བྲོ་འཚལ།
ན་ནིང་དོ་ཚིགས་ལོ་ཡི་ཆར།།
ཆང་ས་སུས་རྒྱག་རང་དབང་རེད།།
ཁ་བཙོག་སུས་བཤད་མཛད་སྤྱོད་ཡིན།།
དེ་བས་སྨྱོན་པའི་རྩ་ཧྲལ་ཚོ།།
སུ་རྒྱག་འདི་རྒྱག་གན་ཚོར་མེད།།
སུ་འདེམས་འདི་འདེམས་ཁོང་ཚོར་མེད།།
ཨ་མ་ཡིན་ཡང་ཆང་ས་རྒྱག།
རྡ་ས་ས་གནས་དབུ་མའི་ལམ་གྱི་རྒྱུན་ལས་གསར་འདེམས་བྱུང་བ།
དབུས་ས་གཉིས་ཀྱི་རྒྱུན་ལས་ལྷན་བཞུགས།
དེ་ལས་མང་བ་། “རྡ་ས་ས་གནས་དབུ་མའི་ལམ་གྱི་རྒྱུན་ལས་གསར་འདེམས་བྱུང་བ།” »
སྙན་ངག་མེ་ལོང་མ་སོགས་བོད་དུ་བསྒྱུར་དུས་ལ་དཔྱད་པ།
ཕྱི་ལོ་ ༡༢༥༡ ལོར་ས་པན་གྱིས་འགྲོ་མགོན་འཕགས་པ་ལ་ཞལ་ཆེམས་བཞག་དོན། “ད་ནི་སངས་རྒྱས་ཀྱི་བསྟན་པ་ཡང་མཆོག་ཏུ་དར་བར་བྱས། བརྒལ་བརྟགས་ཀྱི་སྒོ་ནས་གཏན་ལ་འབེབས་པའི་སྲོལ་བཟང་པོ་བཏོད། ཐ་སྙད་རིག་གནས་ཀྱི་ཚུལ་འདི་ལ་ཡང་ལག་རྗེས་ཆེན་པོ་བྱུང་བས་སེམས་ལ་འཕྲེང་བ་ཆེར་མེད། འོན་ཀྱང་འཕགས་པ་བསྙེན་པར་མ་རྫོགས་པ་དང་། རྟོགས་བརྗོད་དཔག་བསམ་འཁྲི་ཤིང་མ་འགྱུར་བ་དང་། དུས་ཀྱི་འཁོར་ལོའི་རྒྱུད་ཕྲེང་འཛིན་གྱི་ཚིགས་བཅད་བཞིན་མ་འགྱུར་བ་གསུམ་ཙམ་མོ།”[1] ཞེས་གསུངས་ཏེ་རྟོགས་བརྗོད་དཔག་བསམ་འཁྲི་ཤིང་བསྒྱུར་དགོས་པའི་སྐུལ་མ་མཛད།
དེ་ལས་མང་བ་། “སྙན་ངག་མེ་ལོང་མ་སོགས་བོད་དུ་བསྒྱུར་དུས་ལ་དཔྱད་པ།” »
སློབ་དཔོན་ཐོན་མིས་བོད་ཡིག་ཇི་ལྟར་བཟོས་ཚུལ་སོགས།
༼རྩོམ་འཆལ་འདི་ནི་ཕྲན་གྱིས་ ༡༩༩༢ ནས་ ༡༩༩༦ བར་ཕྱོགས་བསྒྲིགས་བྱས་པའི་བོད་ཀྱི་རྩོམ་རིག་གི་བྱུང་བ་བརྗོད་པ་རབ་གསལ་མེ་ལོང་ཞེས་པ་ལས་དྲངས་པ་ཡིན། དོན་ཚན་འགའ་རེ་ད་ཆ་བསམས་སྐབས་ལོ་ཆུང་གི་སྣང་བ་ལ་བརྟེན་ནས་བྲིས་སྟབས་ངོ་ཚ་དགོས་པ་དེ་འདྲ་འདུག འོན་ཀྱང་འདི་སྐོར་ལ་དཔྱད་ཞིབ་པ་རྣམ་པས་དཔྱད་གཞིར་ཕན་ངེས་ཞེས་འདིར་དྲངས་པ་ལགས། དགེ་འདུན་རབ་གསལ་གྱིས།༽
སྐད་ཡིག་གསར་བཟོའི་གོ་རིམ་ལ་བསམ་ཞིབ་བྱེད་སྐབས་ངེས་པར་དུ་རི་མོའི་སྐོར་ལ་བསམ་ཞིབ་མ་བྱས་ཀ་མེད་ཡིན། གང་ཡིན་ཟེར་ན། རི་མོ་ནི་རི་མོ་མཁན་གྱི་འཆར་སྣང་འདྲ་གཟུགས་སུ་བཀོད་ནས་དེ་དག་སྤྱི་ཚོགས་ལ་ངོ་སྤྲོད་བྱེད་པའི་ཐབས་ལམ་ཤིག་ཡིན་པས་རི་མོ་ལ་བརྡའ་སྤྲོད་ཀྱི་ནུས་པ་ཡོད་ཅིང་། རི་མོ་ལ་བརྡ་སྤྲོད་ཀྱི་ནུས་པ་ཡོད་པའི་རིགས་འགྲོས་ཀྱིས་དཔྱད་ན་སྐད་ཡིག་ཀྱང་རི་མོའི་ཁྱབ་ཁོངས་སུ་བསྡུ་ཆོག་པ་ཞིག་རེད།
འགྲོ་བ་མིས་རི་མོ་བཀོད་འབྲི་བྱེད་པའི་ལས་རིམ་ནང་། མིག་གིས་མཐོང་བའི་གཟུགས་དང་རྣ་བས་གོ་བའི་སྒྲ་གཉིས་ཀྱི་འདྲ་དབྱིབས་བཀོད་འབྲི་བྱེད་པ་མ་གཏོགས་རོ་དང་། རེག་བྱ། དྲི། ཡིད་སོགས་རི་མོའི་རྣམ་པར་སྤེལ་ཐུབ་མེད་མོད། འོན་ཀྱང་དེ་དག་རི་མོའི་ནང་དུ་ཆ་ཚང་བར་བསྟིམས་ཐུབ་ཀྱི་ཡོད།
དེ་ལས་མང་བ་། “སློབ་དཔོན་ཐོན་མིས་བོད་ཡིག་ཇི་ལྟར་བཟོས་ཚུལ་སོགས།” »
བར་དོའི་ཕོ་ཉ།
ནམ་མཁའ།
གཞན་གྱི་སྡུག་ལ་དམིགས་པའི་སྙིང་རྗེ་ཆེན་པོ་ལས།།
འཁྲུངས་བའི་འབྲས་བུ་རྒྱལ་སྲས་སེམས་བསྐྱེད་ཉེར་གཉིས་ཀྱི།།
ཕྱུགས་རྫི་ལྟ་བུའི་སེམས་མཆོག་བསྐྱེད་པའི་སྤྱན་རས་གཟིགས།།
མི་ཡི་གཟུགས་ཅན་གངས་རིའི་མགོན་པོ་དེ་ཡིས་སྐྱོངས།།
བདེ་མོ་བྱོས། སླར་ཡང་མཇལ་ཡོང། ༼ཚན་པ་གཉིས༽
གཅན་འོད་འབར།
བདེ་མོ་བྱོས། སླར་ཡང་མཇལ་ཡོང།
ཆེས་མཐའ་མའི་འབབ་ཚིགས་འདི་ནས།
ཆར་བས་བརླན་པའི་ངོ་གདོང་ལ་བྱིལ་བྱིལ་བྱས་ཤིང།
མཆི་མས་གཤེར་བའི་མིག་ཟུང་ལ་འོ་ཞིག་བྱས།
འགྲོ་ལ་ཉེ་བའི་སེམས་མེད་ཀྱི་རླངས་འཁོར་དེ་དང།
རྒྱོ་བཤད་རྟ་ཐོག་མ།
གཡུ་ལུང་་རྣོ་གྲི།
སྐྱེས་ལྷ་ཡུལ་ལྷ་དགྲ་ལྷ་ཚོང་གི་ལྷ།།
འགོ་བའི་ལྷ་དང་སྲིད་པ་ཆགས་པའི་ལྷ།།
ཁྱིམ་གྱི་ལྷ་དང་ཐབ་ལྷ་སྒོ་ཡི་ལྷ།།
བོད་འདི་གྲངས་མེད་ལྷ་ཡི་ཕྱག་གིས་སྐྱོར།།
བརྩེ་དུང་གི་མཐའ།
– གྲོགས་མོ་ཞིག་གི་སྐྱོ་གཏམ་ལས་བཏུས།
འབའ་སྲས།
ཆུ་བོ་རླབས་ཀྱིས་འཕྱུར་བ་དྭངས་ཤིང་།།
ནམ་མཁའ་སྤྲིན་པས་དག་པ་གཙང་ཡང་།།
ལྗོན་ཤིང་ལོ་མ་རྙིད་པ་ལྟ་བུའི།།
ང་ཡི་སེམས་ཀྱི་མཛེས་སྡུག་བོར་སོང་།།
བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་དད་པའི་ཆུ་རྒྱུན།
ཤིང་རྟ།
མ་འདྲིས་འགྲོ་བའི་མཛའ་བཤེས་དྲིན་ཆེན་གྱི་བླ་མས།།
ཕྲ་རགས་ཆོས་ཀྱི་གནས་ལུགས་རྗེན་པ་རུ་གཟིགས་ནས།།
ཟབ་དགུ་ལེགས་བཤད་དད་ལྡན་བགོ་སྐལ་དུ་སྩོལ་མཁན།།
གྲུབ་དབང་ལུང་རྟོགས་རྒྱལ་མཚན་སྙིང་དབུས་ནས་དྲན་ནོ།།
དྲི་མེད་ཐུབ་བསྟན་ཡང་སྙིང་ངེས་གསང་གི་གྲུ་ཆར།།
སྐལ་བཟང་གདུལ་བྱའི་ཡིད་ཀྱི་ཞིང་ས་རུ་ཕབས་པས།།
ཉམས་རྟོགས་འབྲས་བཟང་སྨིན་པའི་དམར་སེར་གྱི་འདུས་སྡེ།།
ས་ཆེན་འགེངས་པའི་མཛད་རྗེས་སྙིང་དབུས་ནས་དྲན་ནོ།།
དེ་ལས་མང་བ་། “བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་དད་པའི་ཆུ་རྒྱུན།” »
ཞོགས་པའི་མགྱོགས་བྲིས།
བྲོ་འཚལ།
སེམས་དང་སེམས་པ་གླན་ནས།།
ཉི་མ་ཟླ་བ་འགོར་ཡང་།།
སྐྱིད་སྣང་བདེ་བོའི་ཚོར་བ།།
ད་རེས་མ་གཏོགས་མ་བྱུང་།།
ས་མཐའ།
རྨེ་རུ།
ཨ་མའི་བུ་ཆུང་ས་མཐའ་ལ་མ་ཡོང་།།
ས་མཐའི་འཚོ་བ་བུ་གཡུག་ཁྲོད་ལ་ཡོད།།
ལོ་ཟླ་གྲངས་མེད་སེམས་ཀྱི་མེ་ཏོག་དེ།།
བུ་གཡུག་ཁྲོད་ནས་བཞད་ཁ་བྱེད་ཐབས་བྲལ།།
ངེད་རང་འདི་ལྟར་འབྲལ་དགོས་བྱུང་།
དགུ་རོང་སྤུན་གྲོལ།
ངེད་དང་སྨྱུག་གསར་དྲ་བར་དོ་སྣང་བྱེད་པའི་བོད་ཕྱི་ནང་གཉིས་ཀྱི་ཡི་གེ་བ་རྣམ་པ་ལགས། ལོ་གཉིས་ཀྱི་སྔོན་ནས་བཟུང་ཁོ་བོ་དྲ་ཐོག་ཏུ་ཞུགས་ནས་རྩོམ་འབྲི་བ་དང་སྒྱུར་པའི་ལས་ཕྲན་ཙམ་རེ་བྱེད་ཞོར་དུ་རང་སེམས་ཀྱི་སྐད་ཆ་འགའ་རེ་གསོང་བོར་བསྙད་ཅིང་འོང་བ་ཡིན། ལྷག་ཏུ་ལོ་གཅིག་གི་སྔོན་དུ་རང་ཉིད་ཀྱིས་འགྲོ་གྲོན་བཏང་ནས་རང་གྲོལ་སྨྱུག་གསར་དྲ་བ་ཞེས་པ་ཞིག་གཙོ་སྒྲུབ་བྱེད་པ་དང། སྲིད་དོན་དཔྱད་རྗོད་ཀྱི་བྲིས་རྩོམ་རེ་འགའ་ཡང་འབྲི་ཁུལ་བྱས་པ་ཡིན། ཡིན་ཀྱང་། བོད་ནང་གི་རང་ལུས་ཞུགས་འབུལ་རྣམས་ཀྱི་བློས་གཏོང་གི་སྙིང་སྟོབས་དེས་བདུན་ཕྲག་གསུམ་གྱི་སྔོན་ནས་བཟུང་ངེད་ལ་དྲི་བ་གསར་པ་ཞིག་བཏང་བྱུང་ལ། ངའི་རྩོམ་དང་བོད་སྤྱི་ཚོགས་གཉིས་ཀྱི་བར་ཐག་ལ་སླར་ཡང་བསམ་གཞིག་གཏོང་དུ་བཅུག་སོང་།
ཆུ་འཛིན་ཡོལ་བས་སྒྲིབ་པའི་མཛེས་ལྗོངས།
བསམ་གླིང་ཚེ་རིང་ལྷ་མོ།
རྒྱང་རིང་རི་གྲོང་སྨུག་སྤྲིན་སྟུག་པོས་སྒྲིབ།།
ཤང་ཤང་ཟེར་བའི་ཆུ་མོའི་སྐད་སྒྲ་ཙམ།།
དར་ལྗང་སྣུམ་པར་ཀླུབ་པའི་ནགས་ལྗོངས་དག།
འདྲེན་བྱེད་ཡུལ་དུ་སྣང་བའི་སྐབས་མ་ཤར།།
བཀའ་ཟུར་ང་ཕོད་ལགས་ཀྱི་གཏམ་བཤད།
དབུ་མའི་ལམ་མི་མང་ལས་འགུལ་ཁང་གི་༼ ཆབ་སྲིད་དཔྱད་གླེང་༽གསར་འཕྲིན་འདོན་ཐེངས་ ༡ ལས་དྲངས།
འཐུས་མི་རྣམ་པ་དང། ཨུ་ཡོན་རྣམ་པ། བློ་མཐུན་རྣམ་པ་ཚོ། ཉིན་ཤས་སྔོན་འགོ་ཚུགས་པའི་སྐབས་ལྔ་པའི་མི་དམངས་འཐུས་མིའི་ཚོགས་ཆེན་གྱི་ཚོགས་འདུ་ཐེངས་གཉིས་པའི་ཐོག་སྐབས་བཅུ་གསུམ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་སྤྱི་བསྒྲགས་དང། བློ་མཐུན་ཏེང་ཞའོ་ཕེན། ལི་ཕུང། ཅང་ཙེ་མིན་སོགས་ཀྱི་གལ་ཆེའི་གསུང་བཤད། བློ་མཐུན་ཧུའུ་ཅིན་ཐའོ་དང་རྡོ་རྗེ་ཚེ་རིང་གིས་ལྗོངས་ཏང་ཨུད་ཀྱི་རྒྱུན་ཨུའི་རྒྱ་ཆེའི་གྲོས་ཚོགས་ཐོག་གནང་བའི་གསུང་བཤད་བཅས་བརྒྱུད་བསྒྲགས་སློབ་སྦྱོང་དང་གྲོས་བསྡུར་གནང་བ་དང། སྲིད་གཞུང་གི་ལས་དོན་དང་འབྲེལ་ཡོད་སྙན་སྒྲོན་གསན་ཐོག་ཚང་མས་རང་ལྗོངས་ཀྱི་ལས་ཀའི་གྲུབ་འབྲས་དང་གནད་དོན་ཟུང་འབྲེལ་གྱིས་གྲོས་བསྡུར་འཁྲུག་པོ་གནང་དང་གནང་མུས་རེད།
ནུབ་ཕྱོགས་འགྲིམ་པའི་གཏམ་རྒྱུད།
རྒྱང་རིང་ནས་ཐོས་པའི་ཨ་རི།
-ནུབ་ཕྱོགས་ཨ་རིའི་རྒྱལ་ཁམས་འགྲིམ་པའི་ཉིན་ཐོ་༣༦༠་ལས་རྒྱང་རིང་ནས་ཐོས་པའི་ཨ་རི་དང་གཞན་དག
ཆུང་དུས་སུ་གློག་བརྙན་བལྟ་དུས། ཀྲུང་གོ་ཚང་དང་མེ་གོ་ཚང་ཞེས་གློག་བརྙན་ནང་གི་མི་དང་ཤོག་ཁག་གི་ལེགས་ཉེས་འབྱེད་ཅིང་། མི་དང་ཤོག་ཁག་ངན་པ་ཚང་མར་ “མེ་གོ་ཚང་”་ལ་བཅད་ནས་བལྟད་མོ་བལྟས་མྱོང་། བྱིས་དུས་ཀྱི་བསམ་བློའི་ཤན་ཤུགས་དེ་དག་གང་ནས་དང་ཇི་ལྟར་བྱུང་མིན་ནི་ངས་མ་བཤད་ཀྱང་ཀློག་མཁན་དག་གི་སེམས་ལ་ཁྲིག་ཁྲིག་ཡིན་ངེས་རེད། གང་ལྟར། ཆུང་དུས་ནས་བཟུང་། ངས་སའི་གོ་ལ་འདིའི་ཐོག་ཏུ་ཨ་རིའི་རྒྱལ་ཁབ་ཟེར་བ་ཞིག་ཡོད་པ་གོ་མྱོང་འདུག་པ་མ་ཟད། དེ་ནི་རྒྱལ་ཁབ་སྟོབས་ཆེན་ཞིག་དང་ཕྱུག་པོ་ཞིག་ཡིན་པའང་ཕལ་ཆེར་གོ་མྱོང་བ་འདྲ། འོན་ཀྱང་། རྒྱལ་ཁབ་དེ་འཛམ་གླིང་ཤར་ནུབ་གང་དུ་ཡོད་མེད་དང་། རྒྱལ་ཁབ་དེ་དང་རྒྱལ་ཁབ་གཞན་གྱི་བར་ལ་མཚུངས་ཆོས་དང་མི་འདྲ་བའི་ཆ་སོགས་གང་དང་ཅི་ཡོད་ནི་བསམ་པའི་ཟུར་ལའང་འཁོར་མྱོང་མི་འདུག
བོད་ཡིག་གི་བདག་པོ་ངོ་མ་སུ་ཡིན་ནམ།
བོད་ཡིག་གི་བདག་པོ་ངོ་མ་དེ་བོད་རིགས་ཚོ་ཡིན་ཟེར་ན་སུས་ཀྱང་དེ་ལ་བདེན་ཁ་སྤྲོད་ངེས་ལ། དོན་ལ་ཡང་དེ་ལྟར་རེད། ཡིན་ན་ཡང་། བསམ་བློ་ཞིབ་མོ་ཞིག་བཏང་ན། བོད་ཡིག་བོད་སྐད་མི་ཤེས་པའི་བོད་རིགས་དེ་ཚོར་”བོད་ཡིག་གི་བདག་པོ་ཡིན་”ཟེར་བའི་སྤོབས་པ་ཡང་ཡོད་རྒྱུ་མ་རེད་ལ། དོན་ལ་ཡང་དེའི་རིགས་ལ་ཁྲིམས་ལུགས་དང་ཀུན་སྤྱོད་གང་ནས་བལྟས་ཀྱང་”བདག་དབང་”གླེང་བའི་ཐོབ་ཐང་ཡོད་མི་སྲིད། སྐད་ཆ་འདིའི་གླེང་སློང་དོན་ནི་་་་་དེང་སྐབས་བོད་སྐད་བོད་ཡིག་མ་སྦྱངས་པར་བོད་སྐད་བོད་ཡིག་ལ་ཞུ་དག་གཏོང་མཁན་མང་པོ་ཞིག་ཡོང་གི་ཡོད་ལ། ལྟོ་གོ་གཏམ་གསུམ་དང་ཕྱོགས་ཞེན་གྱི་དུག་ཆུའི་དབང་དུ་སོང་ནས་དེ་དག་གི་རྗེས་སུ་རྒྱབ་དབུང་དུ་ལངས་མཁན་ཡང་མང་དག་ཅིག་ཡོང་གི་ཡོད་པས་ཡིན།
དྲྭ་འབུ་ཞེས་རྟག་ཏུ་དམོད་མོ་བྱེད་མཁན་འགའ་ལ་སྨྲས་པ།།
སྤྲུལ་དབང་ཆེན།
སྤྱི་ཚོགས་རྨོངས་ཞེན་གླེན་སྐྲན་རྣག་འབུར་ལ།
སྨྱུག་ཁྱུ་གཟུར་གནས་གཙག་བུ་རྣོན་པོས་བཙིར།
བླུན་སྒོམ་ལྷ་འདྲེ་ཡིད་གྱི་ཆོ་འཕྲུལ་གསོད།
སྨྱུག་རྒོད་རྩོམ་པ་སྤྱི་ཚོགས་སྣེ་ཁྲིད་ཡིན།།
དེ་ལས་མང་བ་། “དྲྭ་འབུ་ཞེས་རྟག་ཏུ་དམོད་མོ་བྱེད་མཁན་འགའ་ལ་སྨྲས་པ།།” »
སྐུའི་འཁྲུངས་སྐར་སྲུང་གཙི་དང་སྤེལ་རྗམ་བོད་ཚོགས་སྐབས་དྲུག་པའི་དམ་འབུལ།
གནས་ཚུལ་མཁོ་གཏོང་བ་ས་དཀར་བཀྲ་ཤིས།
ཕྱི་ཟླ་༧པའི་ཚེས་༧ཉིན་སྤེལ་རྗམ་བོད་རིགས་ཚོགས་པའི་གོ་སྒྲིག་འོག་ས་གནས་ཨན་ཁྲིར་ཕན་ནས་༸གོང་ས་མཆོག་དགུང་གྲངས་༧༧ལ་ཕེབས་པའི་སྐུའི་འཁྲུངས་སྐར་གཟབ་རྒྱས་ཤིག་སྲུང་གཙི་བྱས་པ་དང་། མཛད་སྒོ་དབུ་མ་འཛུགས་སྔོན་ལ་རྒྱ་གར་ལྷོ་ཕྱོགས་སེ་ར་བླ་སྤྱིའི་དགེ་འདུན་པ་ཚོའི་མི་མང་ལ་འཆམ་འཁྲབ་སྟོན་གནང་། འཁྲབ་སྟོན་འགྲུབ་རྗེས་སྐུ་པར་མཐོང་གྲོལ་རིན་པོ་ཆེ་ཚོགས་ཁང་དུ་གདན་འདྲེན་གྱིས་མཛད་སྒོ་དབུ་འཛུགས་གནང་།
དེ་ལས་མང་བ་། “སྐུའི་འཁྲུངས་སྐར་སྲུང་གཙི་དང་སྤེལ་རྗམ་བོད་ཚོགས་སྐབས་དྲུག་པའི་དམ་འབུལ།” »
༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་སྲུང་བརྩི་ཞུས་པ་དང་། ཤེས་རབ་གླིང་བོད་སྐད་སློབ་གྲྭ་དབུ་ཕྱེས།
གནས་ཚལ་མཁོ་སྤྲོད་པཿ གངས་འདབས།
རྗར་མེ་ནི་གྲོང་ཁྱེར་Frankfurtནང་རྟེན་གཞི་བྱས་པའི་བོད་ཀྱི་ཤེས་རིག་གི་བསྟེ་གནས་བོད་ཀྱི་ཁང་པའི་ནང་༧ གོང་ས་༧སྐྱབས་མགོན་རྒྱལ་བའི་དབང་པོ་མཆོག་གི་སྐུའི་འཁྲུངས་སྐར་ཟབ་རྒྱས་ཤིག་ཚེས་དྲུག་ཉིན་ཞུས་ཡོད་པ་དང་། དུས་བཟང་དེའི་ཉིན་ཤེས་རབ་གླིང་མིང་དུ་བཏགས་པའི་བོད་སྐད་སློབ་གྲྭ་གཅིག་དབུ་ཕྱེས་བྱས་པ་དང་སྦྲགས་ཚེས་དྲུག་ནས་ཚེས་བརྒྱད་བར་ཁྱོན་ཉིན་གསུམ་རིང་ས་གནས་བོད་མི་ཚོས་འཁྲུངས་ལྷ་དབྱར་གསོལ་དང་།དབྱར་སྐྱིད་བཏང་གནང་སོང་།
ཤར་ལྷོ་བསུ་དཔལ་དུ་༧རྒྱལ་བའི་འཁྲུངས་སྐར་བསྲུང་བརྩི་ཞུས་པ།
གནས་ཚུལ་མཁོ་འདོན་པཿ ས་གནས་བོད་རིགས་ཚོགས་པས་ཚོགས་གཙོ་ངག་དབང་རྡོ་རྗེ།
ཕྱི་ཟླ་ ༧ ཚེས་ ༦ ཚེས་ ༦ ཉིན། ཨ་རིའི་མངའ་སྡེ་བུ་རྒྱས་གནས་ Virginia ཤར་ལྷོ་བསུ་དཔལ་ Charlottesville གྱི་བོད་རིགས་ཚོགས་པའི་བཀོད་སྒྲིག་འོག ཕྱི་ནང་མི་སྣ་བརྒྱ་ཕྲག་ཙམ་མཉམ་འཛོམས་ཀྱིས། ༧གོང་ས་མཆོག་གི་སྐུའི་འཁྲུངས་སྐར་བདུན་བཅུ་དོན་བདུན་པའི་རྟེན་འབྲེལ་མཛད་སྒོ། བོད་ཀྱི་ནང་བའི་ཆོས་ཚོགས་བཀྲ་ཤིས་གླིང་དུ་བསྐྱངས།
དེ་ལས་མང་བ་། “ཤར་ལྷོ་བསུ་དཔལ་དུ་༧རྒྱལ་བའི་འཁྲུངས་སྐར་བསྲུང་བརྩི་ཞུས་པ།” »
