ཨ་རིག་འགྱུར་མེད།
བརྡ་འཕྲིན་དུས་རབས་འདིར་བརྡ་འཕྲིན་མ་ལག་ཅིག་འུ་ཅག་གི་གམ་དུ་ཡོང་རྒྱུ་ནི་ཅི་འདྲའི་མགྱོགས་ཤིང་མྱུར་བ་ཞིག་རེད་ཨང་། ཁྱེད་ཀྱིས་བརྡ་འཕྲིན་མ་ལག་ཅིག་རང་གི་གམ་དུ་ཇི་ལྟར་བསླེབས་པ་མི་ཚོར། གལ་སྲིད་ཚོར་བའི་དབང་དུ་བཏང་ན་སྐབས་དེ་དུས་བརྡ་འཕྲིན་མ་ལག་དེས་ཁྱེད་ཀྱི་ཉེ་འཁོར་ལ་དབང་སྒྱུར་དགའ་རབ་ཅིག་བྱས་ཚར་ཡོད།
དེ་ལས་མང་བ་། “WeChat ནང་གི་གླེང་མོལ་སྣ་ཚོགས། ད་དུང་བོད་ཡིག” »
ཞའོ་སུའུ་ཟེར་མཁན་གྱི་རྒྱ་མི་ལོ་ ༢༩ ཅན་ཞིག་གིས་ ཕྱི་ཟླ་ ༧ ཚེས་ ༢༣ ཉིན་ ཐེ་ཝན་ལ་སྐྱབས་བཅོལ་ཞུས་ཡོད་འདུག ཁོང་གིས་སྐྱབས་བཅོལ་ཞུ་རྒྱུའི་དམིགས་ཡུལ་ཐད་ ང་ཐེ་ཝན་དུ་སྡོད་རྒྱུ་མིན། ང་ཐེ་ཝན་བརྒྱུད་ནས་རྡ་རམ་ས་ལར་སོང་སྟེ་བོད་མི་དམངས་ལ་ཞབས་ཞུ་ཞུ་གི་ཡིན་ཟེར། དེའི་གནས་ཚུལ་རྒྱ་ཡིག་ཐོག་དྲ་རྒྱ་འདི་ན་འདུག http://www.voachinese.com
མཁོ་འདོན་པཿ ཁྲི་གཡུང་དྲུང་།
བོན་གྱི་དཔེ་རྙིང་ལྟ་བའི་ཕྱོགས་སོ་ཞེས་པ་མཚམས་སྦྱོར་ཙམ་ཞུ་བའི་སྐོར།
བན་ཤུལ་དཔལ་མཁར་རྒྱལ།
དེ་ཡང་འཛམ་གླིང་ཤར་ནུབ་ཀྱི་“རིག་གནས་ཀྱི་ཁྲམ་པ”མང་པོའི་གཡོ་ཟོལ་དང་རྐུ་འཕྲོག་ལ་བརྟེན་ནས་བོད་ཀྱི་དཔེ་རྙིང་རྩ་ཆེན་པོ་མང་ཤོས་ཤིག་མེད་བརླག་ཏུ་འགྲོ་བའི་ཉེན་ཁ་ཧ་ཅང་ཚབས་ཆེ་བ་ཞིག་རེད། དཔེར་ན་རྒྱལ་རོང་ཁོག་ནས་ཕྱི་གླིང་བ་ཞིག་གིས་བོན་གྱི་དཔེ་རྙིང་ཤིག་ཀྲུང་སྒོར་ཁྲི་བརྒྱ་ལྷག་གིས་ཉོས་ནས་ཕྱིན་སོང་བའི་གནས་ཚུལ་ཡོད་པ་དང་འདིས་དཔལ་འབྱོར་ལ་བརྟེན་ནས་བོད་ཀྱི་གནའ་དཔེ་མེད་བརླག་ཏུ་འགྲོ་བའི་ངོ་བོ་མཚོན་ནུས་པ་དང་གཞན་རང་རེའི་ནང་ཁུལ་ནས་ཐོབ་ཐང་དང་གཡོ་འཕྲུལ་ལ་བརྟེན་ནས་སྦ་བཞེད་དང་བླ་བཞེད་སོགས་ལྷ་སའི་ནང་འཁོར་གྱི་དཔེ་རྙིང་རྩ་ཆེན་དག་
དེ་ལས་མང་བ་། “བོན་གྱི་དཔེ་རྙིང་ལྟ་བའི་ཕྱོགས་སོ་ཞེས་པ་མཚམས་སྦྱོར་ཙམ་ཞུ་བའི་སྐོར།” »
རྡོ་སྦིས་ཟླ་བ་ཚེ་རིང།
༼དཔེ་སྟོན་ན་ཆུང་ཚགས་པར་གྱི་རྩོམ་སྒྲིག་པའི་གཏམ་དུ་བཀོད་ཡོད།༽
ང་ཚོ་འདི་ལྟར་ལམ་ལ་ཆས་སོང། འཕྱ་དམོད་དང་མིག་ལོག་གི་རུལ་སུངས་འདི་ནས་ང་ཚོས་མེས་པོའི་ཚོའི་ཞབས་རྗེས་ལ་དཔྲལ་ཐོད་བཀོད་ནས་ཆས་སོང་། གཞན་སྐད་དང་གཞན་ཡིག་ལ་སྨྱོ་དྲགས་པའི་དྲན་འཁོར་འདི་ནས་ང་ཚོས་ཀ་ཁའི་མགོ་བོ་དགུང་ལ་བཏགས་ནས་ཆས་སོང། སེམས་བྱུང་དང་ཆ་ལུགས་ལ་ཡིད་རྟོན་དབེན་པའི་རི་གྲོང་འདི་ནས་ང་ཚོས་ཡ་རབས་སྤྱོད་བཟང་གི་ཞལ་ཆེམས་ལ་སེམས་པ་གླན་ནས་ཆས་སོང་མོད། ང་ཚོའི་ལམ་སྣེ་ན་ད་དུང་ཡང་སེམས་ནད་ཀྱིས་གོས་པའི་ཚེར་སྡོང་རྣོན་མངར་ཅན་དག་གིས་བསྐོར་ཡོད་ནའང། ང་ཚོས་ང་ཚོ་ལ་དབང་བའི་མགོ་བོ་འདིའི་འཁོར་རྒྱུག་གི་བར་གླགས་ནས་རང་ཉིད་ཀྱི་རྐང་མཐིལ་ཤུགས་ཀྱིས་འདེགས་ངེས།
རྫ ་ཚེ་རིང་བཀྲ་ཤིས།
དུས་ཐུང་ལོ་ཕྱེད་ཙམ་གྱི་ནང་འདིར་མཁན་རིན་པོ་ཆེ་ཚུལ་ཁྲིམས་བློ་གྲོས་ཀྱི་བཀའ་སློབ་《དུས་ཐོག་ཆར་པ་》འདི་བོད་ཕྱི་ནང་གཉིས་སུ་དེབ་འདི་དཔར་ཐེངས་བཞི་ནས་ལྔ་བར་ཟིན་ཡོད།
འདིར་གསལ་བཤད་ཞུ་རྒྱུ་ཞིག་ནི།མདང་ནུབ་ཕྲན་གྱིས་ངོ་དེབ་ཐོག་དུས་ཐོག་ཆར་པའི་དཔར་གཞི་གསར་པའི་གནས་ཚུལ་སྤེལ་མ་ཐག་གྲོགས་པོ་མང་པོ་ཞིག་གིས་དྲ་རྒྱ་བརྒྱུད་ནས་གང་ནས་ཐོབ་ཀྱི་ཡོད་པ་དང་། ཇི་ལྟར་བླུ་ཉོ་བྱེད་དགོས་པ་སོགས་ཀྱི་བཀའ་འདྲི་གནང་གིན་འདུག་པས་། གལ་ཏེ་རྒྱ་གར་སོགས་ན་ཡོད་པ་ཞིག་ཡིན་ན། ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་ནས་བླུ་ཉོ་གནང་རོགས།རིན་གོང་ཧ་ཅང་འོས་འཚམས་རེད་འདུག
ཁོང་ཚོའི་འབྲེལ་ཡུལ་ནི་བང་ཆེན་ཚགས་པར་ཐོག་གི་འབྲེལ་བ་གནང་ཡུལ་གྱི་ཁ་བྱང་དང་གཅིག་པ་རེད།
དེ་ལས་མང་བ་། “དཔར་ཐེངས་བཞི་པ་གང་ནས་ཐོབ་ཀྱིན་ཡོད་ཅེས་པའི་ལན།” »
རྫ ་ཚེ་རིང་བཀྲ་ཤིས།
དུས་ཐུང་ལོ་ཕྱེད་ཙམ་གྱི་ནང་འདིར་མཁན་རིན་པོ་ཆེ་ཚུལ་ཁྲིམས་བློ་གྲོས་ཀྱི་བཀའ་སློབ་《དུས་ཐོག་ཆར་པ་》འདི་བོད་ཕྱི་ནང་གཉིས་སུ་དེབ་འདི་དཔར་ཐེངས་བཞི་ནས་ལྔ་བར་ཟིན་ཡོད།
འདིར་གསལ་བཤད་ཞུ་རྒྱུ་ཞིག་ནི།མདང་ནུབ་ཕྲན་གྱིས་ངོ་དེབ་ཐོག་དུས་ཐོག་ཆར་པའི་དཔར་གཞི་གསར་པའི་གནས་ཚུལ་སྤེལ་མ་ཐག་གྲོགས་པོ་མང་པོ་ཞིག་གིས་དྲ་རྒྱ་བརྒྱུད་ནས་གང་ནས་ཐོབ་ཀྱི་ཡོད་པ་དང་། ཇི་ལྟར་བླུ་ཉོ་བྱེད་དགོས་པ་སོགས་ཀྱི་བཀའ་འདྲི་གནང་གིན་འདུག་པས་། གལ་ཏེ་རྒྱ་གར་སོགས་ན་ཡོད་པ་ཞིག་ཡིན་ན། ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་ནས་བླུ་ཉོ་གནང་རོགས།རིན་གོང་ཧ་ཅང་འོས་འཚམས་རེད་འདུག
ཁོང་ཚོའི་འབྲེལ་ཡུལ་ནི་བང་ཆེན་ཚགས་པར་ཐོག་གི་འབྲེལ་བ་གནང་ཡུལ་གྱི་ཁ་བྱང་དང་གཅིག་པ་རེད།
དེ་ལས་མང་བ་། “<>དཔར་ཐེངས་བཞི་པ་གང་ནས་ཐོབ་ཀྱིན་ཡོད་ཅེས་པའི་ལན།” »
གནས་ཚུལ་མཁོ་འདོན་པ། སྤྱི་འཐུས་ཀརྨ་ཡེ་ཤེས་ལགས།
བོད་མི་མང་སྤྱི་འཐུས་ལྷན་ཚོགས་ཀྱི་དབུ་ཁྲིད་པའི་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་དང་ས་རྟགས་བསྡུ་འགོད་བརྒྱུད་རྒྱལ་སྤྱིའི་སྤྱི་ཚོགས་དང་། མི་མང་ནས་བོད་དོན་ལ་དོ་སྣང་དང་རྒྱབ་སྐྱོར་ཐོབ་ཐབས་བྱེད་ཀྱི་ཡོད། བོད་དོན་ཞུ་སྙན་དེ་བཞིན་ཕྱི་ལོ་ ༢༠༡༢ ཟླ་ ༡༢ ཚེས་ ༡༠ རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་ཨ་རིའི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་། སུད་སི་གྲོང་ཁྱེར་ཇི་ནི་ཝར་རྟེན་གཞི་བྱས་པའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས། རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་རྒྱལ་ཚོགས་ཀྱི་ཡན་ལག་ལས་ཁང་སོ་སོར་ཉིན་བརྒྱ་དུས་གཅིག་ཏུ་འབུལ་ལམ་ཞུ་རྒྱུའི་དགོས་འདུན་ཁག་ནི།
དེ་ལས་མང་བ་། “བདེན་པའི་མེ་ལྕེ་སྐོར་བསྐྱོད་ཀྱི་དྲ་ཐོག་ས་རྟགས་བསྡུ་འགོད།” »
ཆབ་མདོ་ངག་ཕུན།
བོད་མི་རྣམས་བཙན་བྱོལ་ལ་སླེབས་པའི་ཉིན་ནས་བཟུང་སྟེ་༸རྒྱལ་བ་རིན་པོ་ཆེའི་ཤེས་ཡོན་གྱི་ཐོག་ཏུ་བླ་ན་མེད་པའི་ཐུགས་འཁུར་གཙོ་བཞེས་ཀྱིས་རྒྱ་གར་སྲིད་བློན་མཆོག་ལ་རེ་འདུན་རིམ་ཞུས་ལྟར། སྲིད་བློན་མཆོག་ནས་བོད་མིའི་ཐོག་ཏུ་དགོངས་བཞེས་བླ་མེད་དུ་བཞེས་ནས་བོད་མིའི་སློབ་གྲྭ་ཁེར་གཙང་ཟུར་དུ་བཙུགས་རྒྱུ་དགོངས་བཞེས་ཙམ་མ་ཟད། མཐུན་འགྱུར་གནང་བས་དྲན་གྱི་ད་ལྟ་བར་ང་ཚོའི་བོད་མི་རིགས་ཀྱི་སོན་རྩ་རྣམས་ལ་གནའ་དེང་ཡ་བྲལ་མེད་པར་འཚོ་གནས་གསོ་སྐྱོང་ཐུབ་པ་བྱུང་བ་རེད་ལ། བོད་མི་རིགས་ཀྱི་ནམ་ཡང་བརྗེད་ཐབས་མེད་པའི་ཕན་ཐོགས་རླབས་ཆེན་བྱུང་ཡོད་པ་དེ་རེད།
དེ་ལས་མང་བ་། “གཏན་ཉིན་སློབ་གྲྭ་ཁག་རྩིས་ལེན་ཞེས་པ་ལས་འཕྲོས་པའི་གཏམ།” »
ཤེས་དགས།།
སྐྱིད་ན་སྐྱིད་པོ་དེ་ཡང་མི་གོ་ད་དུང་སྡུག་བསྔལ་ཆེ་མདོག་བཤད།།
སྡུག་བསྔལ་རང་གི་ཐོག་ཏུ་བབས་ན་ལས་རེད་ཟེར་ནས་བསམ་པ་བདེ།།
གོ་ལྡོག་འཇིག་རྟེན་འདི་ཡི་ཆོས་ཉིད་རིམ་པས་རང་གིས་མྱོང་པ་རྣམས།།
བསམ་པའི་ཚེ་ན་གཅིག་པུ་ཡིན་ཡང་དབང་མེད་གད་མོ་དི་རིར་འཆོར།།
མ་འཆོལ་དོན་རྣམས་དཀའ་བ་བརྒྱ་ཡིས་བསྒྲུབས་དགོས་ཤ་རྟག་ཉིད་དུ་མཆིས།།
ཅི་ཕྱིར་གོལ་དང་འཁྲུལ་བ་འདི་ཚོ་མི་དཀའ་བྱེད་སྙིང་འདོད་པ་ཨང་།།
བྱིས་པ་མིན་ཡང་བྱིས་བ་ལྟ་བུར་རང་ཐོག་འབབ་ན་མགོ་བོ་འཐོམས།།
གཞན་གྱིས་དེ་འདྲ་བྱས་པ་མཐོང་ན་མ་འདོད་ཁྲེལ་གད་ཁོང་ནས་འཆོར།།
ཚེ་རིང་རྡོ་རྗེས་བསྒྱུར།
རི་ཛི་ཁན། ར་སྦི་ཡ་ཁཱ་ཌིར་ལགས། ཁྱེད་དང་གླེང་མོལ་བྱ་བར་དངོས་ནས་དགའ་བྱུང་།
རེ་སྦི་ཡ་ཁཱ་ཌིར། ཐུགས་རྗེ་ཆེ།
རི་ཛི་ཁཱན། ཁྱེད་ལ་མི་ཚེའི་གཏམ་རྒྱུད་ཕུལ་དུ་བྱུང་བ་འདུག འོན་ཀྱང་ངས་ཤེས་པ་ལྟར་ན་གཏན་ཚིགས་ཀྱི་རིགས་ལམ་དེ་ཁྱེད་ཀྱི་ཡབ་ཀྱིས་བཤད་པའི་སྒྲུང་ཞིག་སྟེ་གྲོག་མ་དང་བྱེའུ་ཡི་གཏམ་རྒྱུད་ཅིག་ལས་བྱུང་བ་ཡིན་པ་དང་། སྒྲུང་དེ་ང་ལ་གསུངས་དང་།
རེ་སྦི་ཡ་ཁཱ་ཌིར། ང་ཚོའི་ཁྱིམ་ཚང་ནི་ཁྱིམ་ཚང་ཕལ་བ་ཞིག་ཡིན། སྔར་ཨ་ཕས་དུས་རྒྱུན་དུ་ང་རང་ཐེ་བའི་ཕུ་བོ་གཅེན་མོ་དང་ནུ་བོ་ནུ་མོ་ཚོ་ལ་གཤོག་སྒྲོ་ཡི་ང་རྒྱལ་གྱིས་འབུ་གྲོག་མ་ཆུང་ཆུང་ཞིག་ལ་མཐོང་ཆུང་བྱེད་མཁན་གྱི་བྱེའུ་ཡི་སྒྲུང་དེ་བཤད་མྱོང་བ་དང་། སྒྲུང་དེར་འབུ་གྲོག་མས་རང་གི་ཆོད་སེམས་དང་འདུན་པ་ལ་བརྟེན་ནས་མཐའ་མཇུག་བྱེའུ་ལས་རྒྱལ།
མི་ཕམ་ཚངས་ཐིག་གིས།
འཛམ་གླིང་འདིའི་རང་སྲོག་གཏོང་མཁན་རྣམས་བོད་པའི་རང་སྲོག་གཏོང་མཁན་ལ་བསྡུར་ན་བརྒྱ་སྟོང་གི་འགྱུར་གྱིས་མང་། ད་ལྟ་བོད་ཀྱི་ན་གཞོན་གཙོས་སྐྱ་སེར་ཕོ་མོ་རྒན་གཞོན་དབྱེ་བ་མེད་པས་རང་སྲོག་གཞན་དོན་དུ་བཏོང་བཞིན་པ་ཡང་མི་རིགས་དང་རྒྱལ་ཁབ་གཞན་ལ་བསྡུར་ན་ཤིན་ཏུ་ཉུང་། འོན་ཀྱང་བོད་མི་ཚོས་རང་སྲོག་མཆོད་མེ་ལ་ཕུལ་བའི་ངོ་བོ་དང་རྣམ་པ་ནི་འཛམ་གླིང་ན་ཆེས་རྨད་དུ་བྱུང་ཞིང་མངོན་པར་མཐོ་བའི་འགྲན་བྲལ་དང་ལོ་རྒྱུས་གསེར་གྱིས་འབྲི་འོས་པ་ཞིག་རེད།
གངས་ཉི།
ཡོད་ཚད་ལ་ཁ་དོག་རྒྱས་ཞིང་།།
གསར་བྱུང་གི་མྱུ་གུ་འབུས་ཏེ།།
འཇིག་རྟེན་འདི་མཛེས་པའི་ཕྱུག་དུས།།
ཕན་ཚུན་ལ་དམ་དུ་འཁྱུད་མྱོང་།།
དྲན་སྣང་གི་སྡོམ་བུ་འཁྱམས་པོ།།
ངེས་མེད་ཀྱི་ཕྱོཊ་བཞིར་ཉུལ་ནས།།
ལས་དབང་གི་དཀོས་ཐག་དེ་ལ།།
བཟོད་མེད་ཀྱི་ན་ཟུག་སྟོང་ཕྲག།
གཞིས་ཆགས་བུས།
ཕྱི་ལོ་ ༢༠༠༥ ཟླ་བ་ ༡༠ ཚེས་ ༩ ཉིན་དབུ་བརྙེས་ཤིང་ད་བར་ལོ་ངོ་ ༧ འཁོར་ལ་ཉེ་བའི་མེས་དབོན་དཔེ་སྟོན་གཙུག་སློབ་གྲྭ་འདི་ནི་བཙན་བྱོལ་སྤྱི་ཚོགས་ནང་དུ་བསྟོད་པའི་མེ་ཏོག་གཏོར་བ་དང། སྨད་པའི་འཕྱ་ཚིག་གི་མདའ་མོ་འཕེན་ས་ཞིག་ཏུ་འགྱུར་ནས་ཚར་ལོངས་བྱུང་བ་ཞིག་ཡིན། སློབ་གྲྭ་འདི་ནི་ཕྱི་ལོ་ ༢༠༠༢ ལོར་གཏན་ལ་དབབ་པའི་གཞི་རིམ་ཤེས་ཡོན་སྲིད་བྱུས་གསར་པ་གཞིར་བཟུང་ལག་བསྟར་བྱེད་བཞིན་ཡོད་པའི་དཔེ་སྟོན་སློབ་གྲྭ་བརྗོད་ནས་བཙུགས་པ་ཞིག་ཡིན།
ཐེ་བོ་དཀོན་མཆོག་ཤེས་རབ་ཀྱིས།
ཐུགས་རྗེའི་ཤུགས་ཀྱིས་འགྲོ་བའི་གདུང་བ་སྐྱོབ།།
བདག་མེད་གཟིགས་པས་སྲིད་པའི་འཆིང་བ་བཅད།།
སྲིད་ཞིའི་མཐའ་ལ་མི་གནས་ཡིད་ཅན་མགོན།།
ཟླ་མེད་སྟོན་པ་ཤཱཀྱའི་དབང་བོར་འདུད།།
འདུས་བྱས་མཐའ་དག་མི་རྟག་སླུ་བའི་ཆོས།།
ཟག་བཅས་ཐམས་ཅད་སྡུག་བསྔལ་ཉིད་དུ་མཁྱེན།།
ཆོས་རྣམས་མ་ལུས་སྟོང་ཞིང་བདག་མེད་པ།།
མྱང་འདས་ཁོ་ན་ཞི་བ་དགོངས་ལ་འདུད།།
གླུ་མ། རིག་འཛིན་སྒྲོལ་མ། ཟླ་ཚེས། ཟླ་ ༧ ཚེས་ ༢༧ ཉིན། དུས་ཚོད། དགོང་དྲོའི་དུས་ཚོད་ ༥།༣༠ ས་གནས། ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར། འཚོགས་ཡུལ། Memorial…
དེ་ལས་མང་བ་། “ཤེས་ཡོན་གོང་སྤེལ་གྱི་གཏམ་བཤད་གླུ་དབྱངས་དགོང་ཚོགས།” »
བསམ་གླིང་ཚེ་རིང་ལྷ་མོ། 
སྨུག་སྤྲིན་ལང་ལོང་ལྡིང་བ་ཁྱེད།།
རི་ཚོགས་མྱུལ་ནས་ཅི་ཞིག་བྱེད།།
ཁྱེད་ཀྱི་སྙིང་སྡུག་དགའ་མ་དེ།།
ལྗོན་པའི་ཁྲོད་དུ་ལུས་སམ་ཅི།།
སེར་ཤུལ་རིན་ཆེན་དོན་གྲུབ།
མདོ་ཁམས་འཇང་དགུན་ཆོས་གོ་སྒྲིག་ཚོགས་པས་གོ་སྒྲིག་འོག་གངས་ལྗོངས་མཁས་པའི་ལྷན་ཚོགས་ཐེངས་དགུ་བ་འཚོགས་བཞིན་པར་ལྟ་བ།
ངས་ལན་མང་པོར་བསམ་བློ་ཡར་རྒྱས་དང་སྤྱི་ཚོགས་ཡར་རྒྱས། ད་དུང་དགོན་སྡེ་ཡར་རྒྱས་སོགས་གླེང་མྱོང་། ངས་འདི་དག་གླེང་སྐབས་ཀྱི་བསམ་བློའི་གཞི་འཛིན་ས་ནི་ཆོས་དང་འཇིག་རྟེན་གྱི་ཡང་དག་པའི་བྱ་བཞག་དག་ལ་མཆོག་ཏུ་གྱུར་བའི་ལམ་སྟོན་གནང་མཁན་གྱི་ཆོས་ཀྱི་སློབ་དཔོན་དང་མི་ཆོས་སྨྲ་བ་དག་གི་བསམ་བློ་དང་འགྲོ་བ་མིའི་དགོས་མཁོའི་རང་བཞིན་གྱི་ཆོས་ཉིད་ལ་ཉེ་བའི་བསམ་ཕྱོགས་དག་ཡིན། འོན་ཏེ་ངས་རེ་བ་དང་ངང་སྒུག་བྱས་པའི་བསམ་བློ་དེ་ནི་སྐད་གྲགས་ཆེ་བའི་གཙུག་ལག་སློབ་གཉེར་ཁང་དང་། ཆེས་མཐོའི་གཙུག་ལག་སློབ་གཉེར་ཁང་དག་གི་སྒོ་ཆེན་ནས་མ་ཐོན་གོང་ས་ཆ་ཆུང་ཆུང་དང་། དགོན་སྡེ་ཆུང་ཆུང་། སློབ་ཁང་ཆུང་ཆུང་དག་གི་སྒོ་ཆེན་ནས་ཐོན་སོང་།
ཀླུ་སྨྱོན།
—ཆོས་འཁོར་དུས་ཆེན་ལ་ཕུལ་བ།
ནམ་མཁའ་སྔོ་བའི་གནས་དེ་རུ། །
རི་དྭགས་མང་བའི་ནགས་དེ་རུ། །
མེ་ཏོག་འཁྲིགས་པའི་ཚལ་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
ཉི་འོད་དྲོ་བའི་གནས་དེ་རུ། །
རྩྭ་ལྗང་སྐྱེས་པའི་གནས་དེ་རུ། །
ཁ་ཁུ་སིམ་པའི་གནས་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
མཁོ་འདོན་པཿ བོད་ལ་ཞེན། ༧ཤར་རྫའི་རྒྱལ་ཚབ་འཇིགས་མེད་དབང་ཕྱུག གསེར་རྟའི་མཁན་པོ་ཚུལ་ཁྲིམས་བློ་གྲོས། མདོ་སྨད་སྣང་ཞིག་དགོན་ཆེན་གྱི་མཁན་པོ་དགེ་བཤེས་བསྟན་འཛིན་སྨོན་ལམ།
ནགས་ཕྲན་པ་བསོད་ནམས་ཚེ་རིང་གིས།
རྒྱ་ནག་གིས་བོད་བཙན་བཟུང་བྱས་པ་ནས་བོད་ནང་གི་གནས་བབ་ནི་མི་རབས་ནས་མི་བརྒྱུད་ཛ་དྲག་ཆེ་རུ་འགྲོ་བཞིན་ཡོད་པ་དང་། ལྷག་པར་ཕྱི་ལོ་༢༠༠༨ གྱི་ལོ་ནས་བཟུང་བོད་ཆོལ་ཁ་གསུམ་གྱི་ས་ཁྱོན་ཡོངས་སུ་བོད་མི་རྒན་གཞོན་སེར་སྐྱ་ཕོ་མོ་དབྱེ་བ་མེད་པས་ “༸རྒྱལ་བ་རིན་པོ་ཆེ་བོད་ལ་གདན་ཞུ་དགོས་པ་དང་། བོད་རང་བཙན་ཡིན་པ། བོད་ལ་རང་དབང་དགོས་པ། བོད་ལ་འགྲོ་བ་མིའི་ཐོབ་ཐང་མེད་པ་”བཅས་ཀྱི་དགོས་འདུན་དང་འབོད་སྒྲ་གཅིག་གྱུར་བསྒྲགས་ནས་རྒྱ་ནག་ལ་ཞི་བའི་ངོ་རྒོལ་གྱེན་ལངས་བྱས་ཡོད་པ་རེད། དེ་ནས་བཟུང་བོད་ནང་ཁུལ་དུ་སྔ་ན་མེད་པའི་ཆིག་སྒྲིལ་དང་ལ་རྒྱ། སྙིང་སྟོབས་བཅས་ནི་མེ་རུ་བཞིན་འབར་ཏེ་བོད་རང་དབང་སླར་གསོ་བྱ་བའི་ཆེད་དུ་རང་ལུས་མེ་རུ་སྤར་མཁན་(༤༥)ཡང་འཛམ་གླིང་ནང་མང་ཤོས་ཀྱི་གནས་ཚུལ་ཞིག་ཆགས་ཡོད།
དེ་ལས་མང་བ་། “དམིགས་བསལ་ཚོགས་ཆེན་ལ་ཁྲིམས་ལུགས་གྱི་ནུས་པ་ལྡན་དགོས།” »
