ནམ་མཁའ་ནས།
ལོ་ངོ་སུམ་བཅུ་ལྷག་གི་ཡར་སྔོན་གྱི་༡༩༧༩ལོར་བོད་རིགས་སུམ་བཅུ་སོ་ལྔ་འདུ་འཛོམས་ཀྱིས་བོད་རིགས་ཚོགས་པ་བཙུགས་པ་ནས་བཟུང་།དེ་རིང་བར་དུ་གསུམ་བཅུ་དུས་ཐེངས་སུམ་བཅུ་སོ་གསུམ་བརྩི་སྲུང་བྱས།ཁོང་རྒན་པ་ཚོས་གསུངས་གསལ་ལ་སྔོན་མ་དེ་རིང་བཞིན་བོད་པ་མང་པོ་མེད་ན་ཡང་།ཧྥ་རན་སིའི་མི་སུམ་བརྒྱ་ལྷགས་སྐད་འབོད་དུ་ཕེབས་ཀྱི་ཡོད་པ་རེད་གསུངས་སོང་།
མྱི་ལྟིག
མི་ཡིས་མི་ཤ་ཟ་ཞོར།། མི་དོན་གླེང་ཁུལ་བྱེད་པ།།
གཤིས་ཡོད་མེད་ཕྱོགས་ནས།། མིག་ཅིག་ཡོད་ན་ལོས་ཤེས།།
(གསུམ་ཅུའི་དུས་དྲན་ཐེངས་ང་གསུམ་པའི་ཉིན་མོར་རང་ལུས་མེར་བསྲེགས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་བསྐྱེད་ཆེད་དུ།)
མུ་ཏོ་བ།
དང་པོ། རང་ལུས་མེར་བསྲེགས་ཀྱི་བྱུང་རིམ་ལ་ལྟ་བ།
དེ་ཡང་འདས་ཟིན་པའི་ལོ་རྒྱུས་ཀྱི་དཀྱོགས་མཚམས་ལ་ཕྱིར་མིག་ཅིག་བལྟས་ན། རང་ལུས་ཞུགས་འབུལ་གྱི་སྙིང་སྟོབས་ཐོག་མ་ནི་ཝིཊ་ནམ་ཡུལ་གྱི་སེ་གྷུན་ས་གནས་ Saigon ཀྱི་ཕན་དྷིན་ཕུང་ Phan-Dinh-Phung གི་སྲང་ལམ་ནས་མཆེད་ཅིང་། དེ་ནི་ཕྱི་ལོ་ ༡༩༦༣ ཟླ་ ༠༦ ཚེས་ ༡༡ ཉིན་ཊིཆ་ཀོང་དྷུག་ Thich Quang Duc ཟེར་བའི་ཝིཊ་ནམ་ནང་པའི་དགེ་སློང་ཞིག་གིས་རང་ལུས་མེར་བསྲེགས་ཀྱི་ལས་འགུལ་སྤེལ་ཅིང་། དེ་རྗེས་ཁོང་གི་རྗེས་འཇུག་པ་མང་པོས་ཀྱང་རང་ལུས་མེར་བསྲེགས་ཀྱི་ལས་འགུལ་སྤེལ་ནས། མཐར་Diem ཊིམ་གྱི་སྒེར་འཛིན་སྲིད་གཞུང་མགོ་སྟིང་བསློགས་ཏེ་ཆོས་ལུགས་དད་མོས་ཀྱི་རང་དབང་ལ་ལོངས་སུ་སྤྱད་ཐུབ་པ་བྱུང་ཡོད། ཡང་དེ་དང་མཚུངས་བའི་ལས་འགུལ་གཞན་ཞིག་གླེང་ན། ཕྱི་ལོ་༢༠༡༠ལོའི་ཟླ་༡༠་བའི་ཚེས་༡༧ཉིན་རང་ལོ་ཉེར་བདུན་ཡིན་པའི་ཨ་ཡབ་ཀྱི་བྷོ་རྫིས་རྫིས་( HYPERLINK “http://en.wikipedia.org/wiki/Mohamed_Bouazizi” \o “Mohamed Bouazizi” Mohamed Bouazizi) སུ་འབོད་པའི་སྲང་ལམ་གྱི་ཚོང་ལས་གཉེར་མཁན་ཁོང་གིས་རང་ལུས་མེར་བསྲེགས་བཏང་རྐྱེན་ཨ་རབ་ཀྱི་མེ་ཏོག་བ་སྤུ་གསར་བརྗེ་ལངས་ཡོད་ལ། དེས་དཀྱིལ་ཤར་ཨེ་ཤའི་གླིང་ཕྲན་མང་པོར་ཤུགས་རྐྱེན་ཆེན་པོ་ཐེབས་ཏེ་ཨ་རབ་ས་ཁུལ་གྱི་(Libya)ལི་བྷི་ཡཱའི་སྒེར་གཅོད་སྲིད་འཛིནལམ་ལུགས་མགོ་སྟིང་བསློགས་ཤིང་། མཐར་སྲིད་འཛིན་ངྒ་རྡ་ཧྥིའི་(Muammar Gaddafi)ཚེ་སྲོག་ཀྱང་ཤོར་བ་རེད།
གཅན་ཡེ་རྒྱམ།
ཨ་རིའི་ཝེ་སི་ཀོན་སིན་ནང་བཞུགས་བོད་རིགས་རྣམས་ཀྱིས་གསུམ་བཅུ་དུས་དྲན་སྲུང་བརྩི་བྱས། །
ཨ་མདོ་རེབ་གོང་མི་རིགས་སློབ་འབྲིང་གི་སློབ་མ་ཚོར་བོད་ཡིག་སློབ་དེབ་ཀྱི་ཚབ་ཏུ། རྒྱ་ཡིག་སློབ་དེབ་བགོ་འགྲེམ་བྱས་པའི་རྗེས། སློབ་མ་ཚོས་སྐད་ཡིག་གི་རང་དབང་སྤྲོད་དགོས་པའི་ངོ་རྒོལ་བྱས་འདུག དེ་ཡང་བོད་ནས་གནས་ཚུལ་འབྱོར་གསལ་ལྟར་བྱས་ན། ཨ་མདོ་རེབ་གོང་མི་རིགས་སློབ་འབྲིང་གི་སློབ་མ་རྣམས་འདི་ལོའི་དགུན་དུས་ཀྱི་གུང་གསེང་རྫོགས་ཏེ་ཕྱིར་སློབ་གྲར་བསྐྱོད་པའི་སྐབས། སློབ་གྲྭ་དེར་འཛིན་རིམ་དང་པོ་དང་། གཉིས་པའི་དབར་གྱི་འཛིན་གྲྭ་བཅུ་གྲངས་ཤིག་ཡོད་པ་རྣམས་ཀྱི་སློབ་མ་ཚོར་དེ་སྔ་དང་མི་འདྲ་བར་འདི་ལོ་ཆབ་སྲིད་དང་ལོ་རྒྱུས། ཨང་རྩིས། ས་ཁམས་རིག་པ། དངོས་ཁམས་རིག་པ། རྫས་འགྱུར་རིག་པ་བཅས་ཀྱི་སློབ་དེབ་ཡོངས་རྫོགས་ རྒྱ་ཡིག་ཐོག་མཁོ་སྤྲོད་བྱས་པའི་རྗེས། འཛིན་གྲྭ་དེ་དག་གི་སློབ་མ་ཡོངས་ཀྱིས་སློབ་གྲྭའི་སྒོ་རའི་ནང་འཛོམས་ཏེ། རྒྱ་ཡིག་ཐོག་ཡོད་པའི་སློབ་དེབ་རྣམས་དབྲལ་ཏེ། སློབ་མཚན་དེ་དག་སྔར་བཞིན་བོད་ཡིག་ཐོག་སློབ་འཁྲིད་བྱེད་དགོས་པ་དང༌།
དེ་ལས་མང་བ་། “རེབ་གོང་དུ་བོད་ཡིག་སློབ་དེབ་བརྗེ་བསྒྱུར་ལ་ངོ་རྒོལ་གནང་འདུག” »
(ཉིས་སྟོང་བཅུ་གཉིས་ལོའི་གསུམ་བཅུའི་དུས་དྲན་ཉིན།)
གཡུ་དྲུག་དཀར། རྡ་ས།
ལོ་རྒན་ལྔ་བཅུ་ང་གསུམ་གོང་གི་ཉིན་ཞིག་གི་ཉི་ཤར་གྱི་འགོ་མར། ནོར་བུ་གླིང་ཀའི་སྒོ་ལམ་དང་རྩེ་པོ་ཏ་ལ་ཡི་མདུན་ཐང་ནས་རང་གི་བྲང་ཁོག་གི་ང་རོ་ཕྱི་ལ་འདོན་པའི་ཁུ་ཚུར་དང་། འབོད་སྒྲའི་ལྷན་དུ་ཡར་ལ་ལངས་ཤིང་མེ་སྒྱོགས་ཀྱི་མདའ་ཁ་ནས་མར་ལ་འགྱེལ་བཞིན་ལམ་ལ་ཆས།་དུས་དེ་ནས་བཟུང་སྟེ། གཞིས་ཀྱི་རྒན་གཞོན་བར་གསུམ་རང་གི་ཡན་ལག་ལྔ་བོའི་ཤུགས་ཀྱིས་དམ་དུ་བཅིངས་པའི་ཁུ་ཚུར་དེ་དང་། རང་གི་མགྲིན་ངག་ལས་ཐོན་པའི་འབོད་སྒྲ་དེ་ཡི་ལྷན་དུ། ལྷ་སའི་བར་བསྐོར་གཙོས་པའི་སྲང་ལམ་དང་གཞུང་ལམ་སོགས། ལམ་ཡོད་ཚད་དུ་ཐོན་ཏེ་སྦྱར་ཡིག་སྦྱར་འགྲེམས་དང་སྐད་འབོད་བྱས་པས། གཅར་རྡུང་འཕྲོག་གསུམ་གྱི་ཁྲག་དམར་ཁྲོད་ས་དོང་མུན་དོང་གི་བཙོན་དུ་འཚུད་མོད། ལུས་དང་སྲོག་གིས་འཕྲལ་དང་ཡུན་གྱིས་འཐབ་རྩོད་བྱེད་ལ།
རྒྱང་འདྲི་བ། རྡོ་རྗེ་ཚེ་རིང་།
དྲི་བ། ཐོག་མར་ཁྱོད་རང་བཞུགས་སའི་ཁོར་ཡུག་དང་འབྲེལ་ངོ་སྤྲོད་མདོར་བསྡུས་ཤིག་གནང་ན་འགྲིག་གམ། མཚན་སོགས་གསལ་བོར་མ་གསུངས་ཀྱང་ཆོག
ལན། རེད་ཡ། མིང་དང་ས་གནས་སོགས་དེ་ཙམ་གལ་ཆེན་དུ་མ་མཐོང་ལ་སྟབས་ཀྱང་མི་བདེ་བས། ཐད་ཀར་བཅར་འདྲི་བྱེད་རོགས། དེང་སང་རྒྱ་ནག་གཞུང་གི་ལས་བྱེད་ཡིན། ཁྱིམ་ཚང་གི་བདེ་འཇགས་ཆེད་དུ་གནས་ཚུལ་གསལ་འཁོད་བྱ་དགོས་མི་འདུག ཕ་ཡུལ་ཨ་མདོ་ཡིན། ཆེད་སྦྱང་བཅའ་ཁྲིམས་ཡིན་ལ་དེང་སྐབས་ཉེན་རྟོགས་ཁང་ན་ལས་ཀ་བྱེད་བཞིན་ཡོད།
དེ་ལས་མང་བ་། “དོན་ཆེན་གཙོ་བོ་བྱས་ནས་དོན་ཆུང་བློས་གཏོང་དགོས་ནི་རེད།” »
རྐྱང་ཕྲུག་ནས།
སྤྱི་ཟླ་༣་ཚེས་༡༠ཉིན་གྱི་སྔ་དྲོ་བལ་ཡུལ་ནང་གནས་སྡོད་བོད་མི་ཁག་ཅིག་འདུ་འཛོམས་ཀྱིས་སུམ་ཅུའི་དུས་དྲན་ཐེངས་༥༣པ་དེ་སྲུང་རྩི་བྱས་སོང་། སྐབས་དེར་བལ་ཡུལ་བོད་མིའི་དངས་བླངས་སྤྱི་ཁྱབ་འབྲེལ་མཐུད་པ་འཕྲིས་ལས་བླ་མ་ཡང་ཕེབས་འདུག ཚོགས་ཐོག་དེར་བཀའ་ཁྲི་བློ་བཟང་སེངྒེའི་གསུང་འཕྲིན་མང་ཚོགས་ལ་སྒྲོག་སྦྱང་གནང་བ་དང་། སུམ་ཅུའི་དྲན་གླུ་དང་མི་མང་ལངས་གླུ། བོད་ཀྱི་རྒྱལ་གླུ་དང་བལ་ཡུལ་གྱི་རྒྱལ་གླུ། ཚད་མེད་ཡོན་ཏན་བཅས་རྔ་རོལ་དང་དབྱངས་རྟའི་ལམ་ནས་སྐྱོར་སོང་། དེ་རྗེས་བསང་གསོལ་བཅས་བྱས་ཏེ། མཛད་སྒོ་མཇུག་སྒྲིལ་ཡོད་ནའང་། སྐབས་དེར་མཆོད་རྟེན་བྱ་རུང་ཁ་ཤོར་གྱི་སྐོར་ལམ་གཡས་གཡོན་གང་སར་བལ་ཡུལ་གྱི་དྲག་ཆས་སྤྲས་པའི་ཉེན་རྟོག་པ་གང་མང་ཞིག་འགྲེམ་འཇོག་བྱས་འདུག
དེ་ལས་མང་བ་། “དེ་རིང་བལ་ཡུལ་ནང་གི་ལས་འགུལ་དང་བོད་མི་འཛིན་བཟུང་།” »
གསར་འགྱུར་ཁོ་གཏོང་བ་སྦེལ་ལྗམ་བོད་རིགས་ཚོགས་པ་རྒྱུན་ལས་བྱམས་པ་ནས།
དེ་རིང་ཕྱི་ཟླ་༣པའི་ཚེས་༡༠ བོད་རང་དབང་སྒེར་ལང་བྱས་ནས་མི་ལོ་ལྔ་བཅུ་ང་གསུམ་འཁོར་པའི་དུས་དྲན་སྲུང་བརྩིའི་ཆེད། འདི་ག་སྦེལ་ལྗམ་བོད་རིགས་ཚོགས་པ་དང་། ས་གནས་བོད་ཀྱི་གཞོན་ནུ་ཚོགས་པ། ས་གནས་ཆུ་བཞི་སྒང་དྲུག ཡུ་རོབ་བོད་རྒྱ་མཛའ་འབྲེལ་ཚོགས་པ། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ། སྦེལ་ལྗམ་བོད་དོན་རྒྱབ་སྐྱོར་ཚོགས་པ་ཁག་གཉིས་བཅས་ནས་མཉམ་རུབ་ཐོག་གོ་སྒྲིག་ཞུས་དེ། ཡུ་རོབ་ཀྱི་རྒྱལ་ས་བྷུརུ་སེལས་ནང་ངོ་རྒོལ་སྐད་འབོད་གཞི་རྒྱ་ཆེ་པ་ཞིག་གོ་སྒྲིག་ཞུས་པ་ཤིང། སྐབས་དེར་ས་ཁུལ་འདིར་གནས་སྡོད་བོད་རིགས་མི་མང་དང་། ཕྱི་རྒྱལ་བོད་དོན་རྒྱབ་སྐྱོར་པ་བཅས་ཁྱོན་བསྡོམས་མི་གྲངས་བརྒྱད་བརྒྱ་ལྷག་ཅིག་འདུ་འཛོམས་བྱུང་པ་མ་ཟད། ཉིན་འདིར་ཕྱི་སྡོད་རྒྱ་རིགས་ཀྱི་ཚོགས་ཁག་གི་སྐུ་ཚབ་མི་གྲངས་བཅུ་གཉིས་ཉམས་ཞུགས་གནང་བྱུང་པའི་གནས་ཚུལ་དུ།
དེ་རིང་བོད་མིའི་སྒེར་ལངས་དུས་དྲན་ཉིན། རྒྱལ་གཅེས་དཔའ་བོ་མིག་དམར་ལགས་ཀྱིས་རང་གི་མིག་གཉིས་རས་ནག་གིས་སྒྲིབ་སྟེ། རྒྱལ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཅིག་བརྩམས་སོང་། དེ་རིང་བོད་མིའི་སྒེར་ལངས་གསུམ་བཅུའི་དུས་དྲན་ཉིན་གྱི་གཞུང་འབྲེལ་མཛད་སྒོ་གྲུབ་པའི་རྗེས། ཉེ་ཆར་བོད་དོན་འཐབ་རྩོད་ཆེ་རྒྱ་གར་རྒྱལ་ས་ལྡི་ལིར་རང་ལུས་མེར་བསྲེགས་གཏོང་མྱོང་མཁན་གྱི་རྒྱལ་གཅེས་དཔའ་བོ་མིག་དམར་ལགས་ཀྱིས། མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་རྒྱལ་ཁབ་ཡོངས་ལ་བོད་ནང་གི་ཛ་དྲག་གནས་སྟངས་ཐད་དོ་སྣང་དང་རྒྱབ་སྐྱོར་ཡོང་བར་འབོད་སྐུལ་ཆེད། རང་ཉིད་ཀྱི་མིག་གཉིས་རས་ནག་པོ་ཞིག་གིས་སྒྲིབ་སྟེ། རྒྱ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཞིག་བཞུགས་སྒར་དྷ་ནས་དབུ་འཛུགས་གནང་སོང་།
དེ་རིང་གསུམ་བཅུའི་དུས་དྲན་དང་སྟབས་བསྟུན་ཏེ། རྩོམ་པ་པོ་ཚེ་བརྟན་རྡོ་རྗེ་མ་བུ་གསུམ་གྱི་བོད་སྐྱོད་ཞི་བའི་གོམ་བགྲོད་དེ། ངྷ་ས་གཙུག་ལག་ཁང་དུ་མང་ཚོགས་ཀྱིས་མིག་ཆུའི་ཕེབས་སྐྱེལ་ཁྲོད་མགོ་འཛུགས་གནང་སོང་།
དེ་རིང་ཕྱི་ཟླ་༣ཚེས་༡༠ཉིན་ནི་བོད་ས་ཤོར་ཏེ་ཁྱོན་མི་ལོ་ ༥༣ འཁོར་བའི་དུས་དྲན་གྱི་ཉིན་མོ་ཡིན་པ་དང་། ཉིན་མོ་འདིར་འཛམ་གླིང་གང་སར་གནས་སྡོད་བོད་མི་ཚོས་རྣམ་པ་འདྲ་མིན་ཐོག་དུས་གསུམ་བཅུའི་དྲན་སྲུང་གཙི་བྱེད་བཞིན་ཡོད་པ་ལྟར། ད་ནངས་ངྷ་ས་གཙུག་ལག་ཁང་དུ་༸གོང་ས་མཆོག་དབུ་བཞུགས་ཐོག་དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དུས་དྲན་མཛད་རིམ་ཁག་ལེགས་པར་གྲུབ་རྗེས། ཆུ་ཚོད་ ༡༡ དང་ཕྱེད་ཀའི་སྟེང་གཞུང་འབྲེལ་མིན་པའི་ཚོགས་པ་ལྔ་ཡི་སྣེ་ཁྲིད་འོག ངྷ་སའི་སེར་སྐྱ་མང་ཚོགས་སྟོང་ཕྲག་མང་པོས་བོད་ནང་རང་ལུས་མེར་བསྲེགས་ཁྲོད་འདས་གྲོངས་སུ་ཕྱིན་པའི་བོད་མི་ཚོའི་པུར་སྒམ་འཁུར་ཏེ་འབོད་ཚིག་སྣ་ཚོགས་སྒྲོག་བཞིན། ངྷ་ས་ཐེག་ཆེན་ཆོས་གླིང་གཙུག་ལག་ཁང་ནས་ངྷ་ཤོད་ཀཱ་ཅཱ་རིའི་ས་གནས་ཁྲིམས་ཁང་བར་ཞི་བའི་གོམ་བགྲོད་གནང་སོང་།
དེ་ལས་མང་བ་། “ཚེ་བརྟན་རྡོ་རྗེ་མ་བུ་གསུམ་གྱིས་གོམ་བགྲོད་མགོ་འཛུགས་གནང་སོང་།” »
དེ་རིང་འདིར་ཕྱི་ལོ་ ༡༩༥༩ ལོར་བོད་ཀྱི་རྒྱལ་ས་ལྷ་སར་བོད་མིའི་རང་དབང་སྒེར་ལངས་ཀྱི་དུས་དྲན་ཐེངས་ ༥༣ པ་འདི་སྨག་རུམ་མཐུག་པོ་ཞིག་གི་འོག་ཏུ་ང་ཚོས་སྲུང་བརྩི་བྱེད་བཞིན་པ་སྟེ། བོད་དུ་འདས་མ་ཐག་པའི་ལོ་གཅིག་ནང་བོད་མི་ ༢༥ ཡིས་རང་ལུས་མེར་བསྲེགས་བཏང་སྟེ། བོད་མི་ ༡༩ འདས་གྲོངས་སུ་གྱུར་ཡོད་པ་དང་། བོད་མི་ ༨ རྒྱ་ནག་ཉེན་རྟོག་པས་གང་བྱུང་དུ་མེ་མདའ་བརྒྱབ་སྟེ་དམར་གསོད་བཏང་ཡོད།
འཚིགས་བསྲེགས་ཐེབས་མཁན་གཞན་ཚོའི་གནས་སྟངས་ཇི་ཆགས་གོ་མེད་ཚོར་མེད་ཆགས་པ་དང་། བོད་མི་མང་དག་ཅིག་བཙོན་དུ་བཅུག་པ། མང་དག་ཅིག་གར་སོང་ཆ་མེད་དུ་གྱུར་པའི་གནས་ཚུལ་རྒྱུན་མར་ཐོན་ཡོད། ད་ལྟ་ང་ཚོ་འདི་གར་འདུ་འཛོམས་བྱེད་བཞིན་པའི་སྐབས་སུའང་བོད་ནང་གི་ཉག་ཕྲ་བའི་གནས་སྟངས་གང་འདྲ་ཡོད་མེད་ཚོད་དཔག་བྱེད་ཐུབ།
དེ་ལས་མང་བ་། “གསུམ་བཅུའི་དུས་དྲན་ཐེངས་ ༥༣ པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།” »
༄༅། །དེ་རིང་ཕྱི་ལོ་ ༡༩༥༩ ཟླ་ ༣ ཚེས་ ༡༠ ཉིན་བོད་མི་ཚོས་བོད་ཀྱི་རྒྱལ་ས་ལྷ་སར་ཞི་བའི་གྱེན་ལངས་བྱས་ཏེ་ལོ་ ༥༣ དང་། ཕྱི་ལོ་ ༢༠༠༨ ལོར་བོད་ཆོལ་ཁ་གསུམ་ཁྱོན་ཡོངས་ལ་ཞི་རྒོལ་བྱས་ཏེ་ལོ་བཞི་འཁོར་བའི་དུས་ཚིགས་ཀྱི་ཉིན་མོ་འདིར། བསྟན་སྲིད་མི་རིགས་ཀྱི་དོན་དུ་ལུས་སྲོག་བློས་བཏང་གནང་མཁན་གྱི་རྒྱལ་གཅེས་དཔའ་བོ་དཔའ་མོ་ཡོངས་ལ་རྗེས་དྲན་གུས་བཏུད་ཞུ་རྒྱུ་ཡིན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་བཙན་བཟུང་བྱས་ཏེ་ལོ་ ༥༣ འདས་ཟིན་ཀྱང་། བོད་ནང་གི་བོད་མིའི་སྙིང་སྟོབས་ལ་འགྱུར་བ་མེད་པར་གནས་ཡོད།
དུས་སྐབས་འདིའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོའི་དགོངས་ཡངས་དཀྱེལ་ཆེའི་དབུ་འཁྲིད་ལམ་སྟོན་ལ་གུས་བཏུད་དང་བཀའ་དྲིན་རྗེས་དྲན་ཞུ་རྒྱུ་ཡིན། དེ་བཞིན་འདས་པའི་མི་ལོ་ལྔ་བཅུ་ལྷག་རིང་ང་ཚོའི་འཐབ་རྩོད་ཀྱི་ལས་འགུལ་ཐོག་སྐུ་ངལ་ཁྱད་བསད་དང་འབད་རྩོལ་ལྷོད་མེད་ཀྱིས་ཕྱག་ལས་གནང་མཁན་མི་ཐོག་རྒན་པ་རྣམས་ལའང་གུས་བཏུད་དང་བཀའ་དྲིན་རྗེས་དྲན་ཞུ་རྒྱུ་ཡིན།
དེ་ལས་མང་བ་། “གསུམ་བཅུའི་དུས་དྲན་ཐེངས་ ༥༣ པའི་ཐོག་སྤེལ་བའི་བཀའ་བློན་ཁྲི་པའི་ཡོངས་ཁྱབ་གཏམ་བཤད།” »
“དེ་རིང་འདིར་བོད་ཀྱི་ལོ་རྒྱུས་ནང་སྡུག་བསྔལ་བྱུང་བའི་གནས་ཚུལ་ལ་དྲན་གསོ་བྱེད་ཀྱི་ཡོད།” འདི་ནི། སྔ་ལོའི་གསུམ་བཅུའི་དུས་དྲན་སྐབས། ༸གོང་ས་སྐྱབས་མགོན་ཆེན་མཆོག་གིས་ཡོངས་ཁྱབ་གསུང་འཕྲིན་སྒྲོག་སྦྱང་མ་གནང་གོང་གནང་བའི་བཀའ་སློབ་གསུང་ཚིག་ཐོག་མ་དེ་རེད། གསུམ་བཅུའི་དུས་དྲན་ནི་སེམས་ཚོར་འདིའི་སྟེང་ནས་དྲན་གསོ་ཞུ་དགོས་པ་ཞིག་ཆགས་ཡོད།
ཕྱི་ལོ་ ༡༩༥༩ ཟླ་ ༣ ་ཚེས་ ༡༠ ཉིན་ནི་བོད་ཀྱི་འཆི་གསོན་དབྱེ་ཐག་བཅད་པའི་ཉིན་མོ་ཞིག་ཆགས་ཡོད། བོད་འདི། ད་ལྟ་གསོན་བཞིན་པའི་གནས་སྟངས་འདི་ཡར་དེད་ན། ཕྱི་ལོ་ ༡༩༥༩ ལོར་ཐུག་འགྲོ ཟླ་བ་དེ་དང་ཚེས་པ་དེར་མ་བགྲོས་བསམ་པ་གཅིག་ཏུ་མཐུན་པའི་སྟོབས་ཤུགས་ཤིག་གིས། རྒྱལ་ས་ལྷ་ས་ཡོངས་སུ་བཏུམས་པ་རེད། སྟོབས་ཤུགས་འདི་རྨང་ནས་སྒུལ་མཁན་ནི་རྒྱ་ནག་གུང་ཁྲན་གཞུང་གི་གཉའ་གནོན་དྲག་ཤུགས་དེ་ཡིན།
དེ་ལས་མང་བ་། “རང་དབང་སྒེར་ལངས། ལོ་ངོ་ ༥༣ འཁོར་བའི་དེ་རིང་།” »
ཐེ་བོ་ཤེས་རབ་རྒྱ་མཚོ།
ཁ་རྩང་ཡེ་རྡོར་གྱིས་ཀྲུང་གོའི་བོད་ལྗོངས་དྲ་བ་ཟེར་བའི་སྟེང་སྤེལ་བའི་རྩོམ་ཡིག་<<དྲག་ཤུགས་ལ་སྐུལ་བ་ནི་ཏཱ་ལའི་ཚོགས་ཁག་འཕྲལ་མར་རྩ་མེད་དུ་འགྲོ་བའི་རྒྱུ་ཁོ་ན་ཡིན>>་ཞེས་པ་དེའི་ནང་དུ་འཁྱོག་བཤད་རབས་དང་རིམ་པ་བྱས་ཡོད་ནའང་། རྒྱལ་སྤྱིའི་ཐོག་གི་མི་རྣམས་ནི་གུང་ཁྲན་ཏང་གི་གནམ་འོག་ནས་འཚར་ལོང་བྱུང་བའི་སྐམ་ས་ཆེན་པོའི་མི་རྣམས་དང་རྩ་བ་ནས་མི་འདྲ་བས་དེ་ལ་དོ་སྣང་བྱེད་མི་སྲིད་པ་དང་། དེ་བས་ཀྱང་དེའི་གཡོ་འོག་ཏུ་ཚུད་མི་སྲིད་པ་ཡིན་སྟབས། དང་ཐོག་དེར་དོ་སྣང་མ་བྱས་མོད། འོན་ཀྱང་ཞིབ་ཏུ་བསམ་ན་རྩོམ་ཡིག་དེ་ནི་དམིགས་ཡུལ་དང་འཆར་གཞི་ཡོད་པའི་ཐོག་ནས་སྤེལ་བ་ཞིག་ཡིན་པས། ཁ་ཐུག་རྫུན་ཕུག་མ་བརྟོལ་ཚེ་ལོ་འབྱུང་འགྱུར་རྒྱུས་ཐོག་གསེད་བཀྲོལ་བྱ་དཀའ་བའི་གནད་དོན་ཞིག་ཆགས་མི་སྲིད་པ་མ་ཡིན་པར་བརྟེན་འདིར་བདེན་པ་གཞིར་བཞག་གིས། ཡེ་རྡོར་གྱི་རྫུན་ཚིག་རྣམས་ཚིག་གིས་དེད་ནས་སྐད་ཆ་འགའ་བཤད་རྒྱུར་དང་ལེན་བྱ་རྒྱུ་ཡིན།
ཆབ་བྲག་ཕོ་ཉ།
བཀུར་བར་འོས་པའི་ཀྲུང་གོའི་རིགས་སོ་སོའི་རྒྱ་ཆེའི་མི་དམངས་རྣམས། ཁྱེད་ཚོས་བོད་ཀྱི་འདས་པའི་ལོ་རྒྱུས་གསལ་བོ་ཞིག་ཤེས་མེད་ལ་ད་ལྟའི་བོད་ཀྱི་གནས་བབ་ངོ་མ་ཡང་ཤེས་ཀྱིན་མེད། དེ་བས་བོད་ལ་གདུང་སེམས་མཉམ་སྐྱེད་ཀྱི་རྒྱབ་སྐྱོར་ཡང་གནང་ཐུབ་ཀྱིན་མེད་ངེས་ན་ངས་འདིར་བདེན་པའི་གསལ་འདེབས་འགའ་ཞུ་འདོད་བྱུང་།
དང་པོ། བོད་ལ་བཙན་འཛུལ་བྱས་པ།
༡༩༤༩། ༡༠།༡ ཉིན་རྒྱ་ནག་དམར་ཤོག་གི་རྒྱལ་ཁབ་གསར་བཙུགས་ཁྱབ་བསྒྲགས་ཟིན་པའི་རྗེས་ནས་བོད་ལ་དཔུང་འཇུག་བྱས་ཏེ། ༡༩༥༠།༡༠།༡༨ ཉིན་ཆབ་མདོར་བོད་ཀྱི་གཞུང་དམག་ཕམ་པར་བཏང་ཞིང་། དེ་རྗེས་གཞི་ནས་བོད་གཞུང་གི་མི་སྣ་འགའ་ཆེད་དུ་བཀུག་ནས། ༡༩༥༡།༥།༢༣ ཉིན་པེ་ཅིན་དུ༼ བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་དོན་ཚན་བཅུ་བདུན༽ཟེར་བ་འཇོག་བཅུག་ནས་འཛམ་གླིང་ཡོངས་ལ་བོད་ཞི་བས་བཅིངས་འགྲོལ་བཏང་བ་ཡིན་ཚུལ་འུད་ཀྱིས་བསྒྲགས།
དེ་ལས་མང་བ་། “ཀྲུང་གོའི་རྒྱལ་ཡོངས་མི་དམངས་ལ་བསྒྲགས་པའི་བདེན་ཚིག” »
(དཔའ་མོ་རིན་ཆེན་གྱི་བུ་ཆུང་བའི་ཚབ་ཏུ།)
འབའ་སྲས།
ཁ་སང་ནུས་པའི་ཨ་མའི་འོ་མ་ཞིམ་པོ།།
ད་ནས་བཟུང་སྟེ་མེད་ཅེས་མཆི་མ་གཏོང་ཞོར།།
གཅེན་མོས་ཆུ་འཁྱག་ཁྱོར་གང་བདག་ལ་བླུད་སོང་།།
དོན་གྱིས་ཨ་མ་ཐག་རིང་གང་དུ་ཆས་སམ།།
གཅེན་མོའི་མིག་ཆུ་བཞུར་བ་ཆད་པ་མི་འདུག །
གཅེན་པོ་ངུ་བའི་སྐད་ལ་བར་མཚམས་མ་ཆད།།
ང་ཡང་ངུ་བཞིན་ཨ་མའི་འོ་མར་སྒུག་ཡོད།།
དྲིན་ཆེན་མ་ལོ་མ་འགྱངས་ཕྱིར་ལ་ལོག་ཤོག །
