མུན་ནག་དང་འཆི་ལམ།
གངས་རི་དཀར་པོའི་དབུ་རྩེ་མཐོ་ཡང་བྲན་གཡོག་མགོ་བོ་ས་ལ་དུད། ། ཉི་ཟླ་གཉིས་དང་ཁ་ཐག་ཉེ་ཡང་འཇིགས་རུང་མུན་པའི་མཁའ་དབུགས་གཏིབས། ། དམ་ཆོས་རིན་ཆེན་གླེགས་བམ་མང་ཡང་ཤེས་རབ་སྒྲོན་མེར་དགྲ་རུ་འཛིན། ། སྨྱུ་གུ་ཐོགས་པའི་ཤེས་ལྡན་དག་ཀྱང་མིག་བཙུམས་གཡང་ལ་ཅིའི་ཕྱིར་མཆོང་། ། ལུང་ཤར་དཔའ་བོའི་ཕུགས་བསམ་མ་འགྲུབ་སྤྱན་མིག་གཉིས་པོ་ས་ལ་འཕངས། ། དགེ་ཆོས་རྒྱལ་རབས་རྩོམ་འཕྲོར་ལུས་ཏེ་ལོ་གསུམ་མུན་ནག་བཙོན་དུ་བཅུགས། ། ཕུན་དབང་སྒྱུར་བཅོས་སྙན་ཞུའི་ལན་དུ་ཁ་བ་ཅན་ནས་ས་མཐར་སྤྱུགས།། ། ཀླུ་སྨྱོན་རྩོམ་དེབ་མ་དཔར་སྔོན་དུ་འཆི་ལམ་རྫོང་བའི་དཔུང་ཁག་འདུར། །