ཕྱི་ ལོ་ ༢༠༡༡ ཟླ་ ༦ ཚེས་ ༢༤ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག འདི་ལོའི་ཕྱི་ཟླ་ ༣ ཚེས་ ༡༦ ཉིན་རྔ་པ་ཀིརྟི་དགོན་པའི་གྲྭ་བློ་བཟང་ ཕུན་ཚོགས་མཆོག་གིས་རང་སྲོག་བློས་བཏང་ནས་ད་ལྟའི་བོད་ནང་གི་དངོས་ཡོད་གནས་ཚུལ་ རྒྱལ་སྤྱིའི་ཐོག་གསལ་འདོན་བྱས་ཡོད་ལ། སྐབས་དེར་རྔ་པ་རྫོང་མཁར་དུ་ཡོད་པའི་མི་མང་གིས་ཀྱང་རང་ཉིད་ཀྱི་མངོན་འདོད་གསལ་བརྗོད་བྱས་ཤིང་། ད་ལྟའི་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་ལ་འདོད་པ་ མེད་པའི་ངོ་རྒོལ་སྐད་འབོད་བྱས་ཡོད། རྐྱེན་དེ་ལ་བརྟེན་ནས་ཕྱི་ཟླ་ ༣ ཚེས་ ༢༠ ཡས་མས་སུ་རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་བར་མ་ཚང་གི་དཔལ་ འབྱོར། རང་ལོ་ ༣༨ ཡིན་པ་ཁོང་འཛིན་བཟུང་གིས་བཀག་ཉར་བྱས་ཡོད་ལ། ཁོང་གསུམ་པའི་བཅུ་དྲུག་གི་མི་མང་ཡར་ལངས་སྐབས་མཉམ་ཞུགས་བྱས་པའི་དོགས་གཞིའི་འོག་བཟུང་བ་ཞིག་ཡིན་འདུག ཁོང་གི་ཕ་མིང་ལ་རྒྱ་མཚོ་ཞུ་བ་སྔ་མོ་ནས་འདས་ཟིན། མ་མིང་ལ་སྒྲོན་མཚོ་ཞུ་བ་སྙིང་གི་ན་ཚ་ཡོད་སྟབས་ཁོང་འཛིན་བཟུང་བྱས་ནས་ཟླ་བ་གསུམ་ལྷག་སོང་རིང་ཁོང་འཛིན་བཟུང་བྱས་པའི་སྐོར་གསང་བ་བྱས་ཏེ་ཤེས་སུ་བཅུག་མེད་འདུག ཁོང་གི་ཁྱིམ་དུ་གཟའ་ཟླ་དང་བུ་ཕྲུག་གཉིས་བཅས་ནང་མི་གསུམ་ཡོད།
ཉི་མས་ཟླ་བ་བཞུ་སྟངས་ཤིག—རྣལ་འབྱོར་བའི་ཆོས་ལུགས།
ཀླུ་སྨྱོན་ཧེ་རུ་ཀ
བདག་གི་ལྷ་ཁང་གི་རྩིགས་ལྡེབས་སུ་ལོ་ངོ་ཁྲི་ཕྲག་གི་རིང་ཆགས་པས་དྲག་ཏུ་གཟིར་བའི་ལྷ་དང་ལྷ་མོའི་ཚོགས་དག་ཀྱེ།
ད་ནི་གཅིག་གིས་གཅིག་ལ་ཅེར་ནས་མ་འདུག་པར་བྲང་ཤ་རྩུབ་པོ་དང་མྱོས་བུམ་འཇམ་པོ་དག་ཅི་དགར་གཙུབ་བརྡར་བྱོས་ཤིག
དོམ་ནག་སྨྱོན་པ་དང་ས་འབུ་ཐག་ནར་ལ་ཞོན་པའི་ཡི་དམ་ཞི་ཁྲོའི་དཀྱིལ་འཁོར་གྱི་ལྷ་ཚོགས་ཀྱེ།
རྩ་དབུ་མའི་ནང་དུ་འདོད་དགུར་འཁྱིལ་བའི་ཁུ་ཁྲག་དཀར་དམར་གྱི་རྒྱ་མཚོའི་རྦ་རླབས་ཀྱི་ཕྲེང་བ་དག
ཕན་ཚུན་གྱི་སྙིང་རྩ་དང་ཀླད་རྩའི་ནང་དུ་འཁོར་རྒྱུག་རྒྱ་ཡན་དང་བག་མེད་པར་བྱེད་དུ་ཆུགས་ཡ།
དེ་ལས་མང་བ་། “ཉི་མས་ཟླ་བ་བཞུ་སྟངས་ཤིག—རྣལ་འབྱོར་བའི་ཆོས་ལུགས།” »
ཆོས་པས་མི་ཆོས་གསུང་བ།
སེར་ཤུལ་རིན་ཆེན་དོན་གྲུབ
དགེ་བའི་བཤེས་གཉེན་གྱི་མཆོག་མཚང་ལ་རྒོལ་བ་ཡིན།
བཙུན་པའི་མཆོག་སེམས་རྒྱུད་ཐུལ་བ་ཡིན།
གདམས་ངག་གི་མཆོག་རྟག་ཏུ་རང་སེམས་ལ་བལྟ་བ་ཡིན།
དཔལ་མཉམ་མེད་ཇོ་བོ་རྗེས།
དུས་རབས་ཀྱི་རླུང་བུ་དལ་བུར་ལྡིང་པ་དང་དུས་མཚུངས་མི་རྣམས་ཀྱི་སེམས་ཀྱི་ཞིང་སར་འཕོས་པའི་དཔྱོད་ཤེས་དང་ལྟ་ཚུལ་ཡང་རླུང་བུ་དེའི་འཚུབ་ཆ་དང་བསྟུན་ནས་གཡོ་ཞིང་རྒྱུ། བསམ་བློ་མི་འདྲ་བ་དང་དཔྱོད་ཤེས་མི་འདྲ་བ་དེ་ནི་འགྲོ་བ་མིའི་ལྷན་སྐྱེས་རང་བྱུང་གི་ཆོས་ཉིད་ཅིག་ཡིན་ཞིང་ཁྱད་པར་དེས་རྙོག་འཛིང་ཅན་གྱི་ལྟ་གྲུབ་མི་འདྲ་བ་ཁག་དང་དབྱེ་ཞིབ་ཀྱིས་ཐག་གཅོད་དཀའ་བའི་གནས་ལུགས་ཇི་སྙེད་ཅིག་གི་ས་བོན་ཡང་འཇིག་རྟེན་གྱི་ཞིང་སར་བཏབ། འདི་དག་གི་སྐབས་སུ་ཆོས་ལུགས་དང་། རྫུ་འཕྲུལ། ཐར་བ། སངས་རྒྱས་ཀྱི་གོ་འཕང་། བདེ་བ་ཅན་སོགས་ལྐོག་གྱུར་རང་བཞིན་དང་ཕྲ་བའི་རྟོག་ཡུལ་དག་ལ་ཡིད་ཆེས་དང་བློ་གྲོས་ཀྱི་འཇུག་པ་ཇེ་ཉུང་ནས་ཇེ་ཉུང་དུ་གྱུར་ཅིང་དངོས་གཙོ་དང་དངོས་མཐོང་སྨྲ་བའི་ལྟ་ཚུལ་གྱི་ཁྱབ་རྒྱ་ཇེ་ཆེ་ནས་ཇེ་ཆེར་གྱུར།
གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།
བོད། ལྷ་ཀླུ་གཉན་གསུམ།
ཉེར་ལྔ།
མི་ཟེར་བ་ནི་འཚོ་བའི་ཆེད་དུ་འདུར་བཞིན་ཡོད་དམ། ཡང་ན། བདེ་སྐྱིད་ཀྱི་ཆེད་དུ་འདུར་བཞིན་ཡོད། དེ་མིན་གཞན་ཞིག་འཚོལ་གྱི་ཡོད་མེད་གང་ཡིན་བཤད་དཀའ་མོད། ཉིན་ལྟར་ལས་ཀ་འགྲོ་དགོས་པ་ནི། གང་དུ་བསྡོད་མིན་ལ་མ་བལྟས་པར། མི་ཞིག་གི་འཚོ་གནས་ཀྱི་ཁྲོད་དུ་བསྡོད་དགོས་དུས། ལས་ཀ་ཡག་སྡུག་ཟེར་བ་མེད་པར། རང་རང་གིས་གང་ཤེས་པ་དང་གང་འཇོན་པ་དེ་བྱེད་དགོས་པ་ཡིན་པ་དེ་ནི་མིའི་འཚོ་སྟངས་ཤིག་ཆགས་ཡོད་པ་ཡིན། དེ་ཡིན་དུས་རང་ཉིད་དུས་རྒྱུན་ལྟར་ལས་ཀ་ན་བྲེལ་བྲེལ་ཚབ་ཚབ་ཀྱིས་འདུར་བཞིན་པའི་སྐབས་སུ། ཁ་པར་གྱི་སྒྲ་དབྱངས་སྙན་མོ་ཞིག་རང་གི་ཨམ་ཕྲག་ནས་གྲགས་ནས་འོང་།
ཅུང་ཙམ་སྒུག་རོགས།
ལྡོང་ཆུ་ཤེལ། (ལྡོང་ངེ་བསྟན་འཛིན་གྲགས་པ།)
ཐེངས་འདིའི་སྟོན་རླུང་གིས་བཀྱགས་པའི་ཁྲུང་ཁྲུང་གི་གཤོག་རླབས་དཀར་པོ་ལ།
ཁྱོད་ཀྱི་མིག་མཐའ་ནས་ཞུ་མ་ཐུབ་པའི་མུ་ཏིག་རྡོག་པོ་རེ་རེས།
འོད་མདངས་ཟབ་མོའི་འགྲེལ་བབཤད་རེ་རེ་ཁུར་ཏེ།
གངས་རིའི་ཉིན་སྲིབ་ཏུ་ཤུགས་ཀྱིས་འཕྱོ།
མཚོ་མོ་གཞན་ཞིག་གི་གནས་ཚང་ལ་ཤུགས་རིང་འབྱིན་པའི་ངང་བ་ལགས།
ཁྱོད་ཀྱིས་ཅུང་ཙམ་སྒུག་རོགས།
སྙན་ངག་པས། ཁྱོད་དང་རྒྱང་རིང་དུ་ལྷུང་བའི་སྐར་མདའི་རྗེས་ལ།
ཆེས་རྣོ་བའི་མིག་ཟུང་གི་གོམ་འགྲོས་འཁྱོར་བཞིན།
ཆུ་རྒྱུན་དུ་བསྲིངས་པའི་མཛའ་གཞས་དྭངས་མོ་ཞིག་གི་སྣེ་མོར།
འཕག་འཚག་རྒྱག་པའང་ཁྱོད་ཚོའི་ཆེད།
༄༅། །མི་༧རྗེ་བཀའ་བློན་ཁྲི་བ་མཆོག་ལ་བསྟོད་པ་ངོ་མཚར་བརྒྱ་ལྡན་ཞེས་བྱ་བ་བཞུགས་སོ།
ཐེ་བོ་དཀོན་མཆོག་ཤེས་རབ་ཀྱིས།
ན་མོ་གུ་རུ་མཉྫུ་གྷོ་ཥ་ཡ།
༧རྒྱལ་གསུང་ཡིད་བཞིན་མཚོ་ལས་འཁྲུངས། །
བག་ཡོད་འདབ་བརྒྱ་ཕྱོགས་སུ་གྲོལ། །
ལུགས་གཉིས་གཙུག་ལག་དྲི་བསུང་ཅན།།
དཔལ་ལྡན་ཟམ་གདོང་ཆུ་སྐྱེས་རྒྱལ།
།སྡོམ་གསུམ་ཚུལ་ཁྲིམས་གོས་ཀྱིས་བཀླུབས། །
འཚེ་མེད་ཞི་བའི་སྤྱོད་པས་མཛེས། །
བདེན་དོན་ལྟ་བའི་གདེང་དང་ལྡན། །
ལུགས་གཉིས་མདུན་སའི་རྒྱན་དུ་ཆེ། །
རྣམ་པ་ཀུན་ཏུ་ཁྱོད་ཀྱི་ཐུགས། །
སྙིང་རྗེའི་གཞན་དབང་གྱུར་པ་ཡིས། །
ཤིན་ཏུ་ཉམ་ཐག་གངས་ཅན་པ། །
སྐྱོང་ལ་ཁྱོད་ཉིད་ངལ་མ་གྱུར། །
དེ་ལས་མང་བ་། “༄༅། །མི་༧རྗེ་བཀའ་བློན་ཁྲི་བ་མཆོག་ལ་བསྟོད་པ་ངོ་མཚར་བརྒྱ་ལྡན་ཞེས་བྱ་བ་བཞུགས་སོ།” »
གསར་འགོད་མཐུན་ཚོགས་ནང་མཉམ་ཞུགས་བྱ་དགོས་ཀྱི་འདུག
ཨ་རིག་འགྱུར་མེད།
གསར་འགྱུར་སྙིང་བསྡུས།
ཟླ་འདིའི་ཕྱི་ཚེས་ ༡༥ ཉིན་བོད་ཀྱི་གསར་འགོད་མཐུན་ཚོགས་ཀྱི་ཚོགས་ཆེན་ཐེངས་དྲུག་པ་དེ་ཉིད། ངྷ་སའི་ཉེ་འཁོར་གྱི་ས་གནས་པ་ལམ་པུར་གྱི་ནེའུ་གྷལ་སྤྱི་གླིང་དུ་ (Neugal Park) སྐོང་འཚོག་གནང་སྟེ། ཚོགས་ཆེན་སྟེང་སྐབས་དྲུག་པའི་རྒྱུན་ལས་རྣམས་གསར་འདེམས་བྱས་ཡོད་ལ། ཐེངས་འདིར་གསར་དུ་བདམས་ཐོན་བྱུང་བའི་རྒྱུན་ལས་རྣམས་ནི།
ཨ་རིའི་རླུང་འཕྲིན་ཁང་གི་གསར་འགོད་པ་ལྷག་པ་སྐྱིད་འཛོམས། ༼ ཚོགས་གཙོ། ༽
ནོར་ཝེ་བོད་ཀྱི་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གསར་འགོད་པ་མགུར་འབུམ་རྒྱལ། ༼ ཚོགས་གཞོན། ༽
བོད་ཀྱི་ཆ་འཕྲིན་དྲ་བའི་རྩོམ་སྒྲིག་པ་ཡེ་ཤེས་ཆོས་བཟང་། ༼ དྲུང་ཆེ། ༽
ཨེ་ཤ་ཡ་རང་དབང་རླུང་འཕྲིན་ཁང་གི་ཁམས་སྐད་སྡེ་ཚན་གྱི་གསར་འགོད་པ་བསྟན་འཛིན་དབང་རྒྱལ། ༼ རྩིས་པ། ༽
བོད་ཀྱི་དུས་བབ་གསར་ཁང་གི་གསར་འགོད་པ་དོན་གོ ༼ འབྲེལ་མཐུད་པ། ༽ བཅས་ཡིན་འདུག
བཅར་འདྲི།
དྲི་བ། ཐོག་མར་ཁྱེད་རང་ངོ་སྤྲོད་ཐུང་ངུ་ཞིག་གནང་རོགས།
ལན། ངའི་མིང་ལ་ལྷག་པ་སྐྱིད་འཛོམས་ཟེར་གྱིན་ཡོད། འཛིན་རིམ་བཅུ་གཉིས་བར་དུ་ངྷ་སྟེང་བོད་ཁྱིམ་དུ་ཕྱིན་པ་དང་། མ་ངྷ་རཱ་སི་ཡི་ཤུའི་མཐོ་སློབ་ནས་མཐོ་རིམ་སློབ་སྦྱོང་བྱས་པ་ཡིན། ༢༠༠༧ ལོར་ཇི་ནེ་ (Chennai) ནས་གསར་འགྱུར་རིག་པའི་ཐོག་ M.A གཙུག་ལག་རབ་འབྱམས་པ་ཐོན་པ་ཡིན། ལོ་དེའི་ཕྱི་ཟླ་ ༡༠ ནང་འཚེ་མེད་ཞི་བའི་ལྟ་གྲུབ་སྦྱོང་བརྡར་ལྟེ་གནས་ཁང་དུ་ལས་ཀ་བྱེད་མགོ་བརྩམས་པར་མ་ཟད། འཚེ་མེད་ཞི་བའི་ལྟ་གྲུབ་སྦྱོང་བརྡར་ལྟེ་གནས་ཁང་ཐོག་མར་འཛུགས་མཁན་གྱི་གྲས་དང་།
དེ་ལས་མང་བ་། “གསར་འགོད་མཐུན་ཚོགས་ནང་མཉམ་ཞུགས་བྱ་དགོས་ཀྱི་འདུག” »
ང་ཚོ་ནི་རླབས་ཆེན་གྱི་མ་ཡུམ་དག་ཡིན།
འཆི་མེད།
༼ན་ཆུང་བུད་མེད་རྣམས་ལ་གླེང་མོལ་དུ།༽
མ་ཡུམ བྱམས་སྙིང་རྗེ་དང་ལས་དྲང་བདེན་གྱི་དེ་ཉིད
མ་ཡུམ དཀྱེལ་ཡངས་དང་ལྷག་བསམ་གྱི་མིང་གཞན
མ་ཡུམ ་་་་་་་
མ་ཡུམ གནམ་འོག་ན་གསེར་འོད་ལམ་ལམ་འཕྲོ་ཞིང༌། ཆེས་གཟི་བརྗིད་ཀྱིས་འཕགས་པའི་ཐ་སྙད་དེ་ལགས།
གྲོགས་མོ་རྣམ་པ། ང་ཚོ་ནི་རླབས་ཆེན་གྱི་མ་ཡུམ་དག་ཡིན་པ་སུས་ཀྱང་བསྙོན་དུ་མེད་པས་ན། ནམ་ཡང་ང་རྒྱལ་དང་གཟི་བརྗིད་ཀྱིས་འཚོས་ཆོག་ཆོག་ཡིན། ཡིན་ནའང༌། ང་ཚོས་དོན་དམ་མ་ཡུམ་ཞེས་པའི་ཐ་སྙད་འདིར་འགན་ཁུར་ཐུབ་ཀྱི་ཡོད་དམ། ང་ཚོ་ཚང་མ་མིང་དོན་མཚུངས་པའི་མ་ཡུམ་དག་ཏུ་རུང་ངམ་སོགས་ལྡོག་འདྲི་མང་པོ་ཞིག་དང༌། གཞན་ཡང་བུད་མེད་རྣམས་ནི་ཤེས་རབ་ཀྱི་བདག་མོ་ལགས་པས། མཛངས་པའི་ལས་རྣམས་ཕྱི་ནང་གི་དེབ་ཐེར་ཁག་ཏུ་བཀོད་འདུག་པ་དེས་འཐུས་མོད། ང་ཚོས་ནམ་ཡང་འདས་དུས་ཀྱི་ཁོ་མོ་ཚོའི་མཛངས་པའི་མཛད་པ་དག་ད་ལྟའི་རང་ཉིད་ཀྱི་དར་ཆར་བསྒྲེང་ནས་དུས་འདའ་བར་བྱེད་པ་ནི་ཤིན་ཏུ་ནས་མི་རིགས་པས་ན། ངས་ཀྱང་རང་ཉིད་ཀྱི་བསམ་ཚུལ་དག་ཁྱེད་ཅག་ལ་གྲོས་སུ་འདེབ་པར་འདོད་དོ།།
ཀླུ་སྨྱོན་གྱི་རྡ་སར་རྒས་གཉེར་བབས་པའི་རྩོམ་དེའི་མཇུག་མཐུད་དེ་བྲིས།
ལྷོ་ཕྱོགས་ཉི་ཟླ།
མི་རབས་བརྗེ་མཚམས་སུ་རྒས་གཉེར་གྱི་སུལ་ནས་གཉིད་དུ་ཡུར་བའི་གྲོང་ཚོ་ཞིག
—ཁ་བྱང་གི་འགྲེལ་བཤད།
ལོ་ཟླའི་དཀའ་ཚེགས་མང་གང་ཞིག་བརྒྱུད་མཐར།
མི་ལོ་ལྔ་བཅུའི་ཡར་སྔོན་གྱི་ཆེས་གཞོན་ཤ་ཆགས་པའི་རྡ་རམ་ས་ལའི་རི་གྲོང་འདི་ད་ནི་ཡོངས་སུ་རྒས་འདུག་སྟེ།
གོང་ས་མཆོག་གི་མཐོང་གྲོལ་ཞལ་རས་ལ་བགྲེས་གཉེར་བབས་འདུག་པ་འདི་ཡང་གཞན་ཡུལ་ནས་གཞན་དོན་ལ་བསྒྲུབ་རྒྱུ་མང་དྲག་པའི་རྟགས་རེད།
ཟམ་གདོང་བླ་མའི་ངོ་གདོང་སྐྱ་བོ་དེར་ཡང་རྒས་གཉེར་བབས་པ་འདི་བོད་མི་རིགས་ཀྱི་དོན་དུ་སྐུ་ངལ་བསྐྱལ་བས་རྟགས་རེད།
བཀའ་ཤག་ལས་ཁུངས་ཀྱི་ནང་ལ་འཛུལ་སའི་རྡོ་སྐས་ཟད་པོ་དེར་རྒས་གཉེར་བབས་འདུག་འདི་ཡང་སྤྱི་དོན་དུ་ཡར་མར་དུ་ཕེབས་རྒྱུ་མང་དྲག་པའི་རྟགས་རེད།
དེ་ལས་མང་བ་། “ཀླུ་སྨྱོན་གྱི་རྡ་སར་རྒས་གཉེར་བབས་པའི་རྩོམ་དེའི་མཇུག་མཐུད་དེ་བྲིས།” »
བོད་ཀྱི་སྐྱེས་མའི་དུངས་བརྗོད་སྙན་ངག་པ་འཆི་མེད་ལགས་ལ་བཅར་འདྲི་ཞུས་པའི་ཟིན་ཐོ།
བཅར་འདྲི་མཁན། སྨྲེང་བུ།
དྲི་བ། འཆི་མེད་ལགས། ཁྱེད་རང་སྙན་ངག་གསར་རྩོམ་གྱི་ལམ་དུ་གོམ་ཁ་བསྒྱུར་འགོ་ཚུགས་པའི་དུས་སྐབས་ནི་ནམ་ཡིན།
ལན། དུས་རབས་སྔ་མའི་ལོ་རབས་བརྒྱད་ཅུ་བ་དང་དགུ་ཅུ་བའི་ནང་སྔར་བྱུང་མ་མྱོང་བའི་གསར་རྩོམ་གྱི་རྣམ་པ་ཞིག་གིས་བོད་ཀྱི་རྩོམ་སྟེགས་ཧྲིལ་བོ་སྐྱོམ་པར་བྱས་ཤིང༌། དེ་དང་དུས་མཉམ་དུ་བོད་རང་གི་སྐད་དང་ཡི་གེ་ལ་བརྟེན་ནས་བསམ་བློ་གསར་བ་དང་དངོས་ཡོད་འཚོ་བ། དུས་རབས་ཀྱི་རེ་སྙེག་དང་སྙིང་སྟོབས་མངོན་པར་མཚོན་པའི་བརྩམས་ཆོས་མང་དུ་བྱུང་བ་དེས་བོད་ཀྱི་རྩོམ་རིག་གོང་དུ་སྤེལ་བར་ཚད་ངེས་ཅན་ཞིག་གི་སྟེང་ནས་བྱས་རྗེས་མི་དམན་པ་ཞིག་བཞག་ཡོད་ངེས་རེད་ལ། དེ་བཞིན་དུ་ང་ལ་མཚོན་ནའང་དུས་རབས་དེ་དང་ལོ་རབས་དེའི་ནང་བྱུང་མྱོང་བའི་སྐྱེས་པ་སྙན་ངག་སྨྲ་བ་དག་དང་མཉམ་དུ་འཚར་ལོངས་བྱུང་ཞིང༌། མཉམ་དུ་རྒས་པའི་བུད་མེད་གསར་རྩོམ་ལ་མོས་པ་ཡོད་མཁན་གྱི་མི་རབས་དང་པོའི་གྲས་ཤིག་ཡིན་པའི་ཆ་ནས། སྐབས་དེ་ནི་ང་རང་སྙན་ངག་གསར་རྩོམ་གྱི་ལམ་དུ་གོམ་ཁ་བསྒྱུར་འགོ་ཚུགས་པའི་དུས་སྐབས་སུ་ངོས་འཛིན་བྱས་ཆོག་པར་འདོད། མ་ཟད་ང་ལ་གསར་རྩོམ་གྱི་དཀྱོགས་མཚམས་ཤིག་ངེས་པར་བརྗོད་དགོས་ཟེར་ན། ང་ལ་མཚོན་ན་མངོན་གསལ་གྱི་དཀྱོགས་མཚམས་ཤིག་ངོས་འཛིན་དུ་མེད་ནའང༌། ལོ་ན་གཞོན་དུས་བྲིས་པའི་སྙན་ངག་ཕལ་མོ་ཆེ་ཞིག་ནི་མི་རང་ཉིད་ཀྱི་བརྩེ་དུང་གི་ཐོབ་ཤོར་དང་གྱེས་བྲལ་གྱི་གདུང་བ་སོགས་རང་སྒེར་གྱི་སེམས་འགྱུ་ཕྲ་མོ་དག་བརྗོད་བྱར་བཀོད་པའི་དུངས་བརྗོད་སྙན་ངག་རྐྱང་རྐྱང་ཡིན་ལ། ལོ་དང་ན་ཚོད་ཀྱི་དབང་གིས་ཡིན་ནམ་ཅི། ན་ནིང་དོ་ཚིགས་བྲིས་པའི་སྙན་ངག་རེ་གཉིས་པོའི་བརྗོད་བྱར་འགྱུར་བ་ཐེབས་པ་མངོན་གསལ་རེད་ཅེས་ཀློག་མཁན་མི་ཉུང་བ་ཞིག་གིས་གླེང་གིན་འདུག་པས། ང་ལ་མཚོན་ན་སྙན་ངག་གི་བརྗོད་བྱར་འགྱུར་བ་ཐེབས་པའི་གནས་སྐབས་དེ་ནི་གསར་རྩོམ་གྱི་དཀྱོགས་མཚམས་ཤིག་ལ་ངོས་འཛིན་དགོས་ནི་ཨེ་ཡིན་ནམ་སྙམ།
དེ་ལས་མང་བ་། “བོད་ཀྱི་སྐྱེས་མའི་དུངས་བརྗོད་སྙན་ངག་པ་འཆི་མེད་ལགས་ལ་བཅར་འདྲི་ཞུས་པའི་ཟིན་ཐོ།” »
"སྙན་རྩོམ་གཟི་མིག་དགུ་པ་"དང་དེའི་མཇུག་གི་ཤོག་ལྷེ་སྟོང་པ་དེ་ཚོའི་ངོས་ན།
ང་བལ་ཡུལ་ན་ཡོད་དུས་ཀྱི་ཉིན་ཞིག དཔྱིད་ཀ་ཞིག་ཡིན་ནམ་སྙམ་པའི་ཉིན་ཞིག གཙན་ཆའི་ཚོང་བ་ཞིག་གིས་ང་ལ་ལྷ་ས་ནས་བསྐུར་པའི་དེབ་ཅིག་སྤྲད་བྱུང་། དེ་ནི་སྙན་ངག་པ་གྲགས་ཅན་ལྗང་བུས་ཁོང་གི་”ལྗང་བུའི་ལྷུག་རྩོམ་གཅེས་བཏུས”་ཤིག་ང་ལ་ལེགས་སྐྱེས་སུ་བསྐུར་པ་རེད་འདུག དེབ་དེ་ལག་པར་འབྱོར་བའི་དགའ་སྤྲོ་དང་དེབ་དེས་སྦྱིན་པའི་ཚོར་བ་མག་མོག་གཉིས་ཀ་ལྷན་གཅིག་ཏུ་སྦྲེལ་ཐབས་མེད་པ་དེ་འདིར་རེ་ཞིག་ཟུར་དུ་བསྐྱུར་ནས། དེ་རིང་སང་ཉིན་ཞིག་ལ་ལ་རྩེ་དཔེ་མཛོད་ཁང་དུ་ལྗང་བུ་དང་ཁོང་གི་”སྙན་རྩོམ་གཟི་མིག་དགུ་བ།” ད་དུང་དེ་དབྱིན་སྒྱུར་མཁན་བདེ་སྦྱིན་བཟང་མོ་གསུམ་མཉམ་དུ་འཛོམས་ནས་སྙན་ངག་གི་གསོལ་སྟོན་ཞིག་བཤམ་རྩིས་ཡོད་རབས་འདུག་ཅིང་། དོན་རྐྱེན་གློ་བུར་བ་དེས་བསྐུལ་ལམ་གང་ལྟར་ད་ནངས་ཞོགས་པར་ནུ་བོས་བོད་ནས་བསྐུར་ཡོང་བའི་ལྗང་བུའི་”སྙན་རྩོམ་གཟི་མིག་དགུ་”བ་དེ་དཔེ་སྒྲོམ་ལས་ལག་པར་ཐེབས་སོང་། ཡིན་ན་ཡང་སྐབས་དེར་ངས་”གཟི་མིག་དགུ་པ་”འཚོལ་བཞིན་མེད་པར་སྐྱོགས་སྟོན་ལོ་ཙྰ་པའི་”བརྡ་གསར་རྙིང་གི་རྣམ་གཞག་ལི་ཤིའི་གུར་ཁང་”ཞིག་འཚོལ་བཞིན་ཡོད། རྒྱུ་མཚན་ནི་ངས་”བཀའ་འགྱུར་”ཁྲོད་ཀྱི་”མདོ་སྡེ་ཟ་མ་ཏོག་”གི་ནང་དུ་རྒྱལ་རིགས་རྣམས་ཐམས་ཅད་ཁུ་སྒོ་དང་ལྕགས་ཀྱིས་བཅིངས་ནས་ཞེས་པའི་སྐབས་ཀྱི་ཁུ་སྒོ་ཞེས་པ་དེ་ཐག་པའམ་དངོས་པོ་གཞན་གང་ཞིག་གི་མིང་ཡིན་མ་ཤེས་པར་དག་ཡིག་རང་ཉིད་ལ་ཡོད་ཚད་སྔོག་བཞིན་པའི་སྐབས་ཤིག་ཡིན།
དེ་ལས་མང་བ་། “"སྙན་རྩོམ་གཟི་མིག་དགུ་པ་"དང་དེའི་མཇུག་གི་ཤོག་ལྷེ་སྟོང་པ་དེ་ཚོའི་ངོས་ན།” »
“སྙན་རྩོམ་གཟི་མིག་དགུ་པ་”དང་དེའི་མཇུག་གི་ཤོག་ལྷེ་སྟོང་པ་དེ་ཚོའི་ངོས་ན།
ང་བལ་ཡུལ་ན་ཡོད་དུས་ཀྱི་ཉིན་ཞིག དཔྱིད་ཀ་ཞིག་ཡིན་ནམ་སྙམ་པའི་ཉིན་ཞིག གཙན་ཆའི་ཚོང་བ་ཞིག་གིས་ང་ལ་ལྷ་ས་ནས་བསྐུར་པའི་དེབ་ཅིག་སྤྲད་བྱུང་། དེ་ནི་སྙན་ངག་པ་གྲགས་ཅན་ལྗང་བུས་ཁོང་གི་”ལྗང་བུའི་ལྷུག་རྩོམ་གཅེས་བཏུས”་ཤིག་ང་ལ་ལེགས་སྐྱེས་སུ་བསྐུར་པ་རེད་འདུག དེབ་དེ་ལག་པར་འབྱོར་བའི་དགའ་སྤྲོ་དང་དེབ་དེས་སྦྱིན་པའི་ཚོར་བ་མག་མོག་གཉིས་ཀ་ལྷན་གཅིག་ཏུ་སྦྲེལ་ཐབས་མེད་པ་དེ་འདིར་རེ་ཞིག་ཟུར་དུ་བསྐྱུར་ནས། དེ་རིང་སང་ཉིན་ཞིག་ལ་ལ་རྩེ་དཔེ་མཛོད་ཁང་དུ་ལྗང་བུ་དང་ཁོང་གི་”སྙན་རྩོམ་གཟི་མིག་དགུ་བ།” ད་དུང་དེ་དབྱིན་སྒྱུར་མཁན་བདེ་སྦྱིན་བཟང་མོ་གསུམ་མཉམ་དུ་འཛོམས་ནས་སྙན་ངག་གི་གསོལ་སྟོན་ཞིག་བཤམ་རྩིས་ཡོད་རབས་འདུག་ཅིང་། དོན་རྐྱེན་གློ་བུར་བ་དེས་བསྐུལ་ལམ་གང་ལྟར་ད་ནངས་ཞོགས་པར་ནུ་བོས་བོད་ནས་བསྐུར་ཡོང་བའི་ལྗང་བུའི་”སྙན་རྩོམ་གཟི་མིག་དགུ་”བ་དེ་དཔེ་སྒྲོམ་ལས་ལག་པར་ཐེབས་སོང་། ཡིན་ན་ཡང་སྐབས་དེར་ངས་”གཟི་མིག་དགུ་པ་”འཚོལ་བཞིན་མེད་པར་སྐྱོགས་སྟོན་ལོ་ཙྰ་པའི་”བརྡ་གསར་རྙིང་གི་རྣམ་གཞག་ལི་ཤིའི་གུར་ཁང་”ཞིག་འཚོལ་བཞིན་ཡོད། རྒྱུ་མཚན་ནི་ངས་”བཀའ་འགྱུར་”ཁྲོད་ཀྱི་”མདོ་སྡེ་ཟ་མ་ཏོག་”གི་ནང་དུ་རྒྱལ་རིགས་རྣམས་ཐམས་ཅད་ཁུ་སྒོ་དང་ལྕགས་ཀྱིས་བཅིངས་ནས་ཞེས་པའི་སྐབས་ཀྱི་ཁུ་སྒོ་ཞེས་པ་དེ་ཐག་པའམ་དངོས་པོ་གཞན་གང་ཞིག་གི་མིང་ཡིན་མ་ཤེས་པར་དག་ཡིག་རང་ཉིད་ལ་ཡོད་ཚད་སྔོག་བཞིན་པའི་སྐབས་ཤིག་ཡིན།
དེ་ལས་མང་བ་། ““སྙན་རྩོམ་གཟི་མིག་དགུ་པ་”དང་དེའི་མཇུག་གི་ཤོག་ལྷེ་སྟོང་པ་དེ་ཚོའི་ངོས་ན།” »
བྱས་རྗེས་ཆེ་བའི་སྒོ་བརྩོན་ལགས་ཀྱི་བྱུང་བ་མདོར་བསྡུས་ཤིག
རྔ་བ་ཚེ་སྐྱིད་ཀྱིས།
སྒོ་སྔུན་བརྩོན་འགྲུས་ལགས་ནི།《ཡོངས་གྲགས་སུ་(སྒོ་བརྩོན་)ཞེས་འབོད།》 ཕྱི་ལོ་ ༡༩༣༡ ལོར་བོད་མདོ་སྨད་རྔ་བའི་ཁཱ་ཤུལ་སྒོ་སྔུན་ཚང་དུ་ཡབ་སྒོ་འབྲུག་དང་ཡུམ་ནོར་སྐྱིད་གཉིས་སུ་འཁྲུངས། ཕྱི་ལོ་ ༡༩༣༧ ལོར་ཡབ་ཡུམ་གཉིས་ཀྱི་བཀའ་བཀོད་བཞིན་རྔ་ཡུལ་ཀིརྟི་དགོན་དགེ་ལྡན་ལེགས་བཤད་གླིང་དུ་ཆོས་སྒོར་ཞུགས། ཕྱི་ལོ་ ༡༩༣༨ ལོར་ནང་མི་དང་ལྷན་དུ་ལྷ་སར་སོང་ནས་ཕྱིར་ཡོང་སྐབས་ནད་ཡམས་དྲག་པོ་ཞིག་གིས་ཁོང་གི་ནང་མི་རྣམས་ནི་ཁོང་དང་གཏན་ནས་ཁ་བྲལ་བས་ཁེར་རྐྱང་དུ་བཞུགས་དགོས་བྱུང་། སྤྱིར་ན། སྒོ་སྔུན་ཚང་ནི་རྨེའུ་རྒྱལ་བོའི་ནང་བློན་དུ་གཏོགས་པའི་ཁྱིམ་རྒྱུད་གལ་གནད་ཆེན་པོ་ཞིག་ཆགས་ཡོད་སྟབས།
དེ་ལས་མང་བ་། “བྱས་རྗེས་ཆེ་བའི་སྒོ་བརྩོན་ལགས་ཀྱི་བྱུང་བ་མདོར་བསྡུས་ཤིག” »
སྐུ་ཞབས་ཞོགས་དང་ཐེའུ་རང་གཉིས་ཀྱི་ལྕི་ཡང་།
བསྟན་འཇམ །
དེ་རིང་གླེང་མོལ་གྱི་མགྲིན་སྒོ་ཡངས་པོར་ཕྱིས་ཏེ་ཆབ་སྲིད་དང་ནག་ཉེས་ཀྱི་ལྕི་ཡང་ལ་ཕྱོགས་ཙམ་འབྱེད་ན ། ལ་ལས་ཉེས་ཅན་དུ་རྩི་ཡང་སྲིད་མོད ། དེ་ལ་ཁ་ཡ་མ་བྱས་པར་རང་གི་བསམ་འདུན་དངོས་རྗེན་པར་བཤད་ན་འདོད ། རང་རེའི་བོད་ཀྱིས་ས་ཞི་རྒོལ་ཞེས་བསྙད་པ་དང་རྒྱ་གཞུང་གིས་འཕྲོག་བསྲེག་གཏོར་བཅོམ་གྱི་ལྟ་སྟངས་མཛད་པ་ནི་གླེང་མ་དགོས་པ་ཞིག་རེད ། ཡིན་ནའང་། སྐབས་ཐོག་དེར་ཚེ་སྲོག་ཤོར་བ་དང་བཙོན་དུ་ཚུད་པ་ནད་གཅོང་དུ་གྱུར་བ་སོགས་ཀྱིས་ སུ་ཞིག་ལ་ཕམ་ཁ་ཕྱིན་ཡོད་པ་དང་རྒྱལ་ཁ་བརྙེས་ཡོད་པ་ནི་སུས་ཀྱང་ཚོད་དཔག་གི་ཡུལ་ལས་འདས་ཡོད ། { ཁྲག་ཡིག་}རྩོམ་པ་པོ་བཀྲ་ཤིས་བར་བརྟན་ནམ་ཐེའུ་རང་ནི་སྐབས་དེའི་གནས་ཚུལ་དམར་བཤུས་འབྲི་མཁན་གྱི་གྲལ་དུ་ཡོད །
དཔའ་བོ་ཚོའི་བྱས་རྗེས་ལ་ནག་ཐིག་ཕབ་མི་རུང་།
(མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་དབུ་བརྙེས་ནས་ལོ་ལྔ་བཅུ་ང་གསུམ་འཁོར་བར་ཕུལ་བ། )
སྤྲང་ཕྲུག་ཆོས་ཉིད་འོད་ཟེར།
རྒྱ་ནག་གིས་དངོས་ཤུགས་བརྒྱུད་གསུམ་ནས་བོད་ས་དབང་བསྒྱུར་བྱེད་རྒྱུའི་འཐབ་ཇུས་མང་པོ་འཐེན་པ་དང་། ༡༩༤༠ ལོ་ཙམ་ནས་རྒྱ་བོད་ས་མཚམས་ནས་མཚམས་རེར་དྲག་གནོན་དང་མཚམས་རེར་འཆམ་མཐུན་གྱི་སྲིད་ཇུས་མང་པོ་ཞིག་གོ་སྒྲིག་གིས་བོད་དབང་བསྒྱུར་བྱེད་འགོ་བཙུགས། རིམ་པས་རྒྱ་ནག་གི་དམག་མི་བོད་དུ་འཛུལ་ནས་དམག་འཐབ་བྱས་པ་དང། བོད་མདོ་ཁམས་ཀྱི་དཔའ་བོ་དཔའ་མོ་གང་མང་ཞིག་གིས་ཚེ་སྲོག་ཤོར་བར་བརྟེན། རྒྱ་ནག་གི་དམག་དཔུང་འགོག་མ་ཐུབ་པར་རྒྱལ་ས་ལྷ་སར་བཙན་འཛུལ་བྱེད་འགོ་བཙུགས། དེ་ནས་བོད་སྤྱིའི་དམག་འཐབ་སྣ་ཚོགས་གོ་སྒྲིག་བྱས་ནའང་རྒྱ་ནག་གི་དམག་དཔུང་ལ་རྒོལ་ལན་སློག་མ་ཐུབ་པ་མ་ཟད། རྒྱ་ནག་གཞུང་གིས་བོད་གཞུང་གི་སྐུ་ཚབ་ཚོར་བཙན་གྱིས་གྲོས་མཐུན་དོན་ཚན་བཅུ་བདུན་ལ་མིང་རྟགས་འགོད་དུ་བཅུག དེ་ནས་བོད་ཕྱོགས་ནས་བོད་རྒྱ་གཉིས་མཉམ་གནས་ཡོང་ཐབས་བྱས་ཀྱང་།
ཤར་རྩེ་ནོར་བུའི་གླིང་།།
ཨ་འདུས་མིག་ཆུ
ཤར་ལམ་བརྟོལ་བའི་ཉི་རྩེ་དམར་པོའི་མདངས།།
གསེར་ཏོག་རྒྱན་ལ་ཕོགས་པའི་ལམ་ལམ་འོད།།
འདྲེན་བྱེད་ཕྲེང་བར་གསལ་བའི་སྣང་བ་དེ།།
ད་ལྟ་དྲན་ན་འགྲོ་བའི་འདུན་པ་ལྕི།།
ཚུལ་ཁྲིམས་ངད་ཀྱི་དྲི་བསུང་རབ་ཏུ་འཐུལ།།
མདོ་སྔགས་གཙང་མའི་རྒྱ་མཚོ་ཐུགས་ན་གཏམས།།
བཤེས་གཉེན་འདུལ་འཛིན་མང་བའི་ནོར་བུ་གླིང།།
བྲལ་དགོས་བྱུང་བའི་ལས་འདི་ཀྱེ་མ་ཧུད།།
༼ཀརྨ་དགུ་བརྒྱའི་དུས་དྲན་༽དང་ ༼༢༠༡༡ བྱང་ཨ་མེ་རི་ཁའི་བཀའ་བརྒྱུད་སྨོན་ལམ༽འཚོགས་ཉེའི་སྐོར།
( ཁེ་ན་ཊའི་གྲོང་ཁྱེར་ཝན་ཁོ་ཝར་ལ་རྟེན་གཞི་བྱས་ཡོད་པའི་ཁྲ་འགུ་དགོན་དུ༼ཀརྨ་དགུ་བརྒྱའི་དུས་དྲན་༽དང་ ༼༢༠༡༡ བྱང་ཨ་མེ་རི་ཁའི་བཀའ་བརྒྱུད་སྨོན་ལམ༽འཚོགས་ཉེའི་སྐོར། )
ཆུ་སྐྱེས་སྒྲོལ་མ།
༄༅། ཀརྨ་པ་དགུ་བརྒྱའི་དུས་དྲན་ནི། དཔལ་རྒྱལ་བ་ཀརྨ་པ་སྐུ་ཐོག་དང་པོ་དུས་གསུམ་མཁྱེན་པ་སྐུ་འཁྲུངས་ནས་ལོ་འཁོར་དགུ་བརྒྱ་འཁོར་བར་རྗེས་དྲན་ཞུ་བའི་དུས་དྲན་ཅིག་ཡིན་པ་དང༌། དུས་དྲན་འདི་ནི་དཔལ་རྒྱལ་བ་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་དབུ་བཞུགས་ཐོག་གནས་མཆོག་རྡོ་རྗེ་གདན་དུ་ཕྱི་ལོ་ ༢༠༡༠ ཟླ་ ༡༢ པའི་ནང་ཐོག་མར་དབུ་འཛུགས་གནང་བ་དང༌། འདི་ལོའི་ཕྱི་ཟླ་ ༡༢ བར་ལོ་གཅིག་རིང་དུས་དྲན་སྲུང་བརྩི་གནང་གི་ཡོད།
གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།
བོད། ལྷ་ཀླུ་གཉན་གསུམ།
ཉེར་གསུམ།
མཚན་མོ་ཅུང་འདུག་ཡུན་རིང་དྲགས་པ་འདྲ། མེ་སྤུངས་ཀྱི་མཐའ་ནས་ངས་འཇིག་རྟེན་གཞན་ཞིག་གི་རོལ་མྱོང་བྱས། གང་ལྟར། ཉལ་དུས་སུ་ཟླ་བའི་འོད་ཀྱིས་ས་གཞི་ཡོངས་དཀར་བོར་བཏང་། ཉེ་འགྲམ་གྱི་གུར་ཆུང་རེ་རེ་ཡི་མཐའ་རུ་གཞོན་ནུ་ཕོ་མོ་ཆེས་མི་ཉུང་བ་ཞིག་ད་དུང་སྤི་རག་འཐུང་བ་དང་གླུ་དབྱངས་ལེན་པ་སོགས་བྱེད་ཀྱི་འདུག ཕ་མ་ཆགས་དུས་སུ་སྣང་བ་དེ་དག་རང་བཞིན་གྱིས་མེད་འགྲོ་བ་ཞིག་ཡིན་མིན་མི་ཤེས་ཀྱང་། ང་རང་ནི་ཕ་རྒན་མ་ཆགས་པའི་ཡར་སྔོན་ནས་བཟུང་། ན་གཞོན་གྱི་སྣང་བ་དེ་དག་ཡལ་ནས་ཡུན་རིང་སོང་ཟིན་པ་ཡིན་དུས། གཞོན་ནུ་དེ་དག་གི་གང་བྱེད་ཀྱི་ཡོད་པ་དག་ལ་སེམས་ཤོར་བ་ལས་གཞན་ཞིག་དྲན་དུ་བཅུགས།
ང་ཚོས་ཅིའི་ཕྱིར་སློབ་སྦྱོང་བྱེད་དགོས
(སྤྱན་དུངས་ཀྱིས་”ང་ཚོས་ཅིའི་ཕྱིར་སློབ་སྦྱོང་བྱེད་དགོས་”ཞེས་པའི་འབོལ་རྩོམ་ལས་ཟུར་འཕྲོས་ཀྱི་ཚོར་རྟོག་འགའ།)
འགར་ཚེ་རྒྱལ།
༡ སློབ་སྦྱོང་ནི་ཅི་ཞིག་ཡིན་པའི་ཚོར་རྟོག
སློབ་སྦྱོང་ནི་རང་རྒྱུད་ལ་སྔ་ན་མེད་པའི་གསར་ཐོབ་ཀྱི་རིག་གནས་གང་ཞིག་རྒྱུད་གཤིས་ལ་གསོག་སྒྲུབ་དང་འཇགས་སུ་འཇུག་པར་བརྩོན་འགྲུས་བསྐྱེད་པ་སྟེ། མདོར་བསྡུས་ཏེ་ཕྱོགས་གཞན་ཞིག་ནས་བཤད་ན། དེ་ནི་མིའི་རིག་རྩལ་གྱི་ནུས་པ་ལ་བརྟེན་ནས་ཤེས་བྱ་གང་ཞིག་སེམས་རྒྱུད་ལ་གོམས་གཤིས་ཆགས་པར་བྱས་པ་དེ་ལ་ཟེར་ཆོག སེམས་ཁམས་རིག་པ་བ་རྣམས་ཀྱིས་མྱོང་གྲུབ་ཀྱི་ལམ་ནས་ཤེས་ཡོན་ཡར་རྒྱས་འགྲོ་བའི་ཆེད་དུ་སློབ་སྦྱོང་བྱེད་རྒྱུར་གོམས་གཤིས་ཆགས་རྒྱུ་དེ་ཧ་ཅང་གི་གལ་ཆེན་ཞིག་རེད་ཅེས་པའི་ལྟ་སྟངས་ཤིག་ཚད་མར་བཟུང་ཡོད་པ་དེ་ཡང་སྒོས་སུ་སློབ་སྦྱོང་ནི་ཅི་ཞིག་ཡིན་པའི་ངོ་བོ་བསྟན་ཡོད་པ་རེད།
རང་ལྕེར་རང་གིས་མདུད་པ་བརྒྱབ་པ།
མི་བུ་དགའ་སྐྱིད་།
གི་སྒྲའི་ཐུན་མོང་མ་ཡིན་པའི་འཇུག་ཚུལ་འདི་ནི་བོད་ཀྱི་ཁ་སྐད་ནང་ན་ཡོད་ཡོད་འདྲ་ཡང་། སུམ་རྟགས་མཁན་པོ་རྣམས་ཀྱི་དགོངས་པའི་དབྱིངས་ནས་རིང་དུ་དོར་བའི་བོད་ཀྱི་བྱ་ཚིག་ད་ལྟ་བའི་ཚིག་གྲོགས་དམིགས་བསལ་བ་ཞིག་ཡིན། བོད་ཀྱི་སྐད་ཡིག་ནང་དུ་བྱ་ཚིག་ཅིག་གི་རྒྱབ་ཏུ་གི་སྒྲ་བེད་སྤྱོད་གཏོང་གི་ཡོད་ལ། དེ་འདྲའི་བྱ་ཚིག་དེའང་དུས་གསུམ་ལས་ད་ལྟ་བའི་བྱ་ཚིག་ཁོ་ནར་བེད་སྤྱོད་བྱེད་པ་རེད། འདི་ནི་བོད་ཆོལ་ཁ་གསུམ་དུ་ཡིག་ངག་གཉིས་ཐོག་ན་འཁོར་རྒྱུག་ཧ་ཅང་ཆེ་བའི་བྱ་ཚིག་གི་ཚིག་གྲོགས་གལ་ཆེན་ཞིག་ཡིན།
མང་པོ་ཞིག་གིས་རྣམ་དབྱེ་དྲུག་གསུམ་གྱི་ཕྲད་དང་བྱ་ཚིག་ད་ལྟ་བའི་ཚིག་གྲོགས་ཀྱི་དབྱེ་བ་འབྱེད་མ་ཐུབ་པར་ཉ་དང་ཉུང་མ་མཉམ་བསྲེས་བྱས་ཏེ་འགྲེལ་བརྗོད་ཀྱང་ཕྱིན་ཅི་ལོག་པ་རྒྱག་བཞིན་འདུག་ལ། སློབ་ཕྲུག་སྟོང་ཕྲག་མང་པོ་འདི་ལྟར་ལྔ་ལམ་དུ་རྫོང་བཞིན་ཡོད། བྱ་ཚིག་ད་ལྟ་བའི་ཚིག་གྲོགས་<གི་སྒྲ་>ལའང་རྣམ་དབྱེ་དྲུག་གསུམ་གྱི་ཐོབ་ཐང་སྦྱོར་ཚུལ་ལྟར་སྣ་འཐེན་ནས་ཁ་ནང་དུ་སླེབས་ཐབས་བྱེད་གི་འདུག འདི་ནི་རང་ལྕེར་རང་གིས་མདུད་པ་བརྒྱབ་པ་ཡིན།