དེ་རིང་གི་གསར་འགྱུར་ནང་ཧྭ་་གོ་ཧྥིན་ཤི་ཟིན་པའི་སྐད་ཆ་འདུག ངས་ཁོ་ནི་གནའ་ནས་ཤི་ཚར་བ་རེད་སྙམ་མོད། ད་དུང་ཤི་མེད་པ་འདྲ། “ཁྱེད་ཀྱིས་ལས་དོན་སྒྲུབ་ན། ངའི་བློ་བདེ་” བའི་དཔོན་པོ་ནི་ལོ་ ༨༧ རེད་ཟེར། མའོ་ཤི་དུས་ཁོ་སྲིད་འཛིན་དུ་སླེབས་པ་ནི་ངའི་མིག་ལམ་ན་ད་དུང་གསལ་པོར་འདུག ༡༩༨༡ ལོར་ཁོའི་དབང་ཆ་ཤོར། དེ་ནས་ཏིན་སླེབས་པ་རེད། ངའི་རྣ་ལམ་ན་རྒྱ་ནག་གི་རྩིས་པ་ཞིག་གིས་ཁོས་ལོ་ལྔ་ལ་མ་གཏོགས་དབང་བཟུང་མི་ཡོང་བར་བཤད་པ་ཟེར་བ་ཞིག་ཐོས་རྒྱུ་འདུག ཁོའི་ཚེ་མཇུག་གི་གནས་ཚུལ་རྣམས་གང་ཡིན་ཞིབ་གསལ་ཤེས་ཀྱི་མེད་པ་རེད་ཟེར། ཨ་ཁ།…

དེ་ལས་མང་བ་། “ཧ་ཧ། ཧྭ་གོ་ཧྥིན་ཤི་འདུག” »

བོད་ནང་ཞི་བའི་ངོ་རྒོལ་བྱུང་བའི་རྗེས་ཙམ་ཞིག་ལ་རྨ་ལྷོ་སོག་རྫོང་དུ་རྒྱ་གཞུང་གིས་མི་ཞིག་འཇུ་བཟུང་བྱས་པའི་གནས་ཚུལ་ཞིག་གོ་བྱུང་ཡང་ཁ་པར་གྱི་བརྒྱུད་ལམ་ཚང་མ་འགག་པས་སུ་ཞིག་ཡིན་མིན་རྩད་མ་ཆོད་པར་ལུས། རྗེས་སུ་ཤེས་པ་ལྟར་ན། ཕ་ཡུལ་ཨ་རིག་ནས་ཡིན་པའི་མིང་ལ་ཧོང་ཆི་ཟེར་བའི་བཟའ་མི་གཉིས་ཡིན་པ་ཤེས། དེ་ཡང་ཧོང་ཆི་ནི་རླངས་འཁོར་གྱི་ཁ་ལོ་བ་ཞིག་རེད། ཁོང་བླ་བྲང་བཀྲ་ཤིས་འཁྱིལ་་དུ་ཕྱིན་ནས་ཚུར་ཡོང་བའི་ལམ་བར་དུ་འཇུས་འདུག ཁོང་འཇུ་བཟུང་བྱེད་སྐབས་ཁོས་ཅིའི་དོན་དུ་འཇུ་བཟུང་བྱས་པ་ཧ་གོ་མི་འདུག དེ་ནས་བཟུང་ཁོང་ག་པ་ཞིག་ཏུ་བཀག་ཉར་བྱས་པ་སུ་གང་གིས་ཀྱང་ཤེས་མི་འདུག ཁོང་ཚང་གི་ཨ་མ་རྒན་མོ་ཞིག་ཡོད་པ་དེ་གདོང་ཡོངས་མཆི་མས་བརླན་ནས་ཡར་གཏུགས་མར་གཏུགས་མང་པོ་ཞིག་བྱས་མཐར། ཁོ་ཚོའི་ཉེ་ཚན་སྟོབས་རྒྱལ་ཟེར་བའི་མགོ་ཁྲིད་ཅིག་ཡོད་པ་དེས་ཁོ་གང་དུ་ཡོད་མེད་རྩད་ཆོད་དེ་རྗེས་སུ་གློད་འདུག ཁོ་འཇུ་བཟུང་བྱེད་དགོས་པའི་དོན་དག་ནི། ཁོང་ཚོའི་ནང་གྲྭ་པ་ཞིག་བསྡད་འདུག་པ་དང་། གྲྭ་པ་དེས་རྒྱ་གར་ལ་ཁ་པར་ཞིག་བཏང་ཡོད་འདུག རྗེས་སུ་རྒྱ་གཞུང་གིས་རྩད་བཅད་ན་ཡང་གྲྭ་པ་དེ་གར་སོང་གི་རྗེས་མགོ་ནོན་མི་འདུག བར་སྐབས་དེར་མི་ཚང་མ་ཞེད་ནས་ནང་མི་སྤུན་མཆེད་བར་ཁ་པར་ཡང་གཏོང་ཐུབ་ཀྱི་མེད་པ་རེད།

ཁུངས་ལྡན་གནས་ཚུལ། དེ་རིང་ངས་ཁ་པར་བརྒྱུད་གནས་ཚུལ་གསར་པ་ཞིག་ཤེས་པ་ནི། རྨ་ལྷོ་བོད་རིགས་རང་སྐྱོང་ས་ཁུལ་ཁོངས་སོག་པོ་རྫོང་དུ་འགྲུལ་འཁོར་ཆུང་བ་རྒྱ་མིས་ཅོ་ཁྲེ་ཟེར་བ་དེ་འདྲ་ཞིག་གི་ཐོག་འབར་རྫས་གཉིས་རྙེད་འདུག ད་མི་ཚང་མ་འགྲུལ་བཞུད་བྱེད་རྒྱུར་ཡང་ཞེད་སྣང་སྐྱེ་གི་འདུག་ཟེར། འབར་རྫས་ཀྱི་སྐོར་འདི་ཐེངས་དང་པོ་མིན་པར་ཉེ་ལམ་སུམ་བཅུའི་དུས་དྲན་གྱི་རྗེས་སུ་བོད་ནང་དུ་ཐེངས་འགའ་ཤས་ཤིག་བྱུང་ཡོད་པ་ཚང་མས་ཤེས་གསལ་ལྟར་རེད། དང་པོ་དེ་ཕལ་ཆེར་སྨར་ཁམས་རྫོང་ཁོངས་ཀྱི་སྤྱི་བདེ་ལས་ཁུངས་ཤིག་ནང་འབར་རྫས་གས་འཐོར་བྱུང་བ་དེ་ཡིན་བསམ། དེ་ནི་རྒྱ་ནག་གཞུང་གིས་གྲྭ་བ་འགའ་ཤས་ཡིན་པར་བརྗོད་དེ་ཁོང་ཚོའི་མིང་དང་། ལོ་ཚོད་སོགས་གསལ་པོར་བཀོད་ནས་ཁྲིམས་ཐག་བཅད་པའི་གནས་ཚུལ་ཞིག་སྔོན་མ་ནས་རྒྱ་གཞུང་གི་དྲ་གནས་འགའ་རེའི་ནང་སླེབས་སོང་། དེའི་རྗེས་ནས་སྡེ་དགེའི་ཁོངས་རྫོགས་ཆེན་དགོན་པ་མིན་ནམ་དེ་འདྲ་ཞིག་ནང་ཡང་འབར་རྫས་གས་ཐོར་གྱིས་མི་རེ་ཟུང་རྐྱེན་ལམ་དུ་ཕྱིན་པ་དེ་ཡང་ཚང་མས་ཤེས་གསལ་ལྟར་རེད། དེ་མིན་བདུན་ཕྲག་སྔོན་མའི་ནང་བོད་ཀྱི་དུས་བབ་ཏུབཀོད་པ་ལྟར་ན། རྒྱ་ནག་གཞུང་གིས་འབོམ་རྫས་ཕོན་ཆེ་ཞིག་རྐུ་ལ་ཤོར་བའི་གནས་ཚུལ་ཞིག་དང་། སྤྱི་བདེ་མི་སྣས་དཀར་མཛེས་ཀྱི་བོད་མི་འབོམ་འཁྱེར་མཁན་ཞིག་གང་ས་གང་དུ་འཚོལ་ཞིབ་བྱེད་ཀྱི་ཡོད་པའི་གནས་ཚུལ་ཞིག་ཀྱང་སླེབས་སོང། ད་འདི་ཅི་ཡིན་ནམ། རྒྱ་གཞུང་གིས་བོད་མིའི་ངོ་རྒོལ་གྱི་ལས་འགུལ་དེ་དག་དྲག་པོའི་ངོ་བོར་བསྒྱུར་ཐབས་སུ་ཆོ་འཕྲུལ་ཞིག་སྟོན་གྱི་ཡོད་པ་ཡིན་ནམ། ཡང་ན།…

དེ་ལས་མང་བ་། “འགྲུལ་འཁོར་ཐོག་འབར་རྫས་རྙེད་པ།” »

དུས་བབ་ནས་བཤུས། འདོན་སྤེལ། ༢༠༠༨/༠༨/༡༤ ཨོ་ལིམ་པིག་གྲོལ་མ་ཐག་རྒྱ་ནག་གཞུང་གིས་རྒྱ་མི་ས་ཡ་གཅིག་བོད་ནང་གནས་སྤོར་བྱེད་རྒྱུའི་ཉེན་ཁ་འདུག་ཅེས་༧གོང་ས་མཆོག་གིས་གསུངས་ཡོད་པ་རེད། ཕྱི་ཚེས་ ༡༣ ཉིན་༧གོང་ས་མཆོག་གིས་ཧྥ་རན་སིའི་གྲོས་ཚོགས་འཐུས་མི་རྣམས་ལ་མཇལ་འཕྲད་གནང་བ་ལྟར། གྲོས་ཚོགས་འཐུས་མི་ཚོས་བཤད་དོན། ༧གོང་ས་ཏཱ་ལའི་བླ་མ་མཆོག་གིས་ཨོ་ལིམ་པིག་གྲོལ་མ་ཐག་རྒྱ་ནག་གཞུང་གིས་རྒྱ་མི་ས་ཡ་གཅིག་ལྷག་གང་མྱུར་སྒོས་བོད་ནང་གཞིས་སྤོར་བྱེད་དུ་འཇུག་རྒྱུའི་ཉེན་ཁ་འདུག་ལ། འདིས་བོད་མིའི་མི་འབོར་དེ་སྔར་ལས་ཤུགས་ཆུང་དུ་གཏོང་གི་རེད་ཅེས་གསུངས་སོང་ཟེར་ལ། ཏཱ་ལའི་བླ་མ་མཆོག་གིས་ང་ཚོར་བོད་ནང་གི་འཛིན་བཟུང་དང་མནར་གཅོད། ཁྲིམས་གཅོད། དམག་སྒར་གསར་པ་ཁག་ཏུ་དམག་མི་འཕར་སྣོན་བྱེད་པ་སོགས་ཐུགས་འཚབ་ཆེ་བའི་གནས་ཚུལ་སྐོར་གསུངས་བྱུང་ཟེར། རྒྱ་ནག་ལ་སྐྱོན་བརྗོད་བྱེད་མཁན་དག་གིས། ༢༠༠༦…

དེ་ལས་མང་བ་། “རྒྱ་ས་ཡ་གཅིག་ཡོང་འཆར།” »

གཡང་སྐྱབས་རྒྱལ་གྱིས། ཁ་སང་དེ་རིང་གི་གསར་འགྱུར་ནང་ཨོ་ལིམ་པིག་དང་མཉམ་པའམ་ཡང་ན་ཆེ་བའི་གསར་འགྱུར་ཅིག་ཡོད་པ་ནི་ཇཱོར་ཇི་ཡ་རྒྱལ་ཁབ་ཏུ་ར་ཤི་ཡའི་དམག་དཔུང་སླེབས་པ་དེ་རེད། ཨ་ཁ། ངས་བརྙན་འཕྲིན་ནང་ཇཱོར་ཇི་ཡའི་སྲིད་འཛིན་གྱིས་ཛ་དྲག་གི་གནས་སྟངས་འདིའི་སྐོར་རྒྱལ་སྤྱིའི་སྤྱི་ཚོགས་ལ་འབོད་སྐུལ་བྱེད་བཞིན་འདུག ང་མིག་བཙུམས་པ་ཡིན་ན། ཁོའི་རེ་སྐུལ་དེ་ཚོ་ནི་བོད་མིའི་དབུ་འཁྲིད་ཅིག་གི་ཁ་ནས་ཡོང་བ་དང་གཅིག་པ་གཅིག་རྐྱང་རེད་འདུག འབུ་ཆེས་འབུ་ཆུང་ཟ་བའི་གཏམ་རྒྱུད་འདི་ནི་ང་ཚོ་ལ་གསར་པ་ཞིག་ག་ལ་ཡིན། ༡༩༥༨ ལོར་ང་ཚོ་ཨ་ཆད་ཨུ་ཐུག་གི་སྐབས་དེར་ང་ཚོས་ཀྱང་འདི་འདྲའི་སྡུག་སྐད་བཏོན་ཡོད་པ་རེད། “ང་ཚོ་ནི་ལུང་པ་ཆུང་ཆུང་ཞིག་ཡིན། རཱ་ཤི་ཡ་ནི་དམག་སྟོབས་ཆེན་པོ་ངོམ་གི་འདུག ང་ཚོའི་དམག་གི་སྟོབས་ཤུགས་ཀྱིས་འདང་གི་མི་འདུག ང་ཚོའི་མི་མང་གིས་སྡུག་བསྔལ་མྱངས་གི་འདུག” སྐད་ཆ་འདི་ཚོ་གསར་པ་ཞིག་ཨེ་རེད། ཇཱོར་ཇི་ཡ་རྒྱལ་ཁབ་འདི་ལ་ནི་མི་འབོར་ས་ཡ་…

དེ་ལས་མང་བ་། “འབུ་ཆེས་ཆུང་ཟ།” »

དེ་རིང་ཡང་པེ་ཅིན་གྱི་བརྙན་འཕྲིན་ལས་ཁུངས་ CCTV ཟེར་བ་དེའི་མདུན་གྱི་ཨོ་ལིམ་པིག་རྩེད་འགྲན་གྱི་སྦྱར་བྱང་ཆེན་པོ་ཞིག་གི་མདུན་དེར། བོད་དོན་རྒྱབ་སྐྱོར་བས་བོད་རང་བཙན་གྱི་འཕྲེད་དར་བསྣར་འདུག ཁོང་ཚོའི་གྲས་ཀྱི་གཉིས་ཁེ་ན་ཌ་ནས་ཡིན་པ་དང་གསུམ་ཨ་མི་རི་ཀ་ནས་རེད་ཟེར། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག http://www.studentsforafreetibet.org/

རྒྱ་ནག་གི་ཁྲིན་ཏུའུ་གྲོང་ཁྱེར་གྱི་ནང་དུ་མོ་ཊའི་ཁ་ལོ་པ་རྣམས་ཀྱིས་མོ་ཊའི་དུང་བརྡ་བརྒྱབ་མི་ཆོག་པའི་ཁྲིམས་གཞི་བཟོས་ནས་ཡུན་རིང་ཙམ་སོང་།  ཡིན་ན་ཡང་བོད་པའི་ས་ཁུལ་ནས་ཡོང་བའི་བོད་པའི་ཁ་ལོ་པ་རྣམས་ད་དུང་ཁྲིམས་གཞི་དེ་ལ་གོམས་མེད།  བོད་པ་ཁ་ལོ་པ་ཞིག་གིས་ཁྲིན་ཏུའུ་ཡི་ཁྲོམ་ལམ་ཞིག་ཏུ་དུང་བརྡ་ཞིག་བརྒྱབ་མ་ཐག་སྤྱི་བདེ་མི་སྣ་ཞིག་གིས་ཁོ་ལམ་ཟུར་དུ་བཀག་ནས་ཆད་པ་ལ་སྒོར་མོ་ལྔ་དགོས་ཞེས་བཤད།   ཁ་ལོ་པ་དེ་ལ་ལྔ་ལོ་མེད་པར་བཅུ་ལོ་ཞིག་སྤྱི་བདེ་མི་སྣ་དེ་ལ་སྤྲད།  སྤྱི་བདེ་མི་སྣ་དེས་ཁོ་ལ་སློག་རྒྱུ་མེད་ཅེས་ནས་བཅུ་ལོ་དེ་ཕྱིར་ཁ་ལོ་པ་ལ་སྤྲོད་སྐབས།  ཁ་ལོ་པ་དེས་ཁོ་ལ་ཡང་ལྔ་ལོ་མེད་ཅེས་ཏེ་ཡང་སྐྱར་དུང་བརྡ་ཞིག་བརྒྱབ་ནས་ད་སློག་མི་དགོས་ཞེས་ཏེ་ཕྱིན་པ་རེད་ཟེར།

ཉིན་འདི་འགའི་རིང་ང་ཚོ་མང་ཆེ་བས་ཨོ་ལིམ་ཕིག་གི་རྩེད་འགྲན་ལ་ལྟ་གི་ཡོད་རྒྱུ་རེད། ད་གསེར་གྱི་རྟགས་མ་ཚང་མ་རྒྱ་ནག་གིས་རྟ་རྒྱུག་ཞོར་དང་མེ་ཏོག་འཐུ་ཞོར་བྱེད་ཀྱི་འདུག ཁྱེད་ཚོ་དེར་དགའ་བ་སྐྱེའམ་ཡང་ན་ཕྲག་དོག་སྐྱེ། འོད་ལམ་ལམ་གྱི་གསེར་གྱི་རྟགས་མ་རེ་རེའི་རྒྱབ་ལོགས་སུ་ལོ་རྒྱུས་ཀྱི་གྲིབ་ནག་རིང་མོ་རེ་ཡོད་པ་དེར་ཁྱེད་ཚོས་བསམ་བློ་ཨེ་བཏང་། དེའི་སྐོར་ལ་ཁྱེད་ཚོས་ཆི་བསམ། མྱི་སུམ་ཅུར་བསམ་བློ་སུམ་ཅུ། མཛོ་སུམ་ཅུར་རྭ་ཁ་དྲུག་ཅུ་ཡིནཔས་ང་ཁྱེད་ཚོའི་བསམ་ཚུལ་ལ་ཉན་འདོད་ཡོད། ཚང་མས་ཤེས་གསལ་ལྟར། རྒྱ་ནག་ལ་ཨོ་རྩེད་ཀྱི་གོ་སྐབས་ཐོབ་པ་ནས་བཟུང་། རྟགས་མ་མང་ཆེ་བ་ལེན་རྒྱུའི་འཆར་གཞི་བཏིང་སྟེ་རྒྱ་ནག་རྒྱལ་ཡོངས་སུ་བྱིས་པ་ལོ་ཆུང་གཟུགས་གཞི་ཚད་ལྡན་སྟོང་ཕྲག་མང་པོ་འདེམས་ཡོང་ནས་སྔོན་ཚུད་ནས་གྲ་སྒྲིག་བྱས་པའི་འབྲས་བུར་དེ་རིང་གི་རྟགས་མ་འདི་ཚོ་རེ་རེ་བྱས་འཁྱེར་འགྲོ་བའི་གོ་སྐབས་འདི་བྱུང་བ་མ་རེད་དམ། དེ་ཡང་ལོས་ཡིན་ཏེ། ངས་འདིར་བརྗོད་འདོད་པ་ནི། སྔོན་ཚུད་ནས་འཆར་གཞི་བཏིང་སྟེ་གྲ་སྒྲིག་བྱས་པ་ཁོ་ནས་རྟགས་མ་འདི་འདྲ་མང་པོ་ཞིག་ཅི་ལ་ཐོབ། དྲི་བ་འདིའི་ལན་ངས་གོང་དུ་བརྗོད་པའི་ལོ་རྒྱུས་ཀྱི་གྲིབ་ནག་རིང་པོ་ཟེར་བ་དེར་འགྲེལ་བཤད་ཐུང་ངུ་ཞིག་རྒྱབ་ན་དེས་འཐུས་སྙམ། དེ་ནི་རྒྱ་གཞུང་གིས་ལོ་ཆུང་བྱིས་པ་སྟོང་ཕྲག་དུ་མ་ཕ་མའི་རྩ་ནས་འདོད་པ་ཡོད་མེད་ལ་མ་ལྟོས་པར་འཁྱེར་ཕྱིན་པ་དེ་རེད།…

དེ་ལས་མང་བ་། “གསེར་གྱི་རྟགས་མའི་རྒྱབ་ཀྱི་གྲིབ་མ།” »

དེ་རིང་ཨ་རིའི་མི་འབོར་རྩིས་ཞིབ་ལས་ཁུངས་ཀྱིས་ ༢༠༤༢ ལོར་ཨ་མི་རི་ཀའི་ནང་མི་རིགས་དཀར་པོ་དེ་གྲངས་ཉུང་མི་རིགས་ཆགས་ཀྱི་རེད་ཟེར། ད་ལྟའི་གྲངས་ཉུང་མི་རིགས་ཁོངས་སུ་ཡོད་པའི་ཧི་སི་པ་ནིག་དང་ནག་པོ། ཨ་ཤེ་ཡའི་མི། ཨ་རིའི་གདོད་མི་བ་དེ་ཚོ་གྲངས་འབོར་མང་བ་ཆགས་རྒྱུ་རེད་ཟེར། ༢༠༡༠ ལོ་ལ་ཨ་རིའི་ནང་གི་མི་རིགས་དཀར་པོའི་མི་འབོར་གྱིས་སྤྱིའི་མི་འབོར་གྱི་བརྒྱ་ཆ་ ༦༥ ཟིན་རྒྱུ་ཡིན་པ་དང་། དེ་ནས་གྲངས་འབོར་དེ་ཚོ་རིམ་གྱིས་མར་འགྲིབ་ཀྱི་རེད་ཟེར། བོད་ཀྱི་མི་འབོར་ལ་འདི་འདྲའི་ཚོད་རྩིས་ཡོད་དམ།

འདིར་ང་ཚོས་མཆན་འདེབས་སྟངས་སྐོར་ལ་བསམ་འཆར་ཐུང་བསྡུས་ཤིག་བཤད་འདོད་བྱུང་། མི་འགའ་རེས་མཆན་འདེབས་སྐབས། མཆན་འདེབས་ས་གཅིག་གི་ནང་ལ་ཐིག་ཕྲེང་གཅིག དེ་ནས་གཞན་ཞིག་གི་ནང་ཐིག་ཕྲེང་གཉིས། དེ་ནས་ཡང་ཐིག་ཕྲེང་གཅིག་གམ་གཉིས། དེ་འདྲ་བྱས་པང་བསྒྲིགས་ནས་མཆན་འདེབས་ས་ལྔ་དྲུག་རེ་མི་གཅིག་གིས་བཟུང་འགྲོ་བ་དེ་ཡག་པོ་མི་འདུག ཕན་ཚུན་ལ་ལན་འདེབས་རེས་བྱས་ན་གནས་ཚུལ་མ་འདྲ་བ་རེད། ངོས་གཅིག་ལ་རྩོམ་གཅིག་གི་མཆན་གྱིས་བཀང་བ་ཡིན་ན་ང་ཚོས་རྩོམ་གཅིག་དང་མཆན་གཅིག་ལས་མཐོང་རྒྱུ་མི་འདུག མི་མང་པོ་ཞིག་འདིར་མཆན་རྒྱག་དུ་དང་ཀློག་ཏུ་ཡོང་གི་ཡོད་པ་རེད། མི་འགའ་རེ་དམིགས་བསལ་གྱིས་མི་ཆེ་གེ་མོ་རེའི་མཆན་ལ་དགའ་མོས་ཀྱིས་དེ་ཀློག་ཏུ་ཡོང་གི་ཡོད་པ་རེད། དྲ་ངོས་སུ་རྩོམ་འགའ་རེའི་མཆན་མཐོང་རྒྱུ་ཡོད་ན་ཡག་པོ་འདུག་སྙམ། དཔེ་བཞག་ན། ཡེ་ཤེས་ལ་མཚོན་ན། རང་རྩོམ་ག་རེ་དྲི་ཟའི་བུ་མོའི་རྣ་ལུང་ཡིན་ནམ་དེ་ལ། མཆན་དགུ…

དེ་ལས་མང་བ་། “བསམ་འཆར།” »