བྱམས་པ་ལྷུན་གྲུབ་ཀྱིས་དབྱིན་ཡིག་ནས་བོད་སྒྱུར་བྱས།
སྦྱར་པར་དེ་ཡིས་བུ་མོ་སྤུན་གཉིས་དེས་ཆུ་འབོག་རྒྱབ་དུས་ཀྱི་གནས་སྟངས་ཇི་ལྟར་ཡོད་མེད་ང་ལ་སྟོན་གྱི་འདུག་ལ། ཁོ་མོ་གཉིས་རེ་རེ་བཞིན་ངའི་ཨ་མའི་ཕྱག་རེར་འཇུས་ནས་འདུག བུ་མོ་ཆེ་བ་དེ་ལོ་བཅུ་གཉིས་སམ་དེ་ལས་ཆེ་ཙམ་ཞིག་འདུག ཁོང་མོ་གསུམ་ཆ་ཙོག་གེར་ལངས་ཏེ་སྐྲ་གསེབ་ནས་འཛུམ་དམུལ་དམུལ་ངང་། ལག་པར་པར་ཆས་ཐོགས་པའི་ཨ་ཁུའི་ཕྱོགས་སུ་བལྟས་ནས་འདུག ངའི་ཨ་མའི་ཞལ་རས་ནི་ཆེས་ཡིད་དུ་འོང་བ་ཞིག་འདུག་ལ། དེ་ནི་ང་མ་སྐྱེ་གོང་ལ་བརྒྱབས་པའི་པར་ཞིག་རེད། ཁོང་ཚོའི་འཇིགས་སུ་རུང་ལ་སྐད་ཅིག་མའི་རྐང་པ་དེ་དག་བཀྲུས་སའི་མཚོ་དེ་ནི་ད་ཆ་ཡང་གཏན་ནས་འགྱུར་མེད་པ་ཞིག་ཏུ་སྣང་།
