འཆམ་ར་དྲི་མེད་རྒྱལ་མཚན།
དཔལ་གསང་ཆེན་སྔ་འགྱུར་བའི་གདན་ས་ཆེན་མོ་ཐེག་མཆོག་རྣམ་གྲོལ་གླིང་གི་ཆོས་མཆེད་གྲྭ་བཙུན་ཡོངས་ཀྱིས་མཁྱེན་ཆུབ་དགོས་རྒྱུར།
དེ་ཡང་གདན་ས་རྣམ་གྲོལ་གླིང་གིས་ཁ་སྔོན་ཕྱི་ཟླ་ ༥ ཚེས་ ༡༠ ཉིན་གསར་བསྒྲགས་གནང་གསལ་དུ། འདི་ལོའི་བོད་ཟླ་དགུ་བའི་ ཚེས་༢༢ རྒྱལ་བ་ལྷ་ལས་བབ་པའི་དུས་ཆེན་ཁྱད་པར་ཅན་གྱི་ཉིན། སྔ་འགྱུར་མཐོ་སློབ་ཆེན་མོའི་མདོ་འོག་མའི་རྒྱུགས་སྤྲོད་ཟིན་པ་རྣམས་ལ་མཐའ་བྲལ་སྨྲ་བའི་དབང་ཕྱུག་དང་། མདོ་གོང་མའི་རྒྱུགས་སྤྲོད་ཟིན་པ་རྣམས་ལ་ཕར་ཕྱིན་རབ་འབྱམས། རྒྱུད་སྡེ་གོང་འོག་གི་རྒྱུགས་སྤྲོད་ཟིན་པ་རྣམས་ལ་ངེས་གསང་ལེགས་བཤད་མཛོད་འཆང་གི་ཕྱག་ཁྱེར་བཅས། སོ་སོའི་གནས་བབ་དང་བསྟུན་ནས་འབུལ་རྒྱུ་གཏན་ཁེལ་གནང་མོད།
དེ་ལས་མང་བ་། “གདན་ས་ཆེན་མོ་རྣམ་གྲོལ་གླིང་གིས་མཛད་སྒོ་སྔ་འཐེན་གྱི་གསར་བསྒྲགས་ཤིག།” »
