རུ་ཤུལ་ཆོས་གྲུབ་ཀྱིས།
འུ་ཚང་གི་ཕ་རྒན་བསྟན་འཛིན་ཁ་སང་དོན་དག་ཅིག་གི་ཆེད་དུ་རི་ཕར་རྒྱབ་ཀྱི་སྡེ་བ་ཞིག་ལ་མགྲོན་པོར་སོང་། ཁོང་གི་ད་ཐེངས་ཀྱི་བྱ་བའི་འགོ་འཇུག་ཚང་མ་ཧ་ཅང་གི་ལེགས་གྲུབ་བྱུང་སོང་ཞེས་ སྡེ་བ་གཞན་པའི་མྱི་མང་པོ་ཞིག་གིས་གང་སར་བཤད་ཀི་འདུག དེའི་ཞོར་དུ་ཕ་རྒན་ཁོང་དེ་རོ་ཀི་སྡེ་དཔོན་ཚང་དུ་བོས་འདུག་ལ་སྡེ་དཔོན་ཨོ་རྒྱན་དང་ ཁོང་གཉིས་ཀྱིས་ཇ་ཡུན་གཅིག་ལ་སྡེ་བ་ཕན་ཚུན་བར་གྱི་གྱོད་ཁ་མཆུ་དང་ཁྱིམ་ཚང་སོ་ སོའི་འཁོར་བ་སྐྱོང་སྟེང་སོགས་མང་པོ་ཞིག་གླེང་འདུག
བསམ་གླིང་ཚེ་རིང་ལྷ་མོ།
ཨ་སྔོན་ནམ་མཁའ་ཆུ་འཛིན་དགའ་མ་ལ།།
ཡོངས་སུ་ཆགས་པ་སྐབས་ཤིག་དོར་བར་མཛོད།།
དབེན་པའི་ཡིད་ལ་ཅུང་ཟད་ངལ་གསོའི་བཅུད།།
མཛེས་ལྗོངས་ལོངས་སྤྱོད་སྐལ་བཟང་གནང་བ་སྩོལད།།
སྤྲིན་དཀར་ཚོམས་བུས་མཐའ་བཞིའི་རི་བོ་མྱུལ།།
སྔོ་སངས་ནམ་མཁར་སྤྲིན་དཀར་ཐར་ཐོར་འགྱིང་།།
ཡུན་རིང་ཆར་ཆུས་བཀྲུས་པའི་ལྗོན་པའི་ཚོགས།།
དགའ་བདེས་བསུས་པའི་གཡུ་རལ་ཅི་ཡང་གསིག།
ཕྱི་ལོ་༢༠༡༡ཟླ་བ་༧ཚེས་༡༧ཉིན་སྦེལ་ཀོབ་ཉེ་འཁོར་གྱི་གདན་ས་ཆེན་པོ་སེར་དགོན་དང་རྙིང་དགོན་རྣམ་གྲོལ་གླིང་། དེ་བཞིན་བོད་ཡིག་ལས་རིགས་ལ་གཉེར་པའི་གསར་འགོད་པ་བཅས་ཁྱོན་གཤམ་འཁོད་ལྟར་དཔྱད་འདེམས་པ་ལྔ་སེར་སྨད་ཚ་བ་ཁང་ཚན་དུ་གདན་འདྲེན་ཞུས་ཏེ་དཔྱད་འདེམས་སྐོར་བ་དང་པོར་གངས་ལྗོངས་གེ་སར་ཚང་གི་འགྲན་རྩོམ་དེབ་ཐོག་ཏུ་འགོད་རྒྱུའི་རྩོམ་ཡིག་རྩེ་ཕུད་ཉི་ཤུ་རྩ་གཉིས་དཔྱད་འདེམས་བྱས་པ་གཤམ་གསལ་ལྟར་ཡིན། དེ་ཡང་རྩེ་ཏོག་ལས་ཨང་རིམ་བཞིན་མིན་པར་མཁྱེན་པར་མཛོད།
དེ་ལས་མང་བ་། “གངས་ལྗོངས་གེ་སར་ཚང་གི་འགྲན་རྩོམ་རྩེ་ཕུད་ཉི་ཤུ་རྩ་གཉིས་ཀྱི་གསལ་བསྒྲགས།” »
བོད། ལྷ་ཀླུ་གཉན་གསུམ།
ཞེ་བདུན།
ཁ་སང་ཕྱི་དྲོ་ནས་བཟུང་ཇོའུ་མི་རིགས་ཀྱི་སྲོལ་རྒྱུན་རང་བཞིན་གྱི་དུས་ཆེན་ཞིག་རེད། དུས་དྲན་འདི་ནི་ཆོས་ལུགས་ཀྱི་བྱེད་སྒོ་ཞིག་ཡིན་ལ། ཆུ་ཚོད་ཉེར་བཞིའི་རིང་དུ་རྒྱལ་ཁབ་ཀྱི་དངོས་ནས་འགྲིམ་འགྲུལ་ཡོངས་སུ་རྫོགས་པ་མཚམས་འཇོག་གི་འདུག ཆོས་པ་དག་གིས་ཆོས་ཀྱི་ཆོ་ག་ཕྱག་ལེན་བྱེད་ཀྱི་ཡོད་པ་དང་ཆོས་ལུགས་པ་མིན་མཁན་དག་གིས་ཀྱང་། རང་ཉིད་ཇོའུ་མི་རིགས་ཤིག་ཡིན་དུས། ཆུ་ཚོད་ཉེར་བཞིའི་རིང་དུ་འགྲིམ་འགྲུལ་མི་བྱེད་པར་སྲོལ་རྒྱུན་ལ་གུས་བཀུར་བྱེད་ཀྱི་འདུག གལ་སྲིད། ཉིན་འདི་ལ་རླངས་འཁོར་རེ་གཉིས་རེ་གཞུང་ལམ་དང་སྲུང་བར་དུ་མཐོང་རྒྱུ་ཡོད་ཚེ། དེ་ནི་ཁ་ཆེ་བ་ཞིག་དང་དེ་མིན་ཛ་དྲག་གི་དོན་རྐྱེན་གང་ཞིག་འཕྲད་མཁན་གྱི་མི་ཞིག་ཡིན་པར་བཤད་ཆོག་པར་བརྩི་བཞིན་འདུག
འབའ་སྲས།
རི་བསང་ཕུལ་བའི་དུ་སྤྲིན་རླུང་གིས་འཁུར།།
ཉག་ཁར་འཐེན་པའི་དར་ལྕེ་བསིར་བུས་བཅད།།
གཉེན་པོའི་མིང་གི་བཟློས་པའི་མིད་པ་འགག །
སྐྱབས་གནས་ལྷ་ཞིག་མེད་པ་ཤེས་རན་རེད།།
ཨ་མས་བཏབ་པའི་ཞིང་གི་མྱུ་གུ་སྐམ།།
ཕ་ལོས་བཙུགས་པའི་སྡོང་བུའི་ལོ་མ་རྙིད།།
སྤུན་ཟླས་བརྐོས་པའི་ཁྲོམ་པའི་ནང་ཆུ་ཟད།།
ཆར་ཞིག་འབབ་རྒྱུ་མེད་པ་ཤེས་རན་རེད།།
སྤྱི་ཚོགས་མེ་ལོང་གི་གསར་འགོད་པ་རྡོ་རྗེ་ཚེ་རིང་གིས།
སྤྱི་ལོ༢༠༡༡ལོའི་ཟླ༠༧ཚེས༡༧རེས་གཟའ་ཉི་མའི་ཉིན་བཙན་བྱོལ་བོད་ཀྱི་སྐད་ཡིག་ཚོགས་པས་བཀོད་སྒྲིག་འོག་༼བོད་ཀྱི་སྐད་ཡིག་གི་ད་ལྟའི་གནས་བབ་དང་འབྱུང་གྱུར་འཕེལ་ཕྱོགས་གླེང་བ༽ཞེས་པའི་ཁ་བྱང་ཐོག་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་ནས་བགྲོ་གླེང་འདུ་འཛོམས་ཞིག་བསྡུས་འདུག ཞོགས་པ་ཆུ་ཚོད་དགུ་བའི་སྟེང་གཙོ་སྐྱོང་པ་འབྲོག་རུ་ཆོས་དར་ལགས་གྱིས་རང་རེའི་སྐད་ཡིག་ཚོགས་པ་འདི་སྤྱི་ལོ་༢༠༠༥ལོར་དབུ་བརྙེས་ཚུལ་དང་༢༠༠༧ལོར་སྐད་ཡིག་ཚགས་པར་འདོན་འགོ་བཙུགས་ཚུལ།ཐ་སྙད་གསར་བ་ངོ་སྤྲོད་དང་གསལ་བསྒྲགས་དང་ཚོང་ཁང་ཟ་ཁང་གི་ཁ་བྱང་སོགས་ལ་ནོར་བཅོས་དག་ཐེར།སྐད་ཡིག་ལག་དེབ་ཐེངས་དང་པོར་བཀྲམས་པ།
ཐེ་བོ་དཀོན་མཆོག་ཤེས་རབ་ནས།
ཉེ་ ཆར་༧གོང་ས་མཆོག་གི་སྐུའི་འཁྲུངས་སྐར་དང་སྟབས་བསྟུན་མགོན་པོ་གང་ཉིད་ཀྱི་བསྟོད་པ་བདེན་དེན་གསལ་བའི་ཉིན་བྱེད་ཅེས་པ་ཞིག་དྲ་གྲོགས་རྣམ་པའི་སྤྱན་ལམ་དུ་ བསྟར་ཟིན་མོད། རྩོམ་ཡིག་དེའི་མཆན་འགྲེལ་གྱི་ཚུལ་དུ་འདིར་རང་མཆན་ཕྱོགས་སྟོན་འཁོར་ལོ་ཞེས་པ་འདི་འབུལ་ལམ་ཞུས་པ་ལགས།
ན་མོསམུདྲགུརུབྷྱ།
ངོ་མཚར་བྱམས་བརྩེ་པདྨའི་འཛུམ་དཀར་གྱིས།།
མ་ལུས་འགྲོ་བའི་བརྟན་པ་ཡོངས་འཕྲོགས་པས།།
ཆེ་དགུ་ཀུན་ཀྱི་གཙུག་ན་མངོན་མཆོད་པ།།
༧སྐྱབས་མགོན་༧རྒྱལ་བའི་དབང་བོར་ལན་བརྒྱར་འདུད།།
དེ་ལས་མང་བ་། “བསྟོད་པ་བདེན་དོན་མའི་རང་མཆན་ཕྱོགས་སྟོན་འཁོར་ལོ་ཞེས་བྱ་བ་བཞུགས་སོ། །” »
སྐྱོ་བྲག་དགའ་དབང་།
མི་རིགས་སོ་སོའི་སྐད་ཡིག་ནི། སོ་སོའི་ཁྱད་ཆོས་ཚང་བའི་མི་རིགས་དང་། ཆོས་ལུགས། རིག་གཞུང་། རྒྱུན་སྲོལ་སོགས་ཐུན་མོང་མིན་པ་རྣམས་ཡུན་གནས་ཡོང་བ་ལ་མེད་དུ་མི་རུང་བ་ཡིན་ པ་བཞིན། ང་ཚོ་བོད་གངས་ཅན་པ་ལ་མཚོན་ནའང་། བོད་ཀྱི་སྐད་ཡིག་འདི་ནི། བོད་ཀྱི་མི་རིགས་དང་། བོད་ཀྱི་ཆོས་རིག་གཞུང་འཆི་གསོན་གྱི་འགག་རྩ་ཡིན་སྟབས། བོད་ཀྱི་སྐད་ཡིག་གི་ཆེད། གཞིས་བཞུགས་བོད་མི་མཐོ་དམན་བར་གསུམ་གྱིས་སོ་སོའི་ལུས་སྲོག་ལོངས་སྤྱོད་དང་ བཅས་པ་ཐེད་ལ་བོར་ནས་རྒྱུན་སྐྱོང་གནང་གིན་ཡོད་ལ། བྱེས་སུ་ཡོད་པའི་བོད་མི་དག་གིས་ཀྱང་ཁོར་ཡུག་དང་ཆ་རྐྱེན་ཡོད་མེད་ལ་མ་ལྟོས་ པར་ཅི་ནུས་སུ་འབད་འབོངས་བྱེད་ཀྱིན་ཡོད།
གསར་འགོད་པ། སྐལ་བཟང་ཉི་མ།
སམ་བྷོ་ཊ་སྤྱི་ཁྱབ་ཡིག་ཚང་གིས་གོ་སྒྲིག་འོག་དགེ་སློབ་གླེང་སྟེགས་དྲ་ཚིགས་དོ་དམ་པ་དང་བོད་ཁྱིམ་བོད་དགེ་ཟུར་བ་རྒན་འོད་ཟེར་ལགས་ཉེ་ལམ་ནས་སམ་བྷོ་ཊ་སློབ་གྲྭ་ཁག་ལ་བསྐོར་བསྐྱོད་ཀྱིས་བོད་ཡིག་དགེ་རྒན་ཚོར་ཟབ་སྦྱོང་སྤྲོད་ཀྱིན་ཡོད་པ་བཞིན།ཐེངས་འདིར་ཁོང་ང་ཚོ་ཤེས་རབ་དགའ་ཚལ་སློབ་གླིང་དུ་ཕེབས་ཡོད་པ་དང་།ཁོང་གིས་ཆེས་ཐོག་མར་ང་ཚོ་ལ་ང་རང་འདིར་རང་གི་ཉམས་མྱོང་ཞིག་བརྗེ་རེས་བྱེད་དུ་ཡོང་བ་ཡིན་ཞེས་བརྗོད་པ་བཞིན།སྐབས་འདིར་ཡང་ཁོང་གིས་ང་ཚོ་ལ་རང་ཉིད་ཀྱིས་ལོ་ངོ་དགུ་ལྷག་གི་དགེ་རྒན་གྱི་བྱ་བའི་ཁྲོད་ནས་བསགས་པའི་རིན་ཆེན་གསེར་ལས་ལྷག་པའི་ཉམས་མྱོང་དང་གསར་གཏོད་ཀྱི་གྲུབ་འབྲས་སུ་བགྲང་ཆོག་པའི་བྱ་ཚིག་སློབ་ཐབས་གསར་མ་དང་།
དེ་ལས་མང་བ་། “ང་རང་གི་ཉམས་མྱོང་ཞིག་བརྗེ་རེས་བྱེད་དུ་ཡོང་བ་ཡིན།” »
ཀུན་གླེང་ལས་རིམ་ཐོག་དཔལ་རྒྱལ་བ་ཀརྨ་པར་བཅར་འདྲི་བྱས་བ་ཞིག
(དུས་བབ་ནས་བླངས།)
ཚེ་རིང་རྒྱལ་གྱིས་བསྒྱུར།
ཉིན་ཞཱང་། འདས་པའི་ཟླ་བཞིའི་སྔོན་ནས་བཙན་བྱོལ་བོད་གཞུང་གི་ཆབ་སྲིད་འགན་དབང་རྩིས་སྤྲོད་གནང་བ་ནས་བཟུང་། སྐུ་ཉིད་ཀྱི་འཚོ་བའི་ནང་འགྱུར་བ་ག་རེ་བྱུང་སོང་ངམ།
༸གོང་ས་མཆོག དམིགས་བསལ་གྱི་འགྱུར་བ་ཆེན་པོ་བྱུང་མ་སོང་། རྒྱུ་མཚན་ནི། ཕྱི་ལོ་ ༢༠༠༡ ནས་བཟུང་ང་ཚོའི་ཆབ་སྲིད་ཀྱི་འགན་དེ་འོས་བསྡུ་བྱས་པའི་མགོ་ཁྲིད་ཀྱིས་གནང་ནས་ལོ་བཅུ་ཕྱིན་པ་རེད། དུས་ཡུན་དེའི་རིང་ཆབ་སྲིད་ཀྱི་ལས་དོན་དང་ཐག་གཅོད་གཙོ་བོ་མི་མང་གིས་བདམས་པའི་མགོ་ཁྲིད་ཀྱིས་གནང་བཞིན་ཡོད་པ་ལས་ངོས་ཀྱིས་བྱེད་ཀྱི་མེད། དེར་བརྟེན། ངོས་ཀྱི་འཚོ་བའི་ནང་འགྱུར་བ་ཆེན་པོ་དེ་འདྲ་བྱུང་མ་སོང་། ཡིན་ནའང་། ངོས་ཀྱིས་ཆབ་སྲིད་ཀྱི་འགན་དབང་ཆ་ཚང་རྩིས་སྤྲོད་བྱས་རྗེས་བློ་བདེ་བག་ཕེབས་ཀྱི་སེམས་ཚོར་བྱུང་སོང་། ད་ལྟ་ངོས་ཀྱིས་དུས་ཚོད་དང་ནུས་པ་གང་ཡོང་བཏོན་ཏེ། རང་ཉིད་འགྲོ་བ་མི་ཞིག་ཡིན་པའི་ཆ་ནས་སྒྲུབ་འོས་པའི་གལ་ཆེའི་ལས་འགན་དག་གནང་གི་ཡིན། ངོས་ཀྱི་བསམ་པར་མིའི་འཚོ་བར་བདེ་སྐྱིད་ཡོང་རྒྱུ་དེ་ཧ་ཅང་གལ་ཆེན་པོ་རེད།
འགར་ཚེ་རྒྱལ།
བསམ་ཕྱོགས་དེའི་ཤེད་ཀྱིས་ང་རང་གནས་ཤིག་ལ་བཙན་གྱིས་བརྫངས།
རི་བོའི་ཕར་རྒྱབ་ཀྱི་ཟླ་འོད་དེ་སྔར་བཞིན་དབྱར་ཟླ་དང་མཚུངས་ནའང༌།
མཚོ་མོ་དེ་ངའི་རྐང་འོག་ན་འཁྱག་ལ་འབྱར།
ལམ་ལ་ཆས་པའི་སྤྲིན་པ་དེ་ཚོས།
མཁའ་མཐའ་ནས་ང་ལ་ལག་བརྡ་གཏོང་བ་བཞིན་བཞུད་འགྲོ་དུས།
ང་ལ་ཞེ་སྨྲེང་ཞིག་དང་ལྷན་དུ་མཚོ་མོ་འདིའི་དར་ཁ་ཧ་ཅང་གྲང་།
བོད། ལྷ་ཀླུ་གཉན་གསུམ།
ཞེ་ལྔ།
ཉིན་བཀང་བོར་ནང་གི་ཕྱི་ལོག་དུ་མ་སོང་བར་ནང་ནས་ཟས་ཐོའི་གསར་བའི་སྐོར་ཞིག་གློག་ཀླད་ཀྱི་སྟེང་ནས་ཁོ་མོ་དང་མཉམ་དུ་ལས་ཀ་བྱེད་ཁུལ་བྱས། ཞོར་དུ་རྒྱ་གར་དུ་ཡོད་པའི་གྲོགས་པོ་ཁ་ཤས་ཤིག་ལ་གློག་འཕྲིན་བཏང་ནས་རང་ཉིད་བདེ་མོ་ཡིན་སྐོར་བྲིས། མི་ཞིག་ཉིན་བཀང་བོར་བསམ་རྒྱུ་དྲན་རྒྱུ་མང་བོ་མེད་པར། ཁུ་སིམ་མེར་འདུག་མཁན་གྱི་མི་ནི་དེ་རིང་གི་ང་རང་ཡིན།
༼བོད་ཀྱི་དུས་བབ་དྲ་ངོས་ནས་བཤུ་འགོད་ཞུས་པ་ཡིན།༽
ཨ་རིའི་ཕོ་བྲང་དཀར་པོས་ཕྱི་ཚེས་ ༡༦ ཉིན་སྲིད་འཛིན་ཨོ་བྷ་མས་༸གོང་ས་མཆོག་ལ་མཇལ་འཕྲད་གནང་སྟེ། བོད་ཀྱི་རིག་གཞུང་དང་འགྲོ་བ་མིའི་ཐོང་ཐང་སྐོར་ལ་བཀའ་མོལ་གནང་རྒྱུ་ཡིན་པ་བསྒྲགས་འདུག
དེ་རིང་ཕྱི་ཚེས་ ༡༦ ཉིན། ཨ་རིའི་ཕྲོ་བྲང་དཀར་པོས་སྲིད་འཛིན་ཨོ་བྷ་མ་༸གོང་ས་མཆོག་དང་མཇལ་འཕྲད་གནང་རྒྱུ་ཡིན་པ་བསྒྲགས་ཡོད་པ་དང་། མཇལ་འཕྲད་སྐབས་ཨ་རིའི་ངོས་ནས་བོད་ཀྱི་རིག་གཞུང་དང་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་ཐད་ལ་རྒྱབ་སྐྱོར་ཤུགས་ཆེན་པོ་གནང་རྒྱུ་ཡིན་པ་གསལ་བསྒྲགས་གནང་འདུག ཐེངས་འདིའི་མཇལ་འཕྲད་དེ་ཨ་རིའི་ཕོ་བྲང་དཀར་པོའི་དཔེ་མཛོད་ཁང་དུ་དུས་ཡུན་སྐར་མ་ ༣༠ རིང་གནང་རྒྱུ་ཡིན་འདུག
དེ་ལས་མང་བ་། “ཨོ་བྷ་མ་༸གོང་ས་མཆོག་ལ་མཇལ་འཕྲད་གནང་རྒྱུ་རེད།” »
(རྒྱལ་དབང་ལྔ་བ་༼༡༦༡༧-༡༦༨༢༽མཆོག་གིས་གངས་ཅན་ལྗོངས་ཀྱི་བོན་གྱི་ལྷ་སྡེ་ལ་གཟིགས་ཕྱོགས་གནང་བའི་མཚམས་སྦྱོར།)
མཁར་རྨེའུ་བསམ་གཏན།
——————–
ལྡོང་གསེར་མིག་གིས་ཧི་བོན་དྲ་བ་ལས་དྲངས།
དེ་ཡང་རྒྱལ་དབང་ལྔ་བའི་རང་རྣམ་༼འདི་སྣང་འཁྲུལ་བའི་རོལ་རྩེད་རྟོགས་བརྗོད་ཀྱི་ཚུལ་དུ་བཀོད་པ་དུ་ཀུ་ལའི་གོས་བཟང་༽ཞེས་པར་གཡུང་དྲུང་བོན་གྱི་ལྷ་སྡེ་དང་ དེའི་མི་སྣ་ཆེ་ཁག་འགའ་ཤས་དང་ཐུགས་ཉེ་བའི་སྐོར་གྱི་ལོ་རྒྱུས་མི་ཉུང་བ་ཞིག་བཀོད་ཡོད་པ་འདིར་བརྗོད་འདོད་བྱུང་། དེ་སྔ་བོན་གྱི་ལོ་རྒྱུས་ཡིག་ཆ་རྣམས་སུ་འདིའི་སྐོར་གང་ཡང་བྲིས་མེད་པས་ན་རྒྱུ་མཚན་དེ་བས་ཀྱང་གལ་ཆེ་བར་མཐོང་། རང་རྣམ་དུ་ཞང་སྟོན་སྒར་པ་སྐུ་མདུན་ལྷུན་གྲུབ་ཞེས་པ་བོན་གྱི་བླ་མ་དེ་ཉིད་རྒྱལ་དབང་ལྔ་བའི་སྐུ་མདུན་དུ་བཅར་བའི་བླ་མ་ཆེ་ཁག་གི་གྲས་ནས་ཤིན་དུ་གཙིགས་ཆེ་བར་གནང་བ་མ་ཟད་རྒྱལ་དབང་མཆོག་གི་བསྟན་སྲིད་དང་བོད་ཀྱི་བདེ་དོན་ལ་དམིགས་ནས་སྐུ་རིམ་ལན་མང་དུ་བསྒྲུབས། ཁོང་སྟོད་ལུང་དུ་ཡོད་པའི་ཞང་སྟོན་ཞེས་པའི་ཡུལ་ནས་ཕེབས་པས་ཞང་སྟོན་སྐུ་མདུན་ལྷུན་གྲུབ་ཞེས་ཞུས། དེ་བཞིན་འདིར་ཡང་ཞང་སྟོན་ཞེས་ཞུ་གི་ཡིན།
དེ་ལས་མང་བ་། “༸རྒྱལ་དབང་ལྔ་པ་དང། གཡུང་དྲུང་བོན་གྱི་ལྷ་སྡེ་མི་སྡེ།” »
སེར་ཤུལ་རིན་ཆེན་དོན་གྲུབ།
ཨ་རིའི་རྒྱལ་ས་ཝ་ཊོན་དུ་དཔལ་དུས་ཀྱི་འཁོར་ལོའི་དབང་ཆེན་སྐབས་བོད་ཀྱི་གཞོན་ནུ་ལྷན་ཚོགས་ཀྱིས་བཙན་བྱོལ་བོད་གཞུང་ཞེས་པའི་ཡི་གེ་འཁོད་པའི་སྟོད་གོས་འགྲེམས་ཚོང་བྱས་པ་དེ་དུས་དབང་གོ་སྒྲིག་ཚོགས་ཆུང་གི་ཚོགས་གཙོས་བཀག་འགོགས་བྱས་པའི་ཐད་གླེང་གཞི་སྣ་ཚོགས་ཤིག་བྱུང་འདུག་ལ་དེ་ཡང་ཚོགས་ཁང་བར་ཁྱམས་སུ་བཙོང་མི་ཆོག་པར་བྱས་ཡོད་འདུག གནས་ཚུལ་དེ་བྱུང་མ་ཐག་དབུས་གཞོན་ལྷན་གྱི་ཚོགས་གཞོན་དོན་གྲུབ་ལྷ་དར་གྱིས་གསར་འགོད་གསལ་བསྒྲགས་ཤིག་སྤེལ་ཏེ“ཁོ་པས་ཚོགས་མི་སུམ་ཁྲི་ལྔ་སྟོང་ལྷག་གི་ཚོགས་གཙོ་དང༌། བོད་རང་བཙན་གྱི་ངོ་བོ་ལྡན་པའི་བཙན་བྱོལ་བོད་གཞུང་གི་མཚན་བྱང་འཁོད་པའི་སྟོད་གོས་ཁྲོམ་ར་ནས་ཕྱིར་འབུད་བྱེད་པའི་ཐ་ཤལ་གྱི་བྱེད་སྟངས་དེ་ནི།
བོད། ལྷ་ཀླུ་གཉན་གསུམ།
ཞེ་བཞི།
འཆི་བ་ལ་སྒུག་པའི་རྒན་མོ་ལོ་ལོན་གཉིས་དང་ཐུག་འཕྲད་བྱེད་དུ་བཅར། གཉིས་ཀ་མཛའ་མོའི་ཉེ་འབྲེལ་ཡིན། ངས་འདི་ནས་འཆི་བ་ལ་སྒུག་པའི་མི་ཟེར་དོན་ནི། འཇིག་རྟེན་ཡོངས་གྲགས་ནས་བཤད་ན། ལོ་ལོན་ནས་ལོ་བརྒྱད་བཅུ་ཟིན་དུས་སུ། ལ་ཁའི་ཉི་མ་ཞེས་འབོད་སྲོལ་ཡོད་པ་དེ་ཡི་སྟབས་ཀྱི་བཏགས་པ་ལས། ང་ཚོ་ལ་འཆི་བ་མེད་ཟེར་བའི་དོན་མིན། ང་ཚོ་ཡང་སྐྱེ་ནས་བཟུང་འཆི་བ་འགོ་བཙུགས་པ་ནི་སུས་ཀྱང་ཤེས་པ་ཞིག་ཡིན་མོད། ལོ་ནམ་ཚོད་ཀྱི་བཤད་ན་གཞོན་དུས་སུ་འཆི་བ་ནི་ཉུང་དུ་གྲགས་པས་ཡིན། འོན་ཀྱང་། འཆི་བ་ལ་གཏན་འཁེལ་ཞིག་ག་ལ་ཡོད། ཆུང་དང་ཆེ། གཞོན་དང་རྒན། དར་དང་རྒས་ཀྱི་ས་མཚམས་ཤིག་གང་ན་ཡོད།
གསོག་སློབ་ཚེ་རིང་རྒྱལ་ནས།
མང་གཙོའི་གོ་དོན་རགས་ཙམ་གླེང་བ།
མང་གཙོ་ཞེས་པའི་མིང་ཚིག་འདི་ནི་སྤྱི་ལོའི་སྔོན་གྱི་དུས་རབས་དྲུག་པར༼ ༥༠༨༽གྷི་རིག་༼ GREEK ༽གི་སྐད་ཡིག་ལས་གསར་དུ་བྱུང་བར་གྲགས་ལ། དེ་ཡང་༼ DEMOS ༽ ཞེས་པ་ནི་མི་མང་དང་༼ KRATEIN ༽ ཞེས་པ་ཁྲིམས་ཀྱི་དོན་ཏེ། དོན་སྒྱུར་ན་མི་མང་གིས་བཟོས་པའི་ཁྲིམས་ཞེས་པ་རེད་འདུག
རང་རེའི་བོད་ཁམས་ན་འདི་ལ་འབྲི་སྲོལ་གཉིས་ཡོད་པ་སྟེ། “མང་གཙོ་”དང་”དམངས་གཙོ་”ཞེས་འབྲི་བཞིན་འདུག
༼བོད་ཀྱི་དུས་བབ༽་དྲ་ངོིས་ནས་འདྲེན་བཀོད་ཞུས།
ཝ་ཞིན་ཊོན་དུ་དུས་དབང་གོ་སྒྲིག་ཚོགས་ཆུང་དང་གཞོན་ནུ་ལྷན་ཚོགས་བར་གླེང་རྙོག་ཅིག་བྱུང་བའི་ཐད། ཁ་སང་དུས་དབང་གྲ་སྒྲིག་ཚོགས་ཆུང་གིས་གསལ་བསྒྲགས་སྤེལ་ཏེ། བོད་ཀྱི་གཞོན་ནུ་ལྷན་ཚོགས་ལ་མཐོང་ཆུང་བྱས་པ་ཞིག་མིན་པར། གསུང་ཆོས་མཐའ་འཁོར་དུ་ཆབ་སྲིད་ཀྱི་རྣམ་པ་མི་མངོན་པ་བྱ་རྒྱུ་དེ་དུས་དབང་གྲ་སྒྲིག་ཚོགས་ཆུང་གི་གྲོས་ཆོད་དགོངས་དོན་ཡིན་ཟེར།
ཝ་ཞིན་ཊོན་གྱི་དུས་འཁོར་དབང་ཆེན་སྟེང་། བོད་ཀྱི་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས་༼ བཙན་བྱོལ་བོད་བོད་གཞུང་ ༽ ཞེས་བཀོད་ཡོད་པའི་སྟོད་གོས་ཚོང་འགྲེམས་བྱེད་བཞིན་ཡོད་པར། དུས་དབང་གྲ་སྒྲིག་ཚོགས་ཆུང་གི་ཚོགས་གཙོ་སྐལ་ལྡན་བློ་གྲོས་ལགས་ཀྱིས། དེ་ལ་ཆབ་སྲིད་ཀྱི་ཤུགས་རྐྱེན་ཆེན་པོ་ཡོད་སྐོར་བརྗོད་དེ་ཕྱིར་བསྡུ་བྱེད་དུ་བཅུག་ཡོད།
ཁ་སང་ཉིན་རྒྱབ་དབུས་གཞོན་ནུའི་ཚོགས་གཞོན་དོན་གྲུབ་ལྷན་དར་ལགས་ཀྱིས་ངྷ་རམ་ས་ལ་ནས་གསར་འགོད་གསལ་བསྒྲགས་བསྐྱངས་ཏེ། སྐལ་ལྡན་བློ་གྲོས་ཀྱི་བྱེད་སྟངས་དེས་བོད་ཀྱི་གཞོན་ནུ་ལྷན་ཚོགས་ལ་མཐུང་ཆུང་བྱས་ཚུལ་སོགས་བློ་ཕམ་གྱི་སྐྱོན་བརྗོད་ཆེན་པོ་བྱས་ཡོད་པ་མ་ཟད། ཕྱི་ཚེས་ ༡༥ ནང་ཚུད་དུ་སྐལ་ལྡན་བློ་གྲོས་ཀྱིས་ཡིག་ངག་གཉིས་ཐོག་ནས་དགོངས་སེལ་ཞུ་དགོས་པའི་དགོས་འདུན་ཡང་བཏོན་ཡོད།
ཁ་སང་ཕྱི་ཚེས་ ༡༤ ཉིན་ཝ་ཞིན་ཊོན་བོད་རིགས་སྤྱི་མཐུན་ཚོགས་པ་དང་དུས་དབང་གྲ་སྒྲིག་ཚོགས་ཆུང་ཐུན་མོང་གིས་གསལ་བཤད་ཅིག་གནང་སྟེ། ཐེངས་འདིའི་དུས་དབང་ཐོག སྤྱི་སྒེར་མང་པོས་ཚོང་གཉེར་གྱི་སྙན་ཞུ་འབྱོར་རིགས་ལ་གླ་ཡོད་ཐོག་ས་ཆ་བགོས་ཡོད་ཀྱང་། བོད་ཀྱི་གཞོན་ནུར་དམིགས་བསལ་རིན་མེད་ཐོག་ཚང་ཁང་གོ་སྒྲིག་ཞུས་ཡོད་པ་མ་ཟད། གོ་སྒྲིག་ཚོགས་ཆུང་གིས་གྲོས་ཆོད་ལྟར་ན། གསུང་ཆོས་ཚོགས་ཁང་ནང་གི་བར་ཁྱམས་སུ་གྲ་སྒྲིག་ཚོགས་ཆུང་རང་གི་ཆོས་ཕྱོགས་དང་འབྲེལ་བའི་ཅ་དངོས་རིགས་མ་གཏོགས་མི་གཞན་ལ་ས་ཆ་སྤྲད་མེད་ཀྱང་། གཞོན་ནུ་ལྷན་ཚོགས་ཀྱི་རེ་སྐུལ་ལ་དམིགས་བསལ་བདག་སྤྲོད་བྱས་ཏེ་ས་ཆ་ཕུལ་ཡོད་སྐོར་སོགས་བཀོད་འདུག
དེ་ལས་མང་བ་། “གསུང་ཆོས་མཐའ་འཁོར་དུ་ཆབ་སྲིད་རྣམ་པ་མི་མངོན་ཆེད་ཡིན།” »
དུས་བབ་ནས་བླངས།
ཝ་ཞིན་ཊོན་གྱི་དུས་འཁོར་དབང་ཆེན་སྟེང་གཞོན་ནུ་ལྷན་ཚོགས་ཀྱིས་སྟེང་ལ་བོད་གཞུང་ཞེས་བཀོད་ཡོད་པའི་སྟོད་གོས་ཤིག་འཚོང་བཞིན་ཡོད་སྐབས། དུས་དབང་གོ་སྒྲིག་ཚོགས་ཆུང་གི་ཚོགས་གཙོ་སྐལ་ལྡན་བློ་གྲོས་ཀྱིས་བཀག་སྡོམ་བྱས་ཡོད་འདུག
དེ་རིང་ཉིན་རྒྱབ་ཆུ་ཚོད་ ༢ སྟེང་དབུས་བོད་ཀྱི་གཞོན་ནུ་ལྷན་ཚོགས་ཀྱིས་གསར་འགོད་གསལ་བསྒྲགས་ཤིག་བསྐྱངས་དོན་ལྟར་ན། ཉིན་འདི་འགར་ཨ་རིའི་རྒྱལ་ས་ཝ་ཞིན་ཊོན་དུ་༧གོང་ས་མཆོག་གིས་དུས་འཁོར་དབང་ཆེན་གསུང་གི་ཡོད་པ་དང་བསྟུན་ཏེ། ཁ་སང་ཕྱི་ཚེས་ ༡༣ ཉིན་དབུས་བོད་ཀྱི་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས་རྩ་དོན་ལས་འགུལ་ལ་དཔལ་འབྱོར་འདུ་འགོད་ཆེད། སྟེང་དུ་༼ བཙན་བྱོལ་བོད་བོད་གཞུང་ ༽ ཞེས་བཀོད་ཡོད་པའི་སྟོད་གོས་ཚོང་འགྲེམས་བྱེད་བཞིན་ཡོད་པར། དུས་དབང་གོ་སྒྲིག་ཚོགས་ཆུང་གི་ཚོགས་གཙོ་སྐལ་ལྡན་བློ་གྲོས་ལགས་ཀྱིས། དེ་ལ་ཆབ་སྲིད་ཀྱི་ཤུགས་རྐྱེན་ཆེན་པོ་ཡོད་སྐོར་བརྗོད་དེ་ཚོང་རྭ་ནས་ཕྱིར་བསྡུ་བྱ་དགོས་བྱུང་ཡོད་འདུག
དེ་ལས་མང་བ་། “"བོད་གཞུང" བཀོད་ཡོད་པའི་སྟོད་གོས་བཙོང་མི་ཆོག་ཟེར།” »
