རྔ་བ་རྒྱལ་ཁམས་པ།
སྤྱི་ལོ་སྔོན་གྱི་ལོ༢༥༠ཡས་མས་ཤིག་གི་ནང་། རྒུ་རིག་རྒྱལ་ཁམས་དེ་བཞིན་རོམ་གྱིས་མངའ་འོག་ཏུ་བཅུགས་ཤིང་། རོམ་གྱིས་རྒུ་རིག་གི་ས་དཔྱད་རིག་པའི་ཐོག གཏེར་དངོས་བརྟག་ཐབས་ཀྱི་ཤེས་རིག་མང་བོ་ཞིག་གསར་དུ་བསྣན་ནས། རོམ་རང་ཉིད་ཀྱི་མངའ་སྡེར་གཏོགས་པའི་ས་ཁུལ་མང་བོའི་ཞིག་ནས་གཏེར་རྫས་ཕོན་ཆེན་པོ་བསྔོགས་འདོན་བྱས་འདུག དུས་རབས་དང་བོའི་ནང་རོམ་གྱི་རྩོམ་པ་པོ་སི་ནེ་ཁ་དང་།
༅༅།། ས་གཤིས་རིག་པའི་ཟིན་བྲིས་ཐོར་བུ། ༢༽
རྔ་བ་རྒྱལ་ཁམས་པ།
གནས་བོའི་ས་གཤིས་རིག་པ།
ས་གཞིའི་ཆགས་བཀོད་ཀྱི་རྣམ་བཞག་ལ་དངོས་དོན་གྱི་བློ་རིག་མ་སད་པའི་གནས་བོའི་མི་རྣམས་ཀྱིས། རང་བྱུང་ཁམས་ཀྱི་འཕོ་འགྱུར་དང་འགུལ་བསྐྱོད་ཀྱི་ནུས་ཤུགས། འཇིག་རྟེན་བྱེད་པོ་ཞིག་དང་ལྷ་དང་ལྷ་མོའི་རྫུ་འཕྲུལ་དུ་བལྟས་ཏེ། ཐུན་མོང་གི་སྣང་ཚུལ་ལས་འདས་པའི་འགྲེལ་བཤད་སྣ་ཚོགས་ཞུས་ཡོད། ས་ཁམས་རིག་པའི་ལོ་རྒྱུས་ལྟར་ན། གནའ་བོའི་རྒུ་རིག་པ་དག་ནི་གནས་ལུགས་དང་རྒྱུ་མཚན་ལ་བརྟེན་ནས་སའི་གོ་ལའི་ཆགས་འཇིག་རང་བཞིན་འགྲེལ་བཤད་གནང་མཁན་ཐོག་མའི་རིགས་ཡིན་པར་བཤད་ཅིང་།
༅༅།། ས་གཤིས་རིག་པའི་ཟིན་བྲིས་ཐོར་བུ། ༡༽
རྔ་བ་རྒྱལ་ཁམས་པ།
སྔོན་དུ་འགྲོ་བའི་གཏམ།
ས་གཤིས་རིག་པ་ཞེས་པ་ནི། ས་གཞི་བརྟག་ཐབས་ཀྱི་རིག་པ་ཞིག་སྟེ། སའི་གོ་ལ་དང་དེའི་གྲུབ་རྒྱུ། ཕྱི་ནང་གི་བཟོ་བཀོད། སྐྱེ་འཇིག་སོགས་བརྟག་ཐབས་ཞིག་ལ་གོ་དགོས། ས་ཁམས་རིག་པ་བ་དག་གིས་ས་གཞིའི་ཕྱི་ཤུན་དང་། ནང་ལོགས། དེའི་ཡང་ཐོག་ནས་རྒྱ་མཚོའི་གཏིང་མཐའ་བར་གྱི་གྲུབ་ཚད། གླིང་དང་གླིང་ཕྲན། ས་སྙིང་། རི་བོ་དང་རི་ཕྲན། ཆུ་བོ་དང་ཆུ་ཕྲན། གནམ་གཤིས། རྗེས་ཤུལ་འགྱུར་རྡོའི་གཏེར་རིགས། དཀྱུས་མའི་ས་རྡོ་ཚུན་ཆད་ལའང་བརྟག་དཔྱད་བྱས་ཏེ། ས་ཁམས་རིག་པའི་ལོ་རྒྱུས་དང་། འཕེལ་རིམ། འགྱུར་འགྲོས་སོགས་ལ་གཏིང་ཐུག་པའི་རྒྱུས་ལོན་བརྒྱུད། རང་རང་གི་ཉམས་མྱོང་ལས་བྱུང་བའི་ལྟ་ཚུལ་སྣ་ཚོགས་འདོན་བཞིན་ཡོད།
ཁོ་ཚོའི་བློས་གཏོང་ལས་འགུལ་དེ་ང་ཚོའི་རྩིག་རྡོ་གལ་ཆེན་ཞིག་ཆགས་ཡོད།
བོད་ཀྱི་དུས་བབ་ལས་དྲངས།
ལོ་སྔ་ཕྱིར་བོད་ཨ་མདོ་རྔ་པ་ས་ཁུལ་དུ་ཛ་དྲག་གི་གནས་ཚུལ་རིམ་བསྟུད་དུ་བྱུང་བ་དང་བསྟུན་ཏེ། བཀའ་ཟུར་ཀིརྟི་རིན་པོ་ཆེ་མཆོག་ཆེད་དུ་ཨ་རིར་ཕེབས་ཏེ་བོད་ནང་གི་ཛ་དྲག་གནས་སྟངས་སྐོར་ཞུ་འབོད་གནང་ཡོད་པ་དང་བསྟུན་ཏེ་ཁོང་ལ་བཅར་འདྲི་ཞུས་ཡོད།
དྲི་བ། ལོ་སྔ་ཕྱིར་ཨ་མདོ་རྔ་པ་དགོན་གྲོང་གཉིས་སུ་རྒྱ་ནག་གིས་དྲག་གནོན་དང་བོད་མི་ཚོས་རང་ལུས་མེར་བསྲེགས་ཀྱི་ཛ་དྲག་གི་གནས་ཚུལ་འོག རིན་པོ་ཆེ་ཉེ་ལམ་ཨ་རི་སོགས་སུ་ཞུ་སྙན་ཕུལ་བར་ཕེབས་སྐབས་གང་འདྲ་བྱུང་ཡོད་དམ།
ལན། ད་ལྟའི་བོད་ནང་གི་བོད་མི་ཚོའི་ཞུ་འབོད་དེ་འུ་ཐུག་ཐབས་ཟད་ཅིག་གི་སྒོ་ནས་ཞུ་འབོད་གནང་བ་རེད། ཞུ་འབོད་དེ་འཛམ་གླིང་རྒྱལ་སྤྱི་དང་ལྷག་པར་དུ་བོད་དོན་རྒྱབ་སྐྱོར་གནང་མཁན་ཨ་རིའི་གཞུང་མང་གཉིས་ཀྱི་སྙན་ལ་གསན་པའི་ཆེད་དུ་བོད་གཞུང་གི་བཀའ་འབྲེལ་ལྟར་ང་རང་ཨ་རི་ལ་བསྐྱོད་པ་ཡིན། དེའི་སྐབས་ལ་ཨ་རིའི་གཞུང་དང་གཞུང་འཛིན་པ། དེ་བཞིན་མི་མང་དང་བཅས་པས་བོད་དོན་ཐོག་ལ་དོ་སྣང་དང་རྒྱབ་སྐྱོར་གྱི་རྣམ་པ་ཤུགས་ཆེན་པོ་ཡོད་པ་དང་། སྤྱིར་བཏང་གི་རྒྱུས་ཡོད་ཡིན་པ། བོད་ཀྱི་གནས་སྟངས་དེ་གསལ་པོ་ཞིག་མཁྱེན་གྱི་ཡོད་པ་དེ་དག་གསལ་པོར་རྟོགས་སོང་། དེར་མ་ཟད། ང་འགྲོ་བའི་སྐབས་ལ་བོད་ནང་གི་གནས་ཚུལ་དེ་དག་བྱུང་སྟེ། དུས་ཚོད་གང་འཚམ་ཞིག་ཕྱིན་ཚར་བ་རེད་དེ། ཡིན་ནའང་། གསར་ལམ་ཁག་ཡོངས་རྫོགས་ཀྱིས་ཞེ་དྲག་དོ་སྣང་ཆེན་པོ་གནང་སྟེ། གསར་འགྱུར་གཞི་རྒྱ་ཆེན་པོ་དང་ཁྱབ་བསྒྲགས་ཤུགས་ཆེན་བྱས་ཏེ་འཛམ་གླིང་མི་མང་གིས་དོ་སྣང་བྱེད་དགོས་པ་ཞིག་ཆགས་སོང་། དེ་བཞིན། གཞུང་དང་མི་མང་གཉིས་ཀྱི་ཐོག་ནས་ང་ཚོ་བོད་མིའི་སྡུག་བསྔལ་དེ་དངོས་ཡོད་གནས་ཚུལ་ཡིན་པར་ཁོ་ཚོས་མཐའ་གཅིག་ཏུ་ངོས་འཛིན་གནང་གི་འདུག་ལ། ང་ཚོར་དམིགས་སུ་བཀར་ཏེ་བདེན་པའི་རྒྱབ་སྐྱོར་ཡོད་པ་དེ་གསལ་པོ་ཤེས་ཐུབ་ཀྱི་འདུག
དེ་ལས་མང་བ་། “ཁོ་ཚོའི་བློས་གཏོང་ལས་འགུལ་དེ་ང་ཚོའི་རྩིག་རྡོ་གལ་ཆེན་ཞིག་ཆགས་ཡོད།” »
༄།། མ་ཡུམ་ལགས། གངས་ལྗོངས།
རྔ་བ་རྒྱལ་ཁམས་པ།
༄།། མ་ཡུམ་ལགས། གངས་ལྗོངས།
བརྗིད་ཆགས་གངས་ཀྱི་རི་བོ་ཉི་ཟླའི་འཁོར་ས།།
རྔམ་སྟུག་ནགས་ཀློང་ཕྱུག་མོ་སྲིད་པའི་རལ་བ།།
དགོང་སྔོན་ཞུ་བའི་ཆུ་བོ་མཐའ་ལ་འབབ་ས།།
ང་ཡི་སྙིང་གི་ཕ་ཡུལ་སེམས་ཀྱི་དྲན་ཤིང་།།
མུ་མེད་བས་མཐར་འཁྱམས་པའི་རྣམ་ཤེས་གྱོང་བོ།།
ལས་རླུང་འཕྲུལ་གྱི་མདའ་མོའི་སྐེ་ལ་ཐོགས་ནས།།
མ་ཡུམ་ཁྱེད་ཀྱི་ལྟོ་བར་ཤུགས་ཀྱིས་འཛུལ་དུས།།
གངས་ལྗོངས་མ་མའི་སྐྱེ་ཁམས་སྲོག་ལ་ཐིམ་སོང་།།
ཟླ་དགུ་ཞག་བཅུའི་གསང་གཏམ་སྙིང་ལ་བཅིངས་ནས།།
འཇིག་རྟེན་སྣང་བ་དཀར་བོའི་མགྲོན་དུ་ཡོང་དུས།།
རབ་རིབ་མིག་གིས་མཐོང་བའི་ཐོག་མའི་གཟུགས་བརྙན།།
མ་ཡུམ་ཁྱེད་ཀྱི་བྱམས་བརྩེའི་འཛུམ་མདངས་ཡིན་ངེས།།
གང་འདོད་ལོངས་སྤྱོད་འཛད་སྙིང་ཡིད་ལ་མེད་ཅིང་།།
བག་ཡངས་བྱིས་པའི་དགའ་རྩེད་མེ་ཏོག་ཐང་དུ།།
ཡང་ཡང་འཁྱམས་པའི་སྐྱིད་སྙམ་རྙེད་དཀའི་སྣང་བ།།
བསམ་བཞིན་བསམ་བཞིན་མ་ཡུམ་ཁྱེད་ཉིད་དྲན་སོང་།།
ཁ་ཁོག་གཅིག་པའི་ཁ་ཡ་ན་ཟླ་མཉམ་དུ།།
༄།། མཐོ་སྒང་ན་འབར་བཞིན་པའི་མེ་ལྕེ་གསོན་པོ།
རྔ་བ་རྒྱལ་ཁམས་པ།
གནམ་དམག་གིས་མཁའ་དབྱིངས་བཀབ་ཅིང་།
རྐང་དམག་གིས་ས་གཞི་གཡོགས་པའི་དུས་དེ་ནས་བཟུང་།
མཐོ་སྒང་ན་དབུགས་ལྷེམ་ལྷེམ་དུ་འཚོ་བའི་གསོན་སྙིང་དྲོན་མོ་ཞིག
མི་འདོད་བཞིན་དུ། དབང་མེད་དུ། འདི་ལྟར་ཕྱོགས་གཉིས་སུ་གྱེས་དགོས་བྱུང་།
སྙིང་དེ་ནི་དཀྱུས་མའི་སྙིང་ཞིག་མ་ཡིན་པར།
ཤ་རུས་ཁྲག་རྒྱུད་ཀྱི་མགོ་ཁུངས་ཡོད་ཅིང་།
སྐད་ཡིག་རིག་གཞུང་གི་མ་ལག་འཛོམས་པའི་མི་རིགས་ཤིག་གི་སྙིང་རེད།
སྙིང་འདི་ཇི་ལྟར་ཁ་སོ་སོར་འཐོར་རུང་།
སྙིང་འདིའི་སྲོག་རྩ་ཨ་ཕའི་སྨྲ་བརྗོད་ཀྱི་ཁ་སྐད་གཙང་མ་དང་།
སྙིང་འདིའི་ཟུང་བཅུད་ཨ་མའི་སླད་མེད་ཀྱི་དད་འདུན་ཞིག་དང་།
ཤ་འདྲེས་ལྤགས་འདྲེས་སུ་གནས་ཡོད་པས།
ད་གདོད། ང་ཚོ་སྟེ་བོད་དང་། བོད་མི་རིགས།
བོད་རིགས་སྤུན་ཟླ། ཕུ་ནུ་མིང་སྲང་ཞེས།
སྐྱིད་སྡུག་མཉམ་མྱོང་གི་གནས་ལུགས་བཟློག་ཏུ་མེད་པ་དེ་བྱུང་བ་རེད།
ངའི་སྙིང་ནས་བརྩེ་བའི་ཕུ་ནུ་སྤུན་ཟླ་རྣམ་པ།
ངའི་སེམས་ནས་དུང་བའི་དཔའ་བོ་དཔའ་མོ་རྣམ་པ།
འདི་འདྲའི་དཀའ་སྡུག་ཅིག་ང་ཚོས་ཅིའི་ཕྱིར་མྱོང་དགོས་བྱུང་བ་རེད།
ཅིག་ཐེངས་ན། ང་ཚོས་ད་དུང་གནའ་བོའི་ཐང་བོད་དམག་འཁྲུགས་ཀྱི་ལས་འཕྲོ་ཞིག་སྐྱོང་བཞིན་པའམ།
ཡང་ན། མཇུག་བསྡུ་བཞིན་པ་ཞིག་ཀྱང་ཡིན་ལས་ཆེ།
༄།། དཔའ་བོ་དང་དཔའ་མོའི་ཡིག་ཚགས།
རྔ་བ་རྒྱལ་ཁམས་པ། བོད་ཀྱི་བསྟན་པ་ཆབ་སྲིད་ཀྱི་དོན་དུ་སྐུ་སྲོག་བཏང་ཟིན་པ་དང་། གཏོང་བཞིན་པའི་རྒྱལ་གཅེས་དཔའ་བོ་དཔའ་མོ་སྤྱི་དང་། ལྷག་པར་རང་ཉིད་ཀྱི་ཆེས་རྩ་ཆེ་བའི་སྐུ་ལུས་མེར་བསྒྲོན་ནས་བདེན་དོན་གྱི་འབོད་སྒྲ་བར་མེད་དུ་སྒྲོག་བཞིན་པའི་དཔའ་བོ་དཔའ་མོ་རྣམ་པར། བླ་ན་མེད་པའི་གུས་བཀུར་དང་། གདུང་སེམས་མཉམ་བསྐྱེད་ཞུ། ཁྱེད་རྣམ་པའི་རླབས་ཆེན་གྱི་མཛད་སྤྱོད་ནི། ང་ཚོའི་བདེན་མཐའ་རྩོད་པའི་རི་རབ་ལྟ་བུའི་བདེན་དཔང་རེ་རེ་ཡིན་པ་མ་ཟད། འགྲོ་བ་མིའི་རིགས་ཀྱི་འཚོ་གནས་བདེ་སྡུག་གི་འགྲན་རྩོད་ནང་། ཚད་མེད་ཞི་བའི་སྙིང་སྟོབས་མཐར་སོན་པའི་དཔང་རྟགས་བླ་ན་མེད་པ་ཞིག་ཀྱང་རེད། ངས་ཁྱེད་རྣམ་པར་གུས་ཕྱག་བཅས་རེ་འབོད་ཞུ་རྒྱུ་ཞིག་ལ། རབ་ན་སྐུ་ལུས་ཞུགས་འབུལ་གནང་མ་དགོས་པའི་ཐབས་ལམ་གཞན་ཞིག་གནང་རོགས་གནང་། གལ་ཏེ་ངེས་པར་དུ་ལམ་ཁ་འདིར་ཕེབས་རྒྱུ་ཡིན་ན། ཁྱེད་རྣམ་པས་རང་ཉིད་ཀྱི་ཕྱག་བྲིས་ཡི་གེ་འཇོག་རོགས་གནང་། རང་ཉིད་ཀྱི་ནམ་རྒྱུན་གྱི་གཤིས་སྤྱོད་དང་།…
༄།། ཡི་གེ་བྲི་སྲོལ་རོབ་བཤད།
རྔ་བ་རྒྱལ་ཁམས་པ།
ཉེ་དུས་མདའ་ཚན་པའི་ཤད་ཀྱི་བཤད་པ་ལས་འཕྲོས་ཏེ་བགྲོ་གླེང་མང་བོ་ཞིག་གནང་སོང་། ཡི་གེ་ཇི་ལྟར་བྲི་བའི་སྲོལ་ལ་སྐད་ཆ་ཁ་ཤས་ཤིག་ཤོད་འདོད་སྐྱེས་སོང་། སྤྱིར་གསུང་རབ་གླེགས་བམ་དུ་བྲི་བའི་སྲོལ་ཀ་བཀའ་བསྡུ་གསུམ་པའི་སྐབས་བྱུང་བར་འདོད་པ་དང་། སངས་རྒྱས་ཞལ་བཞུགས་དུས་ནས་བྱུང་བར་འདོད་མཁན་ཏེ། བཞེད་པ་མ་འདྲ་བ་གཉིས་འདུག བྱེ་བྲག་བོད་འདིར་ཐོན་མིའི་སྐུ་རིང་ལ་བྱུང་བར་ཆ་འཇོག་བྱེད་རིགས་ཤིང་། ཡོངས་གྲགས་ཐོན་མས་རྒྱ་གར་གྱི་ཡི་གེར་དཔེར་བླངས་ནས། དབྱངས་གསལ་དང་། མགོ་འདོགས། འཕུལ་རྟེན། ཕ་མ་བུ་ཚའི་ཡི་གེ སྲོག་རྐྱེན་གྱི་ཡི་གེ་སོགས་གཏན་ལ་ཕབ་པར་གྲགས། ངས་བཤད་འདོད་པ་ནིོ་རྐྱེན་གྱི་ཡི་གེའི་སྐོར་ཡིན། རྐྱེན་གྱི་ཡི་གེ་ཞེས་པ་ནི་དབུ་དང་ཤད་གཉིས་ཡིན་ཞིང་། དེང་སང་རྐྱེན་གྱི་ཡི་གེའི་བྲི་སྲོལ་ཕལ་ཆེར་ཉམས་བཞིན་ཡོད་པ་འདྲ། སྲོལ་རྒྱུན་བྲི་སྲོལ་ནང་རྩོམ་ཡིག་གང་ཞིག་འབྲི་སྐབས་དབུ་ཁྲིད་ལྟ་བུའི་དབུ་ཁྱུད་འདིས༄།། ཐོག་དྲངས་ནས་རྩོམ་གྱི་ལུས་ལ་འཇུག་དགོས་པ་རེད། ད་ལྟའི་དྲྭ་རྩོམ་དང་། དེབ་གཟུགས་སུ་བསྐྲུན་པའི་དཔེ་ཆ་མང་བོའི་ནང་རྩོམ་ཡིག་གི་མགོར་དབུ་ཁྱུད་འཇོག་མཁན་ཉུང་ཉུང་རེད། དེ་ལ་དགོས་པ་དང་རྒྱུན་མཚན་གཞན་ཞིག་ཡོད་ན་མ་གཏོགས་ཡིག་མགོར་དབུ་ཁྱུད་འདི་ངེས་པར་དུ་འཇོག་དགོས་ཀྱི་འདུག དེ་བཞིན་ཤད་ཀྱི་སྐོར་རེད།
༄།། སྡུག་བསྔལ་གྱི་མཐར་ཐུག་ནི། སྙིང་སྟོབས་ཀྱི་རྩེ་མོ་ཡིན།
རྔ་བ་རྒྱལ་ཁམས་པ།
མའོ་ཙེ་ཏུང་གིས་ཏྰ་ལའི་བླ་མར་དབུ་བསྐོར་བ་ནས། ཧོས་ཅིན་ཐའོའི་ད་ལྟའི་སྲིད་དབང་སྒེར་གཅོད་ཀྱི་ཡ་ང་བའི་གནས་སྟངས་འདིའི་བར། ཏག་ཏག་མི་ལོ་ལྔ་བཅུ་ལྷག་ཅིག་ཕྱིན་སོང་། བོད་ལ་ལྟོས་ན། མི་ལོ་དེ་དག་ནི་ན་ཟའི་དབང་འོག་གི་ལྗོས་རིགས་ལྟར། རང་གི་མིང་གནས་སྲོག་གསུམ་རྩ་མེད་དུ་གཏོང་བཞིན་པའི་ཆབ་སྲིད་ཀྱི་བཙན་འཛུལ་འཇིགས་སུ་རུང་བའི་ནམ་ཟླ་ཞིག་རེད་ལ། ང་ཚོའི་ཚེ་སྲོག་དང་། རིག་གཞུང་། འཚོ་གནས་སོགས་ལ་ཉམས་མྱོང་དང་། གོ་རྟོགས་རང་བཞིན་གྱི་བློ་སྦྱོང་རྩ་ཆེན་པོ་ཞིག་ཀྱང་ཡིན། གནའ་བོའི་རྒུ་རིག་གི་སློབ་དཔོན་ཆེན་མོ་སོ་ཁུར་ཁྲེ་སི་མཆོག་གིས། ༼ཤིང་ནགས་ལས་ཁོ་བོར་བསླབ་རྒྱུ་ཅིའང་མི་འདུག༽ཅེས་དང་། ཝེལ་ཡམ་ཤག་ཁུ་སི་པེ་ཨར་མཆོག་གིས། ༼རྒྱུ་རྐྱེན་སྟོབས་ཆེན་གྱིས་འགུལ་སྐྱོད་སྟོབས་ཆེན་བསྐྲུན་ཐུབ༽
དེ་ལས་མང་བ་། “༄།། སྡུག་བསྔལ་གྱི་མཐར་ཐུག་ནི། སྙིང་སྟོབས་ཀྱི་རྩེ་མོ་ཡིན།” »
༄།། མེ་ལྕེ་འུར་འུར་འབར། འབོད་སྒྲ་ལྷང་ལྷང་གྲགས།
རྔ་བ་རྒྱལ་ཁམས་པ།
རྔ་བ་རྒྱལ་ཁམས་པ།
མེ་ལྕེ་དེས། ལོག་རྟོག་གི་སྲོག་རྩ་བསྐུམས།
མེ་ལྕེ་དེས། ཧམ་སེམས་ཀྱི་བརྙས་བཅོས་བསྲེགས།
མེ་ལྕེ་དེས། བཙན་གནོན་གྱི་དཔུང་བ་ཚིག
མེ་ལྕེ་དེས། ཕྱོགས་རིས་ཀྱི་ངོ་གདོང་གཞོབས།
མེ་ལྕེ་དེས། མཁྲེགས་འཛིན་གྱི་ཀླད་ཞོ་དཀྲུགས།
མེ་ལྕེ་དེས། དྲག་རྩུབ་ཀྱི་མཚོན་ཆ་བཞུས།
མེ་ལྕེ་དེས། རྫུན་ཕུགས་ཀྱི་ལྕེ་གཉིས་བསྐམས།
མེ་ལྕེ་དེས། མུན་ནག་གི་གྲིབ་མ་བསལ།
མེ་ལྕེ་དེས། སླུ་བྲིད་ཀྱི་གཡོ་འགུལ་བདས།
མེ་ལྕེ་དེས། མཐོ་སྒང་གི་ཁོར་ཡུག་སྲུང་།
མེ་ལྕེ་དེས། དར་ལམ་གྱི་རྒྱ་འགྲུལ་འགོག
མེ་ལྕེ་དེས། གཞིས་བྱེས་ཀྱི་སྲོག་རྩ་མཐུད།
མེ་ལྕེ་དེས། དཔའ་རྟགས་ཀྱི་ཉེན་བརྡ་བཏང་།
མེ་ལྕེ་དེས། སྲུང་བཙན་གྱི་སྟོབས་ཤུགས་ངོམ།
མེ་ལྕེ་དེས། ཞི་བདེ་ཡི་དབུ་འཕངས་བསྟོད།
མེ་ལྕེ་དེས། མི་རིགས་ཀྱི་བླ་སྲོག་གསོས།
དེ་ལས་མང་བ་། “༄།། མེ་ལྕེ་འུར་འུར་འབར། འབོད་སྒྲ་ལྷང་ལྷང་གྲགས།” »
༄།། ལེའུ་གཉིས་པ། སྲིད་སྐྱོང་།
རྔ་བ་རྒྱལ་ཁམས་པ།
རྒྱའི་མཚན་ཉིད་པ་ཆེན་མོ་ཁུང་ཙི།
༼ཚན་པ་ཉེར་བཞི༽
༼༡ ཁུང་ཙི་ན་རེ། སྲིད་དོན་ཀུན་སྤྱོད་ཀྱིས་སྐྱོང་བ་ནི་སྐར་མ་ཨ་བརྟན་གནས་ངེས་མེད་ཅན་དུ་ཡོད་པ་ལ་སྐར་མའི་ཚོགས་ཀྱིས་བསྐོར་བ་བཞིན་བྱའོ།། ༼བསྡུས་དོན༽ དཔེ་སྐར་མ་ཨ་བརྟན་སྐར་མའི་ཚོགས་ཀྱིས་བསྐོར་བ་དེས་དཔེ་ཅན་རྒྱལ་སྲིད་ཀུན་སྤྱོད་ཀྱིས་སྐྱོང་དགོས་པར་བསྟན་ཏོ།།
༼༢ ཁུང་ཙི་ན་རེ། སྙན་ངག་གཞུང་དུ་སྙན་ངག་ཁག་སུམ་བརྒྱ་ཡོད་ལ། ཚིག་གཅིག་ཏུ་བསྡུས་ན། ལྷག་བསམ་ཟོལ་མེད་དང་། ལོག་རྟོགས་མེད་པ་ཞེས་པ་དེ་རེད། ༼བསྡུས་དོན༽ཁུང་ཙིས༼སྙན་ངག་གི་གཞུང༽ཞེས་པ་དེའི་བརྗོད་དོན་བསྡུས་ཏེ་གསུངས་སོ།།
༼༣ ཁུང་ཙི་ན་རེ། མི་རྣམས་སྲིད་ཁྲིམས་ཀྱིས་སྐྱོང་བ་དང་། ཉེས་ཁྲིམས་ཀྱིས་གཅུན་ན་དེ་རྣམས་ཁྲིམས་ལ་བྱོལ་ཆེད་ངོ་ཚ་མེད་པར་འགྱུར་རོ།། མི་རྣམས་ཀུན་སྤྱོད་ཀྱིས་སྐྱོང་ཞིང་། གུས་ལུགས་ཀྱིས་གཅུན་ཚེ་དེ་རྣམས་ངོ་ཚ་དང་ལྡན་པ་མ་ཟད། སེམས་བག་ལྷོད་ཅིང་དུལ་བར་འགྱུར་རོ།། ༼བསྡུས་དོན༽ཁུང་ཙིས་མངའ་འབངས་ཉེས་ཁྲིམས་ལ་བརྟེན་ནས་སྐྱོང་བ་ལས་ཀུན་སྤྱོད་དང་གུས་ལུགས་ལ་བརྟེན་ནས་སློབ་གསོ་གཏོང་བ་བཟང་ཞེས་པའི་དོན་བསྟན།
༼༤ བདག་བཅོ་ལྔའི་སྟེང་དུ་བསླབ་པ་བརྩམས། སུམ་ཅུའི་སྐབས་སུ་བརྟན་པོར་ཚུགས། བཞི་བཅུར་བྱ་བར་མགོ་མི་ཐོམ། ལྔ་བཅུར་ལས་ཀྱི་རང་བཞིན་རྟོགས། དྲུག་ཅུར་སྐད་ཆའི་བདེན་བརྫུན་ཤེས། བདུན་ཅུར་གང་བསྒྲུབ་མི་འགལ་བའོ།། ༼བསྡུས་དོན༽ འདིར་ཁུང་ཙིས་རང་ཉིད་ཀྱིས་སློབ་སྦྱོང་བྱས་ཚུལ་དང་གནས་ལུགས་རྟོགས་ཚུལ་གསུངས།
༄།། འགག་རིའི་ཟླ་བ༼༡༽།
རྔ་བ་རྒྱལ་ཁམས་པ། ལི་པའེ། འོད་དཀར་ཅན་ནི་གནམ་གྱི་རི་བོ༼༢༽ལས།། སྤྲིན་གྱི་རྒྱ་མཚོའི་གསེབ་ཏུ་འཕྱོ་ཞིང་ཉུལ།། ལེ་དབར་ཁྲི་ཕྲག་བསྐྱོད་པའི་དྲིའི་ཤིང་རྟ༼༣༽།། ཡུས་མོན་༼༤༽འགག་ཏུ་གཡུགས་ཤིང་བརྒལ་བར་གྱུར།། ཧན་རྒྱལ༼༥༽པའེ་ཏིང་རི་བོའི་ལམ་དུ་བབ།། བོད་མིས་ཁྲི་ཤོར་རྒྱལ་མོར༼༦༽བྱ་ར་བྱེད།། འདི་ཀོ་སྔར་ནས་འཐབ་པའི་གཡུལ་ས་སྟེ།། གསོན་པོར་ཕྱིར་དུ་ལོག་པ་མཐོང་མ་བྱུང་།། མཐའ་སྲུང་བ་ཡིས་བས་མཐར་བལྟ་བཞིན་དུ།། ཕ་ཡུལ་དྲན་ཏེ་སྨིན་མ་ཀུན་གྱིས་བསྡུས།། དགའ་མ་གདུང་བས་མཚན་འདིར་ཐོག་ཁང་དུ།། སྐྱོ་བའི་ཤུགས་རིང་ནར་ནར་ཡང་ཡང་འབྱིན།། ༼༡…
༄།། བོད་སྐད་ཡིག་གི་ལས་དབང་གླེང་བ།
རྔ་བ་རྒྱལ་ཁམས་པ།
སྐད་ཡིག་གི་མཚན་ཉིད་རིག་པ།
སྤྱིར་སྐད་ཡིག་ནི་འགྲོ་བ་མིའི་རིགས་ཀྱི་གྲུབ་ཆ་གཙོ་བོ་གསུམ་གྱི་ནང་ཚན། ལུས་ངག་ཡིད་གསུམ་ལས་ངག་གི་ཆར་གཏོགས་སུ་འཇོག་དགོས། ངག་ཅེས་པ་ནི་སྐྱེས་བུའི་སེམས་ཚོར་ལས་བྱུང་བའི་སྨྲ་བརྗོད་ཀྱི་སྒྲའི་རྣམ་འགྱུར་ཙམ་ཞིག་ཡིན། ཡི་གེ་ནི་སྒྲའི་རྣམ་པ་དེ་མཚོན་བྱེད་ཀྱི་བརྡ་རྟགས་རི་མོའི་རྣམ་པ་ཞིག་རེད། གསལ་བོར་བཤད་ན། སྐད་དེ་སྒྲ་དང་། ཡི་གེ་ནི་དེའི་མཚོན་རྟགས་གཟུགས་རིས་ཤིག་རེད། ང་ཚོས་སྐད་ཡིག་གི་རིག་པའི་གཞུང་ལུགས་དག་ལ་འཁྱུགས་ཙམ་ཞིག་བལྟས་པ་ཡིན་ན། འགྲོ་བ་མིའི་གྲུབ་ཆ་གཙོ་བོ་གསུམ་ལས། སེམས་སྔོན་དུ་གྲུབ་ཅིང་། ལུས་ངག་གཉིས་དེའི་རྗེས་སུ་གྲུབ་པ་ཞིག་རེད། ལྷག་པར་སྐད་དང་ཡི་གེ་གཉིས་ཀ་འགྲོ་བ་མིའི་རིགས་དང་། དེ་གང་ལ་བརྟེན་ཡུལ་གྱི་རང་བྱུང་ཁོར་ཡུག་གཉིས། ལོ་བར་ཁྲི་སྟོང་མང་བོའི་རིང་ཕན་ཚུན་གཤིབ་བསྡུར་གྱིས་འཚོ་གནས་ཉམས་མྱོང་། སྐྱེ་འཆི་ཉམས་མྱོང་། སྣང་གནས་ཉམས་མྱོང་། བདེ་སྡུག་ཉམས་མྱོང་སོགས། ཡུལ་ཅན་སེམས་ཀྱིས་ཡུལ་ལ་བློ་སྦྱོང་བྱས་པའི་ལྟ་སྟངས་སྣ་ཚོགས། མིང་བརྡ་ཐ་སྙད་སོགས་ངག་གི་སྨྲ་བརྗོད་ཀྱི་ལམ་ནས་རྗོད་པ་ནི་སྐད་དང་། ཡི་གེ་ནི་དེའི་ཚབ་མཚོན་རི་མོའི་ལམ་ནས་སྤེལ་བ་ཞིག་རེད། དེའང་ཡི་གེ་ཞེས་པ་སྒྲ་རུ་འདོད་པ་དང་། གཟུགས་སུ་འདོད་པ། ཤེས་པར་འདོད་པ་སོགས། འདོད་ཚུལ་མ་འདྲ་བ་སྣ་ཚོགས་ཡོད། ནང་བའི་རྒྱུད་ཀྱི་ཕུན་ཚོགས་ལྔའི་གླེང་གཞིའི་སྐབས། སྟོན་པ་སྐུ་ལྔས་འཁོར་ལྔ་ལ་གསུང་ལྔའི་སྒོ་ནས་ཆོས་ཉིད་ཀྱི་དོན་མངོན་སུམ་་དུ་སྟོན་པ་ལྟ་བུ་དང་། དེ་བཞིན་གཞི་དོན་དམ་པ་ཡི་དང་། ཀུན་རྫོབ་པའི་རིག་པ་གེ བདེན་གཉིས་དབྱེར་མེད་པའི་ལྷན་སྐྱེས་ཀྱི་ཡེ་ཤེས་ལ་ཡི་གེ་ཞེས་པའི་བརྡ་ཙམ་གྱིས་སྨྲ་བསམ་བརྗོད་འདས་ཀྱི་ཆོས་འཁོར་བསྐོར་བ་ལྟ་བུ། དེ་བཞིན་བླ་སློབ་ཚད་ལྡན་ཚོས་ཕན་ཚུན་དགོངས་པ་གཏད་ཙམ་གྱིས་དོན་རྒྱུད་ཀྱི་ཡེ་ཤེས་རང་རྒྱུད་ལ་སྐྱེ་བ་ལྟ་བུ། སྒྲ་རང་མཚན་པ་ལས་འདས་པའི་ཡིག་འགྲུལ་འདི་ལྟ་བུ་ལ་བློ་རིག་གི་ཆར་གཏོགས་པའི་ཡི་གེ་ཞེས་བརྗོད་ན་འོས་པར་འདོད།
༄།། རིག་པ། ལམ། འཐེན་ཤུགས།
རྔ་བ་རྒྱལ་ཁམས་པ།
རེད། དུས་དེ་ནི་ཆེས་སྤྱིར་བཏང་གི་ཞོགས་པ་ཞིག་རེད།
གཉིད་མ་སད་ཀྱི་བར་གསེང་དེ་ནས།
ངས་ཁྱོད་ཐེངས་གཅིག་མཐོང་བྱུང་།
དུས་དེ་ནས་བཟུང་། ཁྱོད་དྲན་ཐེངས་རེ་རེར།
ང་ལ་ཁོང་འདར་ཞིག་ངང་གིས་སྐྱེ་ཞིང།
བདེ་ཚོར་ཕྲ་མོ་ཞིག་ཀྱང་རང་བཞིན་གྱིས་འདྲེན་འོང་།
མཐིང་མདོག་གི་དབྱིངས། ཟླ་འོད་ཀྱི་སྣང་བས་འཁྱུད་པའི་ཨ་མ།
ཁྱོད་ཀྱི་ཆེས་གཏིང་རིམ་ཞིག་ན། ནུས་ཤུགས་ཀྱི་ཐིག་ལེར་འཁྱིལ་བའི་སྒྲོམ་པུ།
རང་འགུལ་གྱི་གཡོ་འཆོམ་ཞིག་གམ། ལས་དབང་གི་རྟེན་འབྲེལ་ཞིག་ལས།
ཆུ་ལས་ཆུ་རླབས། མཁའ་ལས་འཇའ་ཚོན། སེམས་ལས་རྣམ་རྟོག་གི་འཇུ་བ་བཞིན།
འཇིག་རྟེན་དང་འཇིག་རྟེན་ལས་འདས་པའི་རྣམ་བཞག་དང་།
བདེན་རྫུན་གྱི་ལྟ་གྲུབ་ཚང་མ་གློ་བུར་དུ་བརྡོལ་བྱུང་།
འཐེན་ཤུགས་ཟད་པའི་གོ་ལ་ལྟར་གློ་བུར་དུ་འཐོར་སོང་།
གནམ་ས་ཁ་འབྱེད་པ་ལྟར་གློ་བུར་དུ་ཕྱེས་བྱུང་།
དུས་དེ་ནས་བཟུང་།
ཁྱོད་ཀྱི་རྒྱ་ཆེ་གཏིང་ཟབ་ཀྱི་འཇིག་རྟེན་གྱི་བཀོད་པ་རེ་རེའི་ནང་།
ངའི་ལས་དབང་གི་ཚེ་སྲོག་རྒྱུ་བའི་བདེ་སྡུག་གི་ཁྱིམ་གཞིས་ཆེ་ཆུང་རེ་རེ་གྲུབ་ཅིང་།
ངས་ཡང་དང་བསྐྱར་དུ་རང་ཉིད་དགའ་ས་དང་སྡུག་ས། དུངས་ས་དང་ཁྲོ་ས། བྱམས་ས་དང་སྡིགས་ས་སོགས།
བག་ཆགས་ཀྱི་རྩིག་རྨང་སྣ་ཚོགས་བཏང་ཞིང་།
༄།། སྙིང་སྟོབས་རིག་པ།
རྔ་བ་རྒྱལ་ཁམས་པ།
རྔ་བ་རྒྱལ་ཁམས་པ།
མངོན་འདོད། ཆོད་སེམས། ཐབས་འཕྲུལ། དྲན་འཛིན། འབྲས་བུ་བཅས་ནི།
སྲོག་ལྡན་འཇིག་རྟེན་གྱི་གསང་བའི་ལམ་ལྔ་ཡིན་ཞིང་།
ནུས་པ། འཐེན་ཤུགས། རྡུལ་ཕྲན། རྫས། འོད་སྣང་བཅས་ནི།
ཕྱི་དོན་འཇིག་རྟེན་གྱི་རྨང་གཞིའི་ཀ་བ་ལྔ་རེད།
བསམ་བློ་ཞིབ་ཏུ་མ་བཏངས་ན།
ང་ཚོ་འཚོ་ཞིང་གནས་པའི་སྣོད་བཅུད་ཀྱི་དངོས་པོ་དང་།
ཤེས་བྱའི་ཆོས་མཐའ་དག་འདི་དག་ལས་བྱུང་ཞིང་།
འདི་དག་ལ་བརྟེན་ཡོད་པའི་ངོ་མཚར་བའི་གསང་བ་དེ་རྟོགས་དཀའ་བ་ཞིག་རེད།
འཇིག་རྟེན་ན་ཤེས་རབ་ཀྱི་བདག་པོར་གྱུར་པའི་སངས་རྒྱས་ཞེས་པའང་།
རང་བཞིན་གྱིས་ཡོད་པའི་གསང་བ་འདི་དག་ལས།
འཇིག་རྟེན་དང་འཇིག་རྟེན་ལས་འདས་པའི་ཆོས་ལ་དབང་བསྒྱུར་པ་རེད།
ཡི་ཤུ་མ་ཤི་ཀའི་བྱམས་བརྩེ་དང་། ས་ལམ་གྱི་མངོན་རྟོགས་ཀྱང་གསང་བ་འདི་ལས་བྱུང་སྟེ།
༄།། མའོ་ཙེ་ཏུང་གི་གསང་བའི་ལོ་རྒྱུས་བསྔོགས་པ།
རྔ་བ་རྒྱལ་ཁམས་པ།
དུད་དྲེག་ཆགས་པའི་ཁྱིམ་ཚང་གི་རྩིག་ངོས་ན་སྦྱར་བའི་འདྲ་པར་ཆེན་པོ་དེ་དག་མཐོང་སྐབས། བརྗོད་མ་ཤེས་པའི་སྐྲག་སྣང་དང་། བརྗིད་སྣང་ལྟ་བུ་ཞིག་ངང་གིས་སྐྱེ་འོང་། ངས་ཡང་སྙིང་མི་སྣ་དེ་དག་གི་ལོ་རྒྱུས་དང་། ལྟ་གྲུབ། ལུང་བ་གང་ནས་ཡིན་མིན་གསལ་བོ་ཞིག་མ་ཤེས་ཀྱང་། གོར་ཅིང་ཟླུམ་པའི་མིག་སྔོན་པོ། སྦོམ་ཞིང་སྟུག་པའི་གདོང་སྤུ། སྣ་ཆེ་ཁ་འཐུག་གི་རྣམ་པ། ད་དུང་བརྗིད་ཉམས་ཆེ་བའི་སྐེ་མདུན་ཅན་གྱི་གོས་དང་། ལྷག་པར་སྐར་མ་དང་ཐོབ་རྟགས་ཀྱིས་སྤྲས་པའི་དམག་ཆས་རྫིག་པོ་དེ་དག་ལ་སེམས་ཡང་ཡང་ཤོར་མྱོང་། ག་ལེར་གནས་ཚུལ་ཅུང་ཟད་རེ་ཧ་གོ་སྐབས། མི་སྣ་དེ་དག་ནི་ཀླད་པ་རྡོ་ལས་མཁྲེགས་ཤིང་། སྒལ་ཚིགས་རྣོ་ལས་སྲ་བ། རྐང་ལག་ཚེར་ལྕགས་ལས་ཀྱང་རྩུབ་པའི་དམར་བོའི་ལྟ་བའི་མྱི་རྒོད་ཁྱུ་གཅིག་སྟེ། མར་ཁེ་སི། ཨེན་ཁེ་སི། ལེ་ཉིན། སི་ཏྲ་ལེན། མོ་ཚེ་ཏུང་བཅས་རེད་འདུག ངས་ཉེ་དུས་འདིར་མི་ལོ་ཉི་ཤུ་ལྷག་གི་རིང་།
དེ་ལས་མང་བ་། “༄།། མའོ་ཙེ་ཏུང་གི་གསང་བའི་ལོ་རྒྱུས་བསྔོགས་པ།” »
༄།། དུས་འཁོར་དབང་ཆེན་ལས་ཤམ་བྷ་ལའི་ཞིང་ཁམས་མཐོང་བ།
རྔ་བ་རྒྱལ་ཁམས་པ།
སངས་རྒྱས་དགུང་ལོ༨༡ཐོག་རིག་ལྡན་ཟླ་བཟང་སོགས། གདུལ་བྱ་དབང་བོ་རབ་ལ་ཕྱི་དུས་ཀྱི་འཁོར་ལོ་སྣོད་ཀྱི་འཇིག་རྟེན། ནང་དུས་ཀྱི་འཁོར་ལོ་རྩ་རླུང་ཐིག་ལེའི་འཁོར་བསྐྱོད། གཞན་དུས་ཀྱི་འཁོར་ལོ་རྟེན་དང་བརྟེན་པའི་དཀྱིལ་འཁོར་གྱི་བཀོད་པ་ཡོངས་སུ་རྫོགས་པ། སྒྱུ་མ་དང་། མིག་འཕྲུལ། རྫུ་འཕྲུལ་ལྟར་བཞེངས་ནས། དུས་འཁོར་རྩ་བའི་རྒྱུད་གསུངས། དེ་ལ་རིག་ལྡན་ཟླ་བཟང་གིས་འགྲེལ་ཆེན་སྟོང་ཕྲག་དྲུག་ཅུ་བ་མཛད། དེ་ནས་རིག་ལྡན་འཇམ་དཔལ་གྲགས་པས་བསྡུས་རྒྱུད་བརྩམས། དེ་རྗེས་རིག་ལྡན་པད་མ་དཀར་པོས་འགྲེལ་ཆེན་དྲི་མེད་འོད་མཛད་ནས། སློབ་དཔོན་དུས་ཞབས་པ་ཆེ་ཆུང་དང་། ཙི་ལི་བ་སོགས་རྒྱ་གར་གྱི་རིག་འཛིན་གྲུབ་པའི་རྣལ་འབྱོར་བ་ཆེན་པོ་དག་གིས། ཐོས་བསམ་སྒོམ་གསུམ་གྱིས་འཛིན་སྐྱོང་དར་སྤེལ་མཛད་པས། གནའ་བོའི་རྒྱ་གར་ན་ཉིན་མ་རེ་ལའང་། གྲུབ་པ་ཐོབ་པའི་རྣལ་འབྱོལ་བ་རེ་ཕེབས་ཐུབ་ཀི་ཡོད་པར་གྲགས་ལ། བོད་འདིར་ཅི་ཇོ་ལོ་ཙྰ་བ་ཟླ་བའི་འོད་ཟེར་རམ། འབྲོ་ཤེར་གྲགས་གང་ཡིན་གསལ་བོ་མ་དྲན། དུས་འཁོར་གྱི་ལེའུ་ཁག་ཅིག་བོད་དུ་བསྒྱུར་བ་ནས། མེ་མཁའ་རྒྱ་མཚོ་དང་། རབ་བྱུང་བརྩི་བའི་སྲོལ་རིམ་པར་དར་ཞིང་། སྒྲུབ་རྒྱུད་ཤིང་རྟ་བརྒྱད་དང་། ལྷག་པར་ཀུན་མཁྱེན་སྒྲོལ་བའི་མགོན་པོ་སོགས། དཔལ་ཇོ་ནང་གི་མཁས་གྲུབ་རྣམ་པས། དུས་སྦྱོར་ཡན་ལག་དྲུག་གི་ཉམས་ལེན་དབུ་མ་གཞན་སྟོང་ཆེན་མོ་དང་སྦྱར་ནས། འཆད་མཉན་སྒོམ་སྒྲུབ་འཛིན་སྐྱོང་དར་སྤཻལ་གནང་བས། ཕྱོགས་འདི་ལ་ནི་བཀའ་དྲིན་གཞན་ལས་ཀྱང་ཆེ་བ་ཡིན། སྐབས་འདིར་དུས་འཁོར་དབང་ཆེན་ལབ་དུས། ཤམ་བྷ་ལའི་ངོ་མཚར་བའི་ལོ་རྒྱུས་དེ་རང་བཞིན་གྱིས་ཡིད་ལ་དྲན་སྲིད་པ་ཞིག་རེད། བོད་ཀྱི་ངག་རྒྱུན་ཤོད་སྲོལ་ཞིག་ཏུ། འགྲིམ་འགྲུལ་གྱི་ལམ་ཁ་སྣ་ཚོགས་འཛུགས་སྐྲུན་ལས། སའི་གོ་ལའི་ཁྱོན་འདིར་དུས་ཀྱི་འཁོར་ལོའི་རྟེན་དང་བརྟེན་པའི་དཀྱིལ་འཁོར་གྱི་རྩ་ཐིག་ཡོངས་སུ་རྫོགས་པ་འགྲུབ་ཅིང་།
དེ་ལས་མང་བ་། “༄།། དུས་འཁོར་དབང་ཆེན་ལས་ཤམ་བྷ་ལའི་ཞིང་ཁམས་མཐོང་བ།” »
༄།། སྡེ་བའི་གླུ་གར་འགྲན་ཚོགས།
རྔ་བ་རྒྱལ་ཁམས་པ།
སྣ་ཚོགས་ཚོན་ལྡན་དར་གྱི་ཤམ་བུ་ལྕི་བསེར་རླུང་གིས་ལྷབ་ལྷུབ་བསྐྱོད།།
གཟབ་འཕྱོར་སྤྲས་པའི་ཕྱོགས་ཕེབས་མགྲོན་དག་གར་གྱི་འདུ་རྭ་ཟླུམ་པོར་བསྐོར།།
མདོ་འཛིན་པ་ཡི་ཟབ་སྙན་གླེང་བསླངས་རྣ་ལམ་དག་ཏུ་འོང་བ་ན།།
དགའ་སྡུག་མས་མིག་མཐའ་བརླན་ཞིང་ལ་རྒྱས་སྙིང་ཁམས་དྲག་ཏུ་ལྡང་།།
གླུ་གར་རྩེད་འགྲན་རྫོགས་ཐེངས་རེ་ལ་རིས་ཆད་ཐལ་སྐད་ལྡབ་ལྡིབ་གྲགས།།
ཆེ་ཆུང་གོ་བཟློག་བསྟོད་ཚིག་དག་གིས་སེའུ་བཅུའི་བློ་ཡི་གཤིས་ཤིག་བསྟན།།
སྒམ་ཚུགས་ཅན་གྱི་བགྲེས་གཞོན་ཁག་ཅིག་དོན་སྙིང་མེད་ཅེས་འཁང་ར་བྱེད།།
ཐ་དད་བློ་ཡི་འཁྱེར་སོ་གཉིས་ལ་གདོང་མར་རྣམས་ཀྱི་ལངས་ཕྱོགས་བགྲངས།།
༄།། ལག་ནང་ལག་པ། འགྱུར་རྩོམ།
རྔ་བ་རྒྱལ་ཁམས་པ།
ལོ་གཉིས་ཀྱི་ཡར་སྔོན་ཞིག་ལ། ང་སྟབས་མ་ལེགས་པའི་གནས་ཚུལ་འདི་འདྲ་ཞིག་དང་འཕྲད་མྱོང་། ངའི་བཟའ་ཟླ་དང་ངེད་གཉིས་རླངས་འཁོར་བསྐོར་ནས་ནོས་ཡོག་གྲོང་ཁྱེར་ནང་བཅའ་དངོས་ཤིག་ཉོ་རུ་སོང་བ་ཡིན། གྲོང་ཁྱེར་གྱི་སྲང་ལམ་གང་སར་འཚངས་ཀ་ཆེན་པོ་འདུག ནོས་ཡོག་ཏུ་སླེབས་རྗེས། རླངས་འཁོར་བཀག་འཇོག་ཆོག་ས་ཞིག་ཏུ་རླངས་འཁོར་བཞག་རྗེས། ངེད་གཉིས་ལག་འཇུ་བྱས་ནས་འཁྱམས་ཉུལ་དུ་ཕྱིན། ངས་བཟའ་ཟླས་གློ་བུར་ ཚོང་ཁང་ཞིག་གི་སྒེའུ་ཁུང་ལས་མོ་རང་དགའ་མོས་ཆེ་བའི་གོན་པ་ཁག་ཅིག་མཐོང་སྟེ་འགྲོ་མཚམས་བཞག ངས་སྒེའུ་ཁུང་རྗེས་མའི་ནང་གི་སྒྲ་སྡུད་འཕྲུལ་འཁོར་དག་ལ་བལྟ་ཉུལ་བྱས། ཡུད་ཙམ་ནས་ངས་སླར་ཡང་བཟའ་ཟླའི་ལག་པར་བསྙབས་པ་ཡིན། དེར་བུད་མེད་ཅིག་གིས་སྐད་ཤུགས་ཆེན་པོའི་ངང་ང་ལ་འགྲམ་ལྕགས་ཤིག་གཞུས་སོང་། ང་རྟབ་རྟབ་པོར་གྱུར་ནས་ཞིབ་ཏུ་བལྟ་སྐབས། ད་གའི་ངས་ལག་འཇུ་བྱ་ཡུལ་དེ་ངའི་བཟའ་ཟླ་མ་ཡིན་པར། བུད་མེད་འགྲུལ་བ་གཞན་ཞིག་རེད་འདུག
རྒྱ་རིས་ཧོལ་ཕ་ར་མ་སི།
༄།། བཀླགས་འཆར།
རྔ་བ་རྒྱལ་ཁམས་པ།
མཐོ་རིས་འོད་གསལ་ལྷ་ཡི་རྨུ་ཐག་སྟོང་ཆེན་དག་པའི་དབྱིངས་སུ་བསྡོགས།།
འཚོ་བའི་རྟེན་གཞི་སྣོད་ཀྱི་གོང་བུ་ཚད་མེད་སྔོག་འབྲེག་རྨ་ཁས་གང་།།
རིགས་རུས་གཙང་མའི་ཤ་ཁྲག་རྒྱུས་པ་སྡིག་སྲིན་ཁྲོས་པའི་ཟས་སུ་གྱུར།།
དཀའ་སྡུག་ཁུར་བརྒྱས་མནར་བའི་འཇིག་རྟེན་བདག་གི་ཕ་ཡུལ་གངས་རིའི་ལྗོངས།།
ཁོ་བོས་ལ་རྒྱའི་མགོ་བོ་བཏེགས་ཏེ་འདས་རྗེས་བཤུལ་ལམ་སྙེག་ཙ་ན།།
གྲངས་མེད་མཚུན་གྱི་སྲོག་གཟུགས་སྦས་ཡུལ་དབྱངས་གསལ་སྦྱོར་བའི་དུད་ཁྲོད་ན།།
འཆི་བདག་གཤིན་རྗེའི་བཀའ་ཡིས་མ་འཆུན་ཐན་སྐད་གཏོང་བའི་སྤྲེལ་ཁྱུ་ཞིག།
མི་སྡུག་ཉམས་བརྒྱའི་སྟངས་སྟབས་སྒྱུར་བཞིན་འཇིགས་ཞུམ་འཁུན་བུ་འདི་སྐད་སྒྲོག།
གྲུབ་རིགས་མངོན་སྤྱོད་སྒྲོ་ལྡན་འཁོར་ལོ་རྗེ་བོའི་སྙིང་ལ་བསྐོར་བ་ལས།།
བཙན་པོས་བཀའ་ལུང་ཕྱག་རྒྱས་བཏབས་པ་སྣོད་བཅུད་འཇིག་རྟེན་རྒྱ་རལ་ཏེ།།
རྔམ་སེམས་ལས་ཀྱི་དཔུང་བ་གཏུམ་པོ་ལྟ་བའི་འདུས་མདོར་ལྟག་སྤྲོད་ཀྱིས།།
གངས་འདབ་ཟེ་བའི་འགྲམ་སྟེགས་ངོས་སུ་ཁྱིམ་གཞིས་སྣོག་པའི་རུ་མཚོན་བསྒྲེངས།།
མེས་པོའི་པུར་གདུང་རིན་ཆེན་བང་སོ་རྐུན་ཇག་བཀྲེན་པོས་བག་མེད་བྲུས།།
འབུམ་ཕྲག་སྲོག་གིས་བླུས་པའི་རྒྱལ་ཁམས་རང་འདོད་དཔུང་གིས་ཧབ་ཐོབ་བྱས།།
མཆོག་དམན་བར་མའི་སྐྱེ་བོ་ཕལ་ཆེར་ཕལ་བའི་དངོས་པོར་དབུ་ཁོར་ནས།།
མཐའ་སྲུང་དྲུག་ཁྲིའི་ཀྭི་བསྭོའི་འབོད་སྒྲ་སྲ་མཁྲེག་སྙན་གྱི་ཚོར་མ་མྱོང་།།
ལྷ་མིའི་འཁྲིག་སྦྱོར་སྒྱུ་རྩལ་ལས་འོངས་སོག་རྒྱལ་རྒྱལ་ཐབ་དམག་གི་དཔུང་།།
ཚུལ་མིན་བཙན་འཛུལ་གཡུལ་གྱི་ཞུགས་ཆེན་ཆེན་པོའི་ས་ལ་མཆེད་པའི་ཟིལ།།
མ་བཟོད་སྡར་མ་ཚལ་སྡེས་བོད་ཡུལ་ཡུལ་ཁམས་གཞན་ལ་རྩིས་སྤྲོད་ཀྱིས།།
ས་ཡ་དྲུག་གི་བླ་སྲོག་རྟེན་གཞི་གཞི་ནས་འཇིག་པའི་ཆོ་ག་བརྩམས།།