ཤར་ཕྱོགས་ཁུག་རྟ།

བོད་ཐོག་རྒྱ་ནག་གིས་འཛིན་པའི་སྲིད་བྱུས་ལ་བོད་མི་རྣམས་ཀྱིས་བདེན་པའི་ལས་འགུལ་སྤེལ་ཐེངས་རེར། རྒྱ་ནག་གཞུང་གིས་དེ་ནི་ཏཱ་ལ་དང་ཏཱ་ལའི་རུ་ཚོགས་ཀྱིས་ངན་སྐུལ་ཇུས་འགོད་བྱས་པ་ཡིན་པར་བསྒྲགས་རྒྱུར་ཐེ་ཚོམ་དང་ངོ་ཚ་གང་ཡང་མེད་པས། ལས་འགུལ་ནམ་བྱུང་སྐབས་རྒྱ་ནག་གཞུང་གིས་ག་རེ་བརྗོད་ངེས་པ་ནི་བཙན་བྱོལ་བོད་མི་གད་པ་ཚུད་ཆད་ཀྱིས་ཚོད་དཔག་ཐུབ་ཀྱི་ཡོད། ལོ་འདིའི་ཟླ་ ༣ ཚེས་ ༡༦ ནས་བྱུང་བའི་རང་ལུས་མཆོད་མེར་སྒྲོན་ནས་བོད་ཀྱི་རང་དབང་རྩོད་མཁན་ཚོ་ལའང་དེ་བཞིན་༧གོང་ས་མཆོག་དང་བོད་མིའི་སྒྲིག་འཛུགས་ཀྱིས་རྒྱུད་སྐུལ་བྱས་པར་བསྒྲགས་ཡོད། དེ་ནི་རྒྱ་ནག་གཞུང་གི་སྐྱག་རྫུན་ཁུངས་མེད་ཀྱི་རིག་པ་གསར་བ་གང་ཡང་མིན་སྟེ། ༨༩ ལོར་ལྷ་སར་ཞི་རྒོལ་བྱུང་དུས་དང་། ༢༠༠༦ ལོར་སྐུ་འབུམ་དུ་བོད་མི་སྡེབས་འཛོམས་བྱུང་སྐབས། ༢༠༠༨ ལོ་ནས་ཞི་བའི་ངོ་རྒོལ་ཆེན་མོ་བྱུང་དུས་སོ་སོར་རྒྱ་ནག་གཞུང་གིས། དེ་རིང་ནང་བཞིན་༧གོང་ས་མཆོག་དང་སྒྲིག་འཛུགས་ཀྱིས་ཇུས་བཀོད་བྱས་ཚུལ་གྱི་ཁྱབ་བསྒྲགས་རྫུན་མས་རང་ངོ་རུལ་སུངས་འགེབ་ཐབས་བྱས་ཡོད།

དེ་ལས་མང་བ་། “དམར་ཤོག་གཞུང་འཛིན་ཚོགས་པ་འདར་སིག་རྒྱག་གིན་འདུག” »

(རྒྱལ་གཅེས་དཔའ་བོ་དག་གི་འདས་མཆོད་དུ་ཕུལ་བ།)
རྫ་ཚེ་རིང་བཀྲ་ཤིས།

མགོ་བརྗོད།
—ལོ་ཆུང་རྣམས་ཀྱིས་བློ་ལ་ངེས་ངེས་སུ་སྐྱོར་ཅིག
གཞོན་པ་རྣམས་ཀྱིས་མྱིད་པ་བརྣངས་བརྣངས་སུ་སྒྲོགས་ཤིག
རྒན་པོ་རྣམས་ཀྱིས་མཆི་མ་ཐོན་ཐོན་དུ་ཀློགས་ཤིག
ཉིན་མཚན་དུས་དྲུག་ཀུན་ཏུ་སེམས་ཐོག་ཏུ་ལོངས་ཤིག
༄༅།། གཉན་ཆེན་པོ་ཐང་ལྷ་ཡར་ལྷ་ལ་ཕུད་རབ་ཀྱིས་མཆོད་དོ། །ཁ་མགོན་དང་སྡོངས་གྲོགས་མཛོད་ཅིག
སྙིང་ཉེ་ལགས། ངའི་མིང་ལ་གཡག་རོག་ཞོལ་ཆེན་ཟེར་ཞིང་། ང་ནི་ལྟོ་བའི་འགྲམ་གཡས་གཡོན་གཉིས་ལ་རྩིད་པ་རིང་པོ་སྐྱེས་ཡོད་པའི་མཐོ་སྒང་གི་སྲོག་ཆགས་ཤིག་ཡིན། མི་ཚོས་ང་ལ་ད་དུང་ཐུན་མིན་གྱི་ཁྱད་ཆོས་མང་པོ་ཡོད་པའི་ངོས་འཛིན་བྱས་ཡོད། སྐབས་འགར་ངའི་མིང་ལ་བོད་ཅེས་ཀྱང་ཟེར། འོན་ཀྱང་ད་ལྟ་ང་ལ་རྩྭ་ས་མེད་པའི་དཀའ་ངལ་ཆེན་པོ་འཕྲད་དེ་ངེས་མེད་ཀྱི་ལུང་པར་ལྡོམ་ནས་འགྲོ་སྐབས་ངའི་མིང་ལ་གཡག་འཁྱར་ཟེར་གྱི་འདུག བདེན་པ་རེད།

དེ་ལས་མང་བ་། “བོད་ཡང་དག་པར་བརྗོད་པ་ཞེས་བྱ་བའི་མདོའི་གཏམ་གྱི་རྣམ་གྲངས།” »

འདྲེ་མགོ་རྡོ།

༄༅།། ཆེས་བཀུར་བར་འོས་པའི་བཀའ་བློན་ཁྲི་ཟུར་སློབ་དཔོན་ཆེན་མོ་ཟམ་གདོང་རིན་པོ་ཆེ་མཆོག་ལ།

དེ་རིང་ངས་རང་ཉིད་སྦར་སིལ་སྐུ་ཚབ་དོན་གཅོད་དུ་བསྐོ་བཞག་གནང་བ་དང་དེ་དང་འབྲེལ་བའི་དོན་གཅོད་ནས་ཕྱིར་འཐེན་བྱ་དགོས་པའི་རྒྱུ་མཚན་ཟེར་བ་སོགས་ཀྱི་ཐད་ནས་གླེང་མོལ་ཏོག་ཙམ་ཞུ་འདོད་བྱུང་། ཕྱི་ལོ་༢༠༡༡ལོའི་ཟླ་༨པའི་ཚེས་༡༢ཉིན་ལ་ཕ་རན་སིའི་ཤར་ཕྱོགས་སུ་ནང་བསྟན་བསྟི་གནས་ཞིག་གི་དབུ་འབྱེད་མཛད་སྒོའི་སྐབས་སུ་རང་ཉིད་༧གོང་ས་མཆོག་དང་མཇལ་འཕྲད་བྱུང་ཡང་སྦར་སིལ་དོན་གཅོད་དང་འབྲེལ་བའི་དཀའ་རྙོག་སྐོར་གང་ཡང་ཞུས་མེད། རྒྱུ་མཚན་ནི་འདི་ལྟ་བུའི་རྫུན་བཟོའི་ཉེས་འཛུགས་ཞིག་རྒྱུ་མཚན་ཏུ་བྱས་ནས་ངས་༧གོང་ས་མཆོག་ལ་སྙན་སུན་བཟོ་རྒྱུའི་བློ་ཁོག་རྙེད་མ་བྱུང་།

དེ་ལས་མང་བ་། “༧རྒྱལ་བ་རིན་པོ་ཆེར་མཛད་དཀའ་བཟོས་འདུག” »

ཆབ་བྲག་ལྷ་མོ་སྐྱབས།

ལོ་རྒྱུས་ཀྱི་གོད་ཆག་ཅི་འདྲ་ཞིག་བྱུང་བ་ལ་མ་ལྟོས་པར་མགོ་ནག་རྩམ་གཟན་ནམ་གདོང་དམར་བོད་པ་ཚང་གི་བུ་རབས་ཚ་རྒྱུད་དག་གིས་མི་རིགས་ཤིག་གི་ལར་ཞེན་དང་རིག་གཞུང་ཞིག་གི་སྤོབས་པ། བདེན་དོན་ཞིག་གི་སྙིང་སྟོབས་དང། ཡིད་ཆེས་ཤིག་གི་རེ་སྨོན་བཅས་ལ་བརྟེན་ནས་འཕག་འཚག་རྒྱུན་མར་བྱས་ཏེ་འགྱེལ་ས་ནས་ལངས་པར་ལན་དགུ་ཆད་མཐུད་དུ་འབད་ཡོད་ལ་གྲུབ་འབྲས་ཀྱང་ཆེན་པོ་བླངས་ཡོད། མ་མཐར་ཡང་ངས་བལྟས་ན་གཉིད་ལས་སད་དང་སད་བཞིན་པ་རེད། ད་དུང་མང་པོ་ཞིག་གིས་རེ་བ་ཆེ་ས་ཞིག་ལ་དམིགས་ཏེ་བློས་གཏོང་ཡང་ཆེན་པོ་ཞིག་གི་མགོ་ཚུགས་ཡོད། འདི་ནི་ཚེ་སྲོག་ཅིག་གི་ངོས་ནས་བལྟས་ན། ཡ་ང་བ་དང་། སྙིང་རྗེ་བ། ཕངས་སེམས་ཆེ་བ་ཞིག་ཡིན་པར་མ་ཟད། ཆེས་གཟི་བརྗིད་དང་རླབས་ཆེན་ཞིག་ཀྱང་ཅི་ལ་མིན། ལྷག་པར་དུ། རང་རིགས་ལ་མཚོན་ན་དྲན་སྐུལ་ཟབ་མོ་ཞིག་དང་དགྲ་ཕྱོགས་ལ་མཚོན་ན་ངོ་རྒོལ་མཐུ་ཆེན་ཞིག་ཡིན་ངེས་པས། གངས་ཅན་པ་ཞེས་པ་དང་གདོང་དམར་བོད་པ་ཞེས་པ། ཆོས་ལྡན་བོད་མི་ཞེས་པ། འཚེ་མེད་ཞི་བ། བདེན་པའི་ཨུ་ཚུགས་ཟེར་བའི་ཁྱད་ཆོས་ཚང་མ་ཕྱོགས་བསྡུས་ཀྱིས་མཚོན་པའི་རྒྱ་མཚོའི་རླབས་དང་རླུང་གི་ཤུགས་བཞིན་བཟློག་ཏུ་མེད་ལ་ཡལ་དུ་མེད་པའི་ལས་འགུལ་ཞིག་ཏུ་འགྱུར་བཞིན་ཡོད།
སྤྱིར་ཡིན་ན། དཔའ་རྟུལ་ཁོང་རྣམ་པས་ཀྱང་དྲག་པོའི་ཐབས་རྩལ་ཅི་རིགས་ལ་བརྟེན་ནས་དགྲ་ཕྱོགས་ལ་འཇིགས་སྣང་དང་ཆག་སྒོ་དུ་མ་ཞིག་འབྱུང་འཇུག་ཐུབ་རྒྱུར་ཐེ་ཚོམ་སྤུ་ཙམ་མེད་ན་ཡང། འདི་ལྟར་གཞན་ལ་འཚེ་བ་དོར་ནས་རང་ལ་འཚེ་བའི་སྤྱོད་ཚུལ་ཐུན་མོང་མ་ཡིན་པ་འདི་ནི། འཛམ་གླིང་ཞི་བདེའི་དེད་དཔོན་ཆེན་པོ་གང་གི་རླབས་ཆེའི་དགོངས་དོན་ལ་དད་འདུན་གུས་བརྩི་གནང་ནས་བོད་ཀྱི་བསྟན་པ་ཆབ་སྲིད་དང་བཅས་པའི་སླད་དུ་ཡིན་པར་ཐག་གཅོད་ཐུབ་པ་ཞིག་རེད།

དེ་ལས་མང་བ་། “ཆིག་སྒྲིལ་གྱི་སེམས་པ། གཅིག་གྱུར་གྱི་ངོ་རྒོལ། བདེན་དོན་གྱི་གཟི་བརྗིད། རྒྱལ་ཁ་ཡི་རེ་བ།” »

ཨ་རི་བོད་པས།

དེ་རིང་(1050-2011)འཛམ་གླིང་ན་དཀོན་པའི་ནང་བའི་ཚན་རིག་པ་ཆེན་མོ་ཞིག་འཇིགས་རྟེན་འདི་དང་ཁ་གྱེས་ཐལ། དེ་རིང་ང་ཚོའི་མཐིང་་མདོག་གི་ནམ་མཁའ་ནས་འོད་ཆེན་ཀྱི་སྐར་མ་ཞིག་མཁའ་དབྱིངས་གཞན་ལ་བཞུད་ཐལ།
ཁོང་གི་མིང་ལ་སི་ཊེ་བི.རྗོ་བྷིསེ་(steve jobs)ཟེར་ཞིང་། ཁོང་དགུང་ལོ་༥༦་རེད། དེང་གི་འཛམ་གླིང་སྟེ་གློག་ཀླད་ཀྱི་དུས་སྐབས་སུ་ཀུ་ཤུ་རྟགས་ཅན་གྱི་ཀློག་གླད་དང་ཁ་པར་བེད་སྤྱོད་གཏོང་མཁན་ཞིག་ཡིན་ཚེ་ཕལ་ཆེར་ཁོང་ངོ་མི་ཤེས་བ་ཞིག་མེད་པའི་ཚོད་ཡིན། ཁོང་ངོ་མི་ཤེས་བའི་དབང་དུ་བཏང་ན་ཡང་རྗོ་བྷི་ཁོང་གི་བློ་བཀོད་ལས་འཁྲུངས་བའི་ཆེ་ཚད་མཐོ་བའི་ལག་རྩལ་དང་རིན་ཐང་ཅན་གྱི་ཀུ་ཤུ་རྟགས་ཅན་གྱི་གློག་ཆོས་ལ་སེམས་པ་མ་ཤོར་བ་སུ་ཞིག་ཡོད།

དེ་ལས་མང་བ་། “ནང་པའི་ཚན་རིག་པ་ཆེན་མོ་ཞིག་སྐུ་གཤེགས་པ།” »

བོད། ལྷ་ཀླུ་གཉན་གསུམ།
ཁ་སང་དེ་རིང་བོད་ནང་དུ། དམིགས་སུ་བཀར་ནས་ཞུས་ན། བོད་མདོ་སྨད་རྔ་ཁུལ་ན་རང་ལུས་ཀྱི་མཆོད་མེར་སྒྲོན་པའི་བདེན་པའི་འབོད་སྒྲ་སྒྲོག་པའི་དར་མ་གཅིག་རྗེས་གཉིད་མཐུད་དུ་བྱུང་བཞིན་ཡོད། དེ་དག་གིས་མི་རིགས་ཤིག་གི་བདེན་དོན་ཉམས་ཀྱིན་པ་དང་བཙན་གྱིས་འཕྲོག་བཅོམ་བྱེད་པ། བརྡུང་བརྡེག་ཐེབས་བཞིན་པ་མ་བཟོད་པར་རང་ཉིད་ཀྱི་ཚེ་སྲོག་གིས་བདེན་དབུང་བྱས་ནས། ནང་དགོས་ཁ་བ་གངས་ཅན་པ་ཡོངས་ལ་འབོད་སྒྲ་ཤུགས་ཀྱིས་སྒྲོག་ནས། ལོངས་ཤོག ང་ཚོ་ལ་ཚེ་སྲོག་ཡོད། ཚེ་སྲོག་ལ་རིན་ཐང་ཡོད། རིན་ཐང་ལ་རྩོད་ལེན་དགོས། རྩོད་ལེན་ལ་བརྩི་མཐོང་སླེབས་དགོས། དེ་ཡི་ཆེད་དུ།

དེ་ལས་མང་བ་། “ང་ཚོའི་ནད་འདི་དྲག་བསྐྱེད་ཡོང་རན་ཡིན། སྤུན་ཟླ་ཚོ་ལོངས་ཤོག” »

ཐེ་བོ་དཀོན་མཆོག་ཤེས་རབ་ཀྱིས།

མཁྱེན་རབ་རྣམ་སད་རོལ་བའི་མཁར།།
ལུགས་ཟུང་ཤེས་བྱའི་རྒྱུ་སྐར་བཀྲ།།
ཆོས་སྲིད་ཟུང་གི་ཉི་ཟླའི་འོད།།
ཀུན་ནས་སྤྲོ་མཛད་གང་དེས་སྐྱོངས།།

བོད་དུ་ཆོས་སྲིད་ཟུང་འབྲེལ་ལམ་ལུགས་ནི་ཐོག་མར་ཆོས་རྒྱལ་སྲོང་བཙན་སྒམ་པོས་སྲོལ་བཏོད་པར་གྲགས།སྐབས་དེའི་ཆོས་སྲིད་ཟུང་འབྲེལ་གྱི་ངོ་བོ་ནི་ལྷ་ཆོས་དགེ་བ་བཅུ་དང་མི་ཆོས་གཙང་མ་དྲུག་གི་ཁྲིམས་བཅས་པ་དེར་གོ་དགོས་པ་རེད།དེ་ལྟར་ཁྲིམས་བཅས་པའི་ཁུངས་ཀྱང་སངས་རྒྱས་ཀྱིས་ལྷ་མིའི་ཐེག་པའི་རྣམ་གཞག་མང་དུ་གསུངས་པ་དག་དང་།མགོན་པོ་ཀླུ་སྒྲུབ་ཀྱི་གསུང་ལས། མི་ཡིས་
ཆོས་ལུགས་ལེགས་སྤྱད་ན།།ལྷ་ཡུལ་བགྲོད་པ་ཐག་མི་རིང་།།ལྷ་དང་མི་ཡི་ཐེམ་སྐས་ལ།།འཛེགས་ན་ཐར་བ་གམ་ན་འདུག།ཅེས་སོགས་གསུངས་པ་ལ་བརྟེན་པ་ཞིག་རེད།

དེ་ལས་མང་བ་། “ཅི་ཞིག་ལ་ཆོས་སྲིད་ཟུང་འབྲེལ་ཟེར་རམ།” »