གངས་དཀར་སེམས།
ཁ་ནི་སེམས་ཀྱི་སྒོ་མོ་ཡིན། བློ་གྲོས་ཡོངས་སྒོ་མོ་དེ་ནས་ཡོང་གི་ཡོད། (ཀཱེ་གྷོ་ཙིའི་གཏམ།)
ཀཱེ་གྷོ་ཙི་ནི་རྒྱ་ནག་ལོ་རྒྱུས་ཐོག་ཡ་མཚན་ལྐོག་འགྱུར་ཅན་གྱི་མི་སྣ་ཞིག་དང་། ཁོ་ལ་ལོ་ངོ་སྟོང་གི་ཡ་མཚན་མི་སྣ་ཞེས་འབོད་ཅིང་སོ་སོའི་ལུགས་གསར་གཏོད་བྱས། ཁོས་དེ་སྔོན་ཁྲུའུ་རྒྱལ་ཁབ་ 楚國 ཀྱི་བློན་པོ་བྱས་ཤིང་། ཤེས་འཇོན་ཚད་གཞི་བརྒལ་ཞིང་བློ་གྲོས་ཕུལ་དུ་བྱུང་། ཤེས་བྱ་ཀུན་འཛོམས་ཤིང་བྱང་ལ་གསར་གཏོད་མཁན་གྱི་མེས་པོ་ཞིག་ཡིན། དེ་བཞིན་གྲགས་ཅན་གྱི་ཏཱོའོ་ལུགས་
འདྲེ་གླེན་པ།
རྒྱལ་སྲས་དུར་མཇུག་བྱས་ཀྱང་། ། རྒྱལ་དར་རོ་ལངས་བརྒྱབ་པས།། ངས་ནི་རྒྱ་མཚོའི་འགྲམ་དུ།། གངས་དང་ཕ་ཡུལ་དྲན་ནོ།།
ངེད་གཉིས་ལུང་པ་འདིར་ཡོང་ནས་ལོ་ངོ་དྲུག་མ་ཟིན་ཙམ་ཞིག་སོང་། དེ་རིང་དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ། ཞོགས་པ་མཛད་སྒོར་འགྲོ་བའི་ལམ་སྐབས་སུ་སེམས་སུ་དོན་དག་འདྲ་མིན་ཞིག་འཁོར་ཏེ་ཕྱོགས་ཡོངས་ནས་སྐྱོ་གདུང་དྲགས་པོས་རབ་ཏུ་བཙིར། དེ་རིང་གི་གནམ་གཤིས་ཀྱང་བདག་གི་སེམས་ཁམས་དང་འདྲ་བར་རི་སྔོན་པོའི་ཕྱོགས་ཀུན་སྨུག་སྤྲིན་གྱིས་བཟུང་ཞིང་རླུང་བུ་གྲང་མོ་ཕྱོགས་ནས་ཕྱོགས་སུ་ལྡང་། ཞོགས་པའི་དུས་ཚོད་དགུ་དང་ཕྱེད་མ་ཟིན་ཙམ་ལ་ས་གནས་སྲིད་གཞུང་གི་སྒོར་ཁར་འབྱོར།
ནམ་མཁའ།
སྙིང་རྗེ་ཆབ་རོལ་གངས་རི་ལས།།
དལ་འབབ་ཆུ་ཀླུང་སྙན་ངག་གི།
ལྷ་མཆོག་དབང་ཕྱུག་དབྱངས་ཅན་མའི།།
ཞབས་ཀྱི་པད་མོར་ཕྱག་འཚལ་ལོ།།
འཇིག་རྟེན་མུན་པ་སེལ་བྱེད་ཉི་ཟླ་བཞིན།།
ངག་གི་རྩ་མདུད་གྲོལ་བའི་དངོས་གྲུབ་ལྷ།།
སྙན་དབྱངས་ལྷ་མཆོག་དབྱངས་ཅན་ལྷ་མོ་སྐུའི།།
ཞབས་སོར་པད་མའི་འདབས་ལ་ཕྱག་འཚལ་ལོ།།
དེ་ལས་མང་བ་། “གངས་རིའི་སྤུན་གསུམ་ལ་སྤྲིངས་བའི་བར་སྣང་སྤྲིན་གྱི་ཕོ་ཉ།” »
གསལ་ལེ་རྒྱལ།
ད་ནི་ང་རང་གཞི་ནས་སད་བྱུང་།
ང་རང་གཉིད་ལས་སད་དུས།
ང་རང་བྲོས་བྲོས་བྲོས་ནས་ཡོང་སྟེ་མགོ་སེར་མ་ཞིག་གི་རུམ་ན་ཉལ་ནས་བསྡད་འདུག
“ གསལ་ལེ་རྒྱལ “ཞེས་ངའི་མིང་ཡང་བརྗེས་འདུག
ད་དུང་ང་ལ་བུ་མོ་ལོ་ན་བཅོ་ལྔ་ཅན་ཞིག་ཀྱང་འདུག
སྟབས་ཡག་ནས་ངས་བོད་ཡིག་ད་དུང་བརྗེད་མི་འདུག
ཆང་སྐྱེས།
ང་རང་ཉིད་ལ་མཚོན་ན་ལོ་བཅུ་ལ་བུད་པའི་ལོ་དེར་ཨ་མ་ཚེ་ལས་འདས་སོང་བ་དང་། ལོ་བཅོ་བརྒྱད་ལ་སོན་པའི་སྐབས་དེར་ཨ་ཕ་ཡང་གློ་བུར་ཏུ་ཚེ་ལས་འདས་སོང་བའི་དྭ་ཕྲུག་ལས་ངན་ཞིག་ཡིན།
ངས་བཤད་འདོད་པ་ནི་སོ་སོའི་ཕ་མའི་དྲུང་དང་ལྷག་པར་ཏུ་ཨ་མའི་བྱམས་བརྩེ་དྲོན་མོའི་ཐུ་འོག་ན་ནར་སོན་མ་ཐུབ་པའི་བྱིས་པ་ཞིག་ལ་མཚོན་ན་ལུས་སེམས་གཉི་གའི་སྟེང་ན་ཅི་འདྲའི་སྐྱི་གཡའ་བའི་སྡུག་བསྔལ་ཞིག་དང་སྲོན་མི་ཐུབ་པའི་ན་ཟུག་ཅིག་ཡོད་པ་སྐད་ཆའི་ལམ་ནས་བཤད་མི་ཤེས་པ་ཞིག་དང་ངག་གི་སྒོ་ནས་བརྗོད་མི་ནུས་པ་ཞིག་རེད། དེ་བས་ཁོ་བོས་རྩོམ་ཐུང་འདི་བརྒྱུད་ནས་ཉེ་བའི་ལོ་ངོ་བཅུ་ཡར་མར་ཞིག་གི་སྔོན་ནས་བྱིས་པ་ལོ་དྲུག་བདུན་་ཙམ་ལ་བུད་པ་ནས་བཟུང་ཕ་མ་དང་ཁ་བཀར་ཏེ་བཅའ་སྡོད་གྲྭ་ནས་ཞག་སྡོད་བྱེད་དུ་འཇུག་གི་ཡོད་པ་འདིའི་སྐོར་བསམ་ཚུལ་ལམ་ཡང་ན་ལྟ་ཚུང་ཐུང་ཐུང་ཞིག་བཤད་འདོད་བྱུང་།
ཐུབ་བསྟན་ཤེས་རབ།
དེ་རིང་བཀའ་ཟུར་རྒྱ་རི་སྒྲོལ་མས་དབུས་བུད་མེད་ལྷན་ཚོགས་ཀྱི་ཚོགས་ཆེན་ཐེངས་ ༡༣ པའི་ཐོག་གསུང་བཤད་གནང་སྐབས། ཆེས་མཐོའི་ཁྲིམས་ཞིབ་ཁང་ནས་ཁྲིམས་ཀྱིས་ངོས་བཞེས་བརྒྱུད་ནས་བརྡ་ཐོ་མ་བཏང་བར་ཐག་གཅོད་བཏང་ཡོད་པ་དང་། ཁྲིམས་ཡིག་ནང་ལ་བརྡ་ཐོ་གཏོང་དགོས་གསལ་ཡོད་པ། བརྡ་ཐོ་ཟེར་ན་ notice ཡིན་པ། རྗེས་ལ་བརྡ་ཐོ་བཏང་བ་ངོས་ལེན་བྱས་མི་འདུག་ཅེས་གསུངས་འདུག་པ་བདེན་པ་རེད་མི་འདུག ཆེས་མཐོའི་ཁྲིམས་ཞིབ་ཁང་ནས་ ༢༠༢༠།༩།༢༥ ཉིན་སྤྱི་འཐུས་རྒྱུན་ལས་མཐའ་མའི་བཀའ་ཁྱབ་བཏང་བ་དེར་བལྟས་ན།
༡༽ བཀའ་ཁྱབ་ཀྱི་དོན་ཚན་ ༡་ཐ་ ནང་། དུས་བཀག་ ༢༠༢༠།༩།༤ བར་བཅའ་ཁྲིམས་ཀྱི་བཀའ་རྒྱ་ལག་བསྟར་ཐུབ་པའི་ཐབས་ལམ་མ་བསྟེན་ཚེ། ་་་་ཆད་འགེལ་བྱེད་དགོས་ཆགས་རྒྱུའི་བཀའ་ཁྱབ་ཏུ་ཞེས་གསལ་འདུག་པས། འདི་ཐག་གཅོད་རེད་གསུང་ས་འགྲོ་གི་མི་འདུག
དེ་ལས་མང་བ་། “རྒྱ་རི་སྒྲོལ་མས་གསལ་བཤད་ཅིག་གནང་དགོས་ཀྱི་འདུག” »
བུ་དར་སེན་ཚ།
ན་ནིང་ད་གོང་དུས་ལ།།
མིག་ལོང་གཡམ་རྒྱུག་མང་བ།།
ཕྱོགས་ཞེན་ནད་ཀྱིས་བཟི་ནས།།
མཉམ་གཅིག་རྒུད་དགོས་ཐུག་བ།།
རིགས་ཞེན་བསམ་པ་དཀར་པོས།།
ཁ་བརྡའི་འཕྲིན་ཐུང་བསྐུར་བ།།
གོ་བ་རྟ་རྔ་རྩམ་རེད།།
དོན་འགྲུབ་བཀྲ་ཤིས།
ཁ་བ་དང་བུ་ཡུག་འཚུབ་པའི་དོ་ནུབ།
ཁ་བ་མཐུག་དྲགས་པའི་རྐྱེན་ནམ།
རླུང་བུ་ལྡང་དྲགས་པའི་རྐྱེན་གྱིས།
རྒྱང་བཞུད་བུ་ལོས་ས་སྲོད་ཀྱི་མྱ་ངན་ཐང་ནས་རྐང་ལམ་བསྙེགས།
དོ་ནུབ།ཉེ་འདབ་ཀྱི་ཁོར་ཡུག་ལ་ས་སྲོད་ཀྱི་མྱ་ངན་ཐེབས་དུས།
མ་གཞི།
བུ་དར་སེན་ཚ།
མཚན་མོའི་ཟླ་ངོགས་དུང་ཞེན་སེམས་པ་དེ།།
སིལ་སིལ་རླུང་བུས་དལ་གྱིས་ལྷོད་པའི་ཚེ།།
ཐན་བྱ་འུག་པའི་སྐད་ངན་དྲ་ངོགས་ཁེངས།།
བསྟན་བཤིག་ནག་པོ་རྒྱལ་བ་ཕྱོགས་རེའི་དོན།།
སྐར་ཚོགས་སྟོང་ཚོ་ནམ་མཁའི་མཛེས་རྒྱན་ཡག།
སྐར་མའི་འོད་ཀྱིས་མུན་ལམ་མ་སེལ་ཡང་།།
དཀར་ནག་ཉིན་མཚན་འབྱེད་པའི་མཚོན་རྟགས་ནུས།།
རྩོམ་པ་པོ། ན་ཟླུམ་བསྟན་འཛིན་ཚེ་རིང་།(ཨ་མའི་བུ།)
ཆ་མ་སྙོམས་པའི་ཁ་སང་དེ་རིང་ཡ་མཚན་གྱིས་ཧལ་སོང་། ལ་ལ་ནི་སངས་རྒྱས་དབུ་ལ། བྱིས་པའི་ལག་རྩེད། ལ་ལ་ནི་ཕྲག་དོག་ཁྲག་གིས་སྨྱོ་སྟེ་སངས་རྒྱས་ལའང་ཀ་ཁ་སློབ་ཁྲིད། ཆུ་མགོ་ནས་རྙོག་ན་དྭངས་མེད་རེད། འགྲིགས་མགོ་ནས་འཆོལ་ན་བཅའ་མེད་རེད། སྤུན་ཟླའི་མདུན་དུ་མིག་ཧྲིག་ཧྲིག དགྲ་བོའི་མདུན་དུ་འདར་སིག་སིག ། ཁྱིམ་ཚང་ནང་དུ་མཁས་མདོག་མདོག དགྲ་བོའི་ཕྱོགས་སུ་དཔའ་ཞུམ་ཞུམ། ནང་ཁུལ་དུ་མགོ་བོ་འཕྲེད་དུ་གཡུག་གཡུག ། དགྲ་ཕྱོགས་སུ་མགོ་བོ་ས་ལ་སྒུར་སྒུར་སོགས་ནི་མཁས་པའི་བཞད་གད་ཀྱི་རྒྱུ་ཁོ་ན་ལས་རྩ་དོན་འཐབ་རྩོད་ཅིག་ག་ལ་ཡིན་སྲིད། ཡོད་པ་དེ་མེད་པར་བཟོས། ད་ར་དེ་ཆུ་ཁུ་རུ་བཏང་ན། གོ་ལྡོག་པའི་སྐྱབས་བཅོལ་བ་ཚོ་རང་ཡུལ་དུ་ཕྱིར་ལོག་ཨེ་ཐུབ། ནང་ལ་སྟག་དང་། ཕྱི་ལ་ཞི་མི་བྱེད་མི་ཉན། མཁྲེགས་འཛིན་གྱི་ལྟ་བ་དང་ཁེངས་དྲེགས་ཀྱི་རྨོངས་ཞེན་མྱུར་དུ་དོར། སེར་ཁ་གས་པའི་ཕ་ས་དེ་སླར་གསོའི་ཆེད་དུ། འཐབ་རོགས་ནང་ཁུལ་དུ་རང་ཤེད་དང་འཁོན་འཛིན་བྱེད་པ་ནི་ཞི་འཇམ་གྱི་འགེགས་རྐྱེན་གཙོ་བོ་ཞིག་ཡིན་པར་ངེས་ཤེས་དགོས། ལྟ་བ་རྟེན་འབྱུང་གི་འདུ་ཤེས་ཡོད་ཚེ། མང་གཙོའི་ཀ་བ་གསུམ་ཡང་
གཞུང་པ་ཚེ་དབང་བསོད་ནམས།
ཉེ་ལམ་སྤྱི་འཐུས་གྲོས་ཚོགས་ནས་བཅའ་ཁྲིམས་དོན་ཚན་ ༦༣ པའི་ནང་གསེས་༤ པའི་འོག་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་པ་ཆ་ཚང་གསང་བའི་འོས་བསྡུའི་ལམ་ནས་འཕོ་འགྱུར་བཏང་བ་དེ་བཟང་སྤྱོད་དང་ཁྲིམས་མཐུན་ཆགས་ཡོད་མེད་ཐེ་ཚོམ་ནང་ལྷག་པ་ནི། དང་པོ་བཅའ་ཁྲིམས་དོན་ཚན་ ༦༣ པའི་ནང་གསེས་ ༤ པ་དེ་ཆེས་མཐོའི་ཁྲིམས་ཞིབ་ཁསང་གི་ཁྲིམས་ཞིབ་ཚོའི་ལོ་དུས་ཡིན་པ་ལས་འཕོ་འགྱུར་གཏོང་རྒྱུའི་དོན་ཚན་དེ་བཅའ་ཁྲིམས་དོན་ཚན་ ༥༤ ནང་གསལ་ཡོད་ན་སྤྱི་འཐུས་ཚོའི་རྒྱལ་བ་ལྔ་པ་དང་ཟླ་བ་ལྔ་པ་ནོར་བ་མ་རེད་དམ། གཉིས་པ་ཆེས་མཐོའི་ཁྲིམས་ཞིབ་ཚོ་འཕོ་འགྱུར་མ་བཏང་གོང་ཁྲིམས་ཞིབ་པ་ཚོར་འབྲེལ་བཤད་རྒྱག་རྒྱུའི་གོ་སྐབས་ཙམ་ཡང་མེད་པར་གསང་བའི་འོས་བསྡུའི་ལམ་ནས་འཕོ་འགྱུར་བཏང་བ་ནི་བཙན་བྱོལ་བོད་མིའི་མང་གཙོའི་སྒྲིག་འཛུགས་ལ་མཐོང་ཆུང་དང་དམའ་འབེབས་བྱས་པ་ཞིག་མ་རེད་དམ། གསུམ་པ་བཅའ་ཁྲིམས་དོན་ཚན་ ༦༣ པའི་ནང་གསེས་ ༤ པའི་ནང་ཆེས་མཐོའི་ཁྲིམས་ཞིབ་སུ་རུང་གསལ་བ་ལས་ཁྲིམས་ཞིབ་ཆ་ཚང་གསལ་མི་འདུག་ལ་གསང་བའི་འོས་བསྡུ་སྐོར་ཡང་གསལ་མི་འདུག་ན་སྤྱི་
དམག
གཟའ་མཇུག་གི་དུས་ཚོད་མཇུག་རྫོགས་ནས་ཕྱིར་སློབ་གྲྭར་ལོག་སྐབས། དཔེ་ཆ་བླུ་བའི་གོམས་གཤིས་ཡོད་པ་ལྟར། ཉེ་ལམ་བོད་འགྱུར་བྱས་པའི«ཞར་ལའོ་ཁྲིའི་སྡོམ་ཐག»ཅེས་པ་དེ་བླུས་ཤིང་། སློབ་གྲྭར་འབྱོར་བའི་དགོང་མོ་དེ་ནས་བཟུང་ཐན་ཐུན་རེ་བཀླགས་པ་དང་། ཉིན་གསུམ་གྱི་རྗེས་སུ་བཀླགས་ཚོར་ཐན་ཐུན་འབྲི་ཁུལ་བགྱིས་པ་གཤམ་དུ།
རྩོམ་པ་པོས་སོས་དལ་བག་ཕེབས་ཀྱི་ཞིང་གྲོང་གི་འཚོ་བ་རྩོམ་གྱི་བརྗོད་བྱར་བཟུང་ཏེ། དེར་གནས་་་་་བཅས་བའི་སྒོ་ཕྱུགས་ལུག་དང་ཕག རྟ། བ་གླང་། ངང་བ་དང་ངུར་བ། ཙི་གུ སྡོམ། བ་མོ་སོགས་ལ་རབ་རྟོག་གི་ལམ་ནས་མི་སྐད་སྨྲ་རུ་བཅུག་པ་དང་། ལོ་ན་བརྒྱད་ལ་སོན་པའི་བུ་མོ་ཆུང་ཆུང”ཧྥིར”གྱིས་མིག་དབང་སྤྱད་དེ། ཁྱིམ་གྱི་སྒོ་
དེ་ལས་མང་བ་། “«ཞར་ལའོ་ཁྲིའི་སྡོམ་ཐག»གི་བཀླགས་ཚོར་ཐན་ཐུན།” »
པདྨ་དགོས་འབྱོར།
ཅུང་ཟད་བྲེལ་ཟིང་ནམ་ཟླར།།
ཁྱར་ཁྱོར་སྙན་ངག་ལོ་མ།།
ལྷགས་པས་གར་བདས་མེད་འདྲའི།།
གློ་བུར་སྣང་སེམས་སྦྲིད་བྱུང་།།
ཉན་ན་ཡ་རབས་ལུགས་བཟང་།།
གཏམ་གྱི་ཆུ་མོ་རྒྱུགས་འོང་།།
བལྟས་ན་འཇིག་རྟེན་སྲིད་པ།།
འགྲན་བརྩོད་ཡོ་ལང་འཚུབ་ཀྱི།།
བློ་བཟང་རིན་ཆེན་གྱིས།
མདང་དགོང་ཉལ་ཁ་ནས་དམ་བཅའ་བཞག་པ་ལྟར། དེ་རིང་ཞོགས་པ་ནས་<<ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་>>ཀྱི་ཁ་ཕྱེས་ཏེ་ཆོས་ལུགས་ལ་མ་འབྲེལ་བའི་བཟང་སྤྱོད་ཀྱི་ཀ་བ་གཉིས་ཟེར་བའི་ཚན་པ་ལ་ཞིབ་ལྟ་བྱེད་རྒྱུ་བྱུང་། མ་གཞི་ཏོག་དབྱིབས་ནད་ཡམས་དེ་ཐག་རིང་ནས་ཐག་ཉེར་ཁྱབ། ཐག་ཉེ་ནས་ཆས་ཐག་ཉེར་ཁྱབ་སྟེ་ད་སྐབས་ངའི་འཛིན་གྲོགས་དང་། གྲྭ་ཚང་འདིའི་དགེ་འདུན་པ་མང་པོ་ཞིག་ལ་ནད་ཡམས་དེས་མནར་བཞིན་མཆིས། མ་ཟད་རང་ཉིད་ལ་མྱུར་དུ་ནད་ཡམས་དེས་མནར་མི་སྲིད་པ་གཏན་མིན་པའི་སྐབས་འདིར། བླ་མས་བྱིན་རླབས་གནང་བའི་རིལ་བུ་དང་། བོད་རང་གིས་བཟོས་པའི་སྨན་མཆོག་རིན་ཆེན་རིལ་བུ་རེ་ཟོས་ནས་ལུས་ཁམས་གསོ་ཐབས་བྱེད་པ་ནི། ལྷ་རྗེ་མཁས་དབང་ཚོས་འུ་ཅག་ལ་གནང་བའི་ལམ་སྟོན་གལ་བོ་ཆེ་ཞིག་རེད།
ནམ་མཁའ།
ཕྲན་གྱིས་རྒྱུན་ཏུ་བཤད་བཞིན་པའི་གྲོས་ཚོགས་ར་བ་ནི། གད་སྙིགས་ར་བ་ཞིག་རེད་ཟེར་བ་ལྟར། གྲོས་ཚོགས་ར་བའི་ནང་གཙང་ཕྱགས་བྱེད་རན་ཡོད་པ་མ་ཟད། འཕྱི་དྲགས་པའི་སྐྱོན་འདུག་སྙམ། འོ་ན་གཙང་ཕྱགས་བྱེད་མཁན་དེ་སུ་ཡིན་ནམ་ཅེས་དྲི་བ་ཞིག་རང་བཞིན་གྱིས་སླེབས་ངེས་ཡིན། དེ་ནི་བཙན་བྱོལ་སྤྱི་ཚོགས་ཀྱི་འོས་ཤོག་འཕེན་མཁན་ཚོ་ཡིན་ལ། ལྷག་པར་དུ་ཡང་ཆོལ་གསུམ་ཆིག་སྒྲིལ་དང་དྲང་བདེན་ལ་དགའ་བའི་བཙན་བྱོལ་བོད་མི་ཚོ་ཡིན།
ང་ཚོ་ཆ་ཚང་གིས་ཆོལ་གསུམ་ཆིག་སྒྲིལ་དང་དྲང་བདེན་གྱི་ལམ་ཁར་བསྐྱོད་དགོས་ཞེས་མ་ཎི་བཞིན་བགྲངས་ན་ཡང་། ད་ཐེངས་ཡང་བསྐྱར་སྐབས་བཅུ་
དེ་ལས་མང་བ་། “ཆོལ་གསུམ་ཆིག་སྒྲིལ་དགོས་ན། གྲོས་ཚོགས་ར་བའི་ནང་གད་བརྡར་བྱེད་རན་འདུག” »
བོན་རྒྱ་བསྟན་འཛིན་རབ་རྒྱས།
སྒྲིག་འཛུགས་དང་མང་གཙོ་ལ་ཉེན་ཁ་འཕྲད་པའི་སྐབས་སུ། འགན་ཁུར་རྒྱུ་གལ་ཆེན་རེད། ད་ལྟ་ཉེན་ཁ་འདི་ལས་སྐྱོབ་ཐབས་ནི་གྲོས་ཚོགས་ལས་གཞན་ལ་ཡོད་མ་རེད། གྲོས་ཚོགས་ཀྱིས་འགན་ཁུར་ན། རང་གིས་བཟོས་པའི་ནོར་འཁྲུལ་རང་གིས་གཙང་མ་བཟོ་དགོས་པ་རེད། ནོར་འཁྲུལ་གཙང་མ་མ་བཟོས་པར་”དགོངས་དག ང་ནོར་སོང་”ཞེས་དགོངས་པ་ཞུས་ནས་སོང་ན། ནོར་འཁྲུལ་ནི་སྔར་བཞིན་ནོར་འཁྲུལ་གྱི་ངོ་བོར་ཡོད།
དེ་རིང་སྤྱི་འཐུས་བློ་བཟང་ཆོས་འབྱོར་གྱིས་སྤྱི་འཐུས་ནས་དགོངས་པ་ཞུས་འདུག ནོར་བ་ངོས་ལེན་གནང་བ་སྙིང་སྟོབས་རེད། མང་གཙོའི་འཐུས་མིའི་བཟང་སྤྱོད་བླ་མེད་ཅིག་ཡང་རེད། ཡིན་ནའང་། གནད་འགག་གི་སྐབས་འདིར་དེ་ལས་ཀྱང་ནོར་འཁྲུལ་གཙང་མ་བཟོ་བ་དེ་དགོས་ངེས་རེད། དེ་རིང་ཟམ་གདོང་རིན་པོ་ཆེའི་བཅར་འདྲི་བརྒྱུད་ལམ་ལ་སླེབས་པ་དང་། སྐྲག་སྣང་དང་འཇིགས་སྣང་གིས་ཅི་བྱ་བརྟོལ་
དེ་ལས་མང་བ་། “བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)” »
ཟླ་བ་འོད་ཟེར།
གཅིག སྐྱེམ་པ་ཚེ་དབང་རྒྱལ་བའི་གསོ་རིག་རྒྱུད་བཞིའི་འགྲེལ་བ།
སྐྱེམ་པ་ཚེ་དབང་རྒྱལ་བོའི་གསོ་རིག་རྒྱུད་བཞིའི་འགྲེལ་བ་བཀླགས་ནས་གྲུབ། འོ་ཚང་ཚོགས་ཆེན་གྱིས་གཙོ་བྱས་མཚོ་སྔོན་ཞིང་ཆེན་བོད་ཀྱི་གསོ་རིག་ཞིབ་འཇུག་གླིང་གིས་བསྒྲིགས་ཤིང་མི་རིགས་དཔེ་སྐྲུན་ཁང་གིས་དཔར་དུ་བསྐྲུན་པའི«བོད་ཀྱི་གསོ་རིག་ཀུན་བཏུས»ཀྱི་ནང་དུ་བཞུགས་པ་དེ་དང་། མཚོ་སྔོན་ཞིང་ཆེན་བོད་ཀྱི་གསོ་རིག་ཞིབ་འཇུག་གླིང་གིས་བསྒྲིགས་ཤིང་མི་རིགས་དཔེ་སྐྲུན་ཁང་གིས་དཔར་དུ་བསྐྲུན་པའི«བོད་ཀྱི་གསོ་བ་རིག་པའི་གནའ་དཔེ་ཕྱོགས་བསྒྲིགས་དཔེ་ཚོགས»ནང་དུ་བཞུགས་པ་དེ་དང་། མཚོ་སྔོན་བོད་
རྩོམ་པ་པོ། སྐྱེས་སར་འཕྲིན་ལས། འོས་སྦྱོར་བ། སྐྱེས་སར་ཀླུ་སྒྲུབ།
གཅིག
ལོ་གཉིས་ཡར་སྔོན་གྱི་དེ་རིང་ནི་ཨ་ཁུ་ཤེས་རབ་རྔ་བ་ཀིརྟི་དགོན་ནས་བཙན་དབང་གིས་ས་མཐར་སྤྱུགས་པའི་ཉིན་མོ་ཡིན། སྤྱིར་བཏང་གྱོད་ཉལ་དོན་རྐྱེན་གྱི། རྒྱུ་དངོས་རྐྱེན་གསུམ་གང་ལ་བསམ་རུང་། བོད་ཀྱི་དགོན་སྡེ་སྤྱིའི་ཁ་ཕྱོགས་དང༌། གང་ཟག་སྒེར་གྱི་རང་དབང་། མང་གཙོའི་འཛིན་སྐྱོང་ལམ་ལུགས་སོགས་དང་འབྲེལ་བའི་དོན་ཆེན་ཞིག་ཡིན་པ་བཤད་མི་དགོས་ལ། ངོས་ཟུར་གཞན་ཞིག་ནས་བསམ་ན། དོན་རྐྱེན་དེ་ནི་ཚོགས་སྒེར་སུ་ཞིག་གིས་དབང་ཤུགས་ཀྱིས་གཏམ་བདེན་པ་སྨྲ་བའི་སྐྱེས་བུ་ཞིག་ལ་མནར་གཅོད་བཏང་བའི་ལོ་རྒྱུས་ཤིག་དང་། དགོན་སྡེ་བྱེ་བྲག་པ་ཞིག་ལོག་ལམ་དུ་ཞུགས་པའི་གོ་རིམ་ཡང་ཅི་ལ་མིན།
དེ་ལས་མང་བ་། “སྒེར་གཅོད་ཡིན་པ་འདྲ་འདྲ་རེད། སྨྲ་བརྗོད་རང་དབང་དང་འབྲེལ་བའི་རྩོམ་ཡིག་ཅིག” »
ཨ་འདུས་པ།
‘’་རང་གི་རིགས་ལ་ཞེན་པ་དཀར་པོའི་མདངས།། ,, འཇིགས་མེད་སྙིང་གི་སྒོ.མོར་འཁྱིལ་བ་ཅན།། ཤེས་རབ་རྒྱ་མཚོ་འཕྱུར་བའི་རླབས་གཅིག་གིས།། ཀླ་ཀློའི་དཔུང་ཚོགས་འདར་བའི་ཚུལ་ལ་ལྟོས།། ཟླ་ཤས་གོང་གྲོགས་པོ་ཞིག་གིས་ཨ་ཁུ་ཤེས་རབ་ཁྲི་འདུ་ནས་ཉེན་རྟཔག་པས་བཙན་ཁྲིད་བྱས་འདུག་ཅེས་བརྗོད་སོང་། དེ་མ་ཐག་སེམས་ན་ཞེད་སྣང་འཇིགས་ཡེར་བ་ཞིག་རང་དབང་མེད་དུ་སྐྱེས་ཤིང་། རིམ་གྱིས་ཞེད་སྣང་དེ་ཡང་བརྗེད་དཀའ་བའི་ཕངས་སེམས་ཤིག་གི་ངོ་བོར་འཕོས་ཏེ་སེམས་ན་
འབུམ་ཚང་རབ་རྒྱས།
དབུ་དཀར་ཚང་སྐལ་རྡོར་ལགས་ཨ་རིའི་དོན་གཅོད་ཡིན་སྐབས། ༸གོང་ས་མཆོག་གི་སྐུ་པར་མར་ཕབ་ནས་བློ་བཟང་སེང་གེའི་པར་ཡར་བཞག་པའི་གླེང་སློང་དེ་བྱུང་། དེ་ནི་ཉིས་སྟོང་བཅུ་བཞི་ལོའི་གནས་ཚུལ་རེད། གླེང་གཞི་དེ་བྱུང་ནས་ད་ལྟ་བར་མི་ལོ་བདུན་ཕྱིན་ཡོད། དངོས་ནས་བྱས་ན། ད་ཆ་ཕྱི་གསལ་ནང་གསལ་ཆགས་དགོས་ཚོད་ཡིན་ནའང་། འབྲེལ་ཡོད་ཚོས་ག་ཚད་གསལ་བཤད་བྱས་པ་དེ་ཚོད་ཀྱིས་གསལ་བཤད་དང་མང་ཚོགས་ཀྱི་ངོས་འཛིན་གཉིས་ཀྱི་བར་ཐག་ཇེ་རིང་དུ་འགྲོ་བཞིན་ཡོད། ཡང་སྙིང་ག་རེ་བྱས་པ་རེད།
དྲ་ལམ་ན་བརྙན་ཞིག་འགྲོ་གི་འདུག དེར་བལྟ་ཉན་བྱས་པ་ཡིན། ཕལ་ཆེར་དོན་ཟུར་སྐལ་རྡོར་ལགས་ཀྱིས་སུད་སི་ནས་བཤད་པ་ཞིག་ཡིན་པ་འདྲ། གསལ་བཤད་དེའི་དོན་སྙིང་ནི། སྐུ་པར་ཕབ་པ་རེད་ཟེར་བའི་སྐད་ཆ་དེ་གཞི་རྩ་མེད་པ་རེད། བདེན་པ་མེད་པ་རེད། དེ་དཀྲོགས་གཏམ་རེད་ཅེས་པ་འདི་རེད། གཤམ་གྱི་ཚིག་དུམ་འདི་གཉིས་ནི་སྲིད་སྐྱོང་འོས་མི་སྐལ་རྡོར་ལགས་ཀྱིས་རང་ཉིད་དོན་གཅོད་
