ཕྱི་ལོ་ ༢༠༡༢ ཟླ་ ༨ ཚེས་ ༢༤ ཉིན་གནས་ཚུལ་འབྱོར་གསལ་ལ། འདི་ཟླའི་ཚེས་ ༡༤ ཡས་མས་གཅིག་སྒྲིལ་རྫོང་ཁང་གསར་མ་ནས་ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་སངས་རྒྱས། རང་ལོ་ ༣༠ ཙམ་ཡིན་པ་ཁོང་དང་། དེ་བཞིན་འདི་ཟླའི་ཚེས་ ༡༧ ཉིན་རྔ་པ་རྫོང་གཅའ་ཞང་ཕྱུགས་ལས་གོང་མའི་རྒྱ་མཚོ་ཚང་ནས་ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་དཀོན་མཆོག རང་ལོ་ ༤༠ ཡིན་པ་ཁོང་གཉིས་རྔ་པ་རྫོང་ཉེན་རྟོག་པས་སྔ་ཕྱིར་འཛིན་བཟུང་གིས་བཀག་ཉར་བྱས་ཡོད་ཀྱང་ཉིན་དེ་དག་གི་རིང་དུ་གར་ཡོད་ཅི་བྱུང་གི་གནས་ཚུལ་གཅིག་ཀྱང་འབྲེལ་ཡོད་ཚོས་ཤེས་རྟོགས་བྱུང་གི་མེད་ལ། དེ་མཚུངས་ཁོང་གཉིས་འཛིན་བཟུང་བྱེད་དགོས་པའི་རྒྱུ་མཚན་ཅི་ཡིན་ཡང་གསལ་པོ་ཤེས་རྟོགས་མ་ཐུབ།
འཇིགས་པ་མེད་པའི་སེམས།
ཀླུ་སྨྱོན།
སེམས་འདི་དང་པོ་གང་ནས་བྱུང་། །
སེམས་འདི་ཆོས་ཀྱི་དབྱིངས་ལས་བྱུང་། །
ཆོས་དབྱིངས་འདུས་མ་བྱས་ལས་བྱུང་། །
ནམ་མཁའི་ཁམས་ཀྱི་མཐའ་དབུས་ནས། །
ལས་ཀྱི་རླུང་བུ་འཇམ་པོ་ལྡང་། །
དེ་ལ་འོད་ཀྱི་ཐིག་ལེ་འཚེར། །
ཁ་དོག་སྣ་ལྔའི་ཕྲ་ཚོམ་བརྒྱན། །
ཆོས་ཉིད་སྐུད་པར་ལན་གཅིག་བརྒྱུས། །
ཁ་སང་དེ་རིང་་་་་་་་བདག་གིས་ད་དུང་ཡང་འདི་ལྟར་འདོད།
རེབ་ཐོག་མདའ
མེ་ཏོག་སྣ་བརྒྱ་འཛུམ་པའི་རྩྭ་ཐང་སྟེང་ནས།།
སྦྲང་དཀར་རྩྭམ་པ་སྣུམ་པོ་ལྷོད་ཀྱིས་བརྫི་བཞིན།།
ཞོ་དང་འོ་མ་བཏུང་བའི་འཚོ་བའི་ཁྲོད་ནས།།
སྡེབ་སྦྱོར་ཚིག་གིས་ཕྱུག་པའི་སྙན་ངག་བྲིས་ན།།
ལྗང་མདོག་གདན་དུ་བྱས་ཏེ་ངལ་ཞིག་གསོ་བཞིན།།
ན་ཆུང་བུ་མོའི་སྙིང་གཏམ་་ངག་ལ་ཉན་ཏེ།
ཐུལ་དཀར་འབྲུ་མོ་འཚོ་བའི་གཏམ་རྒྱུད་རིང་མོ།།
སྨྱུ་གུ་ལག་ཏུ་བཟུང་ནས་འབྲི་རྒྱུ་བྱུང་ན།།
དེ་ལས་མང་བ་། “ཁ་སང་དེ་རིང་་་་་་་་བདག་གིས་ད་དུང་ཡང་འདི་ལྟར་འདོད།” »
དྲ་ཐོག་ནས་བདེ་འཇགས་མཁོ་ན། (HTTPS)བེད་སྤྱོད་ཐོངས།
“དྲ་ཐོག་ཏུ་། ཁྱེད་རང་གཙོས་བའི་ཁྱེད་ཀྱི་ཉེ་འཁོར་བ་རྣམས་བདེ་འཇགས་ངང་གནས་ཐུབ་པ་ལ། ངེས་པར་དུ(HTTPS) བེད་སྤྱོད་གཏོང་གི་ཡོད་པའི་དྲ་ཐོག་ཞབས་ཞུ་རིགས་འདེམས་དགོས་ཤིང་ཡིད་གཟབ་བྱེད་དགོས་བའི་གནད་དོན་ཁག་སེམས་ལ་ཉོར། ཁྱེད་རང་དྲ་ཐོག་ཉུལ་བའི་སྐབས་སུ་། དྲ་ཚིག་གི་ཁ་བྱང་ལ་བལྟོས། གལ་སྲིད་དྲ་ཚིགས་གི་ཁ་བྱང་དེ་(HTTPS)མ་ཡིན་པར་(HTTP)ནས་འགོ་བཙུགས་ཡོད་ཚེ། ཁྱེད་ཀྱི་དྲ་ཐོག་ལས་ཀར་གཞན་གྱིས་ལྐོག་ལྟ་བྱེད་ཐུབ་གི་ཡོད་པ་ཤེས་དགོས་བ་མ་ཟད་དྲ་ཐོག་ཏུ་ཅི་ཞིག་ལས་དང་ཅི་ཞིག་བཤད་ལ་གཟབ་གཟབ་བྱོས། ད་དུང་དྲ་ཚིགས་གཅིག་པོ་མ་ཡིན་པར་། གློག་འཕྲིན་ནང་འཛུལ་བའི་སྐབས་སུ་ཡང་། གློག་འཕྲིན་རང་བཞིན་ནས་(HTTPS)བེད་སྤྱོད་གཏོང་བ་རྗེ་མེལ་(Gmail)ལྟ་བུ་བེད་སྤྱོད་གཏོང་རྒྱུ་འགོ་ཚུགས། ཡ་ཧོ(Yahoo)སོགས་བེད་སྤྱོད་གཏོང་རྒྱུ་མཚམས་ཞོག གང་ཡིན་ཞེ་ན། དེ་ཚོས(HTTPS)བེད་སྤྱོད་གཏོང་གི་མེད་པ་མ་ཟད་དེ་ཚོའི་བདེ་སྲུང་ཡང་བརྟན་པོ་མེད་།” རྒྱས་པ་འདི་རུ་བསྟུན་ཏེ་སྐར་ཁུང་དྲ་བ་བརྒྱུད་ཀློགས།
བོན་གཞིས་སུ་བདེན་པའི་མེ་ལྕེ་སྐོར་བསྐྱོད་སླེབས་པ།
གནས་ཚུལ་མཁོ་འདོན་པ། ཁྲི་གཡུང་དྲུང་།
ཕྱི་ལོ་༢༠༡༢ཟླ་༨ཚེས་༢༤ཉིན་རྒྱ་གར་བྱང་ཁུལ་གྱི་བདེན་པའི་མེ་ལྕེ་ཤིམ་ལ་རུ་སྐོར་བསྐྱོད་ལེགས་པར་གྲུབ་སྟེ། གོང་ཚེས་ ༢༤ ཉིན་སོ་ལན་བོན་གཞིས་ས་གནས་སུ་འབྱོར་ཡོད་པ་དང་། སྐབས་དེར་བོན་གཞིས་ས་གནས་གཞིས་འགོ་དང་། བོན་གཞིས་ས་འཐུས་ཚོགས་གཙོ། རང་བདེན་ཚོགས་ཆུང་གི་ཚོགས་མི། གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྐུ་ཚབ། བོན་གཞིས་སྨན་རི་གྲྭ་ཚང་གི་སྐུ་ཚབ། བོན་གཞིས་བཙུན་དགོན། ས་གནས་གཞོན་ནུ་ཚོགས་པའི་ཚོགས་གཙོ། བོད་ཀྱི་བོན་པོའི་ཚོགས་པའི་ཚོགས་གཞོན་བཅས་ཀྱི་གྲུབ་པའི་“བོན་གཞིས་ས་གནས་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་གོ་སྒྲིག་ཚོགས་ཆུང་”ནས་ས་གནས་ཨོ་ཇིའི་སྒར་དུ་བདེན་པའི་མེ་ལྕེ་ཕེབས་བསུ་ཞུས་ཡོད་པ་དང་།
དེ་ལས་མང་བ་། “བོན་གཞིས་སུ་བདེན་པའི་མེ་ལྕེ་སྐོར་བསྐྱོད་སླེབས་པ།” »
འཛིན་བཟུང་བྱས་པའི་བོད་མི་གཉིས།
ཕྱི་ལོ་ ༢༠༡༢ ཟླ་ ༨ ཚེས་ ༡༣ ཉིན་རྔ་པ་ཀིརྟི་དགོན་པའི་གྲྭ་ལུང་རྟོགས་དང་མི་སྐྱ་བཀྲ་ཤིས་གཉིས་ཀྱིས་རང་ལུས་མེར་སྲེག་གཏོང་སྐབས་དམིགས་བསལ་ཉེན་རྟོག་པ་སོགས་ཀྱིས་ལྕགས་མདུང་འཛེར་མ་ཅན་སོགས་ལག་ཆ་འདྲ་མིན་བེད་སྤྱོད་བཏང་ནས་མི་མང་ལ་གཅར་རྡུང་དྲག་པོ་བཏང་ཞིང་ཁག་ཅིག་འཛིན་བཟུང་བྱས་པ་ཁག་གི་གྲས་ནས་ཤེས་རྟོགས་བྱུང་བ་ལྷ་སྡེ་འགབ་མའི་བོན་ཁོ་སྐྱིད། རང་ལོ་ ༤༤ ། ཕ་མིང་ལ་ཡར་འཕེལ་ཡིན་པ་དང་། ཇོ་ལེབས་སྡེ་བའི་གཡུང་ཁོ་ཚང་གི་ཆེ་མཆོག རང་ལོ་ ༤༨ ཙམ་ཡིན་པ་ཁོང་གཉིས་ཡིན་ཞིང་།…
བོད་མི་ཞིག་ལ་ལོ་བདུན་གྱི་བཙོན་འཇུག་ཉེས་ཆད་བཅད་པའི་གནས་ཚུལ་ཞིག
ཕྱི་ལོ་ ༢༠༡༢ ཟླ་ ༨ ཚེས་ ༢༠ ཉིན་གནས་ཚུལ་འབྱོར་བར། ཟླ་བ་བརྒྱད་ཙམ་རིང་གར་སོང་ཆ་མེད་དུ་གྱུར་པའི་བོད་མདོ་སྨད་རྔ་པ་རྫོང་ཁ་ཤིས་དགོན་གྱི་ལྷོ་ཡོན་ཏན་རྒྱ་མཚོ་ལགས་ལ་ལོ་བདུན་གྱི་བཙོན་འཇུག་ཉེས་ཆད་བཅད་འདུག
དེ་ཡང་འདི་ནས་ཤེས་རྟོགས་བྱུང་བར། རྔ་པ་རྫོང་བློན་ཙང་ཞང་ཁཱ་ཤིས་སྡེ་བའི་ལྷོ་ཚང་གི་ཁཱ་ཤིས་དགོན་གྱི་གྲྭ་ལྷོ་ཡོན་ཏན་རྒྱ་མཚོ། རང་ལོ་ ༣༧ ཡིན་པ་ཁོང་ལོ་སྔོན་མའི་ཕྱི་ཟླ་ ༡༠ ཚེས་ ༡༨ ཉིན་རྔ་པ་རྫོང་མཁར་ནས་གློ་བུར་གར་སོང་ཆ་མེད་དུ་གྱུར་པ་ནས་བཟུང་ཟླ་དྲུག་ལྷག་རིང་ཤི་གསོན་གྱི་གནས་སྟངས་གང་ཡིན་ཤེས་རྟོགས་བྱུང་མེད་ཀྱང་།
དེ་ལས་མང་བ་། “བོད་མི་ཞིག་ལ་ལོ་བདུན་གྱི་བཙོན་འཇུག་ཉེས་ཆད་བཅད་པའི་གནས་ཚུལ་ཞིག” »
ཨུ་རུ་སུའི་མངའ་ཁོངས་བྷོ་རེ་ཡ་ཐུར་བོད་རིགས་ཚོགས་པ་གསར་འཛུགས།
གནས་ཚུལ་མཁོ་གཏོང་བ་ཀརྨ་བསྟན་འཛིན།ཕྱི་ལོ་༢༠༡༢།༨།༢༠་ཉིན་ཨུ་རུ་སུ་སྤྱི་མཐུན་རྒྱལ་ཁབ་ཀྱི་མངའ་ཁོངས་བྷོ་རེ་ཡ་ཐུར་བོད་རིགས་ཚོགས་པ་གསར་འཛུགས་གནང་ཡོད་པ་རེད། བྷོ་རེ་ཡ་ཐུའི་མངའ་སྡེ་ནི་ཨུ་རུ་སུའི་མངའ་ཁོངས་ཀྱི་ནང་པ་མང་ཤོས་ཤིག་ཡིན་ལ། ཆོས་དང་རིག་གཞུང་། ལོ་རྒྱུས་སོགས་ཀྱི་ཐད་ནས་བོད་དང་འབྲེལ་བ་གཏིང་ཟབ་ཡོད་པ་ཞིག་ཡིན། ༸གོང་ས་སྐུ་ཕྲེང་༡༣་པའི་མཚན་ཞབས་ངག་དབང་རྡོ་རྗེ་ཡབ་དང་། སྒོ་མང་མཁན་ཟུར་ངག་དབང་ཉི་མ་སོགས་ཀྱང་ས་གནས་འདིར་འཁྲུངས་པ་ཡིན།
ཕྱི་ལོ་༢༠༠༩་ལོར་རྒྱལ་ས་མོ་སུ་ཁོར་གནས་བཞུགས་དབུས་བོད་མིའི་སྒྲིག་འཛུགས་ཀྱི་དོན་གཅོད་ངག་དབང་རབ་རྒྱས་ལགས་ཆེད་ཕེབས་ཀྱིས་ས་གནས་བོད་རིགས་མི་མང་ཚོགས་སྐོང་གནང་བ་ཡོད་པ་དང་། ས་གནས་འདིར་འབྲེལ་མཐུད་པ་ཞིག་དགོས་གལ་གསུང་དོན་བཞིན་སྒོ་མང་རྒན་དགེ་འདུན་ཚོགས་ཞུགས་པ་ཡོངས་ཀྱི་མོས་མཐུན་བཞིན་འབྲེལ་མཐུད་པར་བསྐོ་བཞག་གནང་ཡོད་འདུག་ལ། དགེ་བཤེས་བྱམས་པ་འཕྲིན་ལས་སོགས་ཀྱིས་བོད་རིགས་སྤྱི་མཐུན་ཚོགས་པ་ཞིག་དགོས་གལ་ཐབས་ཤེས་གནང་ཡོད།
དེ་ལས་མང་བ་། “ཨུ་རུ་སུའི་མངའ་ཁོངས་བྷོ་རེ་ཡ་ཐུར་བོད་རིགས་ཚོགས་པ་གསར་འཛུགས།” »
༧གོང་ས་མཆོག་གི་བཀའ་དགོངས་མ་རྟོགས་སམ།
མི་ཕམ་ཚངས་ཐིག
ཕྱི་ལོ་༢༠༡༡ལོར་བཙན་བྱོལ་བོད་གཞུང་ཟེར་བའི་ཐ་སྙད་དེ་འཇིག་རྟེན་འདི་ནས་ཆོས་ཀྱི་དབྱིངས་སུ་གཤེགས་པ་རེད། རྒྱལ་ཁབ་༣༠ ལྷག་ཏུ་ཡུལ་གྱལ་དུ་སྡོད་ཡོད་པའི་བོད་མི་སེམས་ཤུགས་དང་ལ་རྒྱས་ཕྱུག་པ་ཀུན་གྱིས་མི་ལོ་༦༠ མ་ཟིན་ཙམ་གྱི་རེ་སྨོན་དང་རྨི་ལམ་དེ་ཚེ་ལས་འདས་པའི་ཚོར་སྣང་བྱུང་བ་རེད། བོད་བསྟན་སྲིད་གཉིས་ཀྱི་ཆེད་དུ་ཚེ་སྲོག་སོང་བ་ཀུན་གྱི་རྣམ་ཤེས་དག་གིས་ངུ་འབོད་བྱས་པའི་ཚོར་གདུང་ཞིག་རང་བཞིན་ངང་གིས་བྱུང་། ལྷག་བསམ་དང་ལ་རྒྱ་ཡིས་ཕྱུག་པའི་གངས་རིའི་ལྕམ་སྲིང་ཀུན་གྱིས་ཁྲག་དང་མིག་ཆུ་ནི་དྲྭ་རྒྱ་ཁག་མ་གཏོགས་ཕྱི་ས་གཞན་ཞིག་གང་ན་ཡོད། དེའི་སྐབས་ཀྱི་ཆབ་སྲིད་མི་སྣས་བབ་ཅོལ་དང་ནང་འགལ་གྱི་གསུང་བཤད་མང་དུ་གནང་སྟེ། ཉོག་རིང་བསྐྱར་ཟློས་ཟད་མེད་ཀྱི་ལབ་བརྡོལ་ལོ་ངོ་ཕྱེད་གཉིས་རིང་མ་རྫོགས་ཀྱང་དོན་འབབ་ས་ཞིག་མེད་པ་གཟུར་གནས་བློ་ལྡན་ཀུན་གྱིས་ཤེས་གསལ་རེད།
བསེ་རུའི་མགུར།
(ཞང་སྣང་གིས་ཁྱུང་པོ་སྤུང་སད་ཟུ་རྩེར་བླངས་པའི་མགུར་ལན་ཅིག་བཀླགས་རྗེས། མགུར་འདི་འདྲ་ཞིག་རྩོམ་འདོད་འདུན་པ་ཤུགས་དྲག་ཏུ་སྐྱེས་སྟབས། ཤར་མར་ཐལ་ལོ།།)
རྒྱལ་ཁབ་ཎི་དགྲ་བོས་འཕྲོག།།
གཞིས་བྱེས་ནི་གཉིས་སུ་གྱེས།།
བོད་འབངས་ནི་གདུང་བས་མནར།།
ཀླ་ཀློས་ནི་བྲོ་གར་འཁྲབ།།
ས་མཐའ་ནི་མྱ་ངམ་ཐང་།།
སྤུན་ཟླ་ཎི་སྐོམ་པས་གདུངས།།
རེ་སྒུག་ནི་ལོ་ཟླར་སྦྲེལ།།
སྐྱོ་གདུང་ནི་མགུར་གླུར་གྱེར།།
རྒྱ་ནག་གི་བརྡ་འཕྲིན་ལྕགས་རིའི་ཕ་རོལ་དུ།
དེ་རིང་ངས་གོང་གི་གནད་དོན་དེ་གནས་རིམ་གཉིས་(༢,༠)ཡར་སྤར་ནས་ཞིབ་འཇུག་བྱེད་རྒྱུ་ཡིན། ད་ལྟ་ང་ཚོ་རྒྱ་ནག་མི་མང་ནང་དྲ་རྒྱ་བེད་སྤྱོད་གཏོང་མཁན་ས་ཡ་ ༥༠༠ ལྷག་ཡོད་ལ་དེ་ནི་འཛམ་གླིང་འདིའི་ནང་གི་རྒྱལ་ཁོངས་གཅིག་ལ་བརྩིས་ན་དྲ་རྒྱ་བེད་སྤྱོད་གཏོང་མཁན་གྱི་གྲངས་འབོར་ཆེས་མང་ཤོས་དེ་ཆགས་ཡོད་ལ། ད་དུང་ད་ལྟའི་རྒྱ་ནག་གི་དྲ་རྒྱ་ཡོད་ཚད་གཞུང་གི་སྟངས་འཛིན་འོག་ཏུ་ཡོད་མེད་ལ་མ་ལྟོས་པར་རྒྱ་ནག་གི་དྲ་རྒྱའི་ཁྱབ་ཁོངས་མུ་མཐུད་དུ་རྒྱ་ཆེ་ནས་ཆེ་རུ་འགྲོ་བཞིན་ཡོད་པ་རེད། ཁྱེད་ཀྱིས་རྒྱུ་མཚན་དེ་ཅིའི་ཕྱིར་ཡིན་ཤེས་སམ། དེ་ཧ་ཅང་ལས་སླ་བོ་རེད། དཔེར་ན། ཁྱེད་ཚོར་གྷོས་གྷུལ་(Google)ཡོད་ལ་ང་ཚོ་རྒྱ་ནག་མི་མང་ལ་པེ་ཏོས་(Baidu)བཟོས་ཡོད། ཁྱེད་ཚོར་གྲེ་འགྱུར་(Twitter)ཡོད་ལ་ང་ཚོར་བེས་པོ(Weibo)བཟོས་ཡོད། ཁྱེད་ཚོར་ངོ་དེབ་(Facebook)ཡོད་ལ་ང་ཚོར་རན་རན་(Renren)བཟོས་ཡོད། ཁྱེད་ཚོར་ཡོས་གྲུབ་(Youtube)ཡོད་ལ་ང་ཚོར་ཡོས་གོས་(Youku)དང་ཐོས་དོ་(Tudou)གཉིས་བཟོས་ཡོད། མདོར་བསྡུས་ནས་བཤད་ན་རྒྱ་ནག་གཞུང་གིས་རྒྱལ་སྤྱིའི་རང་དབང་ཅན་གྱི་དྲ་རྒྱ་གཅིག་ཀྱང་མ་ལུས་པར་ཡོངས་སུ་བཀག་རྗེས་ཁོ་ཚོ་རང་ཉིད་ཀྱི་སྟངས་འཛིན་འོག་དྲ་རྒྱ་ཚང་མ་རེ་རེ་བཞིན་དཔེ་བཤུས་བྱས་ནས་རྒྱ་ནག་ནང་ཡོངས་ཁྱབ་བཀོལ་སྤྱོད་བྱེད་བཞིན་ཡོད། རྒྱས་པ་འདི་རུ་བསྣུན་ཏེ་སྐར་ཁུང་དྲ་བ་བརྒྱུད་ཀློགས།
བལ་ཡུལ་ན་ཡོད། བན་ལོག་བྱས་མེད།
བོན་རྒྱ་བསྟན་འཛིན་རབ་རྒྱས།
དེ་ནས་རང་ཉིད་ཀྱིས་རྒྱུན་དུ་སེམས་ངལ་གསོ་སའི་མཐོང་ཡངས་ཐེམ་ཐོག་གོང་མ་སྟེ། གླག་རྒོད་ཀྱི་གཤོག་སྒྲོ་ལྟ་བུའི་བྱ་འདབས་དེར་བུད་ནས། རྒྱང་རིང་བའི་དྲ་གྲོགས་དག་དྲན་པའི་སེམས་ཚོར་དྲག་པོ་དང་བཅས་ཁོད་ཡངས་པའི་ནམ་མཁའ་ལ་ལྟ་དུས། ཐལ་སྨུག་གིས་གཡོགས་པའི་སྟོང་བའི་ཁམས་སུ་ཟླ་ཕྱེད་ཟ་རུ་ཟགས་ཤིང་། ཟླ་ཕྱེད་ཀྱང་རྡུལ་སྨག་གི་དཀྱིལ་འཁོར་ན་འགག་སྟེ་བགྲོད་དཀའ་བའི་ཚད་ན་ཡོད་པ་མ་ཟད། དེ་རིང་སྟོང་སང་གི་ནམ་མཁའ་འདིའང་རང་གི་ངོ་གདོང་ལ་ཐོལ་གྱིས་འཐིབ་ནས་ཡོང་བའི་སྣང་བ་ཞིག་ཤར་ཞིང་། དངངས་པ་ལྟ་བུ་ཞིག་གིས་གློ་བུར་དུ་ཧད་སེ་བཏང་སོང་།
བུ་མོར་ལང་གཅིན་གཏོང་བྱེད་ཅིག་དགོས་ཀྱི་འདུག །
ཟླ་ཀླུང་།
བུ་མོ་ནི་སྤྱི་ཚོགས་འདིའི་གལ་ཆེའི་གྲུབ་ཆ་ཡིན་ཅིང་བུ་མོ་དང་འབྲེལ་བ་གཏན་ནས་མེད་པའི་མི་ཞིག་མི་སྲིད་པའི་ཕྱིར་ན། རབ་ཏུ་བྱུང་བའི་གང་ཟག་ཅིག་ཡིན་ནའང་བུ་མོར་སེམས་ཁུར་དགོས་པ་ཡིན། རྒྱུ་གཏན་བུ་མོ་རྣམས་བུ་བཞིན་གཅིན་པ་གཏོང་སྟབས་བདེ་བོ་མེད་ལ། ཆ་རྐྱེན་ཞན་པའི་མི་མང་འཛོམས་སར་དཀའ་ངལ་ཅི་བས་ཆེ་བ་སྟེ། འཕོངས་ཚོས་དང་མཚན་མ་མཐོང་ཉེན་ཡོད་ཕྱིར་ངོ་ཚ་སྨིན་པོ་ཡིན་པའི་བུད་མེད་དག་ཤི་ལ་ཁད་པའི་མཚེར་སྣང་གིས་གཏོང་དགོས་ཐུག་གི་ཡོད་ཅིང་ཡར་མར་རྒྱུ་འགྲུལ་བྱེད་པ་ན་ཆུ་ཡང་ཧ་ལམ་འཐུང་ཕོད་ཀྱི་མེད།
དེ་ལས་མང་བ་། “བུ་མོར་ལང་གཅིན་གཏོང་བྱེད་ཅིག་དགོས་ཀྱི་འདུག །” »
སེམས་ཀྱི་འཇིགས་པ།
སེར་ཤུལ་རིན་ཆེན་དོན་གྲུབ།
གླང་ཆེན་སྟོང་ཕྲག་གིས་ནུས་ཤུགས་ངོམ་གྱུར་ཅིང་།།
གཅན་གཟན་གཏུམ་པོ་ཡིས་མཆེ་སྡེར་བགྲད་སོང་ཡང་།།
འཇིགས་པའི་ངར་སྐད་ཀྱིས་ས་གཞི་གང་གྱུར་ཀྱང་།།
བདག་སྙིང་འཇིགས་སྐྲག་གི་བྲེལ་བ་ཅི་ཡང་མེད།།
རྡུལ་མཚོན་ནུས་ཤུགས་ཀྱིས་བང་རིང་བསྒྲིགས་ཀྱང་རུང་།།
དྲག་པོའི་རུ་དཔུང་གིས་མཚོ་ཆེན་བརྡོལ་ཡང་ཆོག །
སྟོང་གསུམ་བླ་འོག་གི་འགུལ་སྐྱོད་བྱེད་གྱུར་ཅིང་།།
བདག་ལ་འཇིགས་སྣང་གི་ཚོར་བ་སྐྱེས་མ་གྱུར།།
སེམས་ནས་ངུས་པ།
མེ་མཆོད་ང་གཅིག་པར་སྨོན་ལམ་འདོན་སྐབས་ཀྱི་སེམས་འགྱུ།
གཡུ་དྲུག་དཀར། རྡ་ས།
མེ་མཆོད་ཀྱི་དཔའ་སྐད་འཇིགས་ཡེར་ཡེར་བ་དེ་ཁེར་རེ་ནས་གཉིས་རེ་བྱས་ཏེ་མཚམས་མ་ཆད་པར་གྲགས་འོང་བའི་ཉིན་འདི་དག་ལ། ད་དུང་ཡང་། ཕྱི་རོལ་གྱི་ཐོག་ཁང་མཐོན་པོའི་ནང་གི་རྐུབ་སྟེགས་མཐོན་པོ་དག་གི་ཕྱོགས་སུ་རྣམ་ཤེས་གཏད་ཚེ། ཁོང་ཚོ་ནི་རྡོ་ཕ་བོང་ཞིག་གམ། ཕ་བོང་མང་པོ་ཞིག་སྤུངས་ནས་བཞག་སྟེ་བདོ་བ་བཞིན་གྲགས་མེད་འགུལ་མེད་དུ་གནས་པས། མཚོ་མོ་ལས་ཟབ་ཅིང་། གངས་རི་ལས་མཐོ་བའི་ང་ཡི་མེ་མཆོད་ཀྱི་སྐྱོ་སྡུག་རྡོ་ལ་འཐིམ་གྱིན་པ་རེད་དམ། ང་ཚོས་ཡིད་ཆེས་རྡོ་ལ་བཅོལ་ནས། སེམས་པ་རྡོ་ལ་གླན་ནས། ང་ཚོས་དོན་ངོ་མར་སུ་ཡིས་ཀྱང་ཤེས་མེད་ཚོར་མེད་ཅིག་ཡིན་པ་ཤེས་བཞིན་གྱི་ཕ་བོང་སྐོར་ཞིག་ལ་རང་གི་སྐྱོ་སྡུག་བརྗོད་པ་རེད་དམ།
པདྨ་ཚེ་བརྟན་ལགས་ཀྱིས་བོད་ཡིག་ནང་བྲིས་པའི་བརྩམས་སྒྲུང་དེབ་གཉིས་པ་གྲོང་ཁྱེར་གྱི་འཚོ་བ་ཐོན་ལ་ཡོད་པ།
༼ལྕགས་མོ་འཚོ་ལགས་ཀྱིས་གདོང་དེབ་བརྒྱུད་རྩོམ་ཡིག་འདི་སྤེལ་འདུག་པ་འདིར་དྲངས་པ་ཡིན།༽ བོད་མིའི་རིག་གནས་དྲ་རྒྱའི་སྟེང་གནས་ཚུལ་བཀོད་པ་ལྟར་ན། བོད་ཀྱི་གློག་བརྙན་འཁྲིད་པ་པདྨ་ཚེ་བརྟན་ལགས་ཀྱིས་བོད་ཡིག་ནང་བརྩམས་པའི་༼གྲོང་ཁྱེར་གྱི་འཚོ་བ་༽ཞེས་པའི་བརྩམས་སྒྲུང་འབྲིང་ཐུང་བཅུ་ཁ་ཞིག་གཅེས་བཏུས་ཀྱི་དཔེ་དེབ་ཅིག་བོད་ལྗོངས་མི་དམངས་པར་སྐྲུན་མི་འགྱངས་པར་འགྲེམ་སྤེལ་བྱེད་རྒྱུ་རེད། དཔེ་དེབ་དེའི་རྩོམ་སྒྲིག་པ་རྡོ་སྦིས་ཚེ་རིང་རྡོ་རྗེ་རེད། དཔེ་དེབ་དེ་ནི་པདྨ་ཚེ་བརྟན་ལགས་ཀྱིས་བོད་ཡིག་ནང་བརྩམས་པའི་བརྩམས་སྒྲུང་དེབ་གཉིས་པ་དེ་ཡིན་ཞིང་། ཁོང་གི་བོད་ཡིག་ནང་བརྩམས་པའི་དཔེ་དེབ་དང་པོ་༼བསླུ་བྲིད་༽ཅེས་པ་སྤྱི་ལོ་༢༠༠༩ལོར་མཚོ་སྔོན་མི་རིགས་དཔེ་སྐྲུན་ཁང་གིས་འགྲེམ་སྤེལ་བྱས་པ་དང་། དུས་རབས་ཉེར་གཅིག་པའི་བོད་རིགས་རྩོམ་པ་པོའི་དཔེ་ཚོགས་ཞེས་པའི་ཁྲོད་ཀྱི་གཅིག་ཡིན་འདུག པདྨ་ཚེ་བརྟན་ལགས་ཀྱིས་བོད་ཀྱི་གློག་བརྙན་འཁྲབ་ཁྲིད་པ་དང་འཁྲབ་གཞུང་རྩོམ་འབྲིའི་ལས་ལ་གཞོལ་བའི་དུས་མཚུངས་སུ། རྩོམ་རིག་གསར་རྩོམ་བྱེད་པའང་རྒྱུན་འཁྱོངས་ཏེ། ད་ལྟའི་བར་བོད་རྒྱ་ཡིག་རིགས་གཉིས་ནང་བྲིས་པའི་བརྩམས་སྒྲུང་དང་། འགྱུར་རྩོམ་སོགས་དཔེ་དེབ་དྲུག་ཙམ་འགྲེམ་སྤེལ་པར་སྐྲུན་བྱས་ཡོད་པ་རེད།
ཤུ་་་་་་་་་་་་་་་་་
རང་སེམས་རང་གིས་གསོ་གིན་ལོ་ཟླ་འདས།།
གཞན་ཡུལ་གཞན་བསྟུན་འཚོ་བའི་འགལ་རྐྱེན་མང་།།
བོད་དོན་བོད་ཡུལ་བསམ་གྱིན་ལུས་པོ་བསྒུར།།
མི་ཚེ་མི་ཡུལ་འདི་ནས་རྫོགས་མཁན་མང་།།
གཞིས་ཀྱི་རེ་བའི་རྣམ་ཤེས་བྱེས་སུ་འབྱོར།།
བྱེས་ཀྱི་ལང་ཚོའི་མཛེས་སྡུག་གཞིས་སུ་བཅོལ།།
མཚན་མོར་འཛུམ་པའི་མེ་ཏོག་ནི།།
བསམ་གླིང་ཚེ་རིང་ལྷ་མོ།
མཚན་མོར་འཛུམ་པའི་མེ་ཏོག་ནི།།
ཀུ་མུད་གཅིག་པོ་ག་ལ་ཡིན།།
ཟླ་བའི་མཛེས་པ་ཁོ་ན་ཡིས།།
སྐྱེངས་ནས་ཡིབ་སྟེ་བཞད་པ་མང་།།
འཛུམ་པ་རྒྱས་པའི་ཟླ་འོད་ནི།།
ཆུ་འཛིན་སེང་ནས་ལྐོག་ཏུ་བཞད།།
མཛའ་གཅུགས་ཟབ་པའི་ཀུ་མུད་ཀྱིས།།
ཚེམས་ཕྲེང་གེ་སར་ཡང་ཡང་ངོམ།།
ང་བོད་ལ་འགྲོ་རྒྱུར་ངོ་གནོང་གི་འདུག
FP: འོན་ཀྱང་པེ་ཅིན་ནི་སྔར་བཞིན་ཁྱེད་ཀྱི་ཁྱིམ་རེད། གལ་ཏེ་ཁྱེད་རང་འདིར་པེ་ཅིན་དུ་ཡོད་པ་ཡིན་ན། ཁྱེད་རང་འགྲོ་ས་གང་ཞིག་ཡིན་རྒྱུ་རེད། AW: དེ་ནི་ནང་ལ་འདུག་མཁན་རྣམས་མི་མིན་པའི་ཁྱིམ་ཞིག་རེད། དེ་དཀའ་ངལ་རེད། ཁྱིམ་ཞིག་ཡིན་ན་འཚོ་བ་དབུལ་པོ་ཡིན་ཡང་དེར་སྐྱོན་མེད། གང་ལྟར་ཁྱིམ་དེ་རང་ཉིད་ལ་བདག་པ་ཞིག་ཡིན་པས་དུང་ཞེན་སྐྱེ་ཆོག་གི་རེད། དེ་ལྟ་བུའི་ཁྱིམ་དེས་མི་རྣམས་ཀྱི་མྱོང་སྣང་དང་། ཞེན་སེམས། ཕྱིར་དྲན། རེ་བཞག ཕུགས་བསམ་བཅས་མངོན་པར་མཚོན་ཐུབ། འོན་ཀྱང་ཆབ་སྲིད་དང་གནས་ཚུལ་སྣ་ཚོགས་ཀྱི་རྐྱེན་པས་པེ་ཅིན་དུ་མི་མང་པོ་ཞིག་གར་སོང་ཆ་མེད་དུ་འགྱུར་བཞིན་ཡོད།…
བཙན་བྱོལ་བོད་ཀྱི་ཆེ་བ་དང་རྒྱ་གར་གྱི་བཀའ་དྲིན།
ཨོ་རྒྱན་ཉི་མ།
སྤྱིར་བཏང་ཆ་ནས་བཤད་ན་འཛམ་བུ་གླིང་འདིར་རང་ཡུལ་ཤོར་ཞིང་། མི་ཡུལ་དུ་སྐྱབས་བཅོལ་བར་འགྲོ་མཁན་བོད་མི་གཅིག་པུ་མ་ཡིན་པར། མི་རིགས་གཞན་པ་ཡང་མང་པོ་རེད། དེ་ཚོ་ཚང་མ་རྒྱལ་ཁབ་དང་། མི་རིགས་གཞན་པའི་འོག་ཏུ་སྡོད་ཅིང་། དེ་དག་གིས་གནས་གོས་ཟས་མལ་གང་སྤྲོད་ལ་ལོངས་སུ་སྤྱོད་ཅིང་། གང་བཤད་ལ་ལག་ལེན་བསྟར་ཏེ་གནས་ཡོད་པ་ལས། རང་ཡུལ་ལུང་པ་ནང་བཞིན་ཡོད་ཚད་རང་ལ་དབང་མཁན་གྱི་སྐྱབས་བཅོལ་བ་ཞིག་ཁག་པོ་རེད། བོད་པ་ཚོ་ལ་མཚོན་ན་ས་ཕྱོགས་གང་དུ་སོང་ཡང་མི་རིགས་གཞན་དང་མི་འདྲ་བའི་དོ་སྣང་དང་། ངོས་ལེན་ཞུས་མཁན། རོགས་རམ་གནང་མཁན་མང་པོ་རེད། དེ་དག་ཚང་མ་བོད་པའི་རིག་གཞུང་དང་། ཡབ་མེས་ཚོའི་ཡ་རབ་སྤྱོད་བཟང་གིས་བསྐྲུན་པའི་ཕུལ་དུ་བྱུང་བའི་ཁྱད་ཆོས་ཀྱི་ཆ་ཤས་ཤིག་ཀྱང་ཡིན་པར་མཐོང་།
དེ་ལས་མང་བ་། “བཙན་བྱོལ་བོད་ཀྱི་ཆེ་བ་དང་རྒྱ་གར་གྱི་བཀའ་དྲིན།” »
