ཀླུ་སྨྱོན་ཁྲག་འཐུང་གླིང་པ།

སྙིང་གི་རྩ་མདུད་གྲོལ་བའི་ཆེད། །རྩ་གསུམ་ལྷ་ལ་གསོལ་བཏབ་པས། །རང་སྣང་ཌྰ་ཀིའི་གཟི་བྱིན་འབུམ། །འཇའ་འོད་ཀློང་ནས་ས་ལ་བབས། །རྡུལ་བྲལ་འཇིག་རྟེན་དཀར་པོའི་ཞིང་། །ངོ་མཚར་ཌྰ་ཀིའི་ཞིང་ཁམས་སུ། །གཅིག་དང་དུ་མར་འཕྲུལ་བའི་གར། །རྡོ་རྗེའི་རོལ་བ་འབྱམས་སུ་ཀླས། །འདོད་པའི་མྱོས་བུམ་མཁྲངས་ཟླུམ་ཞིང་། །བྷ་གའི་དཀྱིལ་འཁོར་ཆེར་གདངས་པའི། །དགའ་མ་བྱུ་རུའི་མདོག་ཅན་ཞིག །སྒྱུ་རྩལ་དྲུག་ཅུའི་ཀློང་ན་བརྒྱལ། །མ་དག་སྒྱུ་ལུས་འདོར་བ་དང་། །དག་པའི་གཟིགས་མོར་རོལ་བའི་ཕྱིར། །ཡང་ཡང་གསོལ་བ་བཏབ་པ་དང་། །སྒོ་གསུམ་དཀྱིལ་འཁོར་མཆོད་པར་བཤམས། །

དེ་ལས་མང་བ་། “མཁའ་འགྲོའི་ཞིང་ཁམས་ཉུལ་བའི་ལྟད་མོ།” »

སྤྱན་ཆེན་པོ།

 
རོལ་དབྱངས་དེས་མཚན་མོ་དེར་བཙན་གཡེམ་བྱས་རྗེས
མེ་ཡིས་མ་འཚིག་པའི་སྒྱུ་འཕྲུལ་གྱི་རྣམ་ཤེས་དེ
རྒྱང་རིང་གི་མཚམས་ན
མཚན་མོའི་གྲིབ་ཡོལ་གྱིས་བསྒྲིབས་འདུག

མིག་ཟུང་བཙུམས་ནས་མཚན་མོ་འདིའི་ཟབ་ཚད་འཇལ་དུས
ལག་མཐིལ་ནས་ལྷུང་བའི་རྣམ་ཤེས་དེ་ལམ་ཕྲན་ཞིག་དང་འདྲ

དེ་ལས་མང་བ་། “ཁྱོད་རང་བོར་སོང་བའི་མཚན་མོ་དེར།” »

བྱ་མདོ་སྐལ་རྒྱམ།

མུ་མཐའ་མེད་པའི་མཚན་མོར
སྐར་ཚོགས་རྣམས་གཡོར་གྲུ་བཞིན
ཕྱོགས་དང་ཕྱོགས་ནས་འདུས་ཤིང
སླར་ཡང་ཕྱོགས་དང་ཕྱོགས་སུ་གྱེས་འགྲོ
མཚོ་ངོགས་ལྟ་བུའི་མཚོན་མོ་འདིར

དེ་ལས་མང་བ་། “མཚན་མོའི་སྙན་ངག” »

ཀོ་ལི་གྷ་གཞུང་པ་ཚེ་དབང་བསོད་ནམས།

ཀ་དག་ཕྱག་རྒྱ་དམ་ཆོས་རིན་ཆེན་་བོད་ཡུལ་མུན་པ་ཉི་འོད་ཁྱབ།།
ཁ་བ་གངས་རི་དཀར་པོས་བསྐོར་བའི་སྤྲེལ་བྲག་རིགས་རྒྱུད་ཆོས་ལ་དད།།
ག་བུར་ཙན་དན་དྲི་ཞིམ་མེ་ཏོག་སྣང་གསལ་མར་མེ་འབུམ་དུ་འཕྲོ།།
ང་རྒྱལ་མེད་པའི་ཀུན་སློང་བཟང་པོའི་ཕྱག་དང་མཆོད་འབུལ་ཉིན་མཚན་འདའ།།
ཅ་ཅོ་དབེན་ཅིང་འདུལ་ཁྲིམས་གཙང་བའི་གསེར་སྦྱང་བཙོ་མ་འོད་དུ་འཕྲོ།།
ཆ་མེད་རིག་གཞུང་རྒྱུས་མེད་མི་ལ་རྒྱུས་ལོན་ཐུབ་ལ་ལོ་ཟླ་འགོར།།

དེ་ལས་མང་བ་། “ཀ་བཤད་ཉི་ཤུ་རྩ་བདུན་པ།” »

གངས་རིའི་ཨེ་ཝྃ་ཕོ་ཉ།

 
༡༽ གཏེར་ལས་མང་པོས་ས་གཞི་རྨ་ཁ་བཟོས།།
རུལ་སྲུང་མང་པོས་ཆབ་སྲིད་རྨ་ཁ་བཟོས།།
དགག་པ་མང་པོས་ཆོས་ལུགས་རྨ་ཁ་བཟོས།།…
ད་ལྟའི་སྤྱི་ཚོགས་འདི་ལ་ཡིད་ཐང་ཆད།།

༢༽ གད་སྙིགས་མང་པོས་ཁོར་ཡུག་བཙོག་པ་བཟོས།།
གཞང་ཁང་མང་པོས་རང་ལུས་བཙོག་པ་བཟོས།།

དེ་ལས་མང་བ་། “ཕལ་རྩོམ་ཡིད་ཆད་མུན་སེལ།” »

ཨེ་མ་ཧོ།
ན་མོ་གུ་རུ་དྷེ་ཝ་ཌྰ་ཀི་ནི་ཡེ།།
རབ་དཀར་གངས་ཀྱི་རི་བོས་མཛེས་པ་ན།།
རྣམ་དཀར་བཞིན་གྱི་དཀྱིལ་འཁོར་ཆུ་ཟླའི་དཔལ།།
ནམ་ཡང་རྒུད་པ་བྲལ་བའི་ལྷག་བསམ་འཚོ།།
གངས་ཅན་ཨ་མ་སངས་རྒྱས་ཆོས་སྒྲོན་རྒྱལ།།
སྔོ་ལྗངས་གཡུ་ལོས་གཏམས་པའི་བསིལ་ལྗོངས་ན།།

དེ་ལས་མང་བ་། “གངས་ཅན་ཨ་མའི་རྒྱལ་གླུ་དཔྱིད་ཀྱི་དཔལ་མོ་ཞེས་བྱ་བ།།” »

འཇམ་གཅེས་ནས།

རྐང་གཉིས་འགྲོ་བ་མི་ཡི་གྲལ་མཐའ་ནས།།
དེ་རིང་མི་འཁྱམས་ལྷ་རྒོད་མིང་ཅན་ངས།།
སེམས་ཀྱི་ཚོར་འདུར་དྲག་པོའི་ཀློང་རོལ་ནས།།
གནས་ལུགས་རེ་འགའ་ཁྱེད་ཚོའི་རྣ་བར་བླུག །

ཁེར་རྐྱང་ཡིན་བསམ་བདག་ལ་སྡུག་བསྔལ་མེད།།
མཆོག་གསུམ་རིན་ཆེན་རྟག་ཏུ་འབྲལ་མེད་ཡིན།།

དེ་ལས་མང་བ་། “སྤྲང་པོའི་གླུ་སྐད།” »

སྤྱན་ཆེན་པོ།

གཙང་བོ་ཞིག་བརྒལ་ཏེ་རྒྱང་ལ་སྐྱོད་སྐབས
ཁང་མིག་གི་ཕྱི་རོལ་ན
ཉི་མར་ལྡེས་པའི་རྡོ་བ་དག་དྲན་སོང

རླུང་མ་ལྡང་བའི་ཡར་སྔོན་དེར
རྡོ་བ་འདི་དག   ཟོ་ཁ་ནས་འཐོར་བའི་ཆར་སྙིལ་བཞིན
གྱང་ཆག་དེའི་གས་སྲུབས་ནས་ཟགས་པས

དེ་ལས་མང་བ་། “རྡོ་བ། རྡོ་བ། རྡོ་བ།” »

བསོད་ནམས་ཚེ་རིང་།
——–ཀུན་གཟིགས་པཎ་ཆེན་ཐམས་ཅད་མཁྱེན་པ་མཁྱེན།

བདེ་སྟོང་ཟུང་འཇུག་སྤྲོས་བྲལ་ཆོས་སྐུ་ཡི་དབྱིངས་ནས།།
སྣ་ཚོགས་སྒྱུ་འཕྲུལ་ངོ་མཚར་ཟློས་གར་གྱི་གཟུགས་ཀྱིས།།
བསིལ་ལྗོངས་འགྲོ་ལ་བདེ་དགའི་དགའ་སྟོན་གྱི་གྲུ་ཆར།།
འབེབ་མཁས་འཇིགས་མེད་ཆོས་ཀྱི་དབང་ཕྱུག་དེས་སྐྱོངས་ཤིག །
མདོ་སྨད་སྤྱང་ཤེས་རྟ་མཆོག་ཆོལ་ཁ་ཡི་ཡུལ་ལ།།
རྣམ་དག་འོད་གསལ་ལྷ་རིགས་འཁོན་པ་ཡི་རྒྱུད་དུ།།

དེ་ལས་མང་བ་། “ས་མཐའི་མིག་ཆུ།” »

ཨེ་མ་ཧོ།

ན་མོ་གུ་རུ་ཨ་མི་ཏ་བྷྰ་ཡེ།
བདེ་ཆེན་ཞིང་གི་མགོན་པོ་སྣང་མཐའ་ཡས།།
བདེ་སྟོང་དོན་གྱི་དཀྱིལ་འཁོར་སྤྲོ་བསྡུ་ལས།།
བདེ་ལེགས་གངས་རིའི་དཔལ་དུ་ཡང་ཤར་བ།།
བདེ་མཆོག་ཀུན་གཟིགས་པཎ་ཆེན་རྗེས་སུ་དྲན།།
མཆོག་གི་སྐུ་ལས་གངས་རིའི་ཕ་ས་གཅེས།།
གཅེས་པའི་སྲོག་ལས་རང་ཆོས་འཛིན་པར་གདམས།།

དེ་ལས་མང་བ་། “སྐྱབས་མགོན་དམ་པ་ཀུན་གཟིགས་པཎ་ཆེན་སྐུ་ཕྲེང་བཅུ་པ་ཆེན་པོའི་རྗེས་དྲན་གསོལ་འདེབས།” »

ས་འཛིན་དཀར་པོ།

མཐོ་སྒང་གསེར་མདོག་ཉི་མའི་དྲོད་ཁ་དེ་ཡལ་ནས།།
མི་ལོ་གྲངས་ཆུང་ཉེར་དྲུག་མུན་ནག་གིས་གྲང་ངར།།
བོད་ལ་བྱམས་པའི་དྲིན་གྱི་སྣུམ་ཞག་དེ་ཟད་དུས།།
གོ་ལའི་ཡང་རྩེ་སྲིད་པའི་མི་རིགས་ཀྱི་སྐྱོ་གདུང་།།

དུང་ལྟར་འཛུམ་ཞལ་མངོན་པའི་ཟླ་བ་དེ་ཡལ་དུས།།
དྲན་གདུང་ཉི་མ་ལྕི་བའི་ཆུ་གཉེར་གྱིས་འཁུམས་སོང་།།

དེ་ལས་མང་བ་། “པཎ་ཆེན་རིན་པོ་ཆེ།” »

མགལ་དུམ།

 
(ཐག་རིང་ནས་ལྐོག་བཤད་བརྒྱབ་ཅིང་ངན་ལབ་པར་གོམས་པའི་བྱིས་བློ་མ་སྨིན་པའི་གསར་བུ་དེ་ཚོས་གོ་བར་གྱིས། དོན་མེད་དུ་ཇུས་གཏོགས་བྱས་ཏེ་དཀའ་ལས་མ་མྱངས་ཨ། ལས་ཀ་མི་རེག་ཚེ་ད་དུང་སློབ་སྦྱོང་བྱོས།)

ཁ་བ་ལེབ་མོ་ལྷབ་ལྷུབ་བབས་པའི་ས་སྲོད་ཅིག་གི་ལྟེ་བ་རུ།།
ཟུངས་ཁྲག་དྭངས་ཤིང་དྭངས་ཤིང་གཙང་བ་ཨ་མའི་སེམས་ཀྱི་མིག་ཆུ་ཡིན།།
རླུང་རྟའི་གསེབ་ཀྱི་བསང་དུད་སྔོན་མོ་ཨ་མྱེའི་སེམས་ཀྱི་སྨོན་འདུན་ཡིན།།
བལ་གདན་སྟེང་གི་ཚེ་སྲོག་གཉོམ་པོ་གཡང་ཁྱིམ་ཞིག་གི་ནོར་བུ་ཡིན།།

དེ་ལས་མང་བ་། “ཚིག་གིས་འགྲམ་ལྕག་གཞུས་པ།” »

ཀོ་ལི་གྷ་གཞུང་པ་ཚེ་དབང་བསོད་ནམས།

 
ཀ་ཁ་སྦྱངས་བརྩོན་དགོས་པ་བོད་མིའི་འགན།།
ཁ་ལྐུགས་མིན་ན་ཀ་ཁ་ངེས་པར་སྦྱོང་།།
ག་རུ་བསྡད་ཀྱང་ཀ་ཁ་མ་བརྗེད་དགོས།།
ང་ཚོའི་ཕ་མེས་སྐད་ཡིག་ཀ་ཁ་རེད།།
ཅ་ཅོ་མང་བའི་སྐད་ཡིག་མང་ན་ཡང་།།
ཆ་རྐྱེན་འཛོམས་པའི་ཡི་གེ་ཀ་ཁ་རེད།།

དེ་ལས་མང་བ་། “ཀ་བཤད་ཉི་ཤུ་རྩ་དྲུག་པ།” »

འབའ་སྲས།

 
ད་ནི་བདག་གིས་ཆགས་རྩོམ་འབྲི་བའི་སྙུ་གུ་ལག་ནས་དོར་བར་བྱས།།
མཛེས་མ་དག་ལ་བརྩེ་འཕྲིན་འབྲི་བའི་སེམས་ཀྱང་རིམ་གྱིས་ཉམས་སོང་བས།།
བརྩེ་ལྡན་ཆུང་མར་ཁོ་ནར་དབང་བའི་སྙིང་གི་བདུད་རྩི་ཐིགས་པ་འདི།།
རང་སེམས་བུམ་པའི་ལྟོ་ལས་དྲངས་ཏེ་སྙུ་གུ་ཀུ་ཤའི་རྩེ་མོས་མཆོད།།

ཀྱེ་ཀྱེ་ཉོན་དང་བདག་གི་ཆུང་མ་བྱིས་པ་གསུམ་གྱི་ཨ་མ་ལགས།།
ཁྱིམ་ཚང་ཞིག་གི་ལྟོ་རྒྱབ་བར་ནས་ཤིན་ཏུ་རྒས་པའི་བཟའ་ཟླ་ལགས།།

དེ་ལས་མང་བ་། “ཆུང་མའི་ལུས་སེམས་གསོ་བ།” »

བྱ་མདོ་སྐལ་རྒྱམ

 
མི་གཞི་བཙོ་སྦྱང་གི་གོ་རིམ་ཁྲོད་དུ
རང་ཉིད་མི་ཞིག་ཡིན་པའི་བདེན་དཔང་ཆ་ཚང་ཞིག་མཐོང་དུས
སེམས་པའི་བདེ་སྡུག་དང
འཚོ་བའི་རེ་དོགས་འཆོར་ས་གཙོ་བོ་དེ་རང་ཉིད་རེད་མི་འདུག
སྤྱི་ཚོགས་འདི་ནི་མ་གཞི་ནས་སྡོམ་ཐག་གི་དྲ་རྒྱ་ཞིག་སྟེ
རང་ཉིད་གཞན་དང་སྦྲེལ་ནས་འདུག་དགོས་ལ
རང་དང་སྦྲེལ་ཡོད་པའང་ཆེས་མང་བོ་ཞིག་འདུག་ཨང

དེ་ལས་མང་བ་། “<>” »

སྤྱན་ཆེན་པོ།

 
བོར་སོང་བའི་ཞག་སྒྲོན་དེ
དོ་ནུབ་ངའི་གཡས་ཕྱོགས་ན་འབར་བཞིན་འདུག
གཟི་འོད་ལམ་ལམ་ངང་འབར་བཞིན་འདུག

ངོ་གདོང་མེད་པ་ཚོས
སྨུག་རུམ་གྱི་ཟབ་ས་ཞིག་ནས
ལྐོག་ལྐོག་སུད་སུད་ངང

དེ་ལས་མང་བ་། “སླར་རྙེད་པ།” »