ད་རེས་གཟའ་སྤེན་པའི་ཕྱི་དྲོ་དུས་ཚོད་གཉིས་པ་ནས་བཞི་བའི་བར་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་གློག་བརྙན་བཟོ་མཁན་པད་མ་ཚེ་བརྟན་དང་རིག་ལྡན་རྒྱ་མཚོ་གཉིས་ནས་ཁོང་གཉིས་ནས་ད་ཕན་གློག་བརྙན་བཟོས་པའི་མྱོང་ཚོར་སྐོར་གླེང་མོལ་བྱེད་ཀྱི་འདུག་་་་ཀོ་ལུམ་སྦི་ཡ་སློབ་གྲྭ་ཆེན་མོའི་བོད་ཀྱི་གློག་བརྙན་གྱི་ཆེད་མཁས་ Dr. Robert Barnettལགསནས་གླེང་མོལ་དེའི་གླེང་སྣ་འདྲེན་རྒྱུ་རེད་ཟེར།་ པད་མ་ཚེ་བརྟན་ལགས་ནི་མ་ནི་རྡོ་འབུམ་ཟེར་བའི་གློག་བརྙན་དེ་བཟོ་མཁན་ཡིན་ལ་ད་རེས་འཚོལ་ཟེར་བའི་གློག་བརྙན་གསར་པ་ཞིག་བཟོས་ནས་ནེའུ་ཡོག་ལ་ཕེབས་ཡོད་པ་དང་།་་་རིག་ལྡན་རྒྱ་མཚོ་ནི་བོད་མིའི་ཁྲོད་དུ་་བྱིས་པའི་གློག་བརྙན་དང་པོ་དེ་ཡིན་པ་དང་།་་་ད་ཕན་མ་མོ་དབུས་ལམ་དང་།་་་བུ་མོ་ལྷ་རིས་མ།་་་སྤྱང་ཀི་བཏུལ་བ།་་་གྲོང་ཆོག་པར་མགོ་བསྐོར་བ་ཟེར་བ་ལྟ་བུའི་བྱིས་པའི་གློག་བརྙན་དུ་མ་བཟོས་འདུག་་་་ ཁོང་གཉིས་ད་རེས་ནེའུ་ཡོག་ལ་བོད་ཀྱི་གློག་བརྙན་སྟོན་པའི་ལས་འགུལ་Tibet In Harlem ཟེར་བ་ཞིག་ལ་ཁོང་གཉིས་ཀྱི་གསར་བཟོས་གློག་བརྙན་སྟོད་དུ་གདན་འདྲེན་ཞུས་པ་རེད་ཟེར།་་་་དེའི་ཤེས་འདོད་ཡོད་པ་རྣམས་http://www.columbia.edu/cu/tibetfilms/ ཟེར་བ་ལ་ཕེབས་གནས་ཚུལ་ཞིབ་རྒྱས་འདུག་གོ
པོད ལྷ་ཀླུ་གཉན་གསུམ།
ཕར་ལ་དེད་ཀྱང་ཚུར་ལ་འཁོར་ནས་འོང་།།
ཚུར་ལ་འཁོར་བ་དེ་ཡི་ཁ་མི་གྲགས་པ།།
ཚོར་བའི་སྣང་བརྙན་འདི་ཡི་སྔ་གཞུག་དུ།།
རང་ཉིད་བོད་པ་ཡིན་པ་ཡང་ཡང་དྲན།།
དྲན་པ་གོར་མོ་རི་མགོའི་དར་ལྕོག་བཞིན།།
རླུང་འཚུབ་དྲག་པོས་ཡང་ཡང་བསྐྱོད་ཐེངས་ཤིག།
འགྲོ་འདུག་བསྐྱོད་གསུམ་གསུབ་ན་བཞུར་བ་འདིས།།
རང་གི་སྐྱི་འབག་འདི་ལ་ཤེད་ཅིག་སྩལ།།
དཀར་པོ་དུང་ལ་བརྒྱུས་པའི་བསམ་གཞིགས་དང་།།
དམར་པོ་མེ་ཡི་བསྲེག་པའི་ཞེན་རྩ་དང་།།
ལྷོག་ལྷོག་ཁོང་ནས་བརྡོལ་བའི་སྙིང་ཆུང་གིས།།
རིགས་ཞེན་དྲི་མ་མེད་པའི་ཚུལ་ཞིག་མངོན།།
བཅར་འདྲི་ཞུ་ཡུལ། ལྕགས་མོ་འཚོ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།
༡ཐོག་མར་ཁྱེད་རང་གསར་འགོད་ལས་རིགས་ལ་དོ་སྣང་དང་དགའ་མོས་སླེབས་པའི་བརྒྱུད་རིམ་མདོར་བསྡུས་ཤིག་གསུངས་ན་འགྲིག་གམ།
ལན། ང་རང་ལ་མཚོན་ན་སློབ་ཆེན་གྱི་སློབ་མའི་དུས་ནས་བཟུང་གསར་འགྱུར་ལྟ་ཀློག་བྱེད་པར་ཧ་ཅང་དགའ་བོ་ཡོད་པས།ནམ་རྒྱུན་རྒྱ་ནག་གི་མཉམ་བསྒྲགས་གསར་འགྱུར་སོགས་ལའང་ལྟ་མཁན་ཞིག་ཡིན།དེ་བཞིན་སློབ་གྲྭའི་གུང་གསེང་དུས་སུ་ཕྱིར་ཕ་ཡུལ་དུ་ལོག་དུས་ཨ་རིའི་རྒྱང་སྲིང་དང་ཧྥ་རན་སུའི་རླུང་འཕྲིན་སོགས་ཕྱི་རྒྱལ་གྱི་རྒྱ་སྐད་རླུང་འཕྲིན་ལ་ཉན་རྒྱུར་ཧ་ཅང་དགའ་བོ་ཡོད།།དེ་བས་ལོ་མཉམ་གྱི་སློབ་གྲོགས་གཞན་དག་ལས་ལྷག་པར་ཆབ་སྲིད་ཐོག་དོ་སྣང་སླེབས་ལ།སེམས་གྱི་སྡུག་བསྔལ་ཡང་ཇེ་ཆེར་སོང་།སྟབས་ལེགས་པ་ཞིག་ལ་བོད་ནང་དུ་ཡོད་དུས་སྔ་རྗེས་སུ་རླུང་འཕྲིན་དང་ཚགས་པར་ཁང་དུ་གསར་འགྱུར་གྱི་ལས་དོན་གཉེར་བའི་གོ་སྐབས་ཀྱང་མི་ཉུང་བ་ཞིག་བྱུང་།ཡིན་ནའང་ཕྱིའི་གསར་འགྱུར་བརྒྱུད་ལམ་དང་རྒྱ་ནག་གཞུང་གི་སྟངས་འཛིན་འོག་གི་གསར་འགྱུར་བརྒྱུད་ལམ་ནི་རྦད་དེ་ཁ་ཁ་རེད་།བོད་དུ་གསར་འགྱུར་ལས་ཀ་བྱེད་དུས་གཙོ་བོ་ཏང་གི་རྩ་དོན་བཞིའི་ནང་དོན་དང་འགལ་ཡོད་མེད་ཀྱི་ཨང་རྩིས་ལྟ་བུའི་སྒྲོམ་གཞིའི་ནང་འགྲོ་བ་མ་གཏོགས།གསར་འགྱུར་དངོས་ཀྱི་རིན་ཐང་དང་འབྲེལ་བའི་ཐོག་དེ་འདྲའི་དོ་སྣང་བྱེད་ཀྱི་མ་རེད་།གལ་ཏེ་སྤྱི་ཚོགས་དང་འབྲེལ་བའི་གསར་འགྱུར་ཞིག་ཡིན་ནའང་ས་གནས་སྲིད་གཞུང་དང་དོ་ཕོག་བྱུང་མིན་དེ་ཨང་དང་པོར་འཇོག་གི་རེད་།ལྷག་པར་མི་རིགས་གྲངས་ཉུང་གི་གསར་འགྱུར་ལས་རིགས་དོན་གཉེར་མཁན་ཚོས་དེ་བས་སྲིད་དོན་ཐད་ཧ་ཅང་སེམས་ཆུང་བྱེད་དགོས་པ་དང་།གནས་ཚུལ་མང་ཆེ་བ་རྒྱ་ཡིག་ནང་བྲིས་ཟིན་པ་རྣམས་ཡིག་བསྒྱུར་བྱེད་པ་གཙོ་བོར་འཇོག་གི་འདུག སྤྱིར་གསར་འགྱུར་སྐོར་གྱི་གཞུང་ལུགས་ཁྲིད་སྐབས་ཕྱོགས་ལྷུང་མེད་པ་དང་དྲང་བདེན་།དུས་ཚོད་ཀྱི་རང་བཞིན་བཅས་གསར་འགྱུར་གྱི་ཚད་གཞི་ཡིན་པ་བརྗོད་བཞིན་ཡོད་ནའང་།དོན་དངོས་ཀྱི་ལག་ལེན་ཁྲོད་རྦད་དེ་ཁ་ཁ་རེད་། བཙན་བྱོལ་དུ་འབྱོར་ནས་ཡང་བསྐྱར་གསར་འགྱུར་ལས་རིགས་གཉེར་བའི་ལས་སྐལ་ཐོབ་དུས། དངོས་གནས་གསར་འགྱུར་བརྒྱུད་ལམ་ནི་སྲིད་གཞུང་དང་ཚོགས་པ་གང་རུང་གི་དྲིལ་བསྒྲགས་ལག་ཆ་མ་ཡིན་པར་གནས་ཚུལ་ཅི་རིགས་ཤེས་རྟོགས་ཀྱི་སྟེགས་བུ་ཞིག་ཡིན་པ་རྟོགས་ལ། རང་ཉིད་གཞོན་དུས་ནས་དགའ་མོས་ཀྱི་ལས་རིགས་འདི་ཡང་བསྐྱར་གཉེར་བའི་བགོ་སྐལ་ཐོབ་པར་སྤྲོ་བ་ཆེན་པོས་བརྟས།
དེ་ལས་མང་བ་། “གསར་འགོད་ལས་རིགས་ཀྱི་ཐད་ནས་བུད་མེད་རྩོམ་པ་པོ་ལྕགས་མོ་འཚོ་ལ་བཅར་འདྲི།” »
༼དུས་བབ་དྲ་ངོས་ནས་བཤུས་འགོད་ཞུས༽
སྐབས་བཅུ་བཞི་བའི་གྲོས་ཚོགས་འདི་ལ་གསལ་བཤད་ག་ཚོད་བྱས་ཀྱང༌། གསལ་བོ་ཆགས་རྒྱུ་མེད་པའི་ཉམས་མྱོང་ཧ་ཅང་གཏིང་ཟབ་ཆགས་འདུག གསལ་བཤད་མགོ་འཛུགས་སྐབས་ནས་གསལ་བོ་ཆགས་པ་མ་རེད་ལ། གསལ་བོ་ཆགས་རྒྱུར་འདོད་ཀྱང་ཡོད་པ་མ་རེད། གསལ་བཤད་དང་རྒྱུ་མཚན་བཤད་དེ་གསལ་བོ་ཆགས་རྒྱུ་ཡོད་ན། ཐེངས་འདིར་༧གོང་ས་མཆོག་གིས་འདི་ལྟ་བུའི་གསུང་འཕྲིན་ཞིག་ཕེབས་དགོས་དོན་ཡང་ཡོད་པ་མ་རེད། ཅེས་བཀའ་བློན་ཁྲི་པས་གསུངས་ཡོད།
ཉེ་ཆར་༧གོང་ས་མཆོག་གིས་གྲོས་ཚོགས་ལ་བསྩལ་བའི་གསུང་འཕྲིན་སྐོར་ལ་གྲོས་ཚོགས་ནང་བགྲོ་གླེང་དང་དོགས་འདྲི་སྣ་ཚོགས་བྱས་པ་ཁག་ལ། དེ་རིང་སྔ་དྲོའི་ཆུ་ཚོད་ ༡༠ སྟེང་བཀའ་བློན་ཁྲི་པ་མཆོག་གིས་དོན་ཚན་ ༥ ཡི་ལན་འདེབས་དང་གསལ་བཤད་རྒྱས་པ་ཞིག་གནང་ཡོད། སྐབས་དེར་བཀའ་ཁྲི་མཆོག་གིས་ནན་ཏན་གྱི་ཐོག་ནས་གསུངས་དོན། ༧གོང་ས་མཆོག་གིས་གསུང་འཕྲིན་གསལ་བོ་གནང་ཡོད་སྟབས། དེ་ལ་གསལ་བཤད་བྱ་རྒྱུ་ལྷག་མེད་ཀྱང༌། སྤྱི་འཐུས་རྣམ་པས་གྲོས་བསྡུར་གནང་བའི་སྐབས་སུ་བཀའ་འདྲི་མང་པོ་ཞིག་༧གོང་ས་མཆོག་ལ་ཐད་ཀར་ཞུ་བཞིན་ཡོད་པ་ལྟ་བུར་ཚོར་སོང༌།
དེ་ལས་མང་བ་། “བཀའ་ཁྲིས་གྲོས་ཚོགས་འཐུས་མི་ཚོར་སློབ་ཚན་འཁྲིད་གནང་བ།” »
རྒྱ་བལ་ས་མཚམས་ནས་བོད་མི་བཀག་བསྡོམས།
ཉེ་བའི་སྤྱི་ཟླ་གསུམ་པའི་ཚེས་༩་ནས་རྒྱ་གར་ནས་བལ་ཡུལ་ལ་ཡོང་མཁན་བོད་མི་ཚོ་བལ་ཡུལ་གི་ཉེན་རྟོག་པས་བལ་ཡུལ་རྒྱལ་ནང་དུ་འཛུལ་ཞུགས་བྱེད་དུ་མ་བཅུག་པར་བཀག་བསྡོམས་བྱས་ཡོད་པ་དང་། རྒྱ་བལ་ས་མཚམས་ན་བོད་མི་བརྒྱ་ལ་ཉེ་བ་ལུས་བསྡད་ཡོད་པ་རེད། བལ་ཡུལ་ས་མཚམས་གྱི་མཐའ་སྲུང་བ་དང་ཉེན་རྟོག་པས་བཤད་ན་དེ་ནི་སུམ་ཅུའི་དུས་དྲན་རིང་བལ་ཡུལ་རྒྱལ་ནང་དུ་བོད་མི་ཚོས་བོད་དོན་ཆེད་ལས་འགུལ་འདྲ་མིན་སྤེལ་མཆར་ཡོད་པའི་དོགས་གཞིའི་འོག་གོང་རིམ་ནས་བཀའ་རྒྱ་བཏང་བ་ལྟར་བཀག་བསྡོམས་བྱས་བ་ཟིག་ཡིན་པ་དང་། ས་མཚམས་ན་ལུས་ཡོད་པའི་བོད་མིའི་ཁོངས་སུ་བོད་ནས་རྒྱ་གར་ལ་གནས་སྐོར་གཉེན་འཕྲད་ལ་ཕེབས་པའི་བོད་མི་མང་པོ་ཡོད་པ་དང་། ཁོང་ཚོ་མི་ཉུང་བ་ཟིག་ས་མཚམས་ལ་ལྷག་ནས་ཉིན་གྲངས་ཁ་ཤས་འགྲོ་བཞིན་པར་གནམ་གཤིས་དང་ཟས་གོས་སོགས་གྱི་བཀའ་ངལ་ཤུགས་ཆེན་འཕྲད་བཞིན་པ་དང་། ལོ་ན་རྒན་པ་མང་པོ་ཞིག་གཟུགས་གཞི་མི་བདེ་བར་གྱུར་བཞིན་པར་ད་ལྟ་བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པའི་འབྲེལ་ཡོད་ལས་བྱེད་པ་ས་མཚམས་ལ་སོང་ནས་བོད་མི་དེ་ཚོ་རོགས་རམ་བྱེད་ཐབས་བྱེད་བཞིན་པ་རེད། ཉེན་རྟོག་པས་བཤད་ན་ལག་འཁྱེར་ཚད་ལྡན་མེད་པའི་བོད་མི་ཚོ་བལ་ཡུལ་རྒྱལ་ནང་དུ་འཛུལ་ཞུགས་ལ་བཀག་བསྡོམས་བྱེད་རྒྱུ་ཡིན་པ་བཤད་ཡོད།
གཡ་དྲུག་དཀར།
ང་རང་འུག་པ་ཞིག་དང་འདྲ་བར། མིང་ཟུང་རིག་རིག་གིས་ཅི་ཞིག་ལ་ཅེར་འགྲོ། མཚན་སྨག་གི་ཡོལ་རས་མཐུག་དྲགས་ནས་ཅི་ཡང་མཐོང་དཀའ་ཡང་། སང་ཉིན་མོ་ཡིད་ལ་དྲན་ན། དོགས་པ་དང་རྣམ་རྟོག་གི་སྒོ་གླེགས་ཆེན་པོ་དེ་ངང་གིས་གྲོལ་འགྲོ་ལ། ཞེད་སྣང་དང་འཇིགས་སྐྲག་གི་གློག་དམར་བྲང་ཁོག་ལ་ཧར་གྱིས་འཁྱུག་ཐེངས་རེར། སྙིང་ལ་ཚ་ཤར་རྒྱག་པས། མིག་ཟུང་མཚན་ལྗོངས་ལ་གཏད་ཡོད་ཀྱང་། ངས་བོད་ལྗོངས་ཀྱི་ལྷ་སའི་བར་བསྐོར་དང་གདན་ས་གསུམ། སི་ཁྲོན་གྱི་རྔ་བ་དང་དཀར་མཛེས། ཀན་སུའུ་ཡི་བླ་བྲང་དང་རྨ་ཆུ། མཚོ་སྔོན་གྱི་རེབ་གོང་དང་མགོ་ལོག ཡོན་ནན་གྱི་བདེ་ཆེན་སོགས། མདོར་ན་བོད་ཁམས་ཧྲིལ་བོ་དེ་མཐོང་ཞིང་།
མཚན་གུང་ལ་སླེབས་ཉེར་མུན་པ་ཇེ་སྟུག་དང་སྨུག་ཇེ་ནག་ཏུ་འགྲོ་ཡང་། སང་ཉིན་མོ་བསམ་བཞིན། ང་རང་ད་དུང་འུག་པ་ཞིག་དང་འདྲ་བར་བསམ་གཞིག་གི་རྟ་ཁ་ཐུར་ལ་དཀྱུས་ན། མཚན་སྨག་སྟུག་པོའི་ྐློང་ནས་མིག་ལམ་ལ་འཁོར་ཡོང་བའི་བོད་ཁམས་ཧྲིལ་བོ་དེ་རུ། རང་གི་ལ་རྒྱ་དང་ཐོབ་ཐང་། རང་དབང་དང་མང་གཙོ། རིག་གཞུང་དང་ཁོར་ཡུག་སོགས་ཀྱི་ཆེད་དུ། ཁུ་ཚུར་དང་དར་ཆ་དགུང་ལ་འཕྱར་བཞིན། ཁ་གཡང་དང་སྨོན་འདུན་ཁ་ནས་ལུད་ཀྱིན། མི་ཚོགས་དང་མི་ཚོགས་བྱས་ཏེ། མི་ཚོགས་ཅི་ཙམ་ཞིག་ལངས་ཡོང་བ་མཐོང་གི
(བོད་རང་དབང་ལས་འགུལ་བ་ལྷག་པ་ལགས་སུ་བཅར་འདྲི།
བཅར་འདྲི་བྱེད་མཁན་། རིག་འབྱུང་དོན་གྲུབ་བཀྲ་ཤིས།)
༡ ཐོག་མར་ཁྱེད་རང་ངོ་སྤྲོད་མདོར་བསྡུས་ཤིག་བྱེད་རོགས།
ལན། ངའི་མིང་ལ་ལྷག་པ་ཟེར། ང་བཙན་བྱོལ་དུ་སྐྱེས་བ་རེད། རྒྱ་ནག་གིས་བོད་བཙན་བཟུང་བྱས་རྗེས། ངའི་ཕ་མ་གཉིས་ཀྱང་སྐྱབས་བཅོལ་ལ་ཕེབས་དགོས་ཐུག་པ་རེད། དེ་དུས། ང་ངའི་ཨ་མའི་མངལ་དུ་ཡོད་པ་རེད་ཟེར། ཨ་མ་ལགས་བཙན་བྱོལ་ལ་འབྱོར་ནས་ཡུན་རིང་མ་ཕྱིན་པར་ང་སྐྱེས་བ་རེད། ང་སྐྱེས་ནས་ཟླ་ངོ་དྲུག་ཕྱིན་པའི་རྗེས་སུ། ངའི་ཨ་མ་ལགས་སྐུ་གྲོངས་བ་རེད། ངེད་སྤུན་མཆེད་ཚོར་ཨ་མ་མེད་པ་ཆགས་པ་རེད། ངའི་པ་ལགས་ཀྱི་གནས་སྟངས་ཀྱང་དེ་དུས་ཧ་ཅང་སྐྱོ་བོ་རེད། དེར་བརྟེན། ཁོང་གིས་ངེད་སྤུན་མཆེད་བདུན་པོ་བུ་གསོ་ཁང་ལ་བསྐྱལ་བ་རེད། དེའི་རྗེས་སུ་ངའི་པ་ལགས་ཀྱང་སྐུ་གྲོངས་བ་རེད། ངེད་སྤུན་མཆེད་ཚང་མ་དྭ་ཕྲུག་ཆགས་པ་རེད། གལ་སྲིད་རྒྱ་ནག་གིས་བོད་བཙན་བཟུང་བྱས་མེད་ན། ང་ཚོ་བཙན་བྱོལ་དུ་ཡོང་དགོས་ཐུག་གི་མ་རེད་ལ་དྭ་ཕྲུག་ཀྱང་ཆགས་ཡོད་ཀྱི་མ་རེད། དེ་ག་ནང་བཞིན། བོད་པའི་ནང་མི་མང་པོ་ང་ཚོའི་ནང་མི་ནང་བཞིན་ཕ་མ་དང་བུ་ཕྲུག་ཡ་བྲལ་ཏུ་ཕྱིན་ཡོད་པ་རེད། ངས་ད་ལྟ་ཡང་ཕ་མ་མེད་པའི་འཚར་ལོངས་ཀྱི་གནས་སྟངས་དེ་ཚོ་དྲན་གསོས་ཀྱི་འདུག ཡིན་ན་ཡང་། བུ་གསོ་ཁང་གི་བྱམས་སྐྱོང་ལ་བརྟེན་ནས། ང་ཚོར་ཁ་ལག་དང་གྱོན་པ། སྡོད་ཁང་། ཤེས་ཡོན་སོགས་ཚང་མ་རག་པ་རེད། བུ་གསོ་ཁང་མེད་ན། དེ་རིང་ང་གསོན་པོར་བསྡད་ཡོད་མེད་ཀྱང་བརྗོད་དཀའ། ང་སློབ་མཐར་ཕྱིན་རྗེས། བོད་རང་དབང་གི་ལས་འགུལ་མང་པོའི་ནང་དུ་ཞུགས་པ་ཡིན། བལ་ཡུལ་དུ་བོད་ཁྱིམ་གྱི་སློབ་ཟུར་ཁོངས་སུ་འཛུལ་ནས་ལོ་ངོ་དྲུག་ལྷག་གི་རིང་ལ་སློབ་གྲ་ཁག་དང་བོད་དོན་གྱི་ལས་གྲ་སོགས་ཀྱི་ཆེད་དུ་དང་བླངས་ཞབས་ཞུ་ཞུས་བ་ཡིན། ཕྱི་ལོ་༡༩༩༥ལོར་ང་ཨ་རིར་སླེབས་པ་རེད། ཕྱི་ལོ་༡༩༩༦ལོར་ཨ་རིའི་རྒྱལ་ས་ལྦ་ཤིན་ཀྲོན་ནས་ནེའུ་ཡོག་བར་དུ་ཟླ་ངོ་གསུམ་གྱི་རིང་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ཕྱི་ལོ་༡༩༩༨ལོར་བསྐྱར་དུ་ཕོར་ཁྲི་ལན་ཀྲི་ནས་བན་ཁོ་བུར་བར་དུ་ཟླ་ངོ་གསུམ་རིང་གི་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ད་ལོའི་གསུམ་བཅུའི་དུས་དྲན་ཉིན་ནས་བཟུང་། འཛམ་གླིང་གི་རྒྱལ་ཁབ་ཁག་༢༢ཙམ་ལ་བོད་དོན་ཆེད་སྐོར་བསྐྱོད་བྱེད་རྒྱུའི་ལས་འགུལ་འདི་བརྩམས་པ་ཡིན།
གཅན་བཟོད་རྒྱམ།
——
ང་༡༩༩༧ ལོའི་དགུན་ཁར་རྒྱ་གར་དུ་ཐོག་མར་སྐྱབས་བཅོལ་དུ་འབྱོར་བ་ཡིན་ལ། ༡༩༩༨ ལོ་ནི་བཙན་བྱོལ་བོད་ཀྱི་ལོ་རྒྱུས་ཐོག་གི་གསུམ་བཅུའི་དུས་དྲན་ཛ་དྲག་ཤོས་དང་སྐད་གྲགས་ཆེ་ཤོས་དེ་ཡིན་ལ།
དཔའ་བོ་ཐུབ་བསྟན་དངོས་གྲུབ་ལགས་ཀྱིས་རང་ལུས་མེར་བསྲེགས་བཏང་བའི་ལོ་དེ་ཡང་རེད། སྐབས་དེར་ནི་དྷ་སའི་གསུམ་དུས་སྐབས་སྐད་འབོད་བྱས་དྲག་ནས་དྲན་པ་ཐོར་བས་སྨན་ཁང་དུ་བསྐྱལ་བ་དང་མགོ་ཐོག་ཏུ་ཆུ་ལྡུག་པ་སོགས་གསུམ་བཅུའི་དུས་དྲན་ནི་ཧ་ཅང་ཟང་ཟིང་ལང་ལོང་དང་། མི་ཚོའང་ཧ་ཅང་ངར་ཤུགས་ལྡན་པ། མི་འདི་ནི་ཁ་སང་གི་མི་དེ་ཨེ་ཡིན་ནམ་སྙམ་པའི་ངར་ཤིགས་ཤིག་ཀུན་པོར་འདུག
བོད་ནས་ར་ཛི་ནྰ་མ།
འཕྲེང་ བ་འཛིན་མཁན་ནི་དོན་ངོ་མས་རང་དོན་སྒེར་གཤིས་སུ་འཁྱོག་གཟུགས་ཀྱིས་འཛིན་པ་ལས་ གྱེས་མཁན་དག་ཡིན་ཞིང་། ཁོ་ཚོའི་མིག་གི་ལམ་དུ་བཤམས་པའི་གཞུང་ལུགས་དང་རྣ་བའི་ཡུལ་དུ་གྱུར་བའི་སློབ་ གསོ་དག་ཀྱང་རང་གཅེས་འཛིན་གྱི་ཐབས་ཁོ་ན་ལས་ལྡོག་པར་བྱ་བ་དེ་ཡིན་མོད། རང་ལུས་གྱི་ནར་བོར་བ་དང་མི་ཚེ་དོན་མེད་དུ་བྲན་བཀོལ་བྱེད་པ་ལས་འདའ་འགོངས་ བྱས་ཏེ། ཤེས་རབ་ཀྱི་སྒོ་ནས་གནས་ལུགས་འཚོལ་བ་ནི་རང་ལ་བལྟས་ཏེ་ཡང་དོན་ཆེ་ལ་གཞན་ལ་ བལྟས་ཏེ་ཡང་དོན་ཆེ་བ་ཞིག་ཏུ་མཐོང་གིན་ཡོད། ཁོ་ཚོའི་ངག་རྒྱུན་ལ་ཡང་བསྟན་པའི་དོན་དུ་ཉན་ཐོས་ཀྱི་གོ་ཆ་གྱོན་དགོས་པར་ གསུངས་འདུག་པ་འདི་ལས་གོ་འོང་བ་ཞིག་ཀྱང་རེད། འོན་ཀྱང་རྣམ་པའི་ཆ་ནས་ཀྱང་ཞི་བ་དང་དྲག་པོ་བར་མ་གང་བསྟན་དུ་རུང་བ་ཞིག་ཡིན་ མོད། ཀུན་སློང་གི་ཆ་ནས་གཞན་དོན་གཙོ་བོར་འཛིན་པ་ཞིག་ཡིན་པས་དེ་ལ་བདག་གཅེས་བྱེད་ དགོས་པ་རེད། དུས་ཀྱི་བབ་དང་བསྟུན་ནས་མིའི་རིགས་ལ་ཞབས་འདེགས་ཅི་ལྟར་བྱ་ནུས་པ་ཡིན་ན་དེ་ ལྟར་བསྒྲུབ་ཆོག་པའི་འོས་འགན་ཡོད་འདུག དཔེར་ན་པཎ་ཆེན་རིན་པོ་ཆེས། ངས་བོད་མི་མང་ལ་དམག་དཔོན་བྱས་ནས་ཕན་ཐོག་ན་དམག་དཔོན་བཅའ་གི་ཡིན། དེ་ལས་གཞན་ལས་སྣེ་གང་གི་སྒོ་ནས་ཕན་ཐོག་ན་ལས་སྣེ་དེ་ཡི་མི་བཅའ་གི་ཡིན་གསུངས་ པའི་གཏམ་ཞིག་འདུག་པ་དེ་ཡང་གཞན་ཕན་གྱི་སྒོ་དང་མཐུན་པའི་གསུང་བཤད་ཅིག་ཡིན་པས། ངེད་ཅག་འཕྲེང་བ་འཛིན་པའི་རིགས་ཀྱང་དེ་ལས་མ་འདས་སོ། །
བོད ལྷ་ཀླུ་གཉན་གསུམ།
ངའི་བསམ་བློ་མང་བོ་མང་བོ་ཞིག་བཏང་བ་ཡིན། འོན་ཀྱང་། ངའི་རྟག་པར་རང་ཉིད་ལྟ་བུའི་བོད་པ་མི་ཉུང་བ་ཞིག་གིས་ལམ་ཁ་འདི་ནི་མི་རིགས་ཤིག་ཆགས་པའི་ཉེན་ཁ་ཡིན་པ་མཐོང་བ་ལས། མི་རིགས་ཤིག་སྐྱོབས་པའི་ལམ་ཁ་ཞིག་མིན་པའི་ངེས་ཤེས་ཡང་ཡང་སྐྱེ་ཡི་འདུག ང་རང་ལ་མཚོན་ན་རང་ཡུལ་དང་བྲལ་ནས་མི་ལོ་བཅོ་ལྔ་ལྷག་འགྲོ་བཞིན་ཡོད། དང་བོ་བོད་ཡུལ་ནས་ཡོང་དུས་དམིགས་ཡུལ་ཞིག་ཡོད་པ་དེ་ནི་༧གོང་ས་མཆོག་དང་མཇལ་རྒྱུ་བྱུང་ན་ཤི་སོང་རང་འགྱོད་པ་མེད་པ་དེ་ཡིན། དེ་ནས་སེམས་ཐག་གཙང་བཅད་ཀྱིས་ནང་མི་ལ་ཞུ་བ་ཞུས་སྟབས། ནང་མིས་ཀྱང་རང་གི་བསམ་ཚུལ་རྒྱབ་སྐྱོར་བྱས་སོང་བ་མ་ཟད། དྲིན་ཆེན་མ་ལོས་ཀྱང་ཁྱེད་རང་རྒྱ་གར་དུ་འབྱོར་ནས་༧རྒྱལ་བ་རིན་པོ་ཆེ་ཚང་གི་ཞབས་ཞུ་ཞིག་བྱེད་ཐུབ་སོང་བ་ཡིན་ན་མ་རྒན་ང་ཤི་རུང་བློ་བདེ་བག་ཕེབས་ཡོང་ཁོ་ཐག་ཡིན། ༧རྒྱལ་བ་རིན་པོ་ཚང་གི་ཐུགས་དགོང་དང་འགལ་བའི་ལས་གཏན་ནས་མ་བྱེད་ཅེས་ཁ་བརྡ་སློབ་གསོ་གནང་སོང་། ངས་ཀྱང་དེ་ལྟར་དུ་ཁས་ལེན་བྱས་པ་ཡིན།
ང་རང་གིས་དཀའ་ཚེགས་མི་ཉུང་བ་ཞིག་བརྒྱུད་དེ་རྒྱ་གར་དུ་འབྱོར། ང་རང་གྲྭ་བ་ཡིན་སྟབས། རྣམ་རྒྱལ་གྲྭ་ཚང་དུ་འགྲོ་རྒྱུའི་ཐོ་འགོད་བྱས་པ་ཡིན། འོན་ཀྱང་། དེ་ནི་གྲྭ་བ་ཡིན་ཚད་ཅིག་འགྲོ་ཐུབ་སའི་གྲྭ་ཚང་ཞིག་མིན་པ་གསལ་བཤད་བྱས་པ་ལྟར། རང་ཉིད་ཀྱང་གྲྭ་སར་ཐོ་འགོད་བྱས་པ་ཡིན། གྲྭ་སར་ཐད་ཀར་བཏང་ནས་༧རྒྱལ་བ་རིན་པོ་ཆེ་ཚང་ལ་མཇལ་རྒྱུའི་གོ་སྐབས་ཀྱང་བྱུང་མ་སོང་བར་ཟླ་ངོ་ཁ་ཤས་ཤིག་བུད་སོང་བ་མ་ཟད། གྲྭ་སར་འབྱོར་དུས་གཞི་ནས་སྒེར་ནས་འགྲོ་སོང་བཏང་ནས་འགྲོ་བ་ལས་གཞུང་གིས་འགྲོ་སོང་གཏོང་གི་མི་འདུག་པ་ཤེས་སོང་། ཟླ་ངོ་རེ་ཟུང་གི་རིང་དུ་༧རྒྱལ་བ་རིན་པོ་ཆེ་ལ་མཇལ་འདོད་ཀྱི་མདུན་པ་ནི་དངོས་ནས་ཧ་ཅང་ཤུགས་ཆེན་པོ་འདུག་སྟབས། ཐུགས་སྤྲོ་ཞིག་གི་སྟེང་ནས་ཁ་ཤགས་ཤིག་བཤད་སྐབས་མིག་ཆུ་ཡང་རང་དབང་མེད་པར་ཤོར་དུ་བཅུགས་སོང་།
བོད ལྷ་ཀླུ་གཉན་གསུམ།
མཚན་མོ་རེ་རེ
ངོ་གདོང་གཞན་ཞིག་གི་འོག་དུ་སྐོང་ནས
དུས་གསུམ་ལ་ངོ་ལོག་བྱེད་དུས་སུ
བརྩིགས་ངོས་ཀྱི་སྐུ་དཔར་དེ་ཡིས་ཁ་གྲགས་ན
ང་ནི་བཅོས་མའི་བུ་ལོ་ཞིག་ཡིན་པ་གསལ་བོ་ཤེས་སྲིད
སྟོང་ཕྱུག་འོ་མའི་མར་ལོ། རྩོམ་པ་པོ། མདའ་ཚན་བླ་མ་སྐྱབས། ཐོད་སྐོགས་འདྲ་བའི་བྲག་གསེང་གི་ཕུག་པ་དེར པགས་པས་པགས་པ་གཙབས གཤེར་ཁུས་གཤེར་ཁུ་བསྲུབས མེ་སྟག གློག་ཞགས ཀི་བསོ བྲག་ཆ ཐིག་ལེ་དང་ཁམས་དམར དམར་ཟས་ལ་དུང་བའི་ཤ་ཁྲག་གི་ཕུང་པོ་དང་འདུ་ཤེས་ཀྱི་ཁྱུ བྲག་ཕུག་དེར གཅན་གཟན་གཉིས་ཀྱིས ཤེས་རིག་ཅིག་གི་དར་རྒུད་བསྐྲུན…
རིག་འབྱུང་དོན་གྲུབ་བཀྲ་ཤིས། ཨ་རི།
ཨ་ཀྱཱ་རིན་པོ་ཆེ་ལགས་བཙན་བྱོལ་དུ་ཕེབས་རྗེས། རང་གི་མི་ཚེའི་བྱུང་བ་བརྗོད་པའི་དངོས་བྲིས་མཛད་རྣམ་དེ་འབྲི་འགོ་ཚུགས།
ཁོང་གི་དངོས་བྲིས་མཛད་རྣམ་( Surviving the Dragon) ཟེར་བ་དེ་སོག་ཡིག་ཏུ་ཕྱི་ལོ་༢༠༠༩ལོར་དཔར་བསྐྲུན་བཏབས། དབྱིན་ཡིག་ཏུ་སྤྱི་ལོ་༢༠༡༠ལོར་དཔར་བསྐྲུན་ཟིན། བོད་ཡིག་ཏུ་ཡང་དེབ་ཀྱི་ལེའུ་དང་པོ་དེ་བསྒྱུར་ཚར་ནས་འདུག་ལ་། ལོ་རྗེས་མར་དེབ་ཀྱི་ངོ་བོར་དཔར་བསྐྲུན་བྱེད་ཀྱི་རེད་ཟེར། དེབ་དེའི་ལེའུ་དང་པོ། བྱིས་དུས་ཀྱི་ལོ་ཟླའི་ས་བཅད་དང་པོ་སྟེ་”སྤྲུལ་སྐུ་འཚོལ་བའི་སྐོར་”གྱི་ནང་དུ། ཁོང་གིས་འདི་ལྟར་་གསུངས་འདུག “ལོ་རབས་བཞི་བཅུ་བའི་མཇུག་མཐའ་དེར་སྐུ་འབུམ་དགོན་པའི་དགོན་བདག་ཨ་ཀྱཱ་བསྟན་པའི་རྒྱལ་མཚན་མཆོག་རེ་ཞིག་དགོངས་པ་གཞན་དོན་དུ་རྗོགས་ཤིང་། ང་རང་ནི་ཁོང་གི་ཡང་སྲིད་སྐུ་ཕྲེང་བརྒྱད་པར་ངོས་འཛིན་བྱས་བ་རེད། དེ་ཡང་། སྤྲུལ་སྐུའི་ཡང་སྲིད་ཅིག་འཚོལ་བར་ཕྱག་ལས་ཞེ་དྲགས་མང་པོ་ཡོད་ལ་ཐོག་མར་སྤྲུལ་སྐུའི་མིང་ཐོ་བསྡུ་བར་ས་ཆའང་མང་པོར་འགྲོ་དགོས་བ་རེད། དེར་བརྟེན། ང་ཚོའི་ལུང་བ་ཆུང་ཆུང་འདིའི་ནང་དུའང་འོས་ཐོ་ཁ་ཤས་ཤིག་བསྡུས་ཡོད་པར་བཤད་ལ། ངའི་སྡེ་བར་མཚོན་ན་འོས་ཐོ་གཉིས་བསྡུས་འདུག དེས་རྒྱུ་མཚན་གྱིས་། འོས་བསྡུ་ཕུལ་ཟིན་པའི་ཁྱིམ་ཚང་དེ་གཉིས་ཀྱིས་ཀྱང་སོ་སོའི་སེམས་ཁོངས་སུ་རེ་བ་ཡོད་སྟབས་། མངོན་གསལ་དོད་པོ་མེད་པའི་སྒོ་ནས་གྲ་སྒྲིག་གང་འཚམས་ཤིག་བྱས་ཡོད་ཚོད་འདུག་མོད། དེ་གསང་བ་ལྟ་བུ་བྱས་འདུག གང་ཡིན་ཟེར་ན། གལ་ཏེ་འོས་ཐོ་དེ་སོ་སོའི་བུ་ལ་མ་འཐོབ་པ་ཞིག་ཡིན་ན། དེ་བས་ཀྱང་ངོ་ཚ་བོ་དང་ང་སྐྱེངས་པོརའདུག་དགོས་པའི་ཉེན་ཁ་ཡོད་པས་གསང་བའི་སྒོ་ནས་གྲ་སྒྲིག་རེ་བྱས་ནས་སུ་ཚང་ལ་ཡོང་གི་ཡོད་པ་ཡིན་ནམ་སྙམ་ནས་སྒུག་བསྡད་ཡོད་པ་འདྲ། རྗེས་སུ་ངའི་ཕ་མ་གཉིས་ཀྱིས་དེའི་སྐོར་གྱི་སྐད་ཆ་རྣམས་ཀུ་རེའི་ཚུལ་གྱིས་གསུངས་པར་གཞིགས་ན་། གུར་གྱི་ནང་ནས་ཕར་བལྟ་དུས་གྲ་ཆོས་གྱོན་པའི་རྟ་བ་དེ་ཚོ་ང་ཚོའི་ཕྱོགས་སུ་འོང་གི་ཡོད་པ་མཐོང་འདུག སྤྱིར་བཏང་ཡིན་ན་། དབྱར་ཁའི་རྩ་ཐང་ཐོག་ཞབས་བརྟན་རིམ་གྲོ་སོགས་སྒྲུབ་མཁན་གྱི་ཨ་མཆོད་སོགས་ཡོང་མཁན་ཡོད་ཀྱང་། མིའི་མང་ཉུང་དང་ཕྱི་ཚུལ་གྱི་རྣམ་པའི་ཐོག་ནས་བལྟ་དུས་། དེ་ནི་ཐུན་མོང་མ་ཡིན་པའི་འགན་ཁུར་ཆེན་པོ་ཞིག་གི་ཆེད་དུ་ཡིན་པ་གསལ་ཡང་ལམ་སང་སྒོའི་ཕྱི་ལོགས་སུ་འབུད་མ་ནུས་པར་ནང་དུ་ཁ་ཟས་རིགས་གྲ་སྒྲིག་བྱས་ནས་སྒུག་བསྡད་པ་ཡིན་ཟེར་གྱི་འདུག ”
“འབྲུག་སྐད་ཞི་བའི་ཁ་བ་”ཟེར་བའི་ཁོང་གི་དངོས་བྲིས་མཛད་རྣམ་འདིར། ཁྱོན་བསྡོམས་ལེའུ་ལྔ་འདུག་ཅིང་། དེ་ཡང་།
དེ་ལས་མང་བ་། “ཨ་ཀྱཱ་རིན་པོ་ཆེའི་དངོས་བྲིས་མཛད་རྣམ་"འབྲུག་སྐད་ཞི་བའི་ཁ་བ། "” »
རིག་འབྱུང་དོན་གྲུབ་བཀྲ་ཤིས། ཨ་རི།
ཨ་ཀྱཱ་རིན་པོ་ཆེ་ལགས་བཙན་བྱོལ་དུ་ཕེབས་རྗེས། རང་གི་མི་ཚེའི་བྱུང་བ་བརྗོད་པའི་དངོས་བྲིས་མཛད་རྣམ་དེ་འབྲི་འགོ་ཚུགས།
ཁོང་གི་དངོས་བྲིས་མཛད་རྣམ་( Surviving the Dragon) ཟེར་བ་དེ་སོག་ཡིག་ཏུ་ཕྱི་ལོ་༢༠༠༩ལོར་དཔར་བསྐྲུན་བཏབས། དབྱིན་ཡིག་ཏུ་སྤྱི་ལོ་༢༠༡༠ལོར་དཔར་བསྐྲུན་ཟིན། བོད་ཡིག་ཏུ་ཡང་དེབ་ཀྱི་ལེའུ་དང་པོ་དེ་བསྒྱུར་ཚར་ནས་འདུག་ལ་། ལོ་རྗེས་མར་དེབ་ཀྱི་ངོ་བོར་དཔར་བསྐྲུན་བྱེད་ཀྱི་རེད་ཟེར། དེབ་དེའི་ལེའུ་དང་པོ། བྱིས་དུས་ཀྱི་ལོ་ཟླའི་ས་བཅད་དང་པོ་སྟེ་”སྤྲུལ་སྐུ་འཚོལ་བའི་སྐོར་”གྱི་ནང་དུ། ཁོང་གིས་འདི་ལྟར་་གསུངས་འདུག “ལོ་རབས་བཞི་བཅུ་བའི་མཇུག་མཐའ་དེར་སྐུ་འབུམ་དགོན་པའི་དགོན་བདག་ཨ་ཀྱཱ་བསྟན་པའི་རྒྱལ་མཚན་མཆོག་རེ་ཞིག་དགོངས་པ་གཞན་དོན་དུ་རྗོགས་ཤིང་། ང་རང་ནི་ཁོང་གི་ཡང་སྲིད་སྐུ་ཕྲེང་བརྒྱད་པར་ངོས་འཛིན་བྱས་བ་རེད། དེ་ཡང་། སྤྲུལ་སྐུའི་ཡང་སྲིད་ཅིག་འཚོལ་བར་ཕྱག་ལས་ཞེ་དྲགས་མང་པོ་ཡོད་ལ་ཐོག་མར་སྤྲུལ་སྐུའི་མིང་ཐོ་བསྡུ་བར་ས་ཆའང་མང་པོར་འགྲོ་དགོས་བ་རེད། དེར་བརྟེན། ང་ཚོའི་ལུང་བ་ཆུང་ཆུང་འདིའི་ནང་དུའང་འོས་ཐོ་ཁ་ཤས་ཤིག་བསྡུས་ཡོད་པར་བཤད་ལ། ངའི་སྡེ་བར་མཚོན་ན་འོས་ཐོ་གཉིས་བསྡུས་འདུག དེས་རྒྱུ་མཚན་གྱིས་། འོས་བསྡུ་ཕུལ་ཟིན་པའི་ཁྱིམ་ཚང་དེ་གཉིས་ཀྱིས་ཀྱང་སོ་སོའི་སེམས་ཁོངས་སུ་རེ་བ་ཡོད་སྟབས་། མངོན་གསལ་དོད་པོ་མེད་པའི་སྒོ་ནས་གྲ་སྒྲིག་གང་འཚམས་ཤིག་བྱས་ཡོད་ཚོད་འདུག་མོད། དེ་གསང་བ་ལྟ་བུ་བྱས་འདུག གང་ཡིན་ཟེར་ན། གལ་ཏེ་འོས་ཐོ་དེ་སོ་སོའི་བུ་ལ་མ་འཐོབ་པ་ཞིག་ཡིན་ན། དེ་བས་ཀྱང་ངོ་ཚ་བོ་དང་ང་སྐྱེངས་པོརའདུག་དགོས་པའི་ཉེན་ཁ་ཡོད་པས་གསང་བའི་སྒོ་ནས་གྲ་སྒྲིག་རེ་བྱས་ནས་སུ་ཚང་ལ་ཡོང་གི་ཡོད་པ་ཡིན་ནམ་སྙམ་ནས་སྒུག་བསྡད་ཡོད་པ་འདྲ། རྗེས་སུ་ངའི་ཕ་མ་གཉིས་ཀྱིས་དེའི་སྐོར་གྱི་སྐད་ཆ་རྣམས་ཀུ་རེའི་ཚུལ་གྱིས་གསུངས་པར་གཞིགས་ན་། གུར་གྱི་ནང་ནས་ཕར་བལྟ་དུས་གྲ་ཆོས་གྱོན་པའི་རྟ་བ་དེ་ཚོ་ང་ཚོའི་ཕྱོགས་སུ་འོང་གི་ཡོད་པ་མཐོང་འདུག སྤྱིར་བཏང་ཡིན་ན་། དབྱར་ཁའི་རྩ་ཐང་ཐོག་ཞབས་བརྟན་རིམ་གྲོ་སོགས་སྒྲུབ་མཁན་གྱི་ཨ་མཆོད་སོགས་ཡོང་མཁན་ཡོད་ཀྱང་། མིའི་མང་ཉུང་དང་ཕྱི་ཚུལ་གྱི་རྣམ་པའི་ཐོག་ནས་བལྟ་དུས་། དེ་ནི་ཐུན་མོང་མ་ཡིན་པའི་འགན་ཁུར་ཆེན་པོ་ཞིག་གི་ཆེད་དུ་ཡིན་པ་གསལ་ཡང་ལམ་སང་སྒོའི་ཕྱི་ལོགས་སུ་འབུད་མ་ནུས་པར་ནང་དུ་ཁ་ཟས་རིགས་གྲ་སྒྲིག་བྱས་ནས་སྒུག་བསྡད་པ་ཡིན་ཟེར་གྱི་འདུག ”
“འབྲུག་སྐད་ཞི་བའི་ཁ་བ་”ཟེར་བའི་ཁོང་གི་དངོས་བྲིས་མཛད་རྣམ་འདིར། ཁྱོན་བསྡོམས་ལེའུ་ལྔ་འདུག་ཅིང་། དེ་ཡང་།
དེ་ལས་མང་བ་། “ཨ་ཀྱཱ་རིན་པོ་ཆེའི་དངོས་བྲིས་མཛད་རྣམ་”འབྲུག་སྐད་ཞི་བའི་ཁ་བ། “” »
དགེ་འདུན
ཞོགས་པའི་ཆུ་ཚོད་ ༦ དང་ཕྱེད་ཀའི་སྟེང་ཕྲན་གཉིད་སད། ནམ་རྒྱུན་ཞོགས་གཉིད་མཐུག་པོ་རྒྱག་མཁན་ཞིག་དང་གཏན་ནས་མི་འདྲ། མིག་བཙུམས་ཀྱང་གཉིད་མི་ཡོང་། ག་ལེར་ལངས་ནས་གཟུགས་པོ་བཀྲུས། དྲ་རྒྱ་བསྔོགས། རྒྱ་གར་ནས་གསུམ་བཅུའི་དུས་དྲན་བྱས་ཟིན་པའི་གསར་འགྱུར་རེ་བཀླགས། དེ་ནས་༧སྐྱབས་མགོན་རིན་པོ་ཆེའི་གསུང་འཕྲིན་དབྱིན་ཡིག་མ་ཞིག་པར་བཏབ། བྱིས་པ་གཉིད་སད་དུ་བཅུག་ནས་སློབ་གྲྭའི་གྲ་སྒྲིག་བྱས། ངེད་ཀྱི་ཉིན་འདི་དེ་ལྟར་མགོ་བཙུགས།
རྒྱུན་ལྡན་བྱིས་པའི་སློབ་གྲྭ་དེ་ཆུ་ཚོད་ ༨ དང་ཕྱེད་ཀའི་ཐོག་མགོ་འཛུགས་ཀྱི་ཡོད། དེ་རིང་བྱིས་པ་ཆུ་ཚོད་ཕྱེད་ཀའི་སྔོན་ལ་སློབ་གྲྭར་བསྐྱལ་ཐུབ་ཚེ། ང་ནི་དུས་བཅད་ལྟར་ ཆུ་ཚོད་ ༩ པའི་ཐོག་མགོ་འཛུགས་རྒྱུའི་གོམ་བགྲོད་ཀྱི་རྗེས་ཟིན་པ་འདུག དེ་ནས་ངེད་ཀྱི་དེ་རིང་གི་ལས་ཀའི་ཐད་སྔ་ས་ནས་དགོངས་ཞུ་བྱས་ཟིན་ཡོད་ཅིང་། སློབ་མ་ཚོ་ལའང་དེ་ལྟར་བརྡ་སྤྲད་ཟིན་ཡོད། ད་ནི་འཆར་གཞི་འདི་ཡག་པོ་འདུག དངོས་གནས་ཡག་པོ་འདུག
ཚེ་རིང་སྐྱིད
ཨ་མས་བརྗོད་ན་ང་སྐྱེས་དུས་ནས་ང་ལ་ཨ་མྱེས་མེད་ཟེར།
ངས་བྱིས་དུས་སུ་ཨ་མྱེས་ནི་ང་ལ་དགའ་བོ་མེད་པས་གང་ཞིག་ལ་བུད་སོང་བར་བསམ།
ངས་བྱིས་དུས་སུ་ཨ་མྱེས་ཀྱིས་བཤད་པའི་གཏམ་རྒྱུད་གཅིག་ཀྱང་གོ་མ་མྱོང་བས།
ཨ་མྱེས་ནི་གཏམ་རྒྱུད་མེད་པའི་གནའ་མི་ཞིག་ཏུ་འདོད་མྱོང༌།
མཚར་ལོངས་ཀྱི་གོ་རིམ་ཁྲོད་དུ
ང་དང་འདྲ་བའི་ན་མཉམ་མང་པོ་ཞིག་ལ་ཡང་ཨ་མྱེས་མི་འདུག
ཁོང་ཚོས་བཤད་ན་ཁོང་ཚོའི་ཨ་མྱེས་རྒྱང་རིང་ནས་ལམ་ལ་ཆས་ཏེ་ཡོང་གི་ཡོད་ཟེར།
ང་ཚོས་ཨ་མྱེས་མང་པོ་ཞིག་རི་འདབས་ནས་མངོན་པར་ལོ་ཟླ་རེ་རེ་ལ་སྒུག
རང་བཙན། བོད་ཀྱི་གནད་དོན།
འཇམ་དབྱངས་ནོར་བུ།
མི་ནག་ཚང་ལུང་རིགས་རྒྱལ་གྱིས་བསྒྱུར།
བོད་རང་བཙན་སློབ་ཕྲུག་ཚོགས་པས་དཔར་སྐྲུན་དང་འགྲེམས་སྤེལ་བྱས།
དཀར་ཆག
བོད་མི་རིགས་ཀྱི་གདོད་མའི་ངོ་རྟགས།
རང་བཙན་གྱི་ཁྲིམས་མཐུན་ངོ་བོ།
ད་ལྟའི་བོད་ནང་།
རང་བཙན་ཅིའི་ཕྱིར་གནད་འགག་ཏུ་གྱུར།
ད་ལྟ་ག་རེ་བྱས་ནས་བློས་གཏོང་དགོས་པ་རེད།
རང་བཙན་གྱི་རྒྱལ་སྤྱིའི་ཁྱབ་རྒྱ།
དམངས་གཙོ་དང་རང་བཙན།
རང་བཙན་གྱི་རེ་བ་ཙམ་ཡང་གལ་ཆེན་ཆགས་ཡོད།
བོད་མི་རིགས་ཀྱི་གདོད་མའི་ངོ་རྟགས།
འཛམ་གླིང་སྟེང་ན་བོད་པ་ནང་བཞིན་རང་གི་གནས་ཡུལ་གྱི་ཆ་ནས་ཐུན་མོང་མ་ཡིན་པར་དགར་ཐུབ་པའི་མི་རིགས་ཤིག་མི་འདུག བོད་མི་རིགས་ཀྱི་ངོ་རྟགས་ནི་ལོ་རྒྱུས་ཀྱིས་བསྐྲུན་པ་མིན་ལ། ཆོས་ལུགས་ཀྱི་ཐོག་ནས་ཀྱང་མིན། འདིའི་རྩ་བ་ནི་བོད་མི་རིགས་ཀྱི་ཕ་ས་དང་མ་སའི་གཏིང་དུ་ཟུག་ཡོད། བོད་མི་རིགས་ནི་གནའ་ནས་ད་བར་དུ་མདོ་དབུས་མཐོ་སྒང་སྟེ། འཛམ་གླིང་གི་ཡུལ་གྲུ་གཞན་ལས་མཐོ་ཞིང་ཡན་གར་དུ་ཆགས་པའི་ཡུལ་འདིར་འཚོ་ཞིང་གཞིས་པའི་མི་རིགས་ཤིག་ཡིན། བལ་ཡུལ་དང་རྒྱ་གར། རྒྱ་ནག་བཅས་མཐའ་འཁོར་གྱི་ས་བབ་དམའ་སའི་ལུང་པ་ནས་བོད་མི་གནས་སྡོད་ཀྱི་ས་ཁུལ་དག་ལ་འཛུལ་སའི་ལམ་ཁ་དག་ནི་ཁྱད་ཆོས་ལྡན་པ་དང་ཡ་མཚན་ཡིན་པ་ཙམ་ཁོ་ན་མིན་པར། ཐུན་མོང་མ་ཡིན་པའི་འཇིག་རྟེན་གཞན་ཞིག་ལ་འཕོ་སའི་འགྱུར་རིམ་གསལ་བོ་ཞིག་ཡིན།
ལྷམ་ཀོག་གིས་
གནམ་ས་རལ་བའི་དྲག་རླུང་གི་གདུག་རྩུབ་ནི་གཟེངས་རིང་བའི་སྒྱོགས་རྡེལ་བཞིན་གང་ས་ནས་ཕབ་འོང་དུས། གཅེས་པའི་ལུས་ལ་འཇམ་མཉེན་གྱི་རེག་བྱ་ཡར་ལྡན་དུ་རྫོགས་པའི་སྣང་སྲིད་ཞབས་ཀྱིས་བཅགས་པའི་མགར་ཁྲི་འབྲིང་གི་རིགས་ཀྱི་སྲས་པོ་དང་སྲས་མོ་དག་ཉི་མ་ནུབ་ལ་བཞུད་པ་ལྟར་དུ་གྱུར་མོད།འོན་ཀྱང་ཁོ་ཚོ་ནི་བྱ་ལམ་རྗེས་མེད་ཀྱི་ཚུལ་ལས་རིང་དུ་འགོངས་ཤིང༌། མཐོན་པོའི་གནམ་དང་ཡངས་པའི་ས་གཞི་ཆེན་མོ་འདིས་ཐེག་པར་དཀའ་བའི་གསེར་གྱི་རི་རྒྱལ་ལྷུན་པོ་རེ་རེ་ཡིན་པ་སྨྲ་བསམ་བརྗོད་མེད་ཀྱི་ཕུག་ན་ཉི་ལྟར་འཚེར་ཞིང་ཟླ་ལྟར་གསལ་བ་དེ་ཀོ་ལགས།
