འདི་ཟླའི་ཚེས་ ༡༩ ཉིན་ཡ་རྫི་རྫོང་༼ཞོང་ཧྭ༽ཁོངས་ཀྱི་རྐང་ཚ་བོད་རིགས་རང་སྐྱོང་ཞང་རྐང་ཚ་སྡེ་བ་ནས་ཡིན་པ་ཕ་བསྟན་འཛིན༼ཚེ་འདས༽དང་མ་མཁའ་འགྲོ་འཚོ་གཉིས་ཀྱི་བུ་དབང་ཆེན་ནོར་བུ་༼ རང་ལོ ༢༥ ༽ལུགས་ཀྱིས་དགོང་དྲོའི་ཆུ་ཚོད་ ༨ ཙམ་ལ་རང་ལུས་མེར་བསྲེགས་བཏང་སྟེ་འདས་གྲོངས་ཕྱིན་འདུག 

དེ་ལས་མང་བ་། “ཚེས་ ༡༩ ཉིན་ཡ་རྫི༼ཞོང་ཧྭ༽རྐང་ཚ་ནས་དབང་ཆེན་ནོར་བུས་རང་ལུས་མེར་བསྲེགས་ཀྱི་གནས་ཚུལ།” »

ཉེ་བའི་དུས་ལ། མེར་བསྲེགས་ལས་འགུལ་བ་མང་པོ་ཞིག་བྱིས་པ་རེད། ཕྲུ་གུ་རེད། སློབ་མ་རེད། ཁོང་ཚོར་མཚོན་ན། ད་ལྟ་སྤྱི་ཚོགས་ཀྱི་ཤེས་བྱ་དང་ཉམས་མྱོང་ལེན་པའི་དུས་རེད། མཐོང་རྒྱ་དང་ཐོས་རྒྱ་འཚོལ་བའི་དུས་རེད། སྐབས་དེ་འདྲ་ཞིག་ལ། ཁོང་ཚོས། སྐུལ་སློང་ཇི་འདྲ་ཞིག་བླངས་ནས། རང་ལུས་མེར་བསྲེགས་པ་འདི་མཐོང་སྐབས། ཁོང་ཚོར་གོ་སྐོན་དང་སློབ་གསོ་བྱེད་པ་ནི་ང་ཚོ་རྒན་རབས་ཚོའི་ལས་འགན་རེད། ང་ཚོས་ཁོང་ཚོའི་རང་ལུས་སྲེག་པའི་སྐབས། ཁོང་ཚོའི་མཐའ་ནས་སྐོར། ངར་སློང་། ཤུ་རྒྱབ། ཀི་རྒྱབ། དོན་དངོས་ཁོང་ཚོའི་ལག་ནས་སྣུམ་དེ་མ་བླངས།

དེ་ལས་མང་བ་། “ང་ཚོ་གཟིགས་མོ་བ་ཚོ་ནོར་གྱི་འདུག” »

དེ་རིང་ངས་བོད་ནང་གི་བོད་རིགས་ན་གཞོན་ཞིག་ལ་ཁ་བརྡ་ཡུན་རིང་ཙམ་བྱས་པ་ཡིན། དེང་སང་རེབ་གོང་གི་ཞིང་ལས་ཚར་བ་དང་། ཕོ་མོ་གཉིས་ཀ་ལ་ལས་ཀའི་བྲེལ་བ་མེད་པ་བཅས་ལ་བརྟེན་ནས་ཁ་སང་དེ་རིང་གི་ཛ་དྲག་གི་གནས་ཚུལ་འདིས་སོས་དལ་བའི་བོད་མི་ཚོའི་སེམས་ལ་མི་སྐྱིད་པའི་སྡུག་བསྔལ་ཇེ་ཆེར་གཏོང་བཞིན་ཡོད་པར་སྣང་། ལྷག་པར་དུ་ “རྨ་ལྷོ་བརྙན་འཕྲིན་”ཞེས་པའི་ནང་བོད་ཀྱི་བླ་མ་འགའ་རེས་ “རང་སྲེག་”ནི་སྡིག་པའི་ལས་ཡིན་པ་མ་ཟད། ད་དུང་ “ཀླ་ཀློའི་སྤྱོད་པ་ཞིག་རེད་”ཅེས་གསུངས་པ་དེ་ཚོ་ཁྱབ་བསྒྲགས་ཡང་ཡང་བྱེད་བཞིན་ཡོད་པ་དེས་མི་མང་གི་སེམས་ནང་མ་སྐྱིད་པའི་ཚོར་བ་ཇེ་ཆེར་གཏོང་བཞིན་ཡོད་འདུག

དེ་ལས་མང་བ་། “༧རྒྱལ་བ་རིན་པོ་ཆེས་མཚམས་འཇོག་དགོས་པའི་གསུང་འཕྲིན་ཕེབས་དགོས་པ་རེད་ཅེས་ཟེར་མཁན་མི་འདུག་ཟེར།” »

༼༡༽ དཔའ་བོ་གསང་བདག་ཚེ་རིང་གིས་རང་ལུས་མེར་བསྲེགས་བཏང་གནས།

དེ་རིང་ཕྱི་ཟླ་ ༡༡ ཚེས་ ༡༧ ཉིན་གྱི་དགོང་དྲོ་བོད་ནང་གི་ཆུ་ཚོད་ ༧ པ་ཡས་མས་ལ་རེབ་གོང་རྩེ་ཁོག་མགོན་ཤུལ་ནས་ཡིན་པ་གསང་བདག་ཚེ་རིང་ཞུ་བ་ཞིག་གིས། རྡོ་དཀར་མོ་ཞང་སྲིད་གཞུང་ཡོད་ས་ནས་རང་ལུས་མེར་བསྲེགས་བཏང་སྟེ་འདས་གྲོངས་ཕྱིན་འདུག རྡོ་དཀར་མོ་ཞང་ནི་དེང་གི་རེབ་གོང་རྩེ་ཁོག་རྫོང་ཁོངས་མགོན་ཤུལ་ཚོ་སྟེང་བཅུར་སྟངས་འཛིན་བྱེད་པའི་ས་གནས་ཀྱི་སྲིད་གཞུང་ཡིན། 

དེ་ལས་མང་བ་། “ཚེས་ ༡༧ ཉིན་ཨ་མདོ་རེབ་གོང་ནས་མི་གཉིས་ཀྱིས་རང་ལུས་མེར་བསྲེགས་བཏང་བའི་གནས་ཚུལ་ཕྱོགས་བསྡུས།” »

འདི་གར་ཚེས ༡༦ ཉིན་གནས་ཚུལ་འབྱོར་གསལ་ལྟར་ན། རེབ་གོང་ནས་མེར་བསྲེགས་ལས་འགུལ་འདི་སྐོར་མུ་མཐུད་མི་སྤེལ་བའི་ཆེད་མེར་མི་བསྲེགས་པའི་ཆེད་མཛུལ་ཐེལ་གནོན་འཇུག་གི་ཡོད་གནས་འདུག

རེབ་གོང་མདོ་བ་འབྲོག་ཁུལ་དུ་ཁྱིམ་བདག་ལ་བཙན་གྱིས་མཛུབ་ཐེལ་གནོན་བཅུག་ནས། རང་གི་བཟའ་མིའི་ནང་དུ་མེར་བསྲེགས་གཏོང་མཁན་འབྱུང་མི་ཆོག་པའི་ཁག་ཐེག་བྱེད་འཇུག་གི་འདུག་ཟེར། གལ་སྲིད་མེར་བསྲེགས་ཀྱི་དོན་རྐྱེན་བྱུང་བ་ཡིན་ན། ཁྲིམས་ཆད་ལྕི་མོ་གཅོད་རྒྱུ་ཡིན་པའི་འགྲེལ་བརྗོད་ཀྱང་བྱེད་ཀྱིན་ཡོད་འདུག དེ་མཚུངས་དགེ་འདུན་པ་རྣམས་ལའང་དེ་ལྟར་མཛུབ་ཐེལ་གནོན་འཇུག་གི་ཡོད་འདུག

དེ་ལས་མང་བ་། “རེབ་གོང་དུ་མེར་བསྲེགས་མི་འབྱུང་བའི་ཁག་ཐེག་མཛུབ་ཐེལ་གནོན་འཇུག་གི་ཡོད་གནས།” »

གནས་ཚུལ་མཁོ་གཏོང་བ། བསོད་ནམས།

དེ་རིང་ཕྱི་ཟླ་༡༡ཚེས་༡༧ཉིན་ཨ་མདོ་རེབ་གོང་སྨད་པ་ཁ་རྒྱ་སྡེ་བའི་ཕ་འབྲུག་བྱམས་དང་མ་སྒྲོལ་འཚོ་གཉིས་ཀྱི་བུ་མོ་རང་ལོ་༢༦ཡིན་པ་ལྕགས་མོ་སྐྱིད་ལགས་ཀྱིས་བོད་ནང་གི་ཕྱི་དྲོ་ཆུ་ཚོད་༤ཡས་མས་སུ། རེབ་གོང་དགའ་བདེ་ཁྲོམ་རའི་བྱང་སྒོའི་ཁ་གཏད་སྲང་ལམ་ཁྲལ་བསྡུ་ཅུའུ་ཡི་སྒོ་ཁ་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་དེ་གར་སྐུ་གྲོངས་ཡོད་འདུག་ལ། དེ་མ་ཐག་དམག་མི་ཡོང་སྟེ་སྐུ་ཕུང་འཁྱེར་རྩིས་བྱེད་སྐབས་བུད་མེད་མང་པོ་ཞིག་དང་མི་མང་པོ་ཞིག་གིས་དམག་མིའི་ལག་ནས་བཙན་འཕྲོག་གིས་རོང་བོ་དགོན་ཆེན་གྱི་སྒྲོལ་མ་ཐང་ཆེན་དུ་གདན་འདྲེན་བྱས་རྗེས།

དེ་ལས་མང་བ་། “རེབ་གོང་སྨད་པ་ཁ་རྒྱ་སྡེ་བའི་བུ་མོ་ལྕགས་མོ་སྐྱིད་ལགས་ཀྱིས་རང་ལུས་མེར་སྲེག་གནང་སྟེ་སྐུ་གྲོངས་འདུག” »

གནས་ཚུལ་མཁོ་གཏོང་བ། ཨ་རིག་འགྱུར་མེད།
ཕྱི་ལོ་ ༢༠༡༢ ལོའི་ཟླ་ ༡༡ ཚེས་ ༡༧ ཉིན་རེས་གཟའ་སྤེན་པ།
དེ་རིང་ཞོགས་པའི་ཆུ་ཚོད་དགུ་བའི་སྟེང་ངྷ་ས་བོད་ཀྱི་གསོལ་མགྲོན་ཁང་གི་ཚོགས་ཁང་ནང་ “ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་” བསྐོང་ཚོགས་བྱས་པ་དང་། ཚོགས་འདུའི་སྟེང་བཞུགས་སྒར་ངྷ་ས་ཁུལ་གྱི་ན་གཞོན་ཤེས་ཡོན་པ་ཁག་ཅིག་འདུ་འཛོམས་གནང་སྟེ། ད་ལྟའི་བོད་ནང་གི་ “རང་ལུས་མེར་སྲེག་གི་རྒྱབ་མདུན་ལ་ལྟ་བ་” ཞེས་པའི་བརྗོད་གཞི་དཀྱིལ་སྙིང་དུ་བཟུང་སྟེ་བགྲོ་གླེང་གནང་རྒྱུ་ཡིན་འདུག

དེ་ལས་མང་བ་། “ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ།” »