གསར་འགྱུར་མཁོ་སྤྲོད་པ། སྦྲ་རིགས་ཐོགས་མེད་།

ཕྱི་ཟླ་གསུམ་པའི་ཚེས་ཉེར་དྲུག་གི་ཉིན་གུང་རྒྱལ་གཅེས་དཔའ་བོ་འཇམ་དཔལ་ཡེ་ཤེས་ལགས་ཀྱིས་རང་ལུས་མཆོད་མེར་ཕུལ་རྗེས་བོད་རིགས་འདུས་སྡོད་ཀྱི་ས་ཁུལ་ཡོངས་ཟང་ཟིང་ལང་ལོང་དུ་གྱུར། ཉིན་དེའི་ཕྱི་དྲོར་བོད་ཀྱི་གཞོན་ནུ་ཚོགས་པའི་སྣེ་ཁྲིད་འོག་ཏུ་བོད་མི་སྐྱ་སེར་རྒན་གཞོན་ལྔ་བརྒྱ་ལྷག་གིས་སྲིད་འཛིན་ཧོས་ཅེན་ཐོ་ལ་ངོ་རྒོལ་གྱི་འབོད་ཚིག་འདྲ་མིན་སྒྲོག་བཞིན་ལྡི་ལི་རྒྱ་ནག་གཞུང་ཁང་གི་ཕྱོགས་སུ་གཤར། འོན་ཀྱང་། སྟབས་མ་ལེགས་བོད་མི་ངོ་རྒོལ་བ་ཡོངས་རྫོགས་རྒྱ་གར་སྐོར་སྲུང་དམག་མི་དང་ཉེན་རྟོག་པ་ཟུང་འབྲེལ་གྱིས་འཛིན་བཟུང་བྱས་ནས་ཏིས་ཧར་བཙོན་ཁང་དུ་ཁྲིད་སོང་བས་ད་ལྟ་ཡང་ཀློད་གྲོལ་ཐོབ་མེད་པ་རེད།
ཉིན་དེའི་རྗེས་ཀྱི་དེ་རིང་བོད་རིགས་འདུས་སྡོད་ཀྱི་ས་ཁུལ་ཡོངས་རྫོགས་དམག་མི་དང་ཉེན་རྟོག་པའི་ལྟ་སྲུང་འོག་བཅུག་འདུག ལྡི་ལིར་མན་ཅི་གྲི་ལ་དང་བྷོ་ཏི་བྷིས་ཡར་བོད་མི་བཞི་ལྷག་མཉམ་དུ་འགྲོ་བའམ་འཛོམས་པ་མཐོང་ཚེ་ཐད་གར་བཙོན་འཇུག་བྱེད་ཆོག་པའི་བཀའ་རྩ་བསྒྲགས་འདུག

དེ་ལས་མང་བ་། “ལྡི་ལིར་བོད་མི་རྣམས་དམག་མི་དང་ཉེན་རྟོག་པའི་ལྟ་སྲུང་འོག་བཅུག་པ།” »

ཁ་སང་ལྡི་ལིར་སྐུ་ཞབས་འཇམ་དཔལ་ཡེ་ཤེས་ལགས་ཀྱིས་རང་སྲེག་བཏང་བར་དབུས་བོད་མིའི་སྒྲིག་འཛུགས་ཀྱིས་དེ་རིང་ཕྱི་ཚེས ༢༧ ཉིན་གསར་འགོད་བསྒྲགས་གཏམ་སྤེལ་སྟེ། དེའི་ཐད་ཐུགས་འཚབ་དང་ཁོང་གི་རྗེས་ཤུལ་ནང་མིར་འཚམས་འདྲི། གཞན་ཡང་བོད་མི་ཚོར་འུ་ཐུག་གི་བྱ་སྤྱོད་རིགས་མ་སྤེལ་རོགས་ཞེས་དྲན་སྐུལ་གནང་འདུག བསྒྲགས་གཏམ་དེའི་ནང་འཁོད་དོན་ “ཕྱི་ལོ་ ༢༠༡༢ ཟླ་ ༣ ཚེས་ ༢༦ ཉིན་རྒྱ་གར་རྒྱལ་ས་ལྡི་ལིར་རང་ལོ་ ༢༧ སོན་པའི་བོད་མི་གཞོན་སྐྱེས་འཇམ་དཔལ་ཡེ་ཤེས་ལགས་ཀྱིས་རང་ལུས་མེར་སྲེག་བཏང་བའི་གནས་ཚུལ་ཐོན་པར་བོད་མིའི་སྒྲིག་འཛུགས་ལ་ཧ་ཅང་སེམས་འཚབ་བྱུང། ང་ཚོས་ཁོང་དང་ཁོང་གི་ནང་མི་སྤུན་མཆེད་ཚོར་སྙིང་ཐག་པ་ནས་སེམས་གསོ་དང་སྨོན་ལམ་གསོལ་འདེབས་ཞུ་རྒྱུ་ཡིན། དེ་ཡང་ནང་ཆོས་ནས་དལ་རྟེན་མི་ལུས་རིན་པོ་ཆེ་ནི་རྩ་ཆེན་ཡིན་པར་ངོས་འཛིན་བྱེད་བཞིན་ཡོད་པ་བོད་མིའི་སྒྲིག་འཛུགས་ཀྱིས་འདིར་བསྐྱར་ནན་ཞུ་རྒྱུ་ཡིན་”ཞེས་དང་།

ཡང་དེར” བོད་མི་ཚོས་ཕྱི་ནང་གི་ཤེས་ཡོན་ཐོག་ཧུར་བརྩོན་བྱས་ཏེ། བོད་ཀྱི་རྩ་དོན་ལ་ཉེ་བར་མཁོ་བའི་མི་ཆའི་མཐུན་འགྱུར་སྐྲུན་སྟེ་འཐབ་རྩོད་སྲ་བརྟན་དུ་གཏོང་ཐུབ་པ་བྱུང་ན་བོད་ཀྱི་རྩ་དོན་ལ་ཕུགས་རྒྱང་རིང་པོའི་དགེ་མཚན་ཆེ་བ་ཡོད། དེར་བརྟེན་ང་ཚོས་སླར་ཡང་བོད་མི་ཚོར་འུ་ཐུག་གི་བྱ་སྤྱོད་རིགས་མ་སྤེལ་རོགས་ཞེས་དྲན་སྐུལ་ཞུ་རྒྱུ་ཡིན།

དེ་ལས་མང་བ་། “བོད་མི་ཚོས་འུ་ཐུག་གི་བྱ་སྤྱོད་རིགས་མ་སྤེལ་རོགས།” »

༢༦།༣།༡༢ལ་གླིང་ཚ་ནས།

མདང་ནུབ་དུག་སྦྲང་གི་དམག་རྒྱབ་སྟེ་ང་ཚོ་ཚང་མ་གཉིད་སྐྱིད་པོ་ཞིག་ཁུག་ཏུ་མ་བཅུག་ནའང་ཞོགས་པར་དུས་ཚོད་ལྔ་པའི་སྟེང་ཁ་ཤས་ཀྱི་མིག་བསྐྲང་པ་དང་དྲིན་ཆེན་མ་ལོའི་ཁ་ཤ་ཡང་བསྐྲང་འདུག གང་ལ་ཐུག་ཡང་ང་ཚོ་མདུན་དུ་འགྲོ་བ་མ་གཏོགས་ཕྱི་ནུར་བྱེད་ས་ཞིག་གང་ནས་ཡོད།

དེ་ལས་མང་བ་། “ཞི་བའི་འཐབ་རྩོད། དེ་རིང་གི་ཐུག་འཕྲད་དང་ཞལ་འདེབས།” »

སྤང་མདའ་སྟོབས་རྒྱས་ཀྱིས།

བོད་ཤར་ཕྱོགས་སྨར་ཁམས་སྒང་གི་ས་ཁུལ་ལྕག་སོ་སྟེང་ཞིག་པའི་ས་གནས་དེར་ཟླ་འདིའི་ཕྱི་ཚེས་བཅུ་ཡས་མས་ནས་རིར་མེ་ཤོར་ཏེ་ཉིན་བཅུ་ལྷག་ཕྱིན་འདུག དེ་ཡང་ཁུངས་ལྡན་གནས་ཚུལ་འབྱོར་གསལ་ལྟར་ན་མེ་དེ་བཞིན་ཐོག་མ་ནོར་ནག་དོམ་ལྷས་ཟེར་བའི་ས་གནས་དེ་ནས་འབར་འགོ་ཚུགས་འདུག རིམ་བཞིན་དེ་དང་འདབ་འབྲེལ་གྱི་ས་རྒྱ་གར་རྗེས་མཛོ་དང་ཤ་འགྱུར་ཆེ་ཆུང་ཟེར་བའི་ས་གནས་མང་པོ་ཞིག་ལ་མེ་ཤུགས་ཆེ་འབར་ཏེ་ནགས་ཚལ་མང་ཆེ་བ་ཞིག་ཚིག་ཡོད་འདུག སྐབས་དེར་ཐོག་མ་ས་གནས་མི་མང་གིས་མེ་གསོད་ཐབས་གནང་ཡང་མེ་ཤུགས་ཇི་ཆེར་འགྲོ་བཞིན་ཡོད་པས་དོན་ཕན་གསོན་མི་འདུག

དེ་ལས་མང་བ་། “བོད་སྨར་ཁམས་ཕྱོགས་སུ་མེ་སྐྱོན།” »

༼བོད་ཀྱི་དུས་བབ་དྲ་ཚིགས་ནས་འདིར་འདྲེན་བཀོད་ཞུས།༽

དེ་རིང་ཞོགས་པར་རྒྱལ་ས་ལྡི་ལི་ཇན་ཏར་མ་ཏར་ས་གནས་སུ་བོད་མི་འཇམ་དཔལ་ཡེ་ཤེས་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ། ད་ལྟའི་ཆར་སྨན་ཁང་དུ་མྱུར་སྐྱོབ་བྱེད་ཀྱི་ཡོད་འདུག

རྨེའུ་དཀོན་རྒྱམ་ལགས་ཀྱིས་ལྡི་ལི་ནས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། དེི་རིང་ཕྱི་ཚེས་ ༢༦ ཉིན་བོད་ཀྱི་གཞོན་ནུ་ལྷན་ཚོགས་ཀྱིས། རྒྱ་ནག་གི་སྲིད་འཛིན་ཧུའུ་ཅིན་ཐའོ་རྒྱ་གར་དུ་

དེ་ལས་མང་བ་། “ལྡི་ལི་ནས་བོད་མི་ཞིག་གིས་མེར་བསྲེཊ།” »

ཨ་རིའི་ཡུལ་གྲུ་གང་སར་དར་སྲོལ་ཆེ་བ་ལྟར།  བྱང་ཨ་རིའི་ལྷོ་རྒྱུད་དུ་ཆགས་པའི་ཇོར་ཇི་ཡ་མངའ་སྡེ་དེར་ཡང་ལོ་རེ་དང་ཟླ་རེའི་ནང་གི་དམིགས་བསལ་གྱི་ཉིན་མོ་དག་ལ་རྒྱང་སྐྱོད་རྒྱུགས་འགྲན་དེ་ཡོད་འདུག་པ་དང་།  ས་གནས་དེར་གནས་བཞུགས་བོད་ཀྱི་བུ་མོ་བསྐལ་བཟང་སྒྲོལ་དཀར་ལགས་ཀྱང་ནམ་རྒྱུན་ནས་རྒྱུགས་འགྲན་དུ་ཞུགས་ཀྱིན་ཡོད།

དེ་ལས་མང་བ་། “ལམ་རྒྱག་རང་འཁུར་དང་རང་འགན་རང་འཁུར།” »

གླིང་ཚ་ཚེ་བརྟན་རྡོ་རྗེ། (བོད་། ལྷ་ཀླུ་གཉན་གསུམ)

༣།༡༠ཞོགས་པ་མི་མང་གི་མིག་ཆུ་དང་ཁ་གཡང་།ཁ་བཏགས་དང་ཞལ་འདེབས་སོགས་ཀྱི་བསྐྱེལ་མའི་ཁྲོད། གཙུག་ལག་ཁང་གི་མདུན་ནས་རྡ་ཤོད་ཀ་ཅ་རའི་བར་དུ་མི་དམངས་མཉམ་ཞུགས་བྱས།མི་དམངས་ཀྱིས་མིག་ཆུ་དང་ཞལ་འདེབས་དུས་མཉམ་དུ་ང་ཚོའི་ལུས་སྟེང་དུ་སྤུངས།རྡ་ས་མདོ་སྨད་ས་གནས་རྒྱུན་ལས་ཀྱིས་ཉིན་གུང་ཟ་མ་སྤྲད་དེ་ཁ་བཏགས་མཐེན་པ་དང་ཞལ་འདེབས་གནང།གྲོགས་པོ་ཁ་ཤས་ཀྱིས་བསྐྱེལ་མ་ལེ་བར་ཁ་ཤས་རིང་བྱས་རྗེས་གཞི་ནས་ངེད་མ་སྨད་གསུམ་ཞི་བའི་འཐབ་རྩོད་འདིའི་ཞི་བའི་གོམ་བགྲོད་ཀྱི་རྐང་ལམ་ལ་ཞུགས།

མཚན་དང་པོར་ཧིན་དྷིའི་ལྷ་ཁང་ཀོག་པོ་ཞིག་གི་འགྲམ་དུ་ཁང་ཆུང་བཤིག་ལ་ཉེ་བ་ཞིག་གི་ཁྱམས་རར་མལ་ས་བཟོས།ཅུང་ཙམ་རྗེས་སུ།ང་ཚོ་ལ་ཐུག་འཕྲད་དུ་ཡོང་མཁན་ནི་གཞོན་ནུའི་ཚོགས་གཞོན་དོན་འགྲུབ་ལྷ་དར་ལགས་དང་ལས་རོགས་ས་གཞོན་དྲུང་ཆེ་བཟོད་པ་དང་རྡི་ལི་སློབ་ཕྲུག་ས་གཞོན་ཚོགས་གཙོ་ཟུར་པ་་་་་བཅས་དགོང་མོའི་ཟ་མ་ཁུར་ནས་ང་ཚོ་ལ་གདུང་སེམས་མཉམ་སྐྱེད་བྱེད་དུ་ཡོང།མཚན་གཉིས་པའི་ངལ་གསོ་སྐབས་སུ་ཨེ་ཤ་ཡ་རང་དབང་རླུང་འཕྲིན་ཁང་གི་ས་གནས་གསར་འགོད་པ་བློ་བྷེ་ལགས་ཀྱིས་ཟ་མ་ཞིག་ཁུར་ནས་ཁོ་རང་སྒེར་གྱི་དྭང་བླང་འོག་ང་ཚོ་ལ་ལྟ་རུ་འོང།

དེ་ལས་མང་བ་། “ཞི་བའི་འཐབ་རྩོད། ཞི་བའི་གོམ་བགྲོད་དང་མཉམ་ཞུགས་མི་སྣ།” »

དེ་ལས་མང་བ་། “༧གོང་ས་མཆོག་གིས་རྒྱ་རིགས་ལ་རྒྱ་ནག་དང་བོད་ཀྱི་སྐོར་བཀའ་སློབ་གནང་བ།” »

སྒང་ཏོག་གི་བུ་མོ་མཛེས་མ་བསོད་ནམས་པད་ཆོས་ ༢༠༡༢ ལོའི་རྒྱ་གར་རྒྱལ་ཡོངས་མཛེས་མའི་འགྲན་བསྡུར་ Femina Miss India East ཁྲོད་ཀྱི་ཨང་རིམ་གཉིས་པ་ཐོབ་འདུག་པ་དང་། འགྲན་བསྡུར་མཐའ་མའི་རྒྱལ་ཁ་ཐོབ་ཆེད་ཁོང་མོར་་ཟླ ༣ ཚེས ༢༨ ཀྱི་ཉིན་གུང་ཆུ་ཚོད ༡༢ བར་མི་མང་གི་འོས་ཤོག་བླུགས་ཆོག་གི་འདུག་ན་མཛེས་མ་བསོད་ནམས་པད་ཆོས་ལ་བོད་མི་ཚོས་ཁ་པར་ཨང་གྲངས 58888 ཐོག་ pfmi son བྲིས་ཏེ་འོས་ཤོག་འཕེན་ཆོག་པ་དང། གཞན་དྲ་ཐོག་ནས་འོས་ཤོག་འཕེན་ན་དྲ་ཐག་འདིར་http://feminamissindia.indiatimes.com/choose_contestants.cms་ཏེ་མོའི་པར་སྟེང་གི voteསྟེང་ཐད་ཀར་བསྣུན་ན་འགྲིག་གི་འདུག

དེ་ལས་མང་བ་། “མཛེས་མ་བསོད་ནམས་པད་ཆོས་ལ་འོས་འཕེན་རོགས།” »

༧གོང་ས་མཆོག

དང་པོ་གནས་ཚུལ་(རང་ལུས་མེར་བསྲེགས)དེ་བྱུང་མ་ཐག་ངོས་རང་བློ་ཕམ་ཞེ་དྲག་བྱུང་། དེའི་སྐབས་BBCགསར་འགྱུར་འགོད་མཁན་ཞིག་དང་ཁ་ཐུག་རྒྱབ་པ་རེད། ཁོང་གིས་དྲི་བ་བཏང་སོང་། སྐབས་དེར་ངོས་ལབ་ཡིན། ད་དེ་ཞེ་དྲག་བློ་ཕམ་པོ་རེད་ལ་དངོས་གནས་དྲང་གནས་སྙིང་སྟོབས་ཀྱང་ཆེན་པོ་ཞེ་དྲག་རེད། ཡིན་ནའང་། དེ་འདྲ་བྱེད་རོགས་བྱས་ལབ་སྟེ་སེམས་ཤུགས་སྤར་བ་དེ་འདྲ་ཁྱོན་ནས་བྱེད་ཀྱི་མེད། དེ་འདྲའི་གཞི་རྩ་དེས་ནུས་པ་ག་ཚོད་ཐོན་མ་ཐོན་དེ་ཐེ་ཚོམ་རེད། དེ་ལྟར་བཤད་ཡིན། དེ་ནས་བཟུང་ངོས་ནས་དེའི་སྐོར་ལ་ཅང་བཤད་ཀྱི་མེད།

ད་ད་ལྟ་ཁྱེད་རང་གིས་ཟེར་བ་དེ་རེད། ད་ངོས་ནས་རང་སྲེག་བཏང་བ་དེ་ནོར་འཁྲུལ་རེད་ལབ་པ་ཡིན་ན། སྙིང་རྗེ། ཤི་མཁན་དེ་དག་གི་ནང་མི་རྣམས་ཀྱིས་༧རྒྱལ་བ་རིན་པོ་ཆེའི་བློ་ལ་འབབ་མི་འདུག་བསམ་ནས་བློ་ཕམ་བྱེད་ཀྱི་རེད། ད་འགྲིག་གི་རེད་ལབ་ན། ཅི་ལྟར་ལབ་དགོས་པ་རེད་དམ། ལབ་ཐུབ་ཀྱི་མ་རེད། ཁག་པོ་ཞེ་དྲག་རེད། ད་དེ་ལས་ཁ་རོག་བསྡད་ན་ཡག་ཤོས་རེད།

གཉིས་ནས་ད་དེ་ཆབ་སྲིད་ཀྱི་གནས་ཚུལ་ཞེ་དྲག་རེད་འདུག དྲི་བ་འདྲི་མཁན་མང་པོ་ཞིག་གིས་ཆབ་སྲིད་ཀྱི་གནད་དོན་ལ་བསྒྱུར་ཆེད་དྲི་བ་གཏོང་གིན་འདུག་གཱ ད་ངོས་ནས་ཆབ་སྲིད་ཀྱི་ལས་ཀ་བཞག་ཚར་བ་རེད། ད་ངོས་རང་ཁ་བཙུམ་ནས་བསྡད་ན་ཡག་ཤོས་རེད། བྱས་ཙང་ཆབ་སྲིད་ཐོག་ང་ཤི་བ་ནང་བཞིན་འདུག་གི་རེད།

དེ་ལས་མང་བ་། “ངོས་རང་ཆབ་སྲིད་ཐད་ཤི་བ་ནང་བཞིན་འདུག་གི་རེད།” »