ང་དུར་ཁྲོད་
རྒྱང་རིང་ཐང་ལ་ཚ་བའི་སྨུག་པ་འཁོར་དུས།
སྐྱོ་བའི་སེམས་ལ་དྲན་པའི་མིག་ཆུ་ལྷུང་གི།
ས་མཐའི་བུ་ཡིས་ཨ་མ་དྲན་པའི་སྡུག་འདི།།
གཉེན་དང་ཉེ་དུ་ཀུན་གྱིས་སེམས་ཀྱིས་མི་ཁྱག།

དེ་ལས་མང་བ་། “ཨ་མ་དྲན་ཚུལ།” »

བོད ལྷ་ཀླུ་གཉན་གསུམ།

ཁ་ཕར་འཁོར་སེམས་པ་འཁྱེར་མྱོང་བའི།།
ཚུར་འཁོར་ན་སེམས་ཁ་དཀྲུགས་འགྲོ་བའི།།
ལུས་འགྲོགས་འདྲིས་ཆེ་བའི་མཛའ་མོ་སྟེ།།
རིགས་རུས་པ་མ་གཅིག་སེམས་རེ་སྐྱོ།།

ཆུང་བྱིས་པའི་དུས་ནས་བོད་སྐད་གོམ།།
བྱེས་བཅར་བའི་ཉིན་ནས་སྐད་མང་ཐོས།།
རྒྱུ་ཙག་ཙག་མེད་པའི་བཞི་མདོ་ནས།།
མ་བུ་མོ་ཁྱེད་དང་འཕྲད་པ་རེད།།

དེ་ལས་མང་བ་། “གསལ་ལེ་རྒྱལ་ཞིག་གི་མགུར།” »

འབའ་སྲས།

རྒྱང་ཐག་རིང་བའི་འཕགས་ཡུལ་རྒྱ་གར་ན།།
བདེ་ཆེན་སྒྲོལ་མ་ཟེར་ནི་ཞི་མོ་ཞིག །
རྩོམ་ཡིག་མང་མང་སྤེལ་བའི་རྩོམ་པ་པོ།།
ཡིན་པའི་སྐད་ཆ་བདག་གིས་རིང་ནས་ཐོས།།

དེ་ལས་མང་བ་། “བདེ་ཆེན་སྒྲོལ་མར་སྤྲིངས་པའི་འཕྲིན།” »

ཚེ་རིང་བསམ་འགྲུབ།

སྔར་ཆོས་རྒྱལ་གོང་མའི་སྐུ་རིང་ལ།
ཆབ་སྲིད་ཀྱི་མངའ་ཐང་ཤིན་ཏུ་དར།
གདོང་དམར་བ་བོད་ཀྱི་དམག་དཔུང་ཞེས།
མཚན་སྙན་གྲགས་ཡུལ་གྲུ་སྐུན་ལ་ཁྱབ།
མཚོན་མདའ་གྲི་མདུང་གསུམ་འཕྲུལ་ལ་བརྟེན།
དགྲ་འཆི་བདག་ཡིན་ཀྱང་དཔའ་མི་ཞུམ།
ཕྱོགས་རྒྱལ་ཁམས་མང་པོ་དབང་དུ་བསྡུས།
བོད་ཆོས་ལྡན་ཞིང་གི་བཙན་པོ་ཁྱེད།
བློན་རིག་པ་ཅན་གྱིས་མཐའ་ནས་སྐོར།
འབངས་སྲི་ཞུ་ཅན་གྱི་གྲུ་བཞི་བཏེགས།
ཤར་རྒྱ་ནག་གོང་མའི་བཞུགས་ཁྲི་འཕྲོག

དེ་ལས་མང་བ་། “བོད་མིའི་སྐྱིད་སྡུག་གླེང་བ།” »

གཙང་བུས།

རྟེན་འབྲེལ་གྱི་རྒྱལ་མཚོའི་ནང༌།
ཡན་ལག་བཅུ་གཉིས་ཀྱི་རྦ་རླབས་རིམ་གྱིས་གཡོ།
བགྲང་བྱའི་གཉེར་མའི་བང་རིམ་དཔྲལ་ངོས་སུ་བབས།
ལང་ཚོའི་གངས་ལྷ་མེ་ཏོག་བུ་ཡུག་གསེབ་ཏུ་འཚང༌།
ལུས་སྟོབས་ཀྱི་ཟུངས་ཁྲག་དམར་པོ་ས་ལ་ཟགས།
ཆེས་སྙིང་ལས་གཅེས་པའི་དྲིན་ཅན་གྱི་ཨ་ཕ་ལགས།
ཁྱོད་ངེས་མེད་འཇིག་རྟེན་ཕྱི་མའི་སྨག་གིས་བསྟུམས་པའི་རྫ་འཕྲང་རིང་མོར་བགྲོད་ཉིན།
ངེད་མ་སྨད་རྣམས་ལ་ཕྱིར་ལྟོས་ཤོར་སོང་ངམ།

དེ་ལས་མང་བ་། “ཆེས་སྙིང་ལས་གཅེས་པའི་ཨ་ཕ་ལགས།” »

འགར་ཚེ་རྒྱལ་གྱིས།

——–འགྲུལ་བཞུད་ཀྱི་ལམ་ནས་རྙེད་པའི་ཚོར་འདུ་ཐན་ཐུན།

འགྲོ་ཐུབ་པ་ནས་རྐང་རྗེས་ཁ་བར་ཕབ་པའི་ཕ་ཡུལ་ལས་བུད་དེ་བཞུད་འགྲོ་བའི་ཉི་མ་དེར།
ཆུང་དུས་ནས་འདྲིས་ཤིང་གོམས་པའི་རྩྭ་ཐང་གི་པང་ཁ་ན་བཞད་པའི་སྤང་རྒྱན་མེ་ཏོག
དབྱར་གཞུང་གི་མཛེས་སྡུག་ནས་འཐུ་རོགས་བྱེད་པའི་བྱིས་པ་དེ་ཚོ།
དེ་ཚོ་རེ་རེ་བཞིན་དྲན་འོང་དུས།
ངས་མཐའ་མཇུག་ཏུ་བཏུས་པའི་སྤང་རྒྱན་མེ་ཏོག་གི་ཚོམ་བུ་འགའ་སྙིམ་པར་བཅངས་ཏེ།
རླངས་འཁོར་ལ་འབུད་ཁའི་གཞུང་ལམ་གྱི་འགྲམ་ཟུར་ནས་ཕྱིར་མིག་གིས།
ཕ་ཡུལ་གྱི་རི་ལུང་ལ་གྱེས་བྲལ་གྱི་མིག་ཆུ་གཏོར་བཞིན་བཞུད།

དེ་ལས་མང་བ་། “ཕྱིར་མིག” »

(ཡུལ་ཤུལ་ལ་ཕུལ།།)

མུ་ཏིག་གིས།
འཇིག་རུང་གི་སྐྱ་རེངས་དེ་འདས་ནས། ལོ་ངོ་གཅིག་འདས་སོང་། ས་རྡུལ་དང་གྱང་རོ་ཁྲོད་ནས་བཞུད་ཟིན་པ་ཁྱེད་ཅག དངངས་སྐྲག་དང་ཕྱིར་མིག་གི་ཀློང་ནས་བཞུད་ཟིན་པ་ཁྱེད་ཅག གནམ་འོག་གི་ལན་ཆགས་ཡོད་ཚད་འཁུར་ནས། ད་བར་གང་ན་ཡོད།
ངོ་མདངས་ཤོར་བའི་ཕ་ཡུལ་དང་། ངུ་འབོད་ཆད་མ་མྱོང་བའི་ཤུལ་ལུས་ཚོའི་ཆེད་དུ། ཁྱེད་ཅག་གི་མིག་ཟུང་བཙུམ་མ་ཐུབ་དང་། རྣམ་ཤེས་བདེ་མ་ཐུབ་པ། ངས་སུ་ཞིག་ལ་དགོངས་དག་ཞུ་དགོས། བཞུད་ཟིན་པ་ཁྱེད་ཅག་ལ། མང་པོ་མང་པོ་ཞིག་ཆད་སོང་བ་ལྟ་བུའི་སེམས་ཚོར་ཞིག་གིས། དེ་རིང་། ཕ་ཡུལ་ལ་བལྟས་ནས་ངུ་བཞིན་ཡོད།

དེ་ལས་མང་བ་། “༤།༡༤་རྗེས་དྲན།” »