གནམ་ལྕགས་ནས།
ཉེ་སྔོན་བཅའ་ཁྲིམས་ཟིན་བྲིས་ཚོགས་ཆུང་གིས་བཙན་བྱོལ་བོད་གཞུང་ཞེས་པ་བཙན་བྱོལ་བོད་མིའི་གཞུང་གི་སྒྲིག་འཛུགས་སུ་བསྒྱུར་རྒྱུའི་འཆར་གཞི་ཕུལ་བ་དང་། བོད་གཞུང་མང་རྒྱལ་ཡོངས་ཚོགས་ཆེན་སྐབས་སུའང་བཙན་བྱོལ་བོད་གཞུང་ཞེས་པའི་ཚབ་ཏུ་མིང་གསར་པ་ཞིག་འཇུག་དགོས་མིན་ཐད་བགྲོ་གླེང་མང་པོ་བྱུང་ཡོད་ལ། བོད་མི་མང་སྤྱི་འཐུས་གྲོས་ཚོགས་ཚོགས་དུས་འཕར་མའི་ཐོག་དངོས་སུ་བོད་མིའི་སྒྲིག་འཛུགས་སུ་བསྒྱུར་བ་རེད། དོན་དངོས་ཐོག་ད་ཆ་ང་ཚོས་བོད་གཞུང་ཞེས་པའི་ཚབ་ཏུ་མིང་གསར་བ་གཞན་ག་རེ་བཅུག་ན་མ་བཅུག་ན་དོན་གྱིས་བཙན་བྱོལ་བོད་མི་འབུམ་གཅིག་ཙམ་ཡོད་པ་འདི་ཁོ་ནའི་སྐྱིད་སྡུག་གམ་སྒྲིག་འཛུགས་ཙམ་གྱི་ངོ་བོར་གྱུར་ཟིན་པ་རེད།
རྩོམ་པ་པོ་ཐེའུ་རང་ལ་ལོ་བཞིའི་ཁྲིམས་ཐག་བཅད་འདུག
འབྲི་མཁན། དཔལ་ལྡན་རྒྱལ།
བོད་ནས་ཁུངས་ལྡན་གནས་ཚུལ་འབྱོར་བ་ལྟར་ན། གཞོན་སྐྱེས་རྩོམ་པ་པོ་ཐེའུ་རང་ངམ། བཀྲིས་རབ་བརྟན་ལགས་སུ་རྔ་བ་ཁུལ་འབྲིང་རིམ་མི་མང་ཁྲིམས་ཁང་གིས་ཟླ་བ་འདི་ཚེས་༢་ཉིན་ལོ་བཞིའི་ཁྲིམས་ཐག་བཅད་འདུག ཁྲིམས་བཤེར་སྐབས་ནང་མི་གཅིག་ཀྱང་ཁྲིམས་ཁང་ནང་ལ་ཡོང་དུ་བཅུག་མི་འདུག ཁོང་ནི་ནུབ་བྱང་མི་རིགས་སློབ་གྲ་ཆེན་མོའི་ནང་སློབ་གཉེར་བྱེད་བཞིན་པའི་སློབ་མ་ཞིག་ཡིན་ལ། ༼ཤར་དུང་རི་༽དུས་དེབ་ཀྱི་རྩོམ་སྒྲིག་པ་དང་། ༢༠༠༨ལོར་བོད་མི་མང་གིས་རྒྱ་ནག་གཞུང་ལ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་པའི་སྐོར་ལ་༼ཁྲག་ཡིག་༽ཞེས་པའི་དེབ་ཅིག་བརྩམས་ཡོད་པ་རེད། ༢༠༠༩ལོའི་ཟླ་བ་བདུན་པའི་ཚེས་༢༦ ཉིན་རྒྱ་ནག་བདེ་འཇགས་མི་སྣས་རྩོམ་པ་པོ་ཐེའུ་རང་ངམ། བཀྲིས་རབ་བརྟན་ལགས་འཛིན་བཟུང་བཀག་ཉར་གྱིས་ཟླ་གཅིག་རིང་འདྲི་བརྩད་བྱས་པ་རེད་ལ།
དེ་ལས་མང་བ་། “རྩོམ་པ་པོ་ཐེའུ་རང་ལ་ལོ་བཞིའི་ཁྲིམས་ཐག་བཅད་འདུག” »
ངའི་གྲོགས་པོ་ཨ་རི་བ་ཞིག་གི་མི་ཚེ།
ཀླུ་སྨྱོན་ཧེ་རུ་ཀ
འདི་ནི་ཨ་རིའི་སྦ་སི་གྲོན་གྲོང་ཁྱེར་གྱི་སྲང་ལམ་དུ་སྡོད་པའི་སྤྲང་པོ་ཞིག་གི་པར་རེད།
ཁྱེད་ཅག་མང་པོ་ཞིག་གིས་ཧྥ་རན་སིའི་རྩོམ་པ་པོ་གྲགས་ཅན་མོའུ་པ་སན་གྱི་ Maupassant་སྒྲུང་གཏམ་སྐད་གྲགས་ཅན་”བདག་གི་ཁུ་བོ་ཡུ་ལིས་”ཞེས་པ་དེ་བཀླགས་ཡོད་ཀྱི་མ་རེད། སྒྲུང་གཏམ་དེའི་ནང་དུ་ཧྥ་རན་སིའི་བུ་ཞིག་གི་ཁུ་བོ་ཡུ་ལིས་ཞེས་པ་འཚོ་བ་དོན་གཉེར་ལ་སྤྲོ་སྣང་མེད་པ་ཞིག་ས་གནས་གཞན་ཞིག་ཏུ་བསྐྱོད་པའི་གྲུ་གཟིངས་ཤིག་གི་སྟེང་དུ་བསྐྱལ་ནས་རྒྱང་འཕུད་ལ་བཏང་ཞིང་། ལོ་ངོ་འགའི་རྗེས་སུ་ཁོ་ཚོར་ཁུ་བོ་ཡུ་ལིས་ཀྱི་ཡི་གེ་ཞིག་འབྱོར་བའི་ནང་ཁོང་གིས་ཚོང་བརྒྱབ་ནས་ཕྱུག་པོར་གྱུར་ཡོད་ཅིང་། ཕྱིར་ལོག་ནས་ནང་མིར་ཆད་པའི་བུ་ལོན་འཇལ་རྩིས་ཡོད་ལུགས་ཀྱང་བྲིས་ཡོད་པས། ཁྱིམ་མི་གང་བོ་དགའ་བ་འབུམ་གྱིས་མྱོས་ཤིང་ཐ་ན་ནམ་རྒྱུན་ཡུ་ལིས་ལ་ཁ་རྡུང་རྒྱུན་ཆད་མེད་པར་བཏང་མྱོང་བའི་ནང་གི་ཨ་མས་ཀྱང་ཡུ་ལིས་འདི་མི་རེ་བ་ཅན་ཞིག་རེད་ཅེས་བསྟོད་བསྔགས་བཏང་། ཡིན་ན་ཡང་རྗེས་སུ་ཁོ་ཚང་གི་ཁྱིམ་མི་ཚང་མ་ཁྱིམ་མཚེས་རྒྱལ་ཁབ་ཀྱི་གྲུ་གཟིངས་ཤིག་ལ་བསྡད་དེ་ས་ཆ་གཞན་ཞིག་ཏུ་སྐྱོད་དུས། བྱིས་པ་ཆུང་ཆུང་དེས་བསམ་པའི་ཡུལ་ལ་ཡང་མེད་པ་ཞིག་སྟེ། ཁོའི་ཁུ་བོ་ཡུ་ལིས་ཀྱིས་ཧ་ཅང་རྒས་ཤིང་འཁོག་པའི་ངང་གྲུ་སྟེང་དུ་ཉ་དང་སྡིག་སྲིན་བཙོང་སྟེ་ཉམ་ཐག་གི་འཚོ་བ་རོལ་བཞིན་པ་མཐོང་བྱུང་བས། ཁྱིམ་མི་ཚང་མ་ཧ་ལས་ཧོན་འཐོར་བྱུང་སྟེ་མྱུར་དུ་ཁོ་ལ་བྱོལ་ཐབས་ཆེད་གྲུ་གཟིངས་བརྗེས་ནས་ལོག་ཡོང་བའི་སྐོར་གྱི་སྐྱོ་སུྒྲང་ཞིག་རེད། ངའི་གྲོགས་པོ་ཨ་རི་བ་ལ་ལའི་མི་ཚེ་ཡང་ཡུ་ལིས་ཀྱི་མི་ཚེ་དང་འདྲ་བོ་འདུག་པ་འདི་ལྟ་སྟེ།
སྔར་སོང་མཛད་པ།
བསམ་གླིང་ཚེ་རིང་ལྷ་མོ།
ཀ་བཞི་གདུང་བརྒྱད་བརྗིད་ཆགས་ཕོ་བྲང་འདྲེན་བྱེད་ཡུལ་དུ་འཆར་བས་ན།།
ཁ་བ་ཅན་གྱི་སྔར་སོང་གཏམ་རྒྱུད་སྙིང་དང་སོར་མོའི་རྩེ་ནས་བཞུར།།
ག་བཏང་གོ་ཆོད་དཔའ་སྟོབས་ལྡན་པའི་སྟོང་བཙན་ཐུ་མི་ལ་སོགས་པའི།།
ང་ཅག་བོད་ཀྱི་མཛངས་བློན་དབུས་སུ་སྲོང་བཙན་སྒམ་པོའི་གཟི་འོད་འབར།།
ཅ་ཅོ་ཟང་ཟིང་ཆེ་བའི་གླིང་འདིར་བོད་ཅེས་བྱ་བའི་རྒྱལ་ཁབ་བཙུགས།།
ཆ་ལུགས་བཟང་པོའི་རྒྱལ་ཁམས་ཡུག་ཅིག་འཇམ་དར་དཀར་པོས་ཁྱབས་པར་མཛད།།
ཇ་ཆང་ཞིམ་པོའི་ཟས་ལ་དགའ་བའི་ལེ་ལོའི་སྤྱོད་ངན་མིང་གིས་དབེན།།
ཉ་ཆུའི་བརྩེ་བ་ཟབ་པའི་རྒྱལ་འབངས་རང་ཡུལ་སྐྱོང་ལ་དམ་ཚིག་མཐུན།།
ཡང་ཀླུ་མཁར་བྱམས་གླེང་སྟངས་ཤིག།
བསྒྱུར་མཁན་པད་མ་ཆོས་སྒྲོན
རྩོམ་པ་པོ་འབྲུག་རྒྱལ་ཚེ་རིང
《ཨ་ཚོགས་ཉི་ཁྲི་ཚང་གི་དར་རྒུད།》
མ་རྒན་དང་། ཁྱི་རྒན། ད་དུང་རྙིང་ཧྲིལ་དུ་གྱུར་བའི་སྦྲ་ནག
བོད་ཀྱི་ཡངས་བའི་རྩྭ་ཐང་ནི་མཐའ་ཡས་པས། ཆེས་མཐོ་སར་བུད་ནས་ལྟོས་ཀྱང་རྩྭ་ཐང་གི་མགོ་ནས་མཇུག་བར་མཐོང་མཁན་ཞིག་སྔར་བྱུང་མྱངས་མེད་ལ། ཕྱིན་ཆད་ཀྱང་འབྱུང་མི་སྲིད་ཅེས་བཤད་ཀྱང་དེ་ནི་འུད་ཤོབ་ཅིག་གཏན་ནས་མིན།
དེ་བས་རྩྭ་ཐང་གི་ལྟེབས་ཁུག་རེ་ལ་གནས་འཆའ་པའི་འབྲོག་སྡེ་སོ་སོས་རང་ཉིད་བསྡོད་སའི་རི་ལུང་ཐང་གསུམ་ལ་ས་མིང་ཆུ་མིང་རེ་བཏགས་ཤིང་། མི་རེ་ངོ་རེས་ནས་རང་གིས་སྲུང་ཞིང་གཞིས་ཆགས་སའི་ས་ཁོད་དེར། འཕྲུལ་སྣང་དང་། མངོན་གྱུར། ཡང་ན་ཤིན་ལྐོག་བཅས་ཀྱི་བརྩེ་སེམས་ཟབ་མོ་བཅིངས་ཡོད།
བཀའ་ཁྲི་བགྲེས་གཞོན་གཉིས་ལ་མིག་ཟུར་འཕངས་བ།
འདྲེ་མགོ་རྡོ།
ང་བློ་སེང་ལ་ཐོག་མ་ནས་རེ་བ་བྱེད་མཁན་ཞིག་མིན་ལ། ད་ལྟའང་དེ་ག་རང་ཡིན། ཁོ་ལ་ཁོའི་བློ་ངོར་མི་ཤོངས་པའི་གོ་གནས་ཤིག་ཐོབ་པ་ནི་གཅིག་བྱས་ན་རྒྱ་ཆེའི་མི་མང་གི་སྤྱན་ལ་ན་ཚ་འདྲ་བྱུང་ནས་གནང་བ་ཡིན་སྲིད་པ་མ་རེད། གང་ལྟར་བློ་སེང་ལ་བོད་དང་འབྲེལ་བའི་ཞགས་རྩི་བརྒྱ་ཆའི་ལྔ་བཅུ་ནས་མར་ཟགས་ཡོད་པ་ནི་དངོས་ཡོད་གནས་ཚུལ་ཡིན་ཡིན་པར་སོང་། ཟམ་གདོང་བླ་མའི་རྗེས་མཐུད་ཐུབ་རྒྱུ་ལ་རེ་བ་འདྲ་རྒྱག་མཁན་མེད་པ་རེད།
ཁ་ཡག་ལུང་པ་གང་བཤད་ན།
ཕུན་ཚོགས།
དེང་སང་འུ་ཚོའི་སྤྱི་ཚོགས་ནང་ཧ་གོ་གི་མི་འདུག་ཟེར་མཁན་དང་མགོ་ཚོས་ཀྱི་མི་འདུག་ཟེར་མཁན་གྱི་རྩོམ་པ་པོ་དང་། ཟིན་བྲིས་པ། དེ་བཞིན་མི་མང་ཡང་མང་པོ་ཞིག་སླེབས་བཞིན་ཡོད། འདི་དག་ནི་ངས་ཡར་རྒྱས་ཤིག་དང་། བློ་བསྐྱེད་ཅིག་ཡིན་པར་བསམ་ཡོད་ལ། གོ་རྟོགས་དང་ངེས་ཤེས་བསྐྱེད་སྟངས་ཤིག་ཀྱང་ཡིན་པར་སྒོམ་ཡོད། རབས་ཤིག་ལ་འུ་ཚོའི་སྤྱི་ཚོགས་ནང་སྐད་ཆ་གང་ཡིན་ངས་ཤེས་ཡོད་དང་། ངས་རྟོགས་ཡོད། ངས་ཚོར་ཡོད་ཅེས་ཡོད་ཚད་རྟོགས་ཡོད་མདོག་སྟོན་མཁན་ཁྱུ་ཞིག་ཆར་ཤུལ་གྱི་ཤ་མོ་བརྡོལ་བ་བཞིན་བྱུང་མྱོང་ཞིང་། དེ་བཞིན་གྱི་འུད་བསྒྲགས་དང་ལབ་བཤད། མཁས་རློམ་ཀྱི་ཐལ་ཚིག་ཀྱང་རབས་དང་རིམ་པ་ཞིག་ཐོན་ཡོང་བ་རེད། མ་གཞི་བཤད་ན་འདི་ནི་འུ་ཚོའི་ལང་ཚོ་དང་ན་ཚོད་ཀྱི་ཚད་ཤིང་ལ་དཔག་པའི་འཕག་ཚག་ཅིག་དང་། མཐོང་རྒྱ་དང་ཤེས་ཚད་ལ་དཔག་པའི་ང་རྒྱལ་ཞིག་ཀྱང་ཡིན་ངེས་ཤིང་། འདི་ལྟའི་འཕག་ཚག་དང་ང་རྒྱལ་ནི་ན་གཞོན་གྱི་ལང་ཚོ་ལ་འོས་པའི་གོ་རིམ་ཞིག་ཀྱང་ཡིན་ངེས་པ་ཡིན།
བོད་གཞུང་དང་བོད་མིའི་སྒྲིགས་འཛུགས་གཉིས་ཀྱི་བར་སྟོང་ནས་དྲང་མོར་འཕྲོས་པའི་ཟླ་ཐིག་གོར་མོ།
ཡ་བཀྲ་ཤིས་བདེ་ལེགས། རྣམ་པ་ཚང་མ་ལོ། མ་མཇལ་གང་འཚམས་ཕྱིན་སོང་། ད་གང་བྱུང་མང་བྱུང་མ་བཤད་པར་ཁ་བཙུམ་ནས་སྡོད་དགོས་བསམས་ཡོད་ཀྱང་ཁ་ལ་ལྕེ་ཐོགས་ཚད་དང་ལག་པས་སྙུག་གུ་ཐེག་ཚད་ཚང་མས་གཏམ་ཕྱོགས་རེ་བ་དང་རྒྱུ་མཚན་ཕྱོགས་རེ་བ་རེ་བཤད་བསྡད་ན་ངས་ཀྱང་རང་ཁ་གྱོད་ཀྱི་སྒོ་མོ་ལ་སྒོ་ལྕགས་རྒྱག་ཤེས་མ་སོང་། ནམ་རྒྱུན་ང་རང་ལ་མང་ཆེ་བའི་བསམ་ཚུལ་དང་མི་མཐུན་པ་ཞིག་དང་ལོགས་ཀ་ཞིག་ཡོད་ན་བཤད་འདོད་པ་ཞིག་ཡིན། ད་ཐེངས་དེ་མིན། བོད་གཞུང་དང་བོད་མིའི་སྒྲིགས་འཛུགས་ཞེས་པའི་ཐ་སྙད་འདི་གཉིས་ཀའི་སྐོར་སྐད་ཆ་ཁ་ཤས་བཤད་འདོད་སྐྱེས་བྱུང་།
བོད་གཞུང་ཞེས་པ་འདི་དེ་འདྲ་ཞེད་དགོས་པ་ཞིག་རེད་དམ།
བོད་གཞུང་ཞེས་པའི་ཚིག་འདི་ལ་བསམས་གཞིགས་ཅུང་ཙམ་བཏང་ན། འདི་ནི་ལོ་རྒྱུས་ཡོད་པའི་གཞུང་ཞིག་ཡིན་པ་མ་ཟད་། སྐྱབས་བཅོལ་ལ་ཇི་ལྟར་བྱོན་པ་དང་། སྐྱབས་བཅོལ་ནང་ད་བར་ཇི་ལྟར་གནས་པའི་ལོ་རྒྱུས་ཡོད་པའི་གཞུང་ཞིག་ཀྱང་རེད། འདི་ལོ་རྒྱུས་ཀྱི་དོན་དངོས་གསོན་པོ་ཞིག་དང་བདེན་པའི་གནས་ཚུལ་ཞིག་རེད། བདེན་པ་ཟེར་བ་དེ་ལ་རྒྱལ་རྒྱུ་ཞིག་ཡོད་ན་འདི་ལའང་རྒྱལ་རྒྱུ་ཞིག་ཡོད་པ་མ་རེད་དམ།
བར་སྐབས་ཤིག་ནས། རྒྱ་ནག་གིས་བཙན་བྱོལ་བོད་གཞུང་ལ་ལྟ་སྟངས། གནས་ཡུལ་རྒྱ་གར་གྱི་ཁྲིམས་དང་མཐུན་མིན་སོགས་ལ་བརྟེན་བོད་གཞུང་ཟེར་བའི་ཚིག་འདི། སྒྲིགས་འཛུགས་ཀྱི་ཁ་འཕྲོའི་མི་ཉུང་ཤས་ཤིག་རྣམ་རྟོག་སྐྱེ་ས་ཞིག་ཆགས་འདུག་པ་གསལ་པོ་རེད། ཁོང་ཚོ་ལའང་རྒྱུ་མཚན་མེད་པ་མིན། གཅིག་བྱས་ན་ཐ་སྙད་ཅིག་གི་འགྱུར་བ་ལ་བརྟེན་ནས་རེ་བའི་སྐྱ་རེངས་ཤིག་འཆར་རྒྱུ་ཡོད་ནའང་ཐང་། དེའི་སྐོར་འདིར་མི་གླེང་། མཇུག་ཏུ་གླེང་།
"༧གོང་ས་མཆོག་ལ་ཐུགས་ཁག་མི་འདུག"
གཡང་སྐྱབས་རྒྱལ།
————————–
ང་མགོ་འཐོམས་པ་ནི་ ལམ་གྱི་བཞི་མདོ་ཞིག་ལ་སླེབས་ནས་ཕྱོགས་གང་དུ་བསྐྱོད་རྒྱུ་མ་ཤེས་ནས་མགོ་འཐོམས་པ་དེ་མ་རེད། ང་མགོ་འཐོམས་པ་ནི་ལམ་གྱི་དཀྱིལ་ནས་ཤར་བསྐྱོད་བྱེད་སྐབས་མགོ་ཡོམ་ཞིག་འཁོར་ཏེ་མགོ་འཐོམས་པ་དེ་རེད། གཅིག་བྱས་ན་ཁྲག་ཤེད་མཐོ་དྲགས་པ་ཡིན་ནམ། གཅིག་བྱས་ན་ངོས་མ་ཟིན་པའི་ན་ཚ་ལྗིད་པོ་ཞིག་གིས་ཟིན་པ་ཡིན་ནམ། ང་མགོ་འཐོམས་འདུག
ངས་ བོད་ལ་ཤ་ཚ་མཁན་གྱི་མི་ཞིག་བཙལ། བོད་དང་བོད་མི་ལ་ཤ་ཚ་མཁན་གྱི་མི་ཞིག་བཙལ། ང་༧རྒྱལ་བ་རིན་པོ་ཆེ་ལ་ཐེངས་མ་འགའ་མཇལ་མྱོང་། ཐེངས་མ་གཅིག་ནི་ཧ་ཅང་ནང་མོལ་གྱི་མཇལ་ཁ་ཞིག་ཡིན། ངས་ བོད་ལ་ཤ་ཚ་བྱེད་མཁན་གྱི་ཁྲོད་ནས་ ༧རྒྱལ་བ་རིན་པོ་ཆེ་ལས་ལྷག་ཅིག་རྙེད་མི་ཐུབ། འདི་ནི་སྤྱན་རས་གཟིགས་དང་གངས་ཅན་བོད་ཀྱི་འབྲེལ་བ་དེ་མ་རེད། འདི་ནི་ཆུང་བྱིས་པ་ནས་བོད་མི་རིགས་འདི་སྐྱོབ་རྒྱུའི་འགན་ཕྲག་ཏུ་བཞེས་པའི་ ༧རྒྱལ་བ་རིན་པོ་ཆེ་དང་བོད་མིའི་འབྲེལ་བ་རེད། ༧རྒྱལ་བ་རིན་པོ་ཆེས་བོད་ལ་མགོ་སྐོར་གཏོང་བ་དང་༧རྒྱལ་བ་རིན་པོ་ཆེས་བོད་ལ་ཤ་ཚ་བྱེད་གི་མ་རེད་ཅེས་བཤད་ན། ཉི་མ་དེ་ནས་བོད་ལ་ཤ་ཚ་མཁན་ཞིག་མེད་པ་རེད།
“༧གོང་ས་མཆོག་ལ་ཐུགས་ཁག་མི་འདུག”
གཡང་སྐྱབས་རྒྱལ།
————————–
ང་མགོ་འཐོམས་པ་ནི་ ལམ་གྱི་བཞི་མདོ་ཞིག་ལ་སླེབས་ནས་ཕྱོགས་གང་དུ་བསྐྱོད་རྒྱུ་མ་ཤེས་ནས་མགོ་འཐོམས་པ་དེ་མ་རེད། ང་མགོ་འཐོམས་པ་ནི་ལམ་གྱི་དཀྱིལ་ནས་ཤར་བསྐྱོད་བྱེད་སྐབས་མགོ་ཡོམ་ཞིག་འཁོར་ཏེ་མགོ་འཐོམས་པ་དེ་རེད། གཅིག་བྱས་ན་ཁྲག་ཤེད་མཐོ་དྲགས་པ་ཡིན་ནམ། གཅིག་བྱས་ན་ངོས་མ་ཟིན་པའི་ན་ཚ་ལྗིད་པོ་ཞིག་གིས་ཟིན་པ་ཡིན་ནམ། ང་མགོ་འཐོམས་འདུག
ངས་ བོད་ལ་ཤ་ཚ་མཁན་གྱི་མི་ཞིག་བཙལ། བོད་དང་བོད་མི་ལ་ཤ་ཚ་མཁན་གྱི་མི་ཞིག་བཙལ། ང་༧རྒྱལ་བ་རིན་པོ་ཆེ་ལ་ཐེངས་མ་འགའ་མཇལ་མྱོང་། ཐེངས་མ་གཅིག་ནི་ཧ་ཅང་ནང་མོལ་གྱི་མཇལ་ཁ་ཞིག་ཡིན། ངས་ བོད་ལ་ཤ་ཚ་བྱེད་མཁན་གྱི་ཁྲོད་ནས་ ༧རྒྱལ་བ་རིན་པོ་ཆེ་ལས་ལྷག་ཅིག་རྙེད་མི་ཐུབ། འདི་ནི་སྤྱན་རས་གཟིགས་དང་གངས་ཅན་བོད་ཀྱི་འབྲེལ་བ་དེ་མ་རེད། འདི་ནི་ཆུང་བྱིས་པ་ནས་བོད་མི་རིགས་འདི་སྐྱོབ་རྒྱུའི་འགན་ཕྲག་ཏུ་བཞེས་པའི་ ༧རྒྱལ་བ་རིན་པོ་ཆེ་དང་བོད་མིའི་འབྲེལ་བ་རེད། ༧རྒྱལ་བ་རིན་པོ་ཆེས་བོད་ལ་མགོ་སྐོར་གཏོང་བ་དང་༧རྒྱལ་བ་རིན་པོ་ཆེས་བོད་ལ་ཤ་ཚ་བྱེད་གི་མ་རེད་ཅེས་བཤད་ན། ཉི་མ་དེ་ནས་བོད་ལ་ཤ་ཚ་མཁན་ཞིག་མེད་པ་རེད།
བློ་བཟང་སེང་གེ་མཆོག་ལ་ཆེད་ཞུ།
ཨ་རིག་དགེ་མཐོང་།
ད་ལྟ་གསར་དུ་བདམས་ཐོན་བྱུང་བའི་སྤྱི་འཐུས་ཚོ་ཚོགས་འདུ་ལ་དངོས་སུ་ཞུགས་ཏེ་རང་རང་གི་དགོངས་ཚུལ་གསུངས་བཞིན་པའི་སྒང་རེད།ད་དུང་སྤྱི་འཐུས་ཚོགས་གཙོ་དང་ཚོགས་གཞོན་ཡང་བདམས་ཐོན་བྱུང་བ་རེད། དེའི་ཐད་ནས་མི་མང་བརྒྱ་ཆའི་དགུ་ཅུའི་འདོད་བློ་གང་ཡོད་རེད། སྤྱིར་བཏང་ད་ལོའི་མི་མང་གི་སེམས་ཁྲལ་ནི་བཀའ་ཁྲི་སུ་ཁས་དང་སྤྱི་འཐུས་ལ་སུ་སུ་ཐོབ་དེ་རེད། དེའི་ཐད་ནས་བཀའ་ཁྲི་བློ་བཟང་སེང་གེ་མཆོག་ལ་ཐོབ་པ་དེ་གྲྭ་བ་དང་གཞོན་སྐྱེས། རྒན་པ་རེ་ཟུང་། བོད་ནང་གི་སྤུན་ཟླ་གང་མང་ཞིག་གི་འདོད་ཐོག་ཏུ་སོང་བས་དགའ་བཞིན་སྤྲོ་བཞིན་རེ་བས་བསུས་ཡོད་རེད། ཁག་ཅིག་གི་སོ་སོའི་འདོད་མོས་ཀྱི་བཀའ་ཁྲི་ཞིག་མ་བསླེབས་ནས་སེམས་ཤུགས་ཆག་མདོག་དང་རེ་ཐག་ཆད་འདོད་བྱེད་ཀྱིན་འདུག
གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།
བོད། ལྷ་ཀླུ་གཉན་གསུམ།
ལྔ།
བུ་མོ་ཉལ་དུས་སུ་དུས་ཚོད་ག་ཚོད་འགོར་མིན་དེ་ནི་བཤད་ཚོད་ཐིགས་པ་ཞིག་གཏན་ནས་མིན། གང་ལྟར་བུ་མོ་ཐར་མ་མཚོ་ཉལ་ཚར་བ་དང་ང་རང་འོག་ཁང་གི་བསྡོད་ཁང་དུ་ཡོང་ནས་གློག་ཀླད་སྟེང་དུ་བསྡོད་པ་ཡིན། དེ་དང་མཉམ་དུ་གློག་འཕྲིན་རེ་གང་ས་ནས་ཐོན་ཡོད་མེད་དང་། བོད་ཕྱི་ནང་གི་དྲ་ཚིགས་དག་གི་གནས་ཚུལ་སོགས་ལ་བལྟ་ཀློག་བྱེད་ཀྱི་ཡོད། སྐབས་རེར་བུ་མོ་ཉལ་དུ་མ་སོང་སྔོན་དུ། མོ་རང་ཨ་མ་དང་ཡང་ན་ཨ་ནེ་དང་ལྷན་དུ་ཡོད་ཚེ་ང་རང་དྲ་ཐོག་དུ་ཉུལ་བའི་དུས་ཚོད་ཅིག་བྱུང་གི་ཡོད་ཀྱང་། དེ་ནི་ལྷོད་ལྷོད་ཅིག་གཏན་ནས་མིན། བུ་མོ་གཉིད་ཚར་རྗེས་སུ་ཆུ་ཚོད་གཅིག་དང་ཕྱེད། གཉིས་རིང་གི་དུས་ཚོད་ནི་ལྷོད་ཤོས་དང་། དྲ་ཐོག་གི་སྤུན་ཟླ་དག་གི་བསམ་ཚུལ་ཀློག་པའི་དུས་ཚོད་ཡིན།
ངའི་རྒྱལ་ཁབ་ཇི་ལྟར་བསྐྱལ་བའི་རྒྱུད་རིམ།
འཇམ་དཔལ་ཚུལ་ཁྲིམས་ནས།
ལོ་ཉིས་སྟོང་ལྷག་ཙམ་གྱི་སྔོན་ཞིག་ཏུ་སྤོ་བོའི་ཡུལ་ནས་ཕྱིར་འབུད་བྱས་པའི་བུ་རྒོད་དེས་ཡུལ་ཡར་ལུང་ཚོ་པའི་འགོ་དཔོན་མཛད་ནས་རིམ་བཞིན་ཉེ་འཁོར་གྱི་ཚོ་པ་གཞན་རྣམས་ཀྱང་དཔའ་བཀོང་སྟེ་སྙན་གྲགས་དང་དབང་ཤུགས་ཇེ་ཆེར་གྱུར་། ལྡེའུ་དང་བོན་གྱིས་རྒྱལ་སྲིད་བསྐྱངས་ནས་སྤུ་རྒྱལ་བོད་ཀྱི་རྒྱལ་ཁམས་དེ་ཐོག་མར་གོ་ལའི་སྣེ་མོ་གསུམ་པ་དེར་ཆགས། མི་ཐོགས་སུམ་ཅུ་ནང་ཞིག་འདས་པའི་རིང་ལ་སྤུ་རྒྱལ་བོད་ཀྱི་རྒྱལ་ཁབ་དེ་རིམ་བཞིན་ཡར་ལུང་བཙན་པོའི་མིང་དུ་ཆགས།
བོད་མིའི་སྒྲིག་འཛུགས་སུས་བཏགས་པ་རེད།
སྐྱོ་བྲག་དགའ་དབང་།
གཞིས་བྱེས་བོད་མིའི་ཚབ་མཚོན་ཡིན་པའི་བཙན་བྱོལ་བོད་གཞུང་འདི་མིང་བསྒྱུར་གྱིས་བོད་མིའི་སྒྲིག་འཛུགས་ཞེས་བཏགས་པ། ཕར་ལྟས་ཚོད་ལ་ཐེངས་འདིའི་སྒྱུར་བཅོས་ཆེད་འབོད་འགུགས་བྱས་པའི་བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་གཉིས་པའི་ཁར་གྲོས་འཆམས་བྱུང་ནས་བཏགས་དགོས་པ་ལྟ་བུར་ཡོད་ནའང་། ཚོགས་ཆེན་ཁར་བཙན་བྱོལ་བོད་གཞུང་རང་འཇགས་འཇོག་རྒྱུར་སྤྱི་མོས་བྱུང་ཡོད། ཁྲིམས་སྲོལ་ལྟར་ན་སྤྱི་འཐུས་གྲོས་ཚོགས་ནས་སྤྱི་མོས་མང་མོས་གང་རུང་གིས་གཏན་ལ་ཕབ་དགོས་པ་ཞིག་ཡིན་ནའང་།
རིག་གསར་དང་འབྲེལ་བའི་དེང་རབས་བོད་ཀྱི་རྩོམ་རིག་ལ་དཔྱད་པ་བྱ་རོག་སོ་རྟོག་གི་བསྟན་བཅོས།
བོང་རྫི། (བོད་འབྱོར།)
ཐོག་མར་གླེང་སློང་བ།
དེ་ཡང་རྒྱལ་ཁམས་པ་དགེ་འདུན་ཆོས་འཕེལ་གྱིས་གཏམ་རྒྱུད་གསེར་ཐང་ཏུ། “རང་རེའི་མཁས་བ་རྣམས་ཀྱི་རྣམ་དཔྱོད་ཀྱི་འཆར་ཚུལ་དང། རྩོམ་པའི་སྒྲིག་སྟངས། ཆས་དང། ཆོ་ག་སོགས་སྒོ་གསུམ་གྱི་བྱེད་པ་ཐམས་ཅད་ལ་ཏིལ་ལ་ཏིལ་མར་གྱི་ཚུལ་དུ་རྒྱ་གར་པའི་ཤན་གྱི་ཁྱབ་ནས་ཡོད་ཅིང། ཐ་ན་ཚིགས་བཅད་དུམ་རེའི་ནང་དུ་དཔེ་འགའ་ཞིག་སྟོན་དགོས་ཚེའང་རྒྱ་གར་གྱི་ཆུ་བོ་རི་ལྗོངས་སོགས་ཀྱི་མིང་ཁོ་ན་འོངས”ཞེས་གསུངས་ཡོད་པ་བཞིན།
“དེང་རབས་བོད་ཀྱི་རྩོམ་རིགས་”ཟེར་བ་འདི་དང།རྩོམ་པ་པོ་དེ་དག་གི་སེམས་ཀྱི་འཆར་སྟངས་དང། རྩོམ་གྱི་སྒྲིག་སྟངས། མཛེས་བའི་ཉམས་བཏོད་ཚུལ། ལུས་ངག་ཡིད་གསུམ་ཀྱི་རྣམ་འགྱུར་ཐམས་ཅད་ལ་མ་ཧ་ཙི་ནའི་ཤན་མ་ཞུགས་པ་ཞིག་ཧ་ལམ་མེད་ཅིང། ལྷག་པར་ཏུ་རིག་གནས་གསར་བརྗེ་ཆེན་མོ་ཞེས་བའི་དུས་འགྱུར་ཆེན་མོ་དེ་ཡིས་ཤན་ཞུགས་ཏེ།ཐ་ན་གནད་སྟོན་པའི་ཚིག་འགའ་རེ་བཀོལ་དགོས་ཚེའང།
རིག་གནསགསར་བརྗེའི་ཐ་སྙད་སྟེ།“རྙིང་ཞེན”དང་”གཞོན་ནུ།”“སྙིང་སྟོབས”སོགས་བཀོལ་བཞིན་ཡོད་པ་དང།ཐ་སྙད་དེ་ཚོ་ནི་་ཁོང་ཚོའི་སེམས་སུ་ཐུན་མོང་མ་ཡིན་པའི་ངར་ཆེན་པོ་སྟེར་པའི་མཚོན་ཆ་ལྟ་བུར་གྱུར་ཏེ། ནམ་ཡིན་ཡང་ལེགས་ཉེས་ཀྱི་འཇོག་སྟངས་དང། བདེ་སྡུག་གི་དབྱེ་བ། རིགས་ལམ་ཀྱི་ཁྱད་ཆོས་རྣམས་ཀྱང་ཚད་འདི་ལྟ་བུ་བརྟེན་ནས་འཇོག་བཞིན་ཡོད། དེ་བཞིན་ཁོ་ཚོས་“སློབ་གྲྭ”སོང་བ་ཞིག་གིས་གཏམ་བཤད་སོགས་གོ་ཡོང་དུས། བརྗོད་བྱ་དེ་ལ་ཞིབ་འཇུག་བྱས་ཡོད་པ་དང། མི་དེ་དག་ལ་ཞིབ་འཇུག་པ། མཁས་བ་སོགས་ཀྱི་མིང་བྱིན་ནས་གཟི་བརྗིད་ཆེན་པོ་ཞིག་ཏུ་བརྩི་སྲོལ་ཡོད།
དེ་ལས་མང་བ་། “རིག་གསར་དང་འབྲེལ་བའི་དེང་རབས་བོད་ཀྱི་རྩོམ་རིག་ལ་དཔྱད་པ་བྱ་རོག་སོ་རྟོག་གི་བསྟན་བཅོས།” »
མ་བརྗོད་ཀ་མེད་ཆགས་སོང་།
ལྷོ་ཕྱོགས་ཉི་ཟླ།
དེ་རིང་སང་ཉིན་༼གཞུང༽ཅེས་བའི་ཐ་སྙད་འདི་གཅིག་པོའི་སྟེང་དུ་ཁྱོད་སྡོད་ང་སྡོད་ཟེར་ནས་མི་རེ་ཟུང་གིས་ཁ་བཤད་ལག་ལེན་དོན་ལ་མི་གནས་བ་མ་ཟད། བོད་གཞུང་ལ་དགའ་མིན་དགའ་འདོགས་དང་ཤུགས་ལ༸གོང་ས་མཆོག་གི་བཀའ་དགོངས་དེ་ཚོ་སྣང་ཆུང་རྩིས་མེད་གཏོང་ཐབས་ཀྱི་ཐབས་ཤེས་སྣ་ཚོགས་འཐེན་གྱི་འདུག་པས་དེ་དག་སྙིང་རྗེ་ཡུལ་ལས་གཞན་མ་འདས་སོ།
ག་གེ་མོ་ཁ་ཤས་ཀྱིས་བོད་གཞུང་ཅེས་བའི་ཚིག་འདི་མ་སྦྱར་ན་སང་ཉིན་ནས་བཟུང་བཙན་བྱོལ་ལག་དེབ་མི་དགོས་ཟེར་ནས་ཧམ་པ་ཆེན་པོས་སྒོ་ནས་བརྗོད་ཀྱི་ཡོད་པ་མ་ཟད་ད་ནས་བཟུང་བཙན་བྱོལ་སྒྲིགས་འཛུགས་ནང་དུ་མི་ཡོང་ལབ་ནས་ཧམ་གཏམ་ཆེན་པོ་བཤད་ཀྱི་འདུག ང་རང་སྒེར་གྱིས་ངོས་ནསདེ་ཚོ་ལ་དགའ་བསུ་ཞུ་རྐྱང་ཡིན། ཁྱེད་རང་ཚོ་དངོས་གནས་བཙན་བྱོལ་སྒྲིགས་འཛུགས་མི་དགོས་ན་ཁྱེད་རང་ཚོ་མི་ཡུལ་དུ་སྐྱབས་བཅོལ་དེ་ཡང་མི་དགོས་བ་རང་བཞིན་གྱི་ཆགས་བསྡད་ཡོད་པ་ཤེས་ཨེ་ཡོད།
ཉིན་ཤས་རིང་གི་བོད་དོན་འགའ།
ལུང་རིགས་རྒྱལ་།
༡། རིན་པོ་ཆེ་རྣམ་གསུམ།
དུས་རབས་ཉི་ཤུ་ནས་ཉེར་གཅིག་གི་བར་དང་། ཡང་ན། ཉེ་རབས་ཀྱི་བོད་མི་རིགས་ཀྱི་ལོ་རྒྱུས་ཀྱི་དཀྱོགས་མཚམས་ཆེ་ཤོས་དེར་བྱོན་པའི་བོད་མིའི་དབུ་ཁྲིད་གལ་ཆེ་ཤོས་གཉིས་དེ་ཟླ་བ་འདིའི་ནང་དུ་དུས་མཉམ་དུ་བོད་མིའི་ཆབ་སྲིད་ཀྱི་ཁྲི་སྟེགས་ལས་ཕེབས། སྟེས་དབང་ལྟ་བུར། ཁོང་རྣམ་པ་གཉིས་ཀྱི་ལས་འཁྱུར་གྱི་དུས་སྐབས་དེ་ནི་བཙན་བྱོལ་བོད་མི་རྣམས་ཀྱིས་རང་དབང་དང་མང་མོས་ཀྱི་ཐོག་ནས་དབུ་ཁྲིད་ལོ་གཞོན་དང་དེང་རབས་ཀྱི་ཤེས་ཡོན་ལྡན་པ། ནུས་པ་དང་འཇོན་ཐང་ཅན་ཞིག་དགོས་པར་བློ་ཐག་གཙང་བཅད་བྱས་པའི་དུས་སྐབས་ལ་ཡང་འཁེལ། ད་དུང་བོད་མིའི་ཆབ་སྲིད་ཀྱི་འགྱུར་རིམ་འདི་ནི་མི་དགོས་ས་ནས་སྟབས་འཁེལ་ས་ཞིག་ནི། ཨ་རབ་ཀྱི་དཔྱིད་ཀ་སྟེ། དབུས་ཤར་ཨེ་ཤ་ཡའི་ནང་གི་གསར་བརྗེའི་འོས་ལངས་དང་འབྲེལ་བའི་སྲིད་དབང་རྩིས་སྤྲོད་དང་རང་དབང་རྩོད་ལེན་གྱི་སྐབས་ལ་ཡང་འཁེལ།