སྤྲུལ་སྐུ་དབང་ཆེན།
ཉིས་སྟོང་ལོ་ཡི་ལོ་འགོ་ཞིག་ལ།
རྡོར་གདན་སྨོན་ལམ་གྲོལ་བའི་མཇུག་དུ།
བྱང་ཆུབ་ཤིང་དྲུང་ཕྱག་འབུམ་བསགས་ནས།
གཅིག་པུར་ཟླ་འགར་ལྷོད་ཡངས་བསྡད་ཡིན། །
ཉིན་ཞིག་དགོང་མོ་ནང་ལ་ལོག་ཁར།
ནམ་རྒྱུན་ཟ་ཁང་སྟབས་བདེ་དེ་ནས།
བྱ་ཤ་ཐུག་སྐམ་བརྔོས་མ་ཟ་སར།
དབྱིན་མོ་དུངས་ཤ་ཅན་ཞིག་མཇལ་བྱུང་། །
དེ་དུས་སེམས་ལ་སོར་སྡོམ་བཏགས་ཅིང་།
ལུས་ལ་སྟོན་པའི་ན་བཟའ་བགོས་ཕྱིར།
ཚུལ་འཆོས་བཅོས་མའི་རྫུ་བག་གསེབ་ནས།
མཇལ་བས་དགའ་ཞེས་གུས་ཉམས་བསྟན་ཡིན། །
དབྱིན་སྐད་མཉམ་དུ་བོད་སྐད་བསྲེས་ནས།
དགོན་དང་ས་ཕྱོགས་གང་ནས་ཡིན་ཞེས།
གདོང་ཉམས་ཟུར་མིག་གཡོ་བའི་དྲི་བར།
ཕྱག་འབུམ་བསགས་བཞིན་ཡོད་ཅེས་ལབ་ཡིན། །
ཁ་མཚར་དགོད་འཛུམ་ལྷོད་ལྷོད་ངང་ནས།
ཡུན་རིང་ངོ་ཤེས་ཤིག་དང་འཕྲད་འདྲས།
སེམས་ཚོར་མཚར་མོའི་ལུས་ཀུན་ཁྱབ་པས།
ཅོག་ཙེ་གཅིག་ཏུ་མཉམ་ཟ་བྱེད་ཟེར། །
སྡོམ་སེམས་མདུད་པས་དམ་དུ་བཅིངས་བའི།
བཙུན་ཆུང་ལུས་སེམས་གུ་དོགས་ཀློང་ནས།
ཡིན་མིན་ལན་དེ་བསྐྱལ་ཁོམ་མེད་པར།
དགོད་འཛུམ་གྱི་ལེར་མདུན་དུ་སླེབས་སོང་། །
བོད་དང་བོད་སྐོར་ཤེས་འདོད་ཡོད་ལ།
བོད་པའི་ནང་ཆོས་སྦྱོང་འདོད་ཆེ་ཟེར།
བོད་མིར་འགྲོགས་འདྲིས་ཆ་རྒྱུས་མེད་ཀྱང་།
བོད་སྐད་རང་སྦྱོང་བྱེད་བཞིན་ཡོད་ཟེར། །
དབྱིན་བོད་ཚིག་མཛོད་དེབ་ཆུང་ཞིག་ལ།
ལྟ་ཙམ་རེར་བྱས་སྐད་ཆ་ཐར་ཐོར།
བོད་སྐད་ནང་ལ་བཤད་ཐབས་བྱས་པས།
འགྲིག་མདོག་མཐེ་བོང་གནམ་ལ་བསྒྲངས་ཡིན། །
ཟས་ཟོས་རྗེས་སུ་སྡོད་གནས་ས་ཆ།
མགྲོན་ཁང་མིང་བཅས་གསལ་བོར་བཤད་ནས།
དུས་ཚོད་བྱུང་ན་ཕེབས་ཤོག་ཟེར་ཡང་།
གལ་ཆེའི་དོ་སྣང་ཡིད་ལ་མ་བྱས། །
ཕྱིར་ཉིན་ཉིན་གུང་ཕྱག་མཚམས་བཞག་ཏེ།
མཆོད་རྟེན་རྒྱབ་ལོག་ནང་སྒོར་མཛུལ་དུས།
དབྱིན་མོ་ཁེར་འགྲོ་རྒྱང་ནས་མཐོང་ཡང་།
སྣང་མེད་སྐོར་ལམ་དེད་ནས་ཡོང་ཡིན། །
ཧའ་ཞེས་སྐད་གཙང་མཇལ་པོའི་འབོད་དུས།
གོམ་དལ་ངང་ནས་ཕྱིར་འཁོར་བྱས་པས།
དབྱིན་མོ་ཤ་དཀར་ངང་མོ་འདྲ་ཞིག །
དྲན་སོས་བྱུང་ངམ་ཟེར་ནས་སླེབས་བྱུང་། །
དྲན་པའི་བརྡ་ལ་མགོ་བོ་གུག་ཅིང་།
ངག་ནས་དྲན་བྱུང་བདེ་འཚམས་དྲིས་ནས།
ལག་པས་ལག་པར་ལྷོད་འཇུ་བྱས་ཏེ།
ང་རང་ཟས་ལ་བྲེལ་ཡོད་ལབ་ཡིན། །
མགྲོན་ཁང་ཡོད་ས་ཁ་ཐག་མི་རིང་།
མཆོད་རྟེན་ཤར་སྒོའི་ཁྲོམ་གཞུང་དཀྱིལ་ཡིན།
ཟས་དང་བཏུང་བ་སྤྱོད་ཆོག་བཟོས་ཡོད།
ཁྱེད་རང་འབོད་པར་འདི་ན་ཡོང་ཟེར། །
ལྟོགས་སྐོམ་ལྟོ་ལ་ཟས་སྣའི་མགྲོན་འབོད།
སྙན་མོའི་ཁུ་བྱུག་ངག་ལས་ལྷག་པས།
ཐུགས་ཆེའི་དྲིན་གསོས་སྐད་ལན་བྱིན་ཏེ།
མགྲོན་ཁང་ཕྱོགས་ལ་གོམ་ཁ་བསྒྱུར་ཡིན། །
སུམ་ཐོག་ཁང་མིག་ནང་ལ་སླེབས་དུས།
ཉལ་ཁྲི་གཉིས་དང་བཅའ་དངོས་མ་གཏོགས།
བཟའ་བཏུང་ཟས་སྦྱོར་མཐོང་ལམ་མེད་ཀྱང་།
སྣང་མེད་ལྷོད་པོར་གདན་ལ་བསྡད་ཡིན། །
བུ་མོའི་གདོང་ཡོངས་འཛུམ་གྱིས་གང་ཏེ།
སྐད་ངག་ཆད་ཙམ་འཇམ་འདར་སྒོ་ནས།
སྐད་ཆ་བཤད་ནས་སྡོད་པ་མ་གཏོགས།
ལྟོ་ལ་ཕན་པས་ཟས་ཤིག་མ་སྤྲད། །
ལུས་ཀྱི་གྱོན་གོས་ཡོངས་རྫོགས་ཕུད་ཏེ།
ནུ་གཡོག་འོག་གོས་ཤིག་ལས་མེད་པར།
གཅེར་བུར་ང་ཡི་མཁྲིས་ལ་བསྡད་ནས།
ཆགས་གཏམ་ཆགས་ཉམས་ངག་ནས་གླེང་བྱུང་། །
ལུས་ལ་ངུར་སྨིག་ལྕགས་སྒྲོག་ལྕིད་ཅིང་།
སེམས་ལ་སོར་སྡོམ་ཞག་པ་དམ་པས།
གཡོ་མེད་གླེན་པས་རི་མོ་ཞིག་གིས།
མི་སྤོབས་སྙིང་རྩར་བྲེགས་ནས་ཤོར་ཐལ། །
དམ་བཅའ་རྡོ་རྗེའི་རྒྱ་གྲམ་འོག་ཏུ།
དམ་ཚིག་སྐུད་པ་ཕྲ་མོས་བསྡམས་པས།
དམ་ལས་འདའ་བར་སྐྲག་དངངས་དྲག་པོས།
དམ་ལྷོད་ལུས་ཀྱི་ཤ་རྒོད་ཞིག་སོང་། །
ངོ་གདོང་དཀར་ལ་དམར་མདངས་རྒྱས་ཤིང་།
མཉེན་ལྕུག་ལུས་པོ་ཁོང་འདར་བརྒྱབ་ནས།
ངོ་ཚ་ཁྲེལ་གྱི་ངོ་སྤགས་གཡུགས་ནས།
འདོམས་ལ་ལག་པས་བསྙབས་ནས་སླེབས་བྱུང་། །
རྐང་པ་གཉིས་བསྒྲིལ་བསྣོལ་ནས་ཡོད་སྟབས།
ལག་པར་འཛིན་རྒྱུ་རག་མ་བྱུང་བས།
ཧད་དེ་ཡིད་ཙམ་ངང་ལ་ལས་ནས།
གདོང་ལ་མིག་གཉིས་ཅེར་ནས་བསྡད་འདུག་། །
གོ་སྐབས་དེར་བརྟེན་གྱེན་ལ་ལངས་མཚམས།
མཆོང་བསྐྱོད་གཅིག་གིས་བདག་ལ་འཐབ་ནས།
ཨ་ཅོག་གཡོན་ཕྱོགས་ཁ་ནང་བླངས་ཏེ།
སོ་འདེབས་བཙིར་བས་དམ་ལ་བཏེགས་སོང་། །
ཡིད་ཙམ་དེའི་རིང་དྲན་འཕྲུལ་བརྒྱ་སྟོང་།
ཤུགས་དང་སྟོབས་ཀྱིས་ཕུད་སྒྱོགས་བཏང་ན།
ཁྱི་སྦྱང་ཉེན་རྟོག་ཉེན་ཁར་གཏུག་མིན།
དོན་མེད་མ་ཉེས་ཁོག་གཡོག་ཡོང་མིན། །
དེ་བས་འཇམ་པོའི་ཐབས་ཤེས་ཤིག་ནི།
ང་རང་ནང་པའི་གྲྭ་བཙུན་ཡིན་ཕྱིར།
བུད་མེད་ཆགས་བསལ་ལས་ཀ་སྤངས་པས།
དགོས་འདུན་བསྐོང་ལ་ནུས་མེད་ལབ་ཡིན། །
སོ་བར་ཨ་ཅོག་ཁ་ནས་ལྷོད་དེ།
སྐུ་མཁྱེན་རང་ལ་སེམས་པ་དགའ་བས།
ཚོར་བ་ཚ་པོ་མེ་ལྟར་འབར་བྱུང་།
ཐབས་ཤེས་གནང་ན་གང་དགོས་སྟེར་ཟེར། །
ཉིས་བརྒྱ་ལྔ་བཅུའི་ཁྲིམས་ཀྱི་གཉའ་ཤིང་།
འཇིགས་བསྐུལ་དམག་མིའི་མཚོན་དང་འདྲ་བར།
སྙིང་ཆུང་སྐྲག་ནས་བྲང་ཁོག་བརྡུང་བར།
ཚོགས་རྔ་བརྡུང་བས་སྒྲ་ལས་མཐོ་སྙམ། །
སྟོན་པས་ནང་བསྟན་སྙིང་པོའི་གལ་འགག །
གང་ལ་གང་འདོད་སྦྱིན་པ་ཡིན་ན།
བཟོད་མེད་སེམས་ཀྱིས་ན་ཟུག་བསལ་སར།
སེམས་ལ་དཔའ་བསྐྱེད་སྐྲག་དགོས་མེད་ཟེར། །
ནང་ཆོས་གཞུང་ལ་གོ་མྱོང་ཡོད་ཀྱང་།
ཐེག་དམན་དགེ་སྦྱོང་འགའ་རེ་མ་གཏོགས།
བོད་ཀྱི་ཐེག་ཆེན་ཆོས་པ་རྣམས་ལ།
བཀག་སྡོམ་མཚར་མོ་ཡོད་སྣང་མེད་ཟེར། །
སྟོན་པ་ཐུབ་པས་དགོངས་པ་ཡིན་ཀྱང་།
སྤྱོད་པ་བཅོས་ནས་ལྟ་བ་བསྐྱང་རུང་།
ཕོ་མོའི་བརྩེ་དུང་རང་དབང་བྲལ་འདི།
ཡང་དག་ཆོས་ལུགས་རྩ་བ་རུལ་ཟེར། །
བཤད་འཚམས་དེ་ནས་ཕྱག་རྒྱ་བཅས་ཏེ།
ཆོས་པ་ཡིན་མིན་ཆོས་ལུགས་ཡག་བཙོག །
སོ་སོའི་ལུགས་སྲོལ་བརྒྱུད་ནས་འགྲོ་དགོས།
དད་མོས་རང་འདོད་ཡིན་ཞེས་ལབ་ཡིན། །
གལ་ཏེ་ད་ལྟ་རང་སེམས་ལྷོད་ནས།
ང་རང་ཉིན་ཟས་ཟ་རུ་བཏང་ན།
དགོང་མོ་ས་རུབ་སྲོད་ཀྱི་དུས་སུ།
རང་འདོད་བསྐང་ཕྱིར་ཕྱིར་ཡོང་ལབ་པས། །
ལག་གཡས་མཐེ་བོང་ཀེར་ཀེར་བྱས་ནས།
མནའ་ཚིག་བོར་དགོས་ཟེར་ནས་བཤད་བྱུང་།
དོན་ཆེན་སྒྲུབ་ལ་ཆུང་བཏང་སྙམས་ནས།
མཐེ་ངོ་གཉིས་ཀ་མཉམ་སྦྱོར་བྱས་ཡིན། །
སྲོད་དུས་དུས་ཚོད་ག་དུས་ལོག་ཡོང་།
ཏན་ཏན་བྱས་ནས་སྒུག་ཡིན་ལབ་སོང་།
ག་དུས་ལབ་ཡིན་ད་ལྟ་བརྗེད་རུང་།
དུས་ཚོད་བགོས་ནས་ཏག་ཏག་བྱས་ཡིན། །
ལག་པའི་ཞགས་ཐག་བསྡམ་པ་ལྷོད་ཅིང་།
དབུགས་ཀྱི་རྒྱུ་བ་དལ་འགྲོ་བྱས་ཀྱང་།
ཧབ་ཧབ་ལུས་པོའི་གཡོ་མགུལ་དེ་ནས།
ཅི་ཞིག་བྱུང་བ་གསལ་བོར་རྟགས་འདུག ། །
རྙི་ཐག་བཀྲོལ་ནས་ཤོར་བའི་བྱ་བཞིན།
སྙིང་ཆུང་ཁར་ལ་ཐོན་སྣང་ཞིག་དང་།
ཚབ་ཚུབ་གོམ་སྟབས་བྲེལ་བས་ངང་ནས།
སྒོ་མོ་དལ་ཕྱེས་ཕྱི་ལ་ཐོན་བྱུང་། །
རྐང་མཐིལ་ཡང་ཡང་སྐས་ཐེམ་བརྫིས་ནས།
རྒྱ་སྒོར་འབུད་འཚམས་བར་དུ་ད་དུང་།
ཅི་ཞིག་གྲགས་ཡོང་སྙམ་པའི་ཚོར་བས།
སེམས་ལ་འཇིགས་སྣང་འཕར་མཚམས་མ་ཆད། །
ཧ་ཧ་ཧ། ཅུང་ཙམ་མིན་ན་སྡོམ་ཐག་རལ་གྲིས་བཅད་སོང་། གང་ལྟར་བྲིས་པ་ཧ་ཅང་སྙན། སྡོམ་པ་མ་ཤོར་ཧ་ཅང་བཟང་།
ངོ་མ་སྙན་མོ་བྱུང། ངག་གི་སྒྱུ་རྩལ་བཟང་གི་ཡ། སྒྲུང་དེ་དངོས་བྱུང་ཡིན་ན། ཁྱེད་རང་བོད་ཀྱི་ཐང་སེང་བླ་མ་ཡིན་ཟེར་ཆོག ངས་བལྟས་ན་དོན་དངོས་ཐོག་ཁག་པོ་ཡིན་གྱི་རེད་དྭ།
དགོང་མོ་དེར་མོའི་སར་ཕྱིན་ཡོད་མེད་བཤད་མིན་འདུག
ད་འདྲི་ཡ་མི་འདུག ཤོར་ཚར་འདུག སྐྱུག་ཙོག་རེད་ཡ། བོད་པའི་གྲྭ་བ་ཚོ།
དགོང་མོ་དེ་དབྱིན་མོ་འབྲམ་ལ་ཕྱིན་ཡོད་མེད་གསལ་བོ་ཞིག་བྲིས་ན་སྒྲུང་དེ་དངོས་གནས་སྙན་པོ་འདུག་ཡ་
ཁ་ཅིག་འདོད་པ་བཙལ་ནས་མ་བརྙེད།།
ལ་ལ་མི་འདོད་ཐོག་ཏུ་འབབ་གི།།
སྤྲུལ་སྐུ་རྣམ་པ་མཛེས་པོ་ཡོད་པས།།
དབྱིན་མོའི་སེམས་པ་གཏིང་ནས་ཤོར་འདུག།
དགོངས་མོ་མལ་གཅིག་སྟན་གཅིག་བྱས་ནས།། གཉིས་ལྔའི་རྣམ་གྲངས་ས་ལ་ཟག་སོང་།། དབྱིན་མོའི་དབྱིན་སྒོར་ཆར་ཏུ་བབས་པས།། དངུར་སྨྲིག་བླ་གོས་དཀར་པོར་གྱུར་སོང་།
བཙུན་པ་བཙུན་གྲལ་མི་སྡོད།
གཅིག་པུར་བརྒྱ་གྲོང་ཉུལ་ན།
ཐ་མ་ཡོང་རྒྱུ་དེ་ལས།
མེད་ན་རང་སྡུག་རང་ཉོས།
འདུལ་བའི་གཞུང་ལ་གཟིགས་ན།
གདུང་གཅིག་འོག་ཏུ་མི་ཉལ།
ཀ་གཅིག་འགྲམ་ན་མི་སྡོད།
མ་སྲིང་ཡིན་ཀྱང་མི་རུང།
དང་པོར་སྦྱིན་པའི་གཡབ་མོས་བོས་འདུག
གཉིས་པར་སྙན་པའི་འདོད་གཏམ་སྨྲས་འདུག
གསུམ་པར་མལ་སྟེང་བག་ཕེབས་བཞུགས་འདུག
བཞི་པར་དོན་མཐུན་དུས་བགོས་བྱས་འདུག
བཙུན་པ་བཙུན་གྲལ་མི་སྡོད་ཅི།
མུ་ཁྱུར་ཚོགས་ན་ལྷ་མིས་སྨོན།
གཅིག་པོར་གྲོང་གསེབ་ཉུལ་དྲགས་ན།
སྐྱེ་བོས་ཁ་མདའ་ཕོག་ཚེ་ཅི།
འདུལ་བ་ཁྲེལ་དང་ངོ་ཚས་སྲུང།
སྔོན་ནས་ཉེ་བར་འགྲོ་མི་རུང།
ཁུ་གསིམ་མལ་གདན་སྟེང་དུ།
ཁྱོད་སྡོམ་ཅི་བྱུང་འཕྱང་མོ་ཉུག
ཨ་ཨ་ཨ། སྤྲུལ་སྐུའི་ཤོར་གྲབས་བྱས་འདུག་ག ད་ཡིན་ན་ཡག་པོ་ཞིག་བརྒྱོབ་ས་རེད་བསམ་སོང་། ཡིན་ཡང་། སྟབས་ལེགས་ནས་ཤོར་མི་འདུག ཡག་པོ་བྱུང་འདུག
ཧ་ཅང་སྙན་པོ་བྲིས་འདུག
སྙན་མོ་ཞིག་བྲིས་འདུག །རྗེས་སུ་གང་འདྲ་བྱུང་ཡོད་ན་བསམ་ནས་ཤེས་འདོད་ཀི །
དེའི་མཇུག་ཏུ་གནས་ཚུལ་ཇི་ལྟར་བྱུང་མིན་མཁྱེན་འདོད་ཡོད་ན།
དེ་དགོང་ཕྱག་ཚོད་དྲུག་པ་ཙམ་ལ།།
ཤར་ཕྱོགས་སྒོ་ཡི་འགྲམ་དུ་སྒུག་འདུག།
ང་ཡི་མཉམ་དུ་མི་འགྲོ་ཟེར་ན།།
ཉེས་རྟོགས་པ་ལ་ཞུ་གྱིན་ཟེར་གྱི།།
དེ་ནས་མི་འགྲོ་ཐབས་མེད་བྱུང་ནས།།
མགྲོན་ཁང་ནང་དུ་སླེབ་མ་ཐག་དེར།།
གྲ་འགྲིག་བྱས་པའི་གྲང་མོའི་ཤེལ་ཕོར།།
གུས་ཉམས་ཚུལ་གྱིས་ང་ལ་སྤྲད་བྱུང༌།།
ཤེལ་ཕོར་ཆུ་གྲངའ་ཐུང་མ་ཐག་ཏུ།།
དྲན་པའི་ཀ་ཆེན་མཁྲེགས་པོར་གྱུར་ནས།།
བསྲན་ཚུགས་མེད་པའི་གནས་སུ་གྱར་ཏེ།།
དབྱིན་མོའི་འགྲམ་དུ་ཆར་དགོས་ཐུག་བྱུང༌།།
ཉལ་ཁྲི་ཆེན་པོ་དེའི་སྟེང་དུ།།
ཕར་འཁྱུད་ཚུར་འཁྲིལ་ལན་དགར་བྱས་ནས།།
འདུལ་ཁྲིམས་ཉིས་བརྒྱ་ལྔ་བཅུ་རྩ་གསུམ།།
འབུལ་ལོང་མེད་པར་དེ་གར་ཆག་སོང༌།།
སྤྲུལ་སྐུ་རིན་ཆེན་གསེར་དང་འདྲ།།
སྡོམ་པ་མིག་གི་འབྲས་བཞིན་སྲུང་།།
ང་ནི་དེ་འདྲ་མ་ཕྲད་ཐ།།
གལ་ཏེ་དེ་འདྲ་ཕྲད་གྱུར་ན།།
ཁྱི་རྒན་ལྟོག་པའི་འདོད་ཐོག་ཡིན།།
ཤ་མཇེ་ལྟུ་བཙལ་མང་ན་ཡང་།།
ཤ་སྟུ་མཇེ་བཙལ་ཤིན་ཏུ་དཀོན།།
ཡང་ན་ང་ཡི་ཤ་མཇེ་འདི།།
ཡི་དྭགས་སྐྱེས་པ་ཡིན་པ་འདྲ།།
ཨ་ཡེ་ལོ་ལོ་ཁ་ཤས་ཀྱིས།།
དགའ་གི་ཟེར་ནས་འཐམ་ལ་ཁད།།
རང་ཉིད་ལོ་རྒན་མི་ཤེས་ནོ།།
ང་རང་རང་གི་ངང་ཚུལ་ཡིན།།
ཁ་ཞིག་བསྐྱལ་ན་འེ་ཆོག་ཅེས།།
མགོ་སེར་ཁ་ཤས་ཟེར་མོད་ཀྱིས།།
ངས་ནི་དབྱིན་སྐད་མི་ཤེས་མདོག།
བསྟན་ནས་སྐད་བསྐྱུར་བཙལ་པ་ན།།
མོ་རང་ཚོ་ལའང་ངོ་ཚ་འདུག།
རྗེས་ནས་དེ་འདྲ་མི་གླེང་གི།
ཨ་པ་ཧོར་གྱི་རྡོབ་དེ་འདྲ།།
སྤྱིར་བཏང་མཁོ་པ་མེད་ནའང་།།
ས་མཐའ་ཉུལ་བའི་དགེ་སློང་ལ།།
རྡོབ་ལ་དགེ་པ་ཤིན་ཏུ་ཆེ།།
རྡོབ་ཀྱི་དགེ་མཚན་མང་ན་ཡང་།།
ད་ལྟ་དེ་ལས་འབྲི་ཁོམ་མེད།།
ཟླ་མེད་གཞོན་ནུ་དར་མ་ལ།
ཨ་མ་འཐམ་པར་གཟུར་ཐབས་ཀྱང་།
དབྱིན་མོའི་འོ་དེ་འདོར་ཐུབ་པས།
དེ་ཡང་རི་རྒྱལ་ལྷུན་དང་མཚུངས།།
རྡོ་གདན་དུ་ཕྱག་འཚལ་དུས་ཏོག་ཙམ་མ་གཏོགས་ཐར་པ་ཐོབ་ཤག ཧ་ཧ་ཧ་ཧ་་་་་་་་ཉིན་གུང་ཕྱིན་རྗེས་སུ་དུང་ཤ་ཅན་གྱི་མོ་དེ་ལ་སླར་ཡང་ཐུག་ཡོད་མེད་བྲི་ན་སྙན་མོ་ཡོང་ས་རེད།།
འདི་ནི་རྟོག་བཏགས་དང་སྒྲོ་བཏགས་སོགས་རྩ་བ་ནས་མིན། ཕྲན་རང་ལ་དངོས་སུ་བྱུང་བའི་གནས་ཚུལ་ཞིག་འཁྱོག་བྲལ་དྲང་བདེན་ཀྱིས་བརྗོད་པའི་གཏམ་རྒྱུད་ཅིག་ཡིན། དྲྭ་གྲོགས་རྣམས་ལ་དེའི་རྗེས་སུ་གང་བྱུང་ཐོས་འདོད་ཡོད་ན་ཞུ་ཆོག
རྟོག་བཟོ་་་བཅོས་དགོས
འབད་དང་རྩོལ་བ་མི་དགོས་པ། །
མཛེས་མ་མདུན་དུ་སླེབས་པ་དང་། །
རྒྱོ་ཡི་དགོས་འདུན་སྟོན་པ་འདི། །
ཚེ་སྔོན་བསོད་ནམས་བསགས་པའི་རྟགས། །
ཡཡ སྤྲུལ་སྐུའི་མཛད་པ་རེད། དེའི་རྗེས་སུ་གནས་ཚུལ་ཡག་སྡུག་གང་བྱུང་ཡང་ང་ཚོས་བླ་མའི་མཛད་པ་རེད་ཟེར་ནས་ཁ་རྩ་ནས་བཏང་མི་ཡོང་།
དེའི་རྗེས་སུ་གང་བྱུང་ཐོས་འདོད་ཡོད་པས། རྒྱས་ཙམ་གསུངས་པར་ཞུ།
ཡང་ན་སྤྲུལ་སྐུ་དབང་ཆེན་སྡོམ་པ་ཤོར།།
ཡང་ན་ཕྱག་འབུམ་བཞན་ནས་འགྲོ་རྒྱུ་ཁེལ།།
ཡང་ན་སྤྲུལ་སྐུས་ཉིན་དང་མཚན་ཁོར་མོ་ཡུག།
ཡང་ཡང་དབྱིན་མོ་སྒོམ་ནས་བསྡད་པ་འདྲ།།
གང་ལྟར་བཀྲ་ཤིས་ལོ་ལེགས་རང་མི་འདུག།
འགོ་འཇུག་མཐུན་པོ་ཞིག་ཀྱང་བྱུང་མ་སོང་།།
ཕྱེད་ཀ་བཤད་འདྲ་ཕྱེད་ཀ་སྦས་འདྲ་དེ།།
རྣམ་ཐར་ནང་དུ་མ་བཀོད་པ་རང་བཟང་།།
བོད་ཀྱི་བླ་མ་དེ་ཚོའི་ལོ་རྒྱུས་ནང་།།
སྦྲུམ་པ་ཙམ་གྱིས་མ་དེ་རྨི་ལམ་ཡག།
ཕ་དེ་ལམ་འགྲོ་ཆེ་སོགས་ལབ་རྒྱུ་རྣམས།།
ཁྱོད་ཀྱི་རྣམ་ཐར་དེ་ནང་དེ་ཚོ་དགའ།།
ཐུགས་རྗེ་ཆེ་ཕྱག་དབང་ཞུ་ཁོམ་མེད་དེ་ཙམ་ཡིན་།།
དགོངས་དག་ཡིད་ཆེས་མ་སོང་། རང་གི་བསམ་ཚུལ་ཙམ་མོ།
སྒྲུང་གཏམ་ཡིན་ན་དངོས་བྱུང་འགལ། དངོས་བྱུང་ཡིན་ན་སྒྲུང་གཏམ་འགལ།
དགེ་ཆོས་ཀྱིས་་་་་་་འདོད་པའི་་མི་ལ་བདེ་བ་སྟེར་བ་ན་་་་་དགེ་བ་མེད་ན་སྡིག་པ་ག་ལ་ཡོད་་་་་་ཞེས་པ་དེ་སྤྲུལ་སྐུ་དབང་ཆེན་ནས་མ་ཤེས་པ་འདྲ་་་་་་་་་་་་་་་གང་ལྟར་ང་འདྲ་ཡིན་ན་སྒྱུ་རྩལ་དྲུག་བཅུ་རྩ་བཞི་ཡོད་པའི་དབྱིན་མོ་དེ་སྐྱིད་པོ་ཞིག་སྒྱོ་ས་རེད་་་་་་་་་་་་་་་་་་་་་་་་་་་་་་་མདའ་སྨུག་གིས་སྡོམ་པ་ནི་རང་དབང་གི་དགྲ་བོ་རེད་ཟེར་བ་ལོས་བདེན་་་་་་་་་་་་་་་་་་་་་་་་་་་་སྙིགས་མའི་དུས་འདིར་སྡོམ་པ་ཡག་པོ་བསྲུང་མཁན་ནི་ཉི་མོའི་སྐར་མ་རེད་དེ་ལས་སྒྱོ་ན་ཁེ་སང་རེད་ལོ་སྤྲུལ་སྐུ་དབང་ཆེན་་་་་་་་་་་་་་་་་
གཉིས་སྟོང་ལོ་ཡི་དགོང་མོ་ཞིག་ལ། །
འདྲེ་རྒན་ང་ཡི་གཏམ་བཤད་ར་བར། །
མཇེ་དགའ་མོ་ཏོ་ཕག་མགོ་མེད་པས། །
གང་ལ་བུད་སོང་དྲིས་པའི་ལན་ལ། །
གཉེན་རྟོག་དཔོན་ཆེན་ཡར་ལ་ལངས་ཏེ། །
ཁ་སྔོན་ཞིག་ནས་ངོ་ཤེས་གྱུར་བའི། །
བླ་རྒན་དེ་ཡི་ལག་པར་འཇུས་ནས། །
མགྲོན་ཁང་ནང་ལ་བུད་ཐལ་ཟེར་གི །
མགྲོན་ཁང་ནང་ལ་འགྲོ་དོན་དྲིས་པར། །
ད་རུང་གནས་ཚུལ་ཅི་ཡིན་མ་ཤེས། །
རྗེས་ནས་ཤེས་ཏོགས་གསལ་བོ་བྱུང་འཕྲལ། །
སྐུ་ངོ་ཁྱེད་ལ་ཞུ་ཆོག་ཟེར་གི །
ངས་སྔོན་འབྱུང་ངོ་མ་ཞིག་བཤད་གོ། སྔོན་མ་འབྲས་སྤུངས་བློ་གསལ་གླིང་གི་སྐུ་ཞབས་འགའ་ཤས་ཨ་རིར་ཕེབས་ནས་ཆོས་དབྱངས་འདོན་པ་དང་། དཀྱིལ་འཁོར་བཞེངས་བ། དེ་བཞིན་འཆམ་ལ་སོགས་ཁྲབ། དགོངས་མོ་ཁོང་ཚོ་མི་འགའ་ཤས་མཉམ་དུ་ཨ་རིའི་མི་ཚང་གི་སྦྱིན་བདག་ནང་ལ་བསྡད། མཚན་མོ་ཞིག་ལ། སྐུ་ཞབས་ཤིན་དུ་སེམས་ཆུང་ཆུང་། སྤྱོད་པ་འདུལ་ཞིང་། དཔེ་ཆ་ལེགས་པ་ཞིག་ཡོད་པ་ཁོང་གི་མིང་ལ་ཡོན་ཏན་ག་གེ་མོ་ཟེར་རམ། མཚན་མོ་སྐུ་ཞབས་གཞན་རྣམས་ཏག་སེ་རྩེད་ནས་ནམ་ཕྱེད་བར་བཞུགས་དུས། ཁོང་སྔ་ས་ནས་ཁ་འདོན་བསྒྲུབས་རྗེས་གཉིད་ཁུག་ཟིན།
དགོངས་མོ་དེ་ལ་སྐུ་ཞབས་ཡོན་ཏན་ལ་གཉིད་ལམ་གཅིག་བྱུང་བ་འདྲ། ཁོང་གིས་ཕོ་མཚན་དེ་ཤིན་དུ་མཁྲེགས་པོར་གྱུར་ནས། དེ་ལག་པས་མཇུས་ནས། ཁ་ནས་དབྱིན་ཇིའི་ནང་། NO sex please, I am monk, No fuck please I am monk ཟེར།
སང་ཞོགས་མི་ཚང་མ་ཁ་ལག་བཟའ་དུས། སྐུ་ཞབས་གཞན་རྣམས་གཅིག་ནས་གད་མོ་ཤོར། གཉིས་ནས། ཁ་ཞེ་གཉིས་མེད་ཀྱིས་ཁོང་ལ་དད་པ་སྐྱེས་མཁན་ཡང་བྱུང་སོང་། རྒྱུ་མཚན་ནི། ཁོང་གཉིད་ལམ་ནང་ལ་ཡང་རང་གི་སྡོམ་པ་སྲུང་ཐུབ་ཀྱི་ཡོད་པའི་ཚོར་སྣང་སྦྱིན།
སྐུ་ཞབས་ལགས་ཁྱེད་ཀྱི་བླ་མེད་ཀྱི་ཆོད་སེམས་ལ་སྙིང་ནས་གུས་འདུད་ཞུ། འདི་ནི་ནང་པ་སངས་རྒྱས་པའི་གྲྭ་བ་ཞིག་གི་ཀུན་སྤྱོད་དངོས་རེད།
ལྟོ་ཁ་ལ་ཡོད་དུས་ལྕེ་ཡིས་འབུད་རྒྱག་རྒྱབ་འདུག་ག
དངོས་བྱུང་ཡིན་ན་སྒྲུང་རྩོམ་མ་རེད། སྒྲུང་རྩོམ་ནི་རྟོག་བཏགས་ལ་གོ་དགོས། སྤྲུལ་སྐུའི་ནོར་འཕྲུལ་ཤོར་འདུག
ལགས་སོ་དྲྭ་གྲོགས་གོང་དུ་ཡང་མི་གཅིག་གིས་རང་དང་འདྲ་བོ་ལབ་འདུག །དེ་ལ་གསལ་བཤད་ཅིག་ཞུ་ཆོག་པ་བཅས། སྤྱིར་སྒྲུང་ཞེས་པ་ལོ་རྒྱུས་དང་བསྒྲགས་ནས་བྱུང་བ་ཞིག་བསྒྲང་པའམ་མ་བྱུང་བ་ཞིག་རྟོག་བཟོ་བྱས་ནས་མཚར་གཏམ་དང་བསྲེས་ནས་བརྗོད་པ་སོགས་རིགས་མི་འདྲ་བ་མང་པོ་ཞིག་ཡོད་ནའང་། དོན་གྱི་ཆ་ལ་བརྩམ་སྒྲུང་དང་རྟོག་སྒྲུང་དང་དངོས་སྒྲུང་ངམ་སྦྱར་སྒྲུང་སོགས་ཅི་རིགས་ཤིག་ཡོད་མོད། དེ་དག་སོ་སོའི་སྐབས་ཐོབ་ཀྱི་མིང་ལས་རྟོགས་ཐུབ། ངས་གོང་དུ་དངོས་བྱུང་གི་ཞེས་པས་ཚིག་དེས་རྟོག་བཟོ་དང་མ་འབྲེལ་བའི་གོ་བ་བསྟན་ཡོད་ལ་སྒྲུང་གཏམ་ཅེས་པས་ལོ་རྒྱུས་དེ་སྦྱར་སྒྲུང་བྱས་ནས་བརྗོད་པ་ཞིག་ལ་གོ་བ་ལེན་ཐུབ། སྒྲུང་ཡིན་ཚད་རྟོག་བཟོ་ག་ལ་ཡིན། ལོ་རྒྱུས་ལའང་སྒྲུང་ལབ་ཆོག་ལ་སྒྲུང་ལའང་ལོ་རྒྱུས་ལབ་པས་ཤེས། དེ་ཙམ་གྱིས་ཆོག་པ་སྙམ། ད་དུང་དོགས་པ་ཡོད་ན་ཐོས་རྒྱ་ཆུང་བས་སྐྱོན་དུ་སེམས་དེ་ཐོས་དོན་མཐའ་རྒྱ་གཅོད་ལ་བརྩོན།།
ཅི་འདྲ་འདྲེས་བླ་རྒན་ལས་ངན་ཞིག ཁ་ནང་ལ་མར་བཞག་ན་མི་ཞི་་་་་་་ཟེར་བ་ཁྱོད་འདྲ་བོར་ལབ་ཡིན་རྒྱུ་རེད། ད་འགྱོད་པ་སྐྱེས་རུང་འཕྱི་སོང་བ་རེད་ཕྱིར་དྲན་བྱས་ནས་ཅི་ཕན།
ཨ་ཁུའི་སྡོམ་པ་བྲག་རེད། །
བྲག་ལ་སྟ་རེས་མི་ཆོད། །
གནའ་བོའི་གཏམ་དཔེ་འདི་ནི། །
ཅི་འདྲའི་བདེན་པ་རེད་ཨང་། །
ལེགས་སྦྱར་གྱི་ཚིགས་བཅད་ཅིག་ཏུ། ལོ་ངོ་བཞི་ཅུ་ཞེ་གྲངས་སྔོན་དུ་མཐོང་བ་ཞིག་ནི།
དབང་ཡུལ་མངོན་དུ་ཕྱོགས་པ་ན།
དབང་པོ་གཡོ་བ་མེད་པ་དེ།
ཡང་ན་མི་དེ་མ་ནིང་ངམ།
ཡང་ན་མི་དེ་རྣལ་འབྱོར་པའོ།།
སྤྲུལ་སྐུ་དབང་ཆེན་འདི་ཡི། །དངོས་བྱུང་ལོ་རྒྱུས་ཤེས་མཁན། །ཁྱོད་ཅག་དྲ་གྲོགས་རྣམས་ན། །སུ་དང་གང་ཡང་མི་འདུག །གནས་ཚུལ་མཁྱེན་འདོད་ཡོད་ན། །གུས་པས་གསལ་བར་ཞུ་ཆོག །དྲི་ཚིགས་སྔོན་དུ་སླེབས་ན། །ག་ལེར་ག་ལེར་ཞུ་ཆོག །དོན་མེད་དཀྲོག་གཏམ་མིན་པར། །དྲང་པོ་དྲང་བཞག་ཞུ་ཆོག །
སྤྲུལ་སྐུ་དབང་ཆེན་ལགས།
སྤྱིར་སྒྲུང་ཞེས་པ་ལོ་རྒྱུས་དང་བསྒྲགས་ནས་བྱུང་བ་ཞིག་བསྒྲང་པའམ་མ་བྱུང་བ་ཞིག་རྟོག་བཟོ་བྱས་ནས་མཚར་གཏམ་དང་བསྲེས་ནས་བརྗོད་པ་སོགས་རིགས་མི་འདྲ་བ་མང་པོ་ཞིག་ཡོད་ནའང་། དོན་གྱི་ཆ་ལ་བརྩམ་སྒྲུང་དང་རྟོག་སྒྲུང་དང་དངོས་སྒྲུང་ངམ་སྦྱར་སྒྲུང་སོགས་ཅི་རིགས་ཤིག་ཡོད་མོད། དེ་དག་སོ་སོའི་སྐབས་ཐོབ་ཀྱི་མིང་ལས་རྟོགས་ཐུབ། ངས་གོང་དུ་དངོས་བྱུང་གི་ཞེས་པས་ཚིག་དེས་རྟོག་བཟོ་དང་མ་འབྲེལ་བའི་གོ་བ་བསྟན་ཡོད་ལ་སྒྲུང་གཏམ་ཅེས་པས་ལོ་རྒྱུས་དེ་སྦྱར་སྒྲུང་བྱས་ནས་བརྗོད་པ་ཞིག་ལ་གོ་བ་ལེན་ཐུབ། སྒྲུང་ཡིན་ཚད་རྟོག་བཟོ་ག་ལ་ཡིན། ལོ་རྒྱུས་ལའང་སྒྲུང་ལབ་ཆོག་ལ་སྒྲུང་ལའང་ལོ་རྒྱུས་ལབ་པས་ཤེས། དེ་ཙམ་གྱིས་ཆོག་པ་སྙམ། ཞེས་ཁྱོད་ཀྱི་མཆན་འདེབས་ནང་། ལོ་རྒྱུས་དང་སྦྲགས་པའི་སྒྲུང་། དངོས་སྒྲུང་། ལོ་རྒྱུས་ལ་སྒྲུང་ལབ་ཆོག སྒྲུང་ལ་ལོ་རྒྱུས་ལབ་ཆོག ཅེས་བཀོད་འདུག་པ། ལོ་རྒྱུས་ཞེས་པ་རྒྱལ་ཁབ་བམ། སྡེ་པ། མི་སོགས་ཀྱི་འདས་པའི་བྱུང་རབས་ཡིག་ཐོག་བྲིས་པ་ཞིག་དང་། སྒྲུང་ཞེས་པ་སྒྲོ་བཏགས་པའི་བརྗོད་འདོད་གང་ཡང་རུང་བ་ལོ་རྒྱུས་ལྟ་བུར་བརྗོད་པ་ཞིག་ལ་བརྗོད། མདོར་ན། ལོ་རྒྱུས་ཞེས་བརྗོད་དུས་དངོས་ཡོད་ཀྱི་བྱུང་རབས་དང་། སྒྲུང་ཞེས་པ་དོན་དངོས་དང་མ་འབྲེལ་བ་ཞིག་ཡིན། དཔེར་ན། ཆ་འཇོག་མེད་པའི་མི་ལ་སྒྲུང་པ་ཞེས་འཕྱ་སྨོད་བྱེད་པ་ནས་གོ་དོན་རྟོགས་ཐུབ། དེང་དུས་ང་ཚོའི་མ་འོངས་སོན་རྩ་རྣམས་ཀྱིས་ལག་པ་གཡོན་པར་ལག་པ་སྡུག་པ་དང་། ཆུ་ཁོགས་ལ་ཆུ་སོད། འབྲི་ལ་གཡག་མོ། ངའི་ལོ་རྒྱུས་ལ་ངའི་སྒྲུང་། བོད་ཀྱི་ལོ་རྒྱུས་ལ་བོད་ཀྱི་སྒྲུང་། ད་དུང་དངོས་སྒྲུང་། ཞེས་པ་དང་མར་རྒྱས་ཞེས་སོགས་ བོད་གངས་ཅན་པའི་བརྡ་སྤྲོད་པའི་ལམ་གོ་ལོག་བེད་སྤྱོད་པ་དེའི་ལམ་དུ་མི་ཞུགས་པར་ཞུ།
སྤྲུལ་སྐུ་བདེན་པ་རེད། ལོ་རྒྱུས་དང་སྦྱར་བའི་སྒྲུང་གཏམ་གང་མང་མང་རེད། འབྲི་ཕོད་པ་དང་བཤད་ཕོད་པ་དུས་རབས་ཉེར་གཅིག་པའི་སྤྲུལ་སྐུ་ངོ་མ་ཞིག་རེད།
འབྲི་ཕོད་བཤད་ཕོད་རྒྱོ་མ་ཕོད། །
དེང་དུས་སྤྲུལ་སྐུ་ག་ལ་ཡིན། །
དངོས་བྱུང་ལོ་རྒྱུས་ཡིན་ན་སྒྲུང་ཡིན་ཆོག་ལ། སྒྲུང་ཡིན་ན་དངོས་བྱུང་ལོ་རྒྱུས་ཡིན་མི་དགོས།
སྤྲུལ་སྐུ་དབང་ཆེན་ཁྱོད་ཀྱི་དངོས་བྱུང་ལོ་རྒྱུས་ནས་ད་ལྟའི་གནས་ཚུལ་ཞིག་ཤོད་དང་། དེ་འཕྲོར་ཚང་མ་ཧང་སང་ངེས་རེད།
འགོ་འཇུག་མེད་པའི་གཏམ་ལ་སྙན་པོ་དེ་ཙམ་མི་འདུག །གལ་ཏེ་དངོས་བྱུང་ཡིན་ན་ཆ་ཚང་བ་ཞིག་བཤད་ཐུབ་ན་ཕན་ཐོགས་ཡོད་ས་རེད། ཡང་ཞབས་འདྲེན་ཞུས་ཡག་དེ་འདྲ་ཡིན་ན་་་་ད་ག་མཚམས་འཇོག་བྱས་ན་ཡག་ཤོས་རེད།།