ཚེ་བརྟན་རྡོ་རྗེ།
༢༧རྒྱ་གར་ནས་བལ་ཡུལ་ཕྱོགས་སུ་བསྐྱོད་བཞིན་པའི་གཙོས་ཀླུ་སྒྲུབ་ནས་ཁོ་རང་འགྲོ་བའི་ཞོར་དུ་ངེད་མ་གསུམ་ལ་ཐུག་འཕྲད་དང་མཉམ་དུ་ངེད་ཀྱི་མ་ལོའི་ཕྱག་དུ་ལམ་བར་དུ་སྐོམ་ཆུ་དང་ཇ་རེ་འཐུང་བྱེད་དུ་བདག་གི་སེམས་པ་མཚོན་བྱེད་ཡིན་ཞེས་ཧིན་སྒོར་སུམ་སྟོང་གནང་སོང་།
དེ་ལས་མང་བ་། “ཞི་བའི་འཐབ་རྩོད། མཉམ་ཞུགས་རོགས་སྐྱོར། ལམ་འཕྲད་ཞལ་འདེབས། གསལ་བཤད། ༢༦_༢།༥།༡༢” »
མེ་ཏོག་དཀར་པོ།
ཀ་ཁ་ག་ང་ཤེས་པའི་ཁེངས་པས། །
ཁ་ལྕེ་བརྒྱ་དང་སྟོང་དུ་སྤྲུལ་ཏེ། །
ག་ས་ག་རུ་ཆོས་ལ་སྨོད་མཁན། །
ང་ཚོའི་ཁྲོད་དུ་མང་དུ་མང་དུ། །
ཅ་ལག་ཙག་ཙིག་བཙོང་མཁན་ཡན་གྱི། །
ཆ་འཇོག་བློ་བཏད་བཅོལ་སའི་ཡུལ་ཞིག །
ཇ་ཕུད་ཆང་ཕུད་མཆོད་ཡུལ་སྲུང་མར། །
ཉ་སོགས་དུད་འགྲོ་འདྲ་འོ་སྐད་དོ། །
ཤིང་རྟ་ནས།
འབྲུག་རྒྱལ་ཁབ་ནང་དུ་སློབ་གྲྭ་འགོ་བཙུགས་ནས་༢༠༡༢ ལོར་ལོ་ངོ་བརྒྱར་སོང་ཡོད། དེའང་ཕྱི་ཟླ་ ༥ པའིཚེས་ ༢ ནས་བཟུང་ཉིན་གྲངས་དུ་མའི་རིང་དུ་དེང་སང་ཤེས་རིག་འགོ་བཙུགས་ནས་ལོ་ངོ་བརྒྱ་འཁོར་བའི་དུས་དྲན་སྲུང་བརྩི་ཞུ་བཞིན་འདུག འབྲུག་རྒྱལ་ཁབ་ནང་ཕྱི་ལོ་ ༡༩༡༢ ཕན་ཆོད་དུ་ནང་པའི་ཤེས་ཡོན་བསླབ་སའི་བཤད་གྲྭ་མ་གཏོགས་དེང་སང་གི་ཤེས་ཡོན་བསླབ་སའི་སློབ་གྲྭ་མེད་པས། ཕྱི་སྐད་ཤེས་མཁན་རེ་གཉིས་ཤིག་ལས་མེད།དེང་སང་གི་ཤེས་ཡོན་ལམ་ལུགས་དང་ཕྱི་གླིང་པའི་སྐད་རིགས་དང་གནས་སྟངས་དབུ་ཁྲིད་ཚོས་མ་མཁྱེན་ན།
དེ་ལས་མང་བ་། “འབྲུག་རྒྱལ་ཁབ་ནང་སློབ་གྲྭ་བཙུགས་ནས་ལོ་བརྒྱ་འཁོར་བ།” »
༄༅།། ལྷར་བཅས་འགྲོ་བའི་འདྲེན་མཆོག་སྲིད་ཞིའི་གཙུག་རྒྱན་སྤྱི་ནོར་༧གོང་ས་༧སྐྱབས་མགོན་༧རྒྱལ་བའི་དབང་པོ་ཐམས་ཅད་མཁྱེན་པ་སྐུ་འཕྲེང་རིམ་བྱོན་གྱི་མཛད་རྣམ་རྒྱ་ཆེན་སྙིང་རྗེའི་རོལ་མཚོ་རླབས་འཕྲེང་བརྒྱ་ལྡན་ཞེས་བྱ་བ་བཞུགས་སོ།། གཤམ་གྱི་འབྲེལ་ཐག་ལ་བསྣུན་ནས་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་དྲ་རྒྱ་ལ་གཟིགས་ནས་ལེའུ་རེ་རེ་བཞིན་ཀློག་བཏུབ་པ་འདུག མཛད་རྣམ་རྒྱ་ཆེན་སྙིང་རྗེའི་རོལ་མཚོ།
བཞུགས་སྒར་རྡ་རམ་ས་ལར་གནས་སྡོད་མདོ་སྨད་རེབ་གོང་བ་ཐུན་མོང་གི་ངོས་ནས། རོང་ཆེན་བསྟན་པའི་སྒྲོན་མེ་སྐྱབས་མགོན་ཀིརྟི་རིན་པོ་ཆེ་ཚོགས་དབུར་གདན་འདྲེན་ཞུས་འབྲེལ། ཕྱི་ཟླ་གསུམ་པའི་ཚེས་བཅུ་བདུན་ཉིན་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་ལས་འགུལ་སྤེལ་ནས་འདས་གྲོངས་སོང་བ་རྒྱལ་གཅེས་དཔའ་བོ་བསོད་ནམས་དར་རྒྱས་ལགས་ཀྱི་ཞེ་དགུའི་དུས་ཚིགས་དང་སྟབས་བསྟུན། རྒྱལ་གཅེས་དཔའ་བོ་བསོད་ནམས་དར་རྒྱས་ལགས་ཀྱིས་གཙོས་པའི་དཔའ་བོ་དཔའ་མོ་འདས་གསོན་ཡོངས་ཀྱི་ཆེད་མཆོད་འབུལ་སྨོབ་ལམ་རྒྱས་པ་ཞིག་གོ་སྒྲིག་ཞུས་ཡོད་པར།
དེ་ལས་མང་བ་། “རྡ་སའི་རེབ་གོང་བ་ཐུན་མོང་ནས་མཆོད་འབུལ་སྨོན་ལམ་གོ་སྒྲིག་བྱས་པ།” »
ཨ་རིག་དགེ་མཐོང་།
ཐོག་མའི་གཏམ།
དེ་རིང་གི་ངའི་བརྗོད་གཞི་ནི་(བོད་སྐད་དང་བོད་ཡིག་བར་གྱི་འབྲེལ་བ། ཆོལ་ཁ་གསུམ་སོ་སོའི་ཐུན་མིན་གྱི་ཡུལ་སྐད་རྣམས་བོད་སྐད་ཡིན་པའི་སྒྲུབ་བྱེད། དེ་དག་ཡོངས་གྲགས་ཚིག་མཛོད་ཆེན་མོ་རྣམས་སུ་བཅུག་ན་དགེ་སྐྱོན་གང་ཡོད་སོགས་ལ་དཔྱད་པ། )འདི་ རེད། བརྗོད་གཞི་འདི་བོད་མི་རིགས་ཀྱི་ཚེ་སྲོག་དང་འབྲེལ་འདུག་པས་ངས་དགའ་བཞིན་སྤྲོ་ བཞིན་ངང་དང་ལེན་བྱས་པ་ཡིན། དེ་མིན་ད་ལྟའི་དུས་སུ་བོད་ཀྱི་རྩོམ་པ་པོ་དང་མཁས་པ་ཚོས་ངས་མི་འཇོན་ཚུལ་དང་ང་ ལ་ཤེས་ཡོན་མེད་ཚུལ།
ངས་པོ་རྒྱལ་མཚན།
སྔོན་བྱུང་ཞི་བའི་ཁམས་སུ་རང་དབང་དཔལ།།
མ་བཅོས་ལྷུན་གྲུབ་རང་བཞིན་གཏེར་གྱི་མཛོད།།
གློ་བུར་དུད་རབས་ཉི་ཤུའི་སྲིབ་ཀ་ནས།།
ཀླ་ཀློའི་གདུང་རྩུབ་ཅིག་གིས་རྩད་ནས་གཏོར།།
འགྲན་བྲལ་མེས་པོའི་ཐུགས་མཚོའི་ལྟེ་བ་ལས།།
ལེགས་འཁྲུངས་ནང་རིག་རིན་ཆེན་ནོར་བུའི་ཕུང།།
མེ་ཆུའི་སྦྱོར་བ་བཙན་པོས་བརླགས་བྱས་ཏེ།།
དབེན་གནས་ཞི་གྲོང་ཁྲག་མཚོའི་གླིང་དུ་བསྒྱུར།།
དེ་ལས་མང་བ་། “མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།” »
ནམ་མཁའ།
འདོད་པ་མང་བའི་སེམས་ཀྱི་མཁའ་དབྱིངས་སུ།།
ཆགས་སེམས་སྤྲིན་གྱིས་བྲིས་བའི་བུ་མོ་ལ།།
དྲན་པའི་ཡིད་ཀྱི་འཇའ་ཚོན་སྐེ་རྒྱན་འདི།།
གཡུ་ཆུང་བུ་མོའི་མགུལ་དུ་འཁྱོལ་བར་ཤོག།
དབྱངས་ཅན་ངག་གི་རོལ་མོའི་གདངས་ཀྱི་གཟུགས།།
དབྱངས་ཅན་ངག་གི་གཅུང་མོས་བྲིས་བ་ཞིག།
སྤྲིན་ལས་གྲོལ་བའི་ཟླ་བའི་འོད་སྣང་བཞིན།།
ཡུན་རིང་འཁྱམས་པའི་བུ་ཡི་སེམས་སུ་ཤར།།
རྫ་ཚེ་རིང་བཀྲ་ཤིས།
ངས་དེ་རིང་གླེང་བཞིན་པ་འདི་ནི་ཕྲན་གྱི་དགེ་བའི་བཤེས་གཉེན་མཁན་ཆེན་ངག་དབང་དར་རྒྱས་སམ་ཡོངས་གྲགས་སུ་འབུམ་རྙིང་མཁན་རིན་པོ་ཆེ་ཐུབ་དགའ་ཚང་ཡིན། ཁོང་ནི་ངའི་ཕ་ཡུལ་རྫ་ཆུ་ཁ་ན་རྒན་རབས་པར་གཏོགས་པའི་རིས་མེད་ཀྱི་སྐྱེས་ཆེན་ཁྱད་པར་བ་ཉུང་ཉུང་ཞིག་སྐུ་འཚོ་བཞུགས་གནང་བཞིན་པའི་གཅིག་རེད། ཡིན་ན་ཡང་སྟབས་མ་ལེགས་པ་ཞིག་ལ་ཁོང་ཉེ་ཆར་སྐུ་གཤེགས་ཟིན་པ་འདྲ། ད་ལྟ་རང་ཕྲན་གྱི་ངོ་དེབ་ཀྱི་ཐོག་ཏུ་དྲ་གྲོགས་ཤིག་གིས། གུར་མོ་ཆེ་ཞིག་གི་འགྲམ་དུ་མི་མང་འདུ་ཚོགས་ཆེན་པོ་ཡོད་སའི་པར་ཞིག་བཏང་འདུག་པར་མ་ཟད། འདི་ནི་མཁན་པོ་ཐུབ་དགའ་སང་གི་སྐུ་གདུང་ཞུགས་འབུལ་གྱི་སྐབས་ཀྱི་པར་རེད་ཅེས་བྲིས་འདུག
དེ་ལས་མང་བ་། “དགེ་བའི་བཤེས་གཉེན་ཆེན་པོ་འབུམ་རྙིང་མཁན་པོ་ཐུབ་དགའ་ལ་རྗེས་དྲན་ཞུ་བ།” »
མགོན་པོ་བསོད་ནམས།
ཀ་མེད་གལ་ལ་ཐུག་དུས་སྐུ་རྟེན་སྐུལ།། ཁ་རྗེ་དབང་ཐང་ཉམས་ཤིང་མགོ་མེད་བོད།།
ག་བར་ཁྲིད་ན་ཆུ་སྣ་གར་འཐེན་འདིས།། ང་ཚོར་ཇུས་ཉེས་ཐེབས་པའི་ལོ་རྒྱུས་མང་།།
ཐེ་བོ་ཤེས་རབ་རྒྱ་མཚོ།
ཉིན་ཤས་སྔོན་བོད་ཡིག་དྲ་ཚིགས་བཟོ་བཀོད་པ་གྲྭ་བཟོད་པ་དང་གྲགས་པ་གཉིས་ཀྱིས་རང་ངོས་ནས་འགྲོ་གྲོན་བཏང་ནས་ངའི་འབྲི་དེབ་ཅེས་པའི་བོད་ཡིག་གི་དྲ་ཚིགས་གསར་པ་ཞིག་ཤར་གཏོང་བྱས་ཡོད་པ་དང་། ཁོང་གཉིས་ཀྱིས་ངའི་འབྲི་དེབ་དྲ་ཚིགས་གསར་བཟོ་བྱེད་དགོས་པའི་དམིགས་ཡུལ་གཙོ་བོ་ནི། དེང་སྐབས་བོད་ཡིག་གི་དྲ་རྒྱ་མང་པོ་ཞིག་ཡོད་ནའང་། དེ་དག་ལ་ལྟ་ཀློག་དང་འབྲི་རྩོམ་གནང་མཁན་མང་ཤོས་བོད་ཡིག་གི་གནས་ཚད་ཡག་པོ་ཡོད་མཁན་ཞེ་གཅིག་ལས།
ནགས་ཕྲན་པ་བསོད་ནམས་ཚེ་རིང་།
བོད་ནི་སྔ་རབས་ནས་ས་ལྒང་འདིར་ཐུན་མོང་མ་ཡིན་པའི་ས་ཁམས་དང་རིག་གཞུང་ཁྱད་འཕགས་ལྡན་པའི་མི་རིགས་ཤིག་ཡིན་པས་མ་ཚད། དུས་རབས་བདུན་པའི་གཡས་གཡོན་དུ་བོད་རྒྱལ་ཁབ་ཀྱི་ཆབ་སྲིད་དང་དམག་དོན་གྱི་སྟོབས་ཤུགས་ཀྱིས་ཤར་གླིང་ས་ཡི་གསུམ་གཉིས་དབང་དུ་བསྡུས་པའི་ལོ་རྒྱུས་བསྐྲུན་ཡོད། དེའི་སྐབས་བོད་ཀྱིས་དམག་འཁྲུག་རྒྱག་ས་གཙོ་བོ་ཡང་རྒྱ་ནག་ཡིན་པ་དང་། བོད་ཀྱི་རྒྱལ་པོ་མངའ་བདག་ཁྲི་རལ་པ་ཅན་གྱི་སྐབས་སུ་རྒྱ་བོད་དབར་དབོན་ཞང་མཇལ་འདུམ་མཛད་པའི་ས་མཚམས་རྡོ་རིང་ངོས་སུ་“དེའི་ཤར་ཕྱོགས་ཐམས་ཅད་ནི་རྒྱ་ཆེན་པོའི་ཡུལ་དང། ནུབ་ཕྱོགས་ཐམས་ཅད་ནི་ཡང་དག་པ་བོད་ཆེན་པོའི་ཡུལ་ཏེ།
དེ་ལས་མང་བ་། “ཁ་བྲལ་ཟེར་བ་ནི་གཞི་རྩ་མེད་པའི་རྩོད་གླེང་ཞིག་རེད།” »
འབའ་སྲས།
དེ་རིང་འཐུང་བའི་ཆང་འདི་ཞིམ་པོ་མ་རེད།།
དེ་རིང་ལངས་པའི་གླུ་འདི་སྙན་མོ་མ་རེད།།
དེ་རིང་སྡོད་སའི་རྐུབ་སྟེགས་བདེ་བོ་མ་རེད།།
སང་ཉིན་སྐྱིད་པའི་འཚོ་བ་བདག་ལ་ཡོད་དམ།།
མེ་ཏོག་ལྷ་མཛེས།
རང་ཡུལ་གངས་ཅན་བོད་ཀྱི་སྣོད་བཅུད་རིག་གཞུང་རྣམས་རྩ་མེད་འགྲོ་བའི་ཉེན་ཁ་སྐྱོབས་ཐབས་སུ་དམིགས་ཏེ། རང་རིགས་སྤུན་ཟླ་བཅུ་ཕྲག་བཞི་ལ་ཉེ་བས་རང་ལུས་མེ་ལྷའི་མཆོད་རྫས་སུ་ཕུལ་ནས་རྒྱ་ནག་དམར་གཞུང་ལ་ངོ་རྒོལ་མཐར་ཐུག་དེ་བྱས་ཡོད། ཁོང་རྣམ་པའི་བློ་སྟོབས་དང་བློས་གཏོང་། རིགས་ཞེན་གྱི་ལྷག་བསམ་ཆེས་ཕུལ་བྱུང་ཡིན་པ་བཤད་མ་དགོས་ནའང་། ཁོང་རྣམ་པའི་རེ་སྨོན་འགྲུབ་མིན་བལྟ་བ་ནིརྩ་བའི་གནད་འགག་སྟེ། གྲུབ་འབྲས་མེད་པའི་ལས་ཀ་ཛ་དྲག་ནི་ལྐུགས་རྟགས་ཆེ་ཤོས་ཡིན།
རྨེ་རུ།
ཉི་མ་ལ་ཁར་འགྲོ་འགྲོ།
ང་ཚོ་ཕ་ཡུལ་ལ་འགྲོ།
གཉེན་ཉེ་ཚོས།
རེ་སྒུག་གི་ཁ་བཏགས་བཟུང་ཡོད།
གཅན་འོད་འབར།
༡
ཁོར་ཡུག་འདིའི་གྲུ་ཟུར་ཀུན་ཏུ་དྲག་རླུང་ལྟར་ལྡང་ཞིང་འབྲུག་སྒྲ་བཞིན་གྲགས་པའི་ཡ་མཚན་དངོས་བྱུང་གི་གནས་ཚུལ་ཁྱད་མཚར་ཞིག་ཁྱབ་བཞིན་པ་དེ་ནི་ཁ་སང་འཇིག་རྟེན་འདི་དང་གཏན་དུ་ཁ་བྲལ་བའི་ཤི་བོ་དེའི་དོན་རྐྱེན་རེད། བསམ་བློ་པ་ཚོས་བཤད་ན། ཁོར་སེམས་ནད་བྱུང་ནས་ཤི་བ་རེད་ཟེར། ཚན་རིག་པ་ཚོས་སྨྲས་ན་མ་རེད། ཁོ་གཞན་གྱིས་ལྐོག་གསོད་བྱས་པ་རེད་ཟེར། སྨན་པ་ཚོས་བརྗོད་ན། དེ་མ་རེད། ཁོ་ནད་རྙིངབསྐྱར་འཕར་བྱུང་ནས་འཆི་བ་རེད་ཟེར།
མིག་གསུམ་པ། ལྡི་ལི།
ཕྱི་རོལ་ན་གྲགས་འགུལ་ཅི་ཡང་མེད་པའི་ཁོར་ཡུག་འདིར
ང་རང་འོད་སྣང་གི་ཉེ་སར་བཅར་དུས
འོད་སྣང་གིས་བདག་ལ་སྩལ་བའི་བསམ་གཞིག་བརྩེགས་མ
ཁ་བའི་འདབ་མ་བཞིན་སྨྱུག་རྩེ་ནས་བབས
ལྷ་སྡེ་གནམ་ལོ་ཡག་གིས་བསྒྱུར།
ཕྱི་ལོ ༢༠༡༢ལོའི་ཟླ ༤ཚེས ༢༢ཉིན། གྲོང་ཁྱེར་སི་ཊི་ཉིས་ཨ་ཞིས་ཧྥེལ་ས་ཁུལ་དུ་ཨོ་སི་ཁྲི་ལི་ཡའི་རྒྱལ་སྤྱིའི་བོད་རིག་པའི་གླེང་སྟེགས། རྒྱ་ནག་རང་དབང་རིག་གཞུང་ལས་འགུལ་ཁང་དང་སི་ཊི་ཉིས་དུས་གནས་ལྟེ་གནད་གླེང་སྟེགས་བཅས་ཚོགས་པ་གསུམ་མཉམ་འབྲེལ་གྱིས་བརྗོད་གཞིར༼མེ་རླབས་ཁྲོད་ཀྱི་རང་དབང་། བོད་མིའི་ལས་དབང་དང་འབྱུང་འགྱུར་དཔྱད་གླེང༽ཞེས་པའི་ཚོགས་འདུ་བསྡུས་ཤིང་། ཨོ་སི་ཁྲི་ལི་ཡར་བཞུགས་པའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་དང་བོད་རྒྱའི་འབྲེལ་མཐུད་འགན་འཛིན་ལྕམ་སྐུ་ཞབས་ཟླ་སྒྲོན་ལགས། ཨོ་སི་ཁྲི་ལི་ཡ་གཞུང་གི་རྒྱལ་སྤྱིའི་མཐོ་རིམ་བློ་འདོན་པ་ལྕམ Patricia Lyon དེ་མིན་སི་ཊི་ཉིས་བོད་རིགས་མཐུན་ཚོགས་ཀྱི་ཚོགས་གཙོ་ནེས་རྒན་དང་རྒྱུན་ལས་ཁ་ཤས། སི་ཊི་ཉིས་ལ་བཞུགས་པའི་རྒྱ་རིགས་མཁས་པ་དང་དམངས་གཙོ་ལས་འགུལ་བ། སློབ་ཕྲུག་དང་གསར་འགོད་པ། རྩོམ་པ་པོ་དང་བོད་མི་བཅས་ཁྱོན་བསྡོམས་མི་གྲངས ༧༠ལྷག་ཚོགས་ཞུགས་གནང་སོང་།
དེ་ལས་མང་བ་། “བོད་མིའི་མེར་མཆོད་ངོར་རྒོལ་ཐད་དཔྱད་གླེང་ཚོགས་འདུ་བསྡུས་པ།” »
རྩོམ་པ་པོ། ཤབ་བྷན་སཱ་ཤྭི་ནྭ།
སྒྱུར་བ་པོ། རིན་ཆེན་དབང་རྒྱལ།
སྤྱི་གསུམ་པའི་ཚེས ༢༦ ཉིན་གྱི་ཞོགས་པའི་ཉི་འོད་གསང་སྟབས་ཀྱིས་ཁང་པའི་ནང་དུ་འཕྲོས་ཏེ་ཤག་རོགས་རྣམས་གཉིད་ལས་མ་བསླངས་སྔོན་འཇམ་དཔལ་ཡེ་ཤེས་མལ་ལས་ལངས་ཟིན། ཁོང་གིས་ཉལ་གཟན་ལྟེབས་ཚིགས་བརྒྱབ་སྟེ་འབོལ་གདན་སྟེང་དུ་བརྩིགས་ཤིང་ཏ་ལཱའི་བླ་མའི་ཕྱག་དེབ་གཉིས་དེའི་སྟེང་དུ་བཞག་ཡོད། ཕྲེང་ང་ཞིག་མདུན་གྱི་ལྕགས་གཟེར་ལ་བཀལ་ཡོད་པ་དང་སྨྱུག་གུ་གཉིས་སྐུད་པ་དམར་པོ་ཞིག་གིས་དཀྲིས་ཏེ་བཞག་ཡོད། དེ་ནས་ཁོང་གིས་རྒྱབ་ཁུག་ཁུར་ནས་མཱ་ཇཱན་ཊི་ལའི་དགོན་པའི་འཁྲིས་སུ་སོང་སྟེ་ཁ་ཁུ་སིམ་པོས་ཇ་ཁང་ནས་ཇ་བཏུང་བཞིན་བག་ལེབ་བཟས། དེའི་རྗེས་སྤྱི་སྤྱོད་རླངས་འཁོར་ཞིག་ལ་བསྡད་དེ་ཚོུད་འགའ་ཞིག་གི་རྗེས་སུ་ཁོང་ཉིད་མེ་དཔུང་ཞིག་ཏུ་འགྱུར་སའི་ས་གནས་ཇཱན་ཏར་མྭན་ཏར་ལ་སོང་། ཇཱན་ཏར་མྭན་ཏར་ནས་མྱུར་སྐྱོབ་རླངས་འཁོར་ནང་དུ་བཅུག་སྟེ་འགྲོ་སྐབས་ཁོང་གི་དྲན་པ་ད་དུང་ཉམས་མེད།
གཡུ་དྲུག་དཀར། རྡ་ས།
ཟླ་བཞི་བ་ཚེས་དུས། ཕ་ཡུལ་ལ་དབྱར་ཕ་མ་འདྲ་ཞིག་འཇབ་ནས་ཡོང་གིན་ཡོད་ཅིང་། སྐྱིད་མེ་ཏོག་འདྲ་ཞིག་འཛུམ་གྱིས་བཞད་དེ་ཡོང་གིན་ཡོད་པས། ངས་ནམ་ཡང་རང་གི་ཕ་ཡུལ་དེ་ཟླ་བཞི་བའི་ཕ་ཡུལ་ཡིན་ཆོག་ཨང་སྙམ་གྱིན་ཡོད་མོད།
ད་ལོར་ཟླ་བཞི་བ་ཚེས་དུས། ངས་ཕ་ཡུལ་གྱི་སྔོ་དྭངས་དྭངས་ཀྱི་ནམ་མཁའ་དྲན་གྱི་མེད། ངས་ཕ་ཡུལ་གྱི་ལྗང་ཐིང་ཐིང་གི་སྤང་ལྗོངས་དྲན་གྱིན་མེད། ངས་ཕ་ཡུལ་གྱི་ཁྲ་ཆིལ་ཆིལ་གྱི་མེ་ཏོག་དྲན་གྱིན་མེད་ལ། ངས་ཕ་ཡུལ་གྱི་སྙན་ལྷང་ལྷང་གི་ཁུ་བྱུག་ཀྱང་དྲན་གྱིན་མེད།