གསལ་ལེ་རྒྱལ།
ངས་ཁ་སང་༼གྲྭ་བའི་སྤྱི་ཚོགས་ལ་རྒྱང་ལྟ་བྱས་བ༽་ཞེས་བ་ཞིག་བྲིས་ཡོད། དེ་ནི་གཞན་སྐྱོན་བཤད་འདོད་པས་མིན། དོ་དག་ཅིག་ཤེས་འདོད་པས་ཡིན། གང་ཞིག་རུང་བ་དང་ཅི་ཞིག་མི་རུང་བའི་གནས་ལུགས་དེ་ཤེས་འདོད་པས་ཡིན། ཡིན་ནའང་མི་ལ་ལས་ཁྱོད་ལ་ནང་མཚང་ཕྱི་ལ་བསྒྲགས་པའི་ཉེས་བ་ཆེ་རབས་ཟེར། བདེན་པ་བཤད་ན་ཉེས་བ་ཡོད་སྟངས་དེ་ངས་མི་ཤེས། གང་ལྟར་བཤད་རྒྱུ་རང་གིས་ལས་ན། བཤད་ནོ་སྡེ་བ་ཡིན་ཞེས་བ་བཞིན་ཁྱོད་ཚོས་སྐྱོན་ལས་ན་སྐྱོན་སྔོག་མཁན་སྨྱུག་ཐོག་པ་ཚོ་རེད། བཙན་གཡེམ་བྱེད་པ་དེ་འཇིག་རྟེན་པས་ཀྱང་མི་རུང་བས་ན་གྲྭ་བའམ་དགེ་འདུན་པ་ཞིག་གིས་དེ་བས་ཀྱང་ག་ལ་རུང་། དེ་ལ་བཤད་རྒྱུ་རྩོད་རྒྱུ་གཅིག་ཀྱང་མི་འདུག
རྟའུ། ཁྱོད་ཀྱི་ལོག་སྐད། སུ་ཡིས་གོ་སོང་། གང་གིས་ཚོར་སོང་།
གཡུ་དྲུག་དཀར། རྡ་ས།
ནམ་རྒྱུན་སློབ་ཁྲིད་ཀྱི་བར་བར་ནས་སློབ་ཕྲུག་རྟའུ་པ་ཚོར་ལོག་སྐད་རེ་བཤད་དུ་བཅུག་ན། སྒྲ་ཙམ་ལས་དོན་གོ་མི་བཏུབ་པའི་ཚིག་རྡོག་དེ་དག་གིས་སློབ་ཁང་དགོད་སྒྲ་ཡིས་ཁེངས་སུ་འཇུག་ངེས་ལ། དེ་མུར་སློབ་ཕྲུག་པྲ་ཚགས་རེ་འགས་ཀུ་རེ་དང་སྦྲགས་ནས་རྟའུ་པ་ཚོའི་ལོག་སྐད་བོད་སྐད་ཡིན་མིན་གྱི་སྙད་རེ་བརྐོས་ཏེ། དགོད་སྒྲ་ཡི་མཇུག་ཁོང་ཁྲོས་བསྡུ་དགོས་པའང་ཡོད། དོན་ངོ་མར་རྟའུའི་ལོག་སྐད་འདི་དེ་འདྲའི་ལོག་ཀ་ཞིག་ཡིན་ནམ། ང་ཚོའི་ཨམ་འབྱོག་གིས་གཏན་ནས་མི་གོ་ཞིང་། ང་ཚོའི་སེམས་སུ་ནམ་ཡང་མི་འབབ་ལ། ང་ཚོའི་བློ་ཡིས་ཡེ་ནས་མི་རྟོགས་པ་ཞིག་ཡིན་ནམ།
དེ་ལས་མང་བ་། “རྟའུ། ཁྱོད་ཀྱི་ལོག་སྐད། སུ་ཡིས་གོ་སོང་། གང་གིས་ཚོར་སོང་།” »
སྙན་ངག་གྲོག་རོང་ནང་གི་མི་ཚེའི་གདངས་གླེང་བ།
(སྙན་ངག་གི་འགྱུར་རིམ་ཞིག)
རས་པ།
[སྙན་ངག་ནི་ལུགས་ཅི་ཡང་མེད་ཅིང་། ཚུགས་ཀ་གང་ཡང་མི་དགོས་པའི་ལབ་ལོབ་ཐན་ཐུན་རེ་ཡིན་ན། འདི་ཉིད་རིག་ཚན་ཞིག་གི་ངོས་ནས་ནམ་ཞར་གླེང་ཐབས་མེད་ཅིང་། དགག་རྒྱག་ཚོགས་འདུ་ཞིག་བསྡུས་ནས་ས་སྐྱ་པཎ་ཆེན་ལ་སྙན་ངག་རིག་པ་རིག་གནས་ཆུང་བ་ལྔའི་ནང་ནས་ཕྱིར་འཐེན་བྱེད་དགོས་པའི་གནས་ལུགས་བཤད་ཆོག འོན་ཀྱང་། ལས་འགུལ་དེ་འདྲ་མ་སྤེལ་བའི་སྔོན་དུ་ད་དུང་སྙན་ངག་ལ་རང་གི་འཇིག་རྟེན་ཞིག་ཡོད་པས་ང་ཚོས་འཇིག་རྟེན་དེའི་གླེང་ཕྱོགས་ཡང་གཞན་དང་མ་འདྲ་བ་ཞིག་སྤེལ་ཏེ། རང་ཉིད་ཀྱི་ལྟ་ཚུལ་རྒྱུད་འགོད་བྱས་མ་ཆོག་པའི་རྒྱུ་མཚན་ཅི་ཡང་མེད་པ་ཡིན། ]
མི་ལོ་དུ་མའི་ཡར་སྔོན། སྣང་བ་སྣ་རྩེར་འཁྱིལ་པའི་སྐབས་སུ་ངས་རང་ཉིད་ཀྱི་སྙན་ངག་གླེང་ཞིང་། རང་གི་སྙན་ངག་ལ་གྲུབ་མཐའ་ཞིག་ངོས་ལེན་བྱས་པ་ཡིན། དེ་དག་ཐམས་ཅད་མངོན་མཚོན་དང་བསྡུས་གཟུགས་ཀྱི་དབར་དུ་སྐེ་དགག་མ་ཐེབས་ཙམ་གྱི་ཚོར་བ་དེ་རང་ལས་གཞན་ཅི་ཡང་མེད་ཅིང་། ཐ་ན་བོད་མི་རྣམས་བཤད་ལ་དགའ་བའི་འགན་འཁུར་ཡང་མེད་པ་ཡིན། དོན་དངོས་བཤད་ན་སྐབས་དེར་སྨྱོན་པ་ཞིག་ཡིན་ཟེར་ཡང་ཆོག་པ་སྟེ། ཕྱི་རོལ་གྱི་བྱ་དངོས་མང་དག་ཅིག་ལ་ཁ་བརྡ་བྱས་པའི་སྣང་ཚུལ་དེ་སྤྱི་དམངས་ཀྱི་སྤྱོད་ཚུལ་དང་མ་འདྲ་བ་ཞིག་ཡིན། འོན་ཀྱང་། སྐབས་དེར་རྗེ་བཙུན་མི་ལ་རས་པ་དང་ཞབས་དཀར་ཚོགས་དྲུག་རང་གྲོལ་སོགས་ཁག་ཅིག་གིས་རང་བྱུང་ཁམས་ཀྱི་སྐྱེས་དངོས་མང་དག་ཅིག་ལ་ཁ་བརྡ་གནང་སྟེ་ལོ་ངོ་ཧ་ཅང་མང་པོ་འདས་ཟིན་པ་རེད།
ཨ་ཕ། སེམས་གཏིང་གི་འབོད་ཚིག
གཅན་ཡུ་མོ་སམ་དྲུག་དཀར་མཚོས།
ཨ་ཕ་ལགས། མིག་ཟུང་མང་པོས་ལྐོག་ཏུ་བལྟས་ཡོད་པའི་དུས་ཚིགས་དེར། ཁྱེད་ཀྱི་དཀའ་ཚེགས་ལ་མ་འཛེམ་པར་ཁྱིམ་གཞི་འདིའི་གོ་ཁ་རུ་ང་རང་པང་དུ་ཉར་ཏེ་ཐ་མག་ཧུབ་ཀྱི་འཐེན་བཞིན་ཡོད་པ་ངས་ད་རུང་ཡང་བརྗེད་མི་འདུག སྤྱིར་ང་ཚོའི་སྡེ་བ་འདི་རུ་སེམས་གཏིང་གི་སྙིང་གཏམ་ཕོད་ས་མེད་ལ་ཁ་ཡེམས་ཀྱི་མི་སེམས་དཀྲུགས་མཁན་མང་བས་ངའི་ལས་དབང་ཀྱང་དེ་ཚོས་སྒྱུར་སོང་བ་འདྲ། ཨ་མས་བཤད་ན། ཁྱེད་ནི་ཀུན་གྱི་ཡིད་སྨོན་བྱེད་སའི་མི་དྲང་པོ་སེམས་བཟང་ཅན་ཞིག་ཡིན་ཟེར། དེ་ན། ངའི་རེ་ཐག་ཆད་དགོས་དོན་ཅི་ཡིན་ནམ།
ཛ་དྲག་གི་ལས་འགུལ་གཞི་རྒྱ་ཆེན་པོ་ཞིག་སྤེལ་བའི་དུས་ལ་སླེབས་འདུག
སྤྱི་ཟུར་དྭང་ཤར་ཡོན་ཏན་རྒྱ་མཚོ།
བོད་ནང་ཕྱི་ལོ་ ༢༠༠༨ ལོར་ས་ཕྱི་ཞི་རྒོལ་ཆེན་མོ་བྱུང་བ་ནས་བཟུང་ཕྱི་ལོ་ ༢༠༡༡ བར་རྒྱ་གཞུང་ལ་འཚེ་མེད་ཞི་བའི་ངོ་རྒོལ་ཆེད་བོད་མི་གཞོན་སྐྱེས་ཚོས་རང་ལུས་ཞུགས་འབུལ་གནང་བའི་གནས་ཚུལ་ཇེ་མང་ནས་ཇེ་མང་འཐོན་བཞིན་པའི་རྒྱུ་རྐྱེན་གཙོ་བོ་ནི། ད་ལྟའང་རྒྱ་ནག་གཞུང་གིས་བོད་ནང་ཆབ་སྲིད་ཀྱི་དམ་བསྒྲགས་དང་བོད་ཀྱི་ཆོས་རིགས། མི་བརྒྱུད་དང་བཅས་པ་རིམ་བསྒྱུར་གྱི་མི་སེར་སྤེལ་བའི་སྲིད་བྱུས་ལག་བསྟར་བྱེད་བཞིན་པར་བརྟེན་བོད་མི་ཚོས་འུ་ཐུག་ཐབས་ཟད་ཀྱི་བྱ་སྤྱོད་དེ་རིགས་མ་སྤེལ་ཐབས་མེད་དུ་གྱུར་བ་རེད།
དེ་ལས་མང་བ་། “ཛ་དྲག་གི་ལས་འགུལ་གཞི་རྒྱ་ཆེན་པོ་ཞིག་སྤེལ་བའི་དུས་ལ་སླེབས་འདུག” »
རང་ལུས་མེར་བསྲེག་དང་འགྲོགས་ཏེ་འབར་གྱིན་པའི་བོད་དང་བོད་མིའི་རང་དབང་།
ཁྲན་ཝན་ཅཱན་གྱིས་བརྩམས།
ཏྲེ་ཧོར་ཐུབ་བསྟན་གྱིས་བསྒྱུར།
བོད་རང་དབང་གི་སླད་དུ། ཟླ་ཤས་རིང་བསྟུད་མར་བོད་ཀྱི་གྲྭ་བཙུན་༡༡དྲག་ཏུ་འབར་བའི་མེ་དཔུང་ཟླུམ་པོ་རེ་རེའི་གཟུགས་སུ་སྤྲུལ་བ་རེད། ཁོང་ཚོས་རང་ལུས་མེར་བསྲེག་གི་སྔོན་དུ་ “ཏཱ་ལའི་བླ་མ་བོད་དུ་གདན་འདྲེན་དགོས།”“བོད་ལ་རང་དབང་དགོས”སོགས་ཀྱི་འབོད་ཚིག་བསྒྲགས། ཚེ་སྲོག་རེ་རེ་བཞིན་མེ་དཔུང་དྲག་པོའི་ལྷུམས་ནས་དུས་གཏན་དུ་ཡལ་སྐབས། ཁོང་ཚོས་འཛམ་གླིང་ལ་གཟས་ཏེ་དོན་དམ་གྱི་བརྡ་འཕྲིན་འདི་འདྲ་ཞིག་བསྐྱལ་ཡོང་བ་སྟེ། བོད་ཁ་བ་གངས་ཅན་པའི་ལྗོངས་འདི་ནི། མི་རབས་ནས་མི་རབས་བར་ལྷ་དང་བླ་མར་དད་ཅིང་བྱམས་སེམས་ལྡན་པའི་མི་རིགས་ཤིག་ཡིན་ནའང་། ད་ནི་རྒྱ་དམར་པོའི་དབང་བསྒྱུར་ལ་བཟོད་བསྲན་བྲལ་བའི་ཚད་དུ་སླེབས་སོང་ཟེར་བ་འདི་རེད།
དེ་ལས་མང་བ་། “རང་ལུས་མེར་བསྲེག་དང་འགྲོགས་ཏེ་འབར་གྱིན་པའི་བོད་དང་བོད་མིའི་རང་དབང་།” »
གཞིས་སྤོར་བོད་མིས་ནད་མནར་བྱུང་ཚེ་ག་རེ་བྱེད་ཀྱི་ཡོད་དམ།
ཉེ་དུས་ཨ་རིའི་གཞིས་སྤོར་བོད་མི་ལོ་ན་ ༢༢ ནས་ ༦༦ བར་ཡིན་པའི་ཁྲོད་སྔོན་འགྲོའི་བརྟག་ཞིབ་གཞི་རྒྱ་ཆུང་བ་ཞིག་བྱས་པའི་སྙན་ཐོ་ལྟར་ན། སྐྱབས་བཅོལ་བོད་མིའི་སྤྱི་ཚོགས་ནང་རྒྱུན་མཐོང་ནད་རིགས་གཙོ་ཆེ་ཤོས་ཁག་ནི་ཁྲག་ཤེད་དང་གློ་གཅོང་ཊི་སྦི། གྲུམ་བུ་དང་ཕོ་ནད་བཅས་ཡིན་པ་ཐོན་འདུག
དེ་ལས་མང་བ་། “གཞིས་སྤོར་བོད་མིས་ནད་མནར་བྱུང་ཚེ་ག་རེ་བྱེད་ཀྱི་ཡོད་དམ།” »
བཀའ་བློན་འདི་གཉིས་ངར་༧པཎ་ཆེན་རིན་པོ་ཆེ་དྲན་དུ་བཅུག་སོང་།
ཤར་ཕྱོགས་ཁུག་རྟ།
ཕོ་རོག་དཀར་པོ་ཆགས་ན་སྔོན་ཐོན་པ་ཞེས་འཕྱ་སྟངས་ཤིག་གངས་ཅན་སྐྱིད་གཞོངས་ན་དར་ནས་བསྡད་ཡོད་ཁར། ད་ཐེངས་ཁ་བཙུམས་ནས་མ་བསྡད་པ་ཨམ་གཤིས་སུ་བསྒྲགས་ནས་འཕྱ་སྨོད་ཀྱང་བྱེད་སྲིད་མོད། བསམ་བློ་ག་ལེར་བཏང་དུས། དངོས་གནས་ཤ་མཆིན་པའི་སྟེང་འོག་བརྗེས་པ་ཟེར་བའི་སེམས་པ་སྐྱོ་ཕྱོགས་དེ་དབང་མེད་དུ་ཡ་ཆུང་ལ་མ་ཤོང་བར་ཁ་ནས་ཤོར་འགྲོ་བ་ཞིག་ནི་ཆགས་སོང་།
དེ་ཡང་༧པཎ་ཆེན་རིན་པོ་ཆེས་དབུ་ཁྲིད་པའི་གཞིས་ལུས་མི་མང་ལོ་ངོ་ ༥༠ ལྷག་གི་རིང་ལ་མགོན་དཔུང་དབུ་ཁྲིད་གཞུང་དང་བཅས་པ་བྲལ་རྗེས། གཞན་གྱི་གནོན་བཙུར་དྲག་ཤུགས་འོག་སྟབས་བསྟུན་གྱིས་ཉི་མཚན་རྩིས་ན་མི་འགྲོ་བའི་ངང་མི་ཚེ་བསྐྱལ་དགོས་བྱུང་ཡང་། བོད་ཀྱི་རིག་གནས་སྐད་ཡིག་དང་བཅས་པ་མུན་ནག་གི་མཁའ་ལ་སྐར་མ་བཞིན་བྲིས་ནས། བོད་ཀྱི་འཆི་གསོན་ལ་བླ་ན་མེད་པའི་ཞབས་འདེགས་བསྒྲུབས་དང་སྒྲུབ་བཞིན་པ་ཡིན། ངས་ད་ལྟ་ཡི་གེ་འདི་འབྲི་བཞིན་པའི་སྐབས་སུའང་། བོད་ནང་དུ་སྐུ་གཞོགས་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱིས་རང་གི་ཚེ་སྲོག་མེ་ལ་སྲེག་དང་སྲེག་བཞིན་པའི་སྒང་རེད། ཁོང་ཚོའི་ན་ཟུག་དང་གཏོང་ཕོད་ཀྱིས་ངས་ཡང་ཡང་༧པཎ་ཆེན་རིན་པོ་དྲན་ལ། པཎ་ཆེན་རིན་པོ་ཆེས་ཚེ་སྲོག་བློས་བཏང་གི་དཀའ་སྤྱད་ཀྱིས་ཁོང་ཚོ་རྣམས་ཀྱིས་བོད་དང་བོད་ཀྱི་དྲི་མ་དངོས་གནས་དེ་རྟོགས་ཡོད་ལ། བོད་དྲི་ཡོད་པའི་བོད་ཀྱི་མདུན་ལམ་གྱི་ཆེད་དུ་རང་གི་ཚེ་སྲོག་ནི་མེ་སྒྲོན་ཆོག་ཆོག་གི་མར་མེ་ཅིག་དང་གཉིས་མེད་བསྒོམས་བཞིན་ཡོད།
དེ་ལས་མང་བ་། “བཀའ་བློན་འདི་གཉིས་ངར་༧པཎ་ཆེན་རིན་པོ་ཆེ་དྲན་དུ་བཅུག་སོང་།” »
རྔ་བ། འཛམ་གླིང་སྟེང་གི་དམྱལ་བ།
ཨ་མདོ་རྔ་བ་རུ་། རྒྱ་གཞུང་གིས་བོད་མི་འཛིན་བཟུང་དང་དྲག་གནོན་བྱེད་བཞིན་པའི་འདྲ་པར་སྐོར་ཞིག ད་དུང་། གནས་ཚུལ་ཤེས་གསལ་ལ། ཟླ་བཅུ་གཅིག་པའི་ནང་ལ་རྒྱ་ནག་དབུས་གཞུང་གི་སྤྱི་བདེ་བློན་ཆེན་དང་འཐབ་ཕྱོགས་གཅིག་གྱུར་པུའུ་ཡི་བློན་ཆེན་གཞོན་པ་སྲི་ཐར་སོགས་རྔ་པ་ལ་ཡོང་ནས་གཟིགས་སྐོར་བྱས་པའི་གནས་ཚུལ་འདུག
ཁུངས།
གྲྭ་བའི་སྤྱི་ཚོགས་ལ་རྒྱང་ལྟ་བྱས་བ།
གསལ་ལེ་རྒྱལ།
སྐད་ཆ་འདི་གསལ་ལེ་རྒྱལ་ཞིག་གིས་བཤད་དགོས་བ་ཞིག་མིན་ནའང་། འདིའི་སྐོར་གྱི་སྐད་ཆ་འགས་ངའི་དོགས་པ་ཇེ་ཆེར་བཏང་ཞིང་ངའི་རྣམ་ཤེས་དེའི་ཕྱོགས་སུ་དྲངས། ངའི་སེམས་སུ་གྲྭ་བའི་ཕོ་མཚན་དེ་གཅིན་པ་གཏོང་བྱེད་ཙམ་ལས་བེད་མེད་དུ་ལུས་བའི་ཤ་ལྷག་ངོ་མ་ཞིག་ཡིན་པའི་ཡིད་ཆེས་བྱས་ཡོད། སྔོན་མ་ཞིག་ལ་གྲོགས་པོ་གྲྭ་བ་ཞིག་ཡོད་པ་དེས་ཆུ་རྐྱལ་རྒྱག་སྐབས་ངས་ཁོང་གི་ཁོང་གི་ཕོ་མཚན་ལ་བལྟས་བ་ཡིན། ཁོའི་ཕོ་མཚན་ནི་ད་དུང་བྱིས་དུས་ཀྱི་ཆུ་སྦུ་བཞིན་སྐྱི་མོས་ཡོངས་སུ་བཏུམ་ནས་འདུག་པ་མ་ཟད། ཕོ་མཚན་གྱི་མགོ་ན་སྐྱི་མོ་མཛུབ་ཆུང་ཙམ་ཞིག་གནར་འདུག་པ་དེས་ངའི་སེམས་སུ་ཁོ་རང་འདི་ལ་ལག་པའང་ཐུག་མྱོང་མེད་པ་འདྲའང་བསམ་པའི་སྣང་བ་བྱིན། དེ་དུས་ངས་གྲྭ་རྟ་ཞེས་བའི་མིང་ཚིག་འདི་གོ་ཐོས་ཙམ་ཡང་བྱུང་མེད་པས་གྲྭ་བ་ཚང་མ་ཁོ་དང་གཅིག་མཚུམས་ཡིན་པའི་བསམ་པ་བཟུང་ཡོད། མགོ་སེར་མ་ཞིག་གིས་བོད་པའི་གྲྭ་བ་ཚོས་ཕོ་རྒྱོའམ་མཚན་མཐུན་ཆགས་སྤྱོད་བྱེད་ཀྱིན་ཡོད་པའི་སྐད་ཆ་ཞིག་ང་ལ་བཤད་དེ་ངས་མཐའ་གཅིག་ཏུ་ངོ་རྒོལ་བྱས་བ་ཡིན་ལ་ངོ་རྒོལ་དེ་ནི་མི་རིགས་དང་ཆོས་ལུགས་ཀྱི་ཕྱོགས་རུས་བཟུང་བ་མིན་པར་སེམས་བསམ་པའི་སྟེང་ནས་ངོ་རྒོལ་བྱས་བ་ཡིན།
བཙན་བྱོལ་ནང་གི་རྩོམ་པ་པོས་བཙན་བྱོལ་སྤྱི་ཚོགས་ལ་ཐེབས་པའི་ཤུགས་རྐྱེན།
ཐེ་བོ་ཤེས་རབ་རྒྱ་མཚོ།
བཙན་བྱོལ་ནང་གི་རྩོམ་པ་པོའི་གྲངས་ཀ་ནི་མཛུབ་མོ་ལྔས་བགྲང་མི་ཐུབ་པ་ཞིག་མེད་ནའང་། ལྟོས་བཅོས་ཀྱིས་བཤད་ན་ཁོང་ཚོའི་རྩོམ་ཡིག་ནི་ཧ་ཅང་ཚད་ལྡན་དེ་འདྲ་ཡོད་པ་དང་། ཁོང་ཚོས་སྤེལ་བའི་རྩོམ་ཡིག་གིས་བཙན་བྱོལ་སྤྱི་ཚོགས་ལ་ཤུགས་རྐྱེན་མི་ཆུང་བ་ཞིག་ཐེབས་ཀྱིན་ཡོད་པ་དང་། ཤུགས་རྐྱེན་གཙོ་བོ་ཡང་ཆབ་སྲིད་དམ་སྤྱི་ཚོགས་དཔྱད་བརྗོད་ཀྱི་རྩོམ་ཡིག་ཐོག་ནས་ཐེབས་ཀྱི་འདུག དབྱིན་ཡིག་ཐོག་ནས་སྒྱུ་རྩལ་རྩོམ་ཡིག་འབྲི་མཁན་རེ་ཟུང་ཡོད་པ་ཕུད་ལོ་རྒྱུས་སོགས་ཀྱི་སྟེང་ནས་འབྲི་རྩོམ་གནང་མཁན་གྲགས་ཅན་རེ་ཟུང་ཡོད་ནའང་། ངའི་བཤད་བྱ་ནི་ང་རང་བོད་ཡིག་གི་ཀློག་པ་པོ་ཞིག་ཡིན་པའི་ངོས་ནས་བོད་ཡིག་ཐོག་ལ་འབྲི་རྩོམ་གནང་མཁན་ཚོས་བཙན་བྱོལ་སྤྱི་ཚོགས་ལ་ཐེབས་པའི་ཤུགས་རྐྱེན་སྐོར་ལ་ང་རང་ཉིད་ཀྱིས་མཐོང་སྣང་སྐོར་ལ་འགྲེལ་བརྗོད་རགས་ཙམ་བྱེད་འདོད་བྱུང་།
དེ་ལས་མང་བ་། “བཙན་བྱོལ་ནང་གི་རྩོམ་པ་པོས་བཙན་བྱོལ་སྤྱི་ཚོགས་ལ་ཐེབས་པའི་ཤུགས་རྐྱེན།” »
འགྲུལ་བཞུད་སྐར་ཁུང་།
སྤྱི་འཐུས་རྨོག་རུ་བསྟན་པ།
༼བོད་མི་མང་སྤྱི་འཐུས་ཚོགས་གཙོ་སྦྲེལ་བོའི་ལམ་སྟོན་བཀོད་ཁྱབ་བཞིན་སྤྱི་འཐུས་རྨོག་རུ་བསྟན་པ་ས་གནས་ཀྲུའུ་ཀྲན་(པདྨ་བཀོད་པ་)དང་། ཏི་ཛི་གཞིས་ཆགས། མེའོ་གཞིས་ཆགས་བཅས་སུ་ས་བགོས་འཚམས་འདྲིར་བསྐྱོད་པའི་མཐོང་ཚུལ་དང་གྲུབ་དོན་སྙིང་བསྡུས།༽
ཕྱི་ལོ་༢༠༡༡།༡༡།༣་ཉིན་གྱི་ཉིན་རྒྱབ་ཀྲུའུ་ཀྲན་ནམ་བོད་མིང་དུ་པདྨ་བཀོད་པར་འབོད་པའི་ས་གནས་སུ་འབྱོར། རི་བོ་མཐོ་ཞིང་བརྗིད་པ་དང་། རི་མགོ་གངས་དང་། རི་སྐེད་ནགས་ཚལ། རི་འདབས་ན་ཞིང་ལས་པ་དག་གིས་རྔུལ་ནག་གིས་བསྐྲུན་པའི་འབྲས་ཞིང་དང་། ཤིང་ཏོག་གི་སྡོང་པོ་སྣ་ཚོགས་ཀྱི་རྩེ་རུ་ལོ་འབྲས་ཕུན་སུམ་ཚོགས་པར་སྐྱེས་འདུག་ལ། དྭངས་གཙང་ཡར་ཀླུང་གཙང་པོའི་ཤག་སྒྲ་ཡིས་ཁོར་ཡུག་འདིའི་སྐྱེ་འགྲོ་རྣམས་གཉིད་ལས་དཀྲོགས་པ་དང་མཚུངས། ས་གནས་འདི་ནས་རི་བོ་ཏཱ་ལ་དང་། པདྨ་ཤེལ་རི། ཀྲི་ཏ་པོ་རི། བདེ་བ་ཀོ་ཀྲ རྡོ་རྗེ་ཕག་མོའི་གནས། བྱ་ཁྱུང་བྲག་རི། ཡང་གསང་ཆུ་བོ་སོགས་མཇལ་དཀའ་བའི་གནས་ཆེན་ཁག་ཅིག་དང་ཁད་ཉེ་བ་ཞིག་རེད་འདུག (གནས་ཆེན་འདི་དག་ནི་སྤྱན་རས་གཟིགས་དང་། སློབ་དཔོན་རིན་པོ་ཆེ། མགོན་པོ་འོག་དཔག་མེད་སོགས་ཀྱི་གནས་རི་རྩ་ཆེན་ཡིན་པར་ཡོངས་སུ་གྲགས།)
མི་ཞུ་ཐབས་མེད་ཀྱི་གསལ་བཤད་ཅིག
ཤར་ཕྱོགས་ཁུག་རྟ།
ཕྲན་གྱི་རྩོམ་ཡིག་༼ སེང་གེའི་བཀའ་ཤག་གི་མདུན་ལམ༽་ཞེས་པ་བླང་དོར་སྒྲིག་གཞིར་འགལ་འདུག་གསུངས་བ་ལྟར། ཉེ་སྔོན་བོད་ཀྱི་དུས་བབ་གསར་འགོད་པས་བླང་དོར་སྒྲིག་གཞིའི་དོན་ཚན་གང་དང་འགལ་ཡོད་མེད་ཐད་དྲི་བཏང་བའི་ནང་། ༼ གནད་དོན་དེ་ནི་ལས་བྱེད་བླང་དོར་སྒྲིག་གཞི་ལེའུ་གསུམ་པའི་དོན་ཚན་བརྒྱད་པའི་ལས་བྱེད་ཀུན་སྤྱོད་བླང་དོར་དོན་ཚན་ལས། གཞུང་ཞབས་བྱེ་བྲག་པར་སྐྱོན་བརྗོད་བྱས་ཏེ་མི་མང་སྐུལ་སློང་བྱེད་མི་ཆོག་ཅེས་པར་འགལ་ཡོད་པ་རེད། ༽ཅེས་བཀོད་འདུག གནས་ཚུལ་འདི་དྲ་ངོས་དང་ཚགས་ཤོག་གཉིས་ཀར་འགྲེམས་སྤེལ་བྱས་ཡོད་སྟབས། རང་ཉིད་ཀྱིས་འགན་ཁུར་ཡོད་པའི་ཐོག་ནས་གནས་སྟངས་འདི༧གོང་ས་མཆོག་གཙོས་དྲང་བདེན་དང་ཤེས་རབ་ཀྱི་སྤྱན་དཀྱུས་མཚུངས་ཟླ་བྲལ་བ་དག་ལ་གསལ་བཤད་ཞུས་ཡོད་ཀྱང་། བཀུར་འོས་རྒྱ་ཆེའི་མི་མང་ལའང་གསལ་བཤད་ཅིག་ཞུ་འདོད་བྱུང་།
སྙན་ངག་གིས་སྤྱི་ཚོགས་ལ་འགན་ཅི་ཞིག་ཁུར་ཐུབ།
རབ་འབྱོར་གྱིས།
སྙན་ངག་གིས་སྤྱི་ཚོགས་ལ་འགན་འཁུར་དགོས་མིན་གྱི་དྲི་བའི་སྔོན་ལ། དེས་སྤྱི་ཚོགས་ལ་འགན་གང་ཞིག་འཁུར་ཐུབ་རྒྱུ་ཡིན་པ་འདི་འདྲི་འོས། སྤྱི་ཚོགས་ལ་འཁུར་རྒྱུའི་འགན་ཁོངས་ནི་ཧ་ཅང་རྒྱ་ཆེན་པོ་རེད། དང་པོ་སྤྱི་ཚོགས་ཀྱི་ཕོ་བ་རྒྱག་དགོས་པ་དང་རྒྱབ་དྲོ་དགོས་པ་དེ་རེད། དེ་ནི་མི་སྒེར་དང་རིམ་པ་སོ་སོའི་སྲིད་གཞུང་གི་འགན་འཁུར་རེད། དེ་ནས་སྤྱི་ཚོགས་ལ་རྐུན་ཇག་སོགས་ཀྱི་འཇིགས་པ་མེད་པའི་བདེ་འཇགས་རེད། དེ་ནི་སྤྱི་བདེ་དང་བདེ་འཇགས་ལས་ཁུངས་ཀྱི་ལས་འགན་རེད། དེ་ནས་སྤྱི་ཚོགས་ལ་ན་བ་ཚ་བ་ཉུང་ཞིང་བདེ་ཐང་ཡིན་དགོས་པ་དེ་རེད། དེ་ནི་འཕྲོད་བསྟེན་ལས་ཁུངས་དང་སྨན་ཁང་སོ་སོའི་ལས་འགན་རེད། དེ་ནས་སྤྱི་ཚོགས་ཀྱི་ཤེས་འཇོན་ཡར་རྒྱས་གཏོང་རྒྱུ་དེ་རེད། དེ་ནི་སློབ་གསོའི་ལས་ཁུངས་དང་སློབ་གྲྭ་རྣམས་ཀྱི་འགན་འཁུར་རེད། ད་དུང་སྤྱི་ཚོགས་ལ་དགོས་པ་ནི་དྲང་བདེན་དང་འདྲ་མཉམ་རེད། དེ་ནི་ཁྲིམས་ཁང་དང་ཁྲིམས་བཟོ་ལས་ཁུངས་སོགས་ཀྱི་འགན་འཁུར་རེད། འདི་དང་འདི་ལྟ་བུའི་སྤྱི་ཚོགས་ཀྱི་རྩ་བའི་དགོས་མཁོ་སྐོར་ཞིག་ཡོད་པ་ལས་སྙན་ངག་གི་འགན་དུ་འབབ་པ་དང་འགན་ལེན་ཐུབ་པ་གང་ཡོད་དམ།