གསར་འགོད་པ་རྡོ་རྗེ་ཚེ་རིང་གིས། སྤྱི་ལོ་༢༠༠༨ལོའི་སྤྱི་ཟླ༣པའི་ཚེས༡༦ཉིན་བོད་ཨ་མདོ་རྨ་ཆུ་རྫོང་མི་དམངས་ཀྱི་ངོ་རྒོལ་སྐད་འབོད་སྐབས་སུ། ཡར་ལངས་སྣེ་ཁྲིད་པར་གྱུར་བའི་ཕ་རྣམ་རྒྱལ་ཚེ་བརྟན་དང་མ་འདས་པོ་བསོད་ནམས་སྒྲོལ་མ་གཉིས་ཀྱི་བུ་༼ཤེས་རབ་༽ལགས་ནི་༢༠༠༩ལོའི་ལོ་དཀྱིལ་ནས་ལོ་ངོ་གཉིས་དང་ཕྱེད་ཀའི་ཁྲིམས་ཐག་བཅད་དེ་བཙོན་འཇུག་བྱས་ཡོད་པ་དང་། ད་ལོ་སྟེ་སྤྱི་ལོ་༢༠༡༢ལོའི་༠༢པའི་ཚེས་༠༣ཉིན་གྱི་ཉིན་རྒྱབ་ཆུ་ཚོད་གསུམ་དང་ཕྱེད་ཀའི་སྟེང་ཀན་སུའུ་ཞིང་ཆེན་གཙོད་གྲོང་ཁྱེར་ནས་གློད་གྲོལ་བཏང་ཡོད་འདུག་པའི་གནས་ཚུལ་ཁུངས་ལྡན་ཁོང་གི་ཞང་བོ་རྡ་སར་གནས་བཞུགས་ཆབ་སྲིད་བཙོན་ཟུར་འཇིགས་མེད་ལགས་ཀྱིས་མཁོ་སྤྲོད་བྱས་པ་ལགས་སོ།། (གསལ་བཤད། པར་རིས་ས་བྱི་ཞི་རྒོལ་ཆེན་མོའི་དེབ་ལས་བཤུས་པ་ཡིན།)
མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་ཀོང་ཧོ་རྫོང་གིས་གཙོ་སྒྲུབ་འོག་༼ རྒྱ་བཟའ་བོད་དུ་བྱོན་པའི་གཏམ་རྒྱུད་ཞལ་ཐང་རིང་མོ་༽ཟེར་བ་ཞིག་འབྲི་འགོ་བརྩམས་འདུག་ལ། བདུན་ཕྲག་འདིའི་ནང་ཞལ་ཐང་རིང་མོ་དེའི་ནང་དོན་འབྲི་བཞེངས་ཐད་མཁས་པའི་ལྷན་ཚོགས་ཤིག་གནང་འདུག་ཅིང་། ལྷན་ཚོགས་སར་མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་སངས་རྒྱས་ལགས་དང་། ཆབ་འགག་རྟ་མགྲིན། རྩོམ་པ་པོ་གྲགས་ཅན་རྒྱ་ཡེ་བཀྲ་བྷོ་སོགས་སྐྱ་སེར་མཁས་པ་མང་པོ་ཚོགས་འཛོམས་གནང་འདུག
དེ་ལས་མང་བ་། “རྒྱ་བཟའ་བོད་དུ་བྱོན་པའི་གཏམ་རྒྱུད་ཞལ་ཐང་རིང་མོ།” »
ཁ་སང་ཕྱི་ཚེས་བཞིའི་རེས་གཟའ་སྤེན་པའི་ཞོགས་པར་རྫ་ཆུ་ཁ་དབོན་པོ་ཞང་དུ་རྒྱ་གཞུང་ལ་ངོ་རྒོལ་སྤེལ་ཏེ། ད་ལྟ་དབོན་པོ་དགོན་གྲོང་གཉིས་དམ་དྲག་བྱེད་ཀྱིན་ཡོད་འདུག བོད་ནས་གནས་ཚུལ་འབྱོར་གསལ་ལྟར་ན། ཁ་སང་རེས་གཟའ་སྤེན་པའི་ཞོགས་པ་ནམ་གསལ་བ་ན་རྫ་ཆུ་ཁའི་ཆར་གཏོགས་རྫ་སྨད་དབོན་པོ་ཞང་གི་ཡུལ་ཚོའི་སློབ་གྲྭའི་ཐོག་གི་རྒྱ་ནག་གའི་རྒྱལ་དར་མར་ཕབ་སྟེ། བོད་ཀྱི་རྒྱལ་དར་བསྒྲེངས་འཛུགས་བྱས་ཡོད་པ་དང་། ཡིག་ཆ་མང་བོ་སྦྱར་འགྲེམས་བྱས་པའི་གནས་ཚུལ་བྱུང་འདུག འོན་ཀྱང་། ཁ་པར་བརྒྱུད་ལམ་བཀག་ཟིན་པས་ས་གནས་རང་གི་མི་ལ་འབྲེལ་གཏུགས་བྱེད་མི་ཐུབ་ཅིང་། སྦྱར་ཡིག་གི་ནང་དོན་སོགས་བྱ་བྲག་གི་གནས་ཚུལ་ཤེས་རྟོགས་བྱེད་ཐུབ་ཀྱི་མེད་པ་དང་། གནས་ཚུལ་དེའི་རྐྱེན་གྱིས་སེལ་ཤུལ་རྫོང་ནས་ཉེན་རྟོག་པ་འབོར་ཆེན་ཆེད་གཏོང་བྱས་ནས་ད་ལྟ་དབོན་པོ་དགོན་གྲོང་གཉིས་ཧ་ཅང་དམ་དྲག་དོ་དམ་གྱི་འོག་ཏུ་ཚུད་ཡོད་འདུག་ཅིང་། གནས་ཚུལ་ཤེས་ཚོད་ལྟར་ན་དབོན་པོ་ཞང་དང་དབོན་པོ་དགོན་དུ་འགྲོ་བའི་ལམ་འགྲོ་བ་རྣམས་དེར་འགྲོར་མི་བཅུག་པ་དང་། དགོན་པ་དང་ཞང་གི་མི་རྣམས་ཀྱང་ཕྱི་ལ་ཐོན་མི་བཅུག་པ་སོགས་ལམ་འགྲོ་བ་དང་གླིང་བསྐོར་བ་ཚུན་ཆད་ཀྱི་སྒང་ལ་ཡང་དཀའ་ཁག་ཆེན་པོ་ཞིག་འཕྲད་བཞིན་ཡོད་པའི་གནས་ཚུལ་འདུག་ལ། ཟ་ཁང་དང་ཚོང་ཁང་ཁག་གི་སྒོ་ཕྱེ་མི་ཆོག་པའི་དམ་དྲག་ཀྱང་བྱས་ཡོད་འདུག གཞན་འབྲེལ་གཏུགས་བརྒྱུད་ལམ་བཀག་ཟིན་པས་ད་ལྟ་གནས་ཚུལ་ཅི་ཞིག་འབྱུང་བཞིན་ཡོད་ཤེས་རྟོགས་བྱེད་ཐབས་མེད་པར་གྱུར་ཡོད། བོད་ཀྱི་དུས་བབ་ལས་དྲངས།
སྐུ་ཞབས་ཀྲུའུ་ཝེ་ཆོན་ལགས་ཀྱི་སྐད་ཆ་འདི་རིགས་སྒེར་ངོས་ཀྱི་སེམས་གཏམ་ངོ་མ་ཞིག་ཡིན་མིན་བཤད་དཀའ་ན་ཡང། རྒྱ་ནག་གཞུང་གི་རྒྱུག་ཁྱི་ཡག་པོའི་ཁྱི་སྐད་ངོ་མ་དེ་ཡིན་པར་ཐག་བཅད་ཆོག
ཁོ་པས“ཏཱ་ལའི་བླ་མར་འཚེ་མེད་ཞི་བའི་མིང་འདོགས་པ་ནི་དགོད་གཏམ་ཁོ་ན་ཙམ་རེད”ཟེར་བ་འདི་ཁོ་ནས་ཀྱང་ཁོས་མངོན་སུམ་ལ་བསྙོན་གྱིན་མེད་ན་ཡང་ལོག་ལྟ་བ་ཞིག་ཡིན་པ་ཚང་མས་ཤེས་ཐུབ། ཏཱ་ལའི་བླ་མ་འཚེ་མེད་ཞི་བའི་དེད་དཔོན་དང་ཞི་བདེའི་དབུ་ཁྲིད་དོན་དམ་པ་ཞིག་ ཡིན་ཚུལ་ཁོང་གིས་༡༩༥༠(ཟླ་༡༡ཚེས༡༠)་ལོར་བོད་གཞུང་གི་ཆབ་སྲིད་དབང་ཆ་ཡོངས་སུ་བཞེས་པ་ནས་ད་ལྟའི་བར་དུ་དགྲ་ལ་གྲོགས་ཀྱི་འདུ་ཤེས་བཟུང་ནས་བོད་རྒྱའི་ཞི་བདེའི་ཆེད་ཙམ་མ་ཟད་འཛམ་གླིང་ཞི་བདེར་སྨན་པའི་མཛད་འཕྲིན་ཅི་ཙམ་ཞིག་བསྐྱངས་ཡོད་པ་འཛམ་གླིང་ཡོངས་གྲགས་ཡིན་པས་ངས་འདིར་ཞིབ་བརྗོད་མི་དགོས་ཀྱང། དེའི་དཔེ་མཚོན་གཙོ་བོ་ཞིག་ནི་བོད་རྒྱ་ཞི་མོལ་གྱི་དབུ་མའི་ལམ་ཆེན་གསར་གཏོད་ གནང་ནས་བོད་ཕྱི་ནང་གཉིས་ཀྱི་མི་དམངས་ཀྱིས་བོད་དོན་ལས་འགུལ་གང་སྤེལ་ཚང་མ་འཚེ་མེད་ཞི་ལམ་ཁོ་ནར་སྐྱོད་དགོས་པའི་བཀའ་སློབ་ལམ་སྟོན་རྒྱུན་མར་གནང་བ་མ་ཟད་གལ་ཏེ་དྲག་པོའི་འཐབ་རྩོད་ཀྱི་ལམ་དུ་ཞུགས་ན་ཁོང་གིས་བོད་ཀྱི་དབུ་ཁྲིད་གནང་མི་ཐུབ་ཚུལ་ཡང་ཡང་དང་བསྐྱར་དུ་གསུངས་ཤིང་ཐ་ན་༢༠༠༨ལོའི་རྒྱལ་སྤྱིའི་རྩེད་འགྲན་ཆེན་མོ་རྒྱ་ནག་ཏུ་འཚོག་རྒྱུར་ཡང་རྒྱབ་སྐྱོར་གནང་ཡོད།
དེ་ལས་མང་བ་། “ཀྲུའུ་ཝེ་ཆོན་གྱི་ཁྱི་སྐད། ༼རྩོམ་ཡིག་ཆ་ཚང་བཀོད་ཡོད༽” »
རྔ་བ་རྒྱལ་ཁམས་པ། བོད་ཀྱི་བསྟན་པ་ཆབ་སྲིད་ཀྱི་དོན་དུ་སྐུ་སྲོག་བཏང་ཟིན་པ་དང་། གཏོང་བཞིན་པའི་རྒྱལ་གཅེས་དཔའ་བོ་དཔའ་མོ་སྤྱི་དང་། ལྷག་པར་རང་ཉིད་ཀྱི་ཆེས་རྩ་ཆེ་བའི་སྐུ་ལུས་མེར་བསྒྲོན་ནས་བདེན་དོན་གྱི་འབོད་སྒྲ་བར་མེད་དུ་སྒྲོག་བཞིན་པའི་དཔའ་བོ་དཔའ་མོ་རྣམ་པར། བླ་ན་མེད་པའི་གུས་བཀུར་དང་། གདུང་སེམས་མཉམ་བསྐྱེད་ཞུ། ཁྱེད་རྣམ་པའི་རླབས་ཆེན་གྱི་མཛད་སྤྱོད་ནི། ང་ཚོའི་བདེན་མཐའ་རྩོད་པའི་རི་རབ་ལྟ་བུའི་བདེན་དཔང་རེ་རེ་ཡིན་པ་མ་ཟད། འགྲོ་བ་མིའི་རིགས་ཀྱི་འཚོ་གནས་བདེ་སྡུག་གི་འགྲན་རྩོད་ནང་། ཚད་མེད་ཞི་བའི་སྙིང་སྟོབས་མཐར་སོན་པའི་དཔང་རྟགས་བླ་ན་མེད་པ་ཞིག་ཀྱང་རེད། ངས་ཁྱེད་རྣམ་པར་གུས་ཕྱག་བཅས་རེ་འབོད་ཞུ་རྒྱུ་ཞིག་ལ། རབ་ན་སྐུ་ལུས་ཞུགས་འབུལ་གནང་མ་དགོས་པའི་ཐབས་ལམ་གཞན་ཞིག་གནང་རོགས་གནང་། གལ་ཏེ་ངེས་པར་དུ་ལམ་ཁ་འདིར་ཕེབས་རྒྱུ་ཡིན་ན། ཁྱེད་རྣམ་པས་རང་ཉིད་ཀྱི་ཕྱག་བྲིས་ཡི་གེ་འཇོག་རོགས་གནང་། རང་ཉིད་ཀྱི་ནམ་རྒྱུན་གྱི་གཤིས་སྤྱོད་དང་།…
ཡོང་ཁུངས་ཐུ་མིའི་དྲ་བ། www.thumi.net
ཉེ་བའི་དུས་ནས་བཟུང་བོད་ནང་དུ་སློབ་གསོའི་ཚ་རླབས་གསར་བ་ཞིག་འཕྱུར་བཞིན་ཡོད། དེ་ནི་ལོ་ན་བདུན་ཅུ་བརྒྱད་ཅུར་སོན་པའི་རྒན་པོ་རྣམས་ཀྱིས་སྣེ་ཁྲིད་དེ་བོད་ཀྱི་སྐད་ཡིག་གསར་དུ་སློབ་བཞིན་པ་འདི་རེད། ཀློག་པ་པོ་ལགས་འདི་ནི་ང་ཚོས་ཆེད་དུ་མཚར་གཏམ་གོ་སྒྲིག་བྱས་པ་ཙམ་མ་ཡིན་པར་མགོ་ལོག རྔ་བ། རྨ་ཆུ། མཚོ་ལྷོ་སོགས་ས་ཁུལ་སོགས་མང་པོ་ཞིག་ཏུ་འབྱུང་བཞིན་འདུག ང་ཚོས་རྒྱུས་ལོན་བྱས་པ་ལྟར་ན་ཁོ་ཚོ་འགའ་རེས་རང་གི་བུ་རབས་ཚ་རྒྱུད་ལ་བོད་སྐད་གཙང་མ་ཞིག་ཀྱང་བརྒྱུད་སྤྲོད་མ་ཐུབ་པའི་གནོང་འགྱོད་ཡིན་ཟེར་ལ། འགའ་རེས་དབྱངས་གསར་སོ་བཞི་ཐེངས་གཅིག་སྦྱང་ན་བཀའ་བརྟན་ཚར་གཅིག་བཏོན་པའི་ཕན་ཡོན་ཡོད་ཟེར་བ་དང་། འགའ་རེས་འཆི་ཁར་སྨོན་ལམ་བཟང་པོ་རེ་འདོན་ཤེས་ན་ཡང་བཟང་ཟེར་བ་སོགས་མདོར་ན་ཁོ་ཚོ་ཁ་གཅིག་གྲགས་ཀྱིས་སྔོན་ཆད་སློབ་སྦྱོང་གི་གོ་སྐབས་མ་རེག་པར་ཕངས་སེམས་དང་། གང་ལྟར་མ་ཤི་བར་ཡི་གེ་ཞིག་ཤེས་ན་བཟང་སྙམ་པ་ཀུན་ལ་ཡོད་པས་ང་ཚོས་ཞིབ་ཏུ་བསམ་བློ་ཞིག་བཏང་ན་སྨྲ་མི་ཤེས་པའི་ཚོར་བ་ཞིག་ངང་གིས་སྟེར་རོ། །སྐབས་འདིར་ངས་རྒན་པ་འདི་དག་ལ་གུས་ཕྱག་ཅིག་འཚལ་ཏེ་ཐུགས་རྗེ་ཆེ་ཞུ་སྙིང་འདོད།
སྦྲ་རིགས་ཐོགས་མེད།
ཨེ་ལེས་ཟན་གྲིར་གྱིས་དམག་སའི་ཀུན་སྤྱོད་དང་འོས་འགན་གླེང་བཞིན།
ས་ཆེན་པོ་ཁད་ཀྱིས་བསྡུས་ནས་རི་བོ་ཧི་མ་ལ་ཡའི་ཉེ་སར་གཏུགས་ཞིང་།
སོག་པོ་ཇིང་གིར་གྱིས་རྟ་དམག་དང་མདའ་གཞུའི་ཐབས་བྱུས་བཀོལ་ནས།
རི་བོ་ཧི་མ་ལ་ཡའི་སྟོད་བར་དུ་སླེབས་མྱོང་བ་མ་ཡིན་ནམ།
དེ་བཞིན། མོའོ་ཙེ་ཏུང་གིས་ཀྱང་ཁུང་ཙིའི་དམག་འཐབ་བསྟན་བཅོས་ཁུར་ནས།
ཡར་ཀླུང་གཙང་བོ་བརྒལ་ཞིང་ཧི་མ་ལ་ཡར་གཏུགས་སོང་བ་རེད་ཨང་།
རིག་འབྱུང་རྒྱ་མཚོ།
ད་ཆོས་བཤད་ནས་སེམས་རྒྱ་ཆེ་ཁུལ་མ་བྱེད། ཚང་མས་འདི་ལྟར་གཞན་གྱི་མཐོང་ཆུང་དང་གཉའ་གནོན་བྱེད་པའི་མཐོང་ཚུལ་ངོས་སུ་ཁས་བླངས་ནས་གང་ཐུབ་ཀྱིས་ཤུགས་རྒྱགས་རན་རེད། རྨོངས་གཉིད་ལས་སད་ནས་ཤུགས་རྒྱགས་རན་རེད། ད་ལྟ་ང་ཚོ་གོམས་པའི་ལམ་ལུགས་དང་བསམ་པའི་ཁྱེར་སོ་ཡི་འདང་གི་མེད་པ་ཤེས་ནས་ཤུགས་རྒྱག་རན་རེད། ཆོས་ལུགས་དང་ལམ་ལུགས་རྙིང་བའི་བཀའ་རྒྱ་བརྒལ་ནས་ཤུགས་རྒྱག་རན་རེད། སློབ་སྦྱོང་དང་དཔལ་འབྱོར། ཚན་རིག་དང་བཟོ་རིགས། ཚོང་དོན་དང་ལས་དོན་གང་ཞིག་སྒྲུབ་ཀྱང་གཞན་དང་དཔུང་པ་མཉམ་གཤུབ་བྱས་ནས་འགྲོ་ཐུབ་མཁན་གྱི་མི་རིགས་ཤིག་བཟོ་སྐྲུན་བྱེད་རྒྱའི་སླད་དུ་ཤུགས་རྒྱག་རན་རེད། ཆོས་ལུགས་ཁོ་ན་མགོ་འཁོར་ནས་མ་འདུག་པ་འཛམ་གླིང་འཕེལ་ཕྱོགས་སུ་གོམ་པ་སྤོས་ཏེ་རྒྱུག་རན་རེད། གྲྭ་འབོར་ཉུང་དུ་བཏང་ཏེ་རིགས་རྒྱུད་དར་སྤེལ་སླད་དུ་ཤུགས་རྒྱག་རན་རེད། ཡར་རྒྱས་ཀྱི་ལམ་དུ་ཕེབས་རོགས། སུས་ཀྱང་མཐོང་ཆུང་བྱེད་མི་ཐུབ་པའི་མི་རིགས་ཤིག་སྒྱུར་བའི་སླད་དུ་ཤུགས་རྒྱག་རོགས། རྒྱ་ནག་གིས་དེ་ལྟར་བྱེད་པའང་ང་ཚོ་ལ་འཇོན་ཐང་མེད་པས་ལན་པ་རེད།
བོད། ལྷ་ཀླུ་གཉན་གསུམ།
བོད་ནང་དུ་མེ་ལྕེ་མཆེད་པའི་རླབས་ཤུགས་ནི། ཉིན་རེ་བཞིན་ཇེ་ཆེར་འགྲོ་བཞིན་ཡོད་ལ། བོད་མི་ང་དང་འདྲ་བ་ཆེས་མི་ཉུང་བ་ཞིག་ཕྱི་ཡུལ་དུ་བསྡད་ནས། དྲ་ཚིགས་དག་ནས་འདི་ལྟར་བོད་ནང་གི་གནས་སྟངས་ཉིན་རེ་ཉིན་རེ་སྡུག་དུ་འགྲོ་བའི་རྣམ་པ་དང་བོད་མི་དག་གི་ཚེ་སྲོག་ལ་གོད་ཆག་དང་མནར་གཅོད། མི་སྤྱོད་ལས་འདས་པའི་ཡ་ང་བའི་སྐྱོ་གར་བློ་ཡུལ་དུ་མི་གཤོང་བ་ཆེས་མང་བོ་ཞིག རང་ས་རང་ཡུལ་ནས་མྱོང་བཞིན་པའི་ཡིད་སྐྱོ་བའི་གནས་ཚུལ་དག་ཀློག་ཐེངས་རེར། ང་དང་འདྲ་བར་བོད་མི་དག དམིགས་སུ་བཀར་ནས་རྒྱ་ཆེ་བོད་མི་ཕྱི་བསྡོད་པ་དག ག་དུས་ཤིག་ལ་རང་གི་ལྟོ་གོས་ཙམ་ལ་འགོ་འཁོར་བའི་ལས་འདི་ལས། རང་མི་རིགས་འདི་ཉིད་ཀྱི་འཆི་གསོན་ལ་འགན་འཁྲི་ཡོད་པའི་བོད་མི་ཞིག་བྱེད་པར་གྲྭ་སྒྲིག་བྱེད་སྲིད་དམ།
དེ་ལས་མང་བ་། “བོད་མི་ག་ཚོད་ཅིག་བསྲེག་རྗེས་སུ། བོད་མི་དག་གཉིད་ལས་སད་དམ།” »
བོད་ཀྱི་བུ།
“ཨོ་ཝེ། བསྟན་བདེ་སྐྱིད། long time no see. ག་དུས་སླེབས་པ་ཡིན”
“Monday ལ་སླེབས་པ་ཡིན”
“Baby ག་བ”
“Husband རྩ་ལ་བཞག་ཡོད”
“འོ་ན། ཚོང་ཁང་ལ་སུ་བསྡད་ཡོད”
“Husband བསྡད་ཡོད”
“Husband གིས་ཚོང་ཁང་དང་baby གཉིས་ཀ་གླགས་འཁེལ་གྱི་རེད་པས་”
“Monday ཚོང་ཁང་close རེད། Sunday ལ husband གི་ sister གིས་རོགས་པ་བྱེད་དགོས་ཟེར”
“Monday full day close རེད་པས”
“རེད”
“སྔོན་མ་ཁྱེད་ཚོས་Monday morning ཏོག་ཙམ་ close བྱས་ནས་ after lunch ནས་སྒོ་ཕྱེ་གི་འདུག་ག”
འདིར་ཨ་རིའི་མངའ་སྡེ་ཁག་གི་མིང་བོད་ཡིག་ཐོག་འབྲི་སྟངས་ཤིག་བསམ་འཆར་དང་བགྲོ་གླེང་ཡོང་ཆེད་འབུལ་བ་བའོ། སྒྲིག་སྟངས་འདིའི་ཁྱད་ཆོས་གཙོ་བོ་ནི། བོད་མིའི་ངག་ལ་སྒྲ་ཡོང་བདེ་བ་དང་བློ་ལ་འཆར་བདེ་བའི་དབང་དུ་བྱས་ནས་བསྒྲིགས་པ་ལགས། ཚང་མའི་བསམ་འཆར་ལྷུག་པོར་གསུངས་རོགས་གནང་། མཐའ་མའི་དམིགས་ཡུལ་ནི་བོད་གངས་ཅན་གྱི་སྐད་ཡིག་སྤྱོད་པ་པོ་རྣམས་ལ་གཅིག་འགྱུར་གྱི་ཐ་སྙད་ཡོང་བའི་གོམ་པ་དང་པོ་དེ་འོ། གུས་ཚངས་དབྱངས་ནས།
Alabama- ཨ་ལ་སྦར་མ།
Alaska- ཨ་ལགས་སེར་ཁོ།
Arizona- ཨ་རི་རྫོང་།
Arkansas- ཨར་མཁན་གསར་
California- ཁ་ལེགས་ཕོར་སྣེ་ཡག
Colorado- ཀ་ལ་རོལ་རྡོ།
ཆབ་བྲག་ལྷ་མོ་སྐྱབས།
སྐུ་ཞབས་ཀྲུའུ་ཝེ་ཆོན་ལགས་ཀྱི་སྐད་ཆ་འདི་རིགས་སྒེར་ངོས་ཀྱི་སེམས་གཏམ་ངོ་མ་ཞིག་ཡིན་མིན་བཤད་དཀའ་ན་ཡང་། རྒྱ་ནག་གཞུང་གི་རྒྱུག་ཁྱི་ཡག་པོའི་ཁྱི་སྐད་ངོ་མ་དེ་ཡིན་པར་ཐག་བཅད་ཆོག
ཁོ་པས་ཏཱ་ལའི་བླ་མར་འཚེ་མེད་ཞི་བའི་མིང་འདོགས་པ་ནི་དགོད་གཏམ་ཁོ་ན་ཙམ་རེད་ཟེར་བ་འདི་ཁོ་ནས་ཁོས་མངོན་སུམ་ལ་བསྙོན་གྱིན་མེད་ན་ཡང་ལོག་ལྟ་བ་ཞིགཡིན་པ་ཚང་མས་ཤེས་ཐུབ། ཏཱ་ལའི་བླ་མར་འཚེ་མེད་ཞི་བའི་དེད་དཔོན་དང་ཞི་བའི་དབུ་ཁྲིད་དོན་དམ་པ་ཞིག་ཡིན་ཚུལ་ཁོང་གིས་ ༡༩༥༡ ལོར་བོད་གཞུང་གི་ཆབ་སྲིད་དབང་ཆ་ཡོངས་སུ་བཞེས་པ་ནས་ད་ལྟའི་བར་དུ་དགྲ་ལ་གྲོགས་ཀྱི་འདུ་ཤེས་བཟུང་ནས་བོད་རྒྱའི་ཞི་བདེའི་ཆེད་ཙམ་མ་ཟད་འཛམ་གླིང་ཞི་བདེར་སྨན་པའི་མཛད་འཕྲིན་ཅི་ཙམ་ཞིག་བསྐྱངས་ཡོད་པ་འཛམ་གླིང་ཡོངས་གྲགས་ཡིན་པས་ངས་འདིར་ཞིབ་བརྗོད་མི་དགོས། དེའི་དཔེ་མཚོན་ཙམ་གཙོ་བོ་ཞིག་ནི་བོད་རྒྱ་ཞི་མོལ་གྱི་དབུ་མའི་ལམ་ཆེན་གསར་གཏོད་གནང་ནས་བོད་ཕྱི་ནང་གཉིས་ཀྱི་མི་དམངས་ཀྱིས་བོད་དོན་ལས་འགུལ་གང་སྤེལ་ཚང་མ་འཚེ་མེད་ཞི་ལམ་ཁོ་ནར་སྐྱོད་དགོས་པར་པའི་བཀའ་སློབ་ལམ་སྟོན་རྒྱུན་མར་གནང་བ་མ་ཟད་གལ་ཏེ་དྲག་པོའི་འཐབ་རྩོད་ཀྱི་ལམ་དུ་འགྲོ་ན་ཁོང་གིས་བོད་ཀྱི་དབུ་ཁྲིད་གནང་མི་ཐུབ་ཚུལ་ཡང་དང་བསྐྱར་དུ་གསུངས་ལ། ཐ་ན་ ༢༠༠༨ ལོའི་རྒྱལ་སྤྱིའི་རྩེད་འགྲན་མོ་རྒྱ་ནག་ཏུ་འཚོག་རྒྱུར་ཡང་ཁོང་གིས་རྒྱབ་སྐྱོར་གནང་ཡོད།
ཁ་སང་གཟའ་པ་སངས་ཉིན་་གསེར་རྟ་རྫོང་ཕུ་འུ་ཡུལ་ཚོ་རུ་བོད་མི་གསུམ་གྱིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་བཏང་ཡོད་ཅིང་། ཁོང་ཚོའི་ཁྲོད་བོད་མི་གཅིག་འདས་གྲོངས་སུ་ཕྱིན་ཡོད་འདུག འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཚེས་ ༣ ཉིན་གསེར་རྟ་རྫོང་ཕུ་འུ་ཡུལ་ཚོ་ཞོ་སང་སྡེ་བའི་རང་ལོ་ ༦༠ ཡས་མས་ཡིན་པའི་ཚབ་ཚའི་ཚེ་རིང་ལགས་དང་། འབུམ་ཤུལ་སྡེ་བའི་རང་ལོ་ ༣༠ ཡས་མས་ཡིན་པའི་སྐྱ་རིས་ལགས། དེ་བཞིན། མིང་དང་ས་གནས་སོགས་གསལ་པོ་ཤེས་རྟོགས་བྱུང་མེད་པའི་གཞན་གཅིག་བཅས་བོད་མི་ ༣ གྱིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་བཏང་ཡོད་པ་དང་།…
དཔལ་ལྡན་བཀའ་ཤག་ནས་ས་གནས་འགོ་འཛིན་དང་དོན་གཅོད་ཁག་ལ་བཀོད་ཁྱབ་བཏང་སྟེ། བོད་ནང་གི་ཛ་དྲག་གནས་སྟངས་ཐད་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་གི་རྒྱབ་སྐྱོར་ཞུ་ཆེད་ཕྱི་ཟླ་ ༢ པའི་ཚེས་ ༨ རེས་གཟའ་ལྷག་པའི་ཉིན་བོད་མི་དང་བོད་དོན་རྒྱབ་སྐྱོར་བ་ཚོས་འཛམ་གླིང་ཡོངས་སུ་ཉིན་བརྒྱ་དུས་གཅིག་ཏུ་བོད་དོན་ལས་འགུལ་དང་མཆོད་འབུལ་སྨོན་ལམ་རྒྱ་ཆེ་གནང་རྒྱུ་ལྟར། དེ་ཉིན་བོད་མི་རྣམས་ཀྱིས་ངེས་པར་དུ་རང་ལུགས་ན་བཟའ་བཞེས་ཏེ་འདས་གྲོངས་སོང་བའི་བོད་མི་རྣམས་ལ་མྱ་ངན་གུས་བཏུད་མཚོན་ཆེད་ཁ་རས་ནག་པོ་དཀྲིས་ཏེ་བདེན་ཚིག་སྨོན་ལམ་སོགས་འདོན་དགོས་སྐོར་བཀོད་འདུག གཞན་ཡང་སྤྱི་འཐུས་ལྷན་ཚོགས་ཀྱིས། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་དཔོན་རིགས་ཁག་ལ་ཞུ་སྙན་འབུལ་རྒྱུ་དང་།རྒྱལ་ཚོགས་དྲུང་ཆེར་སྤྱི་འཐུས་ཀྱི་སྐུ་ཚབ་ཐུག་ཐབས་བྱ་རྒྱུ། ཕྱི་རྒྱལ་གྲོས་ཚོགས་ཁག་ཏུ་བོད་དོན་ཐོག་རྒྱབ་སྐྱོར་གྲོས་ཆོད་སྣོན་འཇོག་ཡོང་ཐབས་གནང་རྒྱུ་ཡིན་ཚུལ་བཀོད་འདུག
མདོ་སྨད་པ། ༼ བོད་འབྱོར། ༽ ཁ་སང་དེ་རིང་བོད་ཨ་མདོའི་དགོན་པ་ཆེ་ཁག་བླ་བྲང་བཀྲ་ཤིས་འཁྱིལ་དང་རེབ་གོང་རོང་བོ་དགོན་ཆེན་སོགས་སུ་ཆོ་འཕྲུལ་སྨོན་ལམ་ཆེན་མོ་ཚོགས་བཞིན་པའི་སྐབས་འདིར་སྤྱི་ཚེས་སུམ་ཅུ་ནས་བླ་བྲང་ལུང་པའི་མགོ་མཇུག་གི་ལམ་ཁར་དང་མགྲོན་ཁང་དག་ཏུ་ཉེན་རྟོགས་པའི་ཕྱོགས་ཡོངས་ཀྱི་འགྲུལ་བ་ཀུན་གྱི་ལག་ཁྱེར་ཐོ་འགོད་དང་ཅ་ལག་བསྔོགས་པ་སོགས་བྱེད་པ་དང་མགོ་ལོག་དང་སི་ཁྲོན་བྲག་མགོ་དང་གསེར་རྟ། རྔ་བ་བཅས་ཀྱི་མི་འགྲོ་འོང་བྱེད་དུ་འཇུག་གིན་མེད་པ། ད་དུང་ཚེས་གཅིག་དང་གཉིས་ནས་བཟུང་བླ་བྲང་གི་སྲང་ལམ་ཀུན་ཏུ་མངོན་སུམ་འཛེམས་མེད་སྒོས་དམག་མིས་སྐོར་གཡེང་དང་དྲག་ཆས་སྤྲས་པའི་རླངས་འཁོར་བདུན་བརྒྱད་ཙམ་བསྐོར་གཡེང་བྱས་ཏེ་མི་མང་ལ་འཇིགས་བསྐུལ་བྱེད་བཞིན་འདུག རེབ་གོང་གི་ཕྱོགས་ཀུན་གྱི་བགྲོད་ལམ་གྱི་འགག་མདོ་རུ་ཉེན་རྟོགས་པའི་ཞིབ་བཤེར་དང་ཐོ་འགོད་བྱེད་པ་དང་ལྷག་པར་ཏུ་གྲྭ་བཙུན་ལ་བལྟ་རྟོགས་ནན་པོ་བྱེད་གྱིན་འདུག སྲང་ལམ་དུ་དྲག་ཆས་ཉེན་རྟོགས་པ་དང་དམག་མིས་བསྐོར་གཡེང་བྱེད་བཞིན་པར་མ་ཟད། གྲོང་སྡེ་སོ་སོའི་ནང་གཞུང་གི་ལས་བྱེད་པ་མངགས་སྟེ་རོང་བོ་དགོན་ཆེན་དུ་ཆོ་འཕྲུལ་སྨོན་ལམ་ལ་མཆོད་མཇལ་འགྲོ་མི་ཆོག་པའི་བཀའ་རྒྱ་གཏོང་བ་དང་ལམ་མདོ་སོ་སོ་ནས་བཀག་འགོག་བྱེད་བཞིན་འདུག མི་མང་ལ་འཇིགས་བསྐུལ་སྒོས་མི་སུ་ཞིག་ཟིང་འཁྲུག་ནང་ཞུགས་པ་ཡིན་ན་སྐབས་དེའི་ཟིང་འཁྲུག་གི་འགན་ཆ་ཚང་མི་དེ་ལ་ཡོད་སོགས་ཟེར་བའི་འཇིགས་བསྐུལ་བྱེད་བཞིན་འདུག ད་དུང་བླ་བྲང་བཀྲ་ཤིས་འཁྱིལ་དང་རེབ་གོང་རོང་བོ་དགོན་པའི་ཉེ་འདབས་སྲང་ལམ་དུ་ཉེན་རྟོགབས་པས་ལྭ་བ་བརྗེས་ཏེ་མི་དཀྱུས་མར་བརྫུས་ཏེ་འགྲོ་མཁན་མང་པོ་འདུག གང་ལྟར་རྒྱ་མིའི་སྲིད་གཞུང་གིས་ཆོ་འཕྲུལ་སྨོན་ལམ་ཆེན་མོའི་སྐབས་སུ་ཟིང་འཁྲུག་འབྱུང་ཤག་བྱེད་བཞིན་འདུག
བོད་ནས་གནས་ཚུལ་འདོན་སྤྲོད་པ། ཁམས་ཕྲུག
(2012 01 30 )ཁ་སང་ཞོགས་པར་ཁམས་བྲག་འགོ་ནས་འོང་བའི་རླངས་འཁོར་ཁ་ལོ་བ་འགའ་ཞིག་ལས་ཤེས་གསལ་ལྟར་ན། ད་ཆ་བྲག་འགོ་རྫོང་དུ་དྲག་ཆས་དམག་མི་ཤིན་ཏུ་མང་བོ་འབྱོར་ཏེ། ཉེ་སྔོན་འོས་ལངས་བྱས་པའི་བོད་མི་རྒན་དར་གཞོན་གསུམ་ལྔ་བཅུ་ལྔ་བརྒྱད་ཡོད་པ་དག་ལས་མང་ཤོས་ཤིག་ཁྲིམས་ཁང་དུ་བཙན་བཟུང་བྱས་ཚར་བ་དང་། འོས་ལངས་ཁྲོད་འཛུལ་ཞུགས་བྱས་ཤིང་རྨས་སྐྱོན་མ་ཐེབས་པའི་སྐྱ་སེར་དང་། དེ་བས་ཀྱང་རྫོང་མཁར་དུ་འཚོ་བ་རོལ་བཞིན་པའི་ཕོ་མོ་དག་བཙོན་འཇུག་བྱས་དང་བྱེད་ཀྱིན་འདུག་ལ།
དེ་ཡང་རྒྱའི་ལོ་གསར་གནམ་གང་དང་ཚེས་གཅིག་པའི་སྐབས་དག་ལ་རྔམ་སྟོན་ཁྲོམ་སྐོར་དང་འོས་ལངས་སྐད་འབོད་བཏང་བའི་མི་དམངས་རྣམས། མིག་ཟུང་ཁོ་ནས་ལས་གང་ཡང་མི་མཐོང་བའི་དྲག་ཆས་ཉེན་རྟོག་པ་དང་དམག་མི་མང་བོས་ཚོད་ཚོད་དུ་བཙན་ཁྱེར་དང་རྗེས་འདེད་བྱེད་ཀྱིན་ཡོད་ཅིང་། དེ་རིང་ཕྱི་དྲོར་གསེར་བའི་ཚོང་བ་ཞིག་ལས་ཤེས་པ་ལྟར་ན། གསེར་རྟ་རྫོང་མཁར་དུ་ཡང་གོང་བཞིན་མི་སེར་དང་གྲྭ་བ་གང་མང་འཛིན་བཟུང་དང་བཀག་གཉེར་བྱེད་ཀྱིན་ཡོད་པ་དང་། གསེར་བའི་གྲྭ་བ་འགའ་ཞིག་ཀྱང་དེ་རིང་གསར་དུ་བཟུང་ཟིན་པའི་ཚུལ་འདུག་ཀྱང་། མིང་སོགས་ཀྱི་གནས་ཚུལ་གསལ་བོ་ཤེས་རྟོགས་བྱུང་མ་སོང་།
གཞན་བྲག་འགོའི་དགོན་ཆེན་དང་འཇང་སྒང་དགོན་པ་ཁག་ཏུ་ཉེ་སྔོན་རིགས་ཀྱི་ཆེད་དུ་འདས་གྲོངས་ཕྱིན་པའི་དཔའ་བོ་རྣམས་ལ་བསྔོ་སྨོན་དང་དགོངས་རྫོགས་བྱེད་པ་དང་། དེར་ཁམས་ཀྱི་ལ་ལུང་དུ་ཡོད་པའི་ཕྱོགས་ཀྱི་མི་དམངས་རྣམས་གདུང་སྐྱེད་ཞུ་བ་དང་། གདུང་མཇལ་བྱེད་དུ་འོང་བ་བཅས་ལ་བཀག་སྐྱེལ་དང་དམ་དྲག་བསམ་ཡུལ་ལས་འདས་པ་བཟོ་བཞིན་ཡོད་རེད།
དེ་ལས་མང་བ་། “ཁམས་བྲག་འགོར་སྡོམ་བཙུར་བྱེད་པའི་གནས་ཚུལ་གསར་སྒྲོག” »
ལོ་གསར་པའི་ཐོག་མའི་རྩོམ་ཕུད།
རྩེ་སྐར།
༡ ཁ་བ་དང་ལོ་གསར།
ད་ལོ་ཁ་བ་བབས་བྱུང༌།
མི་རྣམས་ཀྱིས་སྤྲོ་སྣང་ཞིག་རུམ་ནས་བྲེལ་བ་ཧ་ཅང་ཆེ་དུས།
ཡང་ན། མྱ་ངན་ཞིག་མིད་ནས་སེམས་པ་འཁྱག་ཤི་ཐེབས་དུས།
ཁ་བའང་བྲེལ་ཟང་ཟིང་མི་ཡུལ་ལ་ཁད་ཀྱིས་བབས།
ད་ལོའི་ཁ་བ་འབབ་སྟངས་དེ་ནམ་རྒྱུན་དང་མི་མཚུངས་པར།
རོ་ལ་རྔམ་པའི་བྱ་རྒོད་ཀྱི་ཚོགས་བཞིན་བསྙིལ་ཏེ།
དགུན་གཞུང་ན་ཙག་གིས་བསྡམས་པའི་ས་གཞི་དེ་དང༌།
མི་ཚོགས་ཀྱིས་གོས་ཧྲུལ་བཞིན་ཕུད་པའི་ལོ་རྙིང་དེར།
རྐང་བཅག་གིས་དག་ཁྲུས་ཡང་ཡང་མཛད་ཅིང༌།
རྒྱལ་ཚོགས་ཀྱི་བཟའ་ཆའི་ཐོབ་ཐང་རྟོག་ཞིབ་ཚོགས་ཆུང་གི་སྐུ་ཚབ་ཨོ་ལི་ཝི་ཡར་ཌེ་ཤུ་ཀུཊ་ཊར་(Olivier De Schutter)མཆོག་གི་མཚན་ཐོག་ནས་ཕྱི་ལོ་ ༢༠༡༢ ཟླ་ ༡ ཚེས་ ༣༡ ཉིན་སྙན་ཐོ་ཞིག་འདོན་སྤེལ་གནང་བའི་ནང་འཁོད་དོན།
རྒྱ་ནག་གཞུང་གིས་ལོ་ངོ་སྟོང་ཕྲག་མང་པོའི་རིང་ནས་འབྲོག་པའི་འཚོ་བ་སྐྱེལ་བཞིན་པའི་བོད་ཀྱི་འབྲོག་པ་རྣམས་རང་ཉིད་ཀྱིས་རྒྱུས་མངའ་ཡོད་པའི་འཚོ་རྟེན་དང་ས་གནས་བཞག་སྟེ་ཁོང་ཚོར་གཏན་འཇགས་སྡོད་ཁང་གསར་རྒྱག་བྱས་ཏེ་དེར་བཙན་ཐབས་ཀྱིས་གནས་སྤོ་བྱ་རྒྱུའི་སྲིད་བྱུས་ལག་བསྟར་བྱེད་བཞིན་ཡོད། བོད་མི་འབྲོག་པ་རྣམས་ཀྱིས་རྒྱུས་མངའ་མེད་པའི་འཚོ་བའི་རྟེན་གཞི་གསར་པ་དེ་བཞིན་ལག་བསྟར་བྱ་རྒྱུ་འཕྲལ་མར་མཚམས་འཇོག་བྱེད་དགོས་པའམ། ཡང་ན་རྒྱ་ནག་གཞུང་གིས་འབྲེལ་ཡོད་འབྲོག་པ་ཚོ་དང་ལྷན་གནས་སྤོ་བྱ་འདོད་ཡོད་མེད་གོ་བསྡུར་བྱས་ཏེ་འབྲོག་པ་ཚོའི་མངོན་འདོད་དང་མཚམས་པའི་སྲིད་བྱུས་ཐག་གཅོད་བྱེད་དགོས་པ་ལས་བཙན་དབང་ཐོག་ནས་གནས་སྤོ་བྱེད་བཅུག་ན། འབྲོག་པ་ཚོར་འཚོ་རྟེན་དང་སེམས་ལ་དཀའ་ངལ་ཆེན་པོ་འཕྲད་རྒྱུ་མ་ཟད།
དེ་ལས་མང་བ་། “བཙན་ཐབས་ཀྱིས་འབྲོག་པ་གནས་སྤོ་བྱ་རྒྱུའི་སྲིད་བྱུས་མཚམས་འཇོག་དགོས།” »
