གནས་ཚུལ་མཁོ་གཏོང་བ། བསོད་ནམས།

ཉེ་སྔོན་མདོ་སྨད་རེབ་གོང་ཁུལ་དུ་རང་ལུས་མེར་སྲེག་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པའི་སྐད་འབོད་ནང་༼རྒྱལ་བ་རིན་པོ་ཆེ་བོད་དུ་ཕེབས་དགོས་༽ཞེས་སྐད་འབོད་བརྒྱབ་པའི་འབོད་ཚིག་ལ་རྒྱ་གཞུང་གིས་དགག་ལན་གྱི་ཚུལ་དུ་ཡིག་ཆ་ཤོག་ངོས་༡༢ཅན་ཞིག་རེབ་གོང་ས་ཁུལ་གང་སར་བཀྲམས་འདུག་པ་མ་ཟད། རེབ་གོང་དུ་སླར་ཡང་ཕྱི་ལོ་གསར་ཚེས་ཀྱི་ཚེས་པ་གཅིག་གི་སྔོན་ནས་དྲག་ཆས་ཉེན་རྟོག་པ་དང་རྒྱ་གཞུང་གི་ལས་བྱེད་གཉིས་ཀ་མཉམ་རུབ་ཐོག་ཉིན་མཚན་གཉིས་ལ་ལྟ་སྲུང་ནན་མོ་བྱེད་བཞིན་ཡོད་པ་བོད་ནས་འབྲེལ་ཡོད་ཞིག་གིས་བརྗོད་བྱུང་།

དེ་ལས་མང་བ་། “རང་སྲེག་སྐོར་ལ་རྒྱ་གཞུང་གི་ཡིག་ཆ་ཤོག་ངོས་༡༢ཅན་ཞིག་རེབ་གོང་གི་ས་ཁུལ་གང་སར་བཀྲམས་ཡོད་པ།” »

གནས་ཚུལ་མཁོ་གཏོང་བ་རྨོག་རུ་བསྟན་པ།

བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོས་སྣེ་ཁྲིད་པའི་རྒྱ་གར་བྱང་ཕྱོགས་ཀྱི་མངའ་སྡེ་ཁག་ནང་ཞུ་གཏུགས་ལས་འགུལ་ཚོགས་ཆུང་གིས་རྒྱ་གར་གྱི་མངའ་སྡེ་ཇམ་མུ་ནང་མངའ་སྡེ་གཞུང་གི་བློན་ཆེན་སོགས་སུ་མཇལ་འཕྲད་དང་། ཁྲོམ་སྐོར་སོགས་ཀྱི་ལས་འགུལ་སྤེལ་ཡོད་འདུག ཕྱི་ལོ་༢༠༡༢།༡༢།༣༡ ཉིན་སྤྱི་འཐུས་ཟླ་བ་ཚེ་རིང་དང་། སྤྱི་འཐུས་གངས་ལྷ་མོ། སྤྱི་འཐུས་དགེ་བཤེས་སྐལ་བཟང་དགྲ་འདུལ། སྤྱི་འཐུས་རྨོག་རུ་བསྟན་པ། ཧིན་རྡུའི་སྐད་བསྒྱུར་བ་བསྟན་འཛིན་བཅས་ཇམ་མུའུ་མངའ་སྡེའི་གྲོང་ཁྱེར་དུ་འབྱོར་བ་དང་།

དེ་ལས་མང་བ་། “བྱང་ཕྱོགས་ཇམ་མུ་མངའ་སྡེ་ནང་ཞུ་གཏུགས་ལས་འགུལ།” »

༸དཔལ་རྒྱལ་བ་ཇོ་ནང་བའི་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར་ཐེངས་བཅུ་གཅིག་པ་དེ། ཕྱི་ལོ་ ༢༠༡༢ ཟླ་༡༢ ཚེས་ ༣༠ ནས་དབུ་དབུ་འཛུགས་ཀྱིས་ཉིན་གྲངས་བདུན་གྱི་རིང་གནས་མཆོག་རྡོ་རྗེ་གདན་དུ་སྐོང་འཚོགས་གནང་བཞིན་ཡོད་འདུག

དེ་ཡང་ཕྱི་ལོ་ ༢༠༡༢ ཟླ་ ༡༢ ཚེས་ ༣༠ ཉིན་ནས་དབུ་འཛུགས་ཀྱིས་གནས་མཆོག་རྡོ་རྗེ་གདན་དུ་དཔལ་རྒྱལ་བ་ཇོ་ནང་བའི་སྨོན་ལམ་ཆེན་མོ་འཛམ་གླིང་ཕན་བདེའི་གྲུ་ཆར་ཐེངས་བཅུ་གཅིག་པ་འཚོགས་ཡོད་པ་དང་།

དེ་ལས་མང་བ་། “དཔལ་རྒྱལ་བ་ཇོ་ནང་བའི་སྨོན་ལམ་ཚོགས་ཐེངས་བཅུ་གཅིག་པ་དབུ་འཛུགས་གནང་བ།” »

༄༅། །དཔལ་ལྡན་སྲིད་སྐྱོང་མཁས་དབང་བློ་བཟང་སེང་གེ་མཆོག་གི་གཙོ་སྐྱོང་འོག་ཕྱི་ལོ་ ༢༠༡༢ ཟླ་ ༡༢ ཚེས་ ༣༡ ནས་ཕྱི་ལོ་ ༢༠༡༣ ཟླ་ ༡ ཚེས་ ༡ བར་ཉིན་གཉིས་རིང་བཞུགས་སྒར་དྷ་རམ་ས་ལར་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ཉེར་ལྔ་པ་བསྐོང་ཚོགས་གནང་ཡོད། ཚོགས་འདུའི་སྐབས་རང་ལུས་མེར་བསྲེགས་ཀྱི་ཛ་དྲག་གནས་ཚུལ་གྱིས་མཚོན་ཇེ་སྡུག་ཏུ་འགྲོ་བཞིན་པའི་བོད་ནང་གི་ཆབ་སྲིད་གནས་སྟངས་དང༌། ཞི་མོལ་གྱི་ལམ་ནས་གང་མྱུར་བོད་དོན་དཀའ་རྙོག་སེལ་ཐབས། དེ་བཞིན་རྒྱ་ནག་གི་འགོ་འཁྲིད་འཕོ་འགྱུར་དང་དེའི་དབང་གིས་བོད་དོན་ལ་ཕན་གནོད་ཇི་འགྱུར་བཅས་ཀྱི་སྐོར་བཀའ་བསྡུར་གནང་ཡོད།

དེ་ལས་མང་བ་། “གསར་འགོད་གསལ་བསྒྲགས།” »

༄༅།། དེ་རིང་བཀའ་ཤག་ནས་ཞི་མོལ་ཚོགས་ཆུང་ཐེངས ༢༥ པ་ཚོགས་དགོས་དོན་དང། ཚོགས་ཐེངས་འདིར་གནད་དོན་གང་ཐད་བགྲོ་གླེང་བྱས་ཡོད་མེད་ཀྱི་གསལ་བསྒྲགས་ཤིག་སྤེལ་སྟེ། ཕྱི་ཟླ ༡༢ པའི་ནང་སྐུ་ཚབ་བསྐོ་བཞག་དང་འབྲེལ་མོལ་བསྐྱར་གསོ་གནང་འཆར་གྱི་བསྒྲགས་གཏམ་མངོན་གྱུར་བྱུང་ཡོད་མེད་ཐད་གསལ་ཁ་གང་ཡང་མ་བྱས་པར། ཕྱི་ཟླ ༣ བར་རྒྱ་ནག་གི་མགོ་ཁྲིད་ཚོས་འགན་ཆ་ཚང་ལེན་རྒྱུར་མ་སྒུག་ན་འབྲེལ་མོལ་བསྐྱར་གསོ་ཡོང་མིན་ཐད་གང་ཡང་གསུང་རྒྱུ་མིན་པའི་ཚུལ་མཛད་འདུག དེ་བཞིན་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་བསྐྱར་སྒྲིག་ཙམ་བྱེད་འཆར་ལས་སྐུ་ཚབ་བསྐོ་བཞག་ལ་གྲ་སྒྲིག་གནང་བཞིན་པ་ཡིན་པའི་གཏམ་སྒྲ་ཆེན་པོ་རྣམས་ཀྱི་ཞབས་ཕྱག་ཀྱང་རྦད་དེ་ནང་དུ་བརྐུམས་ཡོད་པ་འདྲ།

དེ་ལས་མང་བ་། “འབྲེལ་མོལ་བསྐྱར་གསོ་གནང་ཐུབ་མིན་ཕྱི་ཟླ་ ༣ ནང་ཧ་གོ་བའི་རེ་བ་ཡོད་ཟེར།” »

གསར་གནས་བསྡུ་བསྒྲིགས་པ། རྫ་ཚེ་རིང་བཀྲ་ཤིས།

དེ་ཡང་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་རྩ་འཛིན་ཡིག་ཆའི་ཁོངས་སུ། ལོ་མཇུག་ཏུ། ཐའེ་ཝན་གཙོས་སྐྱེ་འགྲོ་ཡོངས་ལ་འབྱུང་བཞིའི་གནོད་འཚེ་དང་ནད་ཡམ་མུ་གེ་སོགས་ཞི་བའི་ཆེད་དུ་སྨོན་ལམ་རིགས་འཚོགས་རྒྱུ། ཞེས་འཁོད་པའི་འབྲུ་དོན་ལྟར། སྒྲོལ་མ་དུང་སྒྲུབ་ཆེན་མོ་ཐེངས་གཉིས་པ་དེ་སྔར་རྒྱུན་ལྟར་ཐའེ་ཝན་གྱི་རྒྱལ་ས་ཐའེ་པེར་འཚོགས།

དེ་ལས་མང་བ་། “ཐེངས་གཉིས་པའི་སྒྲོལ་མ་དུང་སྒྲུབ་ཆེན་མོ་ཐའེ་ཝན་དུ་འཚོགས་པ།” »