ངྷ་ས་ཚོཊ་སྐྱིད་མཉམ་སྦྲེལ་ཐུན་མོང་གི་གོ་སྒྲིག་འོག དེ་རིང་ཚེས་ ༡༩ ཉིན་གྱི་སྔ་དྲོའི་ཆུ་ཚོད་ ༩།༣༠ ཐོག་བཞུཊ་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། སྟག་ལུང་ཞབས་དྲུང་རིན་པོ་མཆོག་དང་རྣམ་གྲྭ་སློབ་དཔོན་རྣམ་གཉིས་དབུ་བཞུཊ་ཐོག་ངྷ་སའི་ཉེ་འཁོར་གྱི་དགོན་སྡེ་ཁག་གི་གྲྭ་བཙུན་རྣམ་པ་དང་།

དེ་ལས་མང་བ་། “ཚོགས་སྐྱིད་མཉམ་སྦྲེལ་གྱིས་རྟག་ཏུ་མཆོད་འབུལ་སྨོན་ལམ་གནང་བཞིན་པ།” »

ཕྱི་ལོ་ ༢༠༡༢ ཟླ་ ༧ ཚེས་ ༡༧ ཉིན་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བློ་བཟང་བློ་འཛིན་ལགས་ཀྱི་ཕུང་པོ་ཉིན་དེའི་མཚན་མོ་རྒྱལ་རོང་ཚོ་བདུན་ཀིརྟི་དགོན་པའི་ཉེ་འགྲམ་གྱི་ཆུ་ནང་དུ་ཉ་བཞིན་བྱས་ཡོད་ཅིང་། ཉིན་དེའི་ཕྱི་དྲོ་འབར་ཁམས་རྫོང་ཐོག་ནས་མངགས་གཏོང་བྱས་པའི་དྲག་ཆས་ཉེན་པ་སོགས་འབོར་ཆེན་ཞིག་རྒྱལ་རོང་ཚོ་བདུན་དུ་འབྱོར་ཡོད་ཀྱང་ཚོ་བདུན་མི་མང་གིས་རང་ནུས་གང་ཡོད་ཀྱིས་བཀག་འགོག་བྱས་པར་བརྟེན། དགོན་པའི་ནང་དུ་སླེབས་མེད་པར། ཆུའི་ཕར་འགྲམ་དུ་དམག་སྦྱོང་འདྲ་མིན་བྱས་ནས་བསྡད་ཡོད་འདུག ཕྱི་ཚེས་ ༡༨ ཉིན་ཚོ་བདུན་མི་མང་གིས་དགོན་པའི་ནང་དུ་ཕྱག་མཆོད་འབུད་དང་སྐོར་ར་བྱེད་པ་སོགས་དགེ་བའི་ལས་འབད་ཅིང་། ཉིན་གང་བོར་ཚོང་ཁང་དང་ཟ་ཁང་ཚང་མ་སྒོ་བརྒྱབ་སྟེ་མྱ་ངན་གྱི་རྣམ་པ་མཚོན་གང་ཐུབ་བྱས་ཡོད་འདུག

དེ་ལས་མང་བ་། “ཨ་མདོ་རྔ་པའི་གནས་ཚུལ་གསར་པ།” »

དེ་ལས་མང་བ་། “རང་ལུས་མེར་སྲེག་ཐེངས་ ༥༡ པ་དང་བཅས་པའི་ས་ཁྲ” »

དབུ་མའི་ལམ་ལས་འགུལ་ཁང་གི་༼ ཆབ་སྲིད་དཔྱད་གླེང་ ༽འདོན་ཐེངས་གཉིས་པ་ལས་དྲངས།

བཙན་བྱོལ་སྤྱི་ཚོགས་གྲ་འགྲིག་པོ་ཡོད་པ་དང། སྐྱབས་བཅོལ་བའི་སྤྱི་ཚོགས་གཞན་དང་བསྡུར་ན་ཆོས་དང་། འཇིག་རྟེན། སྤྱི་ཚོགས་གང་ཐད་ནས་གྲ་འགྲིག་ཕུན་སུམ་ཚོགས་པ་ཞིག་ཡོད་པ་དེ་དངོས་ཡོད་རེད། དེའི་སྐོར་ལ་བཀའ་གནང་མཁན་ཡང་བྱུང་སོང། འོན་ཀྱང་དེའི་སྐོར་ང་ཚོས་ངེས་པར་དུ་ཐུགས་ལ་གཞག་དགོས་པ་དང་ཐུགས་ལ་ངེས་ཤེས་གསལ་པོ་ཡོད་དགོས་པ་དེ་གང་རེད་ཅེ་ན། བཙན་བྱོལ་སྤྱི་ཚོགས་ཀྱི་གནས་བབ་འདི་འདྲ་བྱུང་བ་དེ་མི་མང་གིས་དཀའ་ལས་བརྒྱབས་ཏེ་ཡོང་བ་ཧ་ཅང་ཉུང་ཉུང་རེད། མང་ཆེ་བ་༧རྒྱལ་བ་རིན་པོ་ཆེའི་ཐུགས་རྗེ་བྱིན་རླབས་དང་འཕྲིན་ལས་ཀྱི་ནུས་པའི་འོག་ཏུ་བྱུང་བ་ཞིག་རེད། དེ་ཡང་བོད་སྤྱི་མཐུན་བསོད་ནམས་ལས་གྲུབ་པ་ཞིག་རེད།

དེ་ལས་མང་བ་། “རྒྱ་གུང་བྲན་དང་དོལ་རྒྱལ་རྗེས་འབྲངས་པ་ལས་ཅུང་ཙམ་ཉེན་ཁ་འདུག” »

མཁོ་འདོན་པཿ ཨ་རིག་འགྱུར་མེད།

ཟླ་འདིའི་ཕྱི་ཚེས་ ༡༥ རེས་གཟའ་ཉི་མའི་ཉིན་གྱི་ཕྱི་དྲོར་ངྷ་ས་མེག་གྷན་ཉིན་སློབ་ཀྱི་རྒྱལ་ཡུམ་ཆེན་མོའི་ཚོགས་ཁང་ནང་། བོད་སྐད་ལྷན་ཚོགས་ཀྱིས་གོ་སྒྲིག་འོག ཉིན་རེའི་འཚོ་བའི་ཁྲོད་ཀྱི་བོད་སྐད་ཅེས་པའི་བགྲོ་གླེང་ཞིག་ཚོགས་པ་དང་། ཐེངས་འདིའི་བགྲོ་གླེང་སྟེང་རྩོམ་པ་པོ་དང་དགེ་རྒན། སྤྱི་འཐུས། གྲྭ་པ། མི་མང་དཀྱུས་མ། སློབ་ཕྲུག ཚོགས་པ་ཁག་གི་འཐུས་ཚབ་མི་སྣ་སོགས་མི་སྣ་དགུ་ཙམ་གྱིས་བོད་སྐད་ཡིག་གི་སྤྱིའི་གནས་བབ་དང་སློབ་གྲྭ་ཁག་དང་དགོན་པ་གྲྭ་ཚང་ཁག གཞི་རིམ་མང་ཚོགས་དང་ཕ་མ། ཚོགས་པ་ཁག་བཅས་ཀྱི་ཁོར་ཡུག་མི་འདྲ་བ་རྣམས་ཀྱི་ཉིན་རེའི་འཚོ་བའི་ཁྲོད་ཀྱི་བོད་སྐད་ཀྱི་གནས་བབ་ཐད་བགྲོ་གླེང་གནང་།

དེ་ལས་མང་བ་། “ཉིན་རེའི་འཚོ་བའི་ཁྲོད་ཀྱི་བོད་སྐད་བགྲོ་གླེང་།” »

ཕྱི་ལོ་ ༢༠༡༢ ཟླ་ ༧ ཚེས་ ༡༧ ཉིན་བོད་མདོ་སྨད་རྔ་པ་བོད་རིགས་རང་སྐྱོང་ཁུལ་འབར་ཁམས་རྫོང་རྒྱལ་རོང་ཚོ་བདུན་ཀིརྟི་དགོན་པའི་གྲྭ་བློ་བཟང་བློ་འཛིན། རང་ལོ་ ༡༨ ཡིན་པ་ཁོང་གིས་བོད་ནང་གི་ཉིན་གུང་དུས་ཚོད་ ༡༢ ཡོལ་ཙམ་ལ་ཚོ་བདུན་ཀིརྟི་དགོན་པའི་གླིང་དཀྱིལ་གྱི་འདུ་ཁང་མདུན་ནས་རང་ལུས་མེར་སྲེག་བཏང་སྟེ་ས་གནས་ཞང་སྲིད་གཞུང་ཕྱོགས་སུ་གོམ་བགྲོད་ཀྱིས་ཕེབས་ཡོད་ཅིང་། ཅུང་ཙམ་ནས་ལུས་ཀྱི་མེ་ཤུགས་ཆེ་རུ་སོང་སྟབས་ས་ལ་འགྱེལ་ནས་འབར་མེ་དྲག་པོའི་ཀློང་དུ་སྐུ་གྲོངས་ཡོད་འདུག

དེ་ལས་མང་བ་། “དེ་རིང་རྔ་པ་ཚོ་བདུན་ཀི་རྟི་དགོན་པའི་གྲྭ་པ་ཞིག་གིས་རང་ལུས་མེར་བསྲེགས་བཏང་འདུག” »