སྤོབས་པ་མཐའ་ཡས།
ཁ་སང་དྲ་དེབ་འདིའི་སྟེང་དུ་སློབ་དཔོན་འཇིགས་མེད་བློ་གྲོས་ཀྱིས་སྤེལ་བའི་དུས་རབས་ཉེར་གཅིག་པའི་ཐེག་ཆེན་པ་ཞིག་གི་གཏམ་ཞེས་པའི་རྩོམ་ཡིག་དེ་ཞིབ་པར་ཐེང་གཅིག་བཀླགས། ནང་དོན་ཕལ་མོ་ཆེ་དུས་བབ་གནད་སྨིན་དང་སེམས་ལ་ཕན་པའི་ལེགས་བཤད་ཤ་སྟག་ཏུ་འཁུམས། ཡིན་ན་ཡང་གནད་དོན་གཅིག་ལ་དོག་པ་ཆེ་ཙམ་བྱུང་། དེ་ནི་སློབ་དཔོན་ཁོང་གིས་རྫོགས་ཆེན་དང་ཕྱག་ཆེན་ལས་ཀྱང་སྙིང་རྗེ་བྱང་ཆུབ་ཀྱི་སེམས་གལ་ཆེ་ཚུལ་རྩལ་དུ་བཏོན་ནས་གསུངས་སྟངས་འདི་རེད།
དེ་ལས་མང་བ་། “སློབ་དཔོན་འཇིགས་མེད་བློ་གྲོས་ལ་བཀའ་འདྲི་ཞིག” »
གསལ་ལེ་རྒྱལ་གྱིས་ཕྷ་རན་སིའི་རྒྱལ་ས་ཕ་རེ་སི་ནས་ཨ་མ་དགུའི་ཚབ་ཏུ་བྲིས།
སུས་ཀྱང་ཚབ་བྱེད་མི་ཐུབ་པའི་ཨ་མའི་གཅེས་ཕྲུག་ཁྱོད་གང་ན་ཡོད། མི་ལ་ལས་བཤད་ན་ཁྱོད་ཀྱིས་སྟག་མོ་ལུས་སྦྱིན་གྱི་ལེའུ་གསར་བ་ཞིག་འབྲི་བཞིན་འདུག་ཟེར། ཨ་མའི་ལོ་ལོ་ཡིན། ང་ལ་དགོས་བ་ནི་སྟག་མོ་ལུས་སྦྱིན་གྱི་ལེའུ་གསར་བ་དེ་མིན་ལ། སངས་རྒྱས་ཀྱི་གོ་འཕང་ཞེས་སེམས་ཅན་གྱིས་ཡིད་སྨོན་བྱེད་ས་དེའང་མིན། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག ཁྱོད་གང་ན་ཡོད།
མི་ལ་ལས་བཤད་ན་ཁྱོད་ཀྱིས་མི་རིགས་དང་རང་དབང་གི་ཆེད་དུ་རང་ལུས་མེ་ལ་སྦར་ཟིན་ཟེར། སྐད་ཆ་འདི་དག་མི་བདེན་པའི་གསོལ་བ་སྙིང་ནས་འདེབ་བཞིན་ཡོད། ང་ལ་མཁོ་པ་ནི་མི་རིགས་མིན་ལ་རང་དབང་ཡང་མིན། ང་ལ་མཁོ་བ་ནི་ཁྱོད་ཁོ་ན་ཡིན་པས། ང་ལ་བདེ་མོ་ཙམ་ཡང་མ་བཞག་པར་འདི་ལྟར་མི་རིགས་དང་རང་དབང་གི་ཆེད་དུ་འགྲོ་མི་སྲིད། ཨ་མའི་གཅེས་ཕྲུག་ཁྱོད་གང་ན་ཡོད།
ཁྱོད་མེད་པའི་ལོ་ཟླ་རིང་མོ་དང་ངའི་ཚེ་འཇུག་གི་ཉིན་མཚན་འདི་དག་ངས་ཇི་ལྟར་བསྐྱལ། ཁྱོད་ལ་དགོས་བ་ནི་མི་རིགས་དང་རང་དབང་ཡིན་ཡང་། ངས་མི་རིགས་ཞེས་པ་དེ་ཅི་ཞིག་ཡིན་མིན་དེ་མི་ཤེས་ལ། རང་དབང་ཞེས་བ་དེ་དེ་བས་ཀྱང་མི་ཤེས། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག་ཁྱོད་གང་ན་ཡོད།
གསར་འགྱུར་མཁོ་གཏོང་བ་རིག་འཛིན། །
ཁ་སང་སྤྱི་ཚེས་༡༩ཉིན་ཨོ་སི་ཀྲོ་ལེ་ཡའི་གྲོང་ཁྱེར་མལ་སྦོན་གྱི་བོད་རིགས་ཚོགས་པའི་གོ་སྒྲོག་འོག་ས་གནས་བོད་མི་དང་བོད་དོན་རྒྱབ་སྐྱོར་བ། རྒྱ་བོད་མཛའ་འབྲེལ་ཚོགས་པའི་ཚོགས་མི་བཅས་ཁྱོན་མི་གྲངས་ ༢༠ ་ལྷག་གིས་ཞོགས་པ་ཆུ་ཚོད་ ༡༠ ནས་དགོང་ ཆུ་ཚོད་ ༤བར་གྲོང་ཁྱེར་མལ་སྦོན་(Melbourne)གྱི་རྒྱ་ནག་གཞུང་ཚབ་མདུན་དུ་ཟས་བཅད་ངོ་རྒོལ་དང་སྐད་འབོད་ཀྱི་ལས་འགུལ་ཞིག་སྤེལ་སོང་།
ཆབ་བྲག་ལྷ་མོ་སྐྱབས།
རྒྱ་ནག་གུང་ཁྲན་ཏང་དང་དམག་དཔུང་གིས་༡༩༤༩ལོར་ཀྲུང་གོ་གསར་བའི་རྒྱལ་ཁབ་བཙུགས་པའི་རྒྱལ་སྟོན་དང་དུས་མཉམ་གངས་ཅན་བོད་ལ་ལོ་རྒྱུས་ཀྱི་གོད་ཆག་གསར་བ་ཞིག་གི་ལམ་སྣེ་བཏོད་ཅིང་ལམ་སྣེ་དེ་ཐབས་བརྒྱ་ཇུས་སྟོང་གིས་ཆེར་བསྐྱེད་དེ་བོད་ཀྱི་རྒྱལ་ས་ལྷ་སའི་སྙིང་ཁར་བརྟོལ། དུས་དེ་ནས་བཟུང་ས་ཡི་སྙིང་དང་མི་རིགས་ཀྱི་སྙིང་གཉིས་ཀ་ཚལ་བར་གཤགས་ཏེ་དུས་རབས་ཕྱེད་ལྷག་འདས་ཀྱང་གས་ཆག་ཏུ་སོང་བའི་སྙིང་དམར་པོ་དེ་གཉིས་ཀྱི་འཕར་རྩ་ནམ་ཡང་འཇགས་མྱོང་མེད། ས་གནས་ལ་ལར་སྲིད་གཞུང་གི་ཁང་པ་སོགས་ལ་མེ་རྒྱག་ཆུང་ངུ་རེ་དང་སྒོ་སྒེའུ་ཙམ་རེ་གཏོར་བཅོམ་གྱི་ཁུ་ཚུར་མང་པོ་ཞིག་ཀྱང་གཡུགས་མྱོང། དེ་དག་རེ་རེ་ལ་ཁག་དཀྲི་དང་བསྙོན་འཛུགས་དུ་མས་དྲག་གནོན་ཡ་ང་བ་དུ་མ་བྱས། ཁོ་ཚོས་མདའ་མཚོན་བཟུང་ཡོད་པས་ཁུ་ཚུར་ཕྱར་མཁན་དག་གནོན་ཐུབ་ངེས་ཀྱི་སྟོང་བསམ་བཅངས། (དཔེར་ན་གནམ་བདེ་སྒོ་མོ་ཆེའི་ཐང་ཆེན་གྱི་དྲག་གནོན་བཞིན་ཁུ་སིམ་མེར་འགྲོ་རྒྱུར་ཚོད་དཔག་བྱས།)དེ་རིང་ཁོ་པ་ཚོས་ཚོད་དཔག་དེ་ནོར་ཡོད་པར་ངོས་ཟིན་འཐོབ་པའི་ཆོ་ག་གསར་བ་ཞིག་མཐོང་ཡོད།
རྒྱ་གར་དུ་རྒྱ་གཞུང་ལ་མེ་གཏོང་དང་གཏོར་བཅོམ་སོགས་ཀྱི་བྱ་བ་རྩོམ་ས་མེད་ན་ཡང་རྒྱ་གཞུང་གི་དཔོན་ངན་མང་པོ་ཞིག་གི་འདྲ་གཟུགས་གང་མང་ཞིག་བསྲེགས་ཡོད།
ཆབ་བྲག་ལྷ་མོ་སྐྱབས།
རྒྱ་ནག་གུང་ཁྲན་ཏང་དང་དམག་དཔུང་གིས་༡༩༤༩ལོར་ཀྲུང་གོ་གསར་བའི་རྒྱལ་ཁབ་བཙུགས་པའི་རྒྱལ་སྟོན་དང་དུས་མཉམ་གངས་ཅན་བོད་ལ་ལོ་རྒྱུས་ཀྱི་གོད་ཆག་གསར་བ་ཞིག་གི་ལམ་སྣེ་བཏོད་ཅིང་ལམ་སྣེ་དེ་ཐབས་བརྒྱ་ཇུས་སྟོང་གིས་ཆེར་བསྐྱེད་དེ་བོད་ཀྱི་རྒྱལ་ས་ལྷ་སའི་སྙིང་ཁར་བརྟོལ། དུས་དེ་ནས་བཟུང་ས་ཡི་སྙིང་དང་མི་རིགས་ཀྱི་སྙིང་གཉིས་ཀ་ཚལ་བར་གཤགས་ཏེ་དུས་རབས་ཕྱེད་ལྷག་འདས་ཀྱང་གས་ཆག་ཏུ་སོང་བའི་སྙིང་དམར་པོ་དེ་གཉིས་ཀྱི་འཕར་རྩ་ནམ་ཡང་འཇགས་མྱོང་མེད། ས་གནས་ལ་ལར་སྲིད་གཞུང་གི་ཁང་པ་སོགས་ལ་མེ་རྒྱག་ཆུང་ངུ་རེ་དང་སྒོ་སྒེའུ་ཙམ་རེ་གཏོར་བཅོམ་གྱི་ཁུ་ཚུར་མང་པོ་ཞིག་ཀྱང་གཡུགས་མྱོང། དེ་དག་རེ་རེ་ལ་ཁག་དཀྲི་དང་བསྙོན་འཛུགས་དུ་མས་དྲག་གནོན་ཡ་ང་བ་དུ་མ་བྱས། ཁོ་ཚོས་མདའ་མཚོན་བཟུང་ཡོད་པས་ཁུ་ཚུར་ཕྱར་མཁན་དག་གནོན་ཐུབ་ངེས་ཀྱི་སྟོང་བསམ་བཅངས། (དཔེར་ན་གནམ་བདེ་སྒོ་མོ་ཆེའི་ཐང་ཆེན་གྱི་དྲག་གནོན་བཞིན་ཁུ་སིམ་མེར་འགྲོ་རྒྱུར་ཚོད་དཔག་བྱས།)དེ་རིང་ཁོ་པ་ཚོས་ཚོད་དཔག་དེ་ནོར་ཡོད་པར་ངོས་ཟིན་འཐོབ་པའི་ཆོ་ག་གསར་བ་ཞིག་མཐོང་ཡོད།
རྒྱ་གར་དུ་རྒྱ་གཞུང་ལ་མེ་གཏོང་དང་གཏོར་བཅོམ་སོགས་ཀྱི་བྱ་བ་རྩོམ་ས་མེད་ན་ཡང་རྒྱ་གཞུང་གི་དཔོན་ངན་མང་པོ་ཞིག་གི་འདྲ་གཟུགས་གང་མང་ཞིག་བསྲེགས་ཡོད།
ཕྱི་ལོ་ ༢༠༡༡ ཟླ་ ༡༠ ཚེས་ ༡༩ ཉིན་གནས་ཚུལ་འབྱོར་བར་རྔ་པ་རྫོང་མཁར་དང་ཐག་ཉེ་བའི་བོད་མི་མང་པོས་བོད་ཆས་གྱོན་ནས་རྔ་པའི་ཁྲོམ་གཞུང་རྒྱུན་ལྡན་ལས་མི་ཚོགས་མང་པ་འདུ་འཛོམས་བྱུང་ཡོད་པ་དང་། མི་མང་གིས་ཁྲོམ་སོགས་ནས་མ་ཎི་བཏོན་ཅིང་ཟས་བཅད་བྱས་ཏེ་གདུང་སེམས་མཉམ་བསྐྱེད་ཀྱི་རྣམ་འགྱུར་ཤུགས་ཆེ་ཙམ་བསྟན་ཡོད་པ་དང་། ཐེངས་གཉིས་ཙམ་ལ་མི་མང་གིས་ཡར་ལངས་བྱེད་གྲབ་བྱས་ཀྱང་སྡེབ་གཅིག་ལ་ལངས་མ་ཐུབ་པས་ན་ཉེན་རྟོག་པ་དང་དམག་མི་སོགས་ཀྱིས་མེ་མདའ་ཚད་ནས་མི་མང་གི་འདུ་འཛོམས་གཏོར་ཐབས་བྱས་ཡོད་འདུག ཡང་རྫོང་མཁར་དང་ཐག་ཉེ་བའི་བོད་མི་རྣམས་ཀྱིས་བོད་ཆས་གཙང་མ་གྱོན་ནས་གྲོང་སྡེ་སོ་སོའི་ནང་དུ་མ་ཎི་འཚོགས་ཤིང་ཟས་བཅད་སྙུངས་གནས་གནང་ཡོད་འདུག
དེ་ལས་མང་བ་། “མདོ་སྨད་རྔ་པ་ཁུལ་གྱི་ད་ལྟའི་དམ་དྲག་གནས་ཚུལ།” »
ཉེ་བའི་ཆར་ནས་། ཁ་བརྡར་མཆན་བུ་འདེབས་མཁན་གྱི་ཁྲོད་དུ་། དོན་མེད་ཀླན་ཀ་འཚོལ་མཁན་དང་དྲ་གྲོགས་ནང་ཁུལ་དབྱེན་དཀྲུགས་བྱེད་མཁན། དོན་མེད་གཞན་ལ་སྐུར་འདེབས་བྱེད་མཁན་སོགས་ཇེ་མང་ལ་ཕྱིན་འདུག་པས། གནས་སྐབས་རིང་ཁ་བརྡའི་མཆན་སྒོ་ཇེ་དམ་ལ་བཏང་ཡོད་། ཁ་བརྡའི་འཛིན་སྐྱོང་གི་ཆོག་མཆན་བརྒྱུད་མཆན་བུ་ཚང་མར་དག་མཆན་ཐོབ་དགོས་བ་བཟོས་ཡོད་། ང་ཚོས་མཆན་བུ་རྣམས་ལ་ཞིབ་བཤེར་དང་བརྩད་གཅོད་། བཀག་འགོག་བྱེད་རྒྱུའི་ལམ་ཁ་སྔར་ལས་ཞིབ་ཚགས་སུ་བཏང་ཡོད་། འདི་དོན་ཚང་མས་མཁྱེན་པ་གནང་རོགས། ཁ་བརྡ་རྩོམ་སྒྲིག་པས། www.khabdha.org khabdha@gmail.com
“YouTube” སྒང་ནས་བལྟ་རོགས།
འབྲོང་ངུར་བསྟན་འཛིན་ལམ་བཟང་།
༡༽ མཚམས་སྦྱོར།
ཤེས་ པ་རྣལ་དུ་གནས་པའི་མི་བུ་ཞིག་ཡིན་ནས་བཟུང༌། བདེ་སྐྱིད་དང་སྟོབས་འབྱོར་འདོད་ཀྱི་ཡོད་ལ་བདེ་སྐྱིད་དང་སྟོབས་འབྱོར་གྱི་རྩ་ བ་སློབ་གསོ་ལ་རག་ལས་པ་དང་སློབ་གསོའི་འབྱུང་ཁུངས་སྐད་ཡིག་ཡིན་ལ། སྐད་ཡིག་གཉིས་ནི་སྒྲ་རིག་པའི་གཞུང་ལ་ལྟོས་པར་ཁྱེད་ཅག་གིས་ཤེས་ཡོད་ཤག་རེད། གཞན་དུ་གཞུང་ལས། བསླབ་པ་ཀུན་ཀྱི་གཞི་འཛིན་ཅིང༌། །རིག་བྱེད་སྨྲ་བ་རྣམས་ཀྱི་རྒྱུ། །མིང་ཚིག་བརྗོད་པ་ཀུན་ཀྱི་གཞི། །ཡི་གེའི་སྦྱོར་བ་་་་ཞེས་པའི་རྒྱབ་ལྗོངས་དང་གོ་དོན་སེམས་ཁོང་དུ་ཆུབ་ན་སྐད་ ཡིག་གི་རིན་ཐང་དང་བརྡ་སྤྲོད་ཀྱི་ནུས་པ་ཁྱོད་ཀྱིས་ད་གཟོད་མཐོང་ངེས་ཡིན། དེ་ལྟ་བས་ན། ང་ཚོས་བརྡ་སྤྲོད་དང་སྐད་ཡིག་ལ་མཐོང་ཆེན་དང་གུས་བརྩིའི་ཐོག་ཁྱབ་སྤེལ་གང་ནུས་ བཅས་སྲུང་སྐྱོབ་ཀྱང་བགྱིད་པ་གལ་ཆེན་མཐོང་སྟེ།
གངས་སྦལ།
”ང་ཚོའི་རིག་གནས་ཀྱི་ངོས་ནས་བཤད་ན། ཁ་སང་དེ་རིང་བོད་ནང་གི་ལས་འགུལ་དག་ནི་འཚེ་བ་མེད་པའི་ལས་འགུལ་གྱི་རྒྱ་ལས་བརྒལ་ཚར་བ་རེད།” གོང་གསལ་གྱི་སྐད་ཆ་འདི་མྱི་ནག་ཚང་ཞེས་པས་བོད་ཀྱི་དུས་བབ་དུ་བཀོད་པའི་མེར་བསྲེགས་རྗེས་ཀྱི་འཇིགས་སྣང་ཞེས་པའི་རྩོམ་ཡིག་གི་གཤམ་དུ་བཏབ་པའི་མཆན་བུ་ཞིག་རེད། སྐད་ཆ་འདི་ཧ་ཅང་ཡིད་ལ་འཛེར་པོ་བྱུང་། སྐད་ཆ་འདི་རང་ཕྱོགས་ནས་བཤད་པའི་དེ་བས་ཀྱང་ཡིད་ལ་འཛེར་པོ་བྱུང་། ཉེ་ཆར་རྒྱ་ནག་གཞུང་གི་ལག་ཆར་གྱུར་པའི་སི་ཁྲན་ཞིང་ཆེན་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་རྒྱལ་བསྟན་སྤྲུལ་སྐུ་ཞེས་པ་དང་། རྔ་པ་རྫོང་ཆོས་ལུགས་ལས་ཁུངས་ཀྱི་འགན་འཛིན་བསམ་གཏན་དར་རྒྱས་ཟེར་བ་གཉིས་ཀྱིས་བཤད་པའི་སྐད་ཆ་དག་དང་གཅིག་པ་གཅིག་རྐྱང་རེད་སྙམ་ན་ལྷག་ཏུ་ཞེ་སུན་པའི་སྣང་བ་ཞིག་སྐྱེས་ཐལ།
བོད། ལྷ་ཀླུ་གཉན་གསུམ།
དེ་རིང་ང་རང་བསྡོད་སའི་རྒྱལ་ཁབ་འདིའི་ནང་དུ་གསར་འགྱུར་ཆེས་ཚ་བོ་ཞིག་ཡོད། དེ་ནི་མི་ལོ་ཧྲིལ་བོ་ལྔ་ལྷག་གི་རིང་དུ་ཨ་རྫའི་དྲག་སྤྱོད་རུ་ཁག་ཞིག་ནས་བཙན་ཁྲིད་བྱས་པའི་མི་ཞིག་རེད། མིང་ལ་རྒས་ལ་ཤ་ལས་ཟེར་བ་དང་ད་ལོ་ལོ་ཉེར་ལྔ་རེད། ཁོ་རང་ལོ་བཅོ་བརྒྱད་སྐབས་སུ། ལོ་ཚད་ལྟར་དམག་དུ་ཞུགས་ནས་ཡུན་རིང་མ་སོང་བའི་སྐབས་ཤིག་ལ་དྲག་སྤྱོད་རུ་ཁག་ཞིག་ནས་བཙན་ཁྲིད་བྱས་པ་ཡིན།
འཇིགས་མེ་ཚེ་རིང་།
ལོ་འདིར་བསྟུད་མར་བདེན་དོན་གྱི་ཆེད་དུ་རང་ལུས་མེར་བསྲེགས་གཏོང་མཁན་རྣམས་ཀྱིས་ནང་དོན་གཅིག་པའི་ངོ་རྒོལ་སྐད་འབོད་བྱས་ཏེ་ཁ་ཤས་སྐུ་ཚེ་འཕེན་པ་རྫོགས་སོང་། ཕྱི་ཟླ་དགུ་པའི་ནང་འཚོགས་པའི་བོད་མི་མང་སྤྱི་འཐུས་ལྷན་ཚོགས་ཀྱིས་རང་ལུས་མེར་བསྲེགས་གནང་བའི་ཐད་”གདུང་སེམས་མཉམ་བསྐྱེད་”ཀྱི་གྲོས་ཆོད་ཅིག་བཞག་ཡོད་ཅིང་། གྲོས་ཆོད་དེའི་ནང་བྱེད་འོས་པའི་ཆེ་བསྟོད་མང་དག་ཅིག་བྱས་ཡོད། དེའི་རྗེས་སུ་བཀའ་སྤྱི་གཉིས་མཉམ་འབྲེལ་གྱིས་གསར་འགོད་གསལ་བསྒྲགས་བསྐྱངས་ཏེ་ཕྱི་ཟླ་༡༠ ཚེས་ ༡༩ཉིན་འཛམ་གླིང་གང་སར་ཡོད་པའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་ཟས་བཅད་ངོ་རྒོལ་དང་མཆོད་འབུལ་སྨོན་ལམ་བྱེད་དགོས་པའི་འབོད་སྐུལ་གནང་འདུག ལོས་ཡིན། ང་ཚོ་ནི་འཐབ་རྩོད་པ་ཡིན་ཞིང་། དེ་ལས་ཀྱང་བདེན་དོན་དང་རང་དབང་འཐབ་རྩོད་པ་ཡིན།
འཇམ་དབྱངས་ནོར་བུ།
————-
སྔ་ལོའི་ཟླ་བཅུ་གཉིས་པའི་ཟླ་དཀྱིལ་ཙམ་ལ། སྲང་ལམ་གྱི་ཤིང་ཏོག་དང་ཚལ་རིགས་བཙོང་མཁན་གྱི་ཊུ་ནི་ཤེ་ཡའི་མི་ཉམ་ཆུང་ མོ་ཧ་མཱ་ཌི་ བྷོ་ཛི་ཛི་ཟེར་བ་ཞིག་གིས་ ས་གནས་ཀྱི་ཉེན་རྟོག་པ་དང་ལས་བྱེད་ཚོས་ཉིན་རྟག་པར་ཁོང་ལ་ཐུབ་ཚོད་དང་བརྙས་བཅོས་བྱས་པ་དང་། ཁོང་གི་ཐོན་རྫས་རྣམས་གཞུང་བཞེས་བྱས་པ་ལ་ངོ་རྒོལ་བྱེད་ཆེད་རང་ཉིད་མེར་སྲེག་བྱས་པ་རེད། ཁོང་གི་ལས་འགུལ་དེས་ཊུ་ནི་ཤེ་ཡའི་ས་ཆ་གང་སར་ངོ་རྒོལ་དང་འཕྲོག་བཅོམ་ཁྱབ་པར་གྱུར་པ་དེ་ཚོ་ ཟླ་དང་པོའི་ཚེས་ ༤ ཉིན་ བྷོ་ཛི་ཛི་ཤི་རྐྱེན་གྱིས་ཤུགས་ཇེ་ཆེར་སོང་ཞིང་། དེས་ མི་ལོ་ ༢༣ རིང་བཙན་དབང་བྱས་པའི་སྲིད་འཛིན་དང་དེའི་མགོ་འཁྲིད་རྣམས་ལུང་པ་བཞག་ནས་འབྲོ་དགོས་བཟོས་པ་རེད།
འདི་དང་དེའི་རྗེས་འབྲེལ་གྱི་ལས་འགུལ་རྣམས་ལ་ “མེ་ཏོག་ཨ་ཀར་གྱི་གསར་བརྗེ་”དང་ཡང་ན་ “ཨ་རབ་དཔྱིད་ཀ་”ཟེར་ཞིང་། དེའི་འབྲས་བུར་ཨི་ཇིབ་ནང་གི་ཞི་རྒོལ་གྱི་གསར་བརྗེ་དང་ལི་བྷི་ཡའི་ནང་གི་དྲག་པོའི་གྱེན་ལངས་༼དེའི་འབྲས་བུར་རང་གི་སྲིད་དབང་སྒེར་འཛིན་པ་འགྱེལ་བཅུག་པ་༽། བྷ་རཱེན་དང་སི་རི་ཡ། ཡེ་མན་བཅས་ཀྱི་ནང་དུ་མི་མང་གྱེན་ལངས་དང་། ཨི་སི་རེལ་དང་ཨེ་རག ཇོར་ལྡན། མོ་རོ་ཁོ། ཨོ་མན། ད་དུང་ས་ཆ་གཞན་བཅས་སུ་ངོ་རྒོལ་བྱུང་བ་དེ་དག་ནི་རང་རང་གི་ལས་འགུལ་སྒྲུབ་རྒྱུ་ལྷག་ཡོད་པ་རེད།
ཆབ་བྲག་ཕོ་ཉ།
ཁ་སང། དཔའ་བོ་ཞིག་གིས་རང་ལུས་མཆེད་མེར་བསྒྲོན་དུས།
སྨྲེ་ངག་དང་ཁ་གཡང་གིས་རྡོ་ལ་རྡར་ལ་གཡོ་འགུལ་དང་པོ་བསླངས།
རྡ་རམ་ས་ལའི་ངོས་ན་དྲན་པ་འཐོར་མཁན་ཅི་འདྲ་མང།
སེར་སྐྱ་སྟོང་ཕྲག་དུ་མའི་མྱ་ངན་དང་གསོལ་འདེབས་ཁྲོད་དུ།
ཁ་བཏགས་དཀར་པོའི་ཁ་བའི་མེ་ཏོག་ནང་དུ།
གངས་སེང་གི་རྒྱལ་དར་སྐུ་ཕུང་ལ་བཀླུབས་ནས།
དག་ཞིང་གང་ཞིག་ཏུ་ཕེབས་མཁན་དེ་སུ་ཡིན་ནམ།
ཁོང་ནི་བདག་ཅག་སྐྱ་བོ་རྣམས་ཀྱི་ཞི་རྒོལ་གྱི་དཔའ་རྒོད་གཅིག་པུ་སྟེ།
དཔའ་བོ་ཐུབ་བསྟན་དངོས་གྲུབ་མཆོག་གོ
གཡུ་དྲུག་དཀར། རྡ་ས།
འདི་དང་གན་ཞེས་གླེང་གླེང་བའི་རྔ་བ། དོན་ངོ་མར་ཁྱོད་ཀྱི་ས་ནག་པོའི་ཐོག་ན། རི་མཐོན་པོའི་རྩེ་རུ། ཆུ་གཙང་བོའི་གཞུང་དུ། ཤ་རུས་པའི་གསེང་ན་ཅི་ཞིག་གི་གཏེར་རི་མཐོན་པོ་ཞིག་གི་འགྲེང་གཟུགས་མཐོ་རུ་འཕར་ཡོད་ཨང་། དུས་ད་ལྟ་སྙིང་སྟོབས་ཀྱིས་འབར་གྱིན་རང་ལུས་སྲེག་པར་ཐོགས་པ་མི་མངའ་ཞིང་། མེ་དཔུང་ལིང་ལིང་པའི་ཁྲོད་དུ་རང་སྲོག་འདོར་བར་ཐེ་མི་ཚོམ་པའི་མི་བུ་ཆུང་ཆུང་ཚོའི་དཔའ་གདེང་གིས་ནི། གནའ་སྔ་མོའི་ངའི་སེམས་ནང་གི་རྔ་བའང་མེ་རུ་བཏབས་སོང་།
བོད། ལྷ་ཀླུ་གཉན་གསུམ།
ཉི་མ་འདི་དག གོ་ན་མི་འདོད་པའི་གཏམ་དག་ནི་མྱ་ངན་གྱི་རོལ་དབྱངས་ཤིག་རེད། དེ་ནི་བོད་ནས་མཆེད་དེ་འོང་བའི་གཅིག་རྗེས་གཅིག་མཐུད་དུ་འོང་བའི་མི་རིགས་ཤིག་གི་གསོན་གནས་ཆེད་དུ་འབར་བཞིན་པའི་དུས་རབས་ཉེར་གཅིག་པའི་ནང་གི་བོད་མི་རིགས་ཀྱི་ལོ་རྒྱུས་ཀྱི་ཀྱོག་མཚམས་གལ་ཆེན་ཞིག་གི་མེ་ལྕེ་དག་གཞོན་སྐྱེས་ཤ་སྟག་གི་ལུས་པོ་ནས་མཆེད་དེ་འོང་བའི་འཛམ་གླིང་ཟླུམ་པོ་འདིའི་སྟེང་གི་མི་སེམས་ཡོད་སུ་ཞིག་གི་གོ་ན་ཡིད་སྐྱོ་བའི་གནས་ཤིག་ལོས་ཡིན། ལྷག་དོན་དུ་བོད་ཀྱི་རིགས་སུ་སྐྱེ་བ་བླངས་པའི་བོད་མི་སྐྱ་སེར་སུ་ཞིག་གི་རྣ་བར་ཡིད་སྐྱོའི་གནས་ཚུལ་འདི་དག་གཅིག་རྗེས་གཉིས་མཐུད་དུ་སླེབས་དུས། ང་དང་འདྲ་བར་བསམ་རྒྱུ་དྲན་རྒྱུ་མེད་པར་གྱུར་ནས། ད་ནི་དུས་ཚོད་གང་ཞིག་ལ་སླེབས་ཡོད་དམ་སྙམ་ནས་རང་གིས་རང་ལ་དྲི་བ་འདོན་པའི་དུས་ཀྱང་ཤར་ངེས་ཡིན།
འདྲེ་མགོ་རྡོ།
ལོ་ན་གཞོན་པའི་སྐུ་ཞབས་བློ་བཟང་སེང་གེས་རྩ་དོན་གསུམ་གྱི་དམ་བཅའ་འབུམ་བརྩེགས་སུ་བགྲང་ནས་དེ་རིང་གི་ཉིན་མོར་བསླེབས་པ་ན། རྒྱ་ནག་གི་ཨའོ་པཱ་མར་བོད་ནང་རང་ལུས་མེར་བསྲེགས་ཀྱིས་བདེན་དོན་ཆབ་སྲིད་ཀྱི་ཚོང་རྭ་ཆེན་པོ་ཞིག་བསྐྲུན་ཞིང་། བོད་མཐའ་མཚམས་མདོ་སྨད་རྔ་བའི་ཡུལ་གྲུ་ཀུན་ཏུ་སྐྱ་སེར་རིས་མེད་ཀྱིས་རང་ལུས་ནི་བོད་བསྟན་སྲིད་ཀྱི་ཆེད་དུ་བསྲེགས་ཆོག་ཆོག་ཡིན་པའི་རྒྱལ་སྲས་སེམས་དཔའི་སྙིང་སྟོབས་ལག་ཏུ་བླངས་པ་ན། འུ་ཅག་གི་ཤོག་བུའི་སེང་གེ་མཆོག་གིས་ལན་གཉིས་ལ་ཨིན་ཡིག་འཕྲིན་ཐུང་གཉིས་གྱ་ཚོམ་གྱིས་རྒྱལ་སྤྱིར་བསྒྲགས་ཤིང་། རང་གི་ཆབ་སྲིད་ཀྱི་ནང་ཁོག་རྣམས་ལས་སླ་བོའི་ངང་བློ་མཐུན་ཧུའུ་ཅིན་ཐའོ་འཁོར་དང་བཅས་པའི་མདུན་དུ་རིན་མེད་དུ་བཤམས།
ཕུན་ཚོགས
༆།།མ་ཅིག་ལབ་ཀྱི་སྒྲོན་མ་ནི་སྤྱི་ལོའི་དུས་རབས་བཅུ་གཅིག་པའི་དུས་དཀྱིལ་ནས་དུས་རབས་བཅུ་གཉིས་པའི་དུས་དཀྱིལ་བར་ཙམ་དུ་འཚོ་ཞིང་བཞེས་པའི་བོད་རིགས་བུད་མེད་རིག་པའི་གནས་ཆེན་སྤྱི་དང་བྱེ་བྲག་ནང་དོན་རིག་པར་མཐར་ཕྱིན་པའི་ཤེས་རབ་ཅན་ཁྱད་དུ་འཕགས་པ་ཞིག་ཡིན།གང་དེ་སྐུ་བལྟམས་པའི་ལོ་ཚིགས་དང་སྐུ་བར་གཤེགས་པའི་པའི་ལོ་ཚིགས་ཐད་སྔོན་བྱོན་ལོ་རྒྱུས་སྨྲ་བ་དག་གི་བར་བཞེད་ཚུལ་མིན་བྱུང་ཡང་འདིར་གཙོ་མ་ཆེ།མ་གཅིག་ལབ་སྒྲོན་འདི་ཉིད་དགུང་ལོ་བཅུ་གསུམ་གྱི་དུས་སུ་ཡུམ་འདས་པ་དང་།དགུང་ལོ་བཅུ་དྲུག་གི་དུས་སུ་ཡབ་འདས་པ། དགུང་ལོ་ཉི་ཤུའི་དུས་སུ་ཨ་ལྕེ་སྟོན་མཚོ་རིན་ཆེན་འབུམ་ཡང་སྐུ་ཚེ་མ་ཟིན་པ་སོགས་གོད་ཆག་ཆེན་པོ་གཅིག་ཐོག་ཉིས་བརྩེགས་ཀྱིས་སྐུ་ངལ་ཧ་ཅང་ཆེན་པོ་བྱུང་ན་ཡང་།མ་གཅིག་གིས་ཡི་གེ་འབྲི་ཀློག་སོགས་རིག་གནས་ལ་སྦྱང་བརྩོན་མཛད་རྒྱུར་ཕྱིར་བཤོལ་ནེབ་ནུར་མཛད་མེད་ལ།ཐུགས་རྣོ་བ་དང་ཀློག་ལ་མཁས་པས་གཞོན་ནུ་མའི་དུས་སུ་གྲྭ་པ་མངོན་ཤེས་ཅན་ཞེས་བྱ་བའི་དྲུང་དུ་ཤེས་རབ་ཀྱི་ཕ་རོལ་དུ་ཕྱིན་པ་བརྒྱད་སྟོང་པ་ཀློག་མཁན་ཡུན་རིང་མཛད་ཅིང་།
ཕྱི་ལོ་ ༢༠༡༡ ཟླ་ ༡༠ ཚེས་ ༡༧ ཉིན་གྱི་བོད་ནང་གི་ཉིན་གུང་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་བོད་ཨ་མདོ་རྔ་པ་རྫོང་བྱ་སྐོར་མའི་ཉི་ཚེ་ཚང་གི་མ་མའི་བཙུན་དགོན་གྱི་བཙུན་མ་བསྟན་འཛིན་དབང་མོ། རང་ལོ་༢༠ ཡས་མས་ཤིག་དང་། ཕ་མིང་ལ་ཉི་ཚེ་ཡིན་པ་ཁོང་མོས་རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་གྱི་ཞོལ་གྱི་བསུ་མདོའི་ཟམ་ཁ་ནས་༸གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས་ཞེས་སྐད་འབོད་བྱེད་བཞིན་རང་ལུས་མེར་སྲེག་བཏང་ནས་རྒྱ་ནག་གཞུང་ལ་ངོ་རྒོལ་གནང་ཡོད་འདུག་ལ། ཁོང་མོ་དུས་ཡུན་སྐར་མ་བདུན་བརྒྱད་ཅིག་གི་རིང་གོམ་བགྲོད་བྱས་ནས་སོང་ཡོད་པ་དང་། ས་གནས་སུ་ཉེན་རྟོག་པ་སོགས་དུས་ལྟར་འབྱོར་མེད་སྟབས་ཁོང་མོའི་ཕུང་པོ་མ་མའི་བཙུན་དགོན་གྱི་བཙུན་མ་རྣམས་ཀྱིས་ཡར་ཁྱེར་ཡོད་འདུག གནས་ཚུལ་ཡོང་ཁུངས་ནས་བརྗོད་པ་ལྟར་ན། ཁོང་མོ་དུས་ཐོག་དེ་རང་ལ་གྲོངས་ཡོད་ཀྱང་། ཕུང་པོ་རྒྱ་གཞུང་ལ་སྤྲོད་ཀྱི་མིན་ཟེར་ནས་བཙུན་མ་ཚོས་སྲུང་བྱ་བྱས་ཡོད་ཀྱང་རྒྱ་གཞུང་ལ་བརྩིས་སྤྲོད་དགོས་པ་ལས་གལ་སྲིད་མ་སྤྲད་ན། དོ་དགོང་མཚན་རང་ལ་ས་འོག་ཏུ་སྦས་དགོས་ཚུལ་བརྗོད་ཀྱིན་ཡོད་འདུག་པས་རྗེས་ཀྱི་གནས་ཚུལ་ཤེས་རྟོགས་མ་ཐུབ། གནས་ཚུལ་དེ་བྱུང་ནས་ཅུང་མ་འགོར་བར་དམག་མི་དང་ཉེན་རྟོག་པ་སོགས་འབྱོར་ནས་མ་མའི་བཙུན་དགོན་དང་ས་གནས་ཀྱི་གྲོང་སྡེ་ཁག་ཡོངས་རྫོགས་བཀག་སྡོམ་ནན་མོ་བྱས་ཡོད་འདུག
གནས་ཚུལ་མཁོ་གཏོང་བ་རིག་འཛིན། ཨོ་སི་ཀྲི་ལེ་ཡའི་གྲོང་ཁྱེར་མལ་སྦོན་ནང་གི་བོད་རིགས་ཚོགས་པའི་གོ་སྒྲིག་འོག་སྤྱི་ཚེས་༡༤དང་༡༥ཉིན་གྱི་དགོང་མོ་ཆུ་ཚོད་དྲུག་པ་ནས་ཆུ་ཚོད་བརྒྱད་པ་བར་གྲོང་ཁྱེར་མལ་སྦོན་གྱི་མི་མང་འདུས་འཛོམས་སྟེ་གནས་ཡོད་སར་མར་མེའི་ཁྲོམ་སྐོར་ཞིག་གནང་ཡོད། ས་གནས་བོད་རིགས་མི་མང་དང་བོད་དོན་རྒྱབ་སྐྱོར་བ་ཁྱོན་མི་གྲངས་བཞི་བཅུ་ལྷག་ཙམ་ཞིག་གིས་ལག་ཏུ་བོད་ཀྱི་རྒྱལ་དར་དང་འཕྲེད་འདྲ་མིན་བཟུང་སྟེ།དེ་བཞིན་ད་ལྟའི་བོད་ནང་གི་ཛ་དྲག་གི་གནས་སྟངས་ག་འདྲ་ཆགས་ཡོད་མེད་ཀྱི་ཡིག་ཆ་འགྲེམས་སྤེལ་གནང་ཡོད། འདི་ག་བོད་རིགས་ཚོགས་པའི་ལས་འགུལ་དེའི་དགོས་དམིགས་གཙོ་བོ་ནི་ཉེ་བའི་ཆར་བོད ་མི་རིགས་དང་བོད་རྒྱལ་ཁབ་ཆེད་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་མདོ་ཁམས་རྟའུ་ཉ་མཚོ་དགོན་གྱི་གྲྭ་ཚེ་དབང་ནོར་བུ་ལགས་དང་མདོ་སྨད་ཀི་རྟི་དགོན་གྱི་གྲྭ་ཕུན་ཚོགས་ལགས་སོགས་པའི་རྒྱལ་གཅེས་དཔའ་བོ་རྣམས་པ་དང་ཤུལ་ལུས་ཕ་མ་ཉི་དུ་བཅས་པར་གདུང་སེམས་མཉམ་བསྐྱེད་མཚོན་ཆེད་ཡིན་འདུག་ལགས། འཇུག་མཐར་ལས་འགུལ་བ་རྣམས་པས་མགྲིན་དབྱངས་གཅིག་ཏུ་ཚད་མེད་ཡོན་ཏན་དང་རྒྱལ་གཅེས་དཔའ་བོ་ཁོང་རྣམས་པའི་ཆེད་དུ་བསྔོ་སྨོན་གསོལ་འདེབས་བཅས་གནང་ཡོད།