ཨ་རིག་འགྱུར་མེད།
གཅིག མུག་བཤད་ཀྱི་ལེའུ།
འཛམ་གླིང་ཞི་བདེའི་གཟེངས་རྟགས་ཉིན་བོད་ཀྱི་གསར་འགོད་པའི་མཐུན་ཚོགས་ཀྱི་དྲ་བ་གསར་བ་ཞིག་སྒོ་འབྱེད་གནང་ཡོད་ལ། འདི་བོད་རིགས་གསར་འགོད་པ་ཚོར་མཚོན་ན་དགའ་དགོས་པའི་དོན་དག་བཟང་བོ་ཞིག་ཅི་ལ་མིན་ཏེ། གསར་འགོད་མཐུན་ཚོགས་ཀྱི་རྒྱུན་ལས་གསར་བ་རྣམས་ཀྱིས་དཀའ་སྡུག་གང་མང་སྤྱད་ནས་དྲ་བ་འདི་ཉིད་གསར་བཟོ་ལེགས་འགྲུབ་བྱུང་བ་ཡིན་པས། དངོས་གནས་དྲང་གནས་ཁོང་རྣམས་ལ་བཀའ་དྲིན་ཆེ་ཞེས་ཞུས་ན་འགྲིག་གི ཁོང་རྣམས་ལ་བསྔགས་བརྗོད་དང་ཡི་རང་བྱས་ན་འགྲིག་གི ཡིན་ནའང་། དྲ་རྒྱ་འདི་སྒོ་འབྱེད་བྱས་པ་ནས་ཉི་མ་དེ་རིང་གི་བར་དུ་ངའི་ཡ་ཆུང་ཁར་བཤད་མི་ཤེས་པའི་ཚོར་འདུ་ཞིག་གིས་བཙུར་ནས་འདུག་ལ། བསམ་གཞིག་གི་སྒོ་མོར་ཅི་ཡིན་མི་ཤེས་པའི་ཚོར་འདུ་ཞིག་གིས་ཤེད་ཀྱིས་རྡུང་གིན་འདུག གཅིག་བྱས་ན་ང་འདི་བོད་སྐད་ཡིག་ལ་དུང་ཞེན་ཆེ་དྲགས་སོང་བས་ཡིན་སྲིད་ལ། གཅིག་བྱས་ན་ངའི་མིག་རྒྱང་ཐུང་སོང་བས་ཀྱང་ཡིན་སྲིད་མོད།

དེ་ལས་མང་བ་། “མུག་ནད་ཐེབས་པའི་བོད་ཀྱི་གསར་འགོད་པའི་མཐུན་ཚོགས་ཀྱི་དྲ་བ།” »

༧རྒྱལ་མཆོག་བཅུ་བཞི་པ་ཆེན་པོ།

རྒྱ་གར་འཕགས་པའི་ཡུལ་གྱི་བྱང་ཕྱོགས་ཧི་མཱ་ལ་ཡའི་རི་རྒྱུད་ཀྱི་མཐོ་སྒང་ དུ་ཆགས་པའི་བོད་གངས་ཅན་གྱི་ལྗོངས། སྟོན་པ་ཤཱཀྱ་ཐུབ་པས་བྱིན་གྱིས་རླབས་ཏེ་ནང་ཆོས་དར་བར་ལུང་བསྟན་པ་དང༌། རྒྱ་གར་གྱི་གཡུང་དྲུང་ཆོས་ལུགས་པ་རྣམས་ཀྱིས་གཙོས་ཕྱི་ནང་ཡོངས་ཀྱིས་ཆེས་རྩ་ ཆེར་འཛིན་པའི་རི་བོ་ཀཻ་ལཱ་ཤ་དང༌། ཡིད་ཀྱི་ཆུ་གཏེར་ཏེ་མཚོ་མ་དྲོས་པའམ་མ་ཕམ་པ་བཅས་གང་དུ་ཆགས་པའི་ལྗོངས། ཆུ་བོ་ཆེན་པོ་བཞི་རྒྱ་གར་དུ་བབས་ཏེ་རྒྱ་མཚོར་འགྲོ་བ། འཕགས་ཡུལ་གྱི་སྐྱེས་ཆེན་མང་པོས་སུམ་ཅུ་རྩ་གསུམ་དུ་འབོད་པའི་པུར་རྒྱལ་བོད་ ནི་ས་བབ་ཀྱི་ཆ་ནས་རྒྱ་གར་གྱི་ཡང་ཐོག་ལྟ་བུ་དང༌། དེར་མིའི་འགྲོ་བའང་ས་འོག་ནས་ཐོན་པའི་གནའ་རྫས་ལ་གཞིགས་ན་ལོ་ཁྲི་ཕྲག་སྔོན་ནས་ ཡོད་པ་དང། བོན་གཞུང་ནས་དེ་ལས་སྔ་བར་བཤད་ཅིང༌། བངྒཱལ་གྱི་སློབ་དཔོན་ཤེས་རབ་གོ་ཆ་པྲཇ྄ཉཱབརྨཱ་ལྟར་ན་མཧཱབྷཱརཏའི་དམག་འཁྲུགས་ སྐབས་ལྷོ་ཕྱོགས་ཀྱི་རྒྱལ་པོ་རུ་པ་ཏི་དཔུང་དང་བཅས་པ་གངས་ལྗོངས་སུ་བྲོས་ཏེ་ གནས་པ་ལས་མཆེད་པར་བཤད་པ་དང༌། རྒྱལ་པོའི་ཐོག་མའང་ཕྱི་ལོ་སྔོན་གྱི་ལོ་བརྒྱ་ཕྲག་གཅིག་དང་ཕྱེད་ཙམ་དུ་མགདྷའི་ རྒྱལ་སྲས་ཤིག་ཡུལ་ནས་བསྐྲད་པ་བོད་དུ་ཕྱིན་པར་བོད་མིས་གཉའ་ཁྲི་བཙན་པོར་འབོད་ དེ་རྒྱལ་པོར་བསྐོས་པ་ནས་བོད་ཀྱི་རྒྱལ་རྒྱུད་བྱུང་བར་གྲགས་པ་བཅས་སྔོན་རབས་ དང་དེ་བྱུང་གང་ནས་བལྟས་ཀྱང་བོད་དང་རྒྱ་གར་གཉིས་ས་བབ་དང་མི་རིགས་རྒྱལ་རྒྱུད་ བཅས་གང་ས་ནས་ཧ་ཅང་འབྲེལ་ལམ་དམ་ཟབ་ཡོད་པ་དང༌། ཕྱི་ལོ་བརྒྱ་ཕྲག་བདུན་པ་བརྒྱད་པའི་ནང་བོད་ཕྲུག་མང་པོས་རྒྱ་གར་ནས་རིག་གནས་ བསླབས་ཏེ་སྐབས་དེའི་དེབནཱགརིའ་ཡིག་གཟུགས་ལས་དཔེ་བླངས་ནས་གསར་གཏོད་དམ། སྔར་ཡོད་ཞང་ཞུང་སྨར་ཡིག་ལེགས་བཅོས་ཀྱིས་བོད་ཀྱི་ཡིག་གཟུགས་དང༌། ལེགས་སྦྱར་གྱི་བརྡ་སྤྲོད་ལས་དཔེ་བླངས་ནས་བོད་ཀྱི་བརྡ་སྤྲོད་ཀྱི་བསྟན་བཅོས་ བརྩམས་པ་ནས་བཟུང་བོད་དུ་སྤྱི་ཚོགས་ཀྱི་དཔལ་ཡོན་དར་འགོ་ཚུགས་པ་མ་ཟད། སངས་རྒྱས་ཀྱི་བསྟན་པའི་དབུ་བརྙེས།

དེ་ལས་མང་བ་། “རྒྱ་གར་འཕགས་པའི་ཡུལ་དང་བོད་གངས་ཅན་ལྗོངས།” »

ཕྱི་ལོ་ ༢༠༡༡ ཟླ་ ༡༢ ཚེས་ ༡༢ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་ཡུ་རོབ་ཅེཀ་སྤྱི་མཐུན་རྒྱལ་ཁབ་ཏུ་ མཛད་འཕྲིན་རྒྱ་ཆེ་བསྐྱངས་སྐབས་དང་བསྟུན། མགོན་པོ་གང་ཉིད་མཆོག་གིས་སྦེལ་ཇམ་རྒྱལ་ས་བྷར་སིལ་དུ་རྟེན་གཞི་བྱས་པའི་ཡུ་ རོབ་སྤྱི་མཐུན་རྒྱལ་ཁབ་ཀྱི་ཕྱི་འབྲེལ་ལས་དོན་ཚན་པའི་འགན་འཛིན་ལྕམ་ཀེ་ཐེ་ར་ཡིན་ཨ་ཤི་ཊོན་(Catherine Ashton)མཆོག་ལ་འབོད་སྐུལ་མཛད་པའི་ཕྱག་བྲིས་ཤིག་སྩལ་འདུག་ལ།

དེ་ལས་མང་བ་། “༧གོང་ས་མཆོག་དང་ཀྲུའུ་ཝེ་ཆོན།” »

གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ཕྱི་ལོ་ ༢༠༡༡ ཟླ་ ༡༢ ཚེས་ ༡ ཉིན་ཆབ་མདོ་ཀརྨ་ཤང་དུ་སྐུ་ལུས་མེར་མཆོད་ཕུལ་ཏེ་རྒྱ་གཞུང་ལ་ངོ་རྒོལ་གནང་མཁན་ རོང་ཚ་བསྟན་འཛིན་ཕུན་ཚོགས་ལགས་ཀྱིས་སྐུ་ལུས་མེར་མཆོད་མ་ཕུལ་གོང་། ཁ་ཆེམས་ཡི་གེ་ཁག་བཞི་བཞག་ཡོད་འདུག་པ་དང། ཡི་གེ་གཅིག་གི་ཕྱི་སྐོགས་ལ། ཀརྨ་དགོན་པའི་རྒྱ་སྒོ་ལ་སྦྱར་རོགས་ཞེས་བྲིས་ཡོད་འདུག ཡི་གེ་ཁག་བཞིའི་ནང་དོན་ཁག་གཤམ་གསལ།
༡༽ བོད་ཀྱི་ཁྱད་ཆོས་ནང་པ་སངས་རྒྱས་པའི་ཆོས་ལུགས་ཡང་དག་པའི་ལྟ་བ་མ་ནོར་བར་ལེགས་ པར་འཛིན་སྐྱོང་བྱེད་པའི་ཀརྨ་དགོན་མཁན་བློ་གྲོས་རབ་གསལ་དང༌། རྣམ་སྲས་བསོད་ནམས། གྲྭ་བཙུན་ཐམས་ཅད་བཙོན་བཟུང་རྡུང་རྡེག་འདི་འདྲ་བཟོས་ན་ངེད་ཀརྨ་དགོན་མཁན་ སློབ་འབྲེལ་ཡོད་ཐམས་ཅད་སྡུག་བསྔལ་གྱིས་ཤི་ན་དགའ་འདུག ཅེས་ཕྲན་ལ་རྒྱ་འཛིན་པའི་ཐ་ཤལ་པ་བསྟན་འཛིན་ཕུན་ཚོགས་ནས་བྲིས།

དེ་ལས་མང་བ་། “བསྟན་འཛིན་ཕུན་ཚོགས་ལགས་ཀྱི་ཁ་ཆེམས།” »