ཕྱི་ཚེས་༡༠་ཉིན་བལ་ཡུལ་དམག་གིས་ཞི་བའི་འཐབ་རྩོད་པ་མ་བུ་གསུམ་བཀག་འགོག་གིས་དཀའ་ངལ་མང་པོ་ཞིག་སྤྲད་དེ་ཨ་མ་ལྡོམ་པོ་སྐྱིད་ཀྱི་གཟུགས་པོ་ནད་པ་ཆགས། ཕྱི་ཚེས་༡༡་ཉིན་རྒྱ་གར་གྱི་གྲོང་ཁྱེར་གྷོ་ར་པུར་དུ་ཡོང་སྟེ་ཕྱི་ཚེས་༡༢་ཉིན་ཨ་མ་སྨན་ཁང་དུ་བསྟན་དེ་སྨན་བཅོས་བྱས། ཕྱི་ཚེས་༡༣་ཉིན་གྱི་ཕྱི་དྲོ་ཚེ་བརྟན་རྡོ་རྗེ་ཨ་མའི་རྩར་བཅར་ཏེ་ཨ་མ་དང་སྤུན་ཆུང་མ་གཉིས་ཕྱིར་འཐེན་བྱེད་དགོས་པའི་བསམ་ཚུལ་བཏོན། ཨ་མ་ལྡོམ་པོ་སྐྱིད་ཀྱིས་ཨུ་ཚུགས་མཐར་སྐྱེལ་བྱས་ཏེ་རང་ཉིད་ཚེ་རྡོར་དང་ལྷན་དུ་འགྲོ་རྒྱུའི་དམ་བཅའ་བྱས།
དབུ་མའི་ལམ་མི་མང་ལས་འགུལ་ཁང་དང་རྡ་ས་ས་གནས་བུད་མེད་གཉིས་ཀྱིས་༼ མེར་སྲེག་ལས་འགུལ་གླེང་བ་༽ཞེས་པའི་གཏམ་བཤད་གོ་སྒྲིག་ཞུས་པ།
གཟའ་ཉི་མའི་ཉིན་ངྷ་ས་མེག་གྷན་ཉིན་སློབ་ཚོགས་ཁང་དུ་༼ མེར་བསྲེཊ་ལས་འགུལ་གླེང་བ༽ཞེས་པའི་བགྲོ་གླེང་ཞིག་ཚོགས་ཏེ། རྒྱ་ནག་ཉམས་ཞིབ་པ་གསུམ་གྱིས་བོད་མིའི་མེར་བསྲེགས་ལས་འགུལ་དང་། རྒྱ་ནག་ནང་ཁུལ་གྱི་རྩོད་རྙོག་སྐོར་ལ་གཏམ་བཤདསྤེལ་ཡོད། བགྲོ་གླེང་འདིའི་སྐོར་གཤམ་གསལ་དྲ་སྦྲེལ་ཁ་བྱང་བརྒྱུད་གཟིགས་ཀློག་གནང་རོགས། http://www.tibettimes.net/news.php?showfooter=1&id=6019
གླིང་ཚ་ཚེ་བརྟན་རྡོ་རྗེས་བལ་ཡུལ་ས་ཐོག་ན་གོམ་བགྲོད་བྱེད་བཞིན་པ།
རྡི་ལི་མདོ་སྨད་ས་རྒྱུན་ཚོགས་གཞོན་རྟ་མགྲིན་ལགས་ནས་གླིང་ཚ་ཚེ་བརྟན་རྡོ་རྗེ་ལགས་ཀྱི་སྐོར་ད་ལྟ་རང་གནས་ཚུལ་བཏང་འབྱོར་ལྟར་ན། ད་ནངས་ཞོགས་པའི་ཆུ་ཚོད་དང་པོ་དང་ཕྱེད་ཀ་ཙམ་ལ་ཨ་མ་ལྡོམ་པོ་སྐྱིད་དང་སྲིང་མོ་ལྷ་མོ་སྐྱིད་གཉིས་ལ་ཤེས་སུ་མ་བཅུག་པར། གྷོ་རག་པུར་དུ་སྡོད་ཡུལ་མགྲོན་ཁང་ནས་གསང་ཐོན་བྱས་ཤིང་། ལམ་བར་ནས་ཚགས་ཤོག་སྐྱེལ་མཁན་རླངས་འཁོར་ཞིག་དང་སྟབས་འགྲིག་བྱུང་སྟེ། ཉིན་ཤས་གོང་གོམ་བགྲོད་མཚམས་འཇོག་བྱེད་དགོས་བྱུང་ཡུལ་རྒྱ་གར་དང་བལ་ཡུལ་གྱི་ས་མཚམས་སི་ནོ་ལེན་ལ་འབྱོར་ཡོད་པ་དང་། དེ་ནས་ཆུ་ཚོད་བཞི་དང་ཕྱེད་ཀའི་སྟེང་གོམ་བགྲོད་མགོ་འཛུགས་ཀྱིས་ད་ལྟ་ལིམ་བྷི་ནིའི་ཕྱོགས་སུ་གོམ་བགྲོད་བྱེད་བཞིན་པ་དང་།
དེ་ལས་མང་བ་། “གླིང་ཚ་ཚེ་བརྟན་རྡོ་རྗེས་བལ་ཡུལ་ས་ཐོག་ན་གོམ་བགྲོད་བྱེད་བཞིན་པ།” »
<བོད་བསྟན་སྲིད་ཀྱི་ཕན་བདེའི་སླད་དུ་བདེན་དོན་ཞི་བའི་བློས་གཏོང་ཆེན་པོ།>
ཆབ་བྲག་ལྷ་མོ་སྐྱབས།
ཉེ་ལམ་བོད་ཕྱི་ནང་དུ་སྐུ་སྲོག་མེར་མཆོད་ཀྱི་བློ་འདས་ངོ་རྒོལ་ཆེན་མོ་ཞིག་གི་མེ་ལྕེའི་ཟིལ་ཤུགས་ཕྱོགས་ཀུན་འཕྲོས་པའི་ཐད་ལ་བོད་མི་རང་གིས་གཙོས་མི་རིགས་གཞན་དག་ལ་ཡང་ཚོར་སྣང་ཟབ་མོ་དང་འབྲེལ་ཐུགས་སྣང་ཆེ་བཞེས་ཀྱི་བགྲོ་གླེང་སྣ་ཚོགས་དང་དགོངས་ཚུལ་འདྲ་མིན་གྱི་རྩོམ་ཡིག་སྤེལ་མཁན་དང་སྐད་ཆ་ཅི་རིགས་བརྗོད་མཁན་བྱུང་དང་འབྱུང་བཞིན་པས། ང་ཚོ་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ངོས་ནས་ཀྱང། ༼བོད་བསྟན་སྲིད་ཀྱི་ཕན་བདེའི་སླད་དུ་བདེན་དོན་ཞི་བའི་བློས་གཏོང་ཆེན་པོ།༽ཞེས་པའི་ངོས་འཛིན་བསྒྲགས་གཏམ་འདི་སྤེལ་གྱིན་ཡོད།
ཨ་མའི་ཉིན་མོར་ཨ་མ་དྲན་པའི་མགུར།
ཀླུ་སྨྱོན།
ཀ་ར་ལྟ་བུའི་བྱམས་བརྩེ་མངར་མ། །
ཁ་ཚིག་དར་དཀར་ལས་ནི་འཇམ་མ། །
ག་དུས་ཡིན་ཡང་བུ་ལ་བརྩེ་མ། །
ང་ཡིས་དེ་རིང་ཨ་མ་དྲན་མ། །
ཅ་རིལ་ལྟ་བུའི་སྙིང་གི་དབུས་ནས། །
ཆ་ཤས་ཙམ་མིན་ཡོངས་སུ་བརྩེ་མ། །
ཇ་ཆང་འཛོམ་པའི་ཨ་རིའི་ཡུལ་ནས། །
ཉ་གང་ཟླ་བཞིན་ཡིད་མཁར་ཤར་མ། །
དབུ་མའི་ལམ་གྱི་འཁྲུལ་སྣང་།
དབུ་མའི་ལམ་གྱིས་བོད་དོན་གྱི་དཀའ་རྙོག་སེལ་ཐུབ་ཀྱི་རེད་སྙམ་པའི་འཁྲུལ་སྣང་ཞིག་བོད་མི་མང་པོ་ཞིག་ལ་འདས་པའི་ལོ་བཅུ་ཕྲག་རིང་སྐྱེས་པ་རེད་ལ་ད་དུང་གྲངས་ཀའི་མང་ཉུང་ལ་མ་ལྟོས་པར་མི་མང་པོ་ཞིག་མུ་མཐུད་འཁྲུལ་བའི་སྣང་བ་དེ་ལས་ཐར་ཐུབ་ཀྱི་མེད་པ་གསལ་པོ་རེད། དེས་ན་ང་ཚོས་ངེས་པར་ཐོག་མར་ཤེས་དགོས་པ་ཞིག་ནི། མི་སེམས་རྨོངས་ཤིང་འཁྲུལ་བར་བྱེད་པའི་ཉལ་ཐ་ལྟ་བུའི་དུག་རྫས་དེ་སུ་ཞིག་གིས་བོད་མིའི་སྤྱི་ཚོགས་ནང་ཐོག་དང་པོར་གཏོར་བ་རེད། དེ་ངོས་ཟིན་རྒྱུ་དེ་གལ་ཆེན་པོ་རེད།
ཞི་བའི་འཐབ་རྩོད་པའམ་བོད་སྐྱོད་པ་གླིང་ཚ་ཚེ་བརྟན་རྡོ་རྗེ་བོར་བརླགས་སུ་སོང་འདུག
ཕྱི་ཚེས་༡༤ ཉིན་གྱི་ཞོགས་པའི་དུས་ཚོད་༥ཿ༣༠ ཙམ་ལ་ས་གནས་ས་ཐོག་ནས་ཁ་པར་བརྒྱུད་རྨོག་རུ་བསྟན་པ་ལགས་ཀྱིས་གནས་ཚུལ་ཁོ་སྤྲོད་བྱས་པ་ལྟར་ན། དེ་རིང་ཞོགས་པའི་དུས་ཚོད་༥ཿ༠༠ པའི་ཐོག་གོམ་བགྲོད་པ་མ་བུ་གསུམ་སྐྱེལ་མ་བྱེད་མཁན་རྨོག་རུ་བསྟན་པ་དང་རྒྱལ་མཚོ་གཉིས་མལ་ལས་ལྡང་སྐབས་གླིང་ཚ་ཚེ་བརྟན་རྡོ་རྗེ་མལ་ས་ན་མི་འདུག་ཟེར། བོད་སྐྱོད་གོམ་བགྲོད་མ་ཨ་མ་ལྡོམ་པོ་སྐྱིད་དང་གླིང་ཚ་ལྷ་མོོ་སྐྱིད། སྐྱེལ་མ་བྱེད་མཁན་བཅས་ཀྱིས་ཡར་མར་བརྩད་བྱེད་སྐབས་ཁོ་ཚོ་ཞག་སྡོད་བྱ་སའི་མགྲོན་ཁང་གི་བདག་པོས་ཞོགས་པའི་དུས་ཚོད་༢ཿ༣༠ ཙམ་ལ་ཁོང་གཅིག་བུ་སྒོའི་ཕྱི་ལོག་ལ་འགྲོ་སོང་ཟེར་འདུག
དེ་ལས་མང་བ་། “ཞི་བའི་འཐབ་རྩོད་པའམ་བོད་སྐྱོད་པ་གླིང་ཚ་ཚེ་བརྟན་རྡོ་རྗེ་བོར་བརླགས་སུ་སོང་འདུག” »
“མདུན་སྐྱོད་”དུས་དེབ་ཀྱི་སྐྱེས་སྐར།
(མཐོ་རིམ་སློབ་མ་ཁོ་ནའི་བརྩམས་ཆོས།)
མདུན་དུ་སྐྱོད། གཅེས་སུ་འོས་པའི་ཕ་ཡུལ་མི་མང་གི་བདེ་སྡུག་ཆེད་དུ།
མདུན་དུ་སྐྱོད། ཡིད་དུ་འོང་བའི་རི་ཆུ་གནས་གསུམ་གྱི་མཛེས་སྡུག་ཆེད་དུ།
ལྡི་ལིར་མཐོ་སློབ་འགྲིམ་བཞིན་པའི་མཐོ་རིམ་སློབ་མ་ཞིག་ལ་མཚོན་ན་སློབ་སྦྱོང་གི་མི་ཚེའི་འགྲུལ་བཞུད་ཁྲོད་དུ་བོད་དོན་འཐབ་རྩོད་དང་འབྲེལ་བའི་དགའ་སྐྱོ་སྡང་གསུམ་གྱི་གནད་དོན་མང་བོ་ཞིག་དང་གདོང་ཐུག་བྱེད་དགོས་པ་ནི་གཡོལ་དུ་མེད་པའི་གནད་དོན་ཞིག་ཡིན། སྤྱི་ཚོགས་ཀྱི་ཟིང་ཆ་ཆེ་ལ་ཆབ་སྲིད་ཀྱི་འཁྲུག་ཆ་རྒོད་པའི་རྒྱལ་ས་འདིར་ང་ཚོ་བོད་ཀྱི་གནད་དོན་རང་ཉིད་ཀྱི་སྒེར་དོན་བཞིན་རྒྱབ་སྐྱོར་གནང་མཁན་མི་སྒེར་འདྲ་མིན་ལ་ཐུག་མྱོང་ལ།
སྙིང་གི་ཚོགས་གཙོར་ཕུལ་བའི་སྐད་ཆའི་དབུ།
རང་ཚུགས་ཅན།
རྒྱལ་དར་མཉམ་འཕྱར་ལ་བརྟེན་ནས་བཀའ་སྤྱི་གཉིས་ཀས་ཀྱང་རུབ་རུབ་འགའ་གནང་འདུག་ཟེར། རྣམ་དཔྱོད་ལྡན་པའི་མཁས་དབང་ཟམ་གདོང་རིན་པོ་ཆེ་འདྲ་བ་ཞིག་ཡོད་ན། ཚོགས་གཙོ་མཆོག་ལའང་དེ་རིང་གི་གསུང་བཤད་འདི་ལས་ཅུང་སྣུམ་ཤིག་ཤིག་ཅིག་གསུང་རྒྱུ་ལོས་ཡོད་ཀྱང། ད་ནི་ཚོགས་གཙོའི་གསུང་བཤད་དེའང་སྨྱུག་ཁ་བདག་མེད་ཚོའི་གྲལ་དུ་ཟགས་འདུག་ལ། ཆབ་སྲིད་པ་འགན་མེད་ཚོའི་གཏམ་བཤད་ཀྱི་གྲས་སུའང་ལྷུངས་འདུག
རྒྱལ་དར་མཉམ་འཕྱར་བྱས་པའི་ཐད། དར་དམར་མུ་མཐུད་ནས་སྲེག་གི་ཡིན་པའི་འཇིགས་སྐུལ་དྲག་སྤྱོད་པའི་སྐད་ཆ་འཛམ་གླིང་ཁྱོན་དུ་བསྒྲགས། ས་གཞི་ཡོམས་འདར་ཤོར། རྒྱལ་དར་མཉམ་དུ་འཕྱར་མིན་གང་ལྟར་ཡང། དེ་འཕྱར་མཁན་ལ་དགག་བྱ་མེད་ལ་འཕྱར་མཁན་མང་པོ་ཐོན་པར་ཤོག་ཅེས་ཀྱང་ས་གཞི་དམག་གིས་ཁེངས་པ་ལྟར་ཕྱོགས་གཉིས་ནས་གླེང་འགོ་ཚུགས།
བར་དེར་གངས་ཅན་སྐྱིད་གཤོངས་ནས་སྐད་ཆ་ཞིག་འཁྱོག་ལམ་བརྒྱུད་ནས་སྤྱི་ཚོགས་སྟེང་སླེབས། གངས་སྐྱིད་ཀྱི་དར་ཆའི་ཐད་ཀྱི་ལངས་ཕྱོགས་གསལ་དུ་ཕྱིན།
རླུང་གི་ཟླ་བོ།
༡
བྱུང་རབས་ལྷ་མོ་ཡི་མཛེས་ཉམས་ཆགས་པས་བྲིས་ཤིང།།
དངོས་བྱུང་མིག་མཐོང་གི་གཟུགས་ལ་སྣང་བརྙན་མེད་པའི།།
སྣང་ཡུལ་རབ་རིབ་ཀྱི་ཆར་སྤྲིན་སྨུག་ལོང་འདི་གོ།
བདག་གི་ཡབ་མེས་ཀྱི་ལོ་རྒྱུས་གླེགས་བམ་ཉིད་དོ།།
སེམས་ཀྱི་ཐིགས་པ།
བོད། ཤ་ཁྲག་རུས་གསུམ། གཞན་དོན་ལས་ལ་ཞུམ་མེད་ཞི་བའི་ལྷ།། དུས་གསུམ་ཀུན་གཟིགས་འགྲོ་བའི་སྐྱབས་གནས་མཆོག། སྲིད་མཐའི་བར་དུ་འབྲལ་མེད་རྗེས་བཟུང་སྟེ།། ཞི་བའི་འཐབ་རྩོད་ལམ་ལྷོང་ཡོང་བར་སྨོན།།
༸གོང་ས་མཆོག་གི་སྐུ་ཕྱར་ཉེན་ཁ།
གསང་གྲོལ་གྱིས།
དབྱིན་ཇིའི་གཟའ་ཉི་མའི་གློག་འཕྲིན་ཚགས་པར་གྱིས་གནས་ཚུལ་སྤེལ་བ་ལྟར་ན། ༼ཏྰ་ལའི་བླ་མས་ཁོང་ལ་བོད་ནས་གསང་བའི་གནས་ཚུལ་འབྱོར་བ་ལྟར་ན་རྒྱ་ནག་གིས་བོད་མི་ཚོར་དམིགས་གསལ་གསང་ལས་དྲག་རྩལ་སྦྱོང་བརྡར་སྤྲད་དེ་ཁོང་ལ་དུག་ཕོག་གི་འཇུག་པའི་ཐབས་ཤེས་གནང་གི་ཡོད་འདུག་ལ། དམིགས་བསལ་བོད་ཀྱི་བུད་མེད་ཚོ་བེད་སྤྱད་དེ་ཁོང་ལ་མཇལ་ཞུ་སྐབས་སྐྲ་དང་ཁ་བཏགས་ནང་དུག་སྦས་ཡོད་པ་དང་ཕྱག་མཇལ་གནང་ཚེ་ཁོང་ལ་དུག་ཕོག་འགྲོ་ངེས་རེད་ཅེས་གསུངས་ཡོད་པ་དང་། རྒྱ་ནག་གཞུང་གིས་ཁོང་གི་ཡང་སྤྲུལ་ཐད་ལ་ཐེ་གཏོགས་གནང་གི་ཡོད་པས་ཁོང་རང་ཆེས་མཐའ་མཇུག་གི་ཏྰ་ལའི་བླ་མ་ཡིན་སྲིད་པ་རེད་ཅེས་ཀྱང་གསུངས་འདུག༽
བཀའ་དྲིན་ཆེ། བརྩེ་བའི་ཨ་མ་ལགས།
སྡེ་དགེའི་ཞི་མོ།
(དེ་རིང་ནི། ཨ་མའི་དུས་ཆེན་ཡིན་དུས། བྱམས་བརྩེ་ཟབ་པའི་དྲིན་ཅན་ཨ་མ་ལགས་ཀྱི་བཀའ་དྲིན་ལ་རྗེས་དྲན་གྲངས་མེད་ཞུ།)
བཀའ་དྲིན་ཆེ། བྱམས་ལྡན་ཨ་མ་ལགས།
ཁྱེད་ཀྱིས། བུ་མོ་ངའི་འཚར་ལོངས་ཀྱི་ཆེད་དུ།
ཁྱེད་ཀྱིས། བུ་མོ་ངའི་མདུན་ལམ་གྱི་ཆེད་དུ།
ཁྱེད་ཀྱིས། བུ་མོ་ངའི་ཤེས་ཡོན་གྱི་ཆེད་དུ།
ཁྱེད་ཀྱིས། བུ་མོ་ངའི་གྲུབ་འབྲས་ཀྱི་ཆེད་དུ།
ཁྱེད་ཀྱིས། བུ་མོ་ངའི་རེ་འདུན་གྱི་ཆེད་དུ།
རྡ་སའི་ཚོགས་སྐྱིད་ཁག་༡༡་གིས་ཚེ་རྡོར་མ་བུ་ཚོར་རེ་སྐུལ་ཞུས།
ཡིག་འབྲི་བ། གངས་དཀར་ཤ་མེད།
༢༠༡༢།༥།༡༢་ཉིན་ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་མ་བུ་ཚོར་མི་འགྲོའི་རོགས་པ་བྱེད་བཞིན་པའི་ཚོགས་སྐྱིད་ཁག་བཅུ་གཅིག་གིས་ཚོགས་འདུ་འཚོགས་ཏེ་ཚེ་རྡོར་མ་བུ་ཚོས་བལ་ཡུལ་བརྒྱུད་བོད་དུ་བསྐྱོད་རྒྱུའི་ཞི་བའི་འཐབ་རྩོད་ནི་ཧ་ཅང་གི་ཉེན་ཁ་ཆེ་བ་དང་། བློས་དཔོག་མི་ཐུབ་པའི་ལས་འགུལ་ཞིག་ཡིན་པས། ཨ་མ་ལྡོམ་པོ་སྐྱིད་ཀྱི་འཕྲོད་བསྟེན་སོགས་ཕྱོགས་གང་ཅིར་དགོངས་པ་བཞེས་ཏེ་རེ་ཞིག་ཕྱིར་འཐེན་ཡོང་བའི་འབོད་སྐུལ་ཞུས།
དེ་ལས་མང་བ་། “རྡ་སའི་ཚོགས་སྐྱིད་ཁག་༡༡་གིས་ཚེ་རྡོར་མ་བུ་ཚོར་རེ་སྐུལ་ཞུས།” »
སྐར་ལྔའི་དར་དམར་དང་གླིང་ཚ་མ་བུ་གསུམ།
ནམ་མཁའ།
ཁ་སང་དེ་རིང་གླིང་ཚ་མ་བུ་གསུམ་གྱིས་སྐར་ལྔའི་དར་དམར་འཕྱར་བ་ལ་གླེང་སློང་འདྲ་མིན་བྱེད་ཀྱི་འདུག་པས་འདིའི་སྐོར་ལ་རང་ཉིད་ཀྱི་བསམ་ཚུལ་ཕྲན་བུ་ཞིག་བཤད་འདོད་བྱུང་།
ངས་འདི་གར་ཐོག་མར་བརྗོད་འདོད་པ་ཞིག་ནི།གླིང་ཚ་མ་བུ་གསུམ་གྱི་སྙིང་སྟོབས་དང་དེ་རིང་གི་དཀའ་ངལ་ཡིན། གླིང་ཚ་ཁོས་ཨེ་རྫེ་རལ་ནས་རང་གི་བུ་ཕྲུག་དང་བཟའ་ཟླ་སོགས་བཞག་སྟེ། མི་གཅིག་གི་ནུས་པ་ཐོན་མིན་ལ་མ་བལྟས་བར་བོད་མི་རིགས་ཀྱི་བདེ་སྡུག་ཆེད་ཞི་བའི་གོམས་བགྲོད་ཞུགས་པ་འདི་ནི་ཆེས་ཤིན་ཏུ་སྙིང་སྟོབས་སྐྱེས་བ་ཞིག་རེད།
བློ་དང་གློ་བ།
སྐྱོ་བྲག་དགའ་དབང་།
ཁ་བརྡའི་ཞབས་མཆན་ཞིག་ཏུ་ཀླུ་སྨྱོན་གྱིས། བདག་ཀྱང་གློ་བ་རབ་ཏུ་དགའ་འོ། །ཞེས་བྲིས་པར། ལ་དྭགས་བློ་བཟང་འཇམ་དཔལ་གྱིས། བླ་མ་ཀླུ་སྨྱོན་པས་གཞུང་མང་དུ་བཀླགས་མྱོང་ཡང་། རྣམ་དཔྱོད་བཀོལ་བ་མེད་སྙམ་པ་ཞིག་བློ་ལ་ཤར། བདག་གི་བསམ་པར་གློ་བ་ནི་བེམ་པོ་རྡུལ་དུ་གྲུབ་པ་ཞིག་ལ་དགའ་བ་ག་ལ་འོང་། བློ་དགའ་ཞེས་པ་ནི་རྨ་མེད་པ་ཞིག་ལགས། ལན་ལ་སྒུག་གོ །ཞེས་བྲིས་པ་ལས།
ཚེ་བརྟན་རྡོ་རྗེས་ལས་འགུལ་མུ་མཐུད་སྤེལ་འཆར།
2012/5/12 ཉིན་གྱི་ཞོགས་པའི་ཆུ་ཚོད་10 པའི་སྟེང་ཞི་བའི་འཐབ་རྩོད་པ་ཨ་མ་ལྡོམ་པོ་སྐྱིད་གྷོ་ར་པུར་གྲོང་ཁྱེར་ནང་ཡོད་པའི་སྨན་ཁང་ཞིག་ཏུ་བཅར་ཏེ་སྨན་བཅོས་བརྟག་དཔྱད་བྱས། བརྟག་དཔྱད་ཀྱི་གྲུབ་དོན་ལྟར་ན་ཨ་མ་ལྡོམ་པའི་རྐང་པ་དང་སྟོད་ཀྱི་རུས་པར་ཆག་སྐྱོན་དང་གས་ག་ཤོར་མེད་པར་ངོས་འཛིན་བྱས་པ་དང་། ཉིན་ཤས་རིང་གི་སྨན་དང་སྦྱར་རྩི་སོགས་སྤྲད་རྗེས་ཕྱིར་སྡོད་གནས་སུ་ལོག ཚེ་བརྟན་རྡོ་རྗེ་ཡིས་མུ་མཐུད་བྱེད་འཆར་གྱི་ལས་རིམ་དེ་ཙམ་ཁ་གསལ་མེད་ནའང་ཆུ་ཚོད་༢༤ ནང་ཨ་མ་ལགས་ཀྱི་སྨན་བཅོས་ལེགས་འགྲུབ་ཡོང་བ་དང་། ཞི་བའི་འཐབ་རྩོད་མུ་མཐུད་བྱེད་འཆར་གྲ་སྒྲིག་ཚོད་དཔག་བྱེད་བཞིན་ཡོད། པར་འདི་ཁོང་མ་བུ་གཉིས་སྨན་ཁང་དུ་ཕེབས་པའི་ལམ་བར་རེད་འདུག
2012/5/11 ཉིན་གླིང་ཚ་མ་བུ་གསུམ་ལ་ཁ་བརྡ་བྱས་པ།
ཚེ་བརྟན་རྡོ་རྗེ་ཡིས།
ངས་འཐབ་རྩོད་འདི་མཚམས་འཇོག་བྱེད་པ་ནམ་ཡང་མེད། ང་ཤི་བ་ན་འཐབ་རྩོད་མཇུག་རྫོགས་པ་རེད། ཨ་མ་དང་ལྷ་མོ་སྐྱིད་གཉིས་ཀྱི་སྐོར་ལ་སྐད་ཆ་གང་ཡང་མེད། ཁོ་གཉིས་ལ་སྐད་ཆ་ཕྲིས། ཨ་མ་སྨན་ཁང་ལ་བསྟན་དེ་དགའ་རུ་སོང་བ་དང་མུ་མཐུད་འཐབ་རྩོད་གོམ་བགྲོད་བྱེད་རྒྱུ་མ་ཟད། ས་ཁུལ་གཞན་ཞིག་བརྒྱུད་བལ་ཡུལ་ནང་འཛུལ་ཐབས་བྱས་ཏེ་བོད་ལ་འགྲོ་རྒྱུ་ཡིན་ཟེར། ཨ་མ་ལྡོམ་པོ་སྐྱིད་ཀྱིས། ངའི་བུ་གཅིག་པོ་བཏང་སྟེ་ང་ཨ་མ་ཞིག་གི་ངོས་ནས་ཅི་ལྟར་འདུག་ཤེས་སམ། ཚེ་བརྟན་རྡོ་རྗེ་ཡིས་ཞི་བའི་འཐབ་རྩོད་ཀྱི་ལས་འགུལ་གང་ནས་སྤེལ་ན་ང་ཡང་ཁོའི་རྐང་པ་ལ་འབྱར་ནས་འགྲོ་རྩིས་ཡོད། ཕྱིར་འཐེན་ནམ་ཡང་མེད། ངའི་བུ་ཡི་སྔོན་ལ་ང་རང་ཤི་ཐུབ་པར་སྨོན་ལམ་བྱེད་རྒྱུ་ཡིན།
དེ་ལས་མང་བ་། “2012/5/11 ཉིན་གླིང་ཚ་མ་བུ་གསུམ་ལ་ཁ་བརྡ་བྱས་པ།” »
གླིང་ཚ་མ་བུ་གསུམ་གྱི་ཞི་བའི་གོམ་བགྲོད་།
དེ་རིང་ནི་ཕྱི་ལོ་༢༠༡༢ ལོའི་ཟླ་བ་༥ པའི་ཚེས་༡༡ རེད། ཞི་བའི་འཐབ་རྩོད་པ་འམ་བོད་སྐྱོད་གོམ་བགྲོད་པ་གླིང་ཚ་མ་བུ་གསུམ་གསུམ་བཅུ་དུས་དྲན་ཐེངས་༥༣ དང་སྟབས་བསྟུན་བཞུགས་སྒར་ཐེག་ཆེན་གཙུག་ལག་ཁང་ནས་དབུ་བཙུགས་ཏེ་གོམ་བགྲོད་ཉིན་གྲངས་༦༡ རིང་བགྲོད་ཟིན། ཕྱི་ཚེས་༡༡ ཉིན་གྱི་སྔ་དྲོའི་དུས་ཚོད་༡༠ཿ༠༠ ཙམ་ལ་ཞི་བའི་འཐབ་རྩོད་པ་གླིང་ཚ་མ་བུ་གསུམ་རྒྱ་གར་དང་བལ་ཡུལ་གྱི་རྒྱལ་མཚམས་སུ་འབྱོར་ཡོད་པ་དང། སྐབས་དེར་རྒྱ་གར་གྱི་རྒྱལ་སྲུང་དམག་མིས་བཀག་འགོག་སོགས་ཅི་ཡང་མ་བྱེད་པར་ཁོང་མ་བུ་གསུམ་བལ་ཡུལ་ས་ཐོག་ཏུ་ཤར་སྐྱོད་བྱ་ཐུབ་བྱུང་འདུག།
མེ་ཏོག་འདབ་མ་དང་སྐུ་པར་རང་བྱོན།
འབྲུག་ཐར་བྱམས་པས།
སྤྱི་ལོ་ཉིས་སྟོང༡༢ལོའི་ཟླ༥ཚེས ༦ དང་། བོད་ཟླ་དྲུག་པའི་ཚེས་བཅོ་ལྔའི་ཉིན། བོད་ཤར་ཕྱོགས་མདོ་ཁམས་ཏྲེ་ཧོར་དར་རྒྱས་དགོན་པའི་ཆོས་རྭའི་ནང་དུ་མེ་ཏོག་ངོ་མཚར་ཅན་ཞིག་སྐྱེས་ཡོད་འདུག