བཞུགས་སྒར་རྡ་རམ་ས་ལར་གནས་སྡོད་མདོ་སྨད་རེབ་གོང་བ་ཐུན་མོང་གི་ངོས་ནས། རོང་ཆེན་བསྟན་པའི་སྒྲོན་མེ་སྐྱབས་མགོན་ཀིརྟི་རིན་པོ་ཆེ་ཚོགས་དབུར་གདན་འདྲེན་ཞུས་འབྲེལ། ཕྱི་ཟླ་གསུམ་པའི་ཚེས་བཅུ་བདུན་ཉིན་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་ལས་འགུལ་སྤེལ་ནས་འདས་གྲོངས་སོང་བ་རྒྱལ་གཅེས་དཔའ་བོ་བསོད་ནམས་དར་རྒྱས་ལགས་ཀྱི་ཞེ་དགུའི་དུས་ཚིགས་དང་སྟབས་བསྟུན། རྒྱལ་གཅེས་དཔའ་བོ་བསོད་ནམས་དར་རྒྱས་ལགས་ཀྱིས་གཙོས་པའི་དཔའ་བོ་དཔའ་མོ་འདས་གསོན་ཡོངས་ཀྱི་ཆེད་མཆོད་འབུལ་སྨོབ་ལམ་རྒྱས་པ་ཞིག་གོ་སྒྲིག་ཞུས་ཡོད་པར།

དེ་ལས་མང་བ་། “རྡ་སའི་རེབ་གོང་བ་ཐུན་མོང་ནས་མཆོད་འབུལ་སྨོན་ལམ་གོ་སྒྲིག་བྱས་པ།” »

ཐེ་བོ་ཤེས་རབ་རྒྱ་མཚོ།

ཉིན་ཤས་སྔོན་བོད་ཡིག་དྲ་ཚིགས་བཟོ་བཀོད་པ་གྲྭ་བཟོད་པ་དང་གྲགས་པ་གཉིས་ཀྱིས་རང་ངོས་ནས་འགྲོ་གྲོན་བཏང་ནས་ངའི་འབྲི་དེབ་ཅེས་པའི་བོད་ཡིག་གི་དྲ་ཚིགས་གསར་པ་ཞིག་ཤར་གཏོང་བྱས་ཡོད་པ་དང་། ཁོང་གཉིས་ཀྱིས་ངའི་འབྲི་དེབ་དྲ་ཚིགས་གསར་བཟོ་བྱེད་དགོས་པའི་དམིགས་ཡུལ་གཙོ་བོ་ནི། དེང་སྐབས་བོད་ཡིག་གི་དྲ་རྒྱ་མང་པོ་ཞིག་ཡོད་ནའང་། དེ་དག་ལ་ལྟ་ཀློག་དང་འབྲི་རྩོམ་གནང་མཁན་མང་ཤོས་བོད་ཡིག་གི་གནས་ཚད་ཡག་པོ་ཡོད་མཁན་ཞེ་གཅིག་ལས།

དེ་ལས་མང་བ་། “༼ངའི་འབྲི་དེབ༽དྲ་ཚིགས་ཤར་གཏོང་བྱས་པ།།” »

ལྷ་སྡེ་གནམ་ལོ་ཡག་གིས་བསྒྱུར།

ཕྱི་ལོ ༢༠༡༢ལོའི་ཟླ ༤ཚེས ༢༢ཉིན། གྲོང་ཁྱེར་སི་ཊི་ཉིས་ཨ་ཞིས་ཧྥེལ་ས་ཁུལ་དུ་ཨོ་སི་ཁྲི་ལི་ཡའི་རྒྱལ་སྤྱིའི་བོད་རིག་པའི་གླེང་སྟེགས། རྒྱ་ནག་རང་དབང་རིག་གཞུང་ལས་འགུལ་ཁང་དང་སི་ཊི་ཉིས་དུས་གནས་ལྟེ་གནད་གླེང་སྟེགས་བཅས་ཚོགས་པ་གསུམ་མཉམ་འབྲེལ་གྱིས་བརྗོད་གཞིར༼མེ་རླབས་ཁྲོད་ཀྱི་རང་དབང་། བོད་མིའི་ལས་དབང་དང་འབྱུང་འགྱུར་དཔྱད་གླེང༽ཞེས་པའི་ཚོགས་འདུ་བསྡུས་ཤིང་། ཨོ་སི་ཁྲི་ལི་ཡར་བཞུགས་པའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་དང་བོད་རྒྱའི་འབྲེལ་མཐུད་འགན་འཛིན་ལྕམ་སྐུ་ཞབས་ཟླ་སྒྲོན་ལགས། ཨོ་སི་ཁྲི་ལི་ཡ་གཞུང་གི་རྒྱལ་སྤྱིའི་མཐོ་རིམ་བློ་འདོན་པ་ལྕམ Patricia Lyon དེ་མིན་སི་ཊི་ཉིས་བོད་རིགས་མཐུན་ཚོགས་ཀྱི་ཚོགས་གཙོ་ནེས་རྒན་དང་རྒྱུན་ལས་ཁ་ཤས། སི་ཊི་ཉིས་ལ་བཞུགས་པའི་རྒྱ་རིགས་མཁས་པ་དང་དམངས་གཙོ་ལས་འགུལ་བ། སློབ་ཕྲུག་དང་གསར་འགོད་པ། རྩོམ་པ་པོ་དང་བོད་མི་བཅས་ཁྱོན་བསྡོམས་མི་གྲངས ༧༠ལྷག་ཚོགས་ཞུགས་གནང་སོང་།

དེ་ལས་མང་བ་། “བོད་མིའི་མེར་མཆོད་ངོར་རྒོལ་ཐད་དཔྱད་གླེང་ཚོགས་འདུ་བསྡུས་པ།” »

རྩོམ་པ་པོ། ཤབ་བྷན་སཱ་ཤྭི་ནྭ།
སྒྱུར་བ་པོ། རིན་ཆེན་དབང་རྒྱལ།

མ་ཡིག་ལ་གཟིགས་ན་འདི་རུ་བསྣུན།

སྤྱི་གསུམ་པའི་ཚེས ༢༦ ཉིན་གྱི་ཞོགས་པའི་ཉི་འོད་གསང་སྟབས་ཀྱིས་ཁང་པའི་ནང་དུ་འཕྲོས་ཏེ་ཤག་རོགས་རྣམས་གཉིད་ལས་མ་བསླངས་སྔོན་འཇམ་དཔལ་ཡེ་ཤེས་མལ་ལས་ལངས་ཟིན། ཁོང་གིས་ཉལ་གཟན་ལྟེབས་ཚིགས་བརྒྱབ་སྟེ་འབོལ་གདན་སྟེང་དུ་བརྩིགས་ཤིང་ཏ་ལཱའི་བླ་མའི་ཕྱག་དེབ་གཉིས་དེའི་སྟེང་དུ་བཞག་ཡོད། ཕྲེང་ང་ཞིག་མདུན་གྱི་ལྕགས་གཟེར་ལ་བཀལ་ཡོད་པ་དང་སྨྱུག་གུ་གཉིས་སྐུད་པ་དམར་པོ་ཞིག་གིས་དཀྲིས་ཏེ་བཞག་ཡོད། དེ་ནས་ཁོང་གིས་རྒྱབ་ཁུག་ཁུར་ནས་མཱ་ཇཱན་ཊི་ལའི་དགོན་པའི་འཁྲིས་སུ་སོང་སྟེ་ཁ་ཁུ་སིམ་པོས་ཇ་ཁང་ནས་ཇ་བཏུང་བཞིན་བག་ལེབ་བཟས། དེའི་རྗེས་སྤྱི་སྤྱོད་རླངས་འཁོར་ཞིག་ལ་བསྡད་དེ་ཚོུད་འགའ་ཞིག་གི་རྗེས་སུ་ཁོང་ཉིད་མེ་དཔུང་ཞིག་ཏུ་འགྱུར་སའི་ས་གནས་ཇཱན་ཏར་མྭན་ཏར་ལ་སོང་། ཇཱན་ཏར་མྭན་ཏར་ནས་མྱུར་སྐྱོབ་རླངས་འཁོར་ནང་དུ་བཅུག་སྟེ་འགྲོ་སྐབས་ཁོང་གི་དྲན་པ་ད་དུང་ཉམས་མེད།

དེ་ལས་མང་བ་། “རླུང་ཁྲོད་ཀྱི་མར་མེ།” »