བསིལ་ཆབ།
དགེ་རྒན་ཞིག་ཡིན་ཚེ་རང་གི་སློབ་ཕྲུག་གི་བློ་སྒོ་ཇི་ལྟར་འབྱེད་པའི་སྐོར་ལ་བསམ་བློ་མི་གཏོང་མཁན་ཕལ་ཆེར་ཡོད་མི་སྲིད་ལ། དེ་ཡང་རང་ཉིད་ལ་སྐད་ཡིག་གི་རྨང་གཞི་ཡོད་པ་ཁོ་ནས་མི་འགྲིགས་སྟེ། གཙོ་བོ་སློབ་ཁྲིད་ཀྱི་ཐབས་ལམ་དང་སྐད་ཡིག་གི་མངར་ཆ་སྤྲོད་ཐུབ་མིན་ལ་རག་ལུས་ཡོད་པ་མ་ཟད། དམིགས་བསལ་སློབ་ཕྲུག་རྣམས་རང་གི་སྐད་ཡིག་ལ་དུང་ཞེན་ལྡན་པ་ཞིག་བཟོ་ཐུབ་མིན་ལའང་རག་ལུས་ཡོད། འོན་ཀྱང་དེ་ནི་དགེ་རྒན་གྱི་ཤེས་ཚད་དང་ཐབས་རྩལ་ལ་རག་ལུས་པས་ན་འདི་ནས་ཆེད་དུ་དགེ་རྒན་རྣམ་པ་དང། དགེ་རྒན་ལྟ་བུའི་རྩོམ་པ་པོ་རྣམས་ལ་འབོད་བསྐུལ་དང་འབྲེལ་མ་འོངས་བོད་ཀྱི་སོན་རྩར་གླེང་བའི་སློབ་ཕྲུག་འདི་དག་གི་ཆེད་དུ་རྩོམ་ཡིག་དང། ཁྲིད་ཐབས། སྐད་ཡིག་སྦྱོང་ཐབས། རྩོམ་ཡིག་འབྲི་བའི་མྱུར་ལམ་སོགས་མདོར་ན་དྲ་ཚིགས་འདིའི་དགོས་དམིགས་ཇི་བཞིན་སློབ་ཕྲུག་དང་དགེ་རྒན་ཉིས་ཆར་ཕན་པའི་བརྩམས་ཆོས་རེ་སྤེལ་རོགས་་གནང།
ཕྱི་གླིང་བ་དང་གྲྭ་ཆས།
ཉིན་གྲངས་འདི་ཚོར་བོད་ནང་གི་དྲ་ལམ་ཁག་ན་གླེང་མོལ་ཤུགས་ཆེན་བྱེད་བཞིན་པའི་འདྲ་པར་འདི་ཁ་བརྡ་བ་ཚོར་གཟའ་མཇུག་གི་ཁ་བརྡའི་ཆེད་བཀོད་ཡིན།
