གཞུང་པ་ཚེ་དབང་བསོད་ནམས།      རྗེས་ལོ་ ༢༠༢༦ ལོར་ང་ཚོའི་སྲིད་སྐྱོང་སྐབས་བཞི་པ་དང་།    སྤྱི་འཐུས་སྐབས་བཅོ་བརྒྱད་སྲིད་སྤྱི་གཉིས་ཀྱིས་འོས་བསྡུ་གནང་དགོས་པར་སོང་ད་ལྟ་ནས་གྲ་སྒྲིག་ཨང་སར་བྱ་དགོས་པ་ནི་འདས་པའི་ལོ་རྒྱུས་ལ་ང་ཚོའི་ཕྱི་མིག་བལྟས་ནས་མ་འོངས་ཀྱིས་མདུན་ལམ་ལ་གསལ་ཁ་དང་གཞི་བརྟན་བཟོ་དགོས་པ་ནི་བཙན་བྱོལ་བོད་མིའི་སྒྲིག་འཛུགས་འདི་བསྲ་བརྟན་དང་རྒྱུན་གནས་ཐུབ་དགོས་པ་དེ་གལ་ཆེའི་ནང་གི་གལ་ཆེན་ཞིག་ཡིན་པ་ནས་བཙན་བྱོལ་བོད་མིའི་ཆིག་སྒྲིལ་དང་བཅའ་ཁྲིམས་ལ་འགན་འཁུར་ཐུབ་མཁན་གྱི་མི་སྣ་སྤྱི་འཐུས་ནང་སླེབས་དགོས་པ་ནི་འདས་པའི་སྤྱི་འཐུས་སྐབས་བཅུ་དྲུག་དང་།  བཀའ་ཤག་སྐབས་བཅོ་ལྔ་བཀའ་སྤྱི་གཉིས་ཀྱིས་ལས་དུས་སྐབས་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་བའི་འོག་ཆེས་མཐོའི་ཁྲིམས་ཞིབ་པ་ཆ་ཚང་འཕོ་འགྱུར་བཏང་བའི་བརྒྱུད་རིམ་ནས་སྤྱི་འཐུས་སྐབས་བཅུ་བདུན་གྱིས་ལས་འཁུར་དམ་འབུལ་དང་འབྲེལ་བའི་༧ གོང་ས་མཆོག་ལ་མཛད་དཀའ་བཟོས་པ་དང་།   ཟླ་གྲངས་མང་པོ་ཚོགས་དྲུང་དང་གཤམ་འོག་ལས་བྱེད་ཙམ་ལས་སྤྱི་འཐུས་རྒྱུན་ལས་མེད་པར་ལྷག་པ་དང་།  བཙན་བྱོལ་སྤྱི་ཚོགས་ནང་ལབ་རྒྱུ་དང་གླེང་རྒྱུ་མང་པོ་བཟོས་པ་དང་།  དེ་སྔ་བཙན་བྱོལ་སྤྱི་ཚོགས་ནང་གོ་མ་མྱོང་བའི་ཉམས་པ་སླར་གསོ་ཟེར་བ་དང་།    རྩ་དོན་གླིང་ཟེར་བ་དང་།  …

དེ་ལས་མང་བ་། “དབུས་བོད་མིའི་སྒྲིག་འཛུགས་ཀྱི་སྲིད་སྤྱི་གཉིས་ཀྱི་འོས་བསྡུ་ཆེན་མོ་དང་འབྲེལ་བའི་སྐོར་ལ་དཔྱད་པའི་གཏམ།    ” »

གཞུང་པ་ཚེ་དབང་བསོད་ནམས།      དེང་སྐབས་རང་རེ་བཙན་བྱོལ་བོད་མིའི་སྤྱི་ཚོགས་ཆུང་ཆུང་འདིའི་ནང་མང་གཙོ་དང་རང་དབང་ཁ་ལྕེར་བཟུང་ནས་དྲ་རྒྱའི་དུས་རབས་ལ་འགན་འཁུར་ནས་ངོ་དེབ་དང་ཡུ་ཊུབ་སོགས་བརྒྱུད་ནས་ཆོས་བརྒྱུད་སྤྱི་འཐུས་མི་དགོས་ཟེར་བའི་ལས་འགུལ་འགྲོ་བཞིན་པ་འདིའི་རྒྱབ་ལྗོངས་ད་ལྟའི་ལས་ཐོག་ཆོས་བརྒྱུད་སྤྱི་འཐུས་ཚོས་གྲོས་ཚོགས་ནང་འགན་འཁུར་སྟངས་དང་འབྲེལ་ནས་ཆོས་བརྒྱུད་སྤྱི་འཐུས་མི་དགོས་གསུང་གི་ཡོད་ན་གནས་དོན་དེ་ཚད་ལྡན་ཞིག་ཡིན་པ་ནམ་ཡང་ངོས་འཛིན་ཞུ་ཐུབ་མ་སོང་། གང་ཡིན་ཟེར་ན་ང་ཚོའི་བྱ་བའི་ཡུལ་ལ་བལྟ་དགོས་པ་ལས་བྱེད་པ་པོ་གང་ཟག་ལ་ནམ་ཡང་བལྟ་མི་ཉན་པ་དང་།   སྤྱི་ལོ་ ༢༠༠༢ ལོར་༧ གོང་ས་མཆོག་ནས་འཛིན་སྐྱོང་གི་འགན་དབང་དེ་མི་མང་གི་འདམས་པའི་བཀའ་བློན་ཁྲི་པར་གནང་ནས་༧ གོང་ས་མཆོག་ཕྱེད་བགྲེས་ཡོལ་གྱི་ཚུལ་དུ་བཞུགས་པ་དང་།    སྤྱི་ལོ་ ༢༠༡༡ ལོར་༧ གོང་ས་མཆོག་ནས་བོད་ཀྱི་ཆབ་སྲིད་ཀྱི་འགན་དབང་དེ་མི་མང་ལ་གནང་ནས་མི་མང་གིས་འདམས་པའི་བཀའ་བློན་ཁྲི་པས་བོད་ཀྱི་ཆབ་སྲིད་ ཀྱི་འགན་བཞེས་ནས་དེ་སྔ་༧ གོང་ས་ལྔ་བ་ཆེན་པོའི་བཙུགས་གནང་པའི་མི་ལོ་གསུམ་བརྒྱ་དྲུག་ཅུ་ལྷག་ཙམ་གྱི་དོན་སྙིང་ལྡན་པའི་དགའ་ལྡན་ཕོ་བྲང་ཕྱོགས་ལས་རྣམ་པར་རྒྱལ་བའི་བོད་ཀྱི་ཆབ་སྲིད་སྐྱོང་བའི་ལམ་ལུགས་དེ་འཇུག་བསྡུས་ནས་སྤྱི་འཐུས་སྐབས་བཅུ་བཞི་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་གསུམ་པ་ཆབ་སྲིད་ཀྱི་རང་བཞིན་ཟེར་བའི་ནང་འཁོད་པའི་ཡུལ་མིའི་རྒྱལ་ཁབ།  ༼ …

དེ་ལས་མང་བ་། “ཆོས་བརྒྱུད་སྤྱི་འཐུས་མི་དགོས་ཟེར་བའི་སྐོར་ལ་དཔྱད་པའི་གཏམ།   ” »

གཞུང་པ་ཚེ་དབང་བསོད་ནམས།    བོད་ས་མ་ཤོར་སྔོན་སྤྱི་ལོ་ ༡༩༥༤ ཙམ་ནས་བོད་རྒྱལ་ཁབ་དང་བོད་མི་རིགས་ཀྱི་དབུ་ཁྲིད་༧ སྤྱི་ནོར་༧ གོང་ས་༧ སྐྱབས་མགོན་ཆེན་པོ་མཆོག་ནས་མ་འོངས་བོད་ཀྱི་ཆབ་སྲིད་ལམ་ལུགས་དེ་མི་མང་མང་གཙོའི་ལམ་ལུགས།  ༼  Democracy System  ༽ ལ་ཁ་ཕྱོགས་རྒྱུའི་རླབས་ཆེན་གྱིས་དགོངས་པ་བཞེས་ནས་སྤྱི་ཚོགས་ལེགས་བཅོས་ཚོགས་ཆུང་ཟུར་འཛུགས་གནང་ནས་མི་འགྲོ་གཏན་ཁེལ་བའི་དུས་སྐབས་སུ་་ཕྱི་ནང་གཉིས་ཀྱིས་འགོག་རྐྱེན་བར་ཆད་མང་བས་བོད་ནང་ལག་བསྟར་མ་ཐུབ་ན་ཡང་རྒྱ་གར་དུ་བཙན་བྱོལ་ཕེབས་མ་ཐག་སྤྱི་ལོ་ ༡༩༦༠ ཐམ་པའི་སྤྱི་ཟླ་  ༩ …

དེ་ལས་མང་བ་། “  བཙན་བྱོལ་བོད་མིའི་སྤྱི་ཚོགས་ནང་མང་གཙོའི་འཕེལ་རིམ་སྐོར་ལ་དཔྱད་པའི་གཏམ།   ” »

གཞུང་པ་ཚེ་དབང་བསོད་ནམས།    མང་གཙོ་ཁྲིམས་ཀྱི་དབང་བསྒྱུར་འོག་འཚོ་བཞིན་པའི་མི་མང་གི་འཐུས་མིའི་འགན་དབང་དེ་རྒྱལ་ཁབ་ཀྱི་རྩ་ཁྲིམས་ནས་ལེན་དགོས་པ་དང་།  རྒྱལ་ཁབ་ཀྱི་རྩ་ཁྲིམས་ནས་བཀུར་བའི་ལས་འགན་སྒྲུབ་དགོས་པ་དེ་མི་མང་གི་འཐུས་མིའི་ལས་འགན་ཆེ་ཤོས་དེ་ཡིན་པ་དང་།  གྲོས་ཚོགས་ཀྱིའཐུས་མིར་འོས་ཐོབ་པ་ནས་རྩ་ཁྲིམས་ཀྱིས་ཚིག་བརྗོད་འོག་ཏུ་ལས་འཁུར་དམ་བཅའ་འབུལ་དགོས་པ་དང་།  ང་ཚོ་མི་ཡུལ་དུ་སྐྱབས་བཅོལ་ནས་བསྡད་ཡོད་པ་ནས་ང་ཚོར་རྩ་ཁྲིམས་བཟོ་རྒྱུའི་ཆ་རྐྱེན་ཚང་མེད་པ་ནས་བཙན་བྱོལ་བོད་མིའི་བཅའ་ཁྲིམས་འདི་ཡང་མ་འོངས་བོད་ཀྱི་རྩ་ཁྲིམས་ལ་གཞི་བཅོལ་ནས་ད་ལྟའི་བཙན་བྱོལ་བོད་མིའི་བཅའ་ཁྲིམས་འདི་གཏན་འབེབས་གནང་བ་ནི་འདི་ལྟར།  ༼  བཅའ་ཁྲིམས་དོན་ཚན་གསུམ་པ།  ཆབ་སྲིད་ཀྱི་རང་བཞིན།  མ་འོངས་བོད་ཀྱི་ཆབ་སྲིད་ནི་འཚེ་མེད་ཞི་བའི་ལྟ་བར་གཞི་བཅོལ་བའི་ཐོག་རང་དབང་དང་།  སྤྱི་ཚོགས་བདེ་དོན།  ཆོས་སྲིད་ཟུང་འབྲེལ།  མང་གཙོ་མཉམ་འབྲེལ། ཡུལ་མིའི་སྲིད་སྐྱོང་ཞིག་བྱ་རྒྱ་ཡིན་གཤིས།  བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་དང།  གཤམ་འཁོད་ལེའུ་བཅུ་གཅིག་པའི་དོན་ཚན་ཁག་གཞིར་བཟུང་མ་གཏོགས་བཅའ་ཁྲིམས་འདི་ལ་བསྒྱུར་བཀོད་གཏོང་རྒྱུ་མིན། …

དེ་ལས་མང་བ་། “མང་གཙོའི་སྒྲིག་འཛུགས་ནང་མི་མང་གི་འཐུས་མིའི་འགན་དབང་སྐོར་ལ་དཔྱད་པའི་གཏམ།  ” »

གཞུང་པ་ཚེ་དབང་བསོད་ནམས།    བོད་མི་མང་གི་སྐུ་ཚབ་སྤྱི་འཐུས་ཚོ་ས་བགོས་གནང་ནས་ཕྱོགས་མཐའ་ཁག་ལ་འཚམས་གཟིགས་གནང་རྒྱུ་དེ་མི་མང་གི་སྐུ་ཚབ་ཡིན་པའི་ཆ་ནས་མི་མང་དང་ཐུག་འཕྲད་གནང་ནས་དབུས་བོད་མིའི་སྒྲིགས་འཛུགས་ཀྱི་ཕྱག་ལས་གནང་སྟངས་དང་འབྲེལ་བའི་དབྱར་ཚོགས་དང་དགུན་ཚོགས་ནང་ཁྲིམས་སྒྲིག་གསར་གཏོད་དང་བསྐྱར་བཅོས་སོགས་གྲོས་ཚོགས་ཀྱི་ལས་རིམ་ཁག་དང་།  བོད་རྒྱའི་ཆབ་སྲིད་ཀྱི་གནས་བབས་སོགས་མི་མང་ལ་ངོ་སྤྲོད་གནང་རྒྱུ་དང་། ས་གནས་མི་མང་གི་འཚོ་བ་དང་འབྲེལ་བའི་ས་གནས་ཀྱི་གནས་སྟངས་ཁག་ལ་རྒྱུས་ལོན་གནང་ནས་སྤྱི་འཐུས་རྒྱུན་ལས་དང་།  འཛིན་སྐྱོང་བཀའ་ཤག  ལྷག་པར་དུ་སྤྱི་འཐུས་གྲོས་ཚོགས་སུ་ཕྱོགས་བསྐྱོད་གནང་བའི་ལས་བསྡོམས་ཁག་སྙན་སེང་ཞུ་རྒྱུ་སོགས་ཡིན་པ་དང་།   ས་གནས་མི་མང་ནས་དབུས་བོད་མིའི་སྒྲིགས་འཛུགས་ཀྱི་ལས་དོན་ཁག་དང་།  ལྷག་པར་དུ་བོད་རྒྱའི་གནས་བབས་དང་འབྲེལ་བའི་ཆབ་སྲིད་ཀྱི་འཕེལ་རིམ་སྐོར་དང་སྤྱི་འཐུས་གྲོས་ཚོགས་ཀྱི་ལས་རིམ་ཁག་བཅས་ལ་འདྲི་བ་དང་དོགས་གཅོད་དགོངས་འཆར་འབུལ་རྒྱུ་སོགས་ཡིན་ན་ཡང་དེ་ཚོའི་སྐོར་ལ་ཕྱོགས་ཕེབས་གནང་མཁན་གྱི་སྤྱི་འཐུས་ཚོ་དང་ས་གནས་མི་མང་བཅས་ནས་དེ་ཙམ་གྱི་འགན་འཁུར་མེད་པར་མི་མང་ནང་ནས་ཨང་དང་པོར་སྤྱི་འཐུས་ཚོར་སྐྱོན་བརྗོད་བྱ་རྒྱུ་རྩལ་དུ་སྟོན་ནས་དུས་ཚོད་ལེན་མཁན་ཡང་མང་པོ་འདུག་ལ་ས་གནས་འགའ་ཤས་ནས་དངོས་སུ་སྐད་འབོད་རྒྱབ་ནས་ངོ་རྒོལ་བྱེད་མཁན་ཡང་བྱུང་འདུག་ལ་སྤྱི་འཐུས་ཚོའི་ངོས་ནས་དེ་དག་ལ་གོ་སྐོན་གསལ་བཤད་ལམ་སྟོན་འདི་ཡིན་ཟེར་བ་མ་གནང་བར་ཁ་གཏད་ལྟབུའི་ལན་འདེབས་གནང་ནས་དུས་ཚོད་འཕྲོ་ལྷག་དང་མང་ཚོགས་ནང་ཁུལ་དུ་བསམ་ཚུལ་ལ་འགལ་ཟླ་བཟོ་རྒྱུ་ཙམ་ལས་ཅང་མ་མཐོང་ན་སྤྱི་འཐུས་ཚོ་ཕྱོགས་བསྐྱོད་འཚམས་གཟིགས་གནང་རྒྱུ་དེ་གཞུང་གྲོན་ཕར་ཐོས་ཙམ་ལས་གཞན་དགེ་ཚན་མ་མཐོང་སྟབས་སྤྱི་འཐུས་སྐབས་བཅོ་བརྒྱད་ནས་ཕྱོགས་བསྐྱོད་འཚམས་གཟིགས་གནང་རྒྱུ་དེ་མེད་པ་བཟོས་ནས་ས་གནས་སོ་སོའི་ས་གནས་འཐུས་མིའི་ཚོགས་འདུ་ནས་ས་གནས་མི་མང་ལ་དཀའ་ངལ་གང་ཡོད་པ་དེ་དག་འབྲེལ་ཡོད་ས་གནས་འགོ་བརྒྱུད་དབུས་བོད་མིའི་སྒྲིགས་འཛུགས་འཛིན་སྐྱོང་བཀའ་ཤག་ལ་ཞུ་དགོས་པ་དང་།  ཁྲིམས་སྒྲིག་དང་འབྲེལ་བའི་གནས་དོན་ཁག་སྤྱི་འཐུས་རྒྱུན་ལས་བརྒྱུད་སྤྱི་འཐུས་གྲོས་ཚོགས་ལ་ཞུ་དགོས་པའི་ལམ་ལུགས་གསར་གཏོད་གནང་ཐུབ་ན་དབུས་བོད་མིའི་སྒྲིགས་འཛུགས་ཀྱི་མ་དངུལ་ལ་སྲི་ཚགས་དང་སྤྱི་འཐུས་ཚོར་མི་མང་ནས་ཆེ་མཐོང་གུས་བརྩི་ཡོང་རྒྱུ་དང་། ས་གནས་མི་མང་ནང་ཁུལ་གྱི་བསམ་བློ་ལ་འགལ་ཟླ་མི་འགྲོ་བ་འཆམ་མཐུན་བདེ་འཇགས་ཡོང་རྒྱའི་དགེ་ཚན་དང་བཅས་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་པ་འདིའི་ཀྱང་མི་མང་གི་འཐུས་མི་སྤྱི་འཐུས་རྣམ་པ་དང་མི་མང་བར་མཐུན་འབྲེལ་དམ་གཙང་དུ་རྒྱུན་རིང་གནས་ཐུབ་པའི་སྨོན་པ་བཟང་པོའི་རྒྱན་སྟེ་རེ་ཞིག་འདིར་འཇུག་བསྡུས་པའོ། 

ཚེ་བརྟན་འགྱུར་མེད།  ཕྱི་ལོ་ ༢༠༢༥ ཟླ་ ༤ ཚེས་ ༧ ཉིན་ཁ་བརྡའི་གསར་ལམ་མམ་གནས་ཚང་བརྒྱུད། གནས་ཡུལ་སོ་སོའི་གསུམ་དུས་ལ་སོམ་དང་། ཞེས་པའི་ནང་ང་རང་གནས་ཡུལ་བྷོ་སོ་ཊོན་ནང་བོད་མི་ཡིན་ཟེར་མཁན་ཆིག་སྟོང་ཙམ་ཡོད་ཀྱང་ལོ་འདིའི་གསུམ་དུས་སྐད་འབོད་ལ་བརྒྱ་ཡང་མིན་འདུག དེ་ལྟར་ཞིག་ཕལ་ཆེར་ས་གནས་གཞན་ལའང་ཡིན་སྲིད། ང་རང་གི་སེམས་སྡུག་གམ་འདི་འདྲ་ཞིག་མ་བྱུང་ནའམ། འདི་ལྟར་ཞིག་འོང་དགོས་ཆེ་བའི་སྐོར་གྱི་གདུང་མོལ་རིང་ཙམ་ཞིག་བོད་རིག་སྤུན་ཟླ་དང་ལྷག་དོན་བྱེས་འབྱོར་སྤུན་ཟླ་རྣམས་ཀྱི་དགོང་དབྱིངས་སུ་ཞུ་གསོལ་འདེབས་རྒྱུའི་གོ་བསྐལ་བྱུང་།། གོང་གི་བློ་ཕམ་དེ་ཡོང་རྐྱེན་ལ་གནས་དོན་གསུམ་ཞུས་པའི་དང་པོ། འཐབ་བརྩོད་རིང་བའི་མཉམ་འགྲུབ་འབྲས་སུ་དམིགས་པ་ཞན་གནས།…

དེ་ལས་མང་བ་། “༈ གཞིས་ལུས་ཀྱི་སེམས་ཤུག་ལ་བློ་སྤོབ། ང་བདེན་གདའ་སྙམ།” »

བསྟན་འཛིན་གྲགས་པ།  (ཨ་རི།) གཅིག་བྱས་ན། ཕྲན་གྱིས་སློབ་དེབ་སྐོར་གསལ་འདེབས་སམ། འབོད་བསྐུལ། དྲན་འཆར་འཕྲིན་ཡིག་མུ་མཐུད་འབྲི་བཞིན་ཡོད་ནའང་། དཔལ་ལྡན་ཤེས་རིག་ལས་ཁུངས་ནས་སློབ་དེབ་གཏན་འབེབས་དང་། དཔེ་བསྐྲུན་ཁང་ལ་དཔར་འདེབས་དང་། འགྲེམས་སྤེལ་ཡང་བྱེད་ལ་ཉེ་བ་ཡིན་ངེས། ཡིན་ནའང་། རང་ཉིད་ལ་འཕྲིན་མུ་མཐུད་ནས་འབྲི་རོགས་གསུང་མཁན་འདུག་ལ། རང་ཉིད་ཀྱིས་དུས་ཚོད་ནམ་བྱུང་ལ་བདུན་རེའི་ནང་ཆུ་ཚོད་གཅིག་ཙམ་བེད་སྤྱོད་ཀྱིས་མུ་མཐུད་ནས་འབྲི་འདུན་ཡོད། ཁ་བརྡ་དྲྭ་ཚིགས་ནས་འདོན་སྤེལ་གནང་པ་དང་། རྒྱ་ཆེའི་ཀློག་མཁན་རྣམས་པས་ཐུགས་སྣང་དགོངས་འཆར་གནང་བར་སྙིང་དབུས་ནས་ཐུགས་རྗེ་ཆེ་ཞུ་གི་ཡོད། ཤོག་གྲངས་…

དེ་ལས་མང་བ་། “ཤེས་རིག་ལས་ཁུངས་ལ་སྤྲིངས་པའི་འཕྲིན། དྲུག་པ།” »

གཞུང་པ་ཚེ་དབང་བསོད་ནམས།   ད་ལྟའི་ང་ཚོ་བོད་ཀྱི་རྒྱལ་དར་དང་རྒྱལ་གླུ་དེ་དག་འདས་པའི་མི་ལོ་དྲུག་ཅུ་རེ་ལྔའི་རིང་ང་ཚོའི་འཛམ་གླིང་མི་མང་གི་མིག་མདུན་དུ་ངོམས་ངོམས་འཕྱར་འཕྱར་བྱས་ནས་རྒྱལ་སྤྱིའི་སྟེང་བོད་རང་བཙན་ཡིན། རྒྱ་དམར་བོད་ནས་ཕར་རྒྱུགས་ཤིག བོད་ཀྱིས་བདག་པོ་བོད་མི་ཡིན། ༧ གོང་ས་མཆོག་སྐུ་ཚེ་ཁྲི་ལོར་བརྟན་པ་ཤོག་ཟེར་བའི་ཐ་སྙད་འོག་ནས་གོ་སྐབས་ནམ་ཐོབ་དང་དུས་ཚོད་ནམ་རག་ལ་ལག་ཏུ་བོད་ཀྱི་རྒྱལ་དར་དང་། ཁ་ལྕེ་ལ་བོད་ཀྱི་རྒྱལ་གླུ་སྦྱར་ནས་མི་ལོ་དྲུག་ཅུ་རེ་ལྔ་ཁུངས་འཁྱོལ་བ་ནས་ད་ཆ་ང་ཚོའི་རྒྱལ་དར་དང་རྒྱལ་གླུའི་མ་འགྲིག་པ་བཟོ་བཅོས་དགོས་པའི་གནད་འགག་ག་པར་ཐུག་ཡོད་ཁྱབ་ཆེ་བའི་རྒྱ་ཆེ་མི་མང་ལ་བཀའ་སྤྱི་གཉིས་ནས་གསལ་བཤད་ཕེབས་དགོས་པ་དང་། མི་ལོ་དྲུག་ཅུ་རེ་ལྔའི་རིང་ང་ཚོའི་གཉེན་ལ་ངོམས་རྒྱུ་དང་དགྲ་ལ་འཕྱར་རྒྱུའི་རྒྱལ་དར་དང་རྒྱལ་གླུའི་འགྲིག་མེད་ན་ད་ལྟ་བར་ང་ཚོའི་རྒྱལ་དར་དང་རྒྱལ་གླུའི་འོག་ཏུ་བོད་དོན་བདེན་མཐའ་སེལ་ཐབས་ལ་སྤྱི་སྒེར་ཚང་མས་ལས་འགུལ་སྤེལ་བ་དེ་ཚོ་ཚང་མ་ནོར་བ་ལ་ངོས་འཛིན་གནང་གི་ཡོད་པ་ཡིན་ནམ། རྒྱལ་དར་དང་རྒྱལ་གླུ། ཤོག་དངུལ་དང་དངུལ་ཊམ། ཐེལ་རྩེ། ལམ་ཡིག་སོགས་ནི་བོད་རྒྱལ་ཁབ་རང་བཙན་ཡིན་པའི་ཁུངས་སྐྱེལ་ལམ་སྒྲུབ་བྱེད་ངོ་མ་དེ་ཚོ་ཡིན་པ་ནས་དེ་ཚོ་ལ་གང་བྱུང་མང་བྱུང་བཟོ་བཅོས་དང་ཡར་བཅུག་མར་འཐེན་སོགས་ནམ་ཡང་བྱེད་མི་ཉན་པ་ནི་འདས་པའི་ལོ་རྒྱུས་ནག་པོ་ཆགས་སྲིད་པ་དང། བཙན་བྱོལ་བོད་མིའི་བཅའ་ཁྲིམས་དོན་ཚན་སོ་དྲུག་ནང་གསལ་བ་བཞིན་སྤྱི་འཐུས་གྲོས་ཚོགས་ཀྱིས་ལས་འགན་དེ་ཁྲིམས་བཟོ་རྒྱུ་ཡིན་པ་འདི་ལྟར། ༼…

དེ་ལས་མང་བ་། “བོད་ཀྱི་རྒྱལ་དར་དང་རྒྱལ་གླུ་གསར་བཟོའི་ཆེད་བཀའ་སྤྱི་གཉིས་ལས་སྒྲུབ་པའི་ཚོགས་ཆུང་བཙུགས་པའི་སྐོར་ལ་དཔྱད་པའི་གཏམ།” »

བསྟན་འཛིན་གྲགས་པ།  (ཨ་རི།) ཤེས་རིག་ལས་ཁུངས་ལ་སྤྲིངས་པའི་འཕྲིན། གསུམ་པ། མུ་མཐུད་ནས་འབྲི་ཡི་ཡིན། དང་པོ་དང་། གཉིས་པ། ཁ་བརྡ་དྲྭ་ཚིགས་སུ་སྤེལ་པར་ཀློག་མཁན་གང་མང་བྱུང་འདུག ཕལ་ཆེར་ཚོད་རྩིས་བྱས་ན། འབྲེལ་ཡོད་ཤེས་རིག་སློབ་དེབ་རྩོམ་སྒྲིག་ཚོགས་མི་ཚོས་ཀྱང་ཐུགས་སྣང་བྱུང་ཡོད་ངེས་ལ། མཁས་པ་བཞད་དགད་ཀྱི་གནས་སུ་ཡང་གྱུར་ཡོད་ངེས། ཡིན་ནའང་། ཕྲན་གྱིས་ཆེས་མཆོག་ཏུ་བཀུར་འོས་མཁས་པ་གཅིག་གིས། རང་ཉིད་ཀྱིས་ལྷག་བསམ་རྣམ་དག་ཐོག་ནས་གཞན་ཕན་གཙོ་བོར་འཛིན་པའི་ལས་ཀར་གཞན་གྱིས་འཕྱ་སྨོད་དང་། སྨད་ར།…

དེ་ལས་མང་བ་། “ཤེས་རིག་ལས་ཁུངས་ལ་སྤྲིངས་པའི་འཕྲིན། གསུམ་པ།” »

བསྟན་འཛིན་གྲགས་པ།  (ཨ་རི།) ཕྲན་གྱིས་དཔལ་ལྡན་ཤེས་རིག་ལས་ཁུངས་ལ་ཕུལ་པའི་འཕྲིན་འདི་མུ་མཐུད་འབྲི་ཡི་ཡིན། དེ་ཡང་བོད་པའི་བཤད་སྲོལ་ལ། ཤོད་མཁན་གྱིས་བཤད་མི་ཤེས་ནའང་། གསན་མཁན་གྱིས་གསན་ཤེས་པ་གནང་རོགས། ལབ་ཀྱི་ཡོད། སྐད་ཆ་འདི་རྒྱུན་འཇགས་སུ་སོང་པའི་སྐད་ཆ་གཅིག་རེད། ཡིན་ནའང་། ཕྱོགས་གཞན་ནས་བཤད་ན་སྐད་ཆ་དེ་ལ་ཆོ་ཟེར་མེད་པ་རེད། བཤད་མ་ཤེས་ན། ཉན་ཤེས་པ་གང་འདྲ་བྱེད་དགོས་སམ། ཧཧ། སྐུ་རྩེད་ཞུས། ཕྲན་རང་ཉིད་རྒྱ་གར་ནང་ལ་སློབ་སྦྱོང་བྱས་པ་དང་།…

དེ་ལས་མང་བ་། “ཤེས་རིག་ལས་ཁུངས་ལ་སྤྲིངས་པའི་འཕྲིན། གཉིས་པ།” »

མགར་རྡོར། 1  སངས་རྒྱས་སྒྲོལ་མས། མི་ལོ་ཉིས་སྟོང་ལྔ་བརྒྱའི་ཡར་སྔོན་ཞིག་ལ། སངས་རྒྱས་གོའུ་ཏ་མ།  ས་འདི་ནས་འཁྲུངས་པ་རེད་ཟེར། ལོས་ཡིན། སྐྱབས་སུ་མཆི། གོའུ་ཏ་མའི་ཨ་ཕའི་ཨ་ཕ་བུ་རམ་གྱི་ཤིང་སྡོང་ཞིག་ལས་སྐྱེས་པ་རེད་ཟེར། ལོས་ཡིན། སྐྱབས་སུ་མཆི། གོའུ་ཏ་མའི་ཨ་མྱེ་ཞིག་གི་མིང་ལ་ཡང་གོའུ་ཏ་མ་ལབ་གི་རེད་ཟེར། ལོས་ཡིན། སྐྱབས་སུ་མཆི། འདུལ་བ་ལུང་ལྟར་ན།…

དེ་ལས་མང་བ་། “སངས་རྒྱས་སྒྲོལ་མ་མཉམ་དུ་ཁ་རྩོད།  ལིམ་བིའི་ཚལ་ནས་སངས་རྒྱས་གླེང་བ།” »

– རྔ་བ་ཀུན་བཟང་། “ཁྱོད་ཨེ་ལི་སི་ཡིན་ནམ།” ངས་ཁྱོད་སྒུག་ནས་ལོ་མང་ཡིན། ད་དུང་དྲིས་ལན་མེད་པ་ཤེས་བཞིན་དུ་ང་ལ་ལྟ་རུ་ཡོང་མཁན་གྱི་མི་རྣམས་ལ་ཨེ་ལི་སི་ཞེས་ཁ་ནས་ཤོར་འགྲོ་དོན། ཁྱོད་སྔར་བཞིན་འཇིན་རྟེན་ན་གཉིད་མི་ཡོང་དོན་འདྲི་འདོད། ངས་ཁྱོད་ཐེངས་དང་པོར་རི་མགོ་གན་གྱི་འཚིག་ཇ་ཁང་ནས་མི་རེ་འགའ་མཉམ་དུ་ཁ་བརྡ་བྱས་པ་མཐོང། ཁྱོད་ཡུལ་དེའི་མི་ཞིག་མིན་པར་ཁྱོད་མདུན་ལ་བཞག་པའི་དེབ་དང་ཆ་ལུགས་རིག་དུས་ཤེལ་ཐལ། ད་དུང་མི་དེ་དག་གི་སྐད་ཆ་ལ་ཁྱོད་དེ་ཙམ་དོ་སྣང་མེད་པར། ཡང་དང་བསྐྱར་དུ་མིག་གིས་ཡར་མར་བལྟ་བྱེད་པ་དང་། རོགས་པ་ཚོས་སྐད་ཆ་དྲིས་པར་ལན་ཡང་མི་རྒྱག ཁྱོད་སྣང་ཚུལ་ལ་བལྟས་ན་མཛའ་མོ་ཐག་རིང་ལ་སྐྱུར་ནས་བུད་ཡོང་མཁན་ཞིག་ལ་རིག་གི དུས་ཐུང་དེ་འདྲ་ཞིག་གི་རིང་ལ་ང་དགའ་སྐྱོ་ཟུང་འབྲེལ་གྱི་སྣང་བ་སྟོང་ཕྲག་བྱུང་ཡང་། ང་འདི་ལྟར་ཐམ་མེ་འཐོམ་མེའི་ངང་མི་འདུག་ཁ་མེད་བྱུང་། ད་དུང་ཁྱོད་མདུན་ལ་བཞག་པའི་“གདོད་མའི་རི་ཚོགས”་ཞེས་པའི་དེབ་དེ་ལ་ཐེངས་གཉིས་པར་ལྟ་བཞིན་ཞོར་ལ་ཁྱོད་ལ་ཅིག་བལྟས་དུས།…

དེ་ལས་མང་བ་། “ཨེ་ལི་སི།” »

མགར་རྡོར། ༡ ང་ལ་མཚོན་ན། དགེ་འདུན་ཆོས་འཕེལ་ཁོང་གླེང་དགོས་ན་ཅུང་དཀའ་མོ་ཞིག་ཡིན་པའི་ཚོར་བ་ནམ་རྒྱུན་ནས་ཡོད་ཡོད་པ་ལྟ་བུ་རེད།  ཆོས་གཞུང་ནས་བཤད་པའི་”སོ་སོ་རང་རིག་ཡེ་ཤེས་སྤྱོད་ཡུལ་བ་”ཅན་པོ་རང་རེད་འདུག དགེ་ཆོས་ཁོང་རིག་གནས་སྣ་འདུས་ཀྱི་མཁས་པ་ཞིག་ཡིན་པས། དོན་ངོ་མར་རང་རིག་པའི་ཡེ་ཤེས་ཀྱི་སྤྱོད་ཡུལ་ཁོ་ན་ལྟ་བུར་སྣང་གི། འོན་ཀྱང་མི་སྐྱོན། ངའི་རྩོམ་ཡིག་འདིར་ཁོང་གི་ཕྱོགས་མང་པོ་ནས་མི་གླེང་། ང་རང་ཆེས་དགའ་ས། ང་ལ་ཆ་རྒྱུས་ཅུང་ཡོད་ས། དགེ་ཆོས་ཀྱི་ལྟ་བའི་ཕྱོགས་ཁོ་ན་མ་གཏོགས་མི་གླེང་། དེ་ཡང་ང་རང་གི་ལྟ་ཕྱོགས་དང་མཐུན་ས་ནས་མ་གཏོགས་མི་བཤད། གཞན་དག་བཤད་ཀྱང་མི་ཤེས། ཨེ་ཤེས་ཀྱང་མི་ལྟ།…

དེ་ལས་མང་བ་། “ནཱ་ལེན་དྲའི་ལྟ་གྲུབ་ཀྱི་མཚམས་ལས་འདས་པའི་དགེ་འདུན་ཆོས་འཕེལ།” »

  གཞུང་པ་ཚེ་དབང་བསོད་ནམས། བོད་རྒྱལ་ཁབ་དང་བོད་མི་རིགས་ཀྱི་རླབས་ཆེན་གྱི་དབུ་ཁྲིད་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་གི་སྐུའི་གཟི་བརྗིད་དང་མཛད་པ་འཕྲིན་ལས་ལ་བརྟེན་ནས་ཨ་རིའི་རླུང་འཕྲིན་ཁང་གི་སྒྲིག་འཛུགས་འོག་བོད་སྐད་སྡེ་ཚན་ ༼ VOA ༽ དང་ ༼ RFA ༽  རླུང་འཕྲིན་ཁང་གཉིས་ནས་བོད་མི་གཞིས་བྱེས་གཉིས་ཀྱིས་སྨྲ་བརྗོད་རང་དབང་གིས་མགྲིན་ཚབ་པ་གནང་ནས་༧ གོང་ས་མཆོག་གི་མཛད་པ་འཕྲིན་ལས་སྐོར་དང་།  བོད་མི་གཞིས་བྱེས་གཉིས་ཀྱི་གནས་སྟངས་སྐོར་ལྷག་པར་དུ་རྒྱ་མིའི་བཙན་འོག་ཏུ་ཡོད་པའི་བོད་མི་ཚོར་གཞི་རིམ་འགྲོ་བ་མིའི་ཐོབ་ཐང་སྨྲ་བརྗོད་རང་དབང་དང་འགྲོ་སྡོད་རང་དབང་སོགས་མེད་པའི་དངོས་ཡོད་གནས་ཚུལ་རྣམས་་འཛམ་གླིང་མི་མང་ལ་བདེན་དཔང་དུ་དུས་ཐོག་ཐད་གཏོང་ཐུབ་པའི་བརྒྱུད་རིམ་ནས་ང་ཚོར་རོགས་རམ་དང་མཐུན་རྒྱུར་རྒྱབ་སྐྱོར་གནང་མཁན་སོགས་ལོ་རེ་ནས་ལོ་རེ་བཞིན་མང་དུ་འགྲོ་བཞིན་པ་འདི་ཡང་གཙོ་བོ་༧ གོང་ས་མཆོག་གིས་རླབས་ཆེན་མཛད་འཕྲིན་དང་ཐུགས་བསྐྱེད་སྨོན་ལམ་ནས་བྱུང་བ་དང་ཡང་དགོས་རླུང་འཕྲིན་ཁང་གཉིས་ཀྱིས་ལས་བྱེད་ཚོའི་ཉིན་མཚན་མེད་པར་ལྷག་བསམ་ཆེན་པོའི་འགན་འཁུར་བླངས་པ་ནས་བྱུང་བ་དང།  གནས་ཚུལ་སྤེལ་བའི་བརྒྱུད་རིམ་ནས་རླུང་འཕྲིན་ཁང་གཉིས་དེ་ང་ཚོའི་སྨྲ་བརྗོད་རང་དབང་གི་མགྲིན་ཚབ་པ་བླ་ན་མེད་པ་དེ་ཡིན་པ་དང་།  ཉེ་ལམ་ཨ་རིའི་སྲིད་གཞུང་གསར་པས་རོགས་དངུལ་བཀག་པ་ནས་གནས་སྐབས་རླུང་འཕྲིན་ཁང་གཉིས་ཀྱིས་ལས་རིམ་འགྲོ་མ་ཐུབ་པ་ནི་ང་ཚོ་བོད་མི་ཚོར་མཚོན་ན་སྨྲ་བརྗོད་ཀྱི་རང་དབང་ལ་དོ་ཕོག་བྱུང་བར་བློ་ཕམ་དང་སེམས་ཚབ་བྱུང་བ་མ་ཟད་བོད་དང་བོད་མིར་རྒྱབ་སྐྱོར་གནང་མཁན་གྱི་མི་སྣ་མང་པོར་བློ་ཚབ་བྱུང་ཡོད་ན་ཡང་རྒྱ་ནག་དམར་གཞུང་དང་རྒྱ་ནག་གི་མངོན་འདོད་སྒྲུབ་མཁན་གྱི་རང་རིགས་མི་ཉུང་བ་ཞིག་ནས་སྐད་གསང་མཐོན་པའི་གཏམ་བཟང་རེད་ཟེར་བ་དང་དགའ་བསུ་ཞུ་མཁན་ཡང་ཡོད་འདུག་པ་དེ་དག་ནི་ལག་པའི་ཕྱི་དང་ནང་མི་ཤེས་མཁན།  བཀའ་དྲིན་ལ་ལོག་མཇལ་བྱེད་མཁན།  སྨད་བུད་གོང་ཆད་ཐ་ཤལ་ལ་ངོས་འཛིན་བྱེད་ཆོག་པ་དང་།  དབུས་བོད་མིའི་སྒྲིགས་འཛུགས་ཀྱི་མང་གཙོའི་ཀ་བ་གསུམ་དང་ལྷག་དོན་དུ་བོད་མི་མང་གི་སྐུ་ཚབ་སྤྱི་འཐུས་ལྷན་ཁང་ནས་གྲོས་ཆོད་ཀྱིས་ལམ་ནས་ཨ་རིའི་སྲིད་གཞུང་ལ་ད་ལྟ་བར་རོགས་དངུལ་མཐུན་རྒྱུར་གནང་བར་ཐུགས་རྗེ་ཆེ་ཞུ་དགོས་པ་དང་རླུང་འཕྲིན་ཁང་གཉིས་ཀྱིས་ལས་རིམ་ཁག་མུ་མཐུད་ནས་སྔར་ལམ་བཞིན་སླར་གསོ་ཡོང་བའི་ཞུ་སྙན་ཡིག་ངག་གཉིས་ནས་འབུལ་དགོས་པ་དེ་བོད་མི་མང་གིས་སྐུ་ཚབ་ཡིན་པའི་ལས་འགན་སྒྲུབ་དགོས་པ་དང་།  ཨ་རིའི་བོད་སྐད་སྡེ་ཚན་གྱི་རླུང་འཕྲིན་ཁང་གཉིས་དེ་བོད་མི་མང་གིས་སྨྲ་བརྗོད་རང་དབང་གིས་མགྲིན་ཚབ་པ་བླ་ན་མེད་པ་དེ་ཡིན་པ་བོད་མི་ཚང་མས་ངེས་པར་དུ་གསལ་པོ་མཁྱེན་དགོས་པ་ནི་རླུང་འཕྲིན་ཁང་འདི་གཉིས་བརྒྱུད་ནས་༧ གོང་ས་མཆོག་གི་རླབས་ཆེན་གྱིས་མཛད་འཕྲིན་ཁག་དང་གཞིས་བྱེས་བོད་མིའི་གནས་ཚུལ་རྣམས་འཛམ་གླིང་མི་མང་ལ་ཐད་ཀར་དུས་ཐོག་གཏོང་ཐུབ་མཁན་རླུང་འཕྲིན་ཁང་དེ་གཉིས་ཡིན་པའི་ངོ་སྤྲོད་ཡང་ཞུ་འདོད་བྱུང་།

  ______ཕྱི་ཟླ་ལྔ་པའི་ཚེས་གསུམ་རྒྱལ་སྤྱིའི་གསར་འགོད་རང་དབང་ཉིན་མོ་སྲུང་རྩི་ཆེད་དུ་བྲིས། ཨ་རིའི་རླུང་འཕྲིན་ཁང་གི་རྒྱ་གར་ལྷོ་ཕྱོགས་ཀྱི་གསར་འགོད་པ་རྒྱལ་མཚན་ཆོས་གྲགས།   སྔོན་གླེང་། ༄༅།།དུས་རབས་༢༡ ཀྱི་འཛམ་གླིང་ནང་གསར་འགྱུར་བརྒྱུད་ལམ་གྱི་ནུས་པ་ནི་ཧ་ཅང་ཆེན་པོ་ཡིན། དེས་མི་མང་གི་བསམ་བློ་དང་ལྟ་ཚུལ་ལ་ཤུགས་རྐྱེན་ཐེབས་པ་མ་ཟད། སྤྱི་ཚོགས་ཀྱི་བསམ་པའི་འཁྱེར་སོ་དང་ཆབ་སྲིད་ཀྱི་ཁ་ཕྱོགས་ལའང་ཤུགས་རྐྱེན་ཐེབས་ཐུབ། བོད་མིའི་སྤྱི་ཚོགས་ནང་ཨ་རིའི་རླུང་འཕྲིན་ཁང་(VOA) དང་ཨེ་ཤི་ཡ་རང་དབང་རླུང་འཕྲིན་ཁང་(RFA) གྱི་བོད་སྐད་སྡེ་ཚན་གཉིས་ཀྱིས་བོད་མི་མང་པོའི་བསམ་བློ་དང་ལྟ་ཚུལ་ལ་ཤུགས་རྐྱེན་ཆེན་པོ་ཐེབས་ཡོད། དེ་རིང་ནི་རྒྱལ་སྤྱིའི་གསར་འགོད་རང་དབང་གི་ཉིན་མོ་སྲུང་བརྩི་བྱེད་པ་དང་བསྟུན་རྩོམ་ཡིག་འདིའི་ནང་ངས་རླུང་འཕྲིན་ཁང་དེ་དག་གི་གལ་གནད་དང་། རླུང་འཕྲིན་ཁང་་དག་གིས་བོད་དོན་འཐབ་རྩོད་ལ་ཞབས་འདེགས་ཇི་ལྟར་བསྒྲུབས་པ། རླུང་འཕྲིན་ཁང་གཉིས་སྒོ་བརྒྱབ་པར་དགའ་བསུ་ཞུ་མཁན་ཚོའི་བསམ་ཚུལ།…

དེ་ལས་མང་བ་། “མང་གཙོའི་ཀ་བ་བཞི་པ་ཉམས་ཉེས་སུ་གཏོང་བའི་ནོར་འཁྲུལ།” »

 གཞུང་པ་ཚེ་དབང་བསོད་ནམས།     ཨ་རིས་མཚོན་པའི་ནུབ་ཕྱོགས་འབྱོར་ལྡན་རྒྱལ་ཁབ་ཚོའི་རོགས་དངུལ་མང་ཆེ་བ་འགྲོ་བ་མིའི་བདེ་རྩའི་ཆེད་གནང་གི་ཡོད་པ་དང་།   ཁག་གཅིག་ཆབ་སྲིད་དང་དམག་དོན་ལ་ཁ་ཕྱོགས་ནས་ཕྱོགས་གཏོགས་འགན་འཁུར་འོག་ཏུ་རོགས་དངུལ་གནང་བཞིན་པ་དང་།   ང་ཚོ་བོད་མི་ཚོར་རོགས་དངུལ་གནང་བ་དེ་ཚོ་འགྲོ་བ་མིའི་བདེ་རྩ་ལ་དམིགས་ནས་གནང་བཞིན་པ་དང་།   རྒྱ་མིས་བོད་བཙན་བཟུང་གིས་༧ གོང་ས་མཆོག་གི་དབུ་ཁྲིད་འོག་བོད་མི་བརྒྱད་ཁྲི་ལྷག་ཙམ་ཞིག་རྒྱ་བལ་འབྲུག་གསུམ་ནང་བཙན་བྱོལ་དུ་འབྱོར་བ་ནས་དུས་ད་ལྟ་བར་མི་ལོ་དྲུག་ཅུ་ལྷག་ཙམ་རིང་ང་ཚོ་ཕྱིའི་རོགས་དངུལ་ལ་སྐྱབས་བཅོལ་ནས་འཚོ་བ་སྐྱེལ་བཞིན་པ་དེ་བོད་མི་ཚང་མས་ཤེས་པ་གནང་ནས་ད་ཆ་ང་ཚོ་སོ་སོའི་རྐང་པའི་ཐོག་སོ་སོ་རང་ཉིད་ལངས་ཐུབ་པའི་འགན་འཁུར་འོག་ནས་གཞན་བརྟེན་འཚོ་སྐྱེལ་གྱི་བསམ་བློ་དོར་དགོས་པའི་དུས་ལ་བབས་པ་ནི་ཉེ་ལམ་ཨ་རིས་གཞུང་གསར་པས་ཕྱི་ཁག་ལ་གནང་བཞིན་པའི་རོགས་དངུལ།  ༼  USAID ༽   ༼  DRL ༽  ༼  PRM ༽  བཅས་དེ་དག་གནས་སྐབས་ཉིན་གྲངས་དགུ་བཅུ་རིང་བཀག་རྒྱུའི་གསལ་བསྒྲགས་ཕེབས་པ་ནས་ང་ཚོའི་ད་དུང་མུ་མཐུད་ནས་རེ་བ་བཅོལ་རྒྱུ་དེ་མི་རིགས་ཞིག་འཚོ་གནས་ཐུབ་པའི་དཔལ་འབྱོར་འདུ་འགོད་ཀྱི་སྲིད་བྱུས་ཡང་དག་ཞིག་ཡིན་པ་དུས་ནམ་ཡང་ཁས་ལེན་མི་ཐུབ་པ་ནས་ང་ཚོ་འགྱེལ་ས་ནས་ལངས་ཐུབ་པ་དང་ལངས་ས་ནས་འགྲོ་ཐུབ་པའི་ཐབས་ལམ་ཚོལ་དགོས་པ་དེ་ཕྱི་སྐྱོན་མེད་ན་ཡང་སྔ་སྐྱོན་གང་ནས་ཡོད།  ཨ་རིས་མཚོན་པའི་ནུབ་ཕྱོགས་འབྱོར་ལྡན་རྒྱལ་ཁབ་ལ་ང་ཚོའི་མུ་མཐུད་ནས་ལག་པ་སྐྱང་ནས་མ་བཞུགས་པར་རྒྱ་གར་དབུས་གཞུང་ནང་སྲིད་ལས་ཁུངས་ནས།  ༼  བཙན་བྱོལ་བོད་མིར་མཐུན་རྐྱེན་སྦྱོར་སྤྲོད་བྱེད་ཕྱོགས་ཀྱི་སྲིད་བྱུས།   ༢༠༡༤   THE  TIBETAN  REHABILITATION  POLICY -2014 ༽  ཞེས་པའི་ལོ་རྒྱུས་ཀྱི་རང་བཞིན་ལྡན་པའི་གལ་ཆེའི་ཡིག་ཆ་འདི་བརྒྱུད་ནས་བོད་མི་བཙན་བྱོལ་བ་ཚོའི་འཚོ་བའི་མདུན་ལམ་གཞན་ལ་བརྟེན་མ་དགོས་པ་རང་ཁ་རང་གསོ་དང་།  རང་མི་རང་ལས།  རང་དོན་རང་གཅེས།  རང་འགན་རང་འཁུར་བྱས་ནས་བཙན་བྱོལ་བོད་མིའི་སྒྲིགས་འཛུགས་འདི་གཞིས་བྱེས་མཉམ་འཛོམས་མ་ཐུབ་བར་མུ་མཐུད་ནས་སྲ་བརྟན་དང་རྒྱུན་གནས་ཐུབ་དགོས་པའི་འགན་དེ་བོད་མི་བཙན་བྱོལ་བ་ཚང་མར་ཡོད་པ་བཅའ་ཁྲིམས་དོན་ཚན་བཅུ་སུམ་ནས་ངོ་སྤྲད་ཡོད་པ་མཁྱེན་པ་གནང་ནས་གནས་ཡུལ་རྒྱལ་ཁབ་ཀྱི་ཁྲིམས་ལུགས་འོག་ནས་སྤྱི་སྒེར་ཚང་མས་ཡོང་འབབས་ལས་གཞི་བཟོ་ལས་འདྲ་མིན་བཙུགས་ནས་སྤྱི་སྒེར་གཉིས་ཀྱི་དཔལ་འབྱོར་འདུ་འགོད་ཁྲིམས་མཐུན་འོག་གཉེར་དགོས་པ་མི་ནི་རིགས་ཞིག་གཞན་བརྟེན་འཚོ་བ་ལས་གྲོལ་ཐུབ་པའི་དཔལ་འབྱོར་འདུ་འགོད་ཀྱིས་ཐབས་ལམ་བཟང་ཤོས་དེ་ཡིན་པའི་ངོས་འཛིན་དང་བཅས་དབུས་བོད་མིའི་སྒྲིགས་འཛུགས་ཀྱི་མང་གཙོའི་ཀ་བ་འཛིན་སྐྱོང་བཀའ་ཤག་དང་།  ཁྲིམས་བཟོ་སྤྱི་འཐུས་གྲོས་ཚོགས།  ཁྲིམས་ལུགས་དབང་འཛིན་ཆེས་མཐོའི་ཁྲིམས་ཞིབ་ཁང་།  ཁྱབ་ཆེ་བའི་རྒྱ་ཆེ་མང་ཚོགས་བཅས་ནས་གུས་པའི་བསམ་ཚུལ་ལ་ཐུགས་ཞིབ་གནང་བའི་ཡིད་ཆེས་དང་བཅས་མི་ལོ་དྲུག་ཅུའི་རྗེས་ནས་ང་ཚོ་ཨ་རིས་མཚོན་པའི་ནུབ་ཕྱོགས་རྒྱལ་ཁབ་ཀྱིས་རོགས་དངུལ་གྱིས་འོག་ནས་གྲོལ་ཐུབ་པའི་ཐབས་ལམ་བཟང་ཤོས་དང་བརྟན་ཤོས་དེ་མུ་མཐུད་ནས་རོགས་དངུལ་ལ་སྐྱབས་བཅོལ་ནས་མ་བཞུགས་པར་རང་ཁ་རང་གསོ།  རང་མི་རང་ལས།  རང་དོན་རང་གཅེས།  རང་འགན་རང་གིས་འཁུར་ནས་འཛམ་གླིང་འདིའི་ཐོག་འཚོ་བའི་མི་རིགས་སྤྱི་མཚུངས་ལྟར་འགྱེལ་ས་ནས་ལང་ཐུབ་པ་དང་ལང་ས་ནས་འགྲོ་ཐུབ་དགོས་པའི་དུས་ལ་བབས་མི་འདུག་གམ།