ཀླུ་སྨྱོན།
>
ཞོགས་པའི་ཆུ་ཚོད་བརྒྱད་པ་ཙམ་ལ་ཡར་ལངས་ནས་མགྲོན་ཁང་གི་ཁ་གཏད་དུ་ཡོད་པའི་འཚིག་ཇ་འཚོང་ཁང་དེར་སོང་སྟེ་མེ་ཏོག་གི་ཇ་ཞིག་དང་བག་ལེབ་ཅིག་ཉོས་ཏེ་ཐག་ཉེ་ས་རུ་ཡོད་པའི་ཨ་རིའི་གྲོས་ཚོགས་ཁང་ཆེན་གྱི་མདུན་ཐང་དེར་གོང་ས་མཆོག་གིས་འཛམ་གླིང་ཞི་བདེའི་སྐོར་གྱི་བཀའ་སློབ་གནང་ས་དེར་སོང་། ལམ་ཁ་རུ་ཉི་འོད་ཇེ་ཚ་རུ་འགྲོ་བཞིན་པ་དང་མི་ཚོགས་སྐོར་དང་སྐོར་བྱས་ནས་ཐང་ཆེན་དེར་སྐྱོད་བཞིན་འདུག་ལ་དང་བླངས་ཞབས་ཞུ་བ་དག་གིས་ཆུ་གྲང་མོ་དག་རིན་མེད་དུ་སྟེར་བཞིན་འདུག སྡོད་ས་ཞིག་བདམས་ཏེ་ཆུ་ཚོད་གཅིག་ལྷག་ལ་སྒུག་རིང་ཨ་རིའི་མི་ནག་བུད་མེད་སྐད་གྲགས་ཆེན་པོ་ཅན་མིང་མི་དྲན་པ་ཞིག་གིས་གོང་ས་མཆོག་ལ་ཆེ་བསྟོད་དང་འབྲེལ་གཏམ་བཤད་དང་། དེ་རྗེས་གཞས་མ་ཞིག་གིས་བོད་ཀྱི་ཆེད་དུ་བཏང་པའི་གཞས་ང་ཚོ་ཁྱིམ་དུ་ལོག་འགྲོ་ཞེས་པ་ཞིག་ལ་ཉན་བཞིན་པའི་དུས་དེར་རྒྱལ་བ་ཀརྨ་པ་ཡང་དེར་ཕེབས་སོང་
2008ལོའི་བོད་མི་ཆབ་སྲིད་བཙོན་པ་ཞིག་གི་མནར་གཅོད་།
(ངས་ཁོང་གི་ལོ་རྒྱུས་འདི་རང་ཉིད་ཀྱི་སེམས་ཁོང་སྐྱོ་བས་བརླན་བཞིན་བྲིས།)
པདྨ་རྡོ་རྗེ།
ང་ནི་ཕྱི་ལོ་ 1989 ལོ་ཟླ་ 7 ཚེས་ 22 ཉིན་མདོ་སྨད་ཐེ་བོ་བྲག་སྒམ་གདོང་བ་སྡེ་བའི་ནང་གི་ཕ་སྐལ་བཟང་བཀྲ་ཤིས་དང་མ་མགོན་པོ་མཚོ་གཉིས་ཀྱི་བུ་རུ་སྐྱེས། ངའི་ཕ་མ་གཉིས་ལ་བུ་བུ་མོ་མིང་སྲིང་བཞི་ཡོད་པའི་ནང་གི་ཆུང་ཤོས་དེ་ང་རང་ཡིན། ངའི་ཆོས་མིང་ལ་དཀོན་མཆོག་སེངྒེ་དང་སྐྱ་མིང་ལ་པདྨ་རྡོ་རྗེ་ཟེར། （ཁྱིམ་མཚེས་གཡས་གཡོན་གྱི་མི་ལ་ལས་པད་རྒན་དང་ལ་ལས་པདྨ་མ་སྐྱེས་ཞེས་འབོད།） ལོ་ལྔའི་ཐོག་བྲག་སྒམ་པའི་སློབ་ཆུང་དུ་སོང་ཞིང་སློབ་ཆུང་ནས་སློབ་མཐར་ཕྱིན་རྗེས། རང་ལོ་ 15 སྟེང་བྲག་སྒམ་ལྷ་གསོལ་དགོན་པའི་ནང་ཆོས་ཞུགས་བྱས། ཕྱི་ལོ་ 2008 ལོར་བོད་ས་ཡོངས་ནས་བོད་མི་མང་གིས་རྒྱ་ནག་གཞུང་ལ་ཞི་བའི་ངོ་རྒོལ་བྱེད་སྐབས།
དེ་ལས་མང་བ་། “2008ལོའི་བོད་མི་ཆབ་སྲིད་བཙོན་པ་ཞིག་གི་མནར་གཅོད་།” »
གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།
བོད། ལྷ་ཀླུ་གཉན་གསུམ།
སོ་བདུན།
གཏིང་ནས་བཞུར་བའི་ཚོར་བ་འདི་ལ་སུས་ཀྱང་ཚད་འཛིན་བྱེད་ཐུབ་དཀའ་ན་ཡང་། ཡི་གེ་གཟུགས་སུ་བྲིས་པ་ཙམ་གྱིས་ཀྱང་མིའི་རིགས་ཀྱི་ཚད་མར་འཛིན་དཀའ་བ་ནི་ཚོར་བའི་འགྲུལ་བཞུད་ཡིན་པར་བཤད་ཆོག གལ་ཏེ། འཛམ་གླིང་འདིར་མིའི་རིགས་ལ་རང་ཉིད་དངོས་ཤིག་གསལ་བྱེད་ངེས་ཀྱང་། དེ་ལྟར་དཀའ་བའི་རྒྱུ་མཚན་གྱིས་མིའི་རིགས་ཀྱི་སེམས་ནང་གི་དོགས་པ་རྣམ་དོག་ལ་མཐའ་མེད་ཅེས་ཚད་མའི་སྐྱེ་བུ་མང་བོ་ཞིག་ནས་ཚིག་ཐག་བཅད་དེ་གསུངས་ཡོད་པ་རེད། དེས་ན་ང་ཚོ་མིའི་རིགས་ཀྱི་ཅི་ཞིག་གསལ་སྤྲོད་བྱེད་འདོད་པ་ཡིན་ནམ་ཞེས་པའི་དྲི་བ་དེ་ཡོང་གི་ཡོད། དྲི་བ་དེའི་ལན་ཏག་ཏག་ཞིག་ཀྱང་སུ་གང་གིས་འདེབས་མི་ཐུབ་པ་ཐག་བཅད་བྱས་ཆོག རྒྱུ་མཚན་ནི། མིའི་རིགས་ཀྱི་འཚོ་བའི་གནས་བབས་དང་། བསམ་བློའི་རིན་ཐང་གཏན་ནས་མི་འདྲ་བྱུང་། འགུལ་བསྐྱོད་ཀྱི་རང་དབང་ལ་ཡང་མི་འདྲ་བའི་ཆ་མང་བོ་ཞིག་བྱུང་གི་ཡོད་པས་རེད།
ཀརྨ་བསམ་གྲུབ་ཀྱི་ཨ་མའི་སྐྱོ་གདུང་གི་མིག་ཆུ།
བུད་མེད་རྩོམ་པ་པོ་འོད་ཟེར་ལགས་ནས་བརྩམས།
བཀྲ་ལྷ་ཉི་མ་རྡོ་རྗེས་དབྱིན་ཡིག་ནས་བོད་བསྒྱུར་ཞུས།
ཕྱི་ལོ་༢༠༠༩ལོའི་ཟླ་བརྒྱད་པའི་ནང་ཆབ་མདོ་རྫོང་གི་ལས་བྱེད་དང་ཉེན་རྟོག་མི་སྣས་ཀརྨའི་ནང་དུ་ཕྱིན་ནས་ཁོང་གི་བུ་སྤུན་རིན་ཆེན་དོན་གྲུབ་དང་འཆི་མེད་རྣམ་རྒྱལ་འཛིན་བཟུང་བྱས་པ་དང་། ཁང་པ་སྔོགས་གཤེར་བརྒྱབ་ནས་རྒྱུ་དངོས་རྣམས་གཞུང་བཞེས་བཏང་མ་ཟད། ཀརྨའི་མ་རྒན་དགུང་ལོ་བདུན་བཅུར་སོན་པ་ཁོང་བེར་རྒྱུག་སྣུན་ནས་བཅར་བརྡུང་བཏང། དེས་རྐྱེན་པས་ཁོང་སྨན་ཁང་ནང་ཟླ་བ་ཁ་ཤས་ལུས་པ་དང་། དེང་གི་ཆར་ཡང་ཁོང་གཟུགས་གཞི་སྐྱོ་པོར་ལུས་ཡོད། ཀརྨ་བསམ་གྲུབ་ལགས་དོན་མེད་དུ་བཙོན་འཇུག་བྱས་པ་དང་། ད་ལྟའི་ཆར་ཁོང་བཙོན་ཁང་ནང་བཅུག་ནས་ལོ་གཅིག་དང་ཟླ་བ་ལྔ་ཙམ་འདས་ཟིན། ད་ལྟ་མི་མང་ཚོས་ཁོང་སུ་ཡིན་པ་དྲན་གསོས་ཀྱི་ཡོད་དམ། ཁོང་ནི་༼ལྷ་ཡུལ་གྱི་གཅན་གཟན་རྒྱལ་པོ༽ཞེས་འབོད་པའི་ཀརྨ་དེ་ཡིན།
དེ་ལས་མང་བ་། “ཀརྨ་བསམ་གྲུབ་ཀྱི་ཨ་མའི་སྐྱོ་གདུང་གི་མིག་ཆུ།” »
ད་ལྟའི་གདན་སའི་གནས་བབ་ལ་དཔྱད་པ།
ལྷོ་ཕྱོགས་ཉི་ཟླ་།
སྤྱིར་གདན་ས་ཁག་ནི་ནང་བའི་ཆོས་ཀྱི་ལྟེ་གནས་ངོ་མ་ཞིག་ཏུ་ཀུན་གྱིས་ངོས་འཛིན་གནང་དང་གནང་བཞིན་པ་མ་ཟད་ད་ལྟ་ཡིན་ན་ཡང་གཙོ་བོར་སེར་འབྲས་དགེ་གསུམ་གཙོའི་རིས་མེད་ཀྱི་ཆོས་སྡེ་མང་པོ་ཞིག་ནང་བའི་ཆོས་ཀྱི་ལྟེ་གནས་ཞིག་ཏུ་ཆགས་ཡོད་པ་སྨོས་མེད་རེད། དེ་དག་གི་ནང་ནས་རང་ཉིད་ལ་ཆ་རྒྱུས་དང་ཕྱོགས་གང་ཐད་ནས་ཐག་ཉེ་བའི་ཆ་ནས་སེར་འབྲས་དགེ་གསུམ་གྱི་ད་ལྟའི་གནས་བབ་དང་འབྱུང་འགྱུར་གྱི་ཁ་ཕྱོགས་ཙམ་ཞིག་བརྗོད་འདོད་སྤྲོ།
སྲོང་བཙན་ཁང་ཚན་གྱི་འཐེན་ཐུག
རིག་འབྱུང་དོན་འགྲུབ་བཀྲ་ཤིས།
སུ་ཇ་སློབ་གྲ་དང་ཁ་བྲལ་ནས་ལོ་མང་ཕྱིན། ལོ་མང་ཕྱིན་པའི་རྗེས་སུ་ཡང་། མ་ཡུམ་སློབ་གྲ་དང་དེའི་འཚོ་བ་རྣམས་བརྗེད་དཀའ་བར་གྱུར། སྐབས་དེའི་འཚོ་བ་རྣམས་ད་ལྟ་ཡང་དྲན་པའི་ངོས་སུ་གསལ་ལེར་འདུག དེ་ཡང་། ངེད་རང་སྲོང་བཙན་ཁང་ཚན་ན་ཡོད་པའི་སྐབས་ཤིག་ཡིན། དགུན་གནང་གཏོང་ལ་ཉེ་བའི་སྐབས་སུ། ངེད་ཚོའི་ཉལ་ཁང་གིས་འཐེན་ཐུག་ཞིག་སྐོལ་རྒྱུའི་འཆར་གཞི་འཐེན། སློབ་གྲའི་སྒྲིག་སྲོལ་ལྟར་ན། ཉལ་ཁང་སོ་སོས་འཐེན་ཐུག་སོགས་སྐོལ་ན་ཁྲིམས་འགལ་རེད། འོན་ཀྱང་། སློབ་ཕྲུག་ཚོས་ཁྲིམས་འགལ་གྱི་ལས་ཀ་མང་པོ་བྱེད་གི་ཡོད།
ཞི་བའི་གདོང་ལེན་པ་བཞི་ལ་རྗེམ་སུ་ལོ་སོན་གཟེངས་རྟགས་(James Lawson Award)ཐོབ་པ།
(Nathan Schneider)གྱིས་བྲིས།
རིག་འབྱུང་དོན་གྲུབ་བཀྲ་ཤིས་ཀྱིས་བསྒྱུར་།
ཁ་སང་རྒྱལ་སྤྱིའི་འཚེ་མེད་ཞི་བའི་རྩོད་རྙོག་ལྟེ་གནས་ཁང་(International Center on Nonviolent Conflict)གིས་། ཐེངས་དང་པོའི་རྗེམ་སུ་ལོ་སོན་གཟེངས་རྟགས་དེ་འཚེ་མེད་ཞི་བའི་ཡར་རྒྱས་ཆེད་གནང་འདུག མཛད་སྒོ་དེ་ནི་། (FSI) ཟེར་བས་བདུན་གཅིག་རིང་གི་འཚེ་མེད་ཞི་བའི་རྩོད་རྙོག་ཐད་ཀྱི་ཟབ་སྦྱོང་དང་བསྟུན་ནས། རྒྱལ་སྤྱིའི་འཚེ་མེད་ཞི་བའི་རྩོད་རྙོག་ལྟེ་གནས་ཁང་གི་ལོ་འཁོར་མཇུག་སྡོམ་བརྒྱུད་། (Tufts)གཙུག་ལག་སློབ་ཁང་གི་ལས་འགུལ་སྣ་མང་སྤེལ་སའི་ཚོགས་ཁང་ཞིག་ཏུ་ཉིན་གུང་གསོལ་ཚིགས་སྐབས་སུ་འཚོགས་གནང་འདུག རྗེམ་སུ་ལོ་སོན་གཟེངས་རྟགས་འཐོབ་མཁན་བུད་མེད་བཞི་བྱུང་འདུག་ཅིང་། ཁོང་ཚོ་ཚང་མ་བདུན་གཅིག་རིང་གི་བགྲོ་གླེང་དང་ཟབ་སྦྱོང་དེར་མཉམ་ཞུགས་གནང་འདུག གཟེངས་རྟགས་བཞེས་མཁན་བུད་མེད་བཞི་ནི། མེ་རེས་ ཁིན་( Mary King)དང་རྒ་རྡ་ ཞ་རྦེན་སྒྲར།(Ghada Shahbender) བཀྲས་མཐོང་ལྷག་སྒྲོན། ན་རྡ་ ཨལ་བ་རྡེས་(Nada Alwadi) བཅས་རེད་།
དེ་ལས་མང་བ་། “ཞི་བའི་གདོང་ལེན་པ་བཞི་ལ་རྗེམ་སུ་ལོ་སོན་གཟེངས་རྟགས་(James Lawson Award)ཐོབ་པ།” »
གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།
བོད། ལྷ་ཀླུ་གཉན་གསུམ།
སོ་ལྔ།
ཉིན་བཀང་བོར་ལྡི་ལུ་གྲོང་ཁྱེར་གྱི་ཚ་བའི་ཁྲོད་དུ། ཡར་མར་མྱུལ་ནས་བསྡད། ཟ་ཁང་བརྫིག་པོ་ཞིག་ནང་དུ་ཕྱི་རྒྱལ་གྱི་ཟ་མ་ཟོས་ཤིང་། མཐོང་སྣང་དུ་འདྲ་མིན་དང་ལས་རིགས་ཀྱི་སྣེ་ལེན། ཁོར་ཡུག་གི་ཉོག་འཛིང་སོགས་ནས་འཛམ་གླིང་གི་བྱ་དངོས་ཡོད་ཚད་ཀྱི་འབྱུང་གནས་མི་རང་ཉིད་ཀྱི་བསགས་པའི་ལས་དབང་དང་འབྲེལ་བ་ཏན་ཏན་ཡོད་པའི་ངེས་ཤེས་རྟོགས་སུ་བཅུགས་སོང་།
ང་དང་གངས་དཀར་ལྷ་མཚོ་གཉིས་ཀྱི་བར་ན་སྐད་ཡིག་མི་འདྲ་བའི་དབང་གིས་དཀའ་ངལ་ཁ་ཤས་སམ་ཕན་ཚུན་གྱི་སེམས་གཏིང་གི་གསང་བ་ཡོད་ཚད་གླེང་མ་ཐུབ་པའི་སྐད་ཀྱི་མི་འདང་བ་བདེན་པ་ཡིན་མོད། འོན་ཀྱང་། ཕོ་མོ་ཕན་ཚུན་ལ་ཧ་ཅང་ཞེན་དྲགས་པའི་འདོད་སྲེད་ཀྱི་ཚོར་སྣང་དེའི་ངེད་གཉིས་ཇེ་དམ་ནས་ཇེ་དམ་དུ་འགྲོ་བའི་ལམ་ཐུན་མོང་མ་ཡིན་པར་གྱུར་ཡོད། དེ་ནི་འཁྲིག་སྲེད་ཀྱི་སྐབས་སུ་ངོ་ཚ་ཡོད་ཚད་སྤང་ཐུབ་པའི་ལྷན་སྤྱོར་བདེ་བ་སྤྱོད་སྟངས་ཁྱད་དུ་འཕགས་པ་ཞིག་གི་འཇིག་རྟེན་ལས་འདས་པའི་ཕ་རོལ་གྱི་ཚོར་སྣང་འགྲེལ་མེད་ནས་གཟུགས་མེད་དེ་རེད།
ཤེས་རབ་ཀྱི་ནམ་མཁར་ཕྱོགས་པའི་འདུ་འཛོམས་སྐབས་གསུམ་པ་བོད་ཀྱི་དཔེ་མཛོད་ཚོགས་ཁང་དུ་འཚོགས།
གནས་ཚུལ་མཁོ་གཏོང་བ་རིག་བཟང་།
བོད་མི་མང་སྤྱི་འཐུས་རྨོག་རུ་བསྟན་པ་དང་། ནོར་གླིང་ཉམས་ཞིབ་པ་བསྟན་འཛིན་རབ་རྒྱས་གཉིས་ཀྱིས་གོ་སྒྲིག་བྱས་པའི་༼ཤེས་རབ་ཀྱི་ནམ་མཁར་ཕྱོགས་པའི་འདུ་འཛོམས་ཐེངས་གསུམ་པ་༽དེ་ཕྱི་ལོ་ ༢༠༡༡།༧།༦ ་སྐུའི་འཁྲུངས་སྐར་ཉིན་གྱི་ཕྱི་དྲོ་ཆུ་ཚོད་ ༢ ་པའི་སྟེང་རྡ་ས་གངས་སྐྱིད་དུ་ཡོད་པའི་བོད་ཀྱི་དཔེ་མཛོད་ཚོགས་ཁང་དུ་བསྐྱངས་ཤིང་། དེར་སྐུ་མགྲོན་རྣམས་དང་། བགྲོ་གླེང་འདུ་འཛོམས་པ་བཀུར་འོས་བོད་མི་མང་སྤྱི་འཐུས་ཁག་དང་། སྤྱི་ཟུར། གསར་འགོད་པ་དང་། ཉམས་ཞིབ་པ། རྩོམ་པ་པོ། སྙན་ངག་པ། སྒྱུ་རྩལ་པ་སོགས་མི་གྲངས་དྲུག་ཅུ་ལྷག་ཅིག་རྒྱས་འཛོམས་གནང་སྟེ་༸གོང་ས་སྐྱབས་མགོན་ཆེན་པོའི་སྐུའི་འཁྲུངས་སྐར་སྲུང་བརྩི་དང་འབྲེལ་ཤེས་རབ་ཀྱི་ནམ་མཁར་ཕྱོགས་ཏེ་ཤིས་ཚིག་སྒྲོན་འབུལ་དང་། ཤེས་རབ་ཀྱི་ནམ་མཁར་ཕྱོགས་ཏེ་སྙན་ངག་གྱེར་བ། ཤེས་རབ་ཀྱི་ནམ་མཁར་ཕྱོགས་ཏེ་གཏམ་བཤད་སྤེལ་བ་སོགས་གནང་བ་དང་། འདུ་འཛོམས་འདི་དང་སྟབས་བསྟུན། དམིགས་བསལ་༸ གོང་ས་མཆོག་གི་མཛད་རྗེས་གླེང་སྟེགས་༼རྨོག་རུ་ཚང་གི་ཕོ་བྲང་༽ཞེས་པའི་དྲ་ཚིགས་གསར་པ་ཞིག་འོས་བསྡུའི་ལས་འཕར་འགན་འཛིན་གཡང་མཁོ་རྒྱལ་ལགས་ཀྱིས་སྒོ་འབྱེད་ཞུས།
ལྷག་དཀར་ ནི་ ཞི་རྒོལ་ གྱི་ རྩ་བ་ དང་ རང་དབང་ གི་ སྡོང་བོ་ ཡིན།
བསྟན་རྡོར།
བོད་ རང་བཙན་ སློབ་ཕྲུག་ ཚོགས་པ།
བཙན་གནོན་ མཚམས་འཇོག་ མ་བྱུང་ གོང་ རང་དབང་ མགོ་འཛུགས་ བྱ་ དགོས། རང་དབང་ ནི་ འཐབ་རྩོད་ ཀྱི་ བསྒུབ་བྱ་ ཙམ་ མ་ཡིན་པར་ དེའི་ སྒྲུབ་བྱེད་ ཀྱང་ རེད། རང་དབང་ སྒྲུབ་བྱེད་ ཀྱི་ ལག་ཆ་ གཙོ་བོ་ ཞིག་ ནི་ མི་བསྟུན་པའི་ ལས་འགུལ་ རེད། ད་ཆ་ བོད་ ནང་ མཐུན་ལམ་ མི་བྱེད་པའི་ ལས་འགུལ་ གྱི་ རྩ་བ་ བཙུགས་ ཟིན་པ་ མ་ཟད་ སྡོང་བོའང་ སྐྱེ་བཞིན་ འདུག
བོད་ ནང་གི་ ཞི་རྒོལ་ གྱི་ སྡོང་བོ་ དེ་ནི་ ལྷག་དཀར་ ཡིན། ལྷག་དཀར་ ཞེས་པའི་ མིང་ ནི། སྤྱིར་ རེས་གཟའ་ ལྷག་པ་ འདི་ ༧གོང་ས་མཆོག་ གི་ སྐུའི་ བླ་གཟའ་ ཡིན་པར་ བརྟེན་ ཉི་མ་ དེ་ བདམས་པ་ ཞིག་ ཡིན་པ་ དང་། སྔོན་མ་ ནས་ རེས་གཟའ་ ལྷག་པའི་ ཉིན་ བོད་མི་ མང་པོ་ དགོན་པར་ སྐོར་བ་ ལ་ འགྲོ་བ་ དང་། དམར་ཟས་ སྤོང་བ་ སོགས་ དགེ་བའི་ ལས་ སྒྲུབ་པའི་ ལུགས་སྲོལ་ ཡོད། ད་ཆ་ ཆོས་ཕྱོགས་ ཀྱི་ ལས་དོན་ དེ་དག་ སྤྱི་ཚོགས་ དང་ དཔལ་འབྱོར། ཆབ་སྲིད་ ཀྱི་ ལས་དོན་ དུ་ འགྱུར་བཞིན་ འདུག
དེ་ལས་མང་བ་། “ལྷག་དཀར་ ནི་ ཞི་རྒོལ་ གྱི་ རྩ་བ་ དང་ རང་དབང་ གི་ སྡོང་བོ་ ཡིན།” »
༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་བརྙན་དེབ་༼འཇིག་རྟེན་མིག་འབྱེད༽དབུ་འབྱེད་བསྐྱངས་པ།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་བརྙན་དེབ་༼འཇིག་རྟེན་མིག་འབྱེད༽་ཅེས་བྱ་བ་འདི་ནི། མདོ་སྨད་བཙན་རྒོལ་བདེན་རྒྱབ་མནའ་འབྲེལ་རྩོམ་སྒྲིག་ཚོགས་ཆུང་གིས་མགོན་པོ་མཆོག་མདོ་སྨད་ས་ཡི་ཐིག་ལེར་སྐུའི་མཚན་དཔེ་མངོན་པར་བཞད་དེ་དགུང་གྲངས་ ༧༥ ཕེབས་པའི་གཞུང་འབྲེལ་ལོ་འཁོར་གཅིག་གི་མཛད་འཆར་ཁོངས་སུ་རྩོམ་སྒྲིག་ཞུས་པ་ཞིག་ཡིན་ཞིང་། བརྙན་དེབ་འདི་དཔར་སྐྲུན་ཞུས་པ་བརྒྱུད། སྐལ་ལྡན་ཀློག་པ་པོ་རྣམས་ཀྱིས་༸རྒྱལ་བ་ཐམས་ཅད་མཁྱེན་པའི་མཛད་འཕྲིན་གཞལ་ཡས་ཆུ་གཏེར་ཆེན་པོ་ལས་ཟིལ་རྡུལ་ཙམ་མཇལ་བའི་བྱིན་མཐུས། མགོན་པོ་གང་གི་ཡོན་ཏན་ཚོར་བའི་སྒོ་ནས་བཀའ་དྲིན་རྗེས་དྲན་གྱི་བསོད་ནམས་གསོག་པའི་རྒྱུ་རུ་འགྱུར་ཐུབ་པ་དང་། རྩོམ་སྒྲིག་ཚོགས་ཆུང་ནས་མདོ་སྨད་གཞིས་བྱེས་མི་དམངས་ཀྱི་ཚབ་ཞུས་ཏེ། མགོན་པོ་མཆོག་འགྲོ་བ་མིའི་རིགས་ཀྱི་མགོན་དཔུང་དམ་པར་སྐུ་ཚེ་༸ཞབས་པད་བསྐལ་བརྒྱར་བཞད་པའི་བརྟན་བཞུགས་ཀྱི་ཚུལ་དུ་ཕུལ་བ་ཡིན།
ཐུགས་ཡིད་མ་སུན།
རླངས་འདྲེ་བཀོལ།
ཞར་དང་ཞོར་ལ་ཞི་བདེ་གླེང་བའི་ཞི་བདེའི་མི་སྣ་འགའ་ཞིག་དང་།།
ཚད་ལས་བརྒལ་བའི་དཀའ་ཚེགས་སྤྱད་ནས་འཚེ་མེད་འཚོལ་བའི་ཚུལ་ལྡན་ཁྱོད།།
འགྲན་དུ་འདོད་ཀྱང་འགྲན་ཟླ་མི་དོ་འགྲན་མེད་དེད་དཔོན་ཁྱོད་ཉིད་ཅེས།།
གོ་ལའི་ཁྱོན་གྱི་གོ་རྟོགས་ལྡན་པའི་མགོ་བོ་ཅན་ཚོས་གུག་གུག་སྨྲས།།
སྐྱབས་མཆོག་ཁྱེད་ཀྱི་སྐྱབས་མེད་སྐྱོབས་ཕྱིར་རླབས་ཆེན་སྐད་ཀྱིས་འདི་སྐད་བསྐུལ།།
དགའ་སྐྱོའི་ཐོལ་གླུ།
(ཨ་རིར་ཚོགས་པའི་སྐུའི་འཁྲུངས་སྐར་མཛད་སྒོ་མཐོང་རྗེས་སུ།)
ཀིརྟི་སྐྱབས་ཀྱིས།
༄༅།།རྒྱལ་བའི་སྐུ་ཁམས་དྭངས་པས་དགའ་བ་ལ།།
དགུང་ལོ་ཇེ་མཐོར་ཕེབས་པས་སྐྱོ་བ་ལ།།
རྒྱལ་བའི་གདུལ་བྱར་གྱུར་པས་དགའ་བ་ལ།།
རྒྱལ་བའི་བཀའ་བཞིན་མི་ནུས་སྐྱོ་བ་ལ།།
རྒྱལ་བ་བོད་དུ་འཁྲུངས་པས་དགའ་བ་ལ།།
རྒྱལ་བ་ཕྱི་ནས་བགྲེས་པས་སྐྱོ་བ་ལ།།
འཛམ་གླིང་སྤྱི་ནོར་གྱུར་པས་དགའ་བ་ལ།།
བོད་མིས་ནོར་ཉམས་མི་ཆོད་སྐྱོ་བ་ལ།།
འོད་ཀྱི་འཁྲུངས་སྐར་ལ་སྐུར་བ།
བོད། ལྷ་ཀླུ་གཉན་་གསུམ།
འོད་དེ་འཁྲུངས་ཉིན གནམ་སྔོན་པོ་འོད་ཀྱིས་བཀང་
འོད་དེ་འཁྲུངས་ཉིན ས་དོག་མོ་དྲོད་ཀྱིས་བཟུང་
དེ་ནི་ནམ་ཟླ་ཆེས་ཡག་པོ་ཞིག་ཡིན
དེ་ནས་བཟུང་ གནམ་ས་གཉིས་ཀ་འོད་ཀྱི་གཞི་ཁྱིམ་དུ་གྱུར་མྱོང་
བསམ་ཡུལ་ལས་འདས་པའི་སྔ་དགུང་ཞིག་ལ
འོད་ལམ་དུ་མུན་ནག་ཁྲ་བོ་ཞིག་སླེབས
འོད་འོག་གི་འཇིག་རྟེན་ལ་འཁྱགས་པས་བསྡམས
བསྐལ་བ་བཟང་བོ་དེ་དྲན་གསོ་བྱེད་མཁན་ནི
ས་གཞི་དེར་འཚོ་བའི་གངས་རིའི་མི་རྒྱུད་ཅིག
དུས་ད་ལྟའང་འོད་ཀྱི་བཞུད་ལམ་དུ་འཕྲེང་ནས་ཡོད
ཡིད་བཞིན་ནོར་བུ།
ཆབ་་བྲག་ཕོ་ཉ།
ཉེ་འདབས་སུ། རི་གྲོང་གི་དབུལ་ཕོངས་སེལ་བའི་ནོར་བུ།
རྒྱང་རིང་དུ། སེམས་ཁམས་ཀྱི་མུན་པ་སེལ་བའི་སྒྲོན་མེ།
ཡིད་བཞིན་ནོར་བུ།
གཉེན་ཉེ་ཚོར། ཆགས་པ་བྲལ་བའི་བརྩེ་ཆེན་གྱི་མ་ཡུམ་དམ་པ།
དགྲ་བོ་ཚོར། སྡང་སེམས་བྲལ་བའི་གཞོམ་མེད་ཀྱི་དགྲ་ཟླ་དམ་པ།
ཡིད་བཞིན་ནོར་བུ།
རྒྱལ་ཁ་རྩོད་ནས་ཕམ་ཁ་མྱོང་བའི་སྤྱི་ཚོགས་འདིར།
ཕམ་ཁ་ཁུར་ནས་རྒྱལ་ཁ་ལེན་པའི་མཁས་མཛངས་ཁྱོད།
ཡིད་བཞིན་ནོར་བུ།
ཚན་རིག་པས། ཁྱེད་ཀྱི་ཀླད་རྩ་ན་གསང་བ་ཞིག་འཚོལ་བར་རེ།
བོད་པ་ཚོས། ཁྱེད་ཀྱི་ཕྱག་འོག་ན་བྱིན་རླབས་ཤིག་ཡོད་པར་རེ།
ཡིད་བཞིན་ནོར་བུ།
དམ་དྲག་དང་བཀག་འགོག་ཁྲོད་ཀྱི་འཁྲུངས་སྐར་སྲུང་རྩི།
གྲགས་པ་ནས།
༄ ༅།།དེ་རིང་གི་ཉིན་མོ་འདི་ནི་རང་ཅག་བོད་མི་ཡོངས་ཀྱི་བླ་ན་མེད་པའི་མགོན་ སྐྱབས་མཚུངས་ཟླ་མ་མཆིས་པ། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༦ལ་ཕེབས་པའི་སྐུའི་ འཁྲུངས་སྐར་དུས་ཆེན་འཛམ་གླིང་ཡུལ་གྲུ་གང་སར་སྲུང་རྩི་བྱེད་ཀྱིན་ཡོད་ཀྱང།
དེ་ལས་མང་བ་། “དམ་དྲག་དང་བཀག་འགོག་ཁྲོད་ཀྱི་འཁྲུངས་སྐར་སྲུང་རྩི།” »
འཁྲུངས་སྐར་ལ་ཕུལ་བ།
གསེར་རྟ་ཚུལ་ཁྲིམས་འོད་ཟེར།
༄༅།།ཨོཾ་བདེ་ལེགས་སུ་གྱུར་ཅིག །
རྒྱལ་ཀུན་བརྩེ་ཆེན་སྤྱན་རས་གཟིགས་དབང་ཡོངས་རྫོགས་བསྟན་འགྲོའི་མགོན་སྐྱབས་སུ། །
གསུམ་ལྡན་རྡོ་རྗེ་འཛིན་པའི་སྐུར་བཞེངས་རྒྱ་མཚོ་ལྟར་ཟབ་མཛད་འཕྲིན་གྱིས། །
སྲིད་གསུམ་ཞི་བདེའི་དཔལ་དུ་དབང་བསྒྱུར་ཀུན་ཕན་མཁྱེན་བརྩེ་ནུས་པའི་གཏེར། །
མཚུངས་མེད་གཏན་གྱི་སྐྱབས་གཅིག་དཔལ་ལྡན་རྩ་བའི་བླ་མའི་སྡེ་དེར་འདུད། །
འཇིག་རྟེན་ཞེས་བྱའི་གོ་ལའི་ཁྱོན་ན་སྐྱེས་སྦྱང་ལྷག་བསམ་ཉིན་བྱེད་བརྒྱའི། །
གཟི་བྱིན་ཉིན་ལྟར་བླ་ན་འབར་བའི་སྤྱན་རས་གཟིགས་དབང་བཅུ་བཞི་བ། །
བསྐལ་མང་བསགས་པའི་སྤྱི་མཐུན་དགེ་བས་ཁྱོད་སྐུ་འགྱུར་མེད་རྟག་བརྟན་ཞིང་། །
ཀུན་ཕན་རླབས་ཆེན་བཞེད་དོན་གེགས་མེད་ལྷུན་གྱིས་འགྲུབ་པར་སྨོན་ལམ་འདེབས། །
གངས་ཅན་པའི་སེམས་ཁོང་ན་ནམ་ཡང་འགྱིང་བའི་འབྲོང་རྒོད།
འབྲོང་ངུར་ཆོས་རྗེ། རྣམ་གྲོལ་གླིང་།
རྣམ་སྲས་བང་མཛོད་ཅོ་འདྲི་བྱེད་པའི་ཨ་འབྲུག་ཚང་དུ་ལྟེ་ཁྲག་འཐོར།།
ལོངས་སྤྱོད་སྤེལ་ལ་མགོ་བོ་མ་འཐོམས་གངས་རིར་འཁྱུད་པའི་དུང་ཞེན་ཟབ།།
གདོང་དམར་བོད་མིའི་སྐྱིད་སྡུག་ཆེད་དུ་གཅེས་པའི་སྲོག་ཀྱང་ལན་མང་བཤམས།།
འབྲོང་རྒོད་ཁྱོད་ལ་གུས་འདུད་དང་བཅས་བཀའ་དྲིན་རྗེས་དྲན་མི་ཞུ་སུ།།
འཛམ་གླིང་སུམ་གཉིས་དབང་དུ་བསྡུས་ཞེས་མེས་པོ་སྲོང་བཙན་ཆེ་བ་སྒྲོག།
ཕྱག་མདའ་གཅིག་གིས་གླང་དར་བཀྲོངས་ཞེས་ལྷ་ལུང་དཔལ་རྡོར་གཟེངས་སུ་བསྟོད།།
ཧོར་བདུད་མོན་འཇང་ཁྲག་གིས་བཀང་ཞེས་གླིང་རྗེ་གེ་སར་མཆོད་ལ་བྲེལ།།
བྷ་ཏ་ཧོར་སོགས་ཆམ་ལ་ཕབ་ཅེས་མུ་རུབ་བཙན་པོ་བསྔགས་གྱུར་ན།།
དེ་ལས་མང་བ་། “གངས་ཅན་པའི་སེམས་ཁོང་ན་ནམ་ཡང་འགྱིང་བའི་འབྲོང་རྒོད།” »
མེ་ཏོག་གི་མཆོད་སྤྲིན།
བསམ་གླིང་ཚེ་རིང་ལྷ་མོ།
སྐུ་ཡི་མཚན་བཟང་དཔེ་བྱད་བརྒྱད་ཅུ་ཡིས་མཛེས་ཤིང།།
ཐུགས་ཀྱི་མཁྱེན་རླབས་མཚུངས་བྲལ་ཤར་ཕྱོགས་ཀྱི་རྒྱལ་སྲས།།
ཞལ་མཇལ་གསུང་ཐོས་ཀྱི་སྐལ་བཟང་གཞིས་ལུས་ཚོར་མེད་ཀྱང།།
གངས་ལྗོངས་བོད་མིའི་སེམས་ན་སྤྱན་རས་གཟིགས་ཁྱེད་ཡིན།།
མ་བསྐུལ་སེམས་ཀྱི་མཆོད་པ།༼༧རྒྱལ་བའི་འཁྲུངས་སྐར་ལ་ཕུལ།༽
དགེ་བཤེས་འཕྲིན་ལས་རྒྱ་མཚོས།
ཀུན་ཏུ་རྨོངས་པའི་དྲི་མ་དག་ཅིང་སྐུ་བཞིའི་དཀྱིལ་འཁོརཡོངས་སུ་རྫོགས།།
མཁྱེན་དང་བརྩེ་བའི་འོད་ཀྱི་སྣང་བས་རྨོངས་པའི་སྨག་ཆེན་དབྱིངས་སུ་བཅིལ།།
བདག་བློ་དང་བའི་མཁའ་རུ་རྩེན་པའི་ལྷ་གཅིག་ཕྱག་ན་པདྨོ་ཡིས། །
བྱིན་རླབས་ཡེ་ཤེས་སྣང་བའི་ཟེར་བརྒྱས་བདག་ཡིད་འཆང་བ་ད་དགྲོལ་ཅིག།
སྐུ་ཡི་མཚན་དཔེ་མཐོང་ཐེངས་རེ་རེར་ལུས་ལ་དད་པའི་སྤུ་ལོང་གཡོ།།
གསུང་གི་དབྱངས་སྙན་ཐོས་ཐེངས་རེ་རེར་ཡིད་ཀྱི་གདུངས་པ་ཀུན་ནས་བཅིལ།།
ཐུགས་བསྐྱེད་ཟབ་མོའི་ཆ་ཤས་རེ་རེར་བསྟན་འགྲོའི་ཕན་བདེའི་རི་མོ་འཁྱིལ།།
ཅུང་ཟད་ཙམ་ཡང་ངལ་བ་མེད་པར་རྟག་ཏུ་གཞན་དོན་སྒྲུབ་ལ་བྲེལ།།
དེ་ལས་མང་བ་། “མ་བསྐུལ་སེམས་ཀྱི་མཆོད་པ།༼༧རྒྱལ་བའི་འཁྲུངས་སྐར་ལ་ཕུལ།༽” »
