཡང་ཕྲན་པས་བསམ་བློ་འདི་ལྟར་གཏོང་བཞིན་ཡོད།
མི་རིགས་ཤིག་དང་རྒྱལ་ཁབ་ཅིག་གི་རང་དབང་དང་། བདེ་སྡུག་གི་ཐོབ་ཐང་རྩོད་པར་ཆབ་སྲིད་ཀྱི་ལམ་ལུགས་ངེས་ཅན་ཞིག་དགོས་པ་ནི་བཤད་མ་དགོས་ལ། ལམ་ལུགས་དེ་ཡང་དུས་རབས་དང་མཐུན་ཞིང་མི་དམངས་ཡོངས་ཀྱིས་ཡིད་ཆེས་དང་དགའ་མོས་བྱེད་པ་ཞིག་ངེས་པར་དུ་ཡིན་དགོས།
དེ་ལས་མང་བ་། “༧གོང་ས་མཆོག་གི་བགྲེས་ཡོལ། དབུ་མའི་ལམ་གྱི་བགྲེས་ཡོལ།” »
རྨ་་་གངས་འཁྲེན།
ནེ་ཙོ་ཚང་ལ་ལོག་པའི་ཉི་རྒས་ཀྱི་དུས་སུ། །
ལྗོན་ཤིང་མགོ་ལྕོག་དུད་པའི་མཚམས་སྤྲིན་གྱི་འོག་ནས། །
བརྡ་རྟགས་རྒྱང་ལ་གཏད་པའི་ཁ་པར་གྱི་བུ་གར། །
ཨ་མ་ཁྱེད་ཀྱི་བརྩེ་བའི་དབྱངས་རྟ་ལ་བསྒུགས་ཡོད། །
ཁྲག་ཐིགས།
མཚན་མོ་ནི་སུས་ཀྱང་ཉན་མ་མྱོང་བའི་ལྷ་སྒྲུང་རྙིང་པ་ཞིག་གམ
དྲན་གདུང་གི་མིག་ཆུ་བྲང་བསྙལ་བའི་ན་ཆུང་མ་ཞིག་ལྟར
ཡོད་ཚད་ཀྱི་ཡོད་ཚད་སྔུན་ན
འཇམ་ཅག་གེར་སུ་ཞིག་གི་གོམ་སྒྲ་ལ་ཉན་ཡོད
རྫ་ཚེ་རིང་བཀྲ་ཤིས།
འཕགས་པ་མ་རིག་མུན་སེལ་སྤྱན་རས་གཟིགས་དབང་ཕྱུག་ཐུགས་རྗེ་ཅན་ལ་ཕྱག་འཚལ་ལོ།
ཉིན་འདི་ཀའི་རིང་ལ་ཆོས་རྒྱལ་ནམ་མཁའི་ནོར་བུ་ཐའེ་ཝན་དུ་ཕེབས་ཏེ་ཐེག་པ་མཆོག་གི་ཆོས་ཀྱི་འཁོར་ལོ་བསྐོར་བཞིན་ཡོད། འོན་ཀྱང་། ང་ཚོ་བོད་པ་ཚོས་ཁོང་གི་སྐོར་ལ་དོ་སྣང་གང་ཡང་མེད། ཐའེ་ཝན་ན་ཡོད་པའི་བོད་པ་དག་གི་ནང་ལ་ཁོང་རྫོགས་པ་ཆེན་པོའི་རྣལ་འབྱོར་པ་ཞིག་ཏུ་བརྩིས་ནས་བཀའ་ཆོས་ཞུ་བར་གཅར་མཁན་དང་། བོད་ཀྱི་རིག་གཞུང་ལ་མཛད་རྗེས་རྨད་དུ་བྱུང་བའི་ངེས་པ་དོན་གྱི་གངས་ཅན་གྱི་ཁྱད་ནོར་ཞིག་ཏུ་རྩིས་ནས་འཚམ་ཞུར་གཅར་མཁན། ཡང་ན་ཁོང་ནི་རིག་པའི་ནོར་གྱི་གཏེར་མཛོད་ཆེན་པོ་ཞིག་ཏུ་རྩིས་ནས་བཀའ་སློབ་ཞུ་མཁན་དང་རང་རང་གི་ཆོས་ཚོགས་སུ་གདན་ཞུས་བྱེད་མཁན་བཅས་ཀྱི་མཇལ་གཅར་མཁན་ཞིག་ཧ་ལམ་མི་འདུག
དེ་ལས་མང་བ་། “ཆོས་རྒྱལ་ནམ་མཁའི་ནོར་བུ་དང་མཇལ་བ་ལས་འཕྲོས་པའི་གཏམ།” »
འབའ་སྲས།
མཛེས་པའི་ཞལ་རས་ཐོག་མར་མཐོང་དུས་མིག་ལ་སྒྱུ་མའི་འཕྲུལ་བ་བྱིན།།
འཇམ་མཉེན་ལག་པར་ཐེངས་གཅིག་འཇུས་པས་སེམས་ལ་འདོད་པའི་མེ་རོ་སྦར།།
ཚིག་གསུམ་བཤད་པའི་སྐད་ཆའི་བར་ནས་བརྩེ་བའི་སེམས་པ་ཁོག་ནས་དྲངས།།
ཐེངས་གཅིག་འགྲོགས་པའི་དུས་ཡུན་ཁྲོད་ནས་བདག་གི་ཡོད་ཚད་ཁྱོད་ལ་ཤོར།།
ཐོད་རྒོད་པ་སྤྱན་ཆབ།
རང་ཚུགས།
མི་ཚོགས་ཀྱིས་ཅི་ཞིག་གསུང་ཡང་མ་གསུང་ཡང་།
མི་ཚོགས་ཀྱི་མིག་ཟུང་འཁོར་ཡང་མ་འཁོར་ཡང་།
ང་ནི་ནམ་ཡང་རང་ཉིད་ཀྱི་ཀ་བ་གྲུ་བཞི་དེ་ཡིན་པས།
”ར་མ་རའུར་སོང་ཀྱང་རྩིད་པར་འདོད་ཆགས་ལང”དོན་ཁྱོན་ནས་མེད།
ཀླུ་སྨྱོན། རྒུན་ཆང་དམར་པོ་ཁྲག་རེད། ཐིགས་པ་རེ་རེ་མེ་རེད། ཀླད་ཀྱི་གཏམ། ལག་མགོའི་ཆུ་ཚོད་ཀྱིས་ཅོང་བརྡ་ཚར་དགུ་བསྒྲགས་ཟིན་ཀྱང་། ཁོ་བོ་ད་དུང་རྒུན་ཆང་དམར་པོ་ཕོར་བ་གང་གི་ཁ་གཏད་དུ་འགྲེང་སྟེ་བསྡད་ཡོད། འཐུང་ངམ་མི་འཐུང། འདི་ནི་ཆེས་ཐག་གཅོད་དཀའ་བའི་གདམ་ཀ་ཞིག་རེད་ཨང་། གནའ་བོའི་སྙན་ངག་པ་ཞིག་གིས་འདི་སྐད་དུ། ཆང་འདི་དང་པོས་མ་བཟི། ཆང་འདི་གཉིས་པས་མ་བཟི། ཆུང་འདྲིས་བྱམས་པས་ཞུས་པའི། ཞལ་དཀར་གང་གིས་བཟི་སོང་། རྩོམ་ཡིག་གི་འཕྲོ་ཀློགས།
ཤར་ཕྱོཊ་ཁུག་རྟ།
སྐུ་ཞབས་ཞོགས་དུང་གླེང་སྐབས་དེང་སང་སྐྱ་སེར་གཉིས་ལ་གྲིམ་རིག་སེ་འདུག དེས་དགའ་བྱུང་། སྔ་མོར་དཔྱོད་ཤེས་རྒྱང་འབོད་ཀྱི་རྗེས་ནས་བོད་ཕྱི་ནང་གཉིས་ནས་སྐྱ་སེར་གཉིས་ཀས་རྣམ་རྟོག་བྱེད་ཀི དགག་བཞག་བྱེད་ཀི སྐབས་དེ་ཤེད་དུ་རང་ཉིད་ལོ་ ༢༡ དང་ ༢༢ བར་ཡིན། ཁུག་མའི་ནང་དུ་དེབ་སྔོན་པོ་དེ་བཅུག་ནས་ཡང་ཡང་ཀློག་ཁུལ་བྱེད་ཀྱི་ཡོད། ལོ་ ༢༣ ཐོག་རྒྱ་གར་ལ་ཐར་བ་རེད། དེ་དུས་ཀྱང་དེབ་སྔོན་པོ་འདི་ལག་ནས་བོར་མེད། སློབ་གྲྭའི་ནང་ནས་བར་གསེང་རེ་ཡོད་དུས་དང་གུང་གསེང་རེ་སླེབས་སྐབས་ཅིག་ཡིན་མདོག་གིས་ཀློག་ཁུལ་བྱེད་ཀྱི་ཡོད།