མི་ནུབ་པའི་རྒྱལ་མཚན། (དགུང་གྲངས་གྱ་དགུ་འཁོར་བའི་འཁྲུངས་སྐར་སྙིང་ནས་བསུ།) འཛམ་གླིང་ཞི་བདེའི་དེད་དཔོན།། སངས་རྒྱས་བསྟན་པའི་སྲོག་ཤིང་།། གངས་ཅན་པ་ཡི་མགོན་སྐྱབས།། ༸རྒྱལ་དབང་བསྟན་འཛིན་རྒྱ་མཚོ།། དགུང་གྲངས་གྱ་དགུར་ཕེབས་པའི།། སྐུ་ཡི་འཁྲུངས་སྐར་རྟེན་འབྲེལ།། བསྐལ་བཟང་ཉིན་མོ་འདི་ལ།། གསོལ་བ་སྨོན་ལམ་འདེབས་སོ།། ༸རྒྱལ་དབང་བསྟན་འཛིན་རྒྱ་མཚོ།། སྐུ་ཚེ་ཡུན་རིང་བརྟན་ཅིང་།། ཐུགས་བཞེད་ལྷུན་གྱིས་འགྲུབ་པའི།།…
གཞུང་པ་ཚེ་དབང་བསོད་ནམས། ཉེ་ལམ་སྤྱི་ཟླ་ལྔ་པའི་ཚེས་ ༢༩ འཁོད་པའི་སྤྱི་འཐུས་རྒྱུན་ལས་ནས་ས་གནས་འཐུས་ཚོགས་རྣམས་ཀྱི་ཆེད་རྒྱུན་མཁོའི་རྩ་འཛིན་ལམ་སྟོན་ཟེར་བའི་དོན་ཚན་ཉེར་བཞི་ཡོད་པའི་ཡིག་ཆ་་ཞིག་བོད་མིའི་གཞིས་སྒར་ས་འཐུས་ཡོད་ས་ཚང་མར་གནང་འདུག་ན་ས་གནས་འཐུས་མིའི་སྒྲིག་འཛུགས་དེ་བཞིན་བཙན་བྱོལ་བོད་མིའི་བཅའ་ཁྲིམས་ལེའུ་བདུན་པ། བོད་མིའི་གནས་ཡུལ་ས་གནས་ཁག་གི་སྒྲིག་འཛུགས། དོན་ཚན་དོན་བརྒྱད་འོག་བཀོད་སྒྲིག་གནང་བའི་ས་གནས་ཀྱི་ཁྲིམས་བཟོ་ལྷན་ཚོགས་དེ་ཡིན་པ་དང་། བཙན་བྱོལ་བོད་མིའི་བཅའ་ཁྲིམས་ཀྱིས་ནུས་པ་ཐོན་ནས་ཀོ་ལི་གྷལ་དོན་གླིང་ས་གནས་འཐུས་མིའི་སྒྲིག་འཛུགས་འདི་བཞིན་སྤྱི་ལོ་ ༡༩༩༢ ལོའི་ཟླ་བ་ ༢ པའི་ནང་དངོས་སུ་བཙུགས་ནས་བཅའ་ཁྲིམས་དོན་ཚན་དོན་བརྒྱད་པའི་ནང་གསེས་ཁ་པའི་འོག་འཐུས་མི་གྲངས་བཅུ་དགུ་ལ་གཏན་འབེབས་ཞུས་ནས་ས་འཐུས་སྐབས་དང་པོ་ནས་བཅའ་ཁྲིམས་དོན་ཚན་གྱ་གཉིས་འོག་ས་གནས་འཐུས་མི་ཚོགས་འདུའི་སྒྲིག་གཞི་དོན་ཚན་ཉེར་བརྒྱད་ཅན་དང་། གཞིས་མིའི་སྒྲིག་གཞི་དོན་ཚན་ཉེར་གཅིག་ཅན་བཅས་གཏན་འབེབས་གནང་བ་དང་། ས་འཐུས་སྐབས་གཉིས་པ་ནས་བཅའ་ཁྲིམས་དོན་ཚན་དོན་བརྒྱད་པའི་ནང་གསེས་ཀ་པའི་འོག་ས་འཐུས་གྲངས་ཉི་ཤུ་རྩ་གཅིག་ལ་གཏན་འཁེལ་ཞུས་པ་དང། བཅའ་ཁྲིམས་དོན་ཚན་གྱ་བདུན་འོག་ས་གནས་འཐུས་མིའི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་ལྔ་བཅུ་ང་བདུན་ཅན་གཏན་འབེབས་གནང་བ་དང་། ས་འཐུས་སྐབས་བཅུ་པ་ནས་བཅའ་ཁྲིམས་དོན་ཚན་གྱ་གཉིས་འོག་ས་འཐུས་རྒྱུན་ལས་ཀྱི་སྒྲིག་གཞི་དོན་ཚན་བཅུ་གཅིག་ཅན་གཏན་འབེབས་གནང་ནས་བཅའ་སྒྲིག་དང་མ་འགལ་བའི་ཐོག་ནས་ས་འཐུས་སྐབས་དང་པོ་ནས་ད་ལྟ་སྐབས་བཅུ་གཅིག་བར་འགྲོ་བཞིན་པ་དང་།…
སྔོན་གླེང་གཤེན་བོན་སྨྲང་གྱེར། སྤྱིར་ན་“ལོ་ངོ་འབུམ་ཕྲག་དུ་མའི་ཡར་སྔོན་དུ་གོ་ལ་འདིའི་སྟེང་ན་མ་མཐའ་མི་རྒྱུད་མི་འདྲ་བ་དྲུག་ལྷན་དུ་འཚོ་གནས་བྱས་ཡོད་”པའི་སྐོར་སྙན་གྲགས་ཅན་གྱི་དཔེ་དེབ་<<མིའི་རིགས་ཀྱི་ལོ་རྒྱུས་སྙིང་བསྡུས་>>སོགས་ལས་གསལ་བ་མ་ཟད། མཚོ་བོད་མཐོ་སྒང་དུའང་མ་མཐའ་ལོ་ཁྲི་ཚོ་འགའ་ཤས་གོང་ནས་འགྲོ་བ་མི་འཚོ་སྡོད་བྱེད་ཀྱི་ཡོད་པའི་ལོ་རྒྱུས་ཀྱི་དངོས་དཔང་རྙེད་དེ། སྟོན་པ་ཐུབ་པའི་དབང་པོ་འདས་རྗེས་སུ་གཞི་ནས་བོད་དུ་མཚོ་སྐམ་ནས་མིའི་འགྲོ་བ་ཆགས་རབས་སོགས་ཆོས་ཞེན་གྱི་སྒྲུང་གཏམ་དེ་དག་གི་མཐིལ་ཡོངས་སུ་བརྟོལ་ཟིན་པས། ང་ཚོས་བོད་མཐོ་སྒང་དུ་ཤེས་རིག་གི་དེད་དཔོན་ཆེན་པོ་སྟོན་མཆོག་གཤེན་རབ་མི་བོ་ཆེ་བྱོན་ནས་ད་བར་མི་ལོ་ཇི་ཙམ་སོང་ཡོད་མེད་གཟུ་བོའི་བློ་ཡིས་ད་དུང་བརྟག་དཔྱད་དགོས་གལ་ཆེ་མོད་ཀྱང་། གལ་ཏེ་སྲོལ་རྒྱུན་ལྟར་ཆིག་ཁྲི་ལྷག་ཙམ་འགོར་ཡོད་པའི་དབང་དུ་བཏང་རུང་བློ་ངོར་མི་ཤོང་བ་དང་ཡ་མཚན་དགོས་པའི་གནས་ཚུལ་ཅི་ཡང་མིན་པར་འདོད། གང་ལྟར་ཀྱང་དུས་ཇི་ཙམ་ནས་སྨྲ་ཤེས་ཤིང་དོན་གོ་བའི་འགྲོ་བ་མི་ཡོད་པ་དེ་ཙམ་ནས་ཤེས་རིག་འཕེལ་རྒྱས་འགྲོ་བའི་འགོ་ཚུགས་དགོས་པ་ནི་བྱུང་བ་རིག་པའི་སྤྱི་འགྲོས་ནས་དཔོག་ཐུབ་ཅིང་། བོད་གངས་ཅན་ལ་ཆ་མཚོན་ན་དམིགས་སུ་བཀར་ནས་ཤེས་རིག་འཐུས་ཚང་དང་ཚད་ལྡན་གྱི་ཐོག་མའི་སྲོལ་བཏོད་པའམ་ཤེས་ཡོན་པའི་སྣེ་ཁྲིད་མཁན་རླབས་ཆེན་གྱི་སྐྱེས་བུ་དེ་ནི་སྟོན་པ་གཤེན་རབ་མི་བོ་ཆེ་ཡིན་པར་སྨོས་སུ་མེད་ལ། སྐབས་དེའི་ཚེ་དེའི་དུས་ཀྱི་ཤེས་རིག་གི་རྨང་གཞི་ཐོག་མ་དེ་ཡང་འཇིག་རྟེན་བདེ་བྱེད་ཀྱི་རྒྱུ་ཡི་བོན་བཞི་འདི་དག་ཡིན་པ་བོན་གྱི་ལོ་རྒྱུས་རྣམས་སུ་ཡོངས་གྲགས་ཡིན་པར་ལྟར། ལོ་རྒྱུས་འཕེལ་འགྱུར་གྱི་དབང་དུ་བྱས་ནའང་དང་པོ་ཚེ་འདིའི་བདེ་ཐབས་དོན་དུ་གཉེར་བའི་བསམ་བློ་རགས་པ་ནས་རིམ་བཞིན་རྒྱུ་མཚན་གྱི་སྒོ་དུ་མར་གཞིགས་ཏེ་སྐྱེ་བ་སྔ་ཕྱིའི་རྣམ་བཞག་འཇོག་པའི་བློ་རིག་ཕྲ་བ་རྣམས་འཕེལ་རྒྱས་སུ་འགྲོ་དགོས་པ་དེ་བས་ཀྱང་སྨོས་མེད་ཡིན་པས་སོ། ། མདོར་ན་བོད་གངས་ཅན་གྱི་ཡ་ཐོག་གི་ཤེས་རིག་ནི་“ཆབ་ནག་སྲིད་པ་རྒྱུད་ཀྱི་བོན་སྐོར་”དང་ཁ་འབྲལ་ཐབས་མེད་པའི་འབྲེལ་བ་དམ་ཟབ་ལྡན་པར་མ་ཟད། དུས་ད་ལྟའི་བར་དུའང་རང་རེའི་ཆོས་དང་རིག་གཞུང་ཡོད་ཚད་ཀྱི་གློ་སྙིང་ནང་ཁྲོལ་དང་ཤ་རུས་པགས་གསེང་དུ་“ཆབ་ནག་སྲིད་པ་རྒྱུད་ཀྱི་བོན་སྐོར་”འདི་དག་སིམ་འཛུལ་བྱས་ཡོད་སྟབས། བོད་ཀྱི་རིག་གཞུང་ལ་གལ་འགངས་ཆེ་ཆེ་ལྟར་བརྩི་བཞིན་དུ་བོན་ལ་དམའ་འབེབས་དང་དམན་པར་བལྟ་བ་ནི་རང་མགོ་ཆུ་བླུག་གི་དཔེ་ལས་མ་འདས། བོན་པོ་མ་ཡིན་པའི་སྤྱི་ཚོགས་ནང་བོན་གྱི་ཆོས་དང་རིག་གཞུང་ལ་གཟིགས་རྟོག་བྱེད་མཁན་ཉུང་བའི་ཚོད་ལ་གཞིག་ན། “ཆབ་ནག་སྲིད་པ་རྒྱུད་ཀྱི་བོན་སྐོར་”འདི་ལ་ཅུང་ཟད་ཐུགས་སྣང་དང་གླེང་སློང་བྱེད་མཁན་མང་བ་དེ་ནི། བོན་སྒོ་འདིས་བོད་ཀྱི་སྤྱི་ཚོགས་ལ་ཐེབས་པའི་ཤུགས་རྐྱེན་དབང་གིས་བོད་གླེང་ས་ལ་བོན་མ་གླེང་ཐབས་མེད་ལྟ་བུར་ཆགས་ཡོད་པས་ཡིན། དེ་ལྟར་གླེང་སློང་མཁན་ཅུང་ཟད་མང་བའི་ཚོད་ལ་གཞིག་ན། གཞི་བཤད་མཁན་ནི་ད་དུང་ཚད་དམའ་ས་དང་། འཕྲང་དོག་ས་ཞིག་ཏུ་ལུས་སྡད་པའི་ཚོར་བ་འགོག་མེད་དུ་སྟེར། དེའི་རྒྱུ་མཚན་ནི། རང་རེ་བོད་ཀྱི་མཁས་པར་འཆེ་བ་ཕལ་མོ་ཆེས་རང་ཉིད་ཆོས་བརྒྱུད་བྱེ་བྲག་པ་གང་ལ་གཏོགས་པ་དེ་ཙམ་ལས་མིག་རྒྱང་གཞན་དུ་བསྐྱེད་པའི་ལམ་སྲོལ་དང་དྲང་ཚུགས་མེད་ཅིང་། ཉེ་རབས་ཀྱི་མཁས་པ་ཕལ་ཆེ་བས་གལ་ཏེ་“ཆབ་ནག་སྲིད་པ་རྒྱུད་ཀྱི་བོན་སྐོར་”ལྟ་བུའི་བོད་རང་སའི་ཆོས་དང་རིག་གཞུང་གི་ཐད་ནས་ངེས་པར་དུ་གླེང་དགོས་བྱུང་ན། ནུབ་ཕྱོགས་ཞིབ་འཇུག་པ་ག་གེ་མོའི་གཡམ་ལ་རྒྱུགས་པ་ཙམ་དུ་ཟད། ཕྱི་གླིང་པ་བརྒྱ་ཆ་དགུ་བཅུ་ཡས་མས་ཀྱིས་འཛམ་གླིང་སྤྱི་ཡི་གནས་སྟངས་ལ་ཚད་མཇལ་ནས་བོད་གནའ་རབས་ཀྱི་ཆོས་རིག་ལ་སྡོམ་ཚིག་བཏབ་པ་ཙམ་ལས། དངོས་སུ་ཁ་ཡོད་ལག་ཡོད་ཀྱི་དཔེ་ཆའི་ནང་དོན་བསྔོགས་པའི་སྐད་ཡིག་གི་མཐུན་རྐྱེན་དབུལ་ཞིང་། གལ་ཏེ་སྐད་ཡིག་ཙམ་ལ་མ་རྨོངས་རུང་གཏིང་ཟབ་པའི་ནང་དོན་གོ་འགྲེལ་ཐུབ་མཁན་ནི་ཉིན་མོའི་སྐར་མ་ལས་ཀྱང་ཉུང་། དེ་བས་བོད་རང་སའི་ཆོས་ལུགས་ལ་ཐུགས་སྣང་བྱེད་མཁན་ཉུང་ཤས་རེ་ཡོད་པ་དག་གིས་ཐ་སྙད་སྐམ་པོ་ཙམ་ལ་གཤིབ་བསྡུར་བྱེད་པ་ལས་ནང་དོན་ཟབ་མོ་དེ་དག་གི་བྲོ་བ་མྱོང་བའི་སྐལ་པ་ཐོབ་པ་ནི་སྲིད་མཐའ་ཙམ་དུ་གྱུར། རང་རེའི་བོད་པ་ཚོས་ཕྱོགས་གཅིག་ནས་བོད་གངས་ཅན་པ་ནི་འཛམ་གླིང་མི་རིགས་ཀུན་གྱི་ནང་ནས་ཕུད་དང་ཡང་རྩེ་ཡིན་སྐོར་རང་སྣང་སྐྱིད་པའི་གཏམ་བཤད་རྒྱུར་དགའ་ཡང་། ཕྱོགས་གཞན་ཞིག་ནས་མི་རིགས་རང་གི་ཕ་མེས་ཡང་མེས་རྣམས་ཀླ་ཀློ་དང་སྤྲ་སྤྲེལ་གྱི་རྣམ་པར་བསྙད་ཅིང་བོད་ཡུལ་ནི་མུན་ནག་དང་གདུག་རྩུབ་ཀྱི་འཇིག་རྟེན་ཞིག་སྟེ། ལེགས་ཚོགས་ཡོད་རྒུ་ཁྱིམ་མཚེས་ཀྱི་རྒྱལ་ཁབ་ལ་ཕར་གཏུགས་པའི་འདུ་ཤེས་དེ་དུས་ད་དུང་ཡང་དོར་མེད། ཆ་ཡོད་རྒྱུས་ཡོད་ཀྱི་རྒན་རབས་རྣམས་གཅིག་རྗེས་གཉིས་མཐུད་དུ་མི་རྟག་གཞན་དབང་གིས་ཞིང་ཁམས་བརྗེས་ཤིང་། མི་རབས་གསར་པ་ཉུང་ཤས་ཤིག་འཚར་ལོང་འབྱུང་བཞིན་ལགས་ཀྱང་ཁོར་ཡུག་རྐྱེན་དབང་གིས་ལྟ་གྲུབ་བརྗེས་ཏེ། ད་ལྟ་རང་རེའི་ཤེས་རིག་རྣལ་མ་ནི་ཕྱི་ནང་གི་གཉེན་འཕྲང་དུ་མའི་བར་ན་སྐྱ་ཟད་སྔོ་སྡུག་ཅིག་ཏུ་འགྱུར་བཞིན་པའི་སྐབས་འདིར། རྩོམ་པ་པོ་ཁོང་གིས་རང་ཉིད་མི་ལོ་ཉི་ཤུ་མ་ཟིན་ཙམ་གྱི་རིང་རང་རེ་བོད་མཐོ་སྒང་གི་ཤེས་རིག་ངོ་མ་ཐེག་པ་རིམ་དགུས་མཚོན་པའི་བོན་གྱི་ཆོས་དང་རིག་གཞུང་ལ་སློབ་སྦྱོང་དང་དཔྱད་ཞིབ་བགྱིས་པར་མ་ཟད། ལྷག་བསམ་ཆེར་བསྐྱེད་ཀྱིས་སླར་ཡང་ཆེད་མངགས་མི་ལོ་གསུམ་གྱི་རིང་“ཆབ་ནག་སྲིད་པ་རྒྱུ་ཡི་བོན་སྐོར་”ལ་བསྐྱར་སྦྱོང་དང་ཉམས་ཞིབ་བགྱིས་ཏེ་གྲུབ་འབྲས་ཡིག་ཐོག་བཀོད་པ་འདི་ནི། རྒྱུས་མེད་རྣམས་ཀྱིས་སྟོང་གཏམ་བཤད་པ་དང་གཏན་ནས་མི་འདྲ་བར། རྒྱུས་ཡོད་ཅིག་གིས་རྒྱུས་གཏམ་གླེང་བ་ཡིན་པས་ཕྱོགས་གང་ཅིའི་ཐད་ནས་དགེ་མཚན་སྣ་མང་ལྡན་པར་བདག་གིས་གདེང་སྤོབས་ཆེན་པོའི་སྒོ་ནས་ཞུ་འདོད་བྱུང་། ལར་ནས་བོད་ཀྱི་ཆོས་དང་རིག་གཞུང་རྣམས་ཆུ་འགོ་གངས་གཏུགས་ཀྱིས་འགོ་ཁུངས་དང་ཕུགས་རྩ་ངེས་པར་དུ་ཤེས་དགོས་ན། “ཆབ་ནག་སྲིད་པ་རྒྱུད་ཀྱི་བོན་”ནི་དེའི་གཞུང་ཤིང་ངམ་བླ་སྲོག་ལྟ་བུ་ཞིག་ཡིན། བོད་དང་ཧི་མ་ཡའི་རི་རྒྱུད་ཀྱི་སྤྱི་ཚོགས་སུ་མོ་བོན་སྨན་རྩིས་དང་བསང་གསོལ་ཀླུང་དར་འཛུགས་པ་སོགས་རྒྱུན་གཏན་གྱི་འཚོ་བའི་ནང་ཁ་འབྲལ་ཐབས་མེད་པའི་ཆོས་དང་རིག་གཞུང་ཕལ་མོ་ཆེ་ནི་“ཆབ་ནག་སྲིད་པ་རྒྱུད་ཀྱི་བོན་”་ཁོངས་སུ་གཏོགས་ཤིང་། དེ་ལྟར་དུའང་ཀུན་གྱིས་མགྲིན་དབྱངས་གཅིག་གྱུར་དུ་ཞལ་གྱིས་བཞེས་མོད། དེས་མོ་རྩིས་གཏོ་དཔྱད་ཀྱི་བོན་སྐོར་རྣམས་འགྲོ་བ་མི་རྣམས་ཀྱི་འཚོ་བའི་ནང་དགོས་མཁོ་དང་བྲིན་རྒྱུག་ཆེ་བར་མཚོན་ཐུབ་པ་ལས། དེ་ཙམ་གྱིས་བོན་བསྟན་ཡོངས་རྫོགས་ཁ་ཚོན་ཆོད་པ་ག་ལ་ཡིན་ཏེ་མ་ཡིན་ནོ། ། སྟོན་པ་གཤེན་རབ་ཀྱིས་ཐོག་མར་མོ་རྩིས་གཏོ་དཔྱད་སོགས་རྒྱུ་བོན་བཞི་བསྟན་དགོས་དོན་ནི། གནད་དོན་གཉིས་རང་ལ་ཐུག་པར་གསུངས་པ་སྟེ། དང་པོ། སངས་རྒྱས་བསྟན་པ་སྐྱོང་བར་བྱེད་པ་ལ་ཚེ་འདིར་ཕན་བདེ་ལེགས་ཚོགས་ཀྱི་དཔལ་ཡོན་དར་དགོས་པར་བརྟེན་འཇིག་རྟེན་བདེ་བྱེད་རྒྱུ་ཡི་བོན་དེ་སྔོན་དུ་བསྟན་པར་གསུངས། གཉིས་པ། ཐབས་ལ་མཁས་པའི་འདུལ་བྱེད་ཀྱི་སྟོན་པས་གདུལ་བྱ་འགྲོ་བའི་དཔྱོད་ཤེས་ཀྱི་བློ་རིག་གོང་འཕེལ་འགྲོ་བའི་བརྒྱུད་རིམ་དང་བསྟུན་ནས་བོན་གསུངས་དགོས་པ་སྨོས་མེད་ཡིན་པས། དང་ཐོག་འབྲས་བུའི་བོན་གསུངས་པའི་སྣོད་མེད་སྟབས་མི་རྣམས་རང་འབྱུང་གི་ཁམས་ཆེན་པོར་འཚོ་བའི་ནང་འགལ་རྐྱེན་སེལ་བའི་རྒྱུ་བོན་དེ་དག་གསུངས་པར་བཤད་པས། རྒྱུ་མཚན་དེ་གཉིས་ནི་ལོ་རྒྱུས་དངོས་གཙོ་དང་མཐུན་པ་ཞིག་ཡིན་པར་སོང་། ཁས་ལེན་འདོད་ཡོད་མེད་གང་ལྟར་ཀྱང་དོན་དངོས་ཀྱི་བྱུང་བ་ཞིག་ཏུ་ཆགས་ཡོད། ཕྲན་ཆུང་རང་ཉིད་ནི་རྩོམ་དེབ་འདི་ཐོག་མར་དབུ་བརྩམས་ནས་མཐར་དཔར་དུ་མ་བཏབ་བར་གྱི་བརྒྱུད་རིམ་ལ་རྒྱུས་མངའ་ཆེ་ཤོས་དེ་ཆགས་ཡོད་སྟབས། མཚམས་འདི་ནས་དཔེ་དེབ་ཀྱི་ནང་དོན་མཚམས་སྦྱོར་ཉུང་བསྡུས་ཤིག་ཞུ་རྒྱུ་ཡིན། དང་པོ། སྔོན་འགྲོའི་ལེའུ་རུ་དེང་དུས་ཉམས་ཞིབ་ཀྱི་དཔྱད་རྩོམ་འབྲི་བའི་ལམ་ལུགས་ལྟར་ཁ་བྱང་བདམས་པའི་དམིགས་ཡུལ་དང་། ད་ལྟའི་བར་དཔྱད་བརྗོད་ཀྱི་གནས་བབ། དཔྱད་བརྗོད་ཀྱི་ཐབས་ལམ། དཔྱད་གཞིའི་ཡིག་ཚང་ངོ་སྤྲོད་བཅས་ཚན་པ་བཞི་རུ་བགོས་ཏེ། ཁོང་གིས་བརྗོད་གཞི་འདི་ཉིད་དམིགས་བཟུང་དགོས་པའི་གལ་གནད་དང་། ད་བར་འདིའི་སྐོར་གྱི་སྟོང་ཆ། ཐེངས་འདིར་སྟོང་ཆ་ཁ་སྐོང་གི་རྩོམ་ཡིག་འབྲི་བར་ཐབས་ལམ་ཇི་ལྟར་བཀོལ་ཚུལ། དེའི་རྒྱབ་བརྟེན་ཡིག་ཚང་གཙོ་ཕལ་གང་ཡིན་སོགས་གསལ་བར་བཤད་དེ་ཀློག་པ་པོ་རྣམས་སྔོན་འགྲོའི་ལེའུ་ཚན་བཞི་པོ་རོབ་ཙམ་མཇལ་བས་བརྗོད་གཞི་དངོས་ལ་འཇུག་པར་སྤྲོ་བ་འཕེལ་ངེས་སུ་བྲིས་འདུག གཉིས་པ། སྤྱིར་ན་གཡུང་དྲུང་བོན་དང་འབྲེལ་བའི་ཆོས་དང་རིག་གཞུང་ཅི་འདྲ་ཞིག་ཡིན་རུང་ཐེག་པ་རིམ་དགུ་དང་མ་འབྲེལ་བ་ཞིག་མེད་ལ། ཁྱད་པར་དུ་བརྗོད་གཞི་“ཆབ་ནག་སྲིད་པ་རྒྱུད་ཀྱི་བོན་སྐོར་”ལྟ་བུར་ཆ་མཚོན་ན་བཀའ་ལྷོ་གཏེར་ལུགས་ཀྱི་ཐེག་དགུ་དང་འབྲེལ་བ་ཡོད་པ་ཙམ་མ་ཡིན་པར། ཐེག་པ་རིམ་དགུ་ལས་གཙོ་བོ་རྒྱུ་ཐེག་བཞིའི་ཁོངས་སུ་འདུས་དགོས་སྟབས། དཔྱད་རྩོམ་འདིའི་ཁོག་ཐེག་པ་རིམ་དགུ་ནས་དབུབ་དགོས་པ་ནི་གལ་འགངས་ཆེན་པོ་ཆགས་ཡོད་པ་ལྟར་ཁོང་གིས་ཀྱང་ལེའུ་གཉིས་པར་ཐེག་པ་སྤྱིའི་སྐོར་ནས། ཐེག་པའི་གོ་དོན་དང་། རྣམ་གྲངས། དེ་ཡང་ཐེག་པ་གཅིག་ནས་བརྒྱ་དང་རྩ་ལྔའི་བར་གྲངས་འདྲེན་མི་འདྲ་བ་བཅུ་སྐོར་ཙམ་ཁ་གསལ་བཀོད་འདུག བརྗོད་གཞི་རང་ལ་ཐད་ཀར་གཞིག་ན་བྱང་དབུས་གཉིས་ཀྱི་ཐེག་དགུ་ནི་སྤྱི་འགྲོས་ཙམ་ཞིག་ལས་རྒྱས་བཤད་དགོས་གལ་མེད་པ་ལྟར་སྣང་ཡང་། ད་བར་བོན་ལུགས་སུ་བྱང་གཏེར་གྱི་ཐེག་པ་རིམ་དགུའི་གནས་བབ་ལ་བསམ་ན། སྟོང་ཆ་ཆེན་པོར་ལྷག་ཡོད་པས་ཐེངས་འདིར་ཁོང་གིས་བྱང་གཏེར་ཐེག་དགུའི་སྐོར་དམིགས་བསལ་རྒྱས་པར་བྲིས་ཡོད་པ་དེས། སྤྱི་ཡོངས་ནས་ཐེག་དགུའི་སྐོར་འཐུས་སྒོ་ཚང་རུ་དང་ཁ་བསབ་གང་ལེགས་བྱུང་ཡོད་པའི་ཁར། ལྷག་པར་དུ་བྱང་གཏེར་ཐེག་པའི་སྐོར་ལ་མཚོན་ན་སྔར་མེད་ཀྱི་ལེགས་བཤད་གསར་པ་མང་པོ་བློ་ལྡན་སྐྱེས་བུ་ཀུན་གྱི་མིག་ཡིད་རྣ་བའི་དགའ་སྟོན་དུ་བསྐྲུན་པར་བསྔགས་བརྗོད་འོས་པའི་གནས་སུ་འཁུམས། གསུམ་པ། ལེའུ་གསུམ་པར་དངོས་གཞི་གཞུང་དོན་ལ་འཇུག་སྟེ། བཀའ་ལྷོ་གཏེར་གྱི་ཐེག་དགུ་རེ་རེ་ནས་སྤྱི་ཁོག་ངོ་སྤྲོད་མཛད་རྗེས། ཐེག་དགུ་དེ་དག་གི་ཁོངས་ནས་བྱུང་བའི་ཆབ་ནག་སྲིད་པ་རྒྱུད་ཀྱི་བོན་སྒོའི་གོ་དོན་དང་ཁྱབ་ཚད་སོགས་ལོ་རྒྱུས་དངོས་གཙོ་སྨྲ་བའི་ཐོག་ནས་འགྲེལ་ཅི་ཐུབ་གནང་འདུག་པ་དེས་གཞུང་ལུགས་སྨྲ་བ་ཙམ་མིན་པར་བྱུང་བ་རིག་པ་བ་དག་ལའང་དཔྱད་གཞིའི་སྒོ་མོ་སྔར་ལས་ཡངས་སུ་གཏོང་ཡོད་པར་བཤད་ཆོག གཞན་ཡང་ཆབ་ནག་སྲིད་པ་རྒྱུད་ཀྱི་བོན་སྒོ་རྒྱུ་ཐེག་བཞི་པོ་ཉམས་སུ་བླངས་པའི་འབྲས་བུའི་སྐོར་དཔེ་མང་གཤིབ་བསྡུར་མཛད་དེ་མཁས་པ་ཁག་གི་བཞེད་དགོངས་མི་འདྲ་བ་རྣམས་སོ་སོར་བཀྲལ་ཞིང་། མཐའ་མའི་འཇོག་སོ་ཇི་ལྟར་ཡིན་མིན་སྐོར་ཀློག་པ་པོ་ཚོས་སླད་ནས་ངེས་པར་དུ་དཔྱད་ཞིབ་དགོས་པའི་གལ་གནད་མང་པོ་བསྟན་འདུག བཞི་པ། ཆབ་ནག་སྲིད་པ་རྒྱུད་ཀྱི་བོན་སྐོར་བཤད་དུས་རང་རེ་བོད་དང་ཧི་མ་ལ་ཡའི་ཁུལ་དུ་དར་ཁྱབ་ཆེ་བའི་ཆོས་དང་རིག་གཞུང་ཕལ་མོ་ཆེ་འདུས་ཡོད་པས་གཞི་རྒྱ་ཧ་ཅང་ཆེ། དེ་བས་འདིར་ཡོད་ཚད་གླེང་བར་རྔོ་ཐོགས་པ་ཞིག་ཡོང་ཐབས་མེད་སྟབས། ཁོང་གིས་ལེའུ་བཞི་པར་གཙོ་གནད་བདམས་ཏེ་དམིགས་བཀར་གྱིས་དཔྱད་གླེང་བྱས་འདུག དེའི་སྔོན་གླེང་ལྟ་བུར་བོད་དུ་བོན་ནམ་ཞིག་དར་མིན་སྐོར་དང་། བོན་ལ་རྣམ་གྲངས་མི་འདྲ་བ་འདྲེན་སྲོལ་ཡོད་པའི་ཁྲོད་ནས་ཉེ་རབས་ཀྱི་མཁས་པ་མང་པོས་གདོད་མའི་བོན་དང་གཡུང་དྲུང་བོན་ཞེས་རིགས་གཉིས་སུ་ཕྱེས་པ་དེས་སྤྱི་ཚོགས་ནང་བོན་ལ་བཟུང་བའི་ལྟ་ཚུལ་ལ་ཤུགས་རྐྱེན་ཇི་ལྟར་ཐེབས་པའི་སྐོར། གཞན་ཡང་བོད་ཀྱི་མཁས་པ་ལ་ལས་ཤ་ཁྲག་དམར་མཆོད་ཀྱི་ངན་ཁག་བོན་ལ་འགེལ་བའི་རྒྱབ་ལྗོངས་དང་། དོན་དངོས་སུ་བོན་ལ་དམར་མཆོད་ཆོག་མིན། བོད་དུ་དམར་མཆོད་ཤུགས་ཆེར་དར་བའི་དུས་སྐབས་བཅས་གསལ་བར་བཤད་འདུག་པ་ནི་དགོས་ས་ཆད་ཅིང་མི་དགོས་ས་ལ་ལྷག་མ་ལྟ་བུའི་དཔེ་དེབ་གཞན་དང་བསྡུར་ཐབས་མི་འདུག་ཅེས་གླེང་ན་འོས་ཤིང་འཚམས། གཙོ་གནད་དང་པོ། ཕྱྭ་གཤེན་ལས་འཕྲོས་ཏེ་རྣོ་མཐོང་མོ་པྲ་རྣམ་པ་བཞི་ཡི་སྐོར་དཔྱད་གླེང་གནང་འདུག་ཀྱང་རྒྱས་པར་འབྲི་ཐུབ་མི་འདུག དེ་ལྟར་ནའང་སྐབས་འདི་ནས་མོ་ཡིག་རྒྱས་བསྡུས་མི་འདྲ་བ་སུམ་ཅུ་ལྷག་གི་དཔེ་ཁུངས་དང་ལོ་རྒྱུས་རོབ་ཙམ་ངོ་སྤྲོད་གནང་འདུག་པ་དེས་སླད་མོ་ཡི་སྐོར་ལ་ཉམས་ཞིབ་བྱེད་མཁན་རྣམས་ལ་མཐུན་རྐྱེན་བླ་མེད་དུ་སྐྲུན་ཡོད།…
____ ཨ་འབྲུག་དཀོན་མཆོག དབྱངས་ཀྱི་ལྷ་མོ་བརྩེ་བའི་འཛུམ་མདངས་ཅན་ལ་ཕྱག་འཚལ་ལོ། ། རྣམ་དཔྱོད་བློ་ཡི་ཡོན་ཏན་བྱེ་བ་བརྒྱས། ། མི་འཇིགས་སེང་གེའི་ཁྲི་ལ་མངོན་བཞེངས་པ། ། བྱམས་བརྩེའི་སློབ་དཔོན་ཆེན་པོའི་མཚན་བཟང་གིས། ། མཛེས་པའི་དཔལ་ལྡན་བླ་མ་རྒྱལ་གྱུར་ཅིག ། ཤེས་རབ་ཆར་དུ་འབབ་པ་དང་། །…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༩༡ སྤྱི་ཟླ་ ༥ པའི་ཚེས་ ༢༩ ཉིན་བོད་མི་མང་གི་སྐུ་ཚབ་སྤྱི་འཐུས་སྐབས་བཅུ་གཅིག་གིས་ཁྲིམས་བཟོའི་འགན་འཁུར་བླངས་ནས་བར་རྒལ་གྱི་ཚོགས་གཙོ་ཐད་བསྐོས་སྤྱི་འཐུས་མཁས་དབང་ཟམ་གདོང་རིན་པོ་ཆེ་མཆོག་དང་ཚོགས་གཞོན་བོན་པོའི་སྤྱི་འཐུས་བྱ་དུར་བསོད་ནམས་བཟང་པོ་མཆོག་ཚོགས་གཙོ་སྦྲེལ་པོའི་དབུ་ཁྲིད་འོག་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཅན་གཏན་འབེབས་གནང་ནས་༧གོང་ས་མཆོག་གི་ཆོག་མཆན་མཚན་རྟགས་དེ་སྤྱི་ལོ་ ༡༩༩༡ སྤྱི་ཟླ་ ༦ པའི་ཚེས་ ༢༨ ཉིན་ཕེབས་པ་ནས་བཅའ་ཁྲིམས་ཀྱི་ནུས་པ་འཐོན་ནས་བཅའ་ཁྲིམས་ལེའུ་བཞི་པ། སྒྲིག་འཛུགས་ཀྱི་འགན་འཛིན།…
ཉག་རོང་དོན་གྲུབ་ནས། ཨ་མ་ལ་བཀའ་དྲིན་རྗེས་དྲན་ཞུས་པ། ཕྱི་ཟླ་ ༠༦ པའི་ཚེས་ ༠༦ ཉིན་ཨ་རིར་གནས་བཞུགས་ཉག་རོང་བ་ཕ་ཡུལ་གཅིག་པའི་ངོས་ནས། ས་གནས་ནེའུ་ཡོག་དཔལ་ཡུལ་དགོན་པ་གུ་རུའི་ལྷ་ཁང་ནང་དུ། རྒྱལ་གཅེས་དཔའ་མོ་རྒྱ་རི་རྡོ་རྗེ་གཡུ་སྒྲོན་མཆོག་སྐུ་གཤེགས་ནས་ཞག་པོ་བཞི་བཅུ་ཞེ་དགུ་ཟིན་པའི་ཉིན་མོར། ༧སྐྱབས་རྗེ་མདོ་རིན་པོ་ཆེ་སྐུ་རབས་དྲུག་པ་དཔལ་ལྡན་ཡེ་ཤེས་མཆོག་དབུ་བཞུགས་ཐོག །དཔལ་ཡུལ་མཁན་པོ་ནོར་རྒྱས་སོགས་བླ་གྲྭ་ཉི་ཤུ་ལྷག་གིས། མཐོ་རིས་དང་ཐར་བའི་གནས་སུ་འདྲེན་པའི་ཀར་གླིང་ཞི་ཁྲོའི་ཆོ་གའི་སྒོ་ནས། སྡིག་པ་སྦྱངས་བ་དང་ཚོགས་བསགས་སྒྲིབ་པ་འདག་པའི་དགོངས་རྫོགས་སྨོན་ལམ་དང་ཚོགས་ཀྱི་འཁོར་ལོ་བསྐོར། གཞན་འཕགས་ཡུལ་ཨོ་རྒྱན་སྨིན་གྲོལ་གླིང་དགོན་པ་རུ། ༧སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་དབུ་བཞུགས་ཐོག…
དེ་ལས་མང་བ་། “བོར་ཟིན་པའི་རྒྱལ་གཅེས་བོད་ཀྱི་དཔའ་མོ་ཞིག་ལ་རྗེས་དྲན་ཞུས་པ།” »
གཞིས་རྩེ་བུ་ཆུང་ཚེ་རིང་། ང་ནི་མ་ཎི་རྡོ་ཕུང་ཞིག་ཡིན། གཏམ་རྒྱུད་སྙན་པའི་མ་ཎིའི་རྡོ་ཕུང་ཞིག་དང་། མཐོ་སྒང་ཡུལ་ན་འགྱིངས་པའི་གཡོ་མེད་ཀྱི་དཔང་པོ་ཞིག ཡིད་དུ་འོང་བའི་ངའི་བང་རིམ་རེ་རེ་ན། མི་རབས་སྟོང་གི་དར་རྒུད་བརྩིགས་ཡོད་ཅིང་། ལྷམ་མེར་འཛུམ་པའི་ཡིག་འབྲུ་རེ་རེ་ལ། མི་རབས་དུ་མའི་ལོ་རྒྱུས་མེ་ལོང་གསལ། གསོན་དང་། གངས་ཅན་གྱི་གཞོན་ནུ་ཚོ། གལ་ཏེ་ཁྱེད་ཀྱིས་ཉན་ཤེས་ན་མེས་པོའི་ཁ་ཆེམས་ཐོས་ངེས་ལ། གཟིགས་ཐུབ་ན་ཕ་མེས་ཡང་མེས་ཀྱི་མཛུབ་རིས་ཀྱང་མཐོང་། མ་ཟད།…
གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ལ་རྐྱེན་ངན་འཕྲད་ནས་བོད་རྒྱལ་ཁབ་དང་བོད་མི་རིགས་ཀྱི་ཆོས་སྲིད་གཉིས་ཀྱིས་དབུ་ཁྲིད་༧ སྤྱི་ནོར་༧ གོང་ས་༧ སྐྱབས་མགོན་ཆེན་པོ་མཆོག་གི་དབུ་ཁྲིད་འོག་ཁོང་གི་བཀའ་ཤག་ལྷན་རྒྱས་དང་ཞི་བའི་ཞིང་འབྲོག་མི་མང་ཁྲི་ཚོ་བརྒྱད་ལྷག་ཙམ་བཅས་ཁོང་གི་ཕེབས་རྗེས་སུ་འབྲང་ནས་རྒྱ་བལ་འབྲུག་གསུམ་ནང་བཙན་བྱོལ་དུ་འབྱོར་ནས་དུས་ད་ལྟ་བར་བོད་མི་བཙན་བྱོལ་བ་རང་ལོ་བཅུ་བཞི་ཡན་མི་རེའི་ལག་ཏུ་གནས་ཡུལ་ལུང་པའི་ཁྲིམས་མཐུན་གྱི་ཡིག་ཆ། ༼ Registration Certificate RC ༽ རྒྱ་གར་ཕྱི་སྲིད་ལས་ཁུངས་ནས་ལོ་ལྟར་དུས་འགྱངས་བཀའ་ཁྲོལ་བརྒྱུད་ང་ཚོའི་ལག་ཏུ་ཡོད་པ་ནས་ང་ཚོ་རྒྱ་གར་གྱི་ཡུལ་མི་དང་ཁ་ཁ་ཡིན་པ་དང་ང་ཚོ་ནི་རང་བཙན་བརྩོད་མཁན་གྱི་བོད་མི་རིགས་ཞིག་ཡིན་པ་འཛམ་གླིང་མི་མང་ནས་གསལ་པོ་མཁྱེན་བཞིན་པ་མ་ཟད་རྒྱ་གར་གཞུང་མང་གཉིས་ནས་ཀྱང་དུས་ཚོད་ལ་སྔ་ཕྱི་མ་གཏོགས་བོད་པ་ཚོ་བོད་ལ་ལོག་མཁན་ཡིན་པའི་ངོས་འཛིན་གནང་བཞིན་པ་ནས་ཉེ་ལམ་རྒྱ་གར་གྱི་འོས་བསྡུའི་ལས་རིམ་ནང་བོད་མི་བཙན་བྱོལ་བ་རྒྱ་གར་ནང་གནས་སྡོད་བྱེད་མཁན་ RC ལག་ཏུ་བཟུང་ནས་ཡུལ་མིའི་མཉམ་འོས་འཕེན་པ་འདིའི་མ་འོངས་རྒྱ་གར་གཞུང་དང་མི་མང་གི་ང་ཚོར་ལྟ་སྟངས་ག་འདྲ་ཆགས་མིན་དེ་ཡང་ང་ཚོའི་བསམ་བློའི་ནང་བང་སྒྲིག་དགོས་པ་ནི་ང་ཚོའི་ལག་ཏུ་ཕྱི་མི་རྒྱ་གར་ནང་གནས་སྡོད་ཆོག་པའི་ཁྲིམས་མཐུན་གྱི་ཡིག་ཆ་…
གཞུང་པ་ཚེ་དབང་བསོད་ནམས། ཐེ་ཝན་ནི་རྒྱ་ནག་སྐམ་ས་དང་རྙོགས་གཞི་ཅན་གྱི་མཚོ་གླིང་གི་རྒྱལ་ཁབ་ཆུང་ཆུང་ཞིག་ཡིན་པ་དང་། ཨ་རྒྱ་གཉིས་མི་མཐུན་པའི་ཕྱོགས་མང་པོ་ཡོད་པ་ནས་གཅིག་ཐེ་ཝན་གྱི་སྐོར་དེ་ཡིན་པ་དང་། ང་ཚོ་བཙན་བྱོལ་དུ་འབྱོར་རྗེས་ལོ་རབས་དྲུག་བཅུའི་ནང་ཐེ་ཝན་བོད་སོག་ལས་ཁུངས་ཟེར་བའི་མིང་སྦྱང་གི་འོག་ནས་བཙན་བྱོལ་བོད་མི་ནང་ཁུལ་དཀྲུགས་ཐབས་མང་པོ་བྱས་པའི་ལོ་རྒྱུས་མང་པོ་ཡོད་ན་ཡང་དབུས་བོད་མིའི་སྒྲིག་འཛུགས་ཀྱིས་ངོས་ནས་ཐེ་ཝན་དང་འབྲེལ་བ་དེ་ལོ་རབས་དགུ་བཅུའི་ནང་འབྲེལ་ལམ་གསར་དུ་བཙུགས་པ་དེ་ནི་ཆོས་དང་། རིག་གཞུང་། སྤྱི་ཚོགས་ཀྱི་འབྲེལ་པ་ཙམ་ལས་ཆབ་སྲིད་ཀྱི་འབྲེལ་བ་མིན་པ་དང་། རྒྱལ་ཁབ་ག་འདྲ་ཞིག་ཡིན་ཀྱང་རྒྱལ་ཁབ་དེའི་སྲིད་འཛིན་དང་། སྲིད་བློན། གཞུང་གསར་པ་བརྗེ་ལེན་སྐབས་མགྲོན་བརྡ་ཕུལ་ནས་རང་གི་མཐུན་ཕྱོགས་རྒྱལ་ཁབ་ཚོའི་སྲིད་འཛིན་དང་། སྲིད་བློན། གྲོས་ཚོགས་ཀྱི་ཚོགས་གཙོ་སོགས་གནད་ཡོད་མི་སྣ་ལ་མགྲོན་བརྡ་ཕུལ་ནས་གདན་ཞུ་བྱེད་པའི་ལམ་ལུགས་ཡོད་པ་དང་། ཐེ་ཝན་དང་རྒྱ་ནག་བར་རྩོད་གཞི་ལོ་རེ་ནས་ལོ་རེ་བཞིན་ཆེ་རུ་འགྲོ་བཞིན་པ་ནས་དེང་སྐབས་ཐེ་རྒྱ་གཉིས་དྲག་པོའི་གདོང་ཐུག་ག་དུས་བྱས་ཡོང་བསམ་པའི་འཛམ་གླིང་གི་མི་མང་པོ་ཞིག་སེམས་ཚབ་བྱེད་བཞིན་པའི་སྐབས་འདིར་ང་ཚོའི་ཐེ་ཝན་དང་ཆབ་སྲིད་ཀྱིས་འབྲེལ་བ་བྱ་རྒྱུ་དེ་དུས་ཚོད་རན་ལོད་ག་འདྲ་ཞིག་ཡིན་མིན་དེ་ཡང་བསམ་བློ་སྐྱར་ཞིབ་གནང་དགོས་པ་ནི་དབུ་མའི་ལམ་གྱིས་སྲིད་ཇུས་འོག་ནས་བོད་རྒྱའི་འབྲེལ་ལམ་ལ་མ་འོངས་ནུས་པ་ག་ཚོད་ཐོན་གྱི་ཡོད་དེ་ཡང་གསལ་པོ་ཤེས་མ་སོང་ལ་དབུས་བོད་མིའི་སྒྲིག་འཛུགས་ཀྱིས་མཐོ་རིམ་མི་སྣ་ཐེ་ཝན་གྱི་སྲིད་འཛིན་གསར་པའི་ཁྲི་འདོན་མཛད་སྒོ་ལ་མཉམ་ཞུགས་གནང་བ་དེ་ཐེ་རྒྱ་གཉིས་དྲག་དམག་དཔུང་ངོམས་བྱེད་པའི་དུས་ཚོད་ངན་པ་དང་གདོང་ཐུག་འཁེལ་བ་འདིའི་བོད་དོན་བདེན་མཐའ་སེལ་ཐབས་ལ་བར་ཆད་བཏང་བ་མ་རེད་དམ། གཉིས་སྨན་དབུ་མའི་ལམ་གྱི་དགོས་འདུན་ནི། ༼ རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ས་གནས་མི་རིགས་རང་སྐྱོང་གི་བཅའ་ཁྲིམས་ནང་གསལ་བའི་རང་སྐྱོང་གི་གནས་བབ་ཚད་ལྡན་ཞིག་གི་དགོས་འདུན་སྟོན་ཡོད་པ་དང་།…
གཞུང་པ་ཚེ་དབང་བསོད་ནམས། ༧ གོང་ས་མཆོག་གི་གསུང་འཕྲིན་ཆ་ཚང་འདིར་བཀོད་ཡོད། ༼ ༄༅ །ཀོ་ལི་གྷལ་དོན་ལྡན་གླིང་གཞིས་ཆགས་ཚུགས་ནས་མི་ལོ་ ༥༠ འཁོར་བའི་དུས་དྲན་བསྲུང་བརྩི་བྱེད་བཞིན་ཡོད་པར་གཞིས་མི་ཡོངས་དང་ཕྱི་ནང་གི་སྐུ་མགྲོན་བཅས་པར་མཛའ་བརྩེའི་འཚམས་འདྲི་ཡོད། རང་ཅག་བཙན་བྱོལ་དུ་འབྱོར་རྗེས་གཞིས་ཆགས་ཟུར་འཛུགས་དགོས་པའི་དམིགས་དོན་ནི། མི་འབོར་ཆེ་ཞིང་ས་རྒྱ་ཆེ་བའི་རྒྱ་གར་གྱི་ཡུལ་གྲུ་ཁག་ནང་རིམ་གྱིས་སིམ་སྟེ་ཁ་འཐོར་དུ་མི་འགྲོ་བ་དང་། བོད་ཀྱི་ཆོས་དང་རིག་གཞུང་། སྐད་ཡིག་། ཡུལ་གོམས་གཤིས་ལུགས་བཅས་པ་མི་ཉམས་རྒྱུན་འཛིན་དང་། ངེས་བརྟན་མེད་པའི་འཚོ་བའི་དཀའ་ངལ་སེལ་ཐབས་བཅས་ཀྱི་ཆེད་དུ་ཡིན་པ་ལྟར་ཕྱོགས་ཚང་མ་ནས་ངལ་ཁུར་དང་ལེན་ཕྱར་གྲུ་མཉམ་འདེགས་བྱས་པའི་འབྲས་བུ་རང་རེའི་མིག་གི་སྤྱོད་ཡུལ་དུ་གྱུར་པ་འདི་ཡིན། སླད་གཞིས་ཆགས་ཁག་ནང་རྒན་རྒོན་ནད་གཅོང་ཉམ་ཐག་ཧྲེང་པོ་ཡོད་རིགས་ཀྱི་འཚོ་བའི་གནས་སྟངས་ཐོག་དམིགས་བསལ་དོ་སྣང་ལྟ་རྟོག་རོགས་རམ་དང་འབྲེལ།…
གཞུང་པ་ཚེ་དབང་བསོད་ནམས། དང་པོ། བཙན་བྱོལ་བོད་མིའི་བཅའ་ཁྲིམས་ནི་བཙན་བྱོལ་བོད་མིའི་ཁྲིམས་ཡིག་བླ་ན་མེད་པ་དང་གོང་ན་མེད་པ་དེ་ཡིན་པ་དང་། ང་ཚོ་མི་ཡུལ་དུ་སྡོད་པའི་རིང་ཁྲིམས་ཡིག་འདིའི་འོག་ཏུ་དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་བཅའ་ཁྲིམས་དགོངས་དོོན་འགན་དབང་འདྲ་མཉམ་ཐ་དད་དུ་གནས་དགོས་པ་ནི་བཅའ་ཁྲིམས་ལེའུ་བཞི་པ། སྒྲིག་འཛུགས་ཀྱི་འགན་འཛིན། ལེའུ་ལྔ་པ། ཁྲིམས་བཟོའི་དབང་འཛིན། ལེའུ་དྲུག་པ། ཁྲིམས་ལུགས་དབང་འཛིན་བཅས་སྡེ་ཚན་འདི་གསུམ་གྱི་འགན་འཁུར་འོག་བཙན་བྱོལ་བོད་མི་འཚོ་དགོས་པ་ནས་སྤྱི་འཐུས་སྐབས་བཅུ་དྲུག་དང་བཀའ་ཤག་སྐབས་བཅོ་ལྔ་ནས་སྡིག་པ་མིག་བཙུམ་གྱིས་ཆེས་མཐོའི་ཁྲིམས་ཞིབ་པ་ཆ་ཚང་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་བའི་འོག་ཏུ་འཕོ་འགྱུར་བཏང་བའི་འཇུག་འབྲས་སྤྱི་འཐུས་སྐབས་བཅུ་བདུན་པ་དུས་ཐོག་ཚོགས་མ་ཐུབ་པ་དང་། ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་དང་། བཙན་བྱོལ་སྤྱི་ཚོགས་ནང་དགོས་མེད་ཀྱིས་ལབ་རྒྱུ་གླེང་རྒྱུ་མང་པོ་ལྷག་པ་དང་། ཉེ་ལམ་སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་བདུན་པའི་ཐོག་ཞི་བའི་མི་མང་གཅིག་སྟོང་ལྷག་གི་བསམ་འཆར་ལ་འགན་མ་འཁུར་བར་མང་གཙོ་སྤྱིའི་ལྟ་གྲུབ། ༼Democracy…
ཆ་མདོ་ངག་ཕུན། གཤིས་རྒྱུད་འཇམ་ལ་བག་ཡོད་ལྡན།། དོན་མེད་ངག་འཁྱལ་མི་སྨྲ་ཞིང་།། ལས་ལ་བརྩོན་ཞིང་ངག་རྒྱུན་རིང་།། བཟང་སྤྱོད་ལྡན་པའི་གཅེས་མོ་དྲན།། ཕ་མས་ཅི་གསུང་དང་ལེན་ལས།། མི་འདོད་རྣམ་འགྱུར་སྟོན་པ་ཞིག།། བདག་གིས་མིག་མདུན་མཐོང་མྱོང་མེད།། བཟང་སྤྱོད་ལྡན་པའི་གཅེས་མོ་དྲན།། ཞོགས་པ་སྔ་པོ་ཡར་ལ་བཞེངས།། ལུས་ལ་བོད་ཆས་མགྱོགས་མྱུར་གྱོན།། སླེ་པོ་འཁྱེར་ནས་རི་ལ་ཐོན།།…
བློ་གྲོས་རབ་བརྟན། ཆོས་འཐུས་ཚོར་བལྟས་པས་རྙེད་དོན་གང་བྱུང་མ་བྱུང་། ཀྭ་ཡེ་ཆོས་འཐུས་མིང་འཛིན་མགོ་རིལ་ཨ་ཕོ་འདི་ཚོས།། ཁ་འདོན་བཞག་སྟེ་ནང་འཁྲུག་རྒྱག་པར་སྤྱི་འཐུས་རེད་འདུག ། ག་ལེར་ཁྱོད་ཚོའི་ལས་སྟངས་བྱེད་སྟངས་དག་ལ་བལྟས་ན།། ང་ཚོ་བོད་མི་ཡོངས་ཀྱི་སེམས་ལ་དོགས་འདྲི་ཇེ་མང་།། ཅ་ཅོ་སྒྲོག་ལ་གྲོས་ཚོགས་ར་བར་སྒོ་ཁའི་ཁྱི་རེད།། ཆ་མེད་ཡིན་ཡང་བསྙོན་འཛུགས་བྱེད་ལ་གུང་ཁྲན་ཏང་རེད།། ཇ་ཆང་མང་ན་རྙོག་དྲ་བཟོ་བ་ར་བཟིའི་སྤུན་རེད།། ཉ་བ་རྒན་པོའི་ལས་ཀྱང་སྡུག་པ་གྲྭ་བའི་མཚང་རེད།། ཏཱ་ལའི་བླ་མའི་གཞུང་རྒྱུན་སྐྱོང་ལ་གནོད་སྐྱེལ་དཔོན་རེད།། ཐ་ཆད་ཚིག་གིས་སྤྱི་ཚོགས་དཀྲུག་ལ་སྤྲུལ་བའི་སྐུ་རེད།། ད་ལྟ་་ཁྱོད་ནི་་བོད་མིའི་མིག་ལ་གཟན་པའི་ཚེར་རེད།། ན་མོའི་ཡུལ་ནས་རྐང་འོག་འདམས་པ་དགེ་བཤེས་རྟགས་རེད།།…
གཞུང་པ་ཚེ་དབང་བསོད་ནམས། མང་གཙོའི་རྒྱལ་ཁབ། ༼ Democracy Nation ༽ ག་འདྲ་ཞིག་ཡིན་ཀྱང་མི་མང་གིས་འཚོ་བ་ལ་འགན་འཁུར་མཁན་གྱིས་སྒྲིག་འཛུགས་གསུམ།༼ Three Organ of Democracy Government ༽ སྒྲིག་འཛུགས་ཀྱི་འགན་འཛིན། ༼…
རིགས་ཞེན། ཆོལ་གསུམ་སྤྱི་ཡིས་འདོད་པ་ནི་བོད་ལ་རང་བཙན་ཐོབ་ན་སྙམ་པ་དེ་ཡིན་མོད། དེ་ནི་སྤྱི་ལོ་1978ལོ་ནས་ཏིན་ཞའོ་ཕིན་གྱིས་བཀག་ཟིན་པ་རེད། སྟོབས་དང་དབང་ཚད་གང་གི་ཆ་ནས་ཀྱང་ཏིན་ཞའོ་ཕིན་གྱི་ཆ་རྐྱེན་དེ་ལ་རྒོལ་ལན་སྤྲོད་པའི་ནུས་པ་ང་ཚོ་ལ་མ་མཆིས་པས། ང་ཚོས་༸གོང་ས་མཆོག་གི་དགོངས་གཞི་ལས་འཕྲོས་ཤིང་མི་མང་གིས་མང་མོས་འདམས་ཁ་བྱུང་བའི་དབུ་མའི་ལམ་ཐོག་དེད་ནས་རྒྱ་ནག་དང་གྲོས་མོལ་བྱེད་དགོས་པ་ཆགས་ཀྱི་ཡོད་ལ་སྔོན་ཆད་ཀྱང་ལམ་ཐིག་འདི་ལས་གྲོལ་མོལ་བྱེད་མྱོང་བ་རེད། དོན་དག་ཆེ་ཕྲ་གང་ཞིག་ཡིན་རུང་ཕྱོགས་གཉིས་ཀྱིས་གྲོས་ཁ་བྱེད་དགོས་པ་ལས་བཙན་པོས་དབང་ཡོད་བྱས་ན་ཕྱིའི་རྣམ་པ་འགྲིག་པ་ལྟར་སྣང་ཡང། ནང་གི་དད་མོས་དང་རིགས་ཞེན་འདི་དོན་དག་གལ་ཆེན་ལ་ཕྲད་དུས་རང་ཉིད་གང་ལ་ཞེན་ཅིང་དད་པའི་ཕྱོགས་ལ་འགྲོ་བ་ལས་བཙན་གྱིས་དབང་འོག་ཏུ་བཅུག་པའི་གནས་དེ་ནས་འཁུམས་ནས་མི་འདུག་པ་ནི་འདས་པའི་མི་ལོ་དྲུག་ཅིའི་རིང་ལ་ཡང་དང་བསྐྱར་ཏུ་ཟིང་འཁྲུག་ལང་མྱོང་བ་དེ་འདྲ་རེད། བོད་མི་བཙན་བྱོལ་བའི་ཁྲོད་དུ་རང་བཙན་དགོས་ཟེར་བའི་སྐོར་གཞོན་ནུ་ཚོགས་པ་སོགས་གང་མང་ཞིག་ཡོད་ཀྱང་ཁོ་ཚོ་ལ་རང་བཙན་ལེན་ཐུབ་པའི་ཐབས་དང་ནུས་པ་གང་ཡང་མེད་པ་མངོན་སུམ་ཡིན་ཡང། སྟོང་འདང་རིང་མོ་ཞིག་ལ་འཇུས་ཏེ་ཕྱི་རྒྱལ་གྱི་རྒྱལ་ཁབ་ག་གེ་མོས་རོགས་པ་བྱས་ནས་བོད་ཀྱི་ཆེད་དུ་རྒྱ་ནག་ལ་དམག་བརྒྱབ་ཡོང་བའི་རྨི་ལམ་སྐྱིད་པོ་རྨིས་ནས་ནམ་ཡང་སད་མ་མྱོང་བ་དེ་རེད། སྲིད་བློན་ནེའུ་ཧ་རུས་༸གོང་ས་མཆོག་ལ་བོད་ཀྱི་ཆེད་དུ་ཨ་རིས་རྒྱ་ནག་ལ་དམག་རྒྱག་གི་མ་རེད་ད་ཞེས་པ་འདི་གོ་རྒྱུ་ཅན་གྱི་གཏམ་རེད། འཛམ་གླིང་གི་སྟོབས་ཆེན་རྒྱལ་ཁབ་གང་ཞིག་ཡིན་ཡང་ཁེ་བཟང་མེད་པའི་དམག་འཁྲུག་སློང་གི་མ་རེད། འོ་ན་ཕྱི་རྒྱལ་གྱི་རྒྱལ་ཁབ་དེ་དག་གིས་རོགས་མ་བྱས་ན་བཙན་བྱོལ་དུ་ཡོད་པའི་གཞོན་ནུ་ཚོགས་པ་ལྟ་བུའི་ཐབས་དང་སྟོབས་ཤུགས་གང་ཡང་མེད་པའི་མི་ཁ ཅིག་ལ་རང་བཙན་ཇི་ལྟར་རེག་གི་རེད། རང་ཉིད་འཐབ་གི་ཡིན་ཟེར་ན་སྟོབས་མེད། སློང་གི་ཡིན་ཟེར་སྔ་མོ་ཉིད་ནས་རང་བཙན་མ་གླེང་ཞེས་ལམ་ལ་དེ་སྐད་ཆ་འགྲོ་ས་མེད།…
གཞུང་པ་ཚེ་དབང་བསོད་ནམས། དང་པོ། ཆེས་མཐོའི་ཁྲིམས་ཞིབ་པ་ཚོ་འཕོ་འགྱུར་གཏོང་རྒྱུའི་འགན་དབང་དེ་སྤྱི་འཐུས་གྲོས་ཚོགས་ཡོད་པ་བཅའ་ཁྲིམས་དོན་ཚན་དྲུག་བཅུ་རེ་གསུམ་པའི་ནང་གསེས་བཞི་པའི་ནང་གསལ་ཡོད་པ་འདི་ལྟར། ༼ བཅའ་ཁྲིམས་དོན་ཚན་དྲུག་བཅུ་རེ་གསུམ་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས། ནང་གསེས་བཞི་པའི་ནང་འདི་ལྟར། སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གྱི་གསུམ་ཆ་གཉིས་ཡན་གྱིས་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་སུ་རུང་འཕོ་འགྱུར་དགོས་པའི་གྲོས་ཆོད་བཞག་སྟེ་འཕོ་འགྱུར་བྱེད་དགོས་བྱུང་ན་ལས་དེ་མིན་ཁྲིམས་ཞིབ་པ་ཆེ་བའི་ལས་ཡུན་ལོ་ལྔ་འམ་རང་ལོ་དྲུག་བཅུ་རེ་ལྔ་ཧྲིལ་པོ་ལོན་པ་གང་སྔའི་བར་ཡིན། ཁྲིམས་ཞིབ་པ་གཞན་གཉིས་རང་ལོ་དྲུག་བཅུ་རེ་ལྔ་ཧྲིལ་པོ་མ་ལོན་བར་ལས་འཁུར་རྒྱུན་འཛིན་བྱ་རྒྱུ། ཅེས་གསལ་བ་ནས་དོན་ཚན་འདི་ཁྲིམས་ཞིབ་ཚོའི་ལས་ཡུན་ལོ་ཚད་དང་ཞབས་ལོ་སྐོར་ཡིན་པ་ལས་ཁྲིམས་ཞིབ་ཚོ་འཕོ་འགྱུར་གཏོང་རྒྱུའི་དོན་ཚན་དེ་བཅའ་ཁྲིམས་དོན་ཚན་ལྔ་བཅུ་ང་བཞི་ཡིན་པ་འདི་ལྟར། ༼ དོན་ཚན་ང་བཞི་པ། གྲོས་བསྡུར་བཀག་སྡོམ།…
གཞུང་པ་ཚེ་དབང་བསོད་ནམས། དང་པོ། ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་དང་འབྲེལ་བའི་སྐོར། ཡོངས་ཁྱབ་གསལ་བསྒྲགས། བོད་མི་མང་སྤྱི་འཐུས་ལྷན་ཚོགས་སྐབས་བཅུ་བདུན་པའི་གྲོས་ཚོགས་ཚོགས་དུས་ལྔ་པའི་མང་མོས་གཞུང་འབྲེལ་གྲོས་ཆོད་ཨང་ ༢༠༢༣/༡༧/༥/༥ དགོངས་དོན་ཚོགས་གཙོ་སྦྲེལ་པོས་བསྐོ་བཞག་གནང་བའི་ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་དོན་དངོས་སུ་འགོ་འཛུགས་ཞུས་ཡོད་པས་ཚོགས་པ་དང་མི་སྒེར་སུ་ཐད་ནས་ཁྲིམས་སྒྲིག་བསྐྱར་བཅོས་དང་འབྲེལ་བའི་དགོངས་ཚུལ་མཆིས་ཚེ་ཡིག་ཐོག་ནས་ཕྱི་ལོ་ ༢༠༢༣ ཟླ་ ༩ ཚེས་ ༢ མང་གཙོའི་དུས་ཆེན་བར་ཚོགས་དྲུང་ལས་ཁུངས་བརྒྱུད་གཤམ་གསལ་གློག་འཕྲིན་ཁ་སྦྱང་ཐོག་འདི་ག་ཚོགས་ཆུང་དུ་འབུལ་དགོས་པའི་ཡོངས་ཁྱབ་གསལ་བསྒྲགས་སུ་བོད་མི་མང་སྤྱི་འཐུས་ལྷན་ཚོགས་སྐབས་བཅུ་བདུན་པའི་ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་ནས་ཕྱི་ལོ་ ༢༠༢༣ ཟླ་བ་༧…
དེ་ལས་མང་བ་། “སྤྱི་འཐུས་སྐབས་བཅུ་བདུན་གྱིས་གྲོས་ཚོགས་ཚོགས་དུས་བདུན་པའི་ལས་རིམ་ཁག་ལ་དཔྱད་པའི་གཏམ།” »
(ངའི་རེ་བ་དང་རྨི་ལམ་ནི་ཉིན་གཅིག་ངའི་བུ་མོ་དང་། ཨ་མ་ལགས་ཀྱི་ཞལ་རས་མཇལ་རྒྱུ་དེ་ཡིན།) བདེ་སྐྱིད། དེ་རིང་ནི་རེས་གཟའ་པ་སངས་རེད། ཕྱི་ཟླ་བཞི་པ་ཟིན་ནའང་ཕྱི་རོལ་དུ་གངས་མཐུག་པོ་བབ་ནས་ས་གཞི་ཡོངས་ཁ་བས་གཡོག་ནས་དཀར་པོ་དཀར་རྐྱང་ཆགས་འདུག མཐོ་སློབ་ཀྱི་དཔྱིད་ཀའི་གུང་གསེང་རྫོགས་ནས་འཛིན་གྲྭ་མུ་མཐུད་ནས་འགྲོ་བཞིན་ཡོད་སྟབས་ནང་སྦྱོང་ཧ་ཅང་མང་བ་དང་། ད་དུང་ཡིག་ཚད་སླེབས་ལ་ཉེ་བས་བྲེལ་ཟིང་དང་སེམས་ངལ་གཉིས་གཅིག་ལ་གཅིག་འགྲན་གྱི་ཚུལ་དུ་ཡོད་ནའང་། ཞོགས་པ་ཚིགས་ཇ་ཁང་ནས་རང་ཉིད་ཀྱིས་དགའ་ཤོས་བྱེད་པའི་ཚིགས་ཇ་གཅིག་ཉོས་ནས་ཕྱིར་ཁང་པར་སླེབས་མ་ཐག་གློག་ཀླད་ནས་ A Blind Parent’s Entrepreneurial Journey | Gendun…
༄ དཔལ་ལྡན་བོད་མི་མང་གི་སྐུ་ཚབ་སྤྱི་འཐུས་གྲོས་ཚོགས་ཀྱིས་ཚོགས་གཙོ་སྦྲེལ་པོའི་དབུས་པའི་གྲོས་ཚོགས་ཀྱིས་འཐུས་མི་༧ ལྷན་རྒྱས་མཆོག་གིས་དྲུང་དུ། ཆེད་ཞུ། གུས་པ་ཀོ་ལི་གྷལ་དོན་ལྡན་གླིང་གཞིས་གྲོང་ཨེལ་ཁང་པ་ཨང་ ༢༩ ནང་སྡོད་གཞུང་པ་ཚེ་དབང་བསོད་ནམས། དཔྱ་དངུལ་ལག་དེབ་ཨང་ ༼ IN 7661005 ། ཅན་ནས་ཞུ་གསོལ་འདེབས་སྙིང་། ལམ་ཙམ་དགོངས་མངའ་བཞིན་ཉེ་ལམ་འདི་ག་ཀོ་ལི་གྷལ་དོན་ལྡན་གླིང་གཞིས་ཆགས་ཚུགས་ནས་ལོ་ལྔ་བཅུ་འཁོར་བའི་དུས་དྲན་བསྲུང་བརྩིའི་ཐོག་༧ སྤྱི་ནོར་༧…
ཉག་རོང་དོན་གྲུབ། ལྐོག་གཡོའི་མགོ་སྐོར་ཐེབས་པ། ཁ་སང་བོད་ཟླ་ ༠༢ པའི་ཚེས་ ༢༡ དང་ཕྱི་ཟླ་ ༠༣ པའི་ཚེས་ ༣༠ ཉིན་གྱི་ཕྱི་དྲོ་ཆུ་ཚོད་ ༠༤ པའི་ཐོག…