རེས་གཟའ་ཟླ་བའི་ཕྱི་དྲོའི་མཚམས་སུ་པེ་ཅིང་གྲོང་ཁྱེར་གྱི་སྲང་ལམ་ཁག་ཅིག་ནས་བོའུ་སྐད་བསྟུད་མར་གྲགས་འདུག་པ་དང་།  རྒྱ་ཡིག་གི་དྲ་རྒྱ་ཁག་ཅིག་ཏུ་དེའི་བྲག་ཅ་ད་ལྟ་ད་དུང་ཡང་འཁོར་འདུག་སྐད།

དེ་ལས་མང་བ་། “པེ་ཅིང་སྲང་ལམ་གྱི་བོའུ་སྐད་ལ་ཉན་པ།” »

བྱ་འཕུར་ལྷུན་གྲུབ་རྒྱ་མཚོས་༼ཧི་བོན་དྲ་བ་༽ལས་དྲངས།

ཉེ་ཆར་ལན་ཀྲུའུ་ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་འབྲུག་ཐར་དང་། བློ་བཟང་ལྷུན་གྲུབ་རྡོ་རྗེ་རྣམ་གཉིས་མཉམ་འབྲེལ་གྱིས་གཙོ་སྒྲིག་གནང་སྟེ། 《ཀན་སུའུ་ཏཱང་ཁྲེང་རྫོང་བོད་པའི་དུད་ཚང་དུ་བསྡུ་ཉར་བྱས་པའི་གནའ་བོའི་བོན་གྱི་ཡི་གེ་རིག་མཛོད》ཅེས་པའི་དེབ་ཕྲེང་སུམ་ཅུ་ཅན་ཞིག་ཀན་སུའུ་རིག་གནས་དཔེ་སྐྲུན་ཁང་ནས་པར་དུ་བསྐྲུན་པའི་གནས་ཚུལ་བྱུང་འདུག དེ་ཡང་སྔ་ནས་ད་བར་དུ་གནའ་བོའི་ཡིག་རྙིང་པར་བསྐྲུན་བྱས་པ་དག་ལས་དཔེ་ཚོགས་འདི་ཉིད་ནང་དོན་སོགས་ཕྱོགས་གང་ཐད་ནས་བལྟས་ཀྱང་ཕུན་སུམ་ཚོགས་པའི་དཔེ་ཚོགས་རྙིང་ཤོས་ཤིག་ཡིན་པ་དང་། ཆེས་གནའ་བོའི་ཡིག་རྙིང་བོན་གྱི་དཔེ་ཚོགས་ཞིག་ཀྱང་ཡིན། སྤྱིའི་གཞུང་ཚན་སུམ་ཅུ་སོ་གཅིག་ཡོད་པ་དང་། ནང་གསེས་སུ་དོན་ཚན་ལྔ་བརྒྱ་དྲུག་ཅུ། དཔེ་རྙིང་འདི་ཉིད་ཀན་སུའུ་ཏཱང་ཁྲེང་གྲོང་ཚོ་སོགས་ཀྱི་ཁྱིམ་ཚང་བཅུ་ཕྲག་ལྷག་གིས་ཉར་ཚགས་བྱས་པ་དང་། དེ་འབྲེལ་གྱི་ཆེད་མཁས་པ་མང་བོས་ཞིབ་འཇུག་བྱས་མཐར་དཔེ་རྙིང་འདི་དག་བོད་ཀྱི་གནའ་བོའི་ཡིག་རྙིང་ཞང་ཞུང་གི་ཡིག་གཟུགས་ཀྱི་ཁྱད་ཆོས་མང་བོ་ལྡན་པར་ངོས་འཛིན་ཀྱང་གནང་ཡོད། ནང་དོན་གྱི་ཐད་ལ་ཡང་། བོན་གྱི་རྒྱུའི་བོན་སྐོར་དང་། གནའ་བོའི་ཞང་ཞུང་སྐབས་བོད་ཀྱི་སྤྱི་ཚོགས་གནས་སྟངས་ཀྱི་སྐོར་དང་། ཡུལ་སྲོལ་གོམས་གཤིས་དང་། སྨན་དཔྱད་རིག་པ། རི་བསང་ལབ་ཙེ་བསྟོད་ཚུལ། མོ་རྩིས་གཏོ་དང་གཟུགས་རིས་སྣ་ཚོགས་སོགས། གཞན་ཡང་འབྲས་བུ་ཐེག་པའི་བོན་གཞུང་གི་ནང་དོན་སྐོར་སོགས་ཀྱང་ལྡན་ཡོད་པ་རེད།

དེ་ལས་མང་བ་། “«གནའ་བོའི་བོན་གྱི་ཡི་གེ་རིག་མཛོད།»” »

ཤར་ཕྱོགས་ཁུག་རྟ།

བོད་མི་མང་སྤྱི་ལྷན་སྐབས་ ༡༥ པའི་ཚོགས་དུས་གསུམ་པ་ཟླ་འདིའི་ཚེས ༡༤ ནས་འགོ་ཚུགས་ཟིན་པ་ལྟར། ཕྱི་ཟླ ༣ པའི་གྲོས་ཚོགས་ནི་སྔོན་རྩིས་ཀྱི་ཚོགས་འདུ་ཡིན་པར་ཟེར་སྲོལ་ཡོད་པ་ལྟར་ལས་ཁུངས་ཁག་གི་སྔོན་རྩིས་སྟེང་ཚོགས་འདུ་ཚོགས་བཞིན་པ་རེད། ཁོ་བོ་ཁ་སང་བར་གྲོས་ཚོགས་ཀྱི་ཟུར་ཉན་དུའང་བཅར་ཁོམ་མ་བྱུང་ཡང་། ཁ་སང་ཉིན་གང་གྲོས་ཚོགས་ཀྱི་ཟུར་ཉན་དུ་བསྡད་པ་དང་། དེ་མིན་མཚན་མོར་བོད་གཞུང་གི་བརྙན་འཕྲིན་བསྐྱར་ཟློས་ཟེར་བར་ལྟོས་ཏེ་གྲོས་ཚོགས་ལ་སྔར་ལྟར་སློབ་སྦྱོང་བྱ་ཐུབ་པ་བྱུང་། གཞན་དམིགས་བསལ་ཞིག་ལ་ད་ཐེངས་ཛ་དྲག་གི་སྐབས་སུ་ཚོགས་འདུ་དགོང་དྲོའི་ཆུ་ཚོད་ ༩ བ་དང ༧ བར་ཚོགས་བཞིན་པས་སྤྱི་ལྷན་གྱིས་མེད་ན་མ་གཏོགས་གང་ཡོང་ཅི་ཡོང་གནང་སྟངས་ལ་སྐྱ་སེར་མང་པོར་ཡིད་འགུལ་ཐེབས་བཞིན་པ་གོ་ཐོས་བྱུང་། བོད་ནང་དུའང་དེ་སྐོར་ཁག་ཅིག་ལ་ཁ་བརྡ་བྱ་རྒྱུ་བྱུང།

ཡིན་ནའང་། རྩ་དོན་གསུམ་གྱི་སེང་གེའི་བཀའ་ཤག་ད་ཐེངས་གྲོས་ཚོགས་སྟེང་འདར་སུག་འགའ་ཐེབས་བཞིན་པའང་མང་མང་གིས་གསལ་བོར་མཁྱེན་འདུག་ལ། སེང་གེ་ཚང་ལ་དོན་དག་བཤད་རྒྱུ་ལས་ཅུང་ཧམ་པའི་ཤེད་ཀྱིས་ཚོགས་ཉིན་ཕུད་རྒྱག་བྱེད་པའི་བསམ་ཚུལ་ཡོད་པ་ང་བཞིན་ཚང་མར་སྣང་བ་བྱུང་འདུག ངའི་བརྙན་འཕྲིན་ནང་ཁ་ན་སྒྲ་ནས་ཡོང་བའི་ཕྱི་དྲིལ་བཀའ་བློན་ཟེར་བ་བུ་མོ་བདེ་སྐྱིད་ཆོས་དབྱིངས་སྐུ་རླུང་བཞེངས་ནས་ལག་པས་ཅོག་ཙེ་རྡུང་བ་མཐོང་བྱུང། གནད་དོན་ལག་ཁྱེར་ཁ་པར་ཞིག་ལས་འཕྲོས་པ་དང་། གཞན་ཡང་ཚིག་ཟུར་ནས་ཁ་ན་སྒྲ་གཡུག་ནས་སླེབས་པ་དེ་ཞེ་དྲག་ཅིག་ཡིན་པ་གསུངས་བཞིན་དངན་པའི་དབུགས་རིང་འཐེན་བཞིན་དྲི་བ་ཚ་བོ་དག་ལ་ལན་འདེབས་གནང་བ་ཐོས་པས་སེམས་སྟེང་ནས་སྙིང་ཅིག་རྗེ་སོང།

དེ་ལས་མང་བ་། “ཆོས་རིག་བཀའ་བློན་ཨ་རི་ནས་རྒྱ་གར་དུ་བཏང་མི་འདུག” »

གསར་འགྱུར་གཏོང་མཁན། ཚངས་དབྱངས་རྒྱ་མཚོ།

ཕྱི་ཚེས་བཅོ་བརྒྱད་ཉིན་མགོ་ལོག་པདྨ་རྫོང་འབོ་སྤ་ཡུལ་ཚོའི་ཨ་ནག་རྡོར་རྒྱམ་ཕ་བུ་གཉིས་འཛིན་བཟུང་བྱས་པའི་གནས་ཚུལ་ཐོན་འདུག
དེ་ཡང་གནས་ཚུལ་ཡོངས་ཁུངས་ནས་བརྗོད་དོན། ཁོང་ཕ་བུ་གཉིས་དོན་དག་གང་ཡང་མེད་པར་ཕྱི་ཚེས་ ༡༨ ཉིན་འཛིན་བཟུང་བྱས་ཏེ་ཉིན་གཉིས་ཀྱི་རིང་གཅར་རྡུང་མནར་གཅོད་ཚད་ལས་བརྒལ་བ་བཏང་སྟེ་དེ་རིང་ཨ་ནག་རྡོར་རྒྱམ་ཕྱིར་མངག་ཡོད་ཀྱང་། ཁོང་ཉེན་རྟོགས་པ་དག་གིས་བཙོན་ཁང་གི་ཕྱིར་ཁྱེར་ཡོང་སྐབས་ཁོ་ཤི་མིན་གསོན་མིན་ཞིག་ཏུ་གྱུར་འདུག་ལ། མི་ངོ་མི་ཤེས་པར་མ་ཟད། ཁ་ཡང་གྲགས་ཐུབ་གྱིན་མི་འདུག་ཟེར། ད་དུང་ཁོས་བཤད་རྒྱུར། ཨ་ནག་རྡོར་རྒྱམ་གྱི་བུ་(གྲྭ་བ་ཡིན་འདུག)ད་སྐབས་བཙོན་ཁང་དུ་ཡོད་ལ། འབྲེལ་ཡོད་ལས་བྱེད་ཅིག་གིས་བརྗོད་ན་ཁོ་ཡང་གཅར་རྡུང་བྱས་ཏེ་རྨས་སྐྱོན་ཚབ་ཆེན་ཐེབ་འདུག་ལ། ད་སྐབས་ཁ་གྲགས་མི་ཐུབ་པའི་གནས་སྟངས་རེད་ཅེས་བརྗོད་བྱུང་ཟེར།

དེ་ལས་མང་བ་། “མགོ་ལོག་པདྨར་བཙོན་འཇུག་དང་ཁྲིམས་ཆད།” »

ཟླ་འདིའི་ཕྱི་ཚེས་ ༡༧ ཉིན་ ” ༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། བོད་ཀྱི་སྐད་ཡིག་ལ་རང་དབང་དགོས”ཞེས་རང་ལུས་མེར་བསྲེགས་བཏང་བའི་སྐུ་གཤེགས་བསོད་ནམས་དར་རྒྱས་ཀྱི་ཁྱིམ་དུ་རེབ་གོང་ཡུལ་གྱི་དགོན་གྲོང་ཁག་གི་སྐུ་ཚབ་བླ་སྤྲུལ། སྡེ་དཔོན། གཞན་ཡང་མི་སྒེར་ཕོན་ཆེ་འབྱོར་བཞིན་དང་། དེ་བཞིན་རེབ་གོང་དང་ཐག་རིང་ཐུང་གི་ཡུལ་མགོ་ལོག་ར་རྒྱ་དང་རྔ་བ་ཀིརྟི་དགོན་གྱི་གྲྭ་མང་སྐོར་གཉིས་སླེབས་ནས་སྨོན་ལམ་གསུངས་འདོན་གནང་འདུག་པ་དང་། སྨོན་ལམ་གསུངས་འདོན་གནང་སྐབས་འདོན་ཆས་སོགས་རང་འགྲིག་གིས་བསྣམས་ནས་དད་ལྡན་དང་བ་འདྲེན་པ་གནང་འདུག གཞན་རེབ་གོང་ཤ་སྦྲང་སྡེ་བ་འདི་ནས་མཆེད་པའི་མཚོ་ལྷོ་ཐུན་ཏེ་ཤ་སྦྲང་ཚོ་དྲུག་གི་སྡེ་མི་རླངས་འཁོར་ ༡༥ ཙམ་མྱ་ངན་ཞུ་བར་ཡོང་སྐབས་ལམ་བར་དུ་བཀག་འདུག དེ་བཞིན་གཅན་ཚ་དང་དཔའ་ལུང་བཅས་ཀྱི་མི་སྣ་རིམ་འབྱོར་བྱུང་སྟེ། ཟ་འབྲུ་རླངས་འཁོར་ཆེ་བའི་ནང་ཁེངས་པ་ཕུལ་འདུག་པ་མ་ཟད། འདས་པོའི་ཨ་མར་མཇལ་བ་སོགས་ཁོང་གི་ཁྱིམ་དུ་མ་ཤོང་བར་ཁྱིམ་ཚང་གཞན་གཉིས་སུ་སྣེ་ལེན་བྱེད་དགོས་ཆགས་འདུག

གནས་ཚུལ་འདིའི་ཐད་སྐུ་གཤེགས་ཁོང་གི་སྐུ་ཟླ་སྒྲོལ་དཀར་མཚོ་ལགས་སུ་སེམས་གསོའི་བཀའ་མོལ་ཞུས་སྐབས། ཁོ་མོས་སྐབས་དེར” སྤྱིར་བཏང་སེམས་སྐྱོ་ནའང་། རང་གིས་བསམ་བློ་ཞིག་བཏང་། མི་མང་པོས་སེམས་གསོ་གཏོང་སྐབས། འཆི་དགོས་པ་དེ་གཡོལ་ཐབས་མེད་པ་ཞིག་རེད། འཆི་སྟངས་ཀྱང་འདྲ་མི་འདྲ་ཡོང་གི་ཡོད་སྟབས། ཁོང་གི་འཆི་སྟངས་འདི་ནི་(ཙ་ཡ་)རླབས་ཆེན་རེད་འདོད་ཀི”ཅེས་གསུངས་འདུག

དེ་ལས་མང་བ་། “ར་རྒྱ་ཀིརྟི་སོགས་ནས་རེབ་གོང་དུ་འཚམས་འདྲི།” »

ཟླ་འདིའི་ཕྱི་ཚེས་ ༡༦ ཉིན་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲྭ་ཚང་གི་རང་ལོ་ ༢༠ ཡིན་པའི་གྲྭ་བློ་བཟང་ཚུལ་ཁྲིམས་ལགས་ཀྱིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་ཡོད་ཅིང་། དེ་མ་ཐག་རྒྱ་གཞུང་གི་ཉེན་རྟོག་པས་བཙན་ཁྲིད་བྱས་ཡོད་ཀྱང་ཁ་སང་རྔ་པ་ཁུལ་འབར་ཁམས་ནས་སྐུ་གྲོངས་ཡོད་འདུག་ལ། ཉིན་དེ་རང་རྒྱ་གཞུང་གིས་ཁོང་གི་ཕུང་པོ་འབར་ཁམས་ནས་མེར་བསྲེགས་བཏང་སྟེ། རུས་ཐལ་ཞིག་ནང་མིར་སྤྲད་དེ་ཚེས་ ༡༩ ཉིན་གྱི་མཚན་མོ་རྔ་པ་ཀིརྟི་དགོན་པའི་ཉེ་འགྲམ་གྱི་དུར་སའི་ནང་བསྐྱལ་དགོས་བྱུང་ཡོད་འདུག

དེ་ལས་མང་བ་། “གྲྭ་བློ་བཟང་ཚུལ་ཁྲིམས་འདས་གྲོངས།” »

གནས་ཚུལ་གཏོང་མཁན། སྐལ་བཟང་ཉི་མ་ཡིིན།

བོད་མདོ་སྨད་རེབ་གོང་ཤ་སྦྲང་གི་རྒྱལ་གཅེས་དཔའ་བོ་བསོད་ནམས་དར་རྒྱས་ལགས་ཀྱིས་སྤྱི་ལོ་༢༠༡༢ལོའི་སྤྱི་ཟླ་༣པའི་ཚེས་༡༧ཉིན་རེབ་གོང་རྫོང་ཐོག་ཏུ་སྐུ་ལུས་མཆོད་མེར་ཕུལ་ཏེ་རྒྱ་ནག་གཞུང་ལ་ངོ་རྒོལ་གྱིས་སྐུ་གྲོངས་བ་དང་། དེ་མ་ཐག་ཁོང་གི་ཕ་ཡུལ་གྱི་ཡུལ་མི་དང་རེབ་གོང་གི་ས་ཕྱོགས་གང་ཡིན་གྱི་མི་ཚོགས་མང་པོས་སྨོན་ལམ་དང་ཁ་གཡང་ཁྲོད་ཁོང་གི་སྐུ་གདུང་རོང་བོ་དགོན་ཆེན་གྱི་ལྟག་རྒྱབ་གདུང་རྒྱལ་ཀླད་ཅེས་པ་རུ་སྦྱིན་བསྲེགས་བྱས་ཤིང་། ཁ་སང་ཕྱི་ཚེས་༡༨ཉིན་གྱི་ཞོགས་པའི་ཆུ་ཚོད་དགུ་བའི་ཐོག་སླར་ཡང་ཁོང་གི་ཕ་ཡུལ་ཤ་སྦྲང་གི་ཡུལ་མི་དང་གཞན་རེབ་གོང་ཕྱོགས་ཁ་བཅུ་གཉིས་ཀྱི་མི་མང་རླངས་འཁོར་ལྔ་བཅུ་ནས་དྲུག་བཅུ་ཙམ་གྱིས་ཁོང་གི་གདུང་ཐལ་ཕ་ཡུལ་ཤ་སྦྲང་དུ་འཁྱེར་ཡོང་འདུག

དེ་ལས་མང་བ་། “དཔའ་བོ་བསོད་ནམས་དར་རྒྱས་མཆོག་གི་གདུང་ཐལ་ཕ་ཡུལ་ཤ་སྦྲང་དུ་འཁྱེར་ཡོང་འདུག” »

༢༠༡༢ ཟླ་ ༣ ཚེས་ ༡༩ རེས་གཟའ་ཟླ་བ།

ཉེ་ལམ་བོད་བྱང་ཤར་རེབ་གོང་ཁུལ་དུ་གནས་སྟངས་ཛ་དྲག་ཆེ་རུ་འགྲོ་བཞིན་པ་དེར་བོད་མིའི་སྒྲིག་འཛུགས་ལ་བློ་འཚབ་ཧ་ཅང་ཡོད། ཁ་སང་ཕྱི་ཚེས་ ༡༧ ཉིན་རང་ལོ་ ༤༤ སོན་པ་བོད་མི་ཞིང་པ་བསོད་ནམས་དར་རྒྱས་ལགས་ཀྱིས་༧གོང་ས་མཆོག་བོད་དུ་གདན་ཞུ་དགོས་པའི་འབོད་ཚིག་སྒྲོག་བཞིན་དུ་རང་ལུས་མེར་སྲེག་བཏང་འདུག སྐབས་དེར་ས་གནས་བོད་མི་ཚོས་མེ་གསོད་ཐབས་བྱས་ཀྱང་རྗེས་སུ་ཁོང་འདས་གྲོངས་སུ་གྱུར་ཡོད། མེ་གསོད་མཁན་བོད་མི་ཚོས་སྐབས་དེར་ཤེས་གསལ་ལྟར་ན། བསོད་ནམས་དར་རྒྱས་ལགས་ཀྱིས་རང་ལུས་མེར་སྲེག་སྐབས་ཁོང་གི་གྲོད་ཁོག་རྡོལ་བ་དང་ཁོང་གི་ལྟེ་བའི་མཐའ་སྐོར་དུ་ཟངས་སྐུད་ཕྲ་བོའི་སྲིན་བལ་གྱི་བཏུམ་པ་ཞིག་བཅིངས་ཡོད་པ་མཐོང་ཡོད། གནས་ཚུལ་ཐོན་གསལ་བསོད་ནམས་དར་རྒྱས་ལགས་ཀྱིས་ཉེ་ལམ་ལོ་ཤས་ནང་༸གོང་ས་མཆོག་བོད་དུ་གདན་ཞུ་ཐུབ་པ་བྱ་རྒྱུ་དེ་ནི་ཁོང་གི་ལས་དོན་གལ་ཆེ་ཤོས་སུ་ངོས་འཛིན་གནང་བཞིན་ཡོད་པ་མ་ཟད། ༧གོང་ས་མཆོག་བོད་དུ་གདན་ཞུ་ཐུབ་པ་བྱུང་ཚེ་བོད་ཀྱི་གནད་དོན་སེལ་ཐུབ་རྒྱུར་ཡིད་ཆེས་གནང་བཞིན་ཡོད་པའི་དགོས་འདུན་ཡང་ཡང་འདོན་བཞིན་ཡོད་འདུག དམ་པ་པ་ཁོང་གི་སྐུ་ཕུང་དེ་བཞིན་རེབ་གོང་དགོན་པའི་མདུན་དུ་སྒྲོལ་མ་ཐང་ཞེས་པ་དེར་ཞུགས་འབུལ་སྐབས་ས་གནས་བོད་མི་དང་གཞན་ཡང་ཉེ་འདབས་ཀྱི་ས་ཁུལ་བཅས་ནས་ཁྱོན་བོད་མི་ ༧༠༠༠ ཙམ་འདུ་འཛོམས་བྱུང་ཡོད། སྐབས་དེར་མཚོན་ཆ་ཐོགས་པའི་རྒྱ་མིའི་ཉེན་རྟོག་དམག་མི་དང་བོད་རིགས་དབར་དངོས་སུ་མདོང་ཐུག་བྱུང་ཡོད། འདུ་འཛོམས་ཆེན་པོ་དེ་འདྲ་དེ་སྔ་བྱུང་མྱོང་མེད། དེར་བརྟེན་རྒྱ་མིའི་ཉེན་རྟོག་དམག་མི་རྣམས་རེ་ཞིག་ཕྱིར་འཐེན་མ་བྱས་ཐབས་མེད་བྱུང་ཡང། དམག་མི་དང་དྲག་ཆས་ཉེན་རྟོག་མི་སྣ་མང་པོ་ཞིག་དགོན་པའི་མཐའ་སྐོར་དུ་གནས་བཞིན་དུ།

དེ་ལས་མང་བ་། “བོད་མིའི་སྒྲིག་འཛུགས་ཀྱིས་རྒྱ་གཞུང་ལ་རེབ་གོང་ཁུལ་དུ་དམ་བསྒྲགས་མཚམས་འཇོག་དགོས་པའི་རེ་འདུན་ཤུགས་ཆེ་བཏོན་པ།” »