གྲིབ་གཟུགས་ནས།
འཇིག་རྟེན་གྱི་འཁོར་སྐྱོད་ལ་གཤོག་པ་ཐོགས་ཤིང༌།
བསམ་བློའི་ངོ་གདོང་གློག་རླབས་ནས་ཐུག་དུས།
གྲྭ་རྐྱང་ཚོ།
མི་ལོ་ཉིས་སྟོང་སྔོན་གྱི་འགུལ་སྐྱོད་དང༌།
གོམ་འགྲོས་ལ་བྱང་ནས་ཡོད།
འཚོ་བ་ལ་རྔུལ་ཁྲག་གི་རི་མོ་ཕབ་ཅིང༌།
ངལ་རྩོལ་གྱི་གོམ་ཁ་ས་ནག་སྟེང་ནས་བཙུགས་དུས།
གྲྭ་རྐྱང་ཚོ།
ལྷུང་འོང་བའི་ཤིང་འབྲས་ཁྱོར་བས་བཟེད་ཅིང༌།
ཆེས་རྒྱང་རིང་གི་འཇིག་རྟེན་ཞིག་ལ་མགོ་བོ་བསྔས།
འདི་གར་ཕྱི་ལོ་ ༢༠༡༢ ཟླ་ ༢ ཚེས་ ༡༤ ཉིན་ཁུངས་ལྡན་གནས་ཚུལ་འབྱོར་བར་གཞིགས་ན། ཕྱི་ལོ་ ༢༠༡༠ ལོའི་ཟླ་ ༡༢ པའི་ནང་ལྷ་ས་གྲོང་ཁྱེར་གྱི་འབྲེལ་ཡོད་ཁྲིམས་ཁང་ཞིག་ནས་ན་གཞོན་རྩོམ་པ་པོ་ཚེ་རིང་ནོར་བུ་ལགས་སུ་ཆབ་སྲིད་ཀྱི་ཉེས་མིང་འོག་དུས་ཡུན་ལོ་ངོ་ ༢ ཁྲིམས་ཐག་བཅད་དེ་ལྷ་ས་གྲོང་ཁྱེར་ཆུ་ཤུལ་བཙོན་ཁང་དུ་བཙོན་འཇུག་བྱས་འདུག ཁོང་འཛིན་བཟུང་བཙོན་འཇུག་བྱེད་དགོས་དོན་གཙོ་བོ་ནི། ཁོང་གིས་ཕྱི་ལོ་ ༢༠༠༨ ལོའི་ཞི་རྒོལ་དང་འབྲེལ་བའི་ཐོག་ནས་རྩོམ་དེབ་ཀྱི་ཁ་བྱང་དུ་ ༼ཁྱོད་ལ་གདུག་རྩུབ་དང་དྲག་གནོན་ཡོད་ན་ང་ལ་བྱམས་བརྩེའི་བདེན་པ་ཡོད།༽ ཅེས་པའི་རྩོམ་དེབ་
དེ་ལས་མང་བ་། “རྩོམ་པ་པོ་ཚེ་རིང་ནོར་བུ་ལགས་ལ་ལོ ༢ ཀྱི་ཁྲིམས་ཐག་བཅད་འདུག” »
དེ་རིང་བོད་མིའི་སྒྲིག་འཛུགས་དྲ་བས་གནས་ཚུལ་སྤེལ་གསལ་ལྟར་ན་ཕྱི་ཟླ་ ༢ ཚེས་ ༡༥ ཉིན་གྱི་བཀའ་ཁྲི་མཆོག་ཕྱི་དྲོ་རྡ་ས་ནས་ཕེབས་ཐོན་གྱིས་ཕྱི་ཚེས་ ༡༦ ཉིན་ལྡི་ལིར་ཕེབས་འབྱོར་དང། དེ་ཉིན་ལྡི་ལི་ནས་ལོན་ཌོན་བརྒྱུད་ནིའུ་ཡོཀ་ཏུ་ཕེབས་འབྱོར་གནང་རྒྱུ། ཕྱི་ཚེས་ ༡༧ ནས་ ༢༠ བར་སྐུ་སྒེར་གུང་གསེང་དུ་བཞུགས་རྒྱུ་ཡིན་འདུག ཕྱི་ཚེས་ ༢༡…
བོད་མི་མང་སྤྱི་འཐུས་ལྷན་ཚོགས་ཀྱིས་གནས་ཚུལ་སྤེལ་གསལ་ལྟར་ན་དེ་རིང་ཚེས་ ༡༤ ཉིན་སྔ་དྲོ་ཆུ་ཚོད་ ༡༡།༣༠ ནས་དགོང་མོ་ཆུ་ཚོད་ ༤།༠༥ བར་སྤྱི་ལྷན་དཔེ་མཛོད་ཁང་དུ་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང་། བཀའ་བློན་ཁྲི་པ་ཌོག་ཊར་བློ་བཟང་སེང་གེ་མཆོག་དབུ་བཞུགས་ཐོག བཀའ་བློན་རྣམ་པ་དང་། སྤྱི་འཐུས་རྒྱུན་ལས་རྣམ་པ་ལྷན་ཚོགས་སྐྱངས་ཏེ། བཀའ་སྤྱི་ལྷན་རྒྱས་ཀྱི་རྣམ་ཀུན་སྲིད་ཇུས་འཛིན་ཕྱོགས་དང་ལས་དོན་བྱེད་ཕྱོགས། བོད་ནང་ཛ་དྲག་གནས་ཚུལ་བསྟུད་མར་འབྱུང་བཞིན་པའི་ཐོག་ཇི་དགེ་བཀའ་བསྡུར་ལྷུག་པོར་གནང་ཡོད་ཚུལ་བཀོད་ཡོད་ནའང་། ནང་དོན་འདི་དང་འདི་བྱེད་ཀྱི་གནས་ཚུལ་གསལ་ཁ་གང་ཡང་བཀོད་མི་འདུག ཡིན་ནའང་བོད་མི་མང་གིས་རྣ་བ་ཅོར་ཅོར་གྱིས་ཛ་དྲག་གི་སྐབས་འདིར་བཀའ་སྤྱི་གཉིས་ཀྱིས་ལས་འགུལ་གང་ཞིག་སྤེལ་མིན་ལ་ཉན་ཞིང་རེ་བ་ཧ་ཅང་ཆེན་པོ་གནང་བཞིན་པ་རེད།
ཀླུ་སྨྱོན།
—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
རྣམ་གྲོལ་གླིང་།བསོད་ནམས་ནོར་བུ།
ཕ་ས་ལྷ་ཡུལ་འདྲ་དེ་པགས་པ་བཤུས།།ཕ་རྒན་ཉི་མ་འདྲ་དེ་རྒྱང་ལ་བསྐྲད།།
ཕུ་ནུ་སྟག་གཟིག་འདྲ་དེ་དོང་ལ་བཙུད།།མ་འདུག་བོད་ཕྲུག་གཞོན་ནུ་ད་ལོངས་ཤིག།
རང་གི་རྩ་དོན་རང་གི་མི་རིགས་ཀྱིས།།མ་རྩོད་ཕན་ཆད་མི་རིགས་གཞན་ཞིག་ལ།།
རེ་ནས་སྐྱབས་པའི་ལོ་རྒྱུས་མ་མཆིས་ན།།ད་ཡང་མ་འོངས་སྐྱོབ་མཁན་ཨེ་ཡོང་སྙམ།།
བོད་རང་བཙན་གྱི་འཕྲེད་དར་དཔྱངས་འདུག
View more videos at: http://nbcwashington.com.
དེ་ལས་མང་བ་། “རྒྱ་ནག་སྲིད་འཛིན་གྱི་སྔུན་ལ། བོད་རང་བཙན་གྱི་འཕྲེད་དར་དཔྱངས་འདུག” »
བོད། ལྷ་ཀླུ་གཉན་གསུམ། འོག་གི་འབོད་ཚིག་ལྔ་འདི་སྤུན་ཟླ་དག་གིས་རྒྱ་ཡིག་དང་དབྱིན་ཡིག ཧིན་རྡུ་བཅས་ལ་སྒྱུར་རོགས་ཞུ། ང་རང་ལ་དགོས་མཁོ་ཆེན་པོ་ཡོད་ལ། ངས་འབོད་ཚིག་འདི་ལྔ། རྒྱ་གཞུང་གི་དཔོན་ངན་དེ་དག་གི་རྣ་བར་འཛུལ་ནས་སེམས་གཏིང་དུ་སླེབས་ཐུབ་པར་བྱེད་རྒྱུ་ཡིན། སྤུན་ཟླ་ཚོ། ཐུགས་རྗེ་གཟིགས། 1) ཆ་རྐྱེན་གང་ཡང་མེད་པའི་སྒོ་ནས་༧རྒྱལ་བ་རིན་པོ་ཆེ་རང་ཡུལ་དུ་ཕེབས་འཇུག་དགོས། 2) ཆ་རྐྱེན་གང་ཡང་མེད་པའི་སྒོ་ནས་ཆུང་སྤྲུལ་པཎ་ཆེན་དགེ་འདུན་ཆོས་ཀྱི་ཉི་མ་གཙོས་བའི་བོད་ཀྱི་ཆབ་སྲིད་བཙོན་པ་ཡོངས་རྫོགས་བཙོན་ལས་གློད་དགོས། 3) ཆ་རྐྱེན་གང་ཡང་མེད་པའི་སྒོ་ནས་བོད་མི་ཚོ་རང་གི་སྐད་དང་ཡི་གེ་སྤྱོང་བའི་བདག་དབང་སྤྲོད་དགོས།…
དེ་ལས་མང་བ་། “ཞི་བའི་འབོད་ཚིག་ལྔ། (བོད། ལྷ་ཀླུ་གཉན་གསུམ།)” »
པ་དོན་ནས།
བརྡ་འཕྲིན་ཚན་རྩལ་གྱི་དུས་རབས་འདིར། ས་སྒང་གི་མི་རིགས་འདིར་མཚོན་ན། རྩིས་འཁོར་སོགས་སྤྱོད་ཤེས་མཁན་གྱི་གྲངས་ཚད་བོད་མི་སྤྱི་ཡོངས་ཀྱི་བརྒྱ་ཆ་གཉིས་ཀྱང་ཟིན་པར་དཀའ་ཚོད་ལ། ཤེས་མཁན་ཁྲོད་ལོག་ཕྱོགས་སུ་སྤྱོད་མཁན་གྲངས་འབོར་ཉིན་རེ་བཞིན་འཕར། འཛུབ་གནོན་རྒྱག་ཤེས་ཙམ་དང་། ཚིག་གྲུབ་བཟོ་ཤེས་ཙམ་ནས་འདི་མི་འགྲིགས་པ་དང་། གན་འགྲིགས་གི་མེ ད་པའི་འུད་བསྒྲགས་ཀྱིས་བོད་ཡིག་དྲྭ་རྒྱ་སྤྱི་ཡོངས་ཀྱི་བརྒྱ་ཆ་བདུན་ཅུ་ཁེངས། མ་ཟད། དེང་བོད་ནང་གི་སྤུན་ཟླ་དག་རྩ་ཆེ་བའི་མི་ལུས་རིན་ཆེན་བོད་མི་རིགས་ཀྱི་ཆེད། བོད་ཀྱི་རྩ་དོན་ཆེད། བོད་དོན་བདེན་མཐའ་གསལ་ཆེད་མཆོད་མེར་ཕུལ། ཁོ་ཚོར་མཚོན་ན་དེ་ལས་ལྷག་པའི་ཞི་རྒོལ་བྱེད་སྟངས་གཞན་ཞིག་ཡོད་པ་མ་རེད། ཡར་ཞུ་བྱས་ན་རྒྱལ་ཁབ་ལ་རྒྱབ་གཏོད་དང་། འཇ ིགས་སྐུལ་བར་འབྲེལ་བ་ཡོད་ཚུལ་གྱིས་གཅིག་མཇུག་གཉིས་མཐུད་ཀྱིས་བཙོན་འཇུག
མྱི་ལྟིག
ན་ནིང་ནས་བཟུང་བོད་ཁམས་ཕྱོགས་ནས་སེར་མོ་བ་གཙོ་བྱས་པའི་ཕོ་མོ་ལོ་ན་རྒན་གཞོན་མང་ པོ་ཞིག་གིས་རང་ཉིད་ཀྱི་ཚེ་སྲོག་རང་རིགས་སམ། རང་དབང་། ཡང་ན་རྒྱལ་ཁབ་ཀྱི་དོན་དུ་འཇིགས་སྣང་ དང་ཞེད་སྣང་གང་གིས་ཀྱང་མ་ཁོག་པར་རང་ཉིད་ནས་བཟུང་སྤར་འགོ་བརྩམས་པ་རེད། དེ་ནི་སུས་ཀྱང་ འགྲེལ་བཤད་མི་ཐུབ་པའི་འཐབ་རྩོད་ཅིག་གམ་སུས་ཀྱང་བཀའ་བཀོད་མེད་པའི་ཨུ་ཐུག་གི་ཨག་སྐད་ཅིག་ ཅི་ལ་མིོན། དེ་བཞིན་བྱེས་ཕྱོགས་ནས་ཀྱང་གསར་འགོད་གསལ་བསྒྲགས་རེ་དང་། སྐད་འབོད་ཁྲོམ་སྐོར་རེ་ གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཚོས་དགོས་དབང་གིས་བྱས་པ་རེད། ཡིན་ནའང་། བར་མཚམས་ཤིག་ནས་བོད་ཁམས་ཀྱི་ལས་འགུལ་སྤེལ་སྟངས་སམ་འགུལ་སྐྱོད་བྱས་སྟངས་དེ་ནི་འཚེ་བ་ཡིན་མིན་དང་། མཇུག་འབྲས་ཡོད་མེད་ཀྱིས་རྩོད་གླེང་བྱེད་འགོ་བརྩམས་པ་རེད།
དེ་རིང་ཚེས་ ༡༣ ཉིན་གྱི་སྔ་དྲོ་ཚོུད་ ༡༠།༣༠ ཐོག སྤྱི་ལྷན་དཔེ་མཛོད་ཁང་དུ་ཚོགས་གཙོ་སྦྲེལ་པོ་དབུ་བཞུགས་ཐོག སྤྱི་འཐུས་རྒྱུན་ལས་དང། རྡ་སར་ཕྱོགས་བཞུགས་སྤྱི་འཐུས་རྣམ་པ་ལྷན་ཚོགས་གནང་སྟེ། ད་ལྟའི་ཆར་བོད་ནང་ཛ་དྲག་གནས་ཚུལ་རྒྱུན་ཆད་མེད་པ་ཐོན་བཞིན་པའི་ཐོག་བྱེད་ཕྱོགས་ཇི་དགེ་བཀའ་བསྡུར་གནང་ཡོད་པ་དང། ལྷན་ཚོགས་འདིའི་གྲུབ་དོན་སྙན་ཐོ་ཁག་སྤྱི་འཐུས་རྒྱུན་ལས་ལྷན་ཚོགས་སུ་གཏན་འབེབས་གནང་རྗེས། བཀའ་སྤྱི་ལྷན་རྒྱས་སུ་གོ་བསྡུར་ཞུ་འོས་ཁག་ཞུས་དེ་ཕྱག་བསྟར་མཇུག་གནོན་གནང་རྒྱུ་ཡིན་འདུག་པ་དང་། སང་ཉིན་བཀའ་སྤྱི་ལྷན་འཛོམས་གནང་རྒྱུ་ཡིན་འདུག
དེ་ལས་མང་བ་། “སྤྱི་འཐུས་རྒྱུན་ལས་དང་རྡ་སར་གནས་སྡོད་སྤྱི་འཐུས་རྣམས་ཛ་དྲག་ལྷན་འཛོམས་གནང་འདུག” »
ཕྱི་ལོ་ ༢༠༡༢ ཟླ་ ༢ ཚེས་ ༡༡ ཉིན་རང་ལུས་མེར་སྲེག་གཏོང་མཁན་བཙུན་མ་བསྟན་འཛིན་ཆོས་སྒྲོན་ཉིན་དེའི་མཚན་མོ་འབར་ཁམས་ནས་སྐུ་གྲོངས་ཡོད་ཀྱང་ནང་མིས་ཕུང་པོ་ཚུར་སྤྲོད་རྒྱུའི་རེ་བ་བྱས་པར་རྒྱ་གཞུང་གིས་དང་ལེན་མ་བྱས་པར་འབར་ཁམས་ནས་ཕྱི་ཚེས་ ༡༢ ཉིན་མེར་སྲེག་བཏང་ནས་རུས་ཐལ་ཞིག་ནང་མིར་སྤྲད་ཡོད་འདུག ཁོང་མོས་རང་ལུས་མེར་སྲེག་བཏང་བའི་ཉི་མ་དེ་ནས་བཟུང་མ་མའི་བཙུན་དགོན་གྱི་ཕྱི་ནང་ཚང་མར་ཉེན་རྟོག་པ་དང་དྲག་ཆས་ཉེན་རྟོག་པ་སོགས་ཀྱིས་དམ་དྲག་ཤུགས་ཆེ་བྱས་ཏེ་དགོན་པའི་ཕྱི་ནང་གི་འགྲོ་འོང་ཡོངས་སུ་བཀག་སྡོམ་བྱས་པར་མ་ཟད། དགོན་པའི་ནང་དུ་རྒྱ་གཞུང་གི་ལས་བྱེད་འབོར་ཆེན་འབྱོར་ཡོད་པ་བཅས། བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་བློ་བཟང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༢ ཟླ་…
རྩོམ། ཁྲན་ཕོ་ཁུང་།
སྒྱུར། ནགས་ཤོད་སད་མི།
ལོ་གསར་པ་ཚེས་ཁ་འདིར། རྔ་པ་ས་ཁུལ་ཀརྟི་དགོན་པའི་ཉེ་འདབས་ནས་བོད་མི ༣ གྱིས་སླར་ཡང་རང་ལུས་མེར་བསྲེགས་བྱུང་། ཁོང་ཚོ་ནི་དགེ་འདུན་པ་དང་། གྲྭ་ཟུར་བ། དེ་བཞིན་མི་དམངས་དཀྱུས་མ་བཅས་རེད།
ད་ལྟའི་ཆར། ལོ་གཅིག་མ་ཟིན་ཙམ་གྱི་ནང་དུ། བོད་མི་རང་ལུས་མེར་སྲེག་རྒྱག་མཁན་གྱི་ཁ་གྲངས་ ༡༥ ཟིན་ཚར། ན་ནིང་ཟླ་བ ༣ པའི་ཚེས ༡༢ ནས་བརྩིས་པའི་དུས་ཚོད་དེའི་ནང་མི ༡༢ ཀྱིས་རང་ལུས་མེར་བསྲེགས་པ་རེད། གལ་ཏེ། ༢༠༠༩ ལོའི་རང་ལུས་མེར་བསྲེགས་མཁན་དེ་བསྡོམས་ན། ཉེ་བའི་ལོ་འདི་ཚོ་ནང་བོད་མི ༡༦ གིས་རང་གི་སྐུ་ལུས་མེར་བསྲེགས་པ་རེད། འདིའི་ནང་ནས། བོད་མི ༩ གྲོངས་པ་རེེད།
དེ་ལས་མང་བ་། “བོད་མིས་རང་སྲེག་བྱས། ཀྲུའུ་ཝེ་ཆོན་སྡིག་ཉེས་ཐར་ས་མེད།” »
དེ་རིང་ཉིན་རྒྱབ་བོད་ནང་གི་ཆུ་ཚོད་ ༢།༣༠ཙམ་ལ་བོད་མདོ་སྨད་རྔ་པ་རྫོང་གཅའ་ཞང་ནག་ཚང་མའི་བཛྲི་ཚང་གི་ཕ་བཛྲི་དང་མ་པད་དཀར་གཉིས་ཀྱི་བུ་རང་ལོ་ ༡༩ ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་རྒྱ་མཚོ་ལགས་ཀྱིས་རང་ལུས་མེར་བསྲེགས་བཏང་འདུག
གྲྭ་བློ་བཟང་རྒྱ་མཚོ་ལགས་ཀྱིས་རྔ་པ་རྫོང་རྫོང་མཁར་གྱི་གཞུང་ལམ་དབུས་མའི་མགོ་སྟོད་ནས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་སྐད་འབོད་བྱས་འདུག་ཀྱང་། སྐབས་ཐོག་དེར་དྲག་ཆས་ཉེན་རྟོག་པ་དང་དམིགས་བསལ་ཉེན་རྟོག་པ་སོགས་སླེབས་ཏེ་ཁོང་གི་སྐུ་ལུས་ལ་འབར་གྱིན་པའི་མེ་བསད་དེ་གཅར་རྡུང་གཏོང་བཞིན་བཙན་ཁྲིད་བྱས་འདུག་པས་ཤི་གསོན་གྱི་གནས་ཚུལ་ཤེས་རྟོགས་མ་བྱུང་། ཁོང་ཚང་ལ་ནང་མི་ ༧ དང་མིང་སྲིང་ ༤ ཡོད་པའི་ཁོང་ནི་ཆེ་ཤོས་ཡིན་ཞིང་། ཁོ་རང་འཛིན་གྲྭའི་ནང་གི་སློབ་སྦྱོང་དང་སྤྱོད་ལམ་ཡག་ཤོས་ཤིག་དང་། ཚོགས་གླེང་ཐེངས་མང་གནང་མྱོང་མཁན་ཞིག་ཡིན་འདུག
ཤར་ཕྱོགས་ཁུག་རྟ།
དེ་རིང་བོད་ལ་ཐབས་ལམ་ཡག་ཤོས་གཅིག་ཡོད་ལ། དེ་ནི་རང་སྐྱོང་ཡོང་ཐབས་ཀྱི་༼ བསམ་འཆར༽ དེར་བོད་ཕྱི་ནང་གཉིས་ནས་ཐོབ་ཐབས་བྱ་རྒྱུ་དེ་རེད། རང་ལུས་གཞོམ་བསྲེགས་བྱུང་བ་དང་བསྟུན་ནས་མི་མང་པོ་འུར་གྱིས་ཁྱེར་ཞིང་། ཚོད་ཚོད་ལ་ཚོར་བས་འབར་ཏེ་སེམས་ལ་གང་དྲན་ཡིད་ལ་གང་ཤར་ཡིག་ངག་གཉིས་ཐོག་ནས་དམར་བཤད་བྱས་ཡོད། ང་ཚོས་ལྷོད་ལྷོད་བྱས་ཏེ་ནན་གྱིས་ལྟོས་པ་ཡིན་ན། རང་ལུས་གཞོམ་བསྲེགས་འདི་ལོ་རྒྱུས་ཆགས་འགོ་བརྩམས་པས་མ་ཚད། ད་ནི་ལུགས་སྲོལ་འདྲ་བོ་ཞིག་ཀྱང་ཆགས་ལ་ཤིན་ཏུ་ཉེ་བ་རེད། ང་ཚོ་རྡ་སའི་བོད་མི་ཆེ་ཕྲ་ཚང་མས་དང་པོ་གཞོམ་བསྲེགས་ཀྱི་གསར་འགྱུར་ཐོས་སྐབས། ཧད་ནས་ལུས་པ། ལངས་ན་འདུག་རྒྱུ་བརྗེད་པ། གཅིག་གིས་གཅིག་ལ་སྨྲས་ཏེ་བློ་ཡིད་དུ་མ་ཤོངས་པ་འདྲ་ཞིག་སྟོན་ཡང་། དེང་སྐབས། “ཨ་ལེ། ཡང་མེར་བསྲེགས་འདུག་གཱས་”ཞེས་པའི་སྐད་ཆའི་རིམ་པ་འདིར་སླེབས་ཡོད། དེ་བཞིན་བོད་ནང་ནས་ཀྱང་ངའི་གྲོགས་པོ་ཞིག་གི་རྩོམ་ཡིག་ནང་འཁོད་པ་ལྟར། བྱིས་པ་ལོ་དགུ་ཅན་གྱི་རྩེད་རྭ་དམིག་གིས་ཁེངས་ཤིང་། བྱིས་པའི་རྣ་རུ་གཞོམ་བསྲེགས་ཀྱི་གསར་འགྱུར་བླུགས་དྲགས་ནས་ཅུང་ཙམ་མིན་ན་ལོ་དགུ་ཅན་དེས་ཀྱང་མེར་བསྲེགས་གྲབས་བྱས་པའི་གནས་ཚུལ་བྲིས་འདུག གནས་ཚུལ་འདི་བདེན་ན་མི་བདེན་ན་གྲངས་ཀ་མང་བས་བར་ཁྱད་ཀྱིས་རང་ཅག་ལ་ཅི་ཙམ་གྱི་གྲུབ་འབྲས་ཐོབ་མིན་ནི་རྦད་དེ་བཤད་ཚོད་དཀའ་བ་ཞིག་དང་། དེའང་ལུགས་སྲོལ་ཞིག་ཏུ་གྱུར་ན་ཉེན་ཁ་དང་ཆུད་ཟོས་ཚད་མེད་ཡིན་པ་དེ་རེད།
དེ་ལས་མང་བ་། “རྒྱ་ནག་གི་རྩ་ཁྲིམས་ནག་འདེད་བྱ་རྒྱུ་ཐབས་མཆོག་རེད།” »
མེ་དཔུང་།
ལུས་ཕུང་མེར་བསྲེགས་པར་རིན་ཐང་ཨེ་འདུག
བོད་མི་རིགས་གླེང་མཁན་ཞིག་གིས་ཚོར་ཤུགས་བོར་སོང་བ་ཨེ་ཡིན
དྲ་ཐོག་གི་སྨྱུག་འཛིན་པའི་སེམས་ཚོར་ཆེ་དྲག་པ་ཨེ་ཡིན
ང་ཚོས་བསམ་བློས་དཔྱད་པ་མ་འདང་བས་ཨེ་ཡིན
ཚེ་སྲོག་གི་འགྲོ་གྲོན་ལ་རིན་ཐང་མི་ལྡན་ནི་ཨེ་ཡིན
བསམ་བློ་ཅི་ཡང་མི་གཏོང་བར་ཁ་རྕོད་ཀྱིས་ཨེ་ཕན
སྙན་ངག་པ་ཡིན་ན་སྙན་ངག་བཞུར་རན་རེད་ལ
རྩོམ་པ་པོ་ཞིག་ཡིན་ན་རྩོམ་ཡིག་འབྲི་རན་རེད
ནམ་མཁའ་ནས ༡༡/༢/༢༠༡༢ལ་ཡོ་རུབ་ནས་བྲིས།
སྐུ་ཞབས་ཝང་ལགས། ཁྱེད་ཀྱིས་གསུངས་བའི་དོན་ཚན་དང་པོའི་གལ་ཏེ་ཞེས་བ་ནས་ཐོལ་རྒལ་གཏན་ནས་མི་བརྩི་བར།
བཙན་བྱོལ་བོད་མི་ཚོས་མཆོད་འབུལ་དང་བསྔོ་བ་སྨོན་ལམ་མར་མེ་ཁྲོམ་སྐོར་སོགས་ཀྱིས་གསལ་བསྒྲགས་ཙམ་ལས་ནུས་པ་ཅི་ཡང་མི་འདུག་བསམ་བློ་འདི་ཁྱེད་རང་ཉིད་ཀྱི་བསམ་ཚུལ་ཞིག་ཡིན་ནམ། རྒྱ་སྲིད་གཞུང་གི་བསམ་ཚུལ་རེད། བོད་ཕྱི་ལོགས་ཀྱི་བོད་མི་ཚོས་རྔམ་སྟོན་ཁྲོམ་སྐོར་གྱིས་རྒྱ་སྲིད་གཞུང་ལ་འགུལ་བསྐྱོད་བྱེད་མི་ནུས་སྟེ།དེང་སང་འཛམ་གླིང་གི་རྒྱལ་ཁབ་སྟོབས་ཆེན་མང་པོས་དཔལ་འབྱོར་གྱི་དབང་གིས་རྒྱ་ནག་སྲིད་གཞུང་ལ་བསྟུན་དགོས་ཀྱི་ཡོད་སྙམ་པའི་སྤོབས་པའི་ང་རྒྱལ་འདི་ཁྱེད་རང་ལ་ཡང་རྒྱ་ནག་སྲིད་གཞུང་ལ་ཡོད་པ་བཞིན་ཁྱེད་ཀྱི་སེམས་སུ་ཡང་ཡོད་པ་ཕལ་ཆེར་གསལ་བོ་རེད་ལབ་ན་འགྲིག ད་རུང་ཁྱེད་ཀྱིས་གསུངས་པ་ལ། བོད་ནང་གི་བོད་མི་ཚོར་མངོན་གསལ་གྱི་ཁ་ཕྱོགས་ངེས་བསྟན་ཞིག་དགོས་མཁོ་ཆེ་ཟེར་བ་ལ་འདིར་གཞིགས་ཚེ། བཙན་བྱོལ་གཞུང་ལ་མངོན་གསལ་གྱི་ཁ་ཕྱོགས་བརྟན་པོ་ཞིག་མི་འདུག་བསམ་པའི་ཚོར་བ་འདི་ཡང་ཁྱེད་དང་རྒྱ་སྲིད་གཞུང་ལ་ཡོད་པའི་བསམ་བློ་ཞིག་ཡིན་པ་གསལ་བོ་རེད།
དེ་ལས་མང་བ་། “ཝང་ལུའི་ཞོང་གི་བོད་ཀྱི་ཐབས་ལམ་ཟེར་བའི་རྩོམ་ཡིག་བཀླགས་རྗེས།” »
ཚངས་སྲས
ཡ་གའི་ནཊ་ཀྱི་ལྗོན་ཤིང་རྩེ་ནས་ཁུ་བྱུག་གསུང་ལས་འདི་སྐད་ཐོས།།
རྟག་ཅིང་བརྟན་པའི་གཤིས་སུ་མ་གྲུབ་འདུ་བྱས་རྒྱུ་མའི་གར་དང་འདྲ།།
ལོངས་སྤྱོད་འབྱོར་བའི་ཕུན་ཚོཊ་རྒྱས་ཀྱང་སྤྲིན་རིམ་གློག་གི་ངང་ཚུལ་འཛིན།།
དུས་བཞིའི་མཛེས་སྡུག་རི་ལུང་ཁེབས་ཀྱང་ཟློས་གར་མཁན་པོའི་ཉམས་འགྱུར་བཞིན།།
ལྷན་འཛོམས་སྐྱིད་པའི་དགའ་སྟོན་དེ་ཡང་འབྲལ་བ་ལས་ཀྱི་ཆོས་ཉིད་ཟེར།།
ལྗང་མདོག་ལོ་མར་སེར་མདའ་ལྷུང་སྟེ་འཛིན་མར་ཁ་བ་བཞིན་དུ་འབབ།།
སྣུམ་ཞིང་བརྗིད་པའི་ནཊ་ཚལ་སྟུག་པོ་སྡུག་གིས་བཟད་པའི་སྐྲ་ལོ་གྱུར།།
དལ་འབབ་ཆུ་བོའི་བཞུར་སྒྲ་དེ་ཡང་ཟུངས་ཟད་འཆི་ཁའི་ཁ་ཆེམས་བཞིན།།
བསམ་གྱིན་བསམ་གྱིན་སྐྱོ་བ་འཕེལ་བའི་སྟོན་མཇུག་འདི་ལ་རེ་ཐག་ཆད།།
རྔ་བ་རྒྱལ་ཁམས་པ།
གནམ་དམག་གིས་མཁའ་དབྱིངས་བཀབ་ཅིང་།
རྐང་དམག་གིས་ས་གཞི་གཡོགས་པའི་དུས་དེ་ནས་བཟུང་།
མཐོ་སྒང་ན་དབུགས་ལྷེམ་ལྷེམ་དུ་འཚོ་བའི་གསོན་སྙིང་དྲོན་མོ་ཞིག
མི་འདོད་བཞིན་དུ། དབང་མེད་དུ། འདི་ལྟར་ཕྱོགས་གཉིས་སུ་གྱེས་དགོས་བྱུང་།
སྙིང་དེ་ནི་དཀྱུས་མའི་སྙིང་ཞིག་མ་ཡིན་པར།
ཤ་རུས་ཁྲག་རྒྱུད་ཀྱི་མགོ་ཁུངས་ཡོད་ཅིང་།
སྐད་ཡིག་རིག་གཞུང་གི་མ་ལག་འཛོམས་པའི་མི་རིགས་ཤིག་གི་སྙིང་རེད།
སྙིང་འདི་ཇི་ལྟར་ཁ་སོ་སོར་འཐོར་རུང་།
སྙིང་འདིའི་སྲོག་རྩ་ཨ་ཕའི་སྨྲ་བརྗོད་ཀྱི་ཁ་སྐད་གཙང་མ་དང་།
སྙིང་འདིའི་ཟུང་བཅུད་ཨ་མའི་སླད་མེད་ཀྱི་དད་འདུན་ཞིག་དང་།
ཤ་འདྲེས་ལྤགས་འདྲེས་སུ་གནས་ཡོད་པས།
ད་གདོད། ང་ཚོ་སྟེ་བོད་དང་། བོད་མི་རིགས།
བོད་རིགས་སྤུན་ཟླ། ཕུ་ནུ་མིང་སྲང་ཞེས།
སྐྱིད་སྡུག་མཉམ་མྱོང་གི་གནས་ལུགས་བཟློག་ཏུ་མེད་པ་དེ་བྱུང་བ་རེད།
ངའི་སྙིང་ནས་བརྩེ་བའི་ཕུ་ནུ་སྤུན་ཟླ་རྣམ་པ།
ངའི་སེམས་ནས་དུང་བའི་དཔའ་བོ་དཔའ་མོ་རྣམ་པ།
འདི་འདྲའི་དཀའ་སྡུག་ཅིག་ང་ཚོས་ཅིའི་ཕྱིར་མྱོང་དགོས་བྱུང་བ་རེད།
ཅིག་ཐེངས་ན། ང་ཚོས་ད་དུང་གནའ་བོའི་ཐང་བོད་དམག་འཁྲུགས་ཀྱི་ལས་འཕྲོ་ཞིག་སྐྱོང་བཞིན་པའམ།
ཡང་ན། མཇུག་བསྡུ་བཞིན་པ་ཞིག་ཀྱང་ཡིན་ལས་ཆེ།
ཌཱཀིམ།
སྲིན་མོ་ལ་ཕུལ།
ཁྲག་འབར་བཞིན། ཆུ་བོ་འབབ་པ་བཞིན།
མེ་བཞུར་ཟིན། གློག་ཞགས་འཁྱུག་པ་བཞིན།
བྱེ་བ་དུང་ཕྱུར་གྱི་ཕྲ་ཕུང་རྣམས་འབར་བཞིན།
ས་ཡ་མང་པོའི་རྣམ་ཤེས་ཀྱང་འབར་ཟིན།
ནམ་མཁའ་དམར་པོ་དེ།
འབར་བའི་མེ་ཡིན་ནམ། དམར་མོ་དེ།
བཞུར་བའི་ཁྲག་མིན་ནམ། དམར་པོ་དེ།