རས་པ།
ང་ཚོས་ཧིན་རྡི་དང་དབྱིན་ཡིག་གི་ནང་དུ་ཕྱི་ལོ ༢༠༠༩ ནས་ ༢༠༡༢ ཟླ་ ༡༡ ཚེས་ ༨ བར་བོད་ནང་གི་བོད་མི་༦༩ ཡིས་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་བྱས་པའི་གནས་ཚུལ་བྲིས་ཏེ། རྒྱ་གར་གྱི་གྲོང་ཁྱེར་ཆེ་ཁག་གཉིས་དང་། དམིགས་གསལ་གྱིས་ golden temple དང་ Jallianwala Bagh གཉིས་གཙོ་བོར་བྱས་པའི་མི་མང་འདུ་འཛོམས་ཆེ་ཤོོས་ཀྱི་ས་གནས་ཁག་ཅིག་ལ་བོད་ཀྱི་ད་ལྟའི་དངོས་ཡོད་གནས་ཚུལ་ངོ་སྤྲོད་ཀྱི་ཡིག་ཆ་བཀྲམས་པ་ཡིན།
དེ་ལས་མང་བ་། “ཉིན་གཉིས་ཀྱི་བོད་གནས་མཁོ་སྤྲོད་ཀྱི་ལས་འགུལ། (པར)” »
གནས་ཚུལ་མཁོ་སྤྲོད་པ། ཨ་རིག་དགེ་མཐོང་།
ཁ་སང་སྤྱི་ཟླ་བཅུ་གཅིག་པའི་ཚེས་བཅུ་གཅིག་གི་རེས་གཟའ་ཉི་མའི་གུང་སེང་དང་སྟབས་བསྟུན་གྱིས་ཝཱ་ཎའི་མཐོ་སློབ་ཀྱི་དགེ་ལུགས་ཚོགས་པས་གོ་བསྒྲིགས་གནང་སྟེ། བོད་ནང་གི་དཔའ་བོ་དཔའ་མོ་བོད་བསྟན་པ་ཆབ་སྲིད་ཀྱི་སླད་དུ་རང་སྲོག་བློས་གཏོང་གནང་མཁན་དག་གི་ཆེད་དུ་བསྔོ་བ་སྨོན་ལམ་དང་། མཆོད་འབུལ་ཞིག་དགེ་ལྡན་ཆོ་འཕྲུལ་སྨོན་ལམ་ཆེན་མོའི་འཛིན་སྐྱོང་བསྟི་གནས་ཁང་བོད་དགོན་བཤད་སྒྲུབ་འདོད་རྒུ་འཁྱིལ་དུ་འཚོགས་སོང་ལ། དེར་ཝཱ་ཎའི་དགེ་སློབ་གཉིས་དང་གདན་ས་གསུམ་གྱི་འཐུས་ཚབ་དགེ་འདུན་པ་དག་གཙོས་སྐྱ་སེར་ཉིས་བརྒྱ་ལྷག་འཛོམས་ཏེ་སྐྱབས་འགྲོ་སེམས་སྐྱེད་དང་སྨོན་ལམ་རྣམ་ལྔ། དེ་བཞིན་བླ་མ་མཆོད་པའི་ཆོ་ག་དང་འབྲེལ་བའི་ཚོགས་རྒྱས་པ་ཞིག་བཏང་ཞིང་བསྔོ་བ་སྨོན་ལམ་གང་རྒྱས་གང་སོང་།
དེ་ལས་མང་བ་། “ཝཱ་ཎར་མཆོད་འབུལ་སྨོན་ལམ་རྒྱ་ཆེ་ཞིག་འཚོགས་སོང་།” »
སྤྱི་ལོ་ ༢༠༡༢ ཟླ་བ་ ༡༡ ཚེས་ ༡༡ ཉིན་ནོར་གླིང་ས་གནས་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་འཆི་མེད་དགའ་ཚལ་གླིང་གི་དགེ་འདུན་པ་དང་བཙུན་དགོན་སྒྲོལ་མ་གླིང་གི་དགེ་འདུན་པའི་གཙོས་ནོར་གླིང་ས་ཁུལ་གྱི་བོད་རིགས་སེར་སྐྱ་ཐུན་མོང་ནས་འཆི་མེད་དགའ་ཚལ་གླིང་དགོན་པར། སྤྱི་ཚེས་ ༡༠ ཉིན་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་ལུས་མཆོད་མེར་ཕུལ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ་སྨོན་ལམ་ཞིག་ཚོགས་ཡོད།
དེ་ལས་མང་བ་། “ནོར་གླིང་ས་ཁུལ་དུ་དཔའ་བོ་མགོན་པོ་ཚེ་རིང་ལགས་ཀྱི་ཆེད་དུ་མཆོད་འབུལ།” »
༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།
༼༡༽ དཔའ་བོ་སྙིང་དཀར་བཀྲ་ཤིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ།
དེ་རིང་རེབ་གོང་སྒྲོ་རོང་པོ་ནས་རང་ལོ་ ༢༤ ཡིན་པ་སྙིང་དཀར་བཀྲ་ཤིས་ཞུ་བ་ཞིག་གིས། “རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག” ”བོད་ལ་རང་དབང་དགོས”ཞེས་སྐད་འབོད་དང་བཅས་ཏེ། རང་ལུས་མེར་བསྲེགས་བཏང་ནས་འདས་གྲོངས་ཕྱིན་འདུག
སྙིང་དཀར་བཀྲ་ཤིས་ནི་ཕ་བཀྲ་ཤིས་རྣམ་རྒྱལ་༼རང་ལོ་ ༤༧༽་དང་མ་མཁའ་འགྲོ་འཚོ་༼ལོ་བཞིའི་གོང་ཚེ་ལས་འདས་འདུག༽གཉིས་ཀྱི་བུ་ཡིན་པ་དང་། སྙིང་དཀར་བཀྲ་ཤིས་ཀྱི་སྐྱེས་དམན་གྱི་མིང་ལ་འབྲུག་མོ་ཚེ་རིང་༼ལོ་ ༢༣༽ཡིན་འདུག་ལ། སྙིང་དཀར་བཀྲ་ཤིས་ཀྱི་ཨ་མ་འདས་རྗེས་ཁོང་གི་ཨ་ཕས་སྐྱེས་དམན་གཞན་ཞིག་དང་གཉེན་སྒྲིག་ཡོད་པ་དེའི་མིང་ལ་ལྷ་མོ་མཁར་ཟེར་གྱི་ཡོད་འདུག
བསམ་གླིང་ཚེ་རིང་ལྷ་མོ།
སྡོང་པོ་ལོ་མའི་འཁུར་གྱིས་རབ་ལྕི་ཞིང་།།
ལྡེམ་ལྡེམ་གར་སྟབས་སྤྲོ་བའི་ཤུགས་དང་བྲལ།།
ལྷིང་འཇགས་ནགས་ཀྱི་འཇོལ་མོའི་ཅ་ཅོ་ཡང་།།
མྱ་ངན་གདུང་བས་ཀྱི་ཧུའི་སྒྲ་དང་མཚུངས།།
གངས་རིའི་ཉི་མས་བསྒྱུར། དཔལ་ལྡན་རྒྱལ་གྱིས་བརྩམས།(Duke University)
ཟླ་བ་ཁ་ཤས་ཀྱི་སྔོན་ནས། ངས་རྒྱུན་ལྡན་རང་ཉིད་གཉིད་དུ་མ་སོང་གོང་སང་ཉིན་བོད་ནང་དུ་འཇིགས་སྣང་ཆེ་བའི་རང་ལུས་མེར་སྲེག་གི་གནས་ཚུལ་ཡང་བསྐྱར་མི་ཡོང་བའི་སྨོན་ལམ་རྒྱབ་ཀྱི་ཡོད། ངའི་སྨོན་འདུན་ནི་ལན་གང་ཡང་མེད་པ་ཞིག་ཆགས་སོང་། དེ་རིང་སླར་ཡང་ངའི་ཕ་ཡུལ་རྔ་བ་སི་ཁྲོན་དུ་ན་གཞོན་གྲྭ་བ་ཞིག་གིས་རང་ལུས་མཆོད་མེར་ཕུལ་འདུག
ནམ་མཁའ།
གངས་ལྗོངས་རྫ་ཆུ་བསིལ་མ།།
རྫས་སྦྱོར་དུག་ཆུས་སྒྱུར་སོང་།།
ཉམ་ཆུང་ཉ་མོ་སྐྱོ་ཡང་།།
སྐྱོབ་མཁན་གཅིག་ཀྱང་མི་འདུག །
གྲིབ་གཟུགས།
དང་པོ།
དེ་རིང་ནི་ནམ་ཟླ་གྲང་མགོ་ཚུགས་ཟིན་པའི་སྟོན་མཇུག་གི་ཉི་མ་ཞིག་རེད། གཏེར་རི་ལུང་པའི་ཡུལ་མི་རྣམས་ནི་ནམ་ཟླའི་གྲང་ངར་ལ་མི་འཛེམ་པར་ཤག་ཐང་དཀྱིལ་གྱི་གཙང་ཆུ་ལ་ཟམ་པ་འཛུགས་པའི་ལས་ལ་བྲེལ་ཟིང་ངང་འགུལ་བཞིན་འདུག མ་གཞི་ཤག་ཐང་ནི་ཆུ་རྡོ་དང་བྱེ་མས་གང་ཞིང་དུས་བཞིའི་ཁྲོད་རྦ་རླབས་གནམ་ལ་འཕྱོ་བའི་གཙང་ཆུ་བཞུར་སའི་ཁོད་སྙོམས་པའི་ས་རྒྱ་ཆེན་པོ་ཞིག་ཡིན་མོད། དེ་ན་དབྱར་དུས་སུའང་རྩྭ་ལྗང་ཞིག་ཧ་ལམ་མཐོང་རྒྱུ་མེད།
ཕྱི་ལོ་༢༠༡༢ ཟླ་༡༡ ཚེས་༡༠ ཉིན་གནས་ཚུལ་འབྱོར་གསལ་ལ། འདི་ཟླའི་ཚེས་༧ ཉིན་ཨ་མདོ་རྔ་པ་ནས་རང་ལུས་མེར་སྲེག་གཏོང་མཁན་རྒྱལ་གཅེས་དཔའ་བོ་གསུམ་གྱི་ནང་ནས་རང་ལོ་༡༥ ཡིན་པའི་གྲྭ་རྡོ་རྗེ་ལགས་གནས་ཚུལ་བྱུང་ས་རང་ནས་སྐུ་གྲོངས་ཡོད་ཅིང་། ཁོང་གི་ཕུང་པོ་རྒྱ་གཞུང་གིས་བཙན་ཁྱེར་བྱས་ཏེ་ནང་མིར་སྤྲད་མེད་ལ། ཕྱི་ཚེས་༨ ཉིན་ཁོང་གི་རུས་ཐལ་ཡིན་ཟེར་ནས་ཐལ་ལ་ཞིག་ནང་མིར་སྤྲད་པ་མ་གཏོགས་གཞན་གང་ཡང་སྤྲད་མེད་པ་དང་།
བཀྲ་ཤིས་དོན་འགྲུབ།
དགོན་མིན་དགོན་པར་བཏགས་པའི་གྲོང་བརྡལ་ནས།།
དབུ་སྐྲ་མཚོན་ལ་དྲངས་པའི་གྲྭ་རྒོད་དག།།
བྱེས་ལ་གཞིས་ཆགས་ཟེར་བའི་གྲོང་གསེབ་ཏུ།།
ངེས་འབྱུང་ཞལ་ཁ་བསྒྱུར་བ་ཇེ་མང་རེད། །
——སློབ་གྲྭ་དང་སློབ་གྲོགས་
༼བོད་ཀྱི་དུས་བབ་དྲ་ངོས་ནས་འདྲེན་བཀོད་ཞུས།༽
ཕྱི་ཚེས་ ༡༠ ཉིན་མདོ་སྨད་ཨ་མཆོག་ཀླུ་ཤོད་སྐེད་སྡེ་བའི་རྒྱལ་གཅེས་དཔའ་བོ་མགོན་པོ་ཚེ་རིང་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་སྟེ་སྐུ་གྲོངས་འདུག
ཁ་སང་ཕྱི་ཚེས་ ༡༠ ཉིན་གྱི་ཕྱི་དྲོ་བོད་ནང་ཆུ་ཚོད་ ༢ དང་སྐར་མ་ ༢༠ ཙམ་གྱི་སྟེང་། མདོ་སྨད་ཨ་མཆོག་སྨད་དམ་ཀླུ་ཤོད་སྐེད་སྡེ་བའི་རང་ལོ་ ༡༩ ཡིན་མགོན་པོ་ཚེ་རིང་ལགས་ཀྱིས། ཀླུ་ཤོད་ཁུང་རུ་ཐང་ངམ་བཤད་སྒྲུབ་དར་དགོན་པའི་གླིང་ནས་རང་ལུས་མེར་བསྲེགས་བཏང་སྟེ།
དེ་ལས་མང་བ་། “ཚེས་ ༡༠ ཉིན མདོ་སྨད་ཨ་མཆོག་ཏུ་རང་ལུས་མེར་བསྲེགས།” »
སོག་མདའ་གཡུ་མགོན་པོ་སྐྱབས།
ཕྱི་དྲོ་མཚམས་སྤྲིན་ནུབ་རིའི་ཕར་ཕྱོགས་སུ་ཡོལ་དུས།།
ཨ་མའི་ནུབ་ཚ་སྐོལ་ནས་ཨ་ཕ་ལ་སྒུག་ཀྱང་།།
ཕ་ལོ་ཕྱིར་ཡོང་མེད་པའི་དགོང་མོ་དེ་བསམ་ན།།
ཡ་ཆུང་སྙིང་གི་དཀྱིལ་ལ་ཚ་ཤུར་ཞིག་བརྒྱབ་སོང་།།
ཉེ་ལམ་ངྷ་ས་དབུས་སྨན་རྩིས་ཁང་གི་འཛིན་སྐྱོང་སྡེ་ཚན་གྱིས་སྨན་རྩིས་ཁང་གི་དཔལ་འབྱོར་ཉམ་ཆག་དང་འཛིན་སྐྱོང་འཐུས་ཤོར་དུ་མི་འགྲོ་བར་སྔར་ལས་ཚཊ་ཚུད་ཡོང་ཆེད། སྨན་རྩིས་ཁང་གི་སྨན་པ་ཚོས་སྒེར་ངོས་ནས་ནད་པར་བརྟག་དཔྱད་གཏོང་བ་དང་སྨན་སྤྲོད་པ། སྒེར་ངོས་ནས་ཕྱི་རྒྱལ་དུ་བསྐྱོད་དེ་སྨན་ཚོང་འགྲེམས་བྱེད་བཞིན་པའི་གནས་བབ་ཐོག་བཅོས་བསྒྱུར་བཏང་ཡོད་སྟབས། ཁ་སང་ཕྱི་ཚེས་ ༧ ཉིན་འདི་གའི་གསར་འགོད་པས་སྨན་རྩིས་ཁང་གི་འགན་འཛིན་ཕུ་རི་ཚེ་རིང་བཀྲ་ཤིས་ལཊ་སུ་གནས་སྟངས་དེའི་ཐད་བཀའ་འདྲི་ཞུས་པ་ཞིག་བོད་ཀྱི་དུས་བབ་དྲ་ངོས་སུ་སྤེལ་འདུག གནས་ཚུལ་རྒྱས་པ་གཤམ་གྱི་སྦྲེལ་ཐག་འདི་ནས་གཟིགས་རོགས།
ས་དཀྱིལ་ཚེ་བཀྲ།
ཉི་མ་འདི་ཚོར། གནམ་ངོ་རབ་རིབ་ཀྱིས་དཔྱིད་རླུང་ལྡང་གིན་འདུག
དཔྱིད་རླུང་ལྡང་བའི་ཉི་མ་འདི་ཚོར། ཉེ་འཁོར་འདིའི་ཡུལ་མི་ཚོས་བསུན་སྣང་དང་ཉམ་ཆུང་གི་མིག་ཟུང་གིས་སུ་ཞིག་ལ་ལེ་བདའ་བྱེད་ཀྱིན། སུ་ཞིག་ལ་དམོད་མོ་གཏོང་གིན། ཡང་ན། མཁར་གྲོང་དང་སྲང་ལམ་གྱི་བཞི་མདོ་རེ་རེ་ན་གཟེབ་ནང་གི་འདབ་ཆགས་ཚོགས་མིག་གིས་འཚོ་བའི་མེ་ལོང་དམར་པོ་དག་མེད་ས་ན། སྐྱོ་སྡུག་གི་མཆི་མ་ཁོག་ལ་བསྙིལ་ནས་སུ་ཞིག་ལ་ངུ་ངག་གིས་མཆིལ་ཞགས་འཕེན་སྙིང་འདུག
སྤོབས་པ་མཐའ་ཡས།
དེང་དུས་སུ་དམག་སྦྱོང་ལ་ཁ་གཡར་ནས་མགོ་ལོག་གི་ཚོ་སྡེ་འགའི་སྐྱེས་པ་ཚང་མར་དྲག་རྡུང་བྱས་འདུག དེ་ནི་རྒྱ་དམར་གཞུང་ཨུ་ཐུག་པའི་གཡོ་ཐབས་ཤིག་ཡིན། ནག་ཉེས་མེད་བཞིན་དུ་མི་མང་པོ་ཞིག་ལ་གཅར་རྡུང་བྱས་ན་མི་མང་པོ་ཞིག་ཁོང་ཁྲོའི་དབང་དུ་གྱུར་ནས་དྲག་པོའི་ཡ་ལན་རྒྱ་ཆེ་ཙམ་ཞིག་སློག་པའི་རེ་བ་རྒྱག་བཞིན་ཡོད། དེ་ནི་སྔོན་དུས་སུ་རྒྱ་གར་མི་མང་གིས་འཚེ་མེད་ཞི་བའི་ལས་འགུལ་ལ་དབྱིན་ཇིས་གཡོ་ཐབས་འདི་ཐེངས་མང་པོར་བྱས་པས་བྱང་ཆུབ་སེམས་དཔའ་གྷན་དྷེས་འཚེ་མེད་ཞི་བའི་ལས་འགུལ་ལ་བཟོད་སྒོམ་གལ་ཆེ་ཚུལ་གྱི་བཀའ་སློབ་མང་དུ་གནང་ཡོད། རྗེས་སུ་ལྷོ་ཨ་ཧྥི་རི་ཁར་ཡང་མི་མང་གི་ཞི་རྒོལ་ལ་སྲིད་གཞུང་གིས་རུ་སྒྲིག་མཚོན་ངོམ་རྒྱ་ཆེན་པོ་བྱེད། དེ་དག་ནི་དྲག་སྤྱོད་བཙན་འཛུལ་བ་ཨུ་ཐུག་པའི་རང་མདོག་སྟོན་བཞིན་ཡོད་པ་རེད།
བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། ། དཀའ་བ་བརྒྱ་ཕྲག་བསྒྲུབས་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
རྒྱ་གཞུང་སྐབས་ ༡༨ པའི་ཚོགས་འདུ་དང་སྐབས་བསྟུན་ནས། མགོ་ལོག་རྨ་ཆེན་རྫོང་སྡོམ་ཁོག་ཞང་དུ་དྲག་རྡུང་དམག་སྦྱོང་ལས་འགུལ་ཞིག་སྤེལ་ཏེ། ལོ་ ༡༥ ནས་ ༦༥ བར་གྱི་སྐྱེས་པ་ཚང་མར་གཅར་རྡུང་བྱས་ཡོད་འདུག ཕྱི་ཟླ་ ༡༠ ཚེས་ ༢༤ ནས་བཟུང་རྒྱ་གཞུང་གིས་མགོ་ལོག་ཁུལ་རྨ་ཆེན་རྫོང་གི་ཞང་སོ་སོའི་ནང་དྲག་རྡུང་ལས་འགུལ་ཞིག་སྤེལ་མགོ་བརྩམས་ཡོད་པ་དང་། ཕྱི་ཟླ་…
གནས་ཚུལ་མཁོ་གཏོང་བཿ བསོད་ནམས།
ཕྱི་ཟླ་༡༡པའི་ཚེས་༨ཉིན་རེབ་གོང་མདོ་བ་ལྡོང་ངེ་སྡེ་བའི་ཕ་གཅོད་པ་སྐྱབས་དང་མ་བདེ་མཆོག་སྐྱིད་གཉིས་ཀྱི་བུ་སྐལ་བཟང་སྦྱིན་པ་ལགས་ཀྱི་ཁྱིམ་དུ་ཡུལ་ཕྱོགས་གང་ས་ནས་མྱ་ངན་དང་གདུང་སེམས་མཉམ་བསྐྱེད་ཆེད་མི་མང་གང་མང་ཕེབས་དང་ཕེབས་བཞིན་འདུག་ལ། དེ་ཡང་བོད་ནང་ནས་འབྱོར་བའི་གནས་ཚུལ་ལྟར་ན། ཉིན་འདི་གར་རེབ་གོང་མདོ་བ་ཞང་ཐོག་ཏུ་མདོ་བ་སྡོང་ངེ་སྡེ་བའི་རྒྱལ་གཅེས་དཔའ་བོ་སྐལ་བཟང་སྦྱིན་པ་མཆོག་ལ་ནང་མི་ནས་འདས་མཆོད་རྒྱ་ཆེན་པོ་སྒྲུབ་བཞིན་འདུག་ལ།
གནས་ཚུལ་མཁོ་གཏོང་བ། བསོད་ནམས།
ཕྱི་ཟླ་༡༡པའི་ཆེས༧ཉིན་བོད་མདོ་སྨད་རེབ་གོང་མདོ་བ་ཞང་སྒྲོ་རོང་པོ་སྡེ་བའི་སྒྲོ་ཚང་ཚོ་བའི་རང་ལོ་ ༢༣ ཡིན་པའི་བུད་མེད་རྟ་མགྲིན་འཚོ་ལགས་ཀྱིས་གད་དམར་ཐང་ནས་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་པ་དང་། ཉིན་འགའི་སྔོན་ནས་མོའི་ཁྱིམ་ཚང་དུ་ཕྱོགས་གང་སར་ནས་མྱ་ངན་མཚམས་འདྲི་དང་གདུང་སེམས་མཉམ་བསྐྱེད་ཆེད་མི་མང་བརྒྱ་ཕྲག་མང་པོ་ཕེབས་དང་ཕེབས་བཞིན་འདུག་པའི་གནས་ཚུལ་ཞིག་བོད་ནས་འབྱོར་བ་ཞིག་གཤམ་དུ་མ་ཇི་བཞིན་བཀོད་ཡོད།
